SO THITHO A PAKABTAD A INGD A SAUDI ARABIAH KO ILAYANON O KHIPAGIINONTOLAN

===================================================

SABAP KO KIYAPAKADAKL O MGA KATHARO PANTAG SANGKAI INGD A SAUDI RABIAH KAGIYA SKANIYAN I MALA A MAPAPANMPANG SII KO KAPHPHADNGA SII OMAN I FITNA A MIBAGO SII KO MGA PAGTAW A MGA MUSLIM NA SO MGA TAW A KHIKATATAGOAN SA SIIG SANGKAI A INGD SAUDI ARABIAH MLAGID SO DATU ULAMA NORMAL A TAW NA MARATA A DINIYAN DII KANDAGIDAYA SANGKAI A PAKABTAD A INGD SAUDI ARABIAH.

IKADOWA NA SO MGA TAW A MAIITO I KNAL KO THITHO A DII MANGGOGOLAWLA NA SABAP KO KADAKL O MGA "SHOBOHAT" A DII IPAMAYAPAT O MGA TAW A ROMIRIDO NA GO KASISIIGAN SANGKAI A INGD A SAUDI ARABIAH NA PHKHABALOY OTO LIMPANGAN SII KO MGA IITO I KNAL NA SALAKAW A KAPHKHAPIKIRA IRAN KO DIINGGOLA OLAAN A SAUDI ARABIAH NA DIIRAN DII KAPANAROAN SA MGA RARATA A SIRAN NA DIIRAN MAIINNGKA SO KARIRIBAT IRAN NA GO SO KASASALIMBOTI IRAN SANGKAI A INGD A SAUDI KO KAPHAGALOYA IRANON SA MARATA A DIRON MANNMA.

MGA PAGARI KO GIYANGKAI SAUDI ARABIAH NA IPHOON KO KIYAPAKATINDGIYAN NA DADN A BANIYAN LAGID A INGD SA DUNIYA A KHAILAYAN SII KO THITHO A DII KANGGALBKA SII KO CORRECT A ISLAM.

INGD AYA A INIBANGONON NA SO KAPAKAISA ISAA SII KO ALLAH – AL-TAWHEED- SA PIYAKARAGONDON SO MGA KAPANAKOTO GO SO MGA BID-AH A MATATAGOON SII KO MUNA, NA GO AYA KOKOMANON NA SO SHARIAH ISLAMIYAH SA APIIYA DI TANTO COMPLETO OGAID NA SO KALAAN SII KO SHARIAH NA IPHKHOKOM SANGKAI A INGD.

GIYANGKAI A SAUDI ARABIAH NA SO MGA DATUON GO SO MGA ULAMA ON NA TANTO A MALA SO PANAMAR IRAN KO KAPAKADAYAMANGA SII KO CORRECT A AQEEDA SIIDN SANGKAI A PILAWALAWANGAN A DONIYA.

PHKHAILAY TANO A MBASAAN I LANGON A INGD SA DUNIYA NA ADN A MGA ULAMA IRANON A DIIRAN DII PAKANDAAWAAN SII KO THITHO A KAPAGISLAM, GO LANGON A INGD SA DUNIYA A MASOSOROT NA ADN A MGA MURITON A MIYAPAKAPANGADI IRAN SANGKAI A INGD A SAUDI SII KO MGA ALAON A MGA MADRASAH SA TAMANDN IMANTO NA MITATAROSDN ANAN.

SO AWIDA AKAL IRAN SII KO MGA BAGO A MGA MUSLIM NA TANTO A MAIILAY, KA TANTO A MADAKL SO MGA CENTER IRAN A PARABO KO MGA BAGO A MGA MUSLIM NA GO SO MGA TAW A DIINDAAWA PANTAG KO MGA KNABA MGA MUSLIM NA ISSNGGAYRANDN ANAN A TATAGOAN SA KAIMPORTANTI.

SO PANABANG IRAN SII KO MGA INGD A MGA MUSLIM NA TANTODN A MALA KA DADN A LAWAN IRAN A INGD SA DUNIYA A MALAI KATABANG SII KO MGA INGD O MGA MUSLIM, APIYAPN SO MGA INGD A MGA KA-FIR NA PHTHABANGAN IRAN PARA PHKHAKILANG SII SA DONIYA SO KAPIYA I PAPARANGAYAN O MGA MUSLIM NA GO AN PHKHALAYAM SO PUSO O MGA RIDOAY SII KO ISLAM KA BADI KALOKALO NA MAKASOGO OTO KASOLD IRAN SII KO ISLAM.

GIYANGKAI A SAUDI ARABIAH NA RON MATATAGO SO DOWA DARPA A DADN A DATARIYAN SA DONIYA A MALAI ARGA SII KO ALLAH NA GO SO MGA MUSLM A GIYANAN SO DOWA A HARAM, ( BAYTOLLAHI HARAM, GO MASJID AL-NABAWI ).

NA TANODINIYO A SO ALLAH NA INALOYNIYAN SA QUR-AN A AYABO A ZARIGANIYAN A MAKAPHTHANDINGAN PHIYAPIYA SA BAYTOLLAH NA SO MGA TAW A ZISII KIRAN SO THITHO A KALK SII KO ALLAH.

PHITHARO O ALLAH :

(  إنما يتولاه المتقين ولكن أكثرهم لا يعلمون )AL-ANFA-L 34

MAANA : AYABOMAN A MAKAPHANGOWALI – SA BAYTOLLAHIL HARAM- NA SO KHIKAALKN SII KO ALLAH, OGAID NA SO KADKLAN KIRAN A MGA TAW NA DIIRAN ANAN KATAW.

NA SAMANAN NA MARAYAG A INOKIRAMPN INISARAG O ALLAH A BAYTOLLAHIL HARAM KA ZISII KIRAN ANGKANAN A SIFAT A "TAQWA".

NA MIYAILAY MAMBO O LANGON A PHPHAKASONG SANGKAI A INGD SAUDI ARABIAH SO TANTO A KASISIYAPA NA GO KAPHIPHIYAPIYA O MGA DATU NA GO MGA ULAMA SA SAUDI ARABIAH SANGKAI A DOWA A HARAM, NA GO SO KAPHZAKAWAIRAN SA MAPIYA KO LANGON O PHLAWION SA DII MAMAG HAJJ ODI NA UMRA.

GIYANGKAI A INGD A SAUDI ARABIAH NA NDODON SO MGA ULAMA A THITHO A MGA ALA I KNAL SII KO ISLAM NA GO KHIKKDN SII KO THITHO A ONTOL A AQEEDA, MGA ULAMA A OOGOPAN IRAN SO MGA DATUIRAN SA DII KAPAKANGGAGAYAN O KAMAPIYAON O ISLAM NA GO SO PAGTAW SA ONOT OTO KO SOGOAN O ALLAH GO SO RASOLOLLAH S.A.W. , NA SO MGA DATU IRAN MAMBO NA PAGAADATAN IRAN SO MGA ULAMA IRAN NA GO SO MGA GALBK IRAN PANTAG SII KO KAPHAGINGD NA SIIRAN DII PAKAMBKNA KO SABOTON O MGA ULAMA IRAN.

GIYANGKAI A SAUDI ARABIAH NA AYABO INGD A MABABANGON SA THITHO A DII MAKAPRARAD SO – HAY-ATOL AMR BIL MA-RO-F WANNAHI ANIL MUNKAR- OFFICENA A PARA KO KASOGO SA MAPIYA GO KASAPAR SA MARATA, A BBGAN SA MALA A BAGR KA ADN A MGA SONDARONIYAN A ISSNGGAYRON.

GIYANGKAI A SAUDI ARABIAH NA SO MGA WEBSITE SA INTERNET A MGA RARATA NA SASAPNGAN IRAN KA AN DI PHAKABINASA SII KO PAPARANGAYAN O MGA KANGODAAN.

GIYANAMBO SO SABAAD KO MGA PIPIYA SII KO ISLAM A MATATAGO SANGKAI A SAUDI ARABIAH A DA SII KO SALAKAWRON NA DATANO MAALOY SO SABAADON.

NA SABAP SANGKAI MGA SIFAT A MGA MAPIYA A MATATAGO KO MGA DATU SANGKAI A INGD A SAUDI ARABIAH GO SO MGA ULAMAON NA GO SO KAPAKATHITHITHO O MGA PANARIMA IRAN NA BOBOTAWANAN KIRANO MAMBO O ALLAH SO LIMOIYAN A MAKAPOPOON SII KO LANGIT AGO SO LUPA.

SA DATAR O KIYATHARO AWN O ALLAH :

(وَلَوْ أَنَّ أَهْلَ الْقُرى آمَنُوا وَاتَّقَوْا لَفَتَحْنا عَلَيْهِمْ بَرَكاتٍ مِنَ السَّماءِ وَالْأَرْضِ) AL-ARA-F 96.

MAANA : O MANAYABO KA MATAAN A SO TAW KO INGD NA MARATIYAYA SIRAN NA GO MANANGGILA SIRAN NA BOTAWANAN AMI KIRAN SO KABARAKAT – MADAKL A MGA KAMAPIYAAN – A MAKAPOPOON SII KO LANGIT NA GO SO LUPA.

NA ALHAMDULILLAH KA SII SAUDI ARABIAH NA KHAILAYRON ANGKANAN A LIMO O ALLAH A INIPHASADIYAN KO MGA URIPNIYAN A KHIPAPARATIYAYA GO KHIPANANANGGILA.

NA O ADN PHKHAN-G TANO A MGA KHIPAGIINGARAN SA MGA ULAMA A MIYANGA KAKALABOSO SANGKAI A INGD NA SABAP OTO KO MGA ULAMA OTO A DI KOMKDG KO OKIT A UNTOL O AHLU SUNNAH WAL JAMAA KA MGA ULAMA OTO A AYA DIIRAN DII IPANOLON SII KO MGA TAW NA SO FITNA KA SII SIRAN ZOSORAMIG KO MGA GROUPO A KHIPAKA SISILAY, DATAR A IKHWA-NOL MOSLEMEEN GO SO SALAKAWRON.

NA BOKHAG SO TAW A MIYAKAPAMISITA SAYA A ZORANGN IYAN  ANGKANAN A MIYANGA AALOYTANO.

SABAP SAN NA SO KAPHKHOKOMA O TAW SA KA-RIR ANGKAI A SAUDI ARABIAH SABAP KO DIIRAN DII KAPAKI PAKINDOLONA SII KO MGA ALA A INGD O MGA RIDOAY NA  SABAP OTO KO KAITO IYAN I KNAL, APIYAPN MAGIINGARAN SA A'LIM NA ALIM A DI PHAGISTADI KA DINIYAN KATAWAN I THITHO A MGA KOKOMAN SII KO ISLAM NA GO SO PAKAMBTAD ANGKAI A MGA INGD A MGA MUSLIM.

IKADOWA NA KATATAGOAN SA SIIG SANGKAI A INGD SABAP KO MATATAGO A MGA PIPIYA SANGKAI A INGD A DA RKAYANON.

NA GO SO PHKHOKOM KO MGA ULAMA SA SAUDI ARABIAH SA MGA ULAMA A GOVERNO NA KAILANGAN OTO SA OSAYAN :

-          OPAMA O AYA MAPIPIKIR ROO O DIRON DII THARO NA KAGIYA SO MGA ULAMA SA SAUDI ARABIAH NA PHANOTAN IRAN SO DATU IRAN KO KAPAKAAYON IYAN SII KO ISLAM, NA OWAY BNAR ANAN SABAP SA GIYANAN I SOGOAN O ALLAH KO MGA ULAMA GO SO MADAKL A TAW A WAJIB KIRAN SO KAPANGONGONOTANIIRAN  KO DATU IRAN SII KO MAPIYA, NA GO GIYANANMPN I SOGOAN O RASOLOLLAH S.A.W., NA HARAM SO KALIYO KO KADATU O MGA DATU A MUSLIM SA SABAP BO SA BARA DUSA SO DATU, A KNABA PMAN KA-FIR.

-          OPMAN O AYA MAPIPIKIR ROO O DII THARO NA SO MGA ULAMA SA SAUDI ARABIAH NA PHAGONATAN IRAN SO DATU IRAN SII KO MAPIYA NA GO SII KO MARATA SA LANGON SIRANONDN MASOSOAT GO MOOGOP NA KABOKHAGAN ANAN OBA ANAN IPHZOOB KO MGA ULAMA SA SAUDI ARABIAH, KA AYABO A PHAKARAW SAN DII THARO NA DAA PLNGIYAN KO MGA ULAMA SA SAUDI ARABIAH, GO SO KASISIIGAN KIRAN, GO SO KIYATAGOAN SA SHOBOHAT SO PUSO IYAN PHOON KO MGA TAW A DADAG I PANARIMA.

BNARDB A KNABA MAKAKOCOMPLETO A SAUDI ARABIAH OGAID NA TPNGINGKA A COMPERNKA SANGKAI A MGA PD A MGA INGD A SALAKAWRON KA KHAILAYNGA A GIYAYABO A SAUDI ARABIAH I THITHO A KHAILAYAN KO MAPIYA A KAPAGISLAM GO SO KINDATUON KO ISLAM.

NA AYA MUSAWIR TANO SII KO TAW A DAA NAMOG A MODOL IYAN SA KAPHKOKOMANIYAN SA KA-FIR ANGKAI A INGD A SAUDI ARABIAH A THAWBAT KA KO ALLAH NA PAKALAANGKA SO DINGKA DII KANDIROBASA SII KO ISLAM KA MATAAN SIIKO ALLAH KA MADODOSAKA NA GO MAYTO SO SABOT KA NA SO DILA NA DAA TOLANIYAN NA KHAPAKAY A MAKATHARO SO TAW SA SATAGA A KATHARO A IPAGBONGIYAN KO APOY O NARAKA JAHANNAM A DINIYAN OTO MAIINNGKA.

PHITHARO O RASOLOLLAH S.A.W. :

(إِنَّ الرَّجُلَ لَيَتَكَلَّمُ بِالْكَلِمَةِ مَا يَرَى بِهَا بَأْسًا يَهْوِي بِهَا فِي النَّارِ سبعين خريفا) IBNO HIBBA-N.

MAANA : MATAAN A SO MAMA NA DII MAKATHARO A SATAGA A DAA BANIYANON IITONGAN NA IPAGBONG SII KO APOY O NARAKA SA PITOPOLO RAGON. ( SO HADITH NA CORRECT ).

NA IKALKTANO SO ALLAH KO MGA KATHAROTANO KA TANTO A PILIGRO SO KATHARO A DA MAPRASARASAM GO DA MIOKIT KO KAPANGAMAD A MAKATITIYOKOP.

( RUGO RUGOD NA GO MUSAWIR PANTAG SANGKAI A FITNA A SOMASAGAD )

GIYANGKAI A KABIBINTAY ANGKAI A FITNA SII SANGKAI A MGA INGD A MGA MUSLIM NA KNABA ININ PAKAMMSA NA GO KNA OBA ININ DI KATAWI O MGA TAW A DIINDIROBASA SANGKAI A AGAMATANO ISLAM.

SO RASOLOLLAH S.A.W. NA MINIONANIYAN KO MGA UMMATIYAN SO KIYAPAKITOKAWINIYAN KIRANON SA KAPHAKATALINGOMA ANGKAI A MASA A TANTO A ZAGAD SO MGA MUSLIM SA MAFITL A FITNA.

PHITHARO O RASOLOLLAH S.A.W. :

 «سَتَكُونُ فِتَنٌ، القَاعِدُ فِيهَا خَيْرٌ مِنَ القَائِمِ، وَالقَائِمُ خَيْرٌ مِنَ المَاشِي، وَالمَاشِي فِيهَا خَيْرٌ مِنَ السَّاعِي، مَنْ تَشَرَّفَ لَهَا تَسْتَشْرِفْهُ، فَمَنْ وَجَدَ مَلْجَأً أَوْ مَعَاذًا، فَلْيَعُذْ بِهِ» البخاري .

MAANA :  SIGORADO A KHAADN SO FITNA – SII KO MGA UMMAT AKN- A SO MOONTOD NA MAS THOMO A DISO TOMITINDG NA SO TOMITINDG NA MAS THOMO A DISO PHLALAKAW NA SO PHLALAKAW NA MAS THOMO A DISO DIINGGAGAAN, NA SA TAW A ISOMBONIYANON A GINAWANIYAN NA MISOMBORON NA SA TAW A MAKATOON SA OKIT A KHILGTASIYAN NA SONGON NA PANGANGIYAS SII KO FITNA. ( GIYANGKAI A HADITH NA PIYANOTHOL I IMA'M AL-BOKHA'RI )

SABAP ROO NA FITNA SII KO NDOLONDOLONAN O MGA MUSLIM A PHAGONDAS A DATAR O RGS O RAGAT A ZAGAD NA SII MIYAGPOON KO KIYAFAT O UMAR BNIL KHATA'B  R. A. KAGIYA SO UMAR R.A. NA SKANIYAN I PAYTAW ANKANAN A RGS O FITNA A KHALOMBOKAN O MGA MUSLIM.

عن حُذَيْفَةَ، قَالَ: كُنَّا جُلُوسًا عِنْدَ عُمَرَ رَضِيَ اللَّهُ عَنْهُ، فَقَالَ: أَيُّكُمْ يَحْفَظُ قَوْلَ رَسُولِ اللَّهِ صَلَّى اللهُ عَلَيْهِ وَسَلَّمَ فِي الفِتْنَةِ، قُلْتُ أَنَا كَمَا قَالَهُ: قَالَ: إِنَّكَ عَلَيْهِ أَوْ عَلَيْهَا لَجَرِيءٌ، قُلْتُ: «فِتْنَةُ الرَّجُلِ فِي أَهْلِهِ وَمَالِهِ وَوَلَدِهِ وَجَارِهِ، تُكَفِّرُهَا الصَّلاَةُ وَالصَّوْمُ وَالصَّدَقَةُ، وَالأَمْرُ وَالنَّهْيُ» ، قَالَ: لَيْسَ هَذَا أُرِيدُ، وَلَكِنِ الفِتْنَةُ الَّتِي تَمُوجُ كَمَا يَمُوجُ البَحْرُ، قَالَ: لَيْسَ عَلَيْكَ مِنْهَا بَأْسٌ يَا أَمِيرَ المُؤْمِنِينَ، إِنَّ بَيْنَكَ وَبَيْنَهَا بَابًا مُغْلَقًا، قَالَ: أَيُكْسَرُ أَمْ يُفْتَحُ؟ قَالَ: يُكْسَرُ، قَالَ: إِذًا لاَ يُغْلَقَ أَبَدًا، قُلْنَا: أَكَانَ عُمَرُ يَعْلَمُ البَابَ؟ قَالَ: نَعَمْ، كَمَا أَنَّ دُونَ الغَدِ اللَّيْلَةَ، إِنِّي حَدَّثْتُهُ بِحَدِيثٍ لَيْسَ بِالأَغَالِيطِ فَهِبْنَا أَنْ نَسْأَلَ حُذَيْفَةَ، فَأَمَرْنَا مَسْرُوقًا فَسَأَلَهُ، فَقَالَ: البَابُ عُمَرُ ) البخاري .

MAANA : MIYAKAPOON KO HODAYFAH A MOONTOD KAMI A TIGYAN KO OBAY O UMAR R.A. NA PHITHAROIYAN  A ANTAA RKANO I MAKAMOMORAYS KO KATHARO O RASOLOLLAH S.A.W. PANTAG SIIKO KHAADN A FITNA ?  NA MIYAKA GIRAW AKO A TIG O HODAYFAH A SAKN.

NA TIGIYAN A USTO A MASNSRKA! NA PHITHARO AKN A SO FITNA O MAMA PANTAG KO KAROMANIYAN GO SO WATAIYAN GO SO TAMOKIYAN GO SO SIRINGANIYAN NA PHKHAPONAS ANAN O SAMBAYANG GO SO KAZADQA GO SO KASOGO SA MAPIYA NA GOSO KASAPAR SA MARATA !

NA GOMINIRAW SO UMAR R.A. A KNABA GIYANAN  I IPHAGIZA AKN A MAPIPIKIR AKN; KA AYA IPHAGIZA AKN NA SO FITNA A DATAR O RGS O RAGAT A KANDANSALIYAN ?  NA MIYAKA GIRAW SO –HODHAYFAH BNOL YAMAN R.A. – A DADN A BANGKASAN PANGILAM HAY DATU O MGA MU'MEN KA SO PAGLTAN KA AGO SKANIYAN NA PAYTAW A KALLKBAN!

NA GOMINIRAW SO UMAR R.A. A INO  KHABINASA SO PAYTAWNIYAN – KHITAYAK- ANTAWAA KA KHALAKAAN PHIYAPIYA ?  NA TIG O –HODHAYFAH BNOL YAMAN R.A. – A KHITAYAK !

NA MIYAKAGIRAW SO UMAR A SAMAWTO NA DIDN KHALKBAN SA DAYON SA DAYON? NA TIG O –HODHAYFAH BNOL YAMAN R.A. – A OWAY.  NA MIYAKAGIRAW KAMI KO ABU HODAYFAH A INO SO UMAR KATAWANIYAN O ANTONAA I PAYTAW O FITNA ? NA TIG O HODAYFAH A OWAY, KATAWANIYAN SA DATAR O KATAWINIYAN SA AYA THALONDOG KO DAWNDAW NA GAGAWII. SABAP SA MIYAPANOTHOL AKN RKANIYAN SO HADITH A KNA OBA MARGN A SABOTN.

NA MIYAPROYO AMI A IIZA AMI KO – HODAYFAH R.A.- O ANTONAA I PAYTAW O FITNA ? NA SIYOGO AMI SO MASROOQ A IIZA IYAN KO HODAYFAH R.A. NA INIIZA IYANON O ANTAA I PAYTAW O FITNA ? NA TIG O HODAYFAH A SO UMAR R.A. ( GIYANGKAI A HADITH NA PIYANOTHOL I IMA'M AL-BOKHARI ).

NA GIYANAN MGA PAGARI KO I SII KO ORIYAN O KIYAWAFAT O UMAR R.A. NA KIYALKAAN SO RGS O FITNA SII KO MGA MUSLIM NA OMAN MISG SO MASA NA BADN PHKHAOMANI SA KABANDS SO KASASAGAD O FITNA SII KO MGA MUSLIM, KATAWANIYO SO MIYA ADN KO MASA O UTHMAN R.A. A GIYOTO SO KIYAPAKA GMAW O LOMPOKAN A MIYATHAONG I ABDULLAH IBN SABAH A LOMINIYO KO KHILAFA O UTHMAN R.A. TAMAN SA MIYAPATAY IRAN SO UTHMAN R.A.,  GIYANAN A LUMPOKAN A MIYATHAONG I ABDULLAH IBN SABAH NA GIYANAN  I PAGANAY A LOMPOKAN O MGA SHI-AH GO MGA KHAWA-RIJ A MAIISA ISA SIRANON NA ORIYANIYAN NA SII KO MASA O ALI R.A. AGO SO MUAWIYA R.A. NA MIYAOPARIK SIRAMBOPMAN KA SOMINIBAY SO MGA KHAWA-RIJ KA PIYAKA KAPIR IRAN SO ALI GO SO MUA-WIYA GO SO ABDULLAH IBN ZUBAYR R.A. DAYON SA PHIPHLANO IRAN A MBONOON IRAN ANGKANAN A TLOKATAW A MGA DATU A MGA SAHA-BA NA AYABO A MIYAPATAY IRANON NA SO ALI R.A.

AYA ANTAPTANO SANGKANAN A KIYA ALOYA TANO SA MAKAMPT ATHOTHOLAN  NA AN MAKARAYAG RKANO A MGA PAGARI AMI A MGA MUSLIM A SO FITNA NA MIYAGPHOON SII KO MUNADN A MASA KO ORIYAN O KIYAWAFAT O UMAR R.A. NA MIDADAYONDN SA TAMAN IMANTO.

ORIYAN O MGA SAHA-BA GO SO MGA TA-BIEEN NA MINGGMAWDN SO PIMBARANG A MGA GROUPO A MIYAMAKASILAY NA GO MIYAMANOBRADN SO MGA TINDG IRAN, DATAR ANGKOTO A TIGAKN A MGA SHI-AH GO SO MGA KHAWA-RIJ GO SO MGA JAHMIYYAH GO SO MGA MU-TAZILA GO SO MGA KOLLABIYYAH AL-ASHA-IRAH GO SO MGA MA-TORIDIYYA, SO MGA SOFIYYA AL-GOLA-T, GO SO MGA BATINIYYA GOSO MGA SALAKAW SAN A PALAYADN MIYAMAKASILAY SO PANARIMA IRAN SII KO THITHO A PANARIMA O RASOLOLLAH S.A.W. GO SO MGA SALAF AL-SA-LIH, NA TAMANDN IMANTO NA BADN  PHKHAOMANI SA KARGS SO KAPHAGONDAS O FITNA A KALOLOMBOKAN O MGA MUSLIM.

SABAP ROO NA SO RASOLOLLAH S.A.W. NA ADN A INSANA NIYAN RKTANO SII KO KAMASAI TANO SANGKAI A FITNAH A MASASANGBA TANO SA KIYATHAROANIYANON :

(( فَإِنَّهُ مَنْ يَعِشْ مِنْكُمْ بَعْدِي فَسَيَرَى اخْتِلَافًا كَثِيرًا، فَعَلَيْكُمْ بِسُنَّتِي وَسُنَّةِ الْخُلَفَاءِ الْمَهْدِيِّينَ الرَّاشِدِينَ، تَمَسَّكُوا بِهَا وَعَضُّوا عَلَيْهَا بِالنَّوَاجِذِ، وَإِيَّاكُمْ وَمُحْدَثَاتِ الْأُمُورِ، فَإِنَّ كُلَّ مُحْدَثَةٍ بِدْعَةٌ، وَكُلَّ بِدْعَةٍ ضَلَالَةٌ» أبوداود [حكم الألباني] : صحيح .

MAANA : GO MATAAN A SADAN SA MAKAPAGINTAW RKANO NA KHAMASAANIYAN NA GO KHAILAYNIYAN SO KAPHZOZOPAKA - O MGA MUSLIM A TANTO A MARABONG – NA AYA WAJIB RKANO NA IKAKPIYO NA SO OKIT AKN 'SUNNAH AKN' NA GO SO OKIT ' SUNNAH' O MGA KHALIFA AKN A KHIKATOTORO – GIYOTO SO ABU BAKR GO SO UMAR GO SO UTHMAN GO SO ALI R.A. -  SA KKBNIYORON SO MGA BAGANGIYO.  NA PANANGGILAI NIYO SO PHPHANGABABAGO A MGA OLAWLA SII KO AGAMA, KA MATAAN A SO LANGON O PHKHABAGO NA BID-AH NA LANGON A BID-AH NA KADADAGAN. ( ABI DAWD, CORRECT A TIGI IMA'M AL-BA-NI ).

GIYAYA I INSANA O RASOLOLLAH KO MGA MUSLIM SII KO MASA A KAADNKIRAN O FITNA A MAKAPHTHATAKILIDA SO MGA GROUPO A PALAYA PHAPANDI SA KAIISLAMI NA AYA PAGILAIN NA SA THITHO A KOMKDG KIRAN SIIKO OKIT O RASOLOLLAH S.A.W. NA GO SO MGA SALAF AL-SA-LIH, NA SA MAKATHITHITHO KIRANON NA AYA PAGONOTAN, NA OPMAN OBA LANGONDN KATATAGOI SA KARIBATAN OGAID NA MBIBIDA SA KAITO NA GO KALA I KAPAKASISILAY NA SA MAYTO ON I KAPAKASISILAY NA YA PAGONOTAN, NA OPMAN OBA LANGON MAAWAT SII KO ISLAM SO MGA PANAGONTAMAN IRAN KA MIYAMANOBRA LANGON SA MALA KO MGA LIMITI O ISLAM NA DADN A BAKIRAN PAGONOTI SA THOMO A BADN MAKASISIBAY SO TAW SII KO KILID A INGD NA RONIYAN DII MIPAGINTAW SO FAMILIYANIYAN A PHKHASIMBA IRANON PHIYAPIYA SO ALLAH.

LAGID ANAN SO KATHARO O RASOLOLLAH S.A.W. A MIYAPANOTHOL O HODAYFAH R.A.

عن حذيفة رضي الله عنه قال ؛ قلْتُ يَا رَسُولَ اللَّهِ إِنَّا كُنَّا فِي جَاهِلِيَّةٍ وَشَرٍّ، فَجَاءَنَا اللَّهُ بِهَذَا الخَيْرِ، فَهَلْ بَعْدَ هَذَا الخَيْرِ مِنْ شَرٍّ؟ قَالَ: «نَعَمْ» قُلْتُ: وَهَلْ بَعْدَ ذَلِكَ الشَّرِّ مِنْ خَيْرٍ؟ قَالَ: «نَعَمْ، وَفِيهِ دَخَنٌ» قُلْتُ: وَمَا دَخَنُهُ؟ قَالَ: «قَوْمٌ يَهْدُونَ بِغَيْرِ هَدْيِي، تَعْرِفُ مِنْهُمْ وَتُنْكِرُ» قُلْتُ: فَهَلْ بَعْدَ ذَلِكَ الخَيْرِ مِنْ شَرٍّ؟ قَالَ: «نَعَمْ، دُعَاةٌ إِلَى أَبْوَابِ جَهَنَّمَ، مَنْ أَجَابَهُمْ إِلَيْهَا قَذَفُوهُ فِيهَا» قُلْتُ: يَا رَسُولَ اللَّهِ، صِفْهُمْ لَنَا؟ فَقَالَ: «هُمْ مِنْ جِلْدَتِنَا، وَيَتَكَلَّمُونَ بِأَلْسِنَتِنَا» قُلْتُ: فَمَا تَأْمُرُنِي إِنْ أَدْرَكَنِي ذَلِكَ؟ قَالَ: تَلْزَمُ جَمَاعَةَ المُسْلِمِينَ وَإِمَامَهُمْ، قُلْتُ: فَإِنْ لَمْ يَكُنْ لَهُمْ جَمَاعَةٌ وَلاَ إِمَامٌ؟ قَالَ «فَاعْتَزِلْ تِلْكَ الفِرَقَ كُلَّهَا، وَلَوْ أَنْ تَعَضَّ بِأَصْلِ شَجَرَةٍ، حَتَّى يُدْرِكَكَ المَوْتُ وَأَنْتَ عَلَى  ذَلِكَ» البخاري .

MAANA : MIYAKAPOON KO HODAYFAH R.A. A PHITHARO IYAN A PHITHARO AKN KO RASOLOLLAH S.A.W. A HAY RASOLOLLAH MATAAN SKAMI NA MAPAPADALM KAMI KO MARATA A BTAD KO MASA A JA-HILIYYAH NA MIYAKATALINGOMA RKAMI ANGKAI A MAPIYA – SO ISLAM - ! NA INO BA ADN A ORIYAN ANGKAI A MAPIYA A MARATA?  NA TIG O RASOLOLLAH S.A.W. A OWAY.  NA TIGAKN A ORIYAN ANGKOTO A MARATA BA ADNPMAN A PHAKATALINGOMA A MAPIYA?  NA TIGIYAN A OWAY.  NA TIGAKN A ORIYAN PMAN ANGKAO A MAPIYA NA ADNPMAN A MARATA A PHAKATONDOGON? NA TIG O RASOLOLLAH S.A.W. A OWAY NA MISASARTAON BADN ANGKOTO A 'DAKHN' !  NA TIAGAKN A ANTONAA ANGKOTO A 'DAKHN' ?  NA TIGIYAN A MGA TAW A AYA PHAPHALATIKO ON IRAN A TOROAN NA KANABA SO TOROAN AKN NA KNALANGKA O ANTAWAA SIRAN NA ONGKIR ANGKA SIRAN KO OKIT IRAN.  NA TIGAKNPMAN A ORIYAN ANGKANAN A MAPIYA A MASA A KASASAOGAN NA BA ADNPMAN A THALONDOGON A MARATA ?  NA TIG O RASOLOLLAH S.A.W. A OWAY, PHAKATALINGOMA A MGA TAW A AYA DIIRAN DII MIPANOLON NA SO PAYTAW O KANARAKAAN, NA SADN SA MONOTKIRANON NA PAKADMBNGN IRANON!  NA MIYAKA GIRAW AKO A TIG O HODAYFAH R.A. A HAY RASOLOLLA NA ROPAAN KA SIRAN RKAMI O ANTAA SIRAN ? NA TIG O RASOLOLLAH S.A.W. A SIRAN AKI NA MGA DATAR TANO SA KOBAL GO AYA KATHARO IRAN NA DATAR O MGA KATHARO TANO!  NA MIYAKAGIRAW AKOPMAN A HAY RASOLOLLAH ANTONAA I IZOGOOKA RAKN OPAMA KA RAOTA AKN ANGKANAN A DATAR ANAN A MASA ? NA TIG O RASOLOLLAH S.A.W. A THIKHNAKA NA GO PHADKTKA KO OMPONGAN O MGA MUSLIM AGOSO DATUIRAN.  NA TIGAKN A AMAY KO DAA OMPONGAN IRAN NA DAPN A DATU IRAN ? NA TIG O RASOLOLLAH S.A.W. A NA OBA GIYANAN NA BLAGANGKA ANGKANAN A MGA GROUPO SA KALANGOLANGONIYAN NA APIYA AYA MIYAOLAOLANGKA NA MAKKBKA SO BKAW A KAYO TAMAN SA MAOMAKA O KAPATAY NA GIYOTODN I MAMBBTAD KA ( PIYANOTHOL ANAN I IMA'M AL-BOKHA-RI ).

GIYANAN MGA PAGARIKO A MGA MUSLIM I INSAN RKTANO O RASOLOLLAH S.A.W. SII KO MASA A KASHAGADA RKTANO O FITNA A DATAR ANGKAI A MASA TANO IMANTO.

SA MASA IMANTO NA AYA ISA A FITNA A SOMASAGAD KO MGA MUSLIM SA KADANDANIYAN NA GIYANGKAI A KIYAPAKAGMAW PMAN A MGA TAW A AYA KADAKLAN KIRAN NA MGA KANGODAAN A DADN A MGA NAMOG A MODOL IRAN SA DII KAPHAPAKAITOA SII KO MGA ULAMA A AHLU SUNNAH WAL-JAMAAH GO SO DII KAPAMAKA KAFIRA NA GO DII KAPAKAMMROTADA SII KO MGA DATU O MGA MUSLIM SA NGGOLALAN KO MGA SHOBOHAT A MATATAGO SII KO MGA PAMIKIRAN IRAN.

IPHNDALIL IRAN SO MGA PD A KATHARO O ALLAH SII SA QUR-AN NA PAKALILIPATAN IRAN SO MGA PD MAMBO KO MGA  KATHAROIYAN , GO DIIRAN PAGILAIN O ANTONAA I KIYAOSAYAON O MGA ULAMA SA TAFSER NA GO SO MGA ULAMA SII KO AQEEDAH, KA AYADN A PAKA PHPHANGONDAYAAN IRAN NA SO KASASABOTA IRANON A TANTO A MARAYAG A KABABAW O SABOT IRAN SII KO AGAMA.

GO IPHNDALIL IRAMPN SO SABAAD KO MGA KATHARO O MGA ULAMA A AHLU SUNNAH NA DIIRAN PAGILAIN SO MGA OSAYANIYANON, KA SOBO SO PHPHAKAAYONON SII KO MGA TINDG IRAN NA AYA IRAN PHKHOWAAN NA GO DII PAMAKALANGKAPN SII KO MGA TAW.

NA GIYANAN NA DAA SANGKAAN A KASALIMBOT ANAN A MARAYAG KA SODN SO ALLAH I PHKHASALIMBOTAN ANGKANAN A MGA TAW KA SO DI ANTAP O ALLAH SII KO MGA KATHARO IYAN NA AYAIRANON DII PAMAKAANTAPAN, NA DATARDN MAMBO ANAN SO KASASALIMBOTI IRAN SII KO MGA ULAMA A PHKHOWAAN IRAN SO MGA PD KO MGA KATHARO IRAN NA DIIRAN MBATIYAAN PHIYAPIYA SO MGA KITAB IRAN I KIYAOSAYAIRAN PHIYAPIYA KO MAPIPIKIR IRAN KO KATHARO IRAN.

GIYANGKAI MGA TAW NA PD SA MGA SIFAT IRAN NA O DINGKA SIRAN AYONI KO KADADAGAN IRAN NA APIYAPN A'LEM KA NA TIGIRAN A SI AKI ANAN NA A'LEM ANAN O MGA DATU, KA AYABO A MAPIYA SIIKIRAN NA SA MGA TAW A MAKAAYON KIRAN, NA GIYANANDN SO SIFAT O MGA KHAWA-RIJ A " AZA-RIKA " A PHPHAKAKAPIRN IRAN SO MGA SALAKAW KIRAN NA GO PHPHAKARATAAN SO LANGON O MGA PAMIKIRAN A DIKIRAN MAKA AAYON SA SARTA A DIIRAN DII KAPHAPHAKAITOA SII KO MGA ULAMA A AHLU SUNNAH WAL JAMAAH.

PD SA ROPAAN O MGA KHAWA-RIJ NA SO GIYANGKAI A HADITH A PAGALOWIN TANO. PHITHARO O RASOLOLLAH S.A.W. :

«يَأْتِي فِي آخِرِ الزَّمَانِ قَوْمٌ، حُدَثَاءُ الأَسْنَانِ، سُفَهَاءُ الأَحْلاَمِ، يَقُولُونَ مِنْ خَيْرِ قَوْلِ البَرِيَّةِ، يَمْرُقُونَ مِنَ الإِسْلاَمِ كَمَا يَمْرُقُ السَّهْمُ مِنَ الرَّمِيَّةِ، لاَ يُجَاوِزُ إِيمَانُهُمْ حَنَاجِرَهُمْ، فَأَيْنَمَا لَقِيتُمُوهُمْ فَاقْتُلُوهُمْ، فَإِنَّ قَتْلَهُمْ أَجْرٌ لِمَنْ قَتَلَهُمْ يَوْمَ القِيَامَةِ» البخاري .

MAANA : PHAKATALINGOMA SII KO KHAORI A MASA SO PAGTAW, A MGA KANGODAAN, A MGA LOLOBAY I AKAL NA GO PAMIKIRAN, AYA DIIRAN DII DAGIDAYN – PAMAGOSAYN - NA SO QUR-AN AGO SO HADITH,  PHAGAWASIRAN SII KO ISLAM SA DATAR O KAPHAGAWA O GASA A PANA PHOON KO TADARANIYAN, DI PHAKASAMPAY SO MGA PARATIYAYA IRAN SII KO MGA KOROKOM IRAN, NA APIYA ANDANIYO SIRAN MABALAK NA PAMONOANIYO SIRAN KA MATAAN A SO KAPAMONOA KIRAN NA ADN A BALASIYAN SA ALONGAN A QIYA-MA ( PIYANOTHOL ANAN I IMA'M AL-BOKHARI ).

MADAKLPN SO MGA PD A MGA HADITHS O RASOLOLLAH S.A.W. A MGA CORRECT A KINIROPAAN IYAN SANGKANAN A MGA TAW A AYA IPHMBTHO KIRAN NA MGA "KHAWA-RIJ " OGAID NA KAGIYA TANTO A PAKHATAS SO KATHARO OPAMA KA LANGONTANO SAYADN ALOWIN NA PHITHANGKAANTANO SANGKANAN A MIYAALOYTANORON.

SAMANAYA MGA PAGARIKO NA MIYAKA LIWANAG RKTANO LANGON A GIYANGKAI A KABBMBAR A FITNA SII KO PAGINGDINGDNAN O MGA MUSLIM NA ANDANGDN AYA SO KIYAPAKI TOKAWIRON O RASOLOLLAH S.A.W. A KHAWLA OLAININ, NA INI ROPANIYAN RKTANOPN SO PD A MGA TAW A MGA DADAG A PHAKATALINGOMA A IPHANOLON IRAN SIIKO MGA TAW SO MGA TINDG IRAN NA SADN SA MISOWA SOWA KIRAN NA IITHOG IRAN SII KO APOY KO NARAKA JAHANNAM.

NA AYA MUSAWIR TANO SII KO LANGON O MGA PAGARI TANO A MATATAGOON SO KALK SII KO ALLAH NAGO BABAYA SII KO AGAMA O ALLAH NA GO SO MGA MUSLIM NA AYADN A KDGN TANO NA SO INSANA RKTANO O RASOLOLLAH S.A.W. A ZOWAANTANO KO KIPANTAG O MASATANO KO FITNA A GIYOTO SO KHIKOTAAN TANO SII KO KITAB O ALLAH GO SO SUNNAH O RASOLOLLAH S.A.W. NA GO SO OKIT O MGA SALAF AL-SA-LIH SA PHMNGGOLALAN SII KO KIYAOSAYAON SA MARAYAG O MGA ULAMA A PHIYOR O AHLU SUNNAH WAL JAMAA, MGA ULAMAH A THATAKNA SO MGA TINDG IRAN KO BNAR KNABA DII ZASALIN SALIN SA WARNA SO MGA TINDG IRAN SABAP KO DAA KKDGN IRAN A THATAKNA A PANARIMA, MGA ULAMA A AYA KAPHAGOKASA IRAN SII KO MGA KATHARO IRAN NA SODN SO THITHO A KAPAKMBBKN O SOGOAN SII KO QUR-AN NA GO SO HADITH SA KAPDI IRAN OTO NA GO RANON IRAN SII KO MGA TAW KA ANSIRAN DI KHATARIDADAG, KNA OBA SO MGA ULAMA A MGA PERSONAL INTEREST A KAPHKHAPKAS O MGA DILA IRAN NA LAGID SIRAN MAMBO O KAYOPO SII KO RAGAT A O ANDA MATATAGO SO IKHAPIYA A GINAWA IRAN NA RON SIRAN THAPI, NA GO KNAPN OBA SO MGA TAW A KNBA MGA ULAMA NA DII MAMAGOLAMA, MAIITO I SABOT NA ISASANSANG IRANON MAMBO SO KAFANGIFTA TAMAN SA AYA IRAN DII ZODIIN NA SO PHIYOR A MGA ULAMA KA GIYANAN DOWA NA AYA ONDAS IRAN KO MGA TAW NA SO KAPHAKADADAG IRAN NA GO KAPHAKABINASA IRAN, SA DAA BAIRAN KHITALINGOMA A MAPIYA.

SABAP SAN NA AYA MAPIYA A MGA MUSLIM A KHIKATOTORO KO ONTOL NA SO MAN-GIRAN SO KATHARO NA KHOWAAN IRAN SO MAPIYAON NA SARTA A IPHNGGOLALALN IRAN.

PHITHARO O ALLAH :

ﭽ ﮩ  ﮪ  ﮫ  ﮬ  ﮭﮮ   ﮯ  ﮰ  ﮱ  ﯓﯔ  ﯕ  ﯖ  ﯗ  ﯘ  ﯙ   ﭼ الزمر: ١٨

MAANA : SO SIRAN OTO A PHPHAMAKIN-GN IRAN SO KATHARO NA PHAGONOTAN IRAN SO MAPIYAON, NA SIRANMAN OTO SO MGA TAW A TIYORO O ALLAH NA GO SIRAN MAN OTO SO MGA TAW A MGA PIPIYA I PAMIKIRAN.

BALASANKANO LANGON O ALLAH SA MAPIYA SA DIRKANO KAROROTOSA SII KO DII KAPAGANADA SII KO ISLAM NA GO SO DII KANGGILOBAA SII KO BNAR.

WA SSALA-MO ALAYKOM WARAHMATOLLAHI WABARAKA-TOHO.

SO PAGARINIYO KO ISLAM : "ABU MUEEN" ABDUL JALIL P. FA'KER.

"SO PAMONTOSAN O PANARIMA O MGA "SALAF AL-SA-LIH" KO MGA SIFAT O ALLAH"

======================================================================

ISA A PHKHABRGANON SO MGA TAW A MARGN A KAPZABOTA IRANON NA SO ANDAMANAYA I OKIT A  KATHANTOWA SII KO ALLAH SII KO MGA SIFATIYAN.

AYA SABAPIYAN NA KAGIYA MIYAKATALINGOMA SO PD SII KO MGA TAW A KHIPAKASISILAY SO PANARIMA IRAN SII SANGKAI A MGA IRAN O ALLAH GO MGA SIFATIYAN NA INOSAY IRAN SO MGA PANARIMA IRAN IRANON NA PHNDADAGAN IRAN SO MGA TAW SANGGOLALAN KO  MGA "SHOBAHA-T A MGA KATHARO KA ANON PHKHABRGI SO DIRON DII MAMAKIN-GN KA ANGKIRAN MITAPI, NA MIYAKAMBAAL SIRAN SA SAKITA OLO O MGA LULUBAY I PAMIKIRAN SA KIYABRGAN SIRAN SII KO PANARIMA IRAN KO MGA SIFAT O ALLAH O ANTONAA MANGADAY I PHIYOR A PANARIMA SAN O MGA SALAF AL-SA-LIH A SIRAN SO MGA SAHA-BA GO SO MGA PIPIYA KO MGA TA-BEEN A ININDAO KIRAN O RASOLOLLAH S.A.W..

SABAP ROO  NA MIYAPIKIR TANO A PHAKARAYAGN TANO AYA SA MAKAPMT IMANTO KA BADI KALO KALO NA MAKALIWANAG PHIYAPIYA KO MGA LULUBAY I PAMIKIRAN  SO THITHO A KAPOPONTOSAN KO PANARIMA ODI NA PARATIYAYA O MGA "SALAF AL-SA-LIH" PANTAG SANGKAI A MGA SIFAT O ALLAH S.W. KA AN DADN A BARON PHKHI IZA O GINAWA , SA KATAYA SO KATANTOWANIYAN KO KATATAGO IYAN KO KADANDAN O MGA KITAB O MGA ULAMA A MGA SALAF :

1-  ( الإيمان بما ورددت به نصوص القرآن والسنة الصحيحة من أسماء الله وصفاته إثباتًا ونفيًا).

MAANA :  SO KAPARATIYAYAA SII KO NGANIN A MIYA ALOY A MGA DALIL SII KO QUR-AN GO SO SUNNAH A CORRECT PANTAG SII KO MGA INGARAN O ALLAH GO SO MGA SIFATIYAN, SA PHNGGOLALAN SA KHATHANTOWA SII KO  ALLAH KO TIYANTONIYAN SA GINAWANIYAN GO TIYANTORON O RASOLOLLAH S.A.W., NA GO SO KAPAKADAAWN KO MGA SIFAT A PIYAKA DAIYAN SA GINAWANIYAN NA GO PIYAKADAON  O RASOLOLLAH S.A.W.

AYA PD SII KO MGA DALIL SAYA NA GIYANGKAI A KHAALOY :

(وَلِلَّهِ الْأَسْماءُ الْحُسْنى فَادْعُوهُ بِها ) AL-A'RA-F 180.

MAANA : GO SO ALLAH NA ADN A MGA NGARANIYAN A LBI A MGA PIPIYA NA PANGNIKANORON SANGGOLALANON.

(وَلِلَّهِ الْمَثَلُ الْأَعْلى وَهُوَ الْعَزِيزُ الْحَكِيمُ  ) AL-NAHL 60.

MAANA : GO SO ALLAH NA ADN A MGA SIFATIYAN A MGA POPORO, A SKANIYAN SO LBI A MABAGR GO MAONGANGN. ( MIYA ALOY SAN SO SIFAT O ALLAH A BAGR GO KAONGANGN ).

(وَيَبْقى وَجْهُ رَبِّكَ ذُو الْجَلالِ وَالْإِكْرامِ ) AL-RAHMA-N 27.

MAANA : GO KHALAMBA SO PARAS O KADNAN KA A SO KHIRK KO KABSARAN NA GO PAGADAT. ( KAWTO SO SIPAT O ALLAH A " PARAS " A MIYA ALOYRON ). GO MADAKLPN SO MGA PD ANAN A MGA SIFAT O ALLAH A SALAKAW SAN A TIYANTONIYAN SA GINAWANIYAN GO TIYANTORON O RASOLOLLAH S.A.W.

(وَأَنَّ اللَّهَ لَيْسَ بِظَلاَّمٍ لِلْعَبِيدِ  ) ANFA-L 51.

MAAN : GO MATAAN A SO ALLAH NA KNA OBANIYAN ZALIMBOTI SO ORIPIN. ( KAWTO SO SIFAT O ALLAH A " DI PHANALIMBOT " A MIYA ALOYRON ). GO MADAKLPN SII SA QUR-AN A MGA SIFAT A PIYAKADAIYAN SA GINAWANIYAN.

(وَأَنَّ اللَّهَ لَيْسَ بِأَعْوَرَ )

MAANA : GO MATAAN A SO ALLAH NA KNA OBA BOLAG SO MATANIYAN. ( KAWTO SO SIFAT O ALLAH A " KANABA BOLAG SO MATANIYAN " A MIYA ALOYRON ). GO MADAKLPN SO MGA PDANAN A MGA SIFAT A PIYAKADA O RASOLOLLAH S.A.W. KO ALLAH S.W.

2- (تنزيه الله جل وعلا عن أن يشبه شيء من صفاته شيئًا من صفات المخلوقين. ).

MAANA : SO KAPAKADAA SII KO ALLAH A MALA AGO MAPORO KO KIPANOLAGIDNON ODI NA KIPANAGINDAAN KO MGA SIFATIYAN KO MGA SIFAT O MGA KAADNIYAN SA MAYTOBO. – DADN A BA PLAGIDAN O SIFAT O ALLAH AGO SO SIFAT O MGA KAADNIYAN A MAYTOBO-.

KATAYA SO PD A MGA DALIL SAYA :

(لَيْسَ كَمِثْلِهِ شَيْءٌ  ) AL-SH0-RAH 11.

MAANA : DAA BA DATAR O ALLAH A SHAY'.

(فَلا تَجْعَلُوا لِلَّهِ أَنْداداً وَأَنْتُمْ تَعْلَمُونَ  ) BAQARAH 22.

MAANA : GO DINIYO MBALOWI SO ALLAH SA IRINGA ODI NA SAKOTOWA A SKANO NA KATAWAN IYO A DAA IRINGAIYAN GO DAA SAKOTOWAIYAN.

( ولم يكن له كفوا أحد ) AL-IKHLAS 5.

MAANA : GO DADN A BA PHAKATINGKI NAGO PHAKALAGID  SIIRKANIYAN A ALLAH A ISABO.

3- (قطع الطمع عن إدراك كيفية اتصاف الله بتلك الصفات  ) .

MAANA : SO KATHPHDA ODI NA KAPOTOLA KO PANGINAM SA BA KHAGAGA O MANOSIYA A KATOKAWINIYAN SII KO KATANTOWAN O ROPAAN O MGA SIFAT O ALLAH S.A.W.

KATAYA SO PD KO MGA DALIL SAYA :

(وَلا يُحِيطُونَ بِهِ عِلْماً ) TA-HA 110.

MAANA : GO DIIRANDN KHAGAGA OBA IRAN MASSMB A ILMO SO ALLAH. – DIIRANDN KHAGAGA OBA IRAN KATOKAWI SO THITHO A ZA-T O ALLAH GO SO ROPAAN O MGA SIFATIYAN -.

(وَلَا تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولَئِكَ كَانَ عَنْهُ مَسْئُولًا ) AL-ISRAH 36.

MAANA : GO DINGKA PHZOLDI SO DAA BANGKAWN SABOT KA MATAAN A SO PAMAMAKIN-GAN GO SO PANGILA ILAYAN GO SO PUSO NA LANGON ANAN AYA KHASOWA IYAN NA IPAGIZA KO KHIRKON.  

4- ( القول في بعض الصفات كالقول في بعض الآخر  ).

MAANA : SO KATHARO A KAPHTHANTOWA SII KO ALLAH KO MGA PD A SIFATIYAN  NA DATARDN OTO MAMBO A KATHANTOWAON SII KO MGA PD A SIFATIYAN. – DI KHAPAKAY OBA THANTOON KA SII KO ALLAH SO PD A MGA SIFATIYAN NA DINGKAWN THANTOON SO MGA PDIYAN, KA SADN SA DALIL O TIYANTONGKA SII KO ALLAH A MGA SIFAT NA GIYOTODN MAMBO I DALIL O DANGKAWN TANTOWA, NA DI KHAPAKAY OBA ANAN PAKAMBIDAA-.

AYA SABAP A KIYA THAROA SAYA O MGA ULAMA A MGA SALAF NA KAGIYA SO PD KO MGA TAW A MIYAMAKA SILAY SO MGA PANARIMA IRAN NA PHTHANTOON IRAN SO PD KO MGA SIFAT O ALLAH NA DIIRAN THANTOON SO MGA PDON KA PHPHAMAKASILAIN IRAN SO MGA MAANA NIYAN ODI NA DIIRANON IPHMAANA SO PHIYOR A MAANA NIYAN ; DATAR O MGA ASHA-IRAH GO SO MGA MA-TORIDIYYAH.

NA TIG O MGA ULAMA A MGA SALAF A DIYANAN KHAPAKAY KA SADN SA DALIL KA KO KAPHTHANTOWANGKA KO MGA PD A SIFAT O ALLAH NA KHIDALIL RKA MAMBO OTO SA KATANTOWAAMI RKA  SII KO MGA PD A SIFAT O ALLAH  A DINGKA THANTOON.

5- ( أن الكلام في الصفات فرع عن الكلام في الذات ) .

MAANA :  MATAAN A SO DII KATHARO PANTAG SII KO MGA SIFAT O ALLAH NA SAPAK OTO O DII KATHARO SII KO ZA-T O ALLAH. – OPAMAKA KO DITANO KHAGAGA OBATANO KATOKAWI SO KATATANTOWAN O MGA SIFAT O ALLAH S.W. NA SABAP OTO KO DITO KATAWAN SO KATANTOWAN O ZA-T O ALLAH, KA GIYANAN NA ILMO A DADN A BARON MATAO SII KO MGA KAADN KA SOBO SO ALLAH NA SKANIYAN I MATAO SII KO ZA-TIYAN-, APIYA SO MGA MALA-IKAT GO SO MGA NABI NA DIIRAN KATAWAN.

INOWAYA INALOY O MGA ULAMA A MGA SALAF KA AN KATOKAWI O MUSLIM A INOMAN OTO DI KHAGAGA ROMOPA O TAW SO THITHO A ROPAAN O MGA SIFAT O ALLAH KAGIYA DI KATAWN O TAW SO KATANTOWAN O ZA-T O ALLAH NA AYABO A KAKHAGAGA O TAW A MIROPANIYAN NA SO KATAWANIYAN SO  THITHO A ROPAAN O ZA-TIYAN  NA O DIKATOKAWI O TAW SO ZA-T O SHAY NA DINAYANDN KHAGAGA ROMOPA.

IBARAT NA SATIMAN A WALAY A MAPIYA I PARAS NA MIYA ILAYNGA SKANIYAN GO MIYAKASOLD KAWN NA LANGON O MGA TAGO IYAN GO SO MGA STYL IYAN NA MIYA ILAYNGA LANGON NA SABAP ROO NA O PHAKIROPAAN RKA SO THITHO A ROPAAN ANGKTO A WALAY NA KHAGAGANGKA A IROPANGKA SO SIFAT ANGKOTO A WALAY SABAP KO MIYAILAYNGA SKANIYAN PHIYAPIYA SA PERSONAL.

ODI MAMBO NA ADN A MIYA ILAYNGA A DATARD ANGKOTO A WALAY SA TAROTOPDN A MLAGID SIRAN, NA KHAPAKAY A MIROPANGKA MAMBO OTO SABAP SA APIYA DANGKA MAILAY NA KAGIYA MIYAILAYNGA SO DATARIYANDN A BTAD A TAROTOP.

 ODI NA MIYAPANOTHOL RKA O DIDN PHAMOKHAG NA INIROPANIYAN RKA SO WALAY SA TAROTOP NA SAMAWTO NA KHAPAY A MIROPANGKA ANGKOTO A WALAY APIYA DANGKA MAILAY KAGIYA MIYAPANOTHOL RKA O DIDN PHAMOKHAG.

NA AYA PAKAIZA NA INO BATANO MIYAILAY SO ALLAH KO ZA-TIYAN SA PERSONAL ?

 ODI NA BA ADN A MIYAILAY TANO A DATARDN O ALLAH KO ZA-TIYAN ?

 ODI NA BA ADN A MIYAKAPANOTHOL RKTANO KO ROPAAN O MGA ZA-T O ALLAH A DI PHAMOKHAG ?

AYA SMBAG NA DA! NA SABAP ROO NA DITANO KHAGAGA OBA TANO KATOKAWI I THITHO A KATANTOWAN O  ZA-T O ALLAH NA SO ZA-T O ALLAH NA SAPAKIYAN SO MGA SIFAT O ALLAH, NA DITANO MAMBO KHAGAGA OBA TANO KATOKAWI SO THITHO A ROPAAN O MGA SIFAT O ALLAH.

AYA PINAKA MAKAMAKAMPT A KATHARO O MGA ULAMA A MGA SALAF PANTAG SII KO MGA SIFAT O ALLAH NA GIYAYA :

PHITHARO I SHAIKH ABDURRAHMAN IBN SA-DI :

فالمؤمن الموحد: يصف الله بما وصف به نفسه، ووصفه به رسوله من صفات الكمال على الوجه اللائق بجلال الله وعظمته من غير تمثيل ولا تشبيه ومن غير تحريف ولا تعطيل لشيء من أوصاف الله ) الشيخ عبد الرحمن بن سعدي وجهوده في تو ضيح العقيدة ، 1/ 102 .

MAANA : SO MU-MEN A MUWAHHID, NA SKANIYAN SO DIINIYAN PAKIZIPAT KO ALLAH SO PIYAKI ZIPAT O ALLAH SA GINAWANIYAN, GO SO PIYAKIZIPATON O O RASOLOLLAH S.A.W. SA ROPAAN A COMPLETO A DOMADAIT SII KO KABSARAN O ALLAH NA GO SO KALAIYAN, SA DI IPHANOLAGID GO DI IPHANAGINDA GO DI PHAMAKASILAIN- DI PHANAAWILN- GO DI PHAKADAAN SO MAYTOBO SII KO MGA SIFATIYAN.

GO PHITHARO O NAIM BNO HAMMAD A GORO O IMA'M AL-BOKHARI R.T. :

( من شبه الله بخلقه فقد كفر، ومن أنكر ما وصف الله به نفسه فقد كفر، وليس ما وصف به نفسه ولا رسوله تشبيهاً ) مختصر العلو للذهبي ص184 .

MAANA : SADN SA TAW A ISAGINDANIYAN ODI NA ILAGIDIYAN SO ALLAH – GO SO MGA SIFAT O ALLAH – KO KAADIYAN NA SABNAR A MIYAKAFIR,  GO SADN SA TAW A ONGKIRNIYAN SO NGANIN A PIYAKIZIFAT O ALLAH SA GIYANWANIYAN GO PIYAKIZIPATON O RASOLOLLAH S.A.W. NA SABNAR A MIYAKAFIR, GO KNA OBA SO KAPAKIZIPATN KO ALLAH KO PIYAKIZIPATIYAN SA GINAWANIYAN GO PIYAKIZIPATON O RASOLOLLAH S.A.W. NA BAOTO KAPANOLAGID.

" SO FITNA GO SO SIKSA SII KO KOBOR "

BISMILLAH, WALHAMDULILLAH, WASSALLA-TO WASSALA-MO ALA- RASOLILLAH, WA BAAD :

ISA SA KASASABAPAN KO KALOBAY O PARATIYAYA O MGA TAW SII KO ALLAH NA SO KALILIPATI IRAN OBA ADN A KHANDODAN IRAN SII KO ORAYAN O KAWAPATIRAN A KAGANATI IRAN SANGKAI A DONIYA, KA AYADN A KATATARIMAA IRANON NA BA MAWAPAT SO MANOSIYA NA MIYAPASAD SO PHKHAGDAMIYAN A KAPAKADADAYA ODI NA KAPAKADADAPANAS! NA GIYANAN NA RIBAT ANAN A PANARIMA NA GO PANGIMBNAR.

SII KO ORIYAN O KAWAFAT O MANOSIYA NA  DOWA DOWA A ONDASIYAN;  KAPAGONTONG SII KO SORGA O ALLAH,  ODI NA KAPAKARONDAN NA GO KAPAKADAPANAS SII KO APOY KO NARAKA.

SII SANGKAI BANDINGAN NA AYA PHAMAGOSAIN TANORON NA SO MAKAPANTAG SII KO ( FITNA NA GO SIKSA SII KO KOBOR ).

SO FITNA NA GO SO SIKSA SII KO KOBOR NA TIYANTO O QOR-AN A KITAB O ALLAH SO KABBNAR IYAN, NA GO TIYANTO MAMBO O RASOLOLLAH S.A.W. SII KO SUNNAH NIYAN, NA GO MIYAOMPONG SO MGA MUSLIM SA MATAAN ASO ADN A FITNA SII KO KOBOR NA GO ADN A SIKSAON.

GIYANGKANAN A "FITNA" GO "SIKSA" SII KO KOBOR NA MBIDA ANAN!

AYA "FITNA" SII KO KOBOR ; NA GIYOTO SO KATHPNGI O ALLAH SII KO TAW SA PHNGGOLALAN SA KAPAGIZAIRON O DOWAKATAW A MGA MALA IKAT O ALLAH. ( SO MUNKAR AGO SO NAKEER).

AYAPMAN A "SIKSA" SII KO KOBOR ; NA GOYOTO SO KITHANAANON O ALLAH SII KO MGA DUSANIYAN SII SANGKAI DONIYA SA PHAKITAAMANON SO KIYATALIKHODINIYAN SII KO SOGOAN O ALLAH KA AYADN A MITHONDA TONDAON KO DIINIYAN KAPAGINTAW NA SO BAYA A GINAWANIYAN A GO SO SHAITAN.

PHITHARO O RASOLOLLAH S.A.W. :

( المُسْلِمُ إِذَا سُئِلَ فِي القَبْرِ: يَشْهَدُ أَنْ لاَ إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ "، فَذَلِكَ قَوْلُهُ: {يُثَبِّتُ اللَّهُ الَّذِينَ آمَنُوا بِالقَوْلِ الثَّابِتِ فِي الحَيَاةِ الدُّنْيَا وَفِي الآخِرَةِ} [إبراهيم: 27]رواه البخاري .

MAANA : SO MUSLIM NA AMAY KO IZAAN SII KO KOBORIYAN, NA ZAKASIANIYAN A DAA ZIMBAAN A BNAR INONTABO SO ALLAH, NA GO MATAAN A SO MUHAMMAD NA SOGO O ALLAH, GIYANAN SO KATHARO O ALLAH : PAKAPHTHIKNAAN O ALLAH SO MIYAMARATIYAYA SA MAPHTHARO IRAN SO KATHARO A PHTHIKNASIRANON SII KO KAOYAGOYAG SII SA DONIYA NA GO SII SA ALONGAN A MAWRI.

 PHITHARO O RASOLOLLAH S.A.W. :

(( إِنَّ العَبْدَ إِذَا وُضِعَ فِي قَبْرِهِ وَتَوَلَّى عَنْهُ أَصْحَابُهُ، وَإِنَّهُ  لَيَسْمَعُ قَرْعَ نِعَالِهِمْ، " فَيُنَادِي مُنَادٍ مِنَ السَّمَاءِ: أَنْ قَدْ صَدَقَ عَبْدِي، فَأَفْرِشُوهُ مِنَ الْجَنَّةِ، وَافْتَحُوا لَهُ بَابًا إِلَى الْجَنَّةِ، وَأَلْبِسُوهُ مِنَ الْجَنَّةِ ، فَيَأْتِيهِ مِنْ رَوْحِهَا وَطِيبِهَا، وَيُفْتَحُ لَهُ فِيهَا مَدَّ بَصَرِهِ»  وَإِنَّ الْكَافِرَ" َتُعَادُ رُوحُهُ فِي جَسَدِهِ، وَيَأْتِيهِ مَلَكَانِ فَيُجْلِسَانِهِ فَيَقُولَانِ: لَهُ مَنْ رَبُّكَ؟ فَيَقُولُ: هَاهْ هَاهْ هَاهْ، لَا أَدْرِي، فَيَقُولَانِ لَهُ: مَا دِينُكَ؟ فَيَقُولُ: هَاهْ هَاهْ، لَا أَدْرِي، فَيَقُولَانِ: مَا هَذَا الرَّجُلُ الَّذِي بُعِثَ فِيكُمْ؟ فَيَقُولُ: هَاهْ هَاهْ، لَا أَدْرِي، فَيُنَادِي مُنَادٍ مِنَ السَّمَاءِ: أَنْ كَذَبَ، فَأَفْرِشُوهُ مِنَ النَّارِ، وَأَلْبِسُوهُ مِنَ النَّارِ، وَافْتَحُوا لَهُ بَابًا إِلَى النَّارِ " قَالَ: «فَيَأْتِيهِ مِنْ حَرِّهَا وَسَمُومِهَا» قَالَ: «وَيُضَيَّقُ عَلَيْهِ قَبْرُهُ حَتَّى تَخْتَلِفَ فِيهِ أَضْلَاعُهُ، ثُمَّ يُقَيَّضُ لَهُ أَعْمَى أَبْكَمُ مَعَهُ مِرْزَبَّةٌ مِنْ حَدِيدٍ لَوْ ضُرِبَ بِهَا جَبَلٌ لَصَارَ تُرَابًا، فَيَضْرِبُهُ بِهَا ضَرْبَةً يَسْمَعُهَا مَا بَيْنَ الْمَشْرِقِ وَالْمَغْرِبِ إِلَّا الثَّقَلَيْنِ فَيَصِيرُ تُرَابًا، ثُمَّ تُعَادُ فِيهِ الرُّوحُ )) أبو داود .

MAANA : AMAY KA TAGOON SO ORIPN – TAW – SII KO KOBORIYAN A GANATAN SKANIYAN O MGA BOLAYOKAIYAN – GO SO MGA FAMILIYANIYAN – NA MATAAN A PHKHAN-G IYANDN SO DALPK O MGA TINILAS IRAN SA KAPHNGGANATI IRANON.

NA MANANAWAGDN ANGKOTO A PHPHANANAWAG A MAKAPOPOON SII SA LANGIT  A DINIYAN DII THAROON A SABNAR A MIPHATIIS SO ORIPN AKN NA DMPASN IYODN SKANIYAN SA IGAANIYAN A PHOON SII KO SORGA, NA GO KAYANGNIYORONDN SO PAMINTOAN  O SORGA, NA GO PAKANDITARANIYODN SA NDITARN A PHOON SII KO SORGA ,NA MAMANGIBAYAMBRONDN ANGKOTO A KANAYO O KAMOT O SORGA NA MIKAYANG SO KOBORIYAN SA SADN SA BA PHKHASAMPAYAN KO PANGILA ILAYANIYAN.

NA SOPMAN SO KAFIR – GO SO BARA DUSA – NA MIKASAOY MAMBO SO NIYAWANIYAN SII KO BADANIYAN, NA MAKAOMAONDN ANGKOTO A DOWAKATAW A MGA MALA-IKAT, NA THAROON IRANON :ANTAA I KADNAN KA ?

NA MATHAROIYAN A : HAH! HAH! HAH! DIYAKN KATAWAN.

NA THAROON IRANON PMAN A :  ANTONAA  I AGAMANGKA ?

 NA MAKAGIRAW A ; HAH! HAH! DIYAKN KATAWAN. 

NA THAROON IRANON PMAN : ANTAA SO MAMA A SIYOGO RKANO ?

NA MAKAGIRAWPMAN A : HAH! HAH! DIYAKN KATAWAN.

NA MANANAWAGDN SO PHPHAPHANANAWAG A MAKAPOPOON SII KO LANGIT DINIYAN DII THAROON A SABNAR A MIYAMOKHAGDN ANGKANAN A TAW. NA DPMPASNIYODN SA IGAANIYAN A PHOON SII KO APOY SII KO NARAKA, GO PAKINDITARNIYORONDN SO NDITARN A PHOON SII KO APOY KO NARAKA, GO LKAINIYORONDN SO PAMINTOAN O NARAKA, NA SOMARAZABONDN ANGKOTO A KAYAW O NARAKA NA GO MAMAINGISOMPOTONDN SO MGA DOTI SII KO NARAKA, NA PAKASIMPITNONDN SO KOBORIYAN TAMAN SA MAKAZOSOLAPIDADN SO MGA GOSOKIYAN.

NA PATONGN SKANIYAN SA MABOBOTASKANIYAN NA GO PNGAW, NA MIPAGOOBAYNIYAN SO ROMPI A POTAW A OPAMA KO MIDBAK SII KO PALAW NA MAGOMBASAY SO PALAW SA KASOPIITIYAN, NA IDBAK RKANIYAN ANGKOTO A ROMPI NA KHAN-G KO SBANGAN NA GO SDPAN ANGKOTO A DALG O KINIDBAKNON SANGKOT A ROMPI NA MABALOY SKANIYAN A BAYANK NA ORIYANIYAN NA PAKA KASOYNON PMAN SO NIYAWANIYAN – SA GIYOTODN I MASOSOWAIYAN-.

PHITHARO O ALLAH SII SA QUR-AN :

( وَحاقَ بِآلِ فِرْعَوْنَ سُوءُ الْعَذابِ ، النَّارُ يُعْرَضُونَ عَلَيْها غُدُوًّا وَعَشِيًّا وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذابِ) سورة غافر 45- 46 .

MAANA :  GO MIYAPATOT KO PAGTAW O FIR-AWN SO MARATA A SIKSA , SO APOY NA PHPHAGIYAON SIRANON – SII KO KOBOR IRAN – KO OMAN KAPIPITA GO OMAN KHAGABI, NA SII KO GAWII A KAPAKATINDG O BANGKIT NA THAROON KO PAGTAW O FIR-AWN A SOLDKANODN KO NARAKA NA TINTIMINIYODN SO SANGAT A SIKSA.

GIYANAN MGA PAGARIKO NA GO MGA BABAYAKN SII KO ISLAM I MAPHMBTAD O TAW SII KO KAPADALMIYAN SII KO KOBORIYAN A ODINIYAN KALOMBOKI SO KAPIPIYA GINAWA A THITHO A KATHIKHNA NA GO KAPAKADKHA! NA AYANIYAN KHATAROSAN NA SO LBI A KAPARONDAN NAGO KAPAKADAPANAS A DADN A BANIYAN LAGID.

NA AYA KHILIDAS TANO SII SANGKANAN A PIYAKALKLK A SIKSA O ALLAH NA SO KAKAPTI TANO SII KO AGAMA TANO A ISLAM SA IPHNGGOLALAN TANO SKANIYAN SA DIYANGKA A KHAGAGATANO.

WASSALA-MO ALAYKOM WA RAHMATOLLAHI WABARAKA-TOH.

INISORAT O PAGARINIYO A "ABU MUEEN".

( SO KOKOMAN O KAPAKINDOLONA KO MGA KA-FIR )

( SO KOKOMAN O KAPAKINDOLONA KO MGA KA-FIR )

=========================================

GIYANGKAI A BANDINGAN NA DOWA A KHAOSAYRON :

1- SII KO BITIYARA PANTAG KO PHMBTHOWAN SA "AL-WALA WAL BARA" A PD ANAN SII KO MGA IMPORTANITIDN A KATAWIRON O MUSLIM SABAP KO PD ANAN SII KO AQEEDA ODI NA PANARIMA A DI KHAPAKAY OBAON IGNORANTI SO MUSLIM.

2- SO KHAPAKAY RON SO KINDOLONAAN SII KO KA-FIR KA KNABA MAKASOSOLD SII KO BITIYARA SA "AL-WALA WAL BARA".

PAGANAYRON NA ANTONAA I PHMBTHOWAN SA "AL-WALA WAL BARA" ?

-  AL-WALA" : NA BASA ARAB ANAN A AYA LITTERAL A MAANA NIYAN NA SO " BABAYA NA GO KATABANG" GO "KARANI". ( KAPAKINDOKAPILA ).

NA SII KO MANGA ULAMA SA AQEEDAH NA AYA INIPMAANA IRAN KO "AL-WALA" NA ; SO KABABAYAI KO MGA MU-MEN SA MISABAP KO PARATIYAYA IRAN SII KO ALLAH, GO SO KATABANGI KIRAN , GO SO KAPHMBGI KIRAN SA NASI-HA, GO SO KAOGOPI KIRAN, GO SO SALAKAW SAN A KABNAR O MUM-MEN KO PAGARINIYAN A MU-MEN. ( IGIRA MAMBO A SO MUSLIM NA KNABA DIINDOSA SA MALA A DUSA A SASABOTN IYAN OTO A MALA A DUSA KO ALLAH ).

AMAYPMAN KA SO MUSLIM NA BARA DUSA APIYAPN KATAWANIYAN A DI KHAPAKAY SO DINIYAN DIINGGALBKN KA MALAOTO A DUSA SII KO ALLAH NA SO KABNARIYAN SII KO "AL-WALA" NA SII DEPENDI SII KO KALA  O PARATIYAYANIYAN SII KO ALLAH.

AYA PAKA ASAL NA SO MUSLIM A BARA DUSA NA IPHTHOLAK SKANIYAN KA ANIYAN MAGDAM A MARATA SO DINIYAN DIING GALBKN, NA GIYOTODN I BAGIANIYAN SII O "AL-WALA" KA GIYANAN I TOOS SA BABAYAON O PAGARINIYAN A MUSLIM KA AN DI KHATATAP KO KAMBARADUSA.

MIYANGGOLA OLA ANAN KO MASA O RASOLOLLAH S.A.W. KO KINITOLAKNIYAN KO 3 A MGA SAHA-BA A DA ONOT SA KATHIDAWA KO KIYATIDAWA SA TABOK, NA TAMAN SA DA MITORON SO AYAT A RINILAAN SIRAN O ALLAH NA DASIRAN MBITIYARAIN O MGA TAW AYA MALA NA SO RASOLOLLAH S.A.W. KA GIYOTO I MAS MAPIYA KIRAN KA ANIRAN MAGDAM A TANTO A MARATA SO SIYOWA IRAN.

OPMAN OBA AYA MASLAHA NA DISIRAN ITHOLAK KA BADN KHAOMANI SO AWIDA AKAL NA SIITO DEPENDI KO KAIILAYAON O SOMASABOT A MAGA AGAMA SA AYA MAMBO SHARAT OTO A DIRON KHITHOLAKN NA DINIYAN DII KAPANGOSIYATAN SO BARADUSA BALABAWRON O TONGANAYNIYAN. GIYANAN I MIYA ALOY O MGA ULAMA A MGA SALAF.

-  SOPMAN SO DIING GALBK SA MGA BID-AH SII KO ISLAM NA AYA MAMBO A KHAILAY NA AY KALA O DINIYAN DIINGGALBKN A BID-AH ? INO IKHAKAFIR OTO ANTAWAA KA DI ? NA OPAMA KO IKHAKAFIR NA SAMAWTO NA KNABA OTO MUSLIM NA SO KANDOLONA SA KA-FIR NA AYAON KINDOLONAAN.

NA OPMAN O DI PHAKAKAFIR SO BID-AH NIYAN OGAID NA DINIYAN OTO DII IPANOLON SII KO MGA TAW NA KAILANGAN SO KITOLAKNON KA GIYOTO I BAGIANIYAN KO "AL-WALA", O KHAPARO NA DI IPHMBITIYARAI GO DI IPHNDOLONA TAMAN SA DINIYAN AWAAN SO BID-AH NIYAN, GIYANAN NA IJMA ANAN KO MGA ULAMA O MGA SALAF.

OGAID NA OPMAN O AYA MASLAHA NA MAS THOMO A MIMBITIYARAI KA PARA KAPANGOSIYATAN O TAW A SOMASABOT KO BNAR NA KHAPAKAY OTO A TIG I SHAIKH SA-LIH AL-UTHAIMEN R.T. SA PARABO OTO SII KO MAS MALA A KAMAPIYAAN A MAOONA SA PAMIKIRAN.

NA O SALAMAKA O TAW A DII NGGALBK SA BID-AH NA KHAPAKAY A PAKAKASOWIN KAWN SO SALAMAIYAN. NA AYABADN A SUNNAH NA DISKANIYAN ZALAMN GO DI ZMBAGN SO SALAMIYAN OPAMA KA GIYOTO I MAS MALA I RARAD KO KAMAPIYAANIYAN, KA AN KATOKAWI O MGA TAW SO KARATA O GALBK IYAN A BID-AH.

NA SOPMAN SESECRETOON IYAN SO BID-AH NIYAN KA KNABANIYAN IPHPHANGAYAG SA TAW NA KHAPAKAY A DII IPAGONTODA GO DI SKANIYAN ITHOLAK.

SOPMAN SO " AL-BARA" : NA AYA MAANANIYAN SA LITTERAL NA SO "KIPAKAWATANN KO SHAY" GO " KIPAGAWAAN KO SHAY". ( KAPANGANGIYAS ).

NA SIIPMAN KO MGA ULAM SA AQEEDAH NA : SKANIYAN SO KARARANGITI SII KO MGA RIDOAY O ALLAH A MGA MUNA-FIQ GO SO KADANDAN O MGA KA-FIR, GO SO KARIDOA KIRAN, GO SO KAPAKAWATAN KIRAN, GO SO KAPAKIPHRANG  KO MGA "HARBEYOON KIRAN" SA DEPENDI KO KAADN O BAGR SII KO MGA MUSLIM.

SO MGA DALIL SANGKANAN A PHMBTHOWAN SA " AL-WALA WAL-BARA" NA TANTO A MADAKL SII KO QUR-AN AGO SII KO SUNNAH O RASOLOLLAH S.A.W. NA MALOY TANORON SA APIYA ZASATIMAMBO :

PHITHARO O ALLAH PANTAG KO AL-WALA :

(وَالْمُؤْمِنُونَ وَالْمُؤْمِناتُ بَعْضُهُمْ أَوْلِياءُ بَعْضٍ ) TAWBA 71.

MAANA : SO MGA MU-MEN A MGA DATU GO MGA BAE NA SO BAAD KIRAN NA DOKAPILA O SABAGI.

PHITHAROIYAN PANTAG KO AL-BARA :

(قَدْ كَانَتْ لَكُمْ أُسْوَةٌ حَسَنَةٌ فِي إِبْرَاهِيمَ وَالَّذِينَ مَعَهُ إِذْ قَالُوا لِقَوْمِهِمْ إِنَّا بُرَآءُ مِنْكُمْ وَمِمَّا تَعْبُدُونَ مِنْ دُونِ اللَّهِ كَفَرْنَا بِكُمْ وَبَدَا بَيْنَنَا وَبَيْنَكُمُ الْعَدَاوَةُ وَالْبَغْضَاءُ أَبَدًا حَتَّى تُؤْمِنُوا بِاللَّهِ وَحْدَهُ ) AL-MOMTAHINAH 4.

MAANA : SABNAR A MIYABALOY RKANO A SONGKADN A MAPIYA SO IBRAHIM A GO SO MA PDIYAN GOWANI A THAROON IRAN KO PAGTAW IRAN –A MGA MUSH-RIK- A MATAAN A SKAMI NA ANGIYAS KAMI RKANO GO SII KO NGANIN A PHZIMBAANIYO A SALAKAW KO ALLAH, INONGKIR AMI SKANODN NA GO MIYAPAYAG SII KO PAGLTAN TANO SO RIDO A GO SO RARANGIT DAYON SA DAYON  TAMAN SA DINYO PARATIYAYAAN SO ALLAH SA SKANIYAMBO.

PITHARO O RASOLOLLAH S.A.W. :

  أوثق عرى الإيمان الحب في الله والبغض في الله ) ) ABU DA-WD.

MAANA : AYA PINAKA MABAGR A PHKHASINOWAN KO PARATIYAYA NA SO BABAYA PANTAG SII KO ALLAH GO SO RARANGIT PARABO SII KO ALLAH.

IMANTO NA AYA PHAKARAYAGN TANO NA ANTONAA I PHMBTHOWAN SA KANDOKAPILA " AL-WAL " A KHAPAKAY  SII KO ISLAM NA GO DI KHAPAKAY  SII KO ISLAM ( AL-WALA AL- MASHRO, WAL MUHARRAM ).

SO AL-WALA" A KHAPAKAY NA MADAKL A PKHAKILANGANON PDON ANGKAI A KHAALOY :

1.  SO KABABAYAI KO LANGON O MGA MU-MEN, SII KO APIYA ANTONAA MASA GO APIYA ANTONAA A DARPA GO APIYA ANTONAA I CLASSINIYAN A TAW A MUSLIM.

2. SO KATABANGI O MUSLIM KO PAGARINIYAN A MUSLIM IGIRA A MIYALALIM GO RINIDO SA BAPIYA ANDA A DARPA; PHNGGOLALAN SA LIMA ODI NA TAMOK ODI NA KATHARO ODI NA DAWAT.

3. SO KATABANGI KO PAGARI A MUSLIM SA SODN SO GINAWANIYAN GO TAMOK KO KATAGOIYAN SA KANGT.

4. SO KAGDAMA O MUSLIM KO MASAKIT A PHKHAGDAM O MGA PAGARINIYAN A MGA MUSLIM PHOON KO MISOSOGAT KIRAN A MGA RAGAOR ODI NA MURALA. GOSO MGA SALAKAW SAN.

NA SO AL-WALA" SII KO MUSLIM NA AND OTO A :

1-  FARDHO AYN : DATAR O KASMBAGA KO MIYAKAMBAAN A GOMINIRAW A ALHAMDULILLAH, SA YARHAMUKALLAH.

2- FARDHO KIFA-YA : DATAR O KASMBAGA KO SALAM, GO SO TAZHEEZ KO MIYATAY.

3- SUNNAH MUSTAHABBA : DATAR O KABNTAL SA PHKHASAKIT A MUSLIM.

SOPMAN SO DI PHANGA PAPAKAY  SO KAOSARA KO AL-WALA KA HARAM SKANIYAN ROO NA KATAYA SIRAN :

 - SO KAPAKINDOKAPILA KO MGA RIDOAY O ALLAH A MGA PHPHAMANIMBA SA BARAHALA GO SO MGA MUSHRIK GO SO MGA MUNA-FIQ NA PALAYA ANAN HARAM.

KATAYA SO RAYAGAN ANAN ; DOWA ANAN KACLASSI :

A -  KAPAKINDOKAPILA KO MGA KA-FIR A IKHAKAFIR SKANIYAN O MUSLIM :

1-  SO KABALING SII KO INGD A KA-FIR A AYAON MINILI NA SO MUSLIM KA BABAYAIYAN KO KIPAGPDAANIYAN KO MGA KA-FIR GO PHKHABABAYAANIYAN SO AGAMA IRAN, GO DINIYAN SIRAN DII MBABANTOBANTOGN NA GO PHZAWAANIYAN KIRAN SO MGA PAAWING O MGA MUSLIM, NA GIYAI NA IKHAMORTAD ANAN O TAW PHOON KO ISLAM.

2- SII KOMOWA SO MUSLIM SA CITISIN KO INGD A KA-FIR A PHNGGOBAT KO MGA MUSLIM SA SARTA A LANGONIYANDN PHPHANGONGONOTANAN SO IBABADA IRAN A KOKOMAN NA GO MGA ATORAN DATAR O KAZONDARO A PD KIRAN NA PHAGOGOP SKANIYANPN KO  KAPHPHANGASOLTA KO MGA MUSLIM GO SO SALAKAW SAN. ( GIYANAN NA IKHAKAFIR ANAN O MUSLIM KO KIYAOPAKATIRON KO MGA ULAMA O MGA MUSLIM ) INONTABO OBA INOROO MATATAGO KA DAA DARPA A MUSLIM A MAPAPARO RON A MAKA TRANSPERON KA SAMAWTO NA AYA KOKOMANIYAN NA MATTLG SKANIIYAN NA SO PUSO IYAN NA DIRONDN MAKAAYON.

3- SO KAPANANAYANI KO MGA KA-FIR SA TAROTOP ; DATAR O MGA GALBK IRAN, GO SO MGA KANDITAR IRAN, NA PHPHANANAYANAN SO MGA OLAWLAIRAN, GO KAKHAKASO KASOY KO MGA SIMBAHAN IRAN, GO KAPAMANGPD KIRAN KO MGA KAKHALAMI LAMI KO MGA ALA KIRAN A MGA GAWII. ( NA GIYANAN NA IKHAKAFIR ANAN O MUSLIM KO KIYAOPAKATIRON KO MGA ULAM ).

4- SO KAPANANAYANI KIRAN A MGA KA-FIR KO KATAWNDN A IPHAKALIYO SII KO ISLAM DATAR O KAPHZOLOTA O MUSLIM KO CROSS A DINIYAN DII TABBAROKAN – PAMANGNIYAN SA KAMAPIYAAN – A SKANIYAN NA KATAWNIYAN A TANDA OTO O MGA CRISTIAN A SIRAN I PHZOLOTON A GO DIRON DII THABARROK. NA IKHAKAFIR ANAN O MUSLIM.

5- SO DII KAPAMISITAA KO MGA SIMBAHAN IRAN A AYA PANARIMAON O MUSLIM NA IPHAKARANI OTO SII KO ALLAH. NA IKHAKAFIR PN ANAN O MUSLIM.

6-SO DII KIPANOLONN SA KAPAKAISA ISAISAA SII KO MGA AGAMA A PALAYADN PHAKAY SO LANGON O AGAMA . NA IKHAKAFIR PN ANAN O MUSLIM. KA AYABO DAPAT A AGAMA NA SO ISLAM A AGAMA O ALLAH DADN A SALAKAWRON.

7- SO KAOGOPI O MUSLIM KO MGA KA-FIR KO KAPHMBONOA KO MGA MUSLIM; NA DOWA ANAN I BONTAL :

-  SO KAOGOPIKIRAN O MUSLIM SA BABAYAIYAN KIRAN, NA GO BABAYAIYAN SA KALANGKOLOBAN O MGA KAFIR ANGKOTO A MGA MUSLIM. NA GIYANAN NA IKHAKAFIR ANAN  O MUSLIM.

- SO KAOGIPIKIRAN O MUSLIM SA APIYA ANTONAA OGOP SABAP BO KO PERSONAL INTEREST – KAMAPIYANIYAN A SARILI –  ODI KALKIYAN OBA MADA SO KAMAPIYAANIYAN ODI NA ADN A MAADN A RIDO KO PAGLTANIYAN  AGO SO PAGARINIYAN A MUSLM. NA GIYANAN NA KNABAANAN IKHAKAFIR O MUSLIM OGAID NA PD ANAN SII KO MIYAMAKALALA A DUSA SII KO ALLAH.

AYA DALIL A ANGKANAN SA SO MUSLIM NA DA ROO  MAKAFIR OGAID NA MIYADUSA SA TANTO A MALA A DUSA NA IJMA O MGA ULAMA, DATAR O KIYAALOYAON I AL-MAM AL-TAHA-WI.

NA AYA KAMBBKNAN ANGKANAN A IJMA; NA SO HADITH A MIYA ALOY PANTAG KI "HA-TIB IBN BALTAA R.A. GOWANI A MAN-GIYAN A SO RASOLOLLAH GO SO MGA SAHA-BA NA NGGOBATN IRAN A MAKKAH, NA MIZORAT SO HA-TIB IBN BALTAA A IMBGAYNIYAN KIRAN SA MAKKAH KA ANSIRAN MAKAIKTIYAR, INANGIN O DI SO RASOLOLLAH S.A.W. NA PAAGMAAN IYAN OTO KA PARA DI MAKAPHRIPARADO SO MGA KA-FIR SA MAKKAH, NA SO KIYATOONA KO SORAT O HA-TIB NA TANTO A KIYARARANGITAN SO MGA SAHA-BA KA ODI SO RASOLOLLAH S.A.W. NA ITANAIRANON OTO.

NA DASKANIYAN PAKAKAFIRA O RASOLOLLAH S.A.W. SABAP SA INIZAANIYAN O ANTONAI SABAP OTO NA MIYATHAROIYANON A KAGIYA SO MGA FAMILIYANIYAN NA ZISII SA MAKKAH, KNABA AYA SABAPIYAN NA BA AGAMA. NA SAMAWTO NA PERSONAL INTEREST OTO. NA DARON PAKA KAFIRN O RASOLOLLAH S.A.W.

OPMAN OBA INONIYAN KIYAOGOPAN SO MGA KA-FIR KA MATATAGOSKANIYAN SA KANGT NA MIYATGL SKANIYAN NA DIRON KHIKOKOM OBA MIYAKAFIR ODI NA MIYADOSA SA MALA A DUSA KA MIYATGL SKANIYAN A DINIYAN KABAYA.

 

SOPMAN SO KAPAKINDOKAPILA SII KO MGA KA-FIR A HARAM OGAID NA KNABA IKHAKAFIR O MUSLIM NA KATAYA SO RAYAGANIYAN :

1-  SO KABABAYAI KO MGA KA-FIR GO SO KAKOWAA KIRAN A MGA GINAWAI A KNABA PANTAG KO AGAMA IRAN, MAANA BABAYA KIRAN GO KAPAKINGGINAWAI KIRAN A DADN A SABAPIYAN. NA HARAM ANAN KA DUSA SII KO ALLAH.

2-  SO KAPAGINGD KO INGD IRAN SA TATAP APIYAPN DIROO DI MAKAPAGAGAMA SO MUSLIM, NA HARAM DN OTO GO MADODOSAONDN. INONTABO O BA DADN A OKIT A KAPAKA AWA IYAN ROO KA SIIPMAN OTO KO KOKOMAN A MATTGL.

3- SO DII KATHRAVEL KO INGD O MGA KA-FIR A KNABA KAILANGAN NA HARAMPN OTO GO DUSA SII KO ALLAH.

- OPMAN O KAILANGANIYAN OTO NA AYA KAKHAPAKAYNIYAN NA MAADN SO TLO A SHARAT :

1.  MABALOY SO MUSLIM A KATAWANIYAN PHIYAPIYA SO AGAMANIYAN.

2. MABALOY SKANIYAN A MAKASASARIG PHOON SII KO KIPAKAWATANN KO MGA KHASABAPAN SA FITNA.

3. PHKHAGAGANIYAN A KIPAPAYAGNIYAN KO DIINIYAN DII KANGGALBKA KO SIMBA SII KO ALLAH.

AYA MGA IMPORTANTI A PHKHASONGOWANO MUSLIM KO INGD A KA-FIR NA ;

1-        KANDAAWAH.

2-       KANDAGANG.

3-       KAPAKIBOLONG.

4-       PANTAG KO KAMAPIYAAN O INGD DATAR O MGA DATU.

5-       PANTAG KO KAPAGANAD SA ILMO IGIRA A DAA MAPHAGANADON KO INGD O MGA MUSLIM.

4- SO KAPHPHAMANGPD KO MGA CELEBRATION KO KHISSLAAN KIRAN A MGA GAWII NA GIYANAN NA HARAM ANAN A DUSA SII KO ALLAH. SA MARORORANSAMPN SO KABABALOY O KAPHZMANGA KIRAN A MGA PIPIYA A KATHARO SANGKANAN A MGA GAWII IRAN A MGA ALA A HARAM PN ANAN GO DUSA SII KO ALLAH.

5- SO KAPANANAYANI KIRAN KO MATTNDO A SIRAMBO I KHIOLAOLAWN, NA HARAM SO KAPANANAYANI KIRANON, SII KO KANDITAR KATHARO GO SO IPHKHIDIA KO AROG A LAWAS PDON SO BOK. NA HARAMPN ANAN.

6- SO KAKOWAA A INOGOPA KO MGA KA-FIR, SA PHPHAKI ILAY KIRAN SO MGA SECRETO O MGA MUSLIM, GO DISIRAN DII IPMOSAWIRA PANTAG KO MGA SHAY A PARABO KO MGA MUSLIM. GIYANAN NA HARAM ANAN A KHADUSAON SO MGA MUSLIM. ( INONTABO O BA DADN A OKIT OBA SAN DI KANGGOLAOLAA KA PARA KO KAMAPIYAAN A DAYAMANG O MGA MUSLIM DATAR O KAPAKIPHASADA KIRAN SA PARA KO KAMAPIYAAN O MGA MUSLIM IGIRA A MAS MABAGR SO MGA KA-FIR A DISIRAN DATAR A GIYANAN A BTAD SA PILIPINAS).

7- HARAM SII KO MUSLIM OBA NIYAN ZOSOLDAAN SO KA-FIR APIYAPN LOLOTIYAN ODI NA CLASMETIYAN.

 GO DATARIYAN A DI KHAPAKAY OBANIYAN ZOSOLDAAN SA PARABO KO KAMAPIYAAN A KADODONIYAI.

 GO DI KHAPAKAY OBANIYAN DII PAMISITAA SII KO WALAYNIYAN SA PARABO DISIRAN DII MAKAKHALAYAMA, ODI NA KANGGITA GITA, KAGIYA GIYANAN NA PD KO BITIYARA KO MUWA-LA-T GO DIRON MAKASASARIG OBANIYAN KAMORALAI SII KO AGAMANIYAN ODI NA SO LAWASIYAN.

OPMAN O AYA SABAP A KAPHAMISITANIYAN NA KAGIYA LOLOTIYAN ODI NA SIRINGANIYAN NA SO ISLAM NA ISOSOGOIYAN SO KAPHIYAPIYAI KO LOLOT GO SIRINGAN NA DAA PROBLIMA ROO.

ODI MAMBO NA PARA SII KO KAPHLAYAMANIYANON SII KO PAPARANGAYAN O MUSLIM KA KALOKALO NA MAGISLAM.

 ODI NA PARA DISKANIYAN KABINASAAN O KA-FIR KO AGAMANIYAN GO SO GINAWANIYAN NA MIYAPAKAY ANAN SABAP KO KINANGLAN ANAN O MUSLIM.

SAMAWTO NA SII DEPENDI SII KO NIAT AGO SO SABAP A KIPHNDOLONAAN O MUSLIM KO KA-FIR.

2- SO KHAPAKAY RON SO KINDOLONAAN SII KO KA-FIR KA KNABA MAKASOSOLD SII KO BITIYARA SA "AL-WALA WAL BARA".

KAILANGAN A SABOTN O MUSLIM A SO KHIPHAPANTAGN O MUSLIM KO KA-FIR NA SO MGA KA-FIR NA 4 PAT KACLASSI :

1- SO MGA "MUAHEDOON". SIRAN SO MGA KA-FIR A SO INGDIRAN NA MIYAKIPHASADA KO INGD O MGA MUSLIM.

DATAR ANAN SO KIYAPAKI PHASADA O RASOLOLLAH S.A.W. KO MGA QURAYSH SA MAKKAH KO "HODAYBIYYA".

SO KAPHASADA O INGD O MGA MUSLIM AGO SO INGD O MGA KA-FIR NA KHAPAKAY ANAN SA DATAR O KIYATHARO AWN O ALLAH :

 (  وَإِنْ جَنَحُوا لِلسَّلْمِ فَاجْنَحْ لَهَا وَتَوَكَّلْ عَلَى اللَّهِ إِنَّهُ هُوَ السَّمِيعُ الْعَلِيمُ) AL-ANFA-L 61

MAANA : O LINGGI SIRAN KO KAPAKI PAZADA NA LINGGIKAWN MAMBO NA ZARAKANGKA KO ALLAH KA SO ALLAH NA PHPHAKAN-G A LBI A MATAO.

NA IGIRA A GIYANAN I BTAD KO PAGLATAN O MUSLIM AGO SO KA-FIR A ADN A MAADN A KAPASADAN KO PAGLTANO MGA INGD IRAN NA DI KHAPAKAY HARAM KO MUSLIM OBANIYAN BONOA SO KA-FIR ODI NA BANIYAN PMARATAI.

2- SO MGA " ZIMMIYOON". SIRAN SO MGA KA-FIR A BABALING SII KO INGD A MUSLIM NA MIYAKIPHASADA SIRAN KO DATU O MGA MUSLIM A PHMBGAY SIRAN SA ZAZIYAH NA ASAR MAMBO KA MASISIYAP SIRAN KO KABABALING IRAN ROO.

NA GIYANAN NA KHAPAKAYPN ANAN ANGGOLAOLAAN O MUSLIM, NA KAILANGAN NA MASIYAP SIRAN O DATU O MGA MUSLIM GO HARAM SO MGA ROGO IRAN OBA TDAKA O MGA MUSLIM. TAMANPN SA KABABALOY IRAN A "ZIMMIYOON".

3- SO MGA "MOSTA-MINOON". SIRAN SO MGA KA-FIR A PHZONG SII KO INGD O MGA MUSLIM NA KOMOKOWASURAN SA KASARIGAN KO DATU O MGA MUSLIM SA DISIRAN KABINASAAN ODI NA AYA MAKASASARIGON NA PD KO MGA TAW NORMAL, AYA OTO IBARAT A KIYASOLD O KA-FIR KO INGD A MUSLIM NA SABAP SA PHAMISITAON ODI NA PHNDAGANGON SA DI MATHAY SA KNA OBA TATAP.

NA HARAM MAMBO SO KATDAKA KO ROGOIYAN KAMAMPN SA ADN A MAKASASARIGON KO MGA MUSLIM.

GIYANGKANAN A TLO NA KHAPAKAY A MANGGOLA OLA KO MGA INGD O MGA MUSLIM INONTABO SII SA JAZEERATIL ARABIAH KA DI ANAN KHAPAKAY INONTABO O KAILANGAN SIRAN O SA JAZEERAIL ARABIAH.

DATAR O KIYAPAKA TARGA O RASOLOLLAH S.A.W. KO MGA YAHODI SA KHAYBAR SABAP KO KAILANGANIYAN SIRAN KO KAPHNGGALBKI IRAN KO MGA LUPA SA KHAIBAR KA SIRAN I LBIRON A MGA TATAO.

4- SO MGA "HARBEYOON". SIRAN SO INGD A KA-FIR A KNABA MATATAGO SANGKOTO TLO A MIYA ALOYTANO APIYAPN KNABA IRAN PHNGGOBATA SO INGD O MGA MUSLIM, NA BASTA A DAA KAPASADAN IRAN AGO SO MGA MUSLIM NA INGD OTO A "HARBEYOON". NA PATOT KO MGA MUSLIM A KHIPRANGN IRANON SA LALAN SII KO ALLAH. GIYANGKANAN A MGA KA-FIR A MGA "HARBEYOON" NA SII KIRAN MANONOMPANG SO MGA AYAT GO SO MGA HADITHS A INISOGOON ALLAH GO SO RASOLOLLAH S.A.W. SO KAPRANGA KIRAN.

SO PATOT SII MUSLIM A KANGGOLAOLAANIYANON KO KHIPHAPANTAGNIYAN KO KA-FIR A KNABA "HARBIY" :

1-  SO KASIYAPA KO MGA KA-FIR A MAALOSOD SANGKTO A TLO A INOSAYTANO KA HARAM SO KATDAKA KO ROGO IRAN GO SO KANGGOLA OLAI KIRAN SA MARATA.

2- SO KIPAGINONTOLANN KIRAN KO MGA KABNAR IRAN, GO SO KAKOKOMA KIRAN KO ONTOL IGIRAN A SII SIRAN MIKHOKOM KO KOKOMAN A ISLAM.

3- SO KANDAAWAI KIRAN SA ISLAM SA KNABA TGL .

4- DI KHAPAKAY OBA SIRAN TGLA A AWAAN IRAN SO AGAMA IRAN, NA O PHAGISLAM SIRAN NA THARIMAAN KIRAN OTO.

5- HARAM SII KO MUSLIM OBANIYAN PAMABAI SA PANGARASIYAN IYAN SO KA-FIR A PD SANGKOTO A TLO A MIYA ALOY .

PHITHARO O RASOLOLLAH S.A.W. :

(مَنْ قَتَلَ مُعَاهَدًا لَمْ يَرِحْ رَائِحَةَ الجَنَّةِ، وَإِنَّ رِيحَهَا تُوجَدُ مِنْ مَسِيرَةِ أَرْبَعِينَ عَامًا )AL-BOKHARI.

MAANA : SADN SA TAW A BONOON IYAN SO ADN A KAPASADANIYAN KO MGA MUSLIM A KA-FIR NA DINIYANDN MABAW SO BAW O SURGA, A SO BAW O SURGA NA MANGANGAYOGAN KO PATPOLO RAGON A ILALAGON. ( BOKHARI ).

GO PHITHARO IYAMPN :

(مَنْ قَتَلَ رَجُلًا مِنْ أَهْلِ الذِّمَّةِ لَمْ يَجِدْ رِيحَ الْجَنَّةِ ) NASA-I.

MAANA : SADN SA TAW A MONO SA ISABO A MAMA KO MGA "ZIMMEYOON" NA DINIYANDN MABAW SO BAW O SORGA ( NASA-I CORRECT TIGI AL-BA-NY ).

6- HARAM KO MUSLIM OBANIYAN AKALA SO KA-FIR A KNBA "HARBEY" KO DAGANGANIYAN GO SO SALAKAWRON A TAMOKIYAN.

PHITHARO O RASOLOLLAH S.A.W. :

(أَلَا مَنْ ظَلَمَ مُعَاهِدًا، أَوِ انْتَقَصَهُ، أَوْ كَلَّفَهُ فَوْقَ طَاقَتِهِ، أَوْ أَخَذَ مِنْهُ شَيْئًا بِغَيْرِ طِيبِ نَفْسٍ، فَأَنَا حَجِيجُهُ يَوْمَ الْقِيَامَةِ ) ABU DA-WD. CORRECT TIGI AL-BA-NY.

MAANA : BADI SADN SA TAW A LALIMNIYAN SO "MUA-HID" ODI NA PAMAKAITOON IYAN ODI NA PATORAYAN IYAN SA DINIYAN KHAGAGA ODI NA KOWAANIYAN SO PD KO TAMOKIYAN A DINYAN MIRIRILA NA SAKNDN I MIPHNDAAWAINIYAN SA ALONGAN A MAWRI.

7- HARAM KO MUSLIM OBANIYAN DII PANAROI SA MARATA SO KA-FIR A KNABA "HARBEY".

PHITHARO O ALLAH :

(وَقُولُوا لِلنَّاسِ ) AL-BAQARA 83.

MAANA : GO THAROINIYO SO MGA TAW SA MAPIYA.

8- WAJIB KO MUSLIM A KAPHIYAPIYAINIYAN KO SIRINGANIYAN A KA-FIR A KNABA "HARBEY".

PHITHARO O RASOLOLLAH S.A.W. :

(مَا زَالَ جِبْرِيلُ يُوصِينِي بِالْجَارِ، حَتَّى ظَنَنْتُ أَنَّهُ سَيُوَرِّثُهُ ) BOKHARI @ MUSLIM.

MAANA : DADN MARINTAS A KAPHPHANGINSANAA RAKN O JIBREEL KO KAPHIYPIYAI KO SIRINGAN TAMAN SA AYA KATAO KORON NA BANIYAN PHAKAWARISA.

9- WAJIB KO MUSLIM A SMBAGNIYAN SO SALAM O KA-FIR IGIRA A SIYALAM IYAN SO MUSLIM SA ' ASSALA-MO ALAYKO '. NA IZMBAGIYANON SO ' WA ALAYKOM'. GIYANAN SO KATHARO O RASOLOLLAH S.A.W. :

(إِذَا سَلَّمَ عَلَيْكُمْ أَهْلُ الكِتَابِ فَقُولُوا: وَعَلَيْكُمْ ) BOKHARI @ MUSLIM.

MAANA : IGIRA SIYALAM KANO O MGA AHLUL KITAB, NA THAROANIYO SO 'WA ALAYKOM'. OGAID NA DI KHAPAKAY OBA PANGONA SOMALAM SO MUSLIM.

PHITHARO O RASOLOLLAH S.A.W. :

(لاتبدأوا اليهود والنصارى بالسلام ) ( MUSLIM).

MAANA: OBANIYO PANGONAI SO YAHODI GO CRISTIAN SOMALAM.

NA KHAPAKAY KO MUSLIM A IPHTHALONIYAN KO KA-FIR SO PHKHABABAYAANIYAN A IPHTHAWAGON DATAR O PATOGINANIYAN.

GO KHAPAKAYPN KO MUSLIM A SMANGNIYAN SO KA-FIR IGIRA A MIMBAWATA.

GO KHAPAKAYROMPN A SMANGNIYAN MUNA SA THAROON IYAN SO' AHLAN ' ODI NA SO SALAKAW SAN A PARA IPHLAYAM KO PUSO IYAN SA KAPAGISLAM ODI NA PARA KO KAMAPIYAAN A MAPAPAKAY ODI NA PARA DINIIYAN KHAMORALAAN.

KHAPAKAYPN KO MUSLIM A TIBAWNIYAN SO KA-FIR IGIRA A ADN OTO A MAPIYA ISOSOGO O ISLAM A KHARISOLTANIYAN, OGAID NA DINIYAN BADN MIPHANGNI SA RILA SO MIYATAY A KA-FIR AGO DINIYAN MIPHANGNI SA LIMO KA DI KHAPAKAY.

SO MGA SHAY A PAPAKAYN ODI NA MUSTAHAB SO KINDOLONAANON SO KA-FIR A KNABA " HARBEY".

1-      KHAPAKAY A GAMITN SO KA-FIR A PAKAPHNGGALBKN KO RK A MUSLIM ASAR KA KNABANIYAN KAPMAMAPOROI SO MGA MUSLIM, KHAPAKAYPN A APINAN SO  ORASIYAN PARA IPHNGGALBKYAN SII KO MUSLIM.

SO RASOLOLLAH S.A.W. NA INIAPINANIYAN SO ORAS I ABDULLAH AL-ORAYQAT PARA KANDALILANIYAN SIRAN KO KIYATRANSPER IYAN SA MADINAH AGO SO ABU BAKR R.A..  GO SO RASOLOLLAH S.A.W. NA PIYAKANGGALBKYAN SO MGA YAHODI SA KHAYBAR KO MGA LUPA A TIYABAN O MGA MUSLIM.

2-      MUSTAHABB KO MUSLIM A KAPHIYAPIYANIYAN KO KA-FIR A MAKAKHAKAILANGAN, DATAR O KAZDQAINIYAN KO FOBRI A KA-FIR GO SO SALAKAWRON PARA OTO KO IPHLAYAM KO PUSO IYAN SII KO ISLAM.

3-      MUSTAHABB SO KHISOMPATAAN KO LOLOT A KA-FIR, DATAR O LOKS O TAW ODI NA PAGARINIYAN GO SO SALAKAW KIRAN, SA PHMBGAN SA MGA PAMM-GAYAN GO PHMBISITAAN. NA KNABA BADN IPHAGONTODA SA BAMBALOYA A DATARDN O MUSLIM A KIPNDOLONAAN KIRAN.

4-      KHAPAKAY PHIYAPIYA SO MGA KA-FIR DATAR O KAPHMBGI KIRAN SA MGA PAMM-GAYAN GO SO SALAKAWRON A PARA IPHPHANGOYAT KIRAN KO KAPAGISLAM, ODI NA SAMBI O DIIRAN KAPHRATARATAI KO MGA MUSLIM GO SO SALAKW SAN.

PHITHARO O ALLAH :

(لا يَنْهاكُمُ اللَّهُ عَنِ الَّذِينَ لَمْ يُقاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ) MOMTAHINA 8.

MAANA : DARKANO SAPARN O ALLAH SO MGA SO MGA –KA-FIR- A DISIRAN RKANO MAKIPHMBONOAY KO KAPHIYAPIYAINO KIRAN GO SO KIPAGINONTOLANN IYO KIRAN, KA MATAAN A SO ALLAH NA PHKHABABAYAANIYAN SO MGA OONTOL.

5-      KHAPAKAY A SAKAWN O MUSLIM SO KA-FIR OPAMA KA MAMISITAON, GO KHAPAKAY A MAMISITA SO MUSLIM KO KA-FIR, OGAID NA DI KHAPAKAY SO KATARIMAA KO IMVETERAN O KA-FIR SABAP KO MADADALM ROO SO KAKHABABAYAI NA PHAKASOLD KO "AL-WALA".

6-      KHAPAKAY SO KAKAN O MUSLIM A PDIYAN SO KA-FIR KO MGA SAGAD A PHKHAOLAOLA OGAID NA KANBANIYAN BADN KHOWAA GINAWAI ODI NA SALIYANTI SO KA-FIR KA DIOTO KHAPAKAY.

7-      KHAPAKAY A INDOLONA O MUSLIM SO KA-FIR KO MGA GALBK A KADODONIYAI DATAR O KAPHASAI KIRAN ODI NA KAPAMASA SII KIRAN GOSO DIKIRAN DII KAPAKI ZANDAI SA TAMOK. MAYAOLA OLA ANA SII KO MASA O RASOLOLLAH S.A.A. GO MIYAOLAWLAPN ANAN A SO MGA BIYAG A MGA TAG A MAKKAH KO KIYATHIDAWA SA BADR NA SO DAA KHIYAONIYAN SA GINAWANIYAN NA PIYAKIPAMANGDAORON SO MGA WATA O MGA WATA O MUSLIM KA GIYOTO I KHIAONIYAN SA GINAWANIYAN.

8-      KHAPAKAY A MANGAROMA SO MUSLIM A MAMA SA KA-FIR A BABAY A KNABA BARAZINA SA AYA SHARAT NA DI KHABINASAAN SO MGA WATA IYAN SA BASIRAN MAMBO MAKAFIR. SII ANAN KO MGA YAHODI AGO CRISTIAN, NA SO SALAKAW KIRAN NA DI KHAPAKAY.

  SOPMAN SO BABAY A MUSLIM NA DI KHAPAKAY HARAM OBA PAKIPANGAROMA SA MAMA A KA-FIR.

9-      KHAPAKAY KO MGA MUSLIM A MAKITABANG SIRAN KO MGA KA-FIR KO KAPAGRNA IRAN KO MGA RIDOAY IRAN A DII MAMINASA IGIRA A MIYAADN SO DOWA SHARAT :

1-      NISISITADN SO KAPAMANGNI IRAN SA TABANG KO MGA KA-FIR SABAP SA KHASOLDAN SIRAN O MGA RIDOAY IRAN A DII MAMINASA.

2-      MASIGORADO A DAA RARAD IRAN A MARATA SII K MGA MUSLIM, GO AYA MAKAPANGONGONDATO KIRAN NA SO MGA MUSLIM, GO TITIKAYAN O MGA MUSLIM SO PHZOWAANIRAN.

10-   KHAPAKAY KO MUSLIM A SOMONG SII KO KA-FIR A DOCTOR PARA KO KAPAKIBOLONG.

11-   KHAPAKAY A IBGAY SO ZAKA-T KO MGA KA-FIR A PHLAYAMN SO PUSOIRAN KO ISLAM, ODI NA SII KO MGA DATU IRAN PARA KO KAMAPIYAAN O ISLAM.

12-   KHAPAKAY A MAKIPAGPDA SO MUSLIM KO KA-FIR KO KANDAGANG, NA KAILANGAN BADN NA KATITIKAYANIYAN O MUSLIM SO PHKHAOLAOLA O DAGANGAN IRAN PARA DI KHASAOGAN SA HARAM SO DAGANGAN IRAN.

13-   KHAPAKAY A TARIMAAN SO PAMM-GAYAN O KA-FIR A NORMAL KO MUSLIM IGIRA A DAA MADADALMON A KAPASONDONG O MUSLIM. MIYANGGOLAOLA ANAN O RASOLOLLAH S.A.W. KO MADAKL A MGA MUSHRIK.

OGAID NA DI KHAPAKAY SO KATARIMAA KO PAMM-GAYAN IRAN OPAMA KA AYA SABAPIYAN NA SO MGA SSLAANIRAN A MGA GAWII IRAN.

14-   KHAPAKAY A NGGALBK SO MUSLIM KO KA-FIR, ASAR KA KNABA KAPAGMID KO WALAY A KA-FIR A PERSONAL KA SII KO MGA OFFICENA.

GIYANAN I MGA KOKOMAN A MAPAPADALM KO KINDOLONAAN O MUSLIM KO KA-FIR, A KAILANGAN NA KATAWAN O MUSLIM KA PARA DINIYAN KHASALIMBOTAN SO AGAMANIYAN NA DINAYAN MAMBO KHASALIMBOTAN SO MIMBABALAIYAN A KNABA MUSLIM.

SII ANAN MATATAGO KO KITA-B A : MUKHTASARO TAS-HEELOL AQEEDA AL-ISLA-MIYAH, A INISORAT I AL-SHAIKH : U. Dr. ABDULLAH BIN ABDL AZEEZ IBN JIBREEN R.T. A MEMBER SA AL-IFTA SA SAUDI ARABIAH. ISA SKANIYAN KO KINILALA A KO MGA ALA A ULAMA SA DUNIYA SABAP KO ILMOIYAN GO SO KAPIYANIYAN I PANARIMA "AQEEDA".

NA KHATOOMPN ANAN SII KO MGA KITAB A INISORAT I SHAIKH ABDUL AZEEZ IBN BA-Z GO SI SHAIKH MUHAMMAD BIN SA-LIH AL-UTHAIMEN GO SI SHAIKH SA-LIH AL-FAWZA-N GO SO MGA PD A MGA ALA A ULAMA A MGA SALAF I AQEEDA.

DIROBASA O PAGARINIYO : "ABU MUEEN" ABDUL JALIL P. FA'KER (MUH'D RAYYA'N HAKEM ).