SO MGA KHAWA'RIJ

----------*------♥----------heart emoticon--

So mga KHAWA'RIJ na siran i pagampaganay a groupo a makasisilay a miyakambowat sii ko mga MUSLIM.

Aya Ama na go bkhawa ngakai a mga Taw na so ABDULLA BIN ZOL KHOWAYSIRA AL TAMI'MY.

Giyangkai a mama na aya taman a kapanonobraniyan sa Tindg na tiyohma niyan so Rasulollah s.a.w. sa di phaginontolan!

Kataya so Hadith :

عن أبي سعيد قال بينا النبي صلى الله عليه وسلم يقسم جاء عبد الله بن ذي الخويصرة التميمي فقال اعدل يا رسول الله فقال ويلك ومن يعدل إذا لم أعدل قال عمر بن الخطاب دعني أضرب عنقه قال دعه فإن له أصحابا يحقر أحدكم صلاته مع صلاته وصيامه مع صيامه يمرقون من الدين كما يمرق السهم من الرمية...) Bokhari.

Maana :

Miyaka poon ko Abi Saeed - Al khodri- r.a. na phitharo iyan a gowani a dirkami diimbagi bagiin o Rasolollah s.a.w. so taban, na miyakaoma si Abdulllah bin Al zil khowaysira Al tami'miy na phitharo iyan a; paginontolangkaki hay Rasolollah! Na phitharo o Rasollah s.a.w. a Siksa aki a khaparolingkasan! Antaa ari i makaphaginontolan opama ko ba sakn na knaba ako maka pagiinontolan! Na tig o Umar r.a. a bgi akong ya Rasulallah sa logar ka puta angko si Aki anan sa Ulo! Na tig o Rasolollah s.a.w. a dingkadn aki si Aki anan, ka adn a khababadan a mga pd i aki anan a mga taw a diiran dii zodiin so mga sambayang iyo sa ba khicompair ko mga sambayang iran, go so mga Powasa niyo sa ba khicompair ko mga powasa iran, mga taw anan a phkhada siran sii ko Agama sa datar o kaphagawa o Gasa a pana ko tadaraniyan igir a inipana!.

> Pdpn a Ropaan angkai mga Taw ! Na phitharo o Rasolollah s.a.w. :

( يأتي في آخِرِ الزمانِ قومٌ ، حُدَثاءُ الأسنانِ ، سُفَهاءُ الأحلامِ ، يقولونَ مِن خيرِ قولِ البريةِ ، يمرُقونَ منَ الإسلامِ كما يمرُقُ السهمُ منَ الرميةِ ، لا يُجاوِزُ إيمانُهم حناجرَهم ، فأينَما لَقيتُموهم فاقتُلوهم ، فإنَّ قتلَهم أجرٌ لِمَن قتَلهم يومَ القيامةِ ) Bokhari.

Maana :

Phakatalingoma sii ko Phkhaori a masa so mga pag a mga kangodaan i idad, a mga kkmpt i pamikiran, a diiran dii indadalil ko mga katharo iran so katharo o pinaka mapiya a kaadn - a giyoto so QUR-AN go HADITH- a phkhada siran sii ko Islam sa datar o kaphagawa o Gasa a pana ko tadaraniyan igira a inipana! So mga Para tiyaya iran na diniya khalpas so mga bakrng iran, na apiya andaniyo siran mabalak na pamonoa niyo siran, ka mataan a so kabonoa kiran na adn a balasiyan sa Alongan a mawri.

Note :

1- So mga KHAWA'RIJ na knaba mattndo so masa a kaphkha adn iran sabap sa knaba siran mattndo a pagtaw! knaba datar o katharo o mga pd a pendepensa sangka a mga KHAWA'RIJ imanto a masa a siikombo anan sii ko masa o Ali r.a., aya bnar ko kiya opakatiron ko mga Ima'm o Ahlu Sunnah Wala Jamaa na sii ko apiya antonaa masa na basta a so mga SIFAT o mga KHAWA'RIJ na matoon sii ko mga taw na pd siran sii ko mga KHAWA'RIJ.

2- So mga Khawa'rij na siran i miyono ko Uthman r.a. a mipaapda iran so mga pagtaw a mga SHI'AH a pag taw o Abdullah ibn Sabah sabap ko tiyohma iran so Uthman r.a. sa di phaginontolan.

3- Piyaka Kafir iran so Ali r.a. go so Mua'wiya go so Abdullah bin Zobayr, na go phiplanowaniran sa kabonoa iran sangkanan a mga Ala a mga Saha'ba.

4- Siran i mga taw a dii mamo monoaan sa aya phagosran iran na glat ko diiran dii kapanombalia ko mga Muslim.

> Pd sii ko mga Sifat o mga KHAWA'RIJ :

1- Dadn a rgn a kaPhphaka kafira iran sii ko mga Muslim sabap ko dii makanggalbk sa mala a Dusa.

2- Aya Kaparatiyaya iran na so phatay a malai Dusa a Muslim na tatap ko Naraka, sabap sa aya panarima iranon na Ka'fir skaniyan, odi na Muna'fiq.

3- Phagosarn iran a Dalil so Qur-an Go Sunnah Ogaid na mga kkmpt siran i Akal,.

Sabnar a bnar o katharo o Allah :

( قُلْ هَلْ نُنَبِّئُكُم بِالْأَخْسَرِينَ أَعْمَالًا ، الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا )
Al Kahf 104

Maana :

Bakn rkano phanothola so mga taw a thithodn a miyanga lologi so mga galbk iran a mga Taw!, Sirano to so mga Taw a miyadadag so panagontaman iran sii ko kaoyagoyag sa Doniya na siran na aya tangkap iranon na disiran dii miyaka piyapiya so diiran diinggola olaan.

Ilinadas tano o Allah sangkai a mga datar aya a mga Taw.

Allahumma A'meen.

SO SINDAW KO KAOYAGOYAG O MUSLIM

♥-----------------*------♥-----*--------------------♥

So Muslim na isa a tantoniyan a mapanganganay na andamanaya i kasindawi sii ko KAOYAGOYAGIYAN ! a giyanan so Sindaw a sii makambbkn sii ko Puso na go sii ko pamikiran na go sii ko kailay, na mipagawa iyan so kikokolambo o malibotng sii ko Puso iyan na go sii ko pamikiraniyan na go sii ko Mataniyan !

Sabap san na So Nabitano a Muhammad s.a.w. na inindao niyan rktano so mga Galbk a khabaloyniyan so kaoyagoyag tano a SINADAW!

Phitharo o Rasulollah s.a.w. :

( وَالصَّلاَةُ نُورٌ ) ( وَالصَّبْرُ ضِيَاءٌ ) Muslim.

Maana : Go so Sambayang na Sindaw. Go so Kasabar na Sinar.

> Aya maana anan pagariko nago babayakn na o kabayaaka a kasindawan so kaoyagoyag ka na tatapangka so sambayang nago so kasabar.

Go o kabayaaka sii ko Walayngka so KASINDAWAN na lalayon kawn phthindgn so mga SAMBAYANG a Sunnah.

Go o kabayaaka sii ko trak ka odi na Service ka a katagoan sa Sindaw na lalayongkawn dii kazambayang sa mga Sunnah.

Sabnar a so Sambayang na ron phrnk so mukarna o Muslim.

Note :

Aya a kailangan na basta a Makatindg ka sii ko phzambayangan ka na pokasangkadn sa ginawangka so dii kapamimikirana ko mga langowan parahiyasan ko DONIYA! na sampornaangka so niat ka na babaan ka so ginawangka, ka mataan a ayadn a aadapn ka sangkoto a masa na DATU o langowan o mga DATU, a giyoto skaniyan so phpham-gay sa sindaw na go phapaar ko langowantaman.

- ِAyapn a Pinaka mala a bolong a phakasindaw sii ko puso a kalilibngan na so QUR-AN :

Phitharo o Allah :

( يَاأَيُّهَا النَّاسُ قَدْ جَاءتْكُمْ مَوْعِظَةٌ مِنْ رَبِّكُمْ وَشِفَاءٌ لِمَا فِي الصُّدُورِ وَهُدًى وَرَحْمَةٌ لِلْمُؤْمِنِينَ ) Yunus 57.

Maana :

Hay! skano a mga Taw, na sabnar a miyaka talingoma rkano so pangoyat a phoon sii ko kadnaniyo a go Bolong sii ko - nganin a sakit - a madadalm sii ko mga Puso, na go toroan na go limo ko mga taw a miyamaratiyaya.

Aya mapipikir sangkanan a Bolong na go toroan na go limo na so QUR-AN AL CAREEM.

---------

PD KO SIPAT O MGA TAW PHKHARARANGITAN O ALLAH NAGO SO RASULOLLAH S.A.W.

*------♥-----------♥-----^------( heart emoticon )------^------♥-------------♥--------*

So pd ko mga Sipat o mga taw a phkhararangitan o Allah go so Rasulollah s.a.w. na giyangkai a phanga Aaloy :

1- SO MGA PANANAKOTO ! ko phimbarang a okit a kapanakoto.

2- SO MAPASANG I KAPAKITHOLAKA SA LOLOT! ikasosoatiyan a kitotolakniyan ko mga tonganay niyan ka ba siranon phphaka apas ko mga kamargnan iran, na dipn kaphangangapinan.

3- AYA IPHZOGO IYAN KO MGA TAW NA SO MARATA KNABA SO MAPIYA! kklidniyan so sogoan i Islam.

4- SO MAPASANG I KAPAKIPHAWALA! apiyadn o katawaniyan a ribat skaniyan go kabbnaran skaniyan na dipn dii maki phawala.

5- SO BRAK A MAPASANG I KAPANARO ! malagid i mapiya so phtharooniyan antawaa ka marata na diniyandn khatigr odiniyan matharo.

6- SO DIDN KHAPAWALAN KA SKANIYAMBO I BNAR! apiya o miyakayarayagondn a ribat skaniyan na didn khaonaan.

7- MAPASANG I KAPHASONG ! apaydn so di dapat a dii iphasong na dipn dii phasong.

8- SO TAW A THAROON KAWN A KALKNKA SO ALLAH NA TIGIYAN RKA A AYA TOTOLIKA NA GIYAYA A GINAWANGKA, DIYAKONGKA TATAKORA! diniyan kabaya oba adn a phagaloyron ko karibataniyan.

9- SO TAW A SII MITATADOK A PUSO IYAN KO BABAYA SA KANGGALBK SA MGA HARA'M! ayabodn a matatago sa pikiraniyan na baniyanbo maphnggola ola so kabayaiyan a piyakarata o islam, ka giyoto na hara'm a galbk.

10- SO TAW A AYA PHAGOYAGNIYAN KO MGA TAW NA SO OKIT O MGA JA'HILIYYA! parabo phkhakilala odi na phikhibida na phzopakniyan so mga dalil a mga rarayag ka aya phagoyagn niyan na so galbk o mga ja'hiliyya, odi na babaya iyan oto ko kambaradusa na go kada a respectoniyan sii ko Islam.

11- SO TAW A DAA RGNON A KAPHTHDAKANIYAN KO ROGO A MUSLIM A DIRON MAPAPATOT SO KATDAKIYAN! mimbaloy ron a normal so kaphmbonoa niyan ko Muslim sa apiya maytobo a minizala iyanon, odi na iphkhowa niyan sa tndan so datariyan a Muslim.

12- SO MGA TAW A DUWA I BONTAL, PLASTIC I OLAWLA, MAPIYA SA MARAYAG NA TILAKA SA DIDALM! aya kataongkawn igira a minimbitiyaraingka na tanto a mapiya takinoba bs ka sosorongankaniyan sa akal, ka so diniyan rka dii tharoon na sopaka o planoniyan rka.

13- SO TAW A MIYAMANGNIRON SO PDIYAN SA TABANG SA RAMIG IYAN INIAMPIT KO INGARAN O ALLAH NA DANIYANDN TAGOA SA GINAWA! maana dadn a baon arga o ingaran o Allah.

----------------

Giyanan i mga Sifat o mga taw a phkhararangitan o Allah, na aya patot rka pagariko na go babayakn a Muslim na pananggila ingka anan, sa oba adn a matatago rka sangkanan a miyanga Aaloy na ipoon imanto na pakawataningkadn na go pananggilaingkadn ka phakabinasa rka anan.

langon adn a mga dalil anan sii sa Hadith na datanodn aloya ka an tanto di phakatas so osayan.

Wallahul Muwaffiq.

INOTO AYA PHAGONOTI NA SO PHIYOR A MGA ULAMA ?

♥------------------o----------------♥------------------o-----------------♥

Aya sabap a nisisitadn na go kailangandn o mga Muslim a aya phanotan iran na so phiyor a mga Ulama miyaganad sangkai a islam, na oriyan iyan na aya kidg iran na so Okit o mga Salaf Al Sa'lih sii ko AQEEDA na go so MANHAJ na giyangkai a phanga aaloy :

> So Allah na tantoniyan a iniporo so pangkatan o phiyor amga Ulama sii ko Islam.

Phitharo o Allah :

يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ )المجادلة: 11] )

Maana :

Iphoro o Allah so pangkatan o Siran oto a miyamaratiyaya a pdrkano go so siran oto a piyamam-gan sa ilmo sii ko islam sa dibodn madakl a mga pangkatan.

Go phitharo iyampn :

(قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ إِنَّمَا يَتَذَكَّرُ أُولُو الْأَلْبَابِ) [الزمر: 9].

Maana :

Go tharo angka ya Muhammad a didn makaphlagid so mga taw a adn a mga ilmo iyan go so mga taw a daa mga ilmo iyan, na ayaboman a dii manandm na so mga taw a mga lantasan i pamikiran.

Go phitharo o Rasulollah s.a.w. :

( وفضل العالم على العابد كفضل القمر ليلة البدر على سائر الكواكب ) Abu Dawd @ Tirmizi.

Maana :

Go aya kapaka llbi o pangkatan o taw phiyor a A'lem sii ko muslim a knaba A'lem a barasimba na datar o kapakallbi o pangkatan o Olan igira a ikapat a taling ko ayag ko langowan o mga bitoon.

> So Allah na Inisogo iyan sii ko mga Muslim a igira a adn a diiran katawan pantag sii ko kaoyagoyag iran, balabawron so pantag sii ko Islam na izaan iran sii ko phiyor a mga Ulama.

Phitharo o Allah :

فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُون ) النحل - الآية 43 )

Maana :

Izaaniyo so Mga Ulama katawan iran so Qur-an - go so Sunnah- Upama ka skano na dikano maka kknal.

Giyangkai a A'yat na rabray, na aya mala a paka aantapamanon so mga Ulama a sasabotn iran phiyapiya so Qur-an go so Sunnah, a mga Ulama a aya kkdgn iran na so Okit o mga SALAF AL SA'LIH.

> So Allah na piyakalangkapiyan sii ko langon o mga taw a phmbtiya sii ko Qur-an a go so diron dii mamakin-g a mataan a ayabo a thitho a katatagoan sii ko samporna a kalk sii ko Allah na so mga Ulama.

Phitharo o Allah :

إِنَّمَا يَخْشَى اللَّهَ مِنْ عِبَادِهِ الْعُلَمَاءُ ۗ إِنَّ اللَّهَ عَزِيزٌ غَفُور ) فطر : 28 )

Maana :

Ayaboman a thitho a khikaalkn sii ko Allah ko mga Uripniyan na so thitho a mga Ulama, Mataan a so Allah na Mabgr a paririla.

> Piyaki takowan o Rasulollah s.a.w. a phoon so mga phiyor a mga Ulama na mablag siran sii ko mga taw, na giyotodn mambo i poon o khibinasa na go kiyadadag o mga taw.

Phitharo o Rasulollah s.a.w. :

( إن الله لا يقبض العلم انتزاعا ينتزعه من العباد ولكن يقبض العلم بقبض العلماء حتى إذا لم يبق عالما اتخذ الناس رءوسا جهالا فسئلوا فأفتوا بغير علم فضلوا وأضلوا ) Al Bokha'ri.

Maana :

Mataan a so Allah na diniyan khowaan so Ilmo sa ba kaginsing anggiasngniyan ko mga Oripniyan, Ogaid na aya khaphkadaa o ilmo na phnggolalan ko khaphanga ada o mga Phiyor a mga Ulama! taman sa amay ka dadn a malamba a Phiyor a A'lem, na komawadn so mga taw sa mga Olowan iran a mga Ignoranti sii ko Islam na aya iran phagizaan ko mga phnggalbkn sii ko Islam, na khisabap roo a madadagdn angkoto a mga taw na go phakadadag sirampn.

Na sii sangakai Masa na dapn manga ada so mga Ulama na pd sii ko mga taw na diiran khilalaan so mga phiyor a mga Ulama a somiyabot ko islam na go kmkdg sii ko Ontol a lalan ka aya phanotan iran na sabo sa IDOL iran a da maka sasakriyan sa ilmo sii ko phiyor a mga Ulama.

------

Na o kabaya aka pagari ko Muslim a maparihala so kathatakna o paratiyangkan sii ko Allah na kakpn ka so mga Ulama na kababayaingka siran na siika kiran phapakarani, ka angka iran kaamoti sii ko awid iran a sindaw, na go anka siran mipagpada sii sa Alonga a mawri.

Phitharo o Rasulollah s.a.w. :

( المَرْءُ معَ مَنْ أَحَبّ ) Al Tirmizi.

Maana :

So Manosiya na aya miphagpda iyan sa Alongan a mawri na so taw a phkhababayaaniyan.

- Samanoto na o aya phkhababayaan ka na so mga Artista a mga Ka'fir na siran i miphagpda aka sa alongan a mawri, odi mambo na so mga Politician, odi na mga Alai tamok a mga baradusa, sa skano i maka phamagpda sa Alongan a mawri, na datariyan mambo so diinggagalbk sa mga Bid-ah na o siran phkhababayaan ka na siran i miphagpdaaka!

Na o Aya phkhababayaan ka na so Phiyor a khipaka oontol a mga Ulama, na sii ka kiran mambo khitapi sii sa Alongan a mawri.

Ya Allah na baloyangka a aya ingmpda ami sii sa alongan a Mawri na so Nabiyami a Muhammad s.a.w. na go so mga Ulama ami a phkhababayaan ami sangkai a duniya. Allahumma A'meen.

Wallahul Taala A'la Wa A'lam.

ANOBA ANG TONAY NA KAPAYAPAAN AT KAGINHAWAAN ?

*------------------O---------- ( heart emoticon )------------O-----------------------*

Ang tonay na kapayapaan at kaginhawaan ay ang kapayapaan ng Puso then ang Isip then ang katawan, at ang bawat isa dito sa mundo ay nag hahanap ng tonay na kapayapaan at kaginhawaan.

Kong ganon ay itinoro sa Atin ng Mahal na Allah kong saan natin mahahanap at matatagpoan ang tonay kapayapaan at kaginhawaan, mapamondoman ito o sa kabilang bohay .

Ang Sabi ng Allah :
( مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُون َ [سورة النحل: 97].

Meaning :

kong sino ang gomawa ng kabotihan at maganda na ikalologod ng Allah, lalakiman ito o babae na siya'y nananampalataya kay Allah ay sigoradong ibibigaynamin sa kaniya ang maganda at mapayapang pamomohay, at bibigiyanamin sila ng gatimpala na mas maganda kay'sa kanilang ginawa.

Pangalawa, Ang sabi ni Allah s.w.:

( فَمَنِ اتَّبَعَ هُدَايَ فَلَا يَضِلُّ وَلَا يَشْقَى ) taha 123.

Meaning :

Kong sino ang magpaangkop sa aking gabay ay hindi siya maliligaw at hindi rin siya maghihirap.

kaya mga kapatid, kong nais natin talaga na makamtan natin ang tonay na kapayapaan at kaginhawaan ay mag paangkop tayo sa kagustohan ng Allah sa ating lahat.

lahat naman tayo ay naniniwala na ang lahat dito sa mondo ay controlado ng Allah, at kong sino ang kaniyan biyayaan ng kapayapaan ay saya ang makakakamit nito, at kong sinodin ang kaniyang pagkaitan nito ay wala siyang pag asa sa kapayapaan kailan man!

kaya bago natin hangadin ang kapayapaan sa ating minamahal na bayan ay onahin natin mona ang ating mga sarili.

Yang dalawang natokoy natin ang pinaka importanting bagay na kailangan nating magawa para makamit nating ang ating minimit-hing kapayapaan at kaginhawaan.

> Itong mga somososnod ay makakatolong sa atin para maging mapayapa ang ating mga Puso at isipan at katawan :

- pagandahin nating ang ating mga ogali, sa mga taong malalapit sa atin, at sa lahat ng ating nakakasalamoha, wag tayo maging traydor at sinongaling.

- iwasanating mag isip sa mga natapos na kasi hindi nayon maibabalik, at ang isipin natin ay kong ano ang mayroon ngayon, para hindi bomibigat ang ating mga dibdib.

- lagitayo nanalangin kay Allah, at binabasa ang mga babasing sunnah, tolad ng mga Azka'r at simpry ang Qur-an al kareem.

- Wagnating tignan ang mga taong nasa itaas natin, ang tignan nating ay ang mga tao sa ating ibaba, para laging positibo ang ating pag iisip.

- palakasin natin ang ating mga Puso, at wagna nating problemahin ang mga hindi naman nangyayari.

- pag may problemaka ay tignan monalang ang mga ibang magagandang biyaya sayo ng Allah, para hindi maka apectado sayo kong anoman ang pinoproblema mo.

> Yan mga minamahal kong kapated ang laginating isapuso at isa isip para makamit natin ang kapayapaan at kaligayahan at kaginhawaan sa ating mga bohay.

Wallahul Muwaffiq.

" SO FITNA GO SO SIKSA SII KO KOBOR "

BISMILLAH, WALHAMDULILLAH, WASSALLA-TO WASSALA-MO ALA- RASOLILLAH, WA BAAD :

ISA SA KASASABAPAN KO KALOBAY O PARATIYAYA O MGA TAW SII KO ALLAH NA SO KALILIPATI IRAN OBA ADN A KHANDODAN IRAN SII KO ORAYAN O KAWAPATIRAN A KAGANATI IRAN SANGKAI A DONIYA, KA AYADN A KATATARIMAA IRANON NA BA MAWAPAT SO MANOSIYA NA MIYAPASAD SO PHKHAGDAMIYAN A KAPAKADADAYA ODI NA KAPAKADADAPANAS! NA GIYANAN NA RIBAT ANAN A PANARIMA NA GO PANGIMBNAR.

SII KO ORIYAN O KAWAFAT O MANOSIYA NA  DOWA DOWA A ONDASIYAN;  KAPAGONTONG SII KO SORGA O ALLAH,  ODI NA KAPAKARONDAN NA GO KAPAKADAPANAS SII KO APOY KO NARAKA.

SII SANGKAI BANDINGAN NA AYA PHAMAGOSAIN TANORON NA SO MAKAPANTAG SII KO ( FITNA NA GO SIKSA SII KO KOBOR ).

SO FITNA NA GO SO SIKSA SII KO KOBOR NA TIYANTO O QOR-AN A KITAB O ALLAH SO KABBNAR IYAN, NA GO TIYANTO MAMBO O RASOLOLLAH S.A.W. SII KO SUNNAH NIYAN, NA GO MIYAOMPONG SO MGA MUSLIM SA MATAAN ASO ADN A FITNA SII KO KOBOR NA GO ADN A SIKSAON.

GIYANGKANAN A "FITNA" GO "SIKSA" SII KO KOBOR NA MBIDA ANAN!

AYA "FITNA" SII KO KOBOR ; NA GIYOTO SO KATHPNGI O ALLAH SII KO TAW SA PHNGGOLALAN SA KAPAGIZAIRON O DOWAKATAW A MGA MALA IKAT O ALLAH. ( SO MUNKAR AGO SO NAKEER).

AYAPMAN A "SIKSA" SII KO KOBOR ; NA GOYOTO SO KITHANAANON O ALLAH SII KO MGA DUSANIYAN SII SANGKAI DONIYA SA PHAKITAAMANON SO KIYATALIKHODINIYAN SII KO SOGOAN O ALLAH KA AYADN A MITHONDA TONDAON KO DIINIYAN KAPAGINTAW NA SO BAYA A GINAWANIYAN A GO SO SHAITAN.

PHITHARO O RASOLOLLAH S.A.W. :

( المُسْلِمُ إِذَا سُئِلَ فِي القَبْرِ: يَشْهَدُ أَنْ لاَ إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ "، فَذَلِكَ قَوْلُهُ: {يُثَبِّتُ اللَّهُ الَّذِينَ آمَنُوا بِالقَوْلِ الثَّابِتِ فِي الحَيَاةِ الدُّنْيَا وَفِي الآخِرَةِ} [إبراهيم: 27]رواه البخاري .

MAANA : SO MUSLIM NA AMAY KO IZAAN SII KO KOBORIYAN, NA ZAKASIANIYAN A DAA ZIMBAAN A BNAR INONTABO SO ALLAH, NA GO MATAAN A SO MUHAMMAD NA SOGO O ALLAH, GIYANAN SO KATHARO O ALLAH : PAKAPHTHIKNAAN O ALLAH SO MIYAMARATIYAYA SA MAPHTHARO IRAN SO KATHARO A PHTHIKNASIRANON SII KO KAOYAGOYAG SII SA DONIYA NA GO SII SA ALONGAN A MAWRI.

 PHITHARO O RASOLOLLAH S.A.W. :

(( إِنَّ العَبْدَ إِذَا وُضِعَ فِي قَبْرِهِ وَتَوَلَّى عَنْهُ أَصْحَابُهُ، وَإِنَّهُ  لَيَسْمَعُ قَرْعَ نِعَالِهِمْ، " فَيُنَادِي مُنَادٍ مِنَ السَّمَاءِ: أَنْ قَدْ صَدَقَ عَبْدِي، فَأَفْرِشُوهُ مِنَ الْجَنَّةِ، وَافْتَحُوا لَهُ بَابًا إِلَى الْجَنَّةِ، وَأَلْبِسُوهُ مِنَ الْجَنَّةِ ، فَيَأْتِيهِ مِنْ رَوْحِهَا وَطِيبِهَا، وَيُفْتَحُ لَهُ فِيهَا مَدَّ بَصَرِهِ»  وَإِنَّ الْكَافِرَ" َتُعَادُ رُوحُهُ فِي جَسَدِهِ، وَيَأْتِيهِ مَلَكَانِ فَيُجْلِسَانِهِ فَيَقُولَانِ: لَهُ مَنْ رَبُّكَ؟ فَيَقُولُ: هَاهْ هَاهْ هَاهْ، لَا أَدْرِي، فَيَقُولَانِ لَهُ: مَا دِينُكَ؟ فَيَقُولُ: هَاهْ هَاهْ، لَا أَدْرِي، فَيَقُولَانِ: مَا هَذَا الرَّجُلُ الَّذِي بُعِثَ فِيكُمْ؟ فَيَقُولُ: هَاهْ هَاهْ، لَا أَدْرِي، فَيُنَادِي مُنَادٍ مِنَ السَّمَاءِ: أَنْ كَذَبَ، فَأَفْرِشُوهُ مِنَ النَّارِ، وَأَلْبِسُوهُ مِنَ النَّارِ، وَافْتَحُوا لَهُ بَابًا إِلَى النَّارِ " قَالَ: «فَيَأْتِيهِ مِنْ حَرِّهَا وَسَمُومِهَا» قَالَ: «وَيُضَيَّقُ عَلَيْهِ قَبْرُهُ حَتَّى تَخْتَلِفَ فِيهِ أَضْلَاعُهُ، ثُمَّ يُقَيَّضُ لَهُ أَعْمَى أَبْكَمُ مَعَهُ مِرْزَبَّةٌ مِنْ حَدِيدٍ لَوْ ضُرِبَ بِهَا جَبَلٌ لَصَارَ تُرَابًا، فَيَضْرِبُهُ بِهَا ضَرْبَةً يَسْمَعُهَا مَا بَيْنَ الْمَشْرِقِ وَالْمَغْرِبِ إِلَّا الثَّقَلَيْنِ فَيَصِيرُ تُرَابًا، ثُمَّ تُعَادُ فِيهِ الرُّوحُ )) أبو داود .

MAANA : AMAY KA TAGOON SO ORIPN – TAW – SII KO KOBORIYAN A GANATAN SKANIYAN O MGA BOLAYOKAIYAN – GO SO MGA FAMILIYANIYAN – NA MATAAN A PHKHAN-G IYANDN SO DALPK O MGA TINILAS IRAN SA KAPHNGGANATI IRANON.

NA MANANAWAGDN ANGKOTO A PHPHANANAWAG A MAKAPOPOON SII SA LANGIT  A DINIYAN DII THAROON A SABNAR A MIPHATIIS SO ORIPN AKN NA DMPASN IYODN SKANIYAN SA IGAANIYAN A PHOON SII KO SORGA, NA GO KAYANGNIYORONDN SO PAMINTOAN  O SORGA, NA GO PAKANDITARANIYODN SA NDITARN A PHOON SII KO SORGA ,NA MAMANGIBAYAMBRONDN ANGKOTO A KANAYO O KAMOT O SORGA NA MIKAYANG SO KOBORIYAN SA SADN SA BA PHKHASAMPAYAN KO PANGILA ILAYANIYAN.

NA SOPMAN SO KAFIR – GO SO BARA DUSA – NA MIKASAOY MAMBO SO NIYAWANIYAN SII KO BADANIYAN, NA MAKAOMAONDN ANGKOTO A DOWAKATAW A MGA MALA-IKAT, NA THAROON IRANON :ANTAA I KADNAN KA ?

NA MATHAROIYAN A : HAH! HAH! HAH! DIYAKN KATAWAN.

NA THAROON IRANON PMAN A :  ANTONAA  I AGAMANGKA ?

 NA MAKAGIRAW A ; HAH! HAH! DIYAKN KATAWAN. 

NA THAROON IRANON PMAN : ANTAA SO MAMA A SIYOGO RKANO ?

NA MAKAGIRAWPMAN A : HAH! HAH! DIYAKN KATAWAN.

NA MANANAWAGDN SO PHPHAPHANANAWAG A MAKAPOPOON SII KO LANGIT DINIYAN DII THAROON A SABNAR A MIYAMOKHAGDN ANGKANAN A TAW. NA DPMPASNIYODN SA IGAANIYAN A PHOON SII KO APOY SII KO NARAKA, GO PAKINDITARNIYORONDN SO NDITARN A PHOON SII KO APOY KO NARAKA, GO LKAINIYORONDN SO PAMINTOAN O NARAKA, NA SOMARAZABONDN ANGKOTO A KAYAW O NARAKA NA GO MAMAINGISOMPOTONDN SO MGA DOTI SII KO NARAKA, NA PAKASIMPITNONDN SO KOBORIYAN TAMAN SA MAKAZOSOLAPIDADN SO MGA GOSOKIYAN.

NA PATONGN SKANIYAN SA MABOBOTASKANIYAN NA GO PNGAW, NA MIPAGOOBAYNIYAN SO ROMPI A POTAW A OPAMA KO MIDBAK SII KO PALAW NA MAGOMBASAY SO PALAW SA KASOPIITIYAN, NA IDBAK RKANIYAN ANGKOTO A ROMPI NA KHAN-G KO SBANGAN NA GO SDPAN ANGKOTO A DALG O KINIDBAKNON SANGKOT A ROMPI NA MABALOY SKANIYAN A BAYANK NA ORIYANIYAN NA PAKA KASOYNON PMAN SO NIYAWANIYAN – SA GIYOTODN I MASOSOWAIYAN-.

PHITHARO O ALLAH SII SA QUR-AN :

( وَحاقَ بِآلِ فِرْعَوْنَ سُوءُ الْعَذابِ ، النَّارُ يُعْرَضُونَ عَلَيْها غُدُوًّا وَعَشِيًّا وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذابِ) سورة غافر 45- 46 .

MAANA :  GO MIYAPATOT KO PAGTAW O FIR-AWN SO MARATA A SIKSA , SO APOY NA PHPHAGIYAON SIRANON – SII KO KOBOR IRAN – KO OMAN KAPIPITA GO OMAN KHAGABI, NA SII KO GAWII A KAPAKATINDG O BANGKIT NA THAROON KO PAGTAW O FIR-AWN A SOLDKANODN KO NARAKA NA TINTIMINIYODN SO SANGAT A SIKSA.

GIYANAN MGA PAGARIKO NA GO MGA BABAYAKN SII KO ISLAM I MAPHMBTAD O TAW SII KO KAPADALMIYAN SII KO KOBORIYAN A ODINIYAN KALOMBOKI SO KAPIPIYA GINAWA A THITHO A KATHIKHNA NA GO KAPAKADKHA! NA AYANIYAN KHATAROSAN NA SO LBI A KAPARONDAN NAGO KAPAKADAPANAS A DADN A BANIYAN LAGID.

NA AYA KHILIDAS TANO SII SANGKANAN A PIYAKALKLK A SIKSA O ALLAH NA SO KAKAPTI TANO SII KO AGAMA TANO A ISLAM SA IPHNGGOLALAN TANO SKANIYAN SA DIYANGKA A KHAGAGATANO.

WASSALA-MO ALAYKOM WA RAHMATOLLAHI WABARAKA-TOH.

INISORAT O PAGARINIYO A "ABU MUEEN".

( RUGO RUGOD NA GO MUSAWIR PANTAG SANGKAI A FITNA A SOMASAGAD )

GIYANGKAI A KABIBINTAY ANGKAI A FITNA SII SANGKAI A MGA INGD A MGA MUSLIM NA KNABA ININ PAKAMMSA NA GO KNA OBA ININ DI KATAWI O MGA TAW A DIINDIROBASA SANGKAI A AGAMATANO ISLAM.

SO RASOLOLLAH S.A.W. NA MINIONANIYAN KO MGA UMMATIYAN SO KIYAPAKITOKAWINIYAN KIRANON SA KAPHAKATALINGOMA ANGKAI A MASA A TANTO A ZAGAD SO MGA MUSLIM SA MAFITL A FITNA.

PHITHARO O RASOLOLLAH S.A.W. :

 «سَتَكُونُ فِتَنٌ، القَاعِدُ فِيهَا خَيْرٌ مِنَ القَائِمِ، وَالقَائِمُ خَيْرٌ مِنَ المَاشِي، وَالمَاشِي فِيهَا خَيْرٌ مِنَ السَّاعِي، مَنْ تَشَرَّفَ لَهَا تَسْتَشْرِفْهُ، فَمَنْ وَجَدَ مَلْجَأً أَوْ مَعَاذًا، فَلْيَعُذْ بِهِ» البخاري .

MAANA :  SIGORADO A KHAADN SO FITNA – SII KO MGA UMMAT AKN- A SO MOONTOD NA MAS THOMO A DISO TOMITINDG NA SO TOMITINDG NA MAS THOMO A DISO PHLALAKAW NA SO PHLALAKAW NA MAS THOMO A DISO DIINGGAGAAN, NA SA TAW A ISOMBONIYANON A GINAWANIYAN NA MISOMBORON NA SA TAW A MAKATOON SA OKIT A KHILGTASIYAN NA SONGON NA PANGANGIYAS SII KO FITNA. ( GIYANGKAI A HADITH NA PIYANOTHOL I IMA'M AL-BOKHA'RI )

SABAP ROO NA FITNA SII KO NDOLONDOLONAN O MGA MUSLIM A PHAGONDAS A DATAR O RGS O RAGAT A ZAGAD NA SII MIYAGPOON KO KIYAFAT O UMAR BNIL KHATA'B  R. A. KAGIYA SO UMAR R.A. NA SKANIYAN I PAYTAW ANKANAN A RGS O FITNA A KHALOMBOKAN O MGA MUSLIM.

عن حُذَيْفَةَ، قَالَ: كُنَّا جُلُوسًا عِنْدَ عُمَرَ رَضِيَ اللَّهُ عَنْهُ، فَقَالَ: أَيُّكُمْ يَحْفَظُ قَوْلَ رَسُولِ اللَّهِ صَلَّى اللهُ عَلَيْهِ وَسَلَّمَ فِي الفِتْنَةِ، قُلْتُ أَنَا كَمَا قَالَهُ: قَالَ: إِنَّكَ عَلَيْهِ أَوْ عَلَيْهَا لَجَرِيءٌ، قُلْتُ: «فِتْنَةُ الرَّجُلِ فِي أَهْلِهِ وَمَالِهِ وَوَلَدِهِ وَجَارِهِ، تُكَفِّرُهَا الصَّلاَةُ وَالصَّوْمُ وَالصَّدَقَةُ، وَالأَمْرُ وَالنَّهْيُ» ، قَالَ: لَيْسَ هَذَا أُرِيدُ، وَلَكِنِ الفِتْنَةُ الَّتِي تَمُوجُ كَمَا يَمُوجُ البَحْرُ، قَالَ: لَيْسَ عَلَيْكَ مِنْهَا بَأْسٌ يَا أَمِيرَ المُؤْمِنِينَ، إِنَّ بَيْنَكَ وَبَيْنَهَا بَابًا مُغْلَقًا، قَالَ: أَيُكْسَرُ أَمْ يُفْتَحُ؟ قَالَ: يُكْسَرُ، قَالَ: إِذًا لاَ يُغْلَقَ أَبَدًا، قُلْنَا: أَكَانَ عُمَرُ يَعْلَمُ البَابَ؟ قَالَ: نَعَمْ، كَمَا أَنَّ دُونَ الغَدِ اللَّيْلَةَ، إِنِّي حَدَّثْتُهُ بِحَدِيثٍ لَيْسَ بِالأَغَالِيطِ فَهِبْنَا أَنْ نَسْأَلَ حُذَيْفَةَ، فَأَمَرْنَا مَسْرُوقًا فَسَأَلَهُ، فَقَالَ: البَابُ عُمَرُ ) البخاري .

MAANA : MIYAKAPOON KO HODAYFAH A MOONTOD KAMI A TIGYAN KO OBAY O UMAR R.A. NA PHITHAROIYAN  A ANTAA RKANO I MAKAMOMORAYS KO KATHARO O RASOLOLLAH S.A.W. PANTAG SIIKO KHAADN A FITNA ?  NA MIYAKA GIRAW AKO A TIG O HODAYFAH A SAKN.

NA TIGIYAN A USTO A MASNSRKA! NA PHITHARO AKN A SO FITNA O MAMA PANTAG KO KAROMANIYAN GO SO WATAIYAN GO SO TAMOKIYAN GO SO SIRINGANIYAN NA PHKHAPONAS ANAN O SAMBAYANG GO SO KAZADQA GO SO KASOGO SA MAPIYA NA GOSO KASAPAR SA MARATA !

NA GOMINIRAW SO UMAR R.A. A KNABA GIYANAN  I IPHAGIZA AKN A MAPIPIKIR AKN; KA AYA IPHAGIZA AKN NA SO FITNA A DATAR O RGS O RAGAT A KANDANSALIYAN ?  NA MIYAKA GIRAW SO –HODHAYFAH BNOL YAMAN R.A. – A DADN A BANGKASAN PANGILAM HAY DATU O MGA MU'MEN KA SO PAGLTAN KA AGO SKANIYAN NA PAYTAW A KALLKBAN!

NA GOMINIRAW SO UMAR R.A. A INO  KHABINASA SO PAYTAWNIYAN – KHITAYAK- ANTAWAA KA KHALAKAAN PHIYAPIYA ?  NA TIG O –HODHAYFAH BNOL YAMAN R.A. – A KHITAYAK !

NA MIYAKAGIRAW SO UMAR A SAMAWTO NA DIDN KHALKBAN SA DAYON SA DAYON? NA TIG O –HODHAYFAH BNOL YAMAN R.A. – A OWAY.  NA MIYAKAGIRAW KAMI KO ABU HODAYFAH A INO SO UMAR KATAWANIYAN O ANTONAA I PAYTAW O FITNA ? NA TIG O HODAYFAH A OWAY, KATAWANIYAN SA DATAR O KATAWINIYAN SA AYA THALONDOG KO DAWNDAW NA GAGAWII. SABAP SA MIYAPANOTHOL AKN RKANIYAN SO HADITH A KNA OBA MARGN A SABOTN.

NA MIYAPROYO AMI A IIZA AMI KO – HODAYFAH R.A.- O ANTONAA I PAYTAW O FITNA ? NA SIYOGO AMI SO MASROOQ A IIZA IYAN KO HODAYFAH R.A. NA INIIZA IYANON O ANTAA I PAYTAW O FITNA ? NA TIG O HODAYFAH A SO UMAR R.A. ( GIYANGKAI A HADITH NA PIYANOTHOL I IMA'M AL-BOKHARI ).

NA GIYANAN MGA PAGARI KO I SII KO ORIYAN O KIYAWAFAT O UMAR R.A. NA KIYALKAAN SO RGS O FITNA SII KO MGA MUSLIM NA OMAN MISG SO MASA NA BADN PHKHAOMANI SA KABANDS SO KASASAGAD O FITNA SII KO MGA MUSLIM, KATAWANIYO SO MIYA ADN KO MASA O UTHMAN R.A. A GIYOTO SO KIYAPAKA GMAW O LOMPOKAN A MIYATHAONG I ABDULLAH IBN SABAH A LOMINIYO KO KHILAFA O UTHMAN R.A. TAMAN SA MIYAPATAY IRAN SO UTHMAN R.A.,  GIYANAN A LUMPOKAN A MIYATHAONG I ABDULLAH IBN SABAH NA GIYANAN  I PAGANAY A LOMPOKAN O MGA SHI-AH GO MGA KHAWA-RIJ A MAIISA ISA SIRANON NA ORIYANIYAN NA SII KO MASA O ALI R.A. AGO SO MUAWIYA R.A. NA MIYAOPARIK SIRAMBOPMAN KA SOMINIBAY SO MGA KHAWA-RIJ KA PIYAKA KAPIR IRAN SO ALI GO SO MUA-WIYA GO SO ABDULLAH IBN ZUBAYR R.A. DAYON SA PHIPHLANO IRAN A MBONOON IRAN ANGKANAN A TLOKATAW A MGA DATU A MGA SAHA-BA NA AYABO A MIYAPATAY IRANON NA SO ALI R.A.

AYA ANTAPTANO SANGKANAN A KIYA ALOYA TANO SA MAKAMPT ATHOTHOLAN  NA AN MAKARAYAG RKANO A MGA PAGARI AMI A MGA MUSLIM A SO FITNA NA MIYAGPHOON SII KO MUNADN A MASA KO ORIYAN O KIYAWAFAT O UMAR R.A. NA MIDADAYONDN SA TAMAN IMANTO.

ORIYAN O MGA SAHA-BA GO SO MGA TA-BIEEN NA MINGGMAWDN SO PIMBARANG A MGA GROUPO A MIYAMAKASILAY NA GO MIYAMANOBRADN SO MGA TINDG IRAN, DATAR ANGKOTO A TIGAKN A MGA SHI-AH GO SO MGA KHAWA-RIJ GO SO MGA JAHMIYYAH GO SO MGA MU-TAZILA GO SO MGA KOLLABIYYAH AL-ASHA-IRAH GO SO MGA MA-TORIDIYYA, SO MGA SOFIYYA AL-GOLA-T, GO SO MGA BATINIYYA GOSO MGA SALAKAW SAN A PALAYADN MIYAMAKASILAY SO PANARIMA IRAN SII KO THITHO A PANARIMA O RASOLOLLAH S.A.W. GO SO MGA SALAF AL-SA-LIH, NA TAMANDN IMANTO NA BADN  PHKHAOMANI SA KARGS SO KAPHAGONDAS O FITNA A KALOLOMBOKAN O MGA MUSLIM.

SABAP ROO NA SO RASOLOLLAH S.A.W. NA ADN A INSANA NIYAN RKTANO SII KO KAMASAI TANO SANGKAI A FITNAH A MASASANGBA TANO SA KIYATHAROANIYANON :

(( فَإِنَّهُ مَنْ يَعِشْ مِنْكُمْ بَعْدِي فَسَيَرَى اخْتِلَافًا كَثِيرًا، فَعَلَيْكُمْ بِسُنَّتِي وَسُنَّةِ الْخُلَفَاءِ الْمَهْدِيِّينَ الرَّاشِدِينَ، تَمَسَّكُوا بِهَا وَعَضُّوا عَلَيْهَا بِالنَّوَاجِذِ، وَإِيَّاكُمْ وَمُحْدَثَاتِ الْأُمُورِ، فَإِنَّ كُلَّ مُحْدَثَةٍ بِدْعَةٌ، وَكُلَّ بِدْعَةٍ ضَلَالَةٌ» أبوداود [حكم الألباني] : صحيح .

MAANA : GO MATAAN A SADAN SA MAKAPAGINTAW RKANO NA KHAMASAANIYAN NA GO KHAILAYNIYAN SO KAPHZOZOPAKA - O MGA MUSLIM A TANTO A MARABONG – NA AYA WAJIB RKANO NA IKAKPIYO NA SO OKIT AKN 'SUNNAH AKN' NA GO SO OKIT ' SUNNAH' O MGA KHALIFA AKN A KHIKATOTORO – GIYOTO SO ABU BAKR GO SO UMAR GO SO UTHMAN GO SO ALI R.A. -  SA KKBNIYORON SO MGA BAGANGIYO.  NA PANANGGILAI NIYO SO PHPHANGABABAGO A MGA OLAWLA SII KO AGAMA, KA MATAAN A SO LANGON O PHKHABAGO NA BID-AH NA LANGON A BID-AH NA KADADAGAN. ( ABI DAWD, CORRECT A TIGI IMA'M AL-BA-NI ).

GIYAYA I INSANA O RASOLOLLAH KO MGA MUSLIM SII KO MASA A KAADNKIRAN O FITNA A MAKAPHTHATAKILIDA SO MGA GROUPO A PALAYA PHAPANDI SA KAIISLAMI NA AYA PAGILAIN NA SA THITHO A KOMKDG KIRAN SIIKO OKIT O RASOLOLLAH S.A.W. NA GO SO MGA SALAF AL-SA-LIH, NA SA MAKATHITHITHO KIRANON NA AYA PAGONOTAN, NA OPMAN OBA LANGONDN KATATAGOI SA KARIBATAN OGAID NA MBIBIDA SA KAITO NA GO KALA I KAPAKASISILAY NA SA MAYTO ON I KAPAKASISILAY NA YA PAGONOTAN, NA OPMAN OBA LANGON MAAWAT SII KO ISLAM SO MGA PANAGONTAMAN IRAN KA MIYAMANOBRA LANGON SA MALA KO MGA LIMITI O ISLAM NA DADN A BAKIRAN PAGONOTI SA THOMO A BADN MAKASISIBAY SO TAW SII KO KILID A INGD NA RONIYAN DII MIPAGINTAW SO FAMILIYANIYAN A PHKHASIMBA IRANON PHIYAPIYA SO ALLAH.

LAGID ANAN SO KATHARO O RASOLOLLAH S.A.W. A MIYAPANOTHOL O HODAYFAH R.A.

عن حذيفة رضي الله عنه قال ؛ قلْتُ يَا رَسُولَ اللَّهِ إِنَّا كُنَّا فِي جَاهِلِيَّةٍ وَشَرٍّ، فَجَاءَنَا اللَّهُ بِهَذَا الخَيْرِ، فَهَلْ بَعْدَ هَذَا الخَيْرِ مِنْ شَرٍّ؟ قَالَ: «نَعَمْ» قُلْتُ: وَهَلْ بَعْدَ ذَلِكَ الشَّرِّ مِنْ خَيْرٍ؟ قَالَ: «نَعَمْ، وَفِيهِ دَخَنٌ» قُلْتُ: وَمَا دَخَنُهُ؟ قَالَ: «قَوْمٌ يَهْدُونَ بِغَيْرِ هَدْيِي، تَعْرِفُ مِنْهُمْ وَتُنْكِرُ» قُلْتُ: فَهَلْ بَعْدَ ذَلِكَ الخَيْرِ مِنْ شَرٍّ؟ قَالَ: «نَعَمْ، دُعَاةٌ إِلَى أَبْوَابِ جَهَنَّمَ، مَنْ أَجَابَهُمْ إِلَيْهَا قَذَفُوهُ فِيهَا» قُلْتُ: يَا رَسُولَ اللَّهِ، صِفْهُمْ لَنَا؟ فَقَالَ: «هُمْ مِنْ جِلْدَتِنَا، وَيَتَكَلَّمُونَ بِأَلْسِنَتِنَا» قُلْتُ: فَمَا تَأْمُرُنِي إِنْ أَدْرَكَنِي ذَلِكَ؟ قَالَ: تَلْزَمُ جَمَاعَةَ المُسْلِمِينَ وَإِمَامَهُمْ، قُلْتُ: فَإِنْ لَمْ يَكُنْ لَهُمْ جَمَاعَةٌ وَلاَ إِمَامٌ؟ قَالَ «فَاعْتَزِلْ تِلْكَ الفِرَقَ كُلَّهَا، وَلَوْ أَنْ تَعَضَّ بِأَصْلِ شَجَرَةٍ، حَتَّى يُدْرِكَكَ المَوْتُ وَأَنْتَ عَلَى  ذَلِكَ» البخاري .

MAANA : MIYAKAPOON KO HODAYFAH R.A. A PHITHARO IYAN A PHITHARO AKN KO RASOLOLLAH S.A.W. A HAY RASOLOLLAH MATAAN SKAMI NA MAPAPADALM KAMI KO MARATA A BTAD KO MASA A JA-HILIYYAH NA MIYAKATALINGOMA RKAMI ANGKAI A MAPIYA – SO ISLAM - ! NA INO BA ADN A ORIYAN ANGKAI A MAPIYA A MARATA?  NA TIG O RASOLOLLAH S.A.W. A OWAY.  NA TIGAKN A ORIYAN ANGKOTO A MARATA BA ADNPMAN A PHAKATALINGOMA A MAPIYA?  NA TIGIYAN A OWAY.  NA TIGAKN A ORIYAN PMAN ANGKAO A MAPIYA NA ADNPMAN A MARATA A PHAKATONDOGON? NA TIG O RASOLOLLAH S.A.W. A OWAY NA MISASARTAON BADN ANGKOTO A 'DAKHN' !  NA TIAGAKN A ANTONAA ANGKOTO A 'DAKHN' ?  NA TIGIYAN A MGA TAW A AYA PHAPHALATIKO ON IRAN A TOROAN NA KANABA SO TOROAN AKN NA KNALANGKA O ANTAWAA SIRAN NA ONGKIR ANGKA SIRAN KO OKIT IRAN.  NA TIGAKNPMAN A ORIYAN ANGKANAN A MAPIYA A MASA A KASASAOGAN NA BA ADNPMAN A THALONDOGON A MARATA ?  NA TIG O RASOLOLLAH S.A.W. A OWAY, PHAKATALINGOMA A MGA TAW A AYA DIIRAN DII MIPANOLON NA SO PAYTAW O KANARAKAAN, NA SADN SA MONOTKIRANON NA PAKADMBNGN IRANON!  NA MIYAKA GIRAW AKO A TIG O HODAYFAH R.A. A HAY RASOLOLLA NA ROPAAN KA SIRAN RKAMI O ANTAA SIRAN ? NA TIG O RASOLOLLAH S.A.W. A SIRAN AKI NA MGA DATAR TANO SA KOBAL GO AYA KATHARO IRAN NA DATAR O MGA KATHARO TANO!  NA MIYAKAGIRAW AKOPMAN A HAY RASOLOLLAH ANTONAA I IZOGOOKA RAKN OPAMA KA RAOTA AKN ANGKANAN A DATAR ANAN A MASA ? NA TIG O RASOLOLLAH S.A.W. A THIKHNAKA NA GO PHADKTKA KO OMPONGAN O MGA MUSLIM AGOSO DATUIRAN.  NA TIGAKN A AMAY KO DAA OMPONGAN IRAN NA DAPN A DATU IRAN ? NA TIG O RASOLOLLAH S.A.W. A NA OBA GIYANAN NA BLAGANGKA ANGKANAN A MGA GROUPO SA KALANGOLANGONIYAN NA APIYA AYA MIYAOLAOLANGKA NA MAKKBKA SO BKAW A KAYO TAMAN SA MAOMAKA O KAPATAY NA GIYOTODN I MAMBBTAD KA ( PIYANOTHOL ANAN I IMA'M AL-BOKHA-RI ).

GIYANAN MGA PAGARIKO A MGA MUSLIM I INSAN RKTANO O RASOLOLLAH S.A.W. SII KO MASA A KASHAGADA RKTANO O FITNA A DATAR ANGKAI A MASA TANO IMANTO.

SA MASA IMANTO NA AYA ISA A FITNA A SOMASAGAD KO MGA MUSLIM SA KADANDANIYAN NA GIYANGKAI A KIYAPAKAGMAW PMAN A MGA TAW A AYA KADAKLAN KIRAN NA MGA KANGODAAN A DADN A MGA NAMOG A MODOL IRAN SA DII KAPHAPAKAITOA SII KO MGA ULAMA A AHLU SUNNAH WAL-JAMAAH GO SO DII KAPAMAKA KAFIRA NA GO DII KAPAKAMMROTADA SII KO MGA DATU O MGA MUSLIM SA NGGOLALAN KO MGA SHOBOHAT A MATATAGO SII KO MGA PAMIKIRAN IRAN.

IPHNDALIL IRAN SO MGA PD A KATHARO O ALLAH SII SA QUR-AN NA PAKALILIPATAN IRAN SO MGA PD MAMBO KO MGA  KATHAROIYAN , GO DIIRAN PAGILAIN O ANTONAA I KIYAOSAYAON O MGA ULAMA SA TAFSER NA GO SO MGA ULAMA SII KO AQEEDAH, KA AYADN A PAKA PHPHANGONDAYAAN IRAN NA SO KASASABOTA IRANON A TANTO A MARAYAG A KABABAW O SABOT IRAN SII KO AGAMA.

GO IPHNDALIL IRAMPN SO SABAAD KO MGA KATHARO O MGA ULAMA A AHLU SUNNAH NA DIIRAN PAGILAIN SO MGA OSAYANIYANON, KA SOBO SO PHPHAKAAYONON SII KO MGA TINDG IRAN NA AYA IRAN PHKHOWAAN NA GO DII PAMAKALANGKAPN SII KO MGA TAW.

NA GIYANAN NA DAA SANGKAAN A KASALIMBOT ANAN A MARAYAG KA SODN SO ALLAH I PHKHASALIMBOTAN ANGKANAN A MGA TAW KA SO DI ANTAP O ALLAH SII KO MGA KATHARO IYAN NA AYAIRANON DII PAMAKAANTAPAN, NA DATARDN MAMBO ANAN SO KASASALIMBOTI IRAN SII KO MGA ULAMA A PHKHOWAAN IRAN SO MGA PD KO MGA KATHARO IRAN NA DIIRAN MBATIYAAN PHIYAPIYA SO MGA KITAB IRAN I KIYAOSAYAIRAN PHIYAPIYA KO MAPIPIKIR IRAN KO KATHARO IRAN.

GIYANGKAI MGA TAW NA PD SA MGA SIFAT IRAN NA O DINGKA SIRAN AYONI KO KADADAGAN IRAN NA APIYAPN A'LEM KA NA TIGIRAN A SI AKI ANAN NA A'LEM ANAN O MGA DATU, KA AYABO A MAPIYA SIIKIRAN NA SA MGA TAW A MAKAAYON KIRAN, NA GIYANANDN SO SIFAT O MGA KHAWA-RIJ A " AZA-RIKA " A PHPHAKAKAPIRN IRAN SO MGA SALAKAW KIRAN NA GO PHPHAKARATAAN SO LANGON O MGA PAMIKIRAN A DIKIRAN MAKA AAYON SA SARTA A DIIRAN DII KAPHAPHAKAITOA SII KO MGA ULAMA A AHLU SUNNAH WAL JAMAAH.

PD SA ROPAAN O MGA KHAWA-RIJ NA SO GIYANGKAI A HADITH A PAGALOWIN TANO. PHITHARO O RASOLOLLAH S.A.W. :

«يَأْتِي فِي آخِرِ الزَّمَانِ قَوْمٌ، حُدَثَاءُ الأَسْنَانِ، سُفَهَاءُ الأَحْلاَمِ، يَقُولُونَ مِنْ خَيْرِ قَوْلِ البَرِيَّةِ، يَمْرُقُونَ مِنَ الإِسْلاَمِ كَمَا يَمْرُقُ السَّهْمُ مِنَ الرَّمِيَّةِ، لاَ يُجَاوِزُ إِيمَانُهُمْ حَنَاجِرَهُمْ، فَأَيْنَمَا لَقِيتُمُوهُمْ فَاقْتُلُوهُمْ، فَإِنَّ قَتْلَهُمْ أَجْرٌ لِمَنْ قَتَلَهُمْ يَوْمَ القِيَامَةِ» البخاري .

MAANA : PHAKATALINGOMA SII KO KHAORI A MASA SO PAGTAW, A MGA KANGODAAN, A MGA LOLOBAY I AKAL NA GO PAMIKIRAN, AYA DIIRAN DII DAGIDAYN – PAMAGOSAYN - NA SO QUR-AN AGO SO HADITH,  PHAGAWASIRAN SII KO ISLAM SA DATAR O KAPHAGAWA O GASA A PANA PHOON KO TADARANIYAN, DI PHAKASAMPAY SO MGA PARATIYAYA IRAN SII KO MGA KOROKOM IRAN, NA APIYA ANDANIYO SIRAN MABALAK NA PAMONOANIYO SIRAN KA MATAAN A SO KAPAMONOA KIRAN NA ADN A BALASIYAN SA ALONGAN A QIYA-MA ( PIYANOTHOL ANAN I IMA'M AL-BOKHARI ).

MADAKLPN SO MGA PD A MGA HADITHS O RASOLOLLAH S.A.W. A MGA CORRECT A KINIROPAAN IYAN SANGKANAN A MGA TAW A AYA IPHMBTHO KIRAN NA MGA "KHAWA-RIJ " OGAID NA KAGIYA TANTO A PAKHATAS SO KATHARO OPAMA KA LANGONTANO SAYADN ALOWIN NA PHITHANGKAANTANO SANGKANAN A MIYAALOYTANORON.

SAMANAYA MGA PAGARIKO NA MIYAKA LIWANAG RKTANO LANGON A GIYANGKAI A KABBMBAR A FITNA SII KO PAGINGDINGDNAN O MGA MUSLIM NA ANDANGDN AYA SO KIYAPAKI TOKAWIRON O RASOLOLLAH S.A.W. A KHAWLA OLAININ, NA INI ROPANIYAN RKTANOPN SO PD A MGA TAW A MGA DADAG A PHAKATALINGOMA A IPHANOLON IRAN SIIKO MGA TAW SO MGA TINDG IRAN NA SADN SA MISOWA SOWA KIRAN NA IITHOG IRAN SII KO APOY KO NARAKA JAHANNAM.

NA AYA MUSAWIR TANO SII KO LANGON O MGA PAGARI TANO A MATATAGOON SO KALK SII KO ALLAH NAGO BABAYA SII KO AGAMA O ALLAH NA GO SO MGA MUSLIM NA AYADN A KDGN TANO NA SO INSANA RKTANO O RASOLOLLAH S.A.W. A ZOWAANTANO KO KIPANTAG O MASATANO KO FITNA A GIYOTO SO KHIKOTAAN TANO SII KO KITAB O ALLAH GO SO SUNNAH O RASOLOLLAH S.A.W. NA GO SO OKIT O MGA SALAF AL-SA-LIH SA PHMNGGOLALAN SII KO KIYAOSAYAON SA MARAYAG O MGA ULAMA A PHIYOR O AHLU SUNNAH WAL JAMAA, MGA ULAMAH A THATAKNA SO MGA TINDG IRAN KO BNAR KNABA DII ZASALIN SALIN SA WARNA SO MGA TINDG IRAN SABAP KO DAA KKDGN IRAN A THATAKNA A PANARIMA, MGA ULAMA A AYA KAPHAGOKASA IRAN SII KO MGA KATHARO IRAN NA SODN SO THITHO A KAPAKMBBKN O SOGOAN SII KO QUR-AN NA GO SO HADITH SA KAPDI IRAN OTO NA GO RANON IRAN SII KO MGA TAW KA ANSIRAN DI KHATARIDADAG, KNA OBA SO MGA ULAMA A MGA PERSONAL INTEREST A KAPHKHAPKAS O MGA DILA IRAN NA LAGID SIRAN MAMBO O KAYOPO SII KO RAGAT A O ANDA MATATAGO SO IKHAPIYA A GINAWA IRAN NA RON SIRAN THAPI, NA GO KNAPN OBA SO MGA TAW A KNBA MGA ULAMA NA DII MAMAGOLAMA, MAIITO I SABOT NA ISASANSANG IRANON MAMBO SO KAFANGIFTA TAMAN SA AYA IRAN DII ZODIIN NA SO PHIYOR A MGA ULAMA KA GIYANAN DOWA NA AYA ONDAS IRAN KO MGA TAW NA SO KAPHAKADADAG IRAN NA GO KAPHAKABINASA IRAN, SA DAA BAIRAN KHITALINGOMA A MAPIYA.

SABAP SAN NA AYA MAPIYA A MGA MUSLIM A KHIKATOTORO KO ONTOL NA SO MAN-GIRAN SO KATHARO NA KHOWAAN IRAN SO MAPIYAON NA SARTA A IPHNGGOLALALN IRAN.

PHITHARO O ALLAH :

( الذين يستمعون القول فيتبعون أحسنه أولئك الذين هداهم الله وأولئلك هم أولى الألباب )

 الزمر: ١٨

MAANA : SO SIRAN OTO A PHPHAMAKIN-GN IRAN SO KATHARO NA PHAGONOTAN IRAN SO MAPIYAON, NA SIRANMAN OTO SO MGA TAW A TIYORO O ALLAH NA GO SIRAN MAN OTO SO MGA TAW A MGA PIPIYA I PAMIKIRAN.

BALASANKANO LANGON O ALLAH SA MAPIYA SA DIRKANO KAROROTOSA SII KO DII KAPAGANADA SII KO ISLAM NA GO SO DII KANGGILOBAA SII KO BNAR.

WA SSALA-MO ALAYKOM WARAHMATOLLAHI WABARAKA-TOHO.

SO PAGARINIYO KO ISLAM : "ABU MUEEN" ABDUL JALIL P. FA'KER.