BA SO 3 A TAWHEED NA BID-A NA SO 6 POINTS NA CORRECT ?

*------------------------*----♥----- heart emoticon ------♥----*---------------------------*

Phakarayagn tano aya ka mimbaal pman sa Oniyoniyaiyan so isa sii ko mga A'lem sa sabala ka piyaka tana iyan a sokon so kyabagia sa 3 ko TAWHEED na BID-A, na so 6 POINTS o mga TABLIGH na Correct!

Phitharo iyan a ayakon a mimbago sa kiyabagi awn sa tlo na so mga Salafi Imanto, ka sikon si Shaikhol Isla'm ibno taymiyya go si Muhammad Bin Abdil Wahha-b na dowatiman a phimbago iran a TAWHEED.

Go isakon a dalil sa ribat so tlo a tawheed na kagiyakon a mimbaloy a datar o trinity o mga cristian!

Smbag :

Giyangkanan a Katharo na sii phphakapoon sii ko ignoranti sii ko bnar a tanto a , ka dii tharo sa mga katharo a daniyan thitho mindaldalm.

Giyangkai a 3 a classi o Taweed a :

1- Tawheedol Ulohiyya. ( kapaka isa isaa sii ko Allah sii ko Simba ).

2- Tawheedol Robo-biya .( kapaka isa isaa sii ko Allah sii ko mga galbkiyan a kanggiragiray ).

3- Tawheedol Asmai was sifa't. ( Kapaka isa isaa sii ko Allah sii ko mga ingaraniyann na go so mga Sifatiyan ).

- Pd a okit o mga Ulama a Salaf ko kiyabagia ko Tawheed na :

1- Tawheedon Fil Ma'rifati Wal Ithba't ; a matitimoiyan so Tawheedol Robo-biya ago so Tawheedol Asmai was sifa't.

2- Tawheedon Fil Qasdi wal Talab ; a giyana so Tawheedol Ulohiyya.

Na knaba anan mbidaa dowa anan ka knaba tawqeefi so taqseemol tawheed asar ka marangkomiyan a 3 anan a tawheed.

> So Dalil angkanan a tlo 3 A tawheed :

Apiya ayabo a ilaynka na so pagampaganay a Sorah a sii sa Qur-an na miyatoon kadn so Dalil angkanan a tlo a Tawheed, maana so SO-RATOL FA'TIHA.

Phitharo o Allah :

( الْحَمْدُ لِلَّهِ رَبِّ الْعَالَمِينَ ، الرَّحْمَنِ الرَّحِيمِ ) Suratol Fa-tiha 2-3.

- الْحَمْدُ لِلَّهِ : Na dalil anan sii ko Tawheedol Ulohiyya.

-رَبِّ الْعَالَمِينَ : Na dalil anan sii ko Tawheedol Robo-biya.

-الرَّحْمَنِ الرَّحِيمِ : Na dalil anan sii ko Tawheedol Asmai was sifa't.

Go phitharo o Allah :

( رَّبُّ السَّمَاوَاتِ وَالْأَرْضِ وَمَا بَيْنَهُمَا فَاعْبُدْهُ وَاصْطَبِرْ لِعِبَادَتِهِ ۚ هَلْ تَعْلَمُ لَهُ سَمِيًّا ) Mariyam 65.

- رَّبُّ السَّمَاوَاتِ وَالْأَرْضِ وَمَا بَيْنَهُمَا : Na dalil anan sii ko Tawheedol Robo-biya.

-فَاعْبُدْهُ وَاصْطَبِرْ لِعِبَادَتِهِ : Na dalil anan sii ko Tawheedol Ulohiyya.

-هَلْ تَعْلَمُ لَهُ سَمِيًّا : Na dalil anan sii ko Tawheedol Asmai was sifa't.

Giyanan so pd sii ko mga A'yat a matitimoon so dalil angkanan a tlo a Tawheed.

Na sopman so mga A'yat go mga Hadith a mazasarili o Oman i Isa sangkanan a Tlo a Tawheed na tantodn a madakl, na maloy tanoron sa apiya zasatimambo ka an kaomani sa karayag angkai a discuss :

Phitharo o Allah :

( وَقَضَى رَبُّكَ أَلاَّ تَعْبُدُواْ إِلاَّ إِيَّاهُ ) Isra' 23.

Maana : ( Go inisogo o kadnan ka a daa zimbaaniyano inontabo skaniyan ).

Dalil anan ko Tawheedol Ulohiyya.

Go phitharo o Allah :

( وَخَلَقَ كُلَّ شَيْءٍ ) Al forqa'n 2.

Maana : ( Go skaniyan - a Allah - i miiyadn ko langonan taman ).

Dalil anan sii ko Tawheedol Robo-biya.

Go Phitharo o Allah : ( ولله الأسماء الحسنى ) A'raf 180.

Maana : ( Go Bagian o Allah so mga Ingaran a Mapiya ).

( وَلَهُ الْمَثَلُ الْأَعْلَى ) ِAl Ro-m 27.

Maana : ( Go Bagian o Allah so mga Sifat a Pinaka maporo ).

Dalil anan sii ko Tawheedol Asmai was sifa't.

Samana na apiya giyanambo na miyaka rayag rka pagariko a phmbatiya a di bnar o diron dii katharoa o isa sii ko mga taw sa sabala a Bid-a so kiyapaka 3 sii ko tawheed!

- Antawaaonon i paganay a miyakarayag sangkanan a tlo a tawheed sii ko mga Ulama o mga Salaf na go antonaa i antapiyanon :

> Aya paganay a Miyakarayag sangkanan a tlo a tawheed sii ko mga Ulama o mga Salaf na si Al-Ima'm Ibn Jareer Al'tabari r.t. a miyawafat ko ragon a ( 310 هـ ) , go si Al Ima'm Ibno Manda r.t. a miyawafat ko ragon a ((395 هـ). Na gobo katalondogi o mga Ulama a Ahlu Sunnah Wal Jamaa a mga Salaf i Aqeeda. Na taman imanto.

Aya Antap sa kiya payaga san o mga Ulama na minggolalan sa Dalil a ISTIQRA a so andang matatago sii ko Qur-an na piyakaliwanag sabap ka an malbod a kasabotiron o mga Muslim, na knaba iran phmbago abo so da sa Qur-an na bairan biyaloy a Tawheed.

Samanan na miyakarayag so di kaphamatiya go dii kapamokhag o taw a dii tharo sa sokon so kiyatharoa sangkanan 3 a tawheed na ayaon miyagi na giyangkai a bago a generation a mga Atba-ol salaf a mga Ulama.

> Giyatopman a kabasaniyan a miyakasayangkon sa trinity a mga cristian so mga Atba-ol salaf ko kiyapaka tlowa iran sii ko tawheed! na tantoron a claro so kada a sabot sii ko Usolol Fiqh, giyangkoto a daliliyan na QIYA-S na aya iphmbthoron na QIYA-S MAAL FA-RIQ, ka andamanaya i kiyapaka plagida niyan sii ko tlo a tawheed ago so trinity o mga cristian.

Marayag a diniyan sasabotn i phmbthowan o mga cristian sa trinity, na go so tawheed 3.

- Aya trinity o mga cristian na : tlo kataw a Za't a separate so oman i isa kiran ko pdiyan na go adn a mattndo a galbkiyan! ( so Ama a Giyanan so Allah, so Wata a giyanan so ISA a.s. go roohol qudos a giyanan so Jibreel a.s. ). Na mbida bida anan sa za'ti na go sangan a galbk.

Na so tlo a Tawheed ba mambo datar anan? . knaba pagariko ka knaba mga Za-t so 3 a tawheed, aya mataan na langon ana kabnar o Allah ka so kapaka isa isaa sii ko Allah ko ( kaphzimbaaown ) go so ( diniyan dii kanggiragiray ) go so ( kaphthantowa rkaniyan ko mga ingaraniyan na go mga Sifatiyan a tiyantoniyan sa ginawaniyan odi na tiyantoron o Rasulollah s.a.w.) na langon anan sii ko Allah knaba makasisibay sii ko Allah!

Na maloniyokon anan paka plagida oba adn a maytobo a plagidan a giyanan TRINITY o mga Cristian ago giyanan a 3 a tawheed o mga Salaf ah! Sobo so dadn a sabotiyan i diniyan anan mapaka phzanggayan!

----

SOPMAN SO PANTAG SII KO 6 POINTS O MGA TABLIGH :

So USOL AL DAAWA na andang a miyapakarayag rktano o Rasulollah s.a.w. a giyanan i kkdgn o Ahlu Sunnah Wal Jamaah na giyanan so 5 ROKON a ISLAM go 6 ROKON a IMA'N go so IHSAN!

Na giyangkanan a 6 POINTS O MGA TABLIGH na o giyanan i USOL o DAAWA iran na sabnar a miyakanggalbk siran sa Mala a KARIBATAN, Aya sabap iyan na knaba giyanan i ATORAN o USOL AL DAAWA a inipangdao o Rasulollah s.a.w.

Opman o tharoa iran a matag anan USLOB sii ko DAAWA ka knaba anan USOL O DAAWA IRAN na phakadalong siran ko kakhabaloy niyan a KARIBATAN kagiya matag USLOB knaba USOL.

Na so USLOB sii ko DAAWA na Adn a tawqeefi ron na Adn mambo a Iztiha-diron, asar ka daa marompakiyan a lalangan o Islam.

> so dii kapakacompiraa ko 3 a tawheed ago giyanan 6 points na kataya so pagilayn san :

Tanodiniyo a mga pagariko ka so kiyabagia sii sa 3 ko tawheed na knaba piyangantang ka madadalm anan sii ko Qur-an sa datar o kiyailayaniyoron sii sa Puso ko mga daliliyan. na go aya paganay a makarayagon na si Al-Ima'm Ibn Jareer Al'tabari r.t. a go si Al Ima'm Ibno Manda r.t. na gobo so mga ima'm a Ahlu Sunnah Wal Jama-ah.

Na sopman so 6 POINTS na aya mambo a miyaka rayagon na si Shaikh Muhammad Iliya's Al kandahlawi r.t. a inaloy o mga Ulama a Salaf i Aqeeda a Mua-sir sii rkaniyan a skaniyan na SOOFI sii ko 4 a toroq o SOOFIYYA a miyawafat ko ragon a 1364 هـ.

Na skanodn i phphakarayag san ko mga ginawaniyo o antai mas marani sii ko bnar so mga Ima'm a Ahlus Sunnah datar i Al-Ima'm Ibn Jareer Al'tabari r.t. a go si Al Ima'm Ibno Manda r.t. antawaa ka si Shaikh Muhammad Iliya's Al kandahlawi r.t.?

Knaln tano mga pagariya so katokawi sii ko Bnar ka an di khaalangalang so mga panagontaman tano sii ko Daawa Isla-miya na go sii ko Simba sii ko Allah.

> Isa a kailangan a katanodan sangkanan a 3 a TAWHEED na giyanan a 3 na palaya anan kabnar o Allah a di khapakay a isabo i korangn kawn, sabap sa langon anan tiyanto o Allah sa gniwa niyan sa datar o kiya ilayaniyo sii ko mga dalil iyan sa puro.

Di khapakay oba phzibmaan ka so Allah na Oongkirn ka oba skaniyan i miyangdan go diinggira giray, go Oongkirn kapn oba adn a mga Ingaraniyan go mga Sifatiyan! Na di mambo khapakay a oba mangingimbnar ka a so Allah i miyangadn go diinggira giray nago adn a mga Ingariniyan go mga Sifatiyan, oriyaniyan na oongkirn dingkabo dii ipanakoto so Allah!

So mga MUSHRIK GOWANI ko masa o Rasulollah s.a.w. mga mga QURAYSH na paparatiyaan iran so TAWHEED AL ROBO'BIYA ogaid na Oongkirn iran so Tawheed ULOHIYA go so pd ko TAWHEED AL ASMAI WASSIFA'T na dakiran oto makalinding sa basiran mabaloy a Muslim ka piyaka ka'fir siran o Rasulollah s.a.w. na go miykimbonoay kiran.

Phitharo o Allah :

( وَلَئِن سَأَلْتَهُم مَّنْ خَلَقَهُمْ لَيَقُولُنَّ اللَّهُ ) Al Zokhro-f 87.

Maana : ( Go O Izaan ka kiran o Antaa i miyadn kiran na phtharoon irandn a so Allah - i miyadn rkami ).

Dalil anan sa paparatiyaan iran so Tawheedol Robo'biyya. na dairan anan kasanai ka miyakimbonoay kiran so Rasulollah s.a.w. ka mga Ka'fir siran.

> Ikadowa a thanodan na so mga ASHA-IRA na piyakatlo iran mambo so TAWHEED na mapasang siran i kanda daway na siran mambo na mimbaal siran sa 3 bagi a TAWHEED aya problemaon na daon so KAPAKA ISA ISAA SII KO ALLAH SII KO SIMBA :

1- Tawheedol Za't. ( Kapaka isa isaa ko Allah ko Za'tiyan ).
2- Tawheedol Sifa-t. ( Kapaka isa isaa ko Allah ko mga Sifatiyan ).
3- Tawheedol Af-a'l. ( Kapaka isa isaa ko Allah ko mga Galbkiyan ). Miya Aloy anan sii ko kita'b a Masa'mira Sarhol Musayara ( Page 43 ) a rk i Cama'loddin ibn abi Shareef.

Na andairan tiyago so KAPAKA ISA ISAA SII KO ALLAH KO SIMBA. a giyanan i Onayan angkanan a langon a TAWHEED? ka giyanan i katitinsan ko ko inipanolon o langon o mga NABI na go mga RASO'L a siyogo o Allah sangkai a Doniya !

Wallahu A'la Wa A'lam.

SO MGA KHAWA'RIJ

----------*------♥----------heart emoticon--

So mga KHAWA'RIJ na siran i pagampaganay a groupo a makasisilay a miyakambowat sii ko mga MUSLIM.

Aya Ama na go bkhawa ngakai a mga Taw na so ABDULLA BIN ZOL KHOWAYSIRA AL TAMI'MY.

Giyangkai a mama na aya taman a kapanonobraniyan sa Tindg na tiyohma niyan so Rasulollah s.a.w. sa di phaginontolan!

Kataya so Hadith :

عن أبي سعيد قال بينا النبي صلى الله عليه وسلم يقسم جاء عبد الله بن ذي الخويصرة التميمي فقال اعدل يا رسول الله فقال ويلك ومن يعدل إذا لم أعدل قال عمر بن الخطاب دعني أضرب عنقه قال دعه فإن له أصحابا يحقر أحدكم صلاته مع صلاته وصيامه مع صيامه يمرقون من الدين كما يمرق السهم من الرمية...) Bokhari.

Maana :

Miyaka poon ko Abi Saeed - Al khodri- r.a. na phitharo iyan a gowani a dirkami diimbagi bagiin o Rasolollah s.a.w. so taban, na miyakaoma si Abdulllah bin Al zil khowaysira Al tami'miy na phitharo iyan a; paginontolangkaki hay Rasolollah! Na phitharo o Rasollah s.a.w. a Siksa aki a khaparolingkasan! Antaa ari i makaphaginontolan opama ko ba sakn na knaba ako maka pagiinontolan! Na tig o Umar r.a. a bgi akong ya Rasulallah sa logar ka puta angko si Aki anan sa Ulo! Na tig o Rasolollah s.a.w. a dingkadn aki si Aki anan, ka adn a khababadan a mga pd i aki anan a mga taw a diiran dii zodiin so mga sambayang iyo sa ba khicompair ko mga sambayang iran, go so mga Powasa niyo sa ba khicompair ko mga powasa iran, mga taw anan a phkhada siran sii ko Agama sa datar o kaphagawa o Gasa a pana ko tadaraniyan igir a inipana!.

> Pdpn a Ropaan angkai mga Taw ! Na phitharo o Rasolollah s.a.w. :

( يأتي في آخِرِ الزمانِ قومٌ ، حُدَثاءُ الأسنانِ ، سُفَهاءُ الأحلامِ ، يقولونَ مِن خيرِ قولِ البريةِ ، يمرُقونَ منَ الإسلامِ كما يمرُقُ السهمُ منَ الرميةِ ، لا يُجاوِزُ إيمانُهم حناجرَهم ، فأينَما لَقيتُموهم فاقتُلوهم ، فإنَّ قتلَهم أجرٌ لِمَن قتَلهم يومَ القيامةِ ) Bokhari.

Maana :

Phakatalingoma sii ko Phkhaori a masa so mga pag a mga kangodaan i idad, a mga kkmpt i pamikiran, a diiran dii indadalil ko mga katharo iran so katharo o pinaka mapiya a kaadn - a giyoto so QUR-AN go HADITH- a phkhada siran sii ko Islam sa datar o kaphagawa o Gasa a pana ko tadaraniyan igira a inipana! So mga Para tiyaya iran na diniya khalpas so mga bakrng iran, na apiya andaniyo siran mabalak na pamonoa niyo siran, ka mataan a so kabonoa kiran na adn a balasiyan sa Alongan a mawri.

Note :

1- So mga KHAWA'RIJ na knaba mattndo so masa a kaphkha adn iran sabap sa knaba siran mattndo a pagtaw! knaba datar o katharo o mga pd a pendepensa sangka a mga KHAWA'RIJ imanto a masa a siikombo anan sii ko masa o Ali r.a., aya bnar ko kiya opakatiron ko mga Ima'm o Ahlu Sunnah Wala Jamaa na sii ko apiya antonaa masa na basta a so mga SIFAT o mga KHAWA'RIJ na matoon sii ko mga taw na pd siran sii ko mga KHAWA'RIJ.

2- So mga Khawa'rij na siran i miyono ko Uthman r.a. a mipaapda iran so mga pagtaw a mga SHI'AH a pag taw o Abdullah ibn Sabah sabap ko tiyohma iran so Uthman r.a. sa di phaginontolan.

3- Piyaka Kafir iran so Ali r.a. go so Mua'wiya go so Abdullah bin Zobayr, na go phiplanowaniran sa kabonoa iran sangkanan a mga Ala a mga Saha'ba.

4- Siran i mga taw a dii mamo monoaan sa aya phagosran iran na glat ko diiran dii kapanombalia ko mga Muslim.

> Pd sii ko mga Sifat o mga KHAWA'RIJ :

1- Dadn a rgn a kaPhphaka kafira iran sii ko mga Muslim sabap ko dii makanggalbk sa mala a Dusa.

2- Aya Kaparatiyaya iran na so phatay a malai Dusa a Muslim na tatap ko Naraka, sabap sa aya panarima iranon na Ka'fir skaniyan, odi na Muna'fiq.

3- Phagosarn iran a Dalil so Qur-an Go Sunnah Ogaid na mga kkmpt siran i Akal,.

Sabnar a bnar o katharo o Allah :

( قُلْ هَلْ نُنَبِّئُكُم بِالْأَخْسَرِينَ أَعْمَالًا ، الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا )
Al Kahf 104

Maana :

Bakn rkano phanothola so mga taw a thithodn a miyanga lologi so mga galbk iran a mga Taw!, Sirano to so mga Taw a miyadadag so panagontaman iran sii ko kaoyagoyag sa Doniya na siran na aya tangkap iranon na disiran dii miyaka piyapiya so diiran diinggola olaan.

Ilinadas tano o Allah sangkai a mga datar aya a mga Taw.

Allahumma A'meen.

SO SINDAW KO KAOYAGOYAG O MUSLIM

♥-----------------*------♥-----*--------------------♥

So Muslim na isa a tantoniyan a mapanganganay na andamanaya i kasindawi sii ko KAOYAGOYAGIYAN ! a giyanan so Sindaw a sii makambbkn sii ko Puso na go sii ko pamikiran na go sii ko kailay, na mipagawa iyan so kikokolambo o malibotng sii ko Puso iyan na go sii ko pamikiraniyan na go sii ko Mataniyan !

Sabap san na So Nabitano a Muhammad s.a.w. na inindao niyan rktano so mga Galbk a khabaloyniyan so kaoyagoyag tano a SINADAW!

Phitharo o Rasulollah s.a.w. :

( وَالصَّلاَةُ نُورٌ ) ( وَالصَّبْرُ ضِيَاءٌ ) Muslim.

Maana : Go so Sambayang na Sindaw. Go so Kasabar na Sinar.

> Aya maana anan pagariko nago babayakn na o kabayaaka a kasindawan so kaoyagoyag ka na tatapangka so sambayang nago so kasabar.

Go o kabayaaka sii ko Walayngka so KASINDAWAN na lalayon kawn phthindgn so mga SAMBAYANG a Sunnah.

Go o kabayaaka sii ko trak ka odi na Service ka a katagoan sa Sindaw na lalayongkawn dii kazambayang sa mga Sunnah.

Sabnar a so Sambayang na ron phrnk so mukarna o Muslim.

Note :

Aya a kailangan na basta a Makatindg ka sii ko phzambayangan ka na pokasangkadn sa ginawangka so dii kapamimikirana ko mga langowan parahiyasan ko DONIYA! na sampornaangka so niat ka na babaan ka so ginawangka, ka mataan a ayadn a aadapn ka sangkoto a masa na DATU o langowan o mga DATU, a giyoto skaniyan so phpham-gay sa sindaw na go phapaar ko langowantaman.

- ِAyapn a Pinaka mala a bolong a phakasindaw sii ko puso a kalilibngan na so QUR-AN :

Phitharo o Allah :

( يَاأَيُّهَا النَّاسُ قَدْ جَاءتْكُمْ مَوْعِظَةٌ مِنْ رَبِّكُمْ وَشِفَاءٌ لِمَا فِي الصُّدُورِ وَهُدًى وَرَحْمَةٌ لِلْمُؤْمِنِينَ ) Yunus 57.

Maana :

Hay! skano a mga Taw, na sabnar a miyaka talingoma rkano so pangoyat a phoon sii ko kadnaniyo a go Bolong sii ko - nganin a sakit - a madadalm sii ko mga Puso, na go toroan na go limo ko mga taw a miyamaratiyaya.

Aya mapipikir sangkanan a Bolong na go toroan na go limo na so QUR-AN AL CAREEM.

---------

PD KO SIPAT O MGA TAW PHKHARARANGITAN O ALLAH NAGO SO RASULOLLAH S.A.W.

*------♥-----------♥-----^------( heart emoticon )------^------♥-------------♥--------*

So pd ko mga Sipat o mga taw a phkhararangitan o Allah go so Rasulollah s.a.w. na giyangkai a phanga Aaloy :

1- SO MGA PANANAKOTO ! ko phimbarang a okit a kapanakoto.

2- SO MAPASANG I KAPAKITHOLAKA SA LOLOT! ikasosoatiyan a kitotolakniyan ko mga tonganay niyan ka ba siranon phphaka apas ko mga kamargnan iran, na dipn kaphangangapinan.

3- AYA IPHZOGO IYAN KO MGA TAW NA SO MARATA KNABA SO MAPIYA! kklidniyan so sogoan i Islam.

4- SO MAPASANG I KAPAKIPHAWALA! apiyadn o katawaniyan a ribat skaniyan go kabbnaran skaniyan na dipn dii maki phawala.

5- SO BRAK A MAPASANG I KAPANARO ! malagid i mapiya so phtharooniyan antawaa ka marata na diniyandn khatigr odiniyan matharo.

6- SO DIDN KHAPAWALAN KA SKANIYAMBO I BNAR! apiya o miyakayarayagondn a ribat skaniyan na didn khaonaan.

7- MAPASANG I KAPHASONG ! apaydn so di dapat a dii iphasong na dipn dii phasong.

8- SO TAW A THAROON KAWN A KALKNKA SO ALLAH NA TIGIYAN RKA A AYA TOTOLIKA NA GIYAYA A GINAWANGKA, DIYAKONGKA TATAKORA! diniyan kabaya oba adn a phagaloyron ko karibataniyan.

9- SO TAW A SII MITATADOK A PUSO IYAN KO BABAYA SA KANGGALBK SA MGA HARA'M! ayabodn a matatago sa pikiraniyan na baniyanbo maphnggola ola so kabayaiyan a piyakarata o islam, ka giyoto na hara'm a galbk.

10- SO TAW A AYA PHAGOYAGNIYAN KO MGA TAW NA SO OKIT O MGA JA'HILIYYA! parabo phkhakilala odi na phikhibida na phzopakniyan so mga dalil a mga rarayag ka aya phagoyagn niyan na so galbk o mga ja'hiliyya, odi na babaya iyan oto ko kambaradusa na go kada a respectoniyan sii ko Islam.

11- SO TAW A DAA RGNON A KAPHTHDAKANIYAN KO ROGO A MUSLIM A DIRON MAPAPATOT SO KATDAKIYAN! mimbaloy ron a normal so kaphmbonoa niyan ko Muslim sa apiya maytobo a minizala iyanon, odi na iphkhowa niyan sa tndan so datariyan a Muslim.

12- SO MGA TAW A DUWA I BONTAL, PLASTIC I OLAWLA, MAPIYA SA MARAYAG NA TILAKA SA DIDALM! aya kataongkawn igira a minimbitiyaraingka na tanto a mapiya takinoba bs ka sosorongankaniyan sa akal, ka so diniyan rka dii tharoon na sopaka o planoniyan rka.

13- SO TAW A MIYAMANGNIRON SO PDIYAN SA TABANG SA RAMIG IYAN INIAMPIT KO INGARAN O ALLAH NA DANIYANDN TAGOA SA GINAWA! maana dadn a baon arga o ingaran o Allah.

----------------

Giyanan i mga Sifat o mga taw a phkhararangitan o Allah, na aya patot rka pagariko na go babayakn a Muslim na pananggila ingka anan, sa oba adn a matatago rka sangkanan a miyanga Aaloy na ipoon imanto na pakawataningkadn na go pananggilaingkadn ka phakabinasa rka anan.

langon adn a mga dalil anan sii sa Hadith na datanodn aloya ka an tanto di phakatas so osayan.

Wallahul Muwaffiq.

INOTO AYA PHAGONOTI NA SO PHIYOR A MGA ULAMA ?

♥------------------o----------------♥------------------o-----------------♥

Aya sabap a nisisitadn na go kailangandn o mga Muslim a aya phanotan iran na so phiyor a mga Ulama miyaganad sangkai a islam, na oriyan iyan na aya kidg iran na so Okit o mga Salaf Al Sa'lih sii ko AQEEDA na go so MANHAJ na giyangkai a phanga aaloy :

> So Allah na tantoniyan a iniporo so pangkatan o phiyor amga Ulama sii ko Islam.

Phitharo o Allah :

يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ )المجادلة: 11] )

Maana :

Iphoro o Allah so pangkatan o Siran oto a miyamaratiyaya a pdrkano go so siran oto a piyamam-gan sa ilmo sii ko islam sa dibodn madakl a mga pangkatan.

Go phitharo iyampn :

(قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ إِنَّمَا يَتَذَكَّرُ أُولُو الْأَلْبَابِ) [الزمر: 9].

Maana :

Go tharo angka ya Muhammad a didn makaphlagid so mga taw a adn a mga ilmo iyan go so mga taw a daa mga ilmo iyan, na ayaboman a dii manandm na so mga taw a mga lantasan i pamikiran.

Go phitharo o Rasulollah s.a.w. :

( وفضل العالم على العابد كفضل القمر ليلة البدر على سائر الكواكب ) Abu Dawd @ Tirmizi.

Maana :

Go aya kapaka llbi o pangkatan o taw phiyor a A'lem sii ko muslim a knaba A'lem a barasimba na datar o kapakallbi o pangkatan o Olan igira a ikapat a taling ko ayag ko langowan o mga bitoon.

> So Allah na Inisogo iyan sii ko mga Muslim a igira a adn a diiran katawan pantag sii ko kaoyagoyag iran, balabawron so pantag sii ko Islam na izaan iran sii ko phiyor a mga Ulama.

Phitharo o Allah :

فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُون ) النحل - الآية 43 )

Maana :

Izaaniyo so Mga Ulama katawan iran so Qur-an - go so Sunnah- Upama ka skano na dikano maka kknal.

Giyangkai a A'yat na rabray, na aya mala a paka aantapamanon so mga Ulama a sasabotn iran phiyapiya so Qur-an go so Sunnah, a mga Ulama a aya kkdgn iran na so Okit o mga SALAF AL SA'LIH.

> So Allah na piyakalangkapiyan sii ko langon o mga taw a phmbtiya sii ko Qur-an a go so diron dii mamakin-g a mataan a ayabo a thitho a katatagoan sii ko samporna a kalk sii ko Allah na so mga Ulama.

Phitharo o Allah :

إِنَّمَا يَخْشَى اللَّهَ مِنْ عِبَادِهِ الْعُلَمَاءُ ۗ إِنَّ اللَّهَ عَزِيزٌ غَفُور ) فطر : 28 )

Maana :

Ayaboman a thitho a khikaalkn sii ko Allah ko mga Uripniyan na so thitho a mga Ulama, Mataan a so Allah na Mabgr a paririla.

> Piyaki takowan o Rasulollah s.a.w. a phoon so mga phiyor a mga Ulama na mablag siran sii ko mga taw, na giyotodn mambo i poon o khibinasa na go kiyadadag o mga taw.

Phitharo o Rasulollah s.a.w. :

( إن الله لا يقبض العلم انتزاعا ينتزعه من العباد ولكن يقبض العلم بقبض العلماء حتى إذا لم يبق عالما اتخذ الناس رءوسا جهالا فسئلوا فأفتوا بغير علم فضلوا وأضلوا ) Al Bokha'ri.

Maana :

Mataan a so Allah na diniyan khowaan so Ilmo sa ba kaginsing anggiasngniyan ko mga Oripniyan, Ogaid na aya khaphkadaa o ilmo na phnggolalan ko khaphanga ada o mga Phiyor a mga Ulama! taman sa amay ka dadn a malamba a Phiyor a A'lem, na komawadn so mga taw sa mga Olowan iran a mga Ignoranti sii ko Islam na aya iran phagizaan ko mga phnggalbkn sii ko Islam, na khisabap roo a madadagdn angkoto a mga taw na go phakadadag sirampn.

Na sii sangakai Masa na dapn manga ada so mga Ulama na pd sii ko mga taw na diiran khilalaan so mga phiyor a mga Ulama a somiyabot ko islam na go kmkdg sii ko Ontol a lalan ka aya phanotan iran na sabo sa IDOL iran a da maka sasakriyan sa ilmo sii ko phiyor a mga Ulama.

------

Na o kabaya aka pagari ko Muslim a maparihala so kathatakna o paratiyangkan sii ko Allah na kakpn ka so mga Ulama na kababayaingka siran na siika kiran phapakarani, ka angka iran kaamoti sii ko awid iran a sindaw, na go anka siran mipagpada sii sa Alonga a mawri.

Phitharo o Rasulollah s.a.w. :

( المَرْءُ معَ مَنْ أَحَبّ ) Al Tirmizi.

Maana :

So Manosiya na aya miphagpda iyan sa Alongan a mawri na so taw a phkhababayaaniyan.

- Samanoto na o aya phkhababayaan ka na so mga Artista a mga Ka'fir na siran i miphagpda aka sa alongan a mawri, odi mambo na so mga Politician, odi na mga Alai tamok a mga baradusa, sa skano i maka phamagpda sa Alongan a mawri, na datariyan mambo so diinggagalbk sa mga Bid-ah na o siran phkhababayaan ka na siran i miphagpdaaka!

Na o Aya phkhababayaan ka na so Phiyor a khipaka oontol a mga Ulama, na sii ka kiran mambo khitapi sii sa Alongan a mawri.

Ya Allah na baloyangka a aya ingmpda ami sii sa alongan a Mawri na so Nabiyami a Muhammad s.a.w. na go so mga Ulama ami a phkhababayaan ami sangkai a duniya. Allahumma A'meen.

Wallahul Taala A'la Wa A'lam.

ANOBA ANG TONAY NA KAPAYAPAAN AT KAGINHAWAAN ?

*------------------O---------- ( heart emoticon )------------O-----------------------*

Ang tonay na kapayapaan at kaginhawaan ay ang kapayapaan ng Puso then ang Isip then ang katawan, at ang bawat isa dito sa mundo ay nag hahanap ng tonay na kapayapaan at kaginhawaan.

Kong ganon ay itinoro sa Atin ng Mahal na Allah kong saan natin mahahanap at matatagpoan ang tonay kapayapaan at kaginhawaan, mapamondoman ito o sa kabilang bohay .

Ang Sabi ng Allah :
( مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُون َ [سورة النحل: 97].

Meaning :

kong sino ang gomawa ng kabotihan at maganda na ikalologod ng Allah, lalakiman ito o babae na siya'y nananampalataya kay Allah ay sigoradong ibibigaynamin sa kaniya ang maganda at mapayapang pamomohay, at bibigiyanamin sila ng gatimpala na mas maganda kay'sa kanilang ginawa.

Pangalawa, Ang sabi ni Allah s.w.:

( فَمَنِ اتَّبَعَ هُدَايَ فَلَا يَضِلُّ وَلَا يَشْقَى ) taha 123.

Meaning :

Kong sino ang magpaangkop sa aking gabay ay hindi siya maliligaw at hindi rin siya maghihirap.

kaya mga kapatid, kong nais natin talaga na makamtan natin ang tonay na kapayapaan at kaginhawaan ay mag paangkop tayo sa kagustohan ng Allah sa ating lahat.

lahat naman tayo ay naniniwala na ang lahat dito sa mondo ay controlado ng Allah, at kong sino ang kaniyan biyayaan ng kapayapaan ay saya ang makakakamit nito, at kong sinodin ang kaniyang pagkaitan nito ay wala siyang pag asa sa kapayapaan kailan man!

kaya bago natin hangadin ang kapayapaan sa ating minamahal na bayan ay onahin natin mona ang ating mga sarili.

Yang dalawang natokoy natin ang pinaka importanting bagay na kailangan nating magawa para makamit nating ang ating minimit-hing kapayapaan at kaginhawaan.

> Itong mga somososnod ay makakatolong sa atin para maging mapayapa ang ating mga Puso at isipan at katawan :

- pagandahin nating ang ating mga ogali, sa mga taong malalapit sa atin, at sa lahat ng ating nakakasalamoha, wag tayo maging traydor at sinongaling.

- iwasanating mag isip sa mga natapos na kasi hindi nayon maibabalik, at ang isipin natin ay kong ano ang mayroon ngayon, para hindi bomibigat ang ating mga dibdib.

- lagitayo nanalangin kay Allah, at binabasa ang mga babasing sunnah, tolad ng mga Azka'r at simpry ang Qur-an al kareem.

- Wagnating tignan ang mga taong nasa itaas natin, ang tignan nating ay ang mga tao sa ating ibaba, para laging positibo ang ating pag iisip.

- palakasin natin ang ating mga Puso, at wagna nating problemahin ang mga hindi naman nangyayari.

- pag may problemaka ay tignan monalang ang mga ibang magagandang biyaya sayo ng Allah, para hindi maka apectado sayo kong anoman ang pinoproblema mo.

> Yan mga minamahal kong kapated ang laginating isapuso at isa isip para makamit natin ang kapayapaan at kaligayahan at kaginhawaan sa ating mga bohay.

Wallahul Muwaffiq.

" SO FITNA GO SO SIKSA SII KO KOBOR "

BISMILLAH, WALHAMDULILLAH, WASSALLA-TO WASSALA-MO ALA- RASOLILLAH, WA BAAD :

ISA SA KASASABAPAN KO KALOBAY O PARATIYAYA O MGA TAW SII KO ALLAH NA SO KALILIPATI IRAN OBA ADN A KHANDODAN IRAN SII KO ORAYAN O KAWAPATIRAN A KAGANATI IRAN SANGKAI A DONIYA, KA AYADN A KATATARIMAA IRANON NA BA MAWAPAT SO MANOSIYA NA MIYAPASAD SO PHKHAGDAMIYAN A KAPAKADADAYA ODI NA KAPAKADADAPANAS! NA GIYANAN NA RIBAT ANAN A PANARIMA NA GO PANGIMBNAR.

SII KO ORIYAN O KAWAFAT O MANOSIYA NA  DOWA DOWA A ONDASIYAN;  KAPAGONTONG SII KO SORGA O ALLAH,  ODI NA KAPAKARONDAN NA GO KAPAKADAPANAS SII KO APOY KO NARAKA.

SII SANGKAI BANDINGAN NA AYA PHAMAGOSAIN TANORON NA SO MAKAPANTAG SII KO ( FITNA NA GO SIKSA SII KO KOBOR ).

SO FITNA NA GO SO SIKSA SII KO KOBOR NA TIYANTO O QOR-AN A KITAB O ALLAH SO KABBNAR IYAN, NA GO TIYANTO MAMBO O RASOLOLLAH S.A.W. SII KO SUNNAH NIYAN, NA GO MIYAOMPONG SO MGA MUSLIM SA MATAAN ASO ADN A FITNA SII KO KOBOR NA GO ADN A SIKSAON.

GIYANGKANAN A "FITNA" GO "SIKSA" SII KO KOBOR NA MBIDA ANAN!

AYA "FITNA" SII KO KOBOR ; NA GIYOTO SO KATHPNGI O ALLAH SII KO TAW SA PHNGGOLALAN SA KAPAGIZAIRON O DOWAKATAW A MGA MALA IKAT O ALLAH. ( SO MUNKAR AGO SO NAKEER).

AYAPMAN A "SIKSA" SII KO KOBOR ; NA GOYOTO SO KITHANAANON O ALLAH SII KO MGA DUSANIYAN SII SANGKAI DONIYA SA PHAKITAAMANON SO KIYATALIKHODINIYAN SII KO SOGOAN O ALLAH KA AYADN A MITHONDA TONDAON KO DIINIYAN KAPAGINTAW NA SO BAYA A GINAWANIYAN A GO SO SHAITAN.

PHITHARO O RASOLOLLAH S.A.W. :

( المُسْلِمُ إِذَا سُئِلَ فِي القَبْرِ: يَشْهَدُ أَنْ لاَ إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ "، فَذَلِكَ قَوْلُهُ: {يُثَبِّتُ اللَّهُ الَّذِينَ آمَنُوا بِالقَوْلِ الثَّابِتِ فِي الحَيَاةِ الدُّنْيَا وَفِي الآخِرَةِ} [إبراهيم: 27]رواه البخاري .

MAANA : SO MUSLIM NA AMAY KO IZAAN SII KO KOBORIYAN, NA ZAKASIANIYAN A DAA ZIMBAAN A BNAR INONTABO SO ALLAH, NA GO MATAAN A SO MUHAMMAD NA SOGO O ALLAH, GIYANAN SO KATHARO O ALLAH : PAKAPHTHIKNAAN O ALLAH SO MIYAMARATIYAYA SA MAPHTHARO IRAN SO KATHARO A PHTHIKNASIRANON SII KO KAOYAGOYAG SII SA DONIYA NA GO SII SA ALONGAN A MAWRI.

 PHITHARO O RASOLOLLAH S.A.W. :

(( إِنَّ العَبْدَ إِذَا وُضِعَ فِي قَبْرِهِ وَتَوَلَّى عَنْهُ أَصْحَابُهُ، وَإِنَّهُ  لَيَسْمَعُ قَرْعَ نِعَالِهِمْ، " فَيُنَادِي مُنَادٍ مِنَ السَّمَاءِ: أَنْ قَدْ صَدَقَ عَبْدِي، فَأَفْرِشُوهُ مِنَ الْجَنَّةِ، وَافْتَحُوا لَهُ بَابًا إِلَى الْجَنَّةِ، وَأَلْبِسُوهُ مِنَ الْجَنَّةِ ، فَيَأْتِيهِ مِنْ رَوْحِهَا وَطِيبِهَا، وَيُفْتَحُ لَهُ فِيهَا مَدَّ بَصَرِهِ»  وَإِنَّ الْكَافِرَ" َتُعَادُ رُوحُهُ فِي جَسَدِهِ، وَيَأْتِيهِ مَلَكَانِ فَيُجْلِسَانِهِ فَيَقُولَانِ: لَهُ مَنْ رَبُّكَ؟ فَيَقُولُ: هَاهْ هَاهْ هَاهْ، لَا أَدْرِي، فَيَقُولَانِ لَهُ: مَا دِينُكَ؟ فَيَقُولُ: هَاهْ هَاهْ، لَا أَدْرِي، فَيَقُولَانِ: مَا هَذَا الرَّجُلُ الَّذِي بُعِثَ فِيكُمْ؟ فَيَقُولُ: هَاهْ هَاهْ، لَا أَدْرِي، فَيُنَادِي مُنَادٍ مِنَ السَّمَاءِ: أَنْ كَذَبَ، فَأَفْرِشُوهُ مِنَ النَّارِ، وَأَلْبِسُوهُ مِنَ النَّارِ، وَافْتَحُوا لَهُ بَابًا إِلَى النَّارِ " قَالَ: «فَيَأْتِيهِ مِنْ حَرِّهَا وَسَمُومِهَا» قَالَ: «وَيُضَيَّقُ عَلَيْهِ قَبْرُهُ حَتَّى تَخْتَلِفَ فِيهِ أَضْلَاعُهُ، ثُمَّ يُقَيَّضُ لَهُ أَعْمَى أَبْكَمُ مَعَهُ مِرْزَبَّةٌ مِنْ حَدِيدٍ لَوْ ضُرِبَ بِهَا جَبَلٌ لَصَارَ تُرَابًا، فَيَضْرِبُهُ بِهَا ضَرْبَةً يَسْمَعُهَا مَا بَيْنَ الْمَشْرِقِ وَالْمَغْرِبِ إِلَّا الثَّقَلَيْنِ فَيَصِيرُ تُرَابًا، ثُمَّ تُعَادُ فِيهِ الرُّوحُ )) أبو داود .

MAANA : AMAY KA TAGOON SO ORIPN – TAW – SII KO KOBORIYAN A GANATAN SKANIYAN O MGA BOLAYOKAIYAN – GO SO MGA FAMILIYANIYAN – NA MATAAN A PHKHAN-G IYANDN SO DALPK O MGA TINILAS IRAN SA KAPHNGGANATI IRANON.

NA MANANAWAGDN ANGKOTO A PHPHANANAWAG A MAKAPOPOON SII SA LANGIT  A DINIYAN DII THAROON A SABNAR A MIPHATIIS SO ORIPN AKN NA DMPASN IYODN SKANIYAN SA IGAANIYAN A PHOON SII KO SORGA, NA GO KAYANGNIYORONDN SO PAMINTOAN  O SORGA, NA GO PAKANDITARANIYODN SA NDITARN A PHOON SII KO SORGA ,NA MAMANGIBAYAMBRONDN ANGKOTO A KANAYO O KAMOT O SORGA NA MIKAYANG SO KOBORIYAN SA SADN SA BA PHKHASAMPAYAN KO PANGILA ILAYANIYAN.

NA SOPMAN SO KAFIR – GO SO BARA DUSA – NA MIKASAOY MAMBO SO NIYAWANIYAN SII KO BADANIYAN, NA MAKAOMAONDN ANGKOTO A DOWAKATAW A MGA MALA-IKAT, NA THAROON IRANON :ANTAA I KADNAN KA ?

NA MATHAROIYAN A : HAH! HAH! HAH! DIYAKN KATAWAN.

NA THAROON IRANON PMAN A :  ANTONAA  I AGAMANGKA ?

 NA MAKAGIRAW A ; HAH! HAH! DIYAKN KATAWAN. 

NA THAROON IRANON PMAN : ANTAA SO MAMA A SIYOGO RKANO ?

NA MAKAGIRAWPMAN A : HAH! HAH! DIYAKN KATAWAN.

NA MANANAWAGDN SO PHPHAPHANANAWAG A MAKAPOPOON SII KO LANGIT DINIYAN DII THAROON A SABNAR A MIYAMOKHAGDN ANGKANAN A TAW. NA DPMPASNIYODN SA IGAANIYAN A PHOON SII KO APOY SII KO NARAKA, GO PAKINDITARNIYORONDN SO NDITARN A PHOON SII KO APOY KO NARAKA, GO LKAINIYORONDN SO PAMINTOAN O NARAKA, NA SOMARAZABONDN ANGKOTO A KAYAW O NARAKA NA GO MAMAINGISOMPOTONDN SO MGA DOTI SII KO NARAKA, NA PAKASIMPITNONDN SO KOBORIYAN TAMAN SA MAKAZOSOLAPIDADN SO MGA GOSOKIYAN.

NA PATONGN SKANIYAN SA MABOBOTASKANIYAN NA GO PNGAW, NA MIPAGOOBAYNIYAN SO ROMPI A POTAW A OPAMA KO MIDBAK SII KO PALAW NA MAGOMBASAY SO PALAW SA KASOPIITIYAN, NA IDBAK RKANIYAN ANGKOTO A ROMPI NA KHAN-G KO SBANGAN NA GO SDPAN ANGKOTO A DALG O KINIDBAKNON SANGKOT A ROMPI NA MABALOY SKANIYAN A BAYANK NA ORIYANIYAN NA PAKA KASOYNON PMAN SO NIYAWANIYAN – SA GIYOTODN I MASOSOWAIYAN-.

PHITHARO O ALLAH SII SA QUR-AN :

( وَحاقَ بِآلِ فِرْعَوْنَ سُوءُ الْعَذابِ ، النَّارُ يُعْرَضُونَ عَلَيْها غُدُوًّا وَعَشِيًّا وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذابِ) سورة غافر 45- 46 .

MAANA :  GO MIYAPATOT KO PAGTAW O FIR-AWN SO MARATA A SIKSA , SO APOY NA PHPHAGIYAON SIRANON – SII KO KOBOR IRAN – KO OMAN KAPIPITA GO OMAN KHAGABI, NA SII KO GAWII A KAPAKATINDG O BANGKIT NA THAROON KO PAGTAW O FIR-AWN A SOLDKANODN KO NARAKA NA TINTIMINIYODN SO SANGAT A SIKSA.

GIYANAN MGA PAGARIKO NA GO MGA BABAYAKN SII KO ISLAM I MAPHMBTAD O TAW SII KO KAPADALMIYAN SII KO KOBORIYAN A ODINIYAN KALOMBOKI SO KAPIPIYA GINAWA A THITHO A KATHIKHNA NA GO KAPAKADKHA! NA AYANIYAN KHATAROSAN NA SO LBI A KAPARONDAN NAGO KAPAKADAPANAS A DADN A BANIYAN LAGID.

NA AYA KHILIDAS TANO SII SANGKANAN A PIYAKALKLK A SIKSA O ALLAH NA SO KAKAPTI TANO SII KO AGAMA TANO A ISLAM SA IPHNGGOLALAN TANO SKANIYAN SA DIYANGKA A KHAGAGATANO.

WASSALA-MO ALAYKOM WA RAHMATOLLAHI WABARAKA-TOH.

INISORAT O PAGARINIYO A "ABU MUEEN".