( SO KOKOMAN O KAPAKINDOLONA KO MGA KA-FIR )

( SO KOKOMAN O KAPAKINDOLONA KO MGA KA-FIR )

=========================================

GIYANGKAI A BANDINGAN NA DOWA A KHAOSAYRON :

1- SII KO BITIYARA PANTAG KO PHMBTHOWAN SA "AL-WALA WAL BARA" A PD ANAN SII KO MGA IMPORTANITIDN A KATAWIRON O MUSLIM SABAP KO PD ANAN SII KO AQEEDA ODI NA PANARIMA A DI KHAPAKAY OBAON IGNORANTI SO MUSLIM.

2- SO KHAPAKAY RON SO KINDOLONAAN SII KO KA-FIR KA KNABA MAKASOSOLD SII KO BITIYARA SA "AL-WALA WAL BARA".

PAGANAYRON NA ANTONAA I PHMBTHOWAN SA "AL-WALA WAL BARA" ?

-  AL-WALA" : NA BASA ARAB ANAN A AYA LITTERAL A MAANA NIYAN NA SO " BABAYA NA GO KATABANG" GO "KARANI". ( KAPAKINDOKAPILA ).

NA SII KO MANGA ULAMA SA AQEEDAH NA AYA INIPMAANA IRAN KO "AL-WALA" NA ; SO KABABAYAI KO MGA MU-MEN SA MISABAP KO PARATIYAYA IRAN SII KO ALLAH, GO SO KATABANGI KIRAN , GO SO KAPHMBGI KIRAN SA NASI-HA, GO SO KAOGOPI KIRAN, GO SO SALAKAW SAN A KABNAR O MUM-MEN KO PAGARINIYAN A MU-MEN. ( IGIRA MAMBO A SO MUSLIM NA KNABA DIINDOSA SA MALA A DUSA A SASABOTN IYAN OTO A MALA A DUSA KO ALLAH ).

AMAYPMAN KA SO MUSLIM NA BARA DUSA APIYAPN KATAWANIYAN A DI KHAPAKAY SO DINIYAN DIINGGALBKN KA MALAOTO A DUSA SII KO ALLAH NA SO KABNARIYAN SII KO "AL-WALA" NA SII DEPENDI SII KO KALA  O PARATIYAYANIYAN SII KO ALLAH.

AYA PAKA ASAL NA SO MUSLIM A BARA DUSA NA IPHTHOLAK SKANIYAN KA ANIYAN MAGDAM A MARATA SO DINIYAN DIING GALBKN, NA GIYOTODN I BAGIANIYAN SII O "AL-WALA" KA GIYANAN I TOOS SA BABAYAON O PAGARINIYAN A MUSLIM KA AN DI KHATATAP KO KAMBARADUSA.

MIYANGGOLA OLA ANAN KO MASA O RASOLOLLAH S.A.W. KO KINITOLAKNIYAN KO 3 A MGA SAHA-BA A DA ONOT SA KATHIDAWA KO KIYATIDAWA SA TABOK, NA TAMAN SA DA MITORON SO AYAT A RINILAAN SIRAN O ALLAH NA DASIRAN MBITIYARAIN O MGA TAW AYA MALA NA SO RASOLOLLAH S.A.W. KA GIYOTO I MAS MAPIYA KIRAN KA ANIRAN MAGDAM A TANTO A MARATA SO SIYOWA IRAN.

OPMAN OBA AYA MASLAHA NA DISIRAN ITHOLAK KA BADN KHAOMANI SO AWIDA AKAL NA SIITO DEPENDI KO KAIILAYAON O SOMASABOT A MAGA AGAMA SA AYA MAMBO SHARAT OTO A DIRON KHITHOLAKN NA DINIYAN DII KAPANGOSIYATAN SO BARADUSA BALABAWRON O TONGANAYNIYAN. GIYANAN I MIYA ALOY O MGA ULAMA A MGA SALAF.

-  SOPMAN SO DIING GALBK SA MGA BID-AH SII KO ISLAM NA AYA MAMBO A KHAILAY NA AY KALA O DINIYAN DIINGGALBKN A BID-AH ? INO IKHAKAFIR OTO ANTAWAA KA DI ? NA OPAMA KO IKHAKAFIR NA SAMAWTO NA KNABA OTO MUSLIM NA SO KANDOLONA SA KA-FIR NA AYAON KINDOLONAAN.

NA OPMAN O DI PHAKAKAFIR SO BID-AH NIYAN OGAID NA DINIYAN OTO DII IPANOLON SII KO MGA TAW NA KAILANGAN SO KITOLAKNON KA GIYOTO I BAGIANIYAN KO "AL-WALA", O KHAPARO NA DI IPHMBITIYARAI GO DI IPHNDOLONA TAMAN SA DINIYAN AWAAN SO BID-AH NIYAN, GIYANAN NA IJMA ANAN KO MGA ULAMA O MGA SALAF.

OGAID NA OPMAN O AYA MASLAHA NA MAS THOMO A MIMBITIYARAI KA PARA KAPANGOSIYATAN O TAW A SOMASABOT KO BNAR NA KHAPAKAY OTO A TIG I SHAIKH SA-LIH AL-UTHAIMEN R.T. SA PARABO OTO SII KO MAS MALA A KAMAPIYAAN A MAOONA SA PAMIKIRAN.

NA O SALAMAKA O TAW A DII NGGALBK SA BID-AH NA KHAPAKAY A PAKAKASOWIN KAWN SO SALAMAIYAN. NA AYABADN A SUNNAH NA DISKANIYAN ZALAMN GO DI ZMBAGN SO SALAMIYAN OPAMA KA GIYOTO I MAS MALA I RARAD KO KAMAPIYAANIYAN, KA AN KATOKAWI O MGA TAW SO KARATA O GALBK IYAN A BID-AH.

NA SOPMAN SESECRETOON IYAN SO BID-AH NIYAN KA KNABANIYAN IPHPHANGAYAG SA TAW NA KHAPAKAY A DII IPAGONTODA GO DI SKANIYAN ITHOLAK.

SOPMAN SO " AL-BARA" : NA AYA MAANANIYAN SA LITTERAL NA SO "KIPAKAWATANN KO SHAY" GO " KIPAGAWAAN KO SHAY". ( KAPANGANGIYAS ).

NA SIIPMAN KO MGA ULAM SA AQEEDAH NA : SKANIYAN SO KARARANGITI SII KO MGA RIDOAY O ALLAH A MGA MUNA-FIQ GO SO KADANDAN O MGA KA-FIR, GO SO KARIDOA KIRAN, GO SO KAPAKAWATAN KIRAN, GO SO KAPAKIPHRANG  KO MGA "HARBEYOON KIRAN" SA DEPENDI KO KAADN O BAGR SII KO MGA MUSLIM.

SO MGA DALIL SANGKANAN A PHMBTHOWAN SA " AL-WALA WAL-BARA" NA TANTO A MADAKL SII KO QUR-AN AGO SII KO SUNNAH O RASOLOLLAH S.A.W. NA MALOY TANORON SA APIYA ZASATIMAMBO :

PHITHARO O ALLAH PANTAG KO AL-WALA :

(وَالْمُؤْمِنُونَ وَالْمُؤْمِناتُ بَعْضُهُمْ أَوْلِياءُ بَعْضٍ ) TAWBA 71.

MAANA : SO MGA MU-MEN A MGA DATU GO MGA BAE NA SO BAAD KIRAN NA DOKAPILA O SABAGI.

PHITHAROIYAN PANTAG KO AL-BARA :

(قَدْ كَانَتْ لَكُمْ أُسْوَةٌ حَسَنَةٌ فِي إِبْرَاهِيمَ وَالَّذِينَ مَعَهُ إِذْ قَالُوا لِقَوْمِهِمْ إِنَّا بُرَآءُ مِنْكُمْ وَمِمَّا تَعْبُدُونَ مِنْ دُونِ اللَّهِ كَفَرْنَا بِكُمْ وَبَدَا بَيْنَنَا وَبَيْنَكُمُ الْعَدَاوَةُ وَالْبَغْضَاءُ أَبَدًا حَتَّى تُؤْمِنُوا بِاللَّهِ وَحْدَهُ ) AL-MOMTAHINAH 4.

MAANA : SABNAR A MIYABALOY RKANO A SONGKADN A MAPIYA SO IBRAHIM A GO SO MA PDIYAN GOWANI A THAROON IRAN KO PAGTAW IRAN –A MGA MUSH-RIK- A MATAAN A SKAMI NA ANGIYAS KAMI RKANO GO SII KO NGANIN A PHZIMBAANIYO A SALAKAW KO ALLAH, INONGKIR AMI SKANODN NA GO MIYAPAYAG SII KO PAGLTAN TANO SO RIDO A GO SO RARANGIT DAYON SA DAYON  TAMAN SA DINYO PARATIYAYAAN SO ALLAH SA SKANIYAMBO.

PITHARO O RASOLOLLAH S.A.W. :

  أوثق عرى الإيمان الحب في الله والبغض في الله ) ) ABU DA-WD.

MAANA : AYA PINAKA MABAGR A PHKHASINOWAN KO PARATIYAYA NA SO BABAYA PANTAG SII KO ALLAH GO SO RARANGIT PARABO SII KO ALLAH.

IMANTO NA AYA PHAKARAYAGN TANO NA ANTONAA I PHMBTHOWAN SA KANDOKAPILA " AL-WAL " A KHAPAKAY  SII KO ISLAM NA GO DI KHAPAKAY  SII KO ISLAM ( AL-WALA AL- MASHRO, WAL MUHARRAM ).

SO AL-WALA" A KHAPAKAY NA MADAKL A PKHAKILANGANON PDON ANGKAI A KHAALOY :

1.  SO KABABAYAI KO LANGON O MGA MU-MEN, SII KO APIYA ANTONAA MASA GO APIYA ANTONAA A DARPA GO APIYA ANTONAA I CLASSINIYAN A TAW A MUSLIM.

2. SO KATABANGI O MUSLIM KO PAGARINIYAN A MUSLIM IGIRA A MIYALALIM GO RINIDO SA BAPIYA ANDA A DARPA; PHNGGOLALAN SA LIMA ODI NA TAMOK ODI NA KATHARO ODI NA DAWAT.

3. SO KATABANGI KO PAGARI A MUSLIM SA SODN SO GINAWANIYAN GO TAMOK KO KATAGOIYAN SA KANGT.

4. SO KAGDAMA O MUSLIM KO MASAKIT A PHKHAGDAM O MGA PAGARINIYAN A MGA MUSLIM PHOON KO MISOSOGAT KIRAN A MGA RAGAOR ODI NA MURALA. GOSO MGA SALAKAW SAN.

NA SO AL-WALA" SII KO MUSLIM NA AND OTO A :

1-  FARDHO AYN : DATAR O KASMBAGA KO MIYAKAMBAAN A GOMINIRAW A ALHAMDULILLAH, SA YARHAMUKALLAH.

2- FARDHO KIFA-YA : DATAR O KASMBAGA KO SALAM, GO SO TAZHEEZ KO MIYATAY.

3- SUNNAH MUSTAHABBA : DATAR O KABNTAL SA PHKHASAKIT A MUSLIM.

SOPMAN SO DI PHANGA PAPAKAY  SO KAOSARA KO AL-WALA KA HARAM SKANIYAN ROO NA KATAYA SIRAN :

 - SO KAPAKINDOKAPILA KO MGA RIDOAY O ALLAH A MGA PHPHAMANIMBA SA BARAHALA GO SO MGA MUSHRIK GO SO MGA MUNA-FIQ NA PALAYA ANAN HARAM.

KATAYA SO RAYAGAN ANAN ; DOWA ANAN KACLASSI :

A -  KAPAKINDOKAPILA KO MGA KA-FIR A IKHAKAFIR SKANIYAN O MUSLIM :

1-  SO KABALING SII KO INGD A KA-FIR A AYAON MINILI NA SO MUSLIM KA BABAYAIYAN KO KIPAGPDAANIYAN KO MGA KA-FIR GO PHKHABABAYAANIYAN SO AGAMA IRAN, GO DINIYAN SIRAN DII MBABANTOBANTOGN NA GO PHZAWAANIYAN KIRAN SO MGA PAAWING O MGA MUSLIM, NA GIYAI NA IKHAMORTAD ANAN O TAW PHOON KO ISLAM.

2- SII KOMOWA SO MUSLIM SA CITISIN KO INGD A KA-FIR A PHNGGOBAT KO MGA MUSLIM SA SARTA A LANGONIYANDN PHPHANGONGONOTANAN SO IBABADA IRAN A KOKOMAN NA GO MGA ATORAN DATAR O KAZONDARO A PD KIRAN NA PHAGOGOP SKANIYANPN KO  KAPHPHANGASOLTA KO MGA MUSLIM GO SO SALAKAW SAN. ( GIYANAN NA IKHAKAFIR ANAN O MUSLIM KO KIYAOPAKATIRON KO MGA ULAMA O MGA MUSLIM ) INONTABO OBA INOROO MATATAGO KA DAA DARPA A MUSLIM A MAPAPARO RON A MAKA TRANSPERON KA SAMAWTO NA AYA KOKOMANIYAN NA MATTLG SKANIIYAN NA SO PUSO IYAN NA DIRONDN MAKAAYON.

3- SO KAPANANAYANI KO MGA KA-FIR SA TAROTOP ; DATAR O MGA GALBK IRAN, GO SO MGA KANDITAR IRAN, NA PHPHANANAYANAN SO MGA OLAWLAIRAN, GO KAKHAKASO KASOY KO MGA SIMBAHAN IRAN, GO KAPAMANGPD KIRAN KO MGA KAKHALAMI LAMI KO MGA ALA KIRAN A MGA GAWII. ( NA GIYANAN NA IKHAKAFIR ANAN O MUSLIM KO KIYAOPAKATIRON KO MGA ULAM ).

4- SO KAPANANAYANI KIRAN A MGA KA-FIR KO KATAWNDN A IPHAKALIYO SII KO ISLAM DATAR O KAPHZOLOTA O MUSLIM KO CROSS A DINIYAN DII TABBAROKAN – PAMANGNIYAN SA KAMAPIYAAN – A SKANIYAN NA KATAWNIYAN A TANDA OTO O MGA CRISTIAN A SIRAN I PHZOLOTON A GO DIRON DII THABARROK. NA IKHAKAFIR ANAN O MUSLIM.

5- SO DII KAPAMISITAA KO MGA SIMBAHAN IRAN A AYA PANARIMAON O MUSLIM NA IPHAKARANI OTO SII KO ALLAH. NA IKHAKAFIR PN ANAN O MUSLIM.

6-SO DII KIPANOLONN SA KAPAKAISA ISAISAA SII KO MGA AGAMA A PALAYADN PHAKAY SO LANGON O AGAMA . NA IKHAKAFIR PN ANAN O MUSLIM. KA AYABO DAPAT A AGAMA NA SO ISLAM A AGAMA O ALLAH DADN A SALAKAWRON.

7- SO KAOGOPI O MUSLIM KO MGA KA-FIR KO KAPHMBONOA KO MGA MUSLIM; NA DOWA ANAN I BONTAL :

-  SO KAOGOPIKIRAN O MUSLIM SA BABAYAIYAN KIRAN, NA GO BABAYAIYAN SA KALANGKOLOBAN O MGA KAFIR ANGKOTO A MGA MUSLIM. NA GIYANAN NA IKHAKAFIR ANAN  O MUSLIM.

- SO KAOGIPIKIRAN O MUSLIM SA APIYA ANTONAA OGOP SABAP BO KO PERSONAL INTEREST – KAMAPIYANIYAN A SARILI –  ODI KALKIYAN OBA MADA SO KAMAPIYAANIYAN ODI NA ADN A MAADN A RIDO KO PAGLTANIYAN  AGO SO PAGARINIYAN A MUSLM. NA GIYANAN NA KNABAANAN IKHAKAFIR O MUSLIM OGAID NA PD ANAN SII KO MIYAMAKALALA A DUSA SII KO ALLAH.

AYA DALIL A ANGKANAN SA SO MUSLIM NA DA ROO  MAKAFIR OGAID NA MIYADUSA SA TANTO A MALA A DUSA NA IJMA O MGA ULAMA, DATAR O KIYAALOYAON I AL-MAM AL-TAHA-WI.

NA AYA KAMBBKNAN ANGKANAN A IJMA; NA SO HADITH A MIYA ALOY PANTAG KI "HA-TIB IBN BALTAA R.A. GOWANI A MAN-GIYAN A SO RASOLOLLAH GO SO MGA SAHA-BA NA NGGOBATN IRAN A MAKKAH, NA MIZORAT SO HA-TIB IBN BALTAA A IMBGAYNIYAN KIRAN SA MAKKAH KA ANSIRAN MAKAIKTIYAR, INANGIN O DI SO RASOLOLLAH S.A.W. NA PAAGMAAN IYAN OTO KA PARA DI MAKAPHRIPARADO SO MGA KA-FIR SA MAKKAH, NA SO KIYATOONA KO SORAT O HA-TIB NA TANTO A KIYARARANGITAN SO MGA SAHA-BA KA ODI SO RASOLOLLAH S.A.W. NA ITANAIRANON OTO.

NA DASKANIYAN PAKAKAFIRA O RASOLOLLAH S.A.W. SABAP SA INIZAANIYAN O ANTONAI SABAP OTO NA MIYATHAROIYANON A KAGIYA SO MGA FAMILIYANIYAN NA ZISII SA MAKKAH, KNABA AYA SABAPIYAN NA BA AGAMA. NA SAMAWTO NA PERSONAL INTEREST OTO. NA DARON PAKA KAFIRN O RASOLOLLAH S.A.W.

OPMAN OBA INONIYAN KIYAOGOPAN SO MGA KA-FIR KA MATATAGOSKANIYAN SA KANGT NA MIYATGL SKANIYAN NA DIRON KHIKOKOM OBA MIYAKAFIR ODI NA MIYADOSA SA MALA A DUSA KA MIYATGL SKANIYAN A DINIYAN KABAYA.

 

SOPMAN SO KAPAKINDOKAPILA SII KO MGA KA-FIR A HARAM OGAID NA KNABA IKHAKAFIR O MUSLIM NA KATAYA SO RAYAGANIYAN :

1-  SO KABABAYAI KO MGA KA-FIR GO SO KAKOWAA KIRAN A MGA GINAWAI A KNABA PANTAG KO AGAMA IRAN, MAANA BABAYA KIRAN GO KAPAKINGGINAWAI KIRAN A DADN A SABAPIYAN. NA HARAM ANAN KA DUSA SII KO ALLAH.

2-  SO KAPAGINGD KO INGD IRAN SA TATAP APIYAPN DIROO DI MAKAPAGAGAMA SO MUSLIM, NA HARAM DN OTO GO MADODOSAONDN. INONTABO O BA DADN A OKIT A KAPAKA AWA IYAN ROO KA SIIPMAN OTO KO KOKOMAN A MATTGL.

3- SO DII KATHRAVEL KO INGD O MGA KA-FIR A KNABA KAILANGAN NA HARAMPN OTO GO DUSA SII KO ALLAH.

- OPMAN O KAILANGANIYAN OTO NA AYA KAKHAPAKAYNIYAN NA MAADN SO TLO A SHARAT :

1.  MABALOY SO MUSLIM A KATAWANIYAN PHIYAPIYA SO AGAMANIYAN.

2. MABALOY SKANIYAN A MAKASASARIG PHOON SII KO KIPAKAWATANN KO MGA KHASABAPAN SA FITNA.

3. PHKHAGAGANIYAN A KIPAPAYAGNIYAN KO DIINIYAN DII KANGGALBKA KO SIMBA SII KO ALLAH.

AYA MGA IMPORTANTI A PHKHASONGOWANO MUSLIM KO INGD A KA-FIR NA ;

1-        KANDAAWAH.

2-       KANDAGANG.

3-       KAPAKIBOLONG.

4-       PANTAG KO KAMAPIYAAN O INGD DATAR O MGA DATU.

5-       PANTAG KO KAPAGANAD SA ILMO IGIRA A DAA MAPHAGANADON KO INGD O MGA MUSLIM.

4- SO KAPHPHAMANGPD KO MGA CELEBRATION KO KHISSLAAN KIRAN A MGA GAWII NA GIYANAN NA HARAM ANAN A DUSA SII KO ALLAH. SA MARORORANSAMPN SO KABABALOY O KAPHZMANGA KIRAN A MGA PIPIYA A KATHARO SANGKANAN A MGA GAWII IRAN A MGA ALA A HARAM PN ANAN GO DUSA SII KO ALLAH.

5- SO KAPANANAYANI KIRAN KO MATTNDO A SIRAMBO I KHIOLAOLAWN, NA HARAM SO KAPANANAYANI KIRANON, SII KO KANDITAR KATHARO GO SO IPHKHIDIA KO AROG A LAWAS PDON SO BOK. NA HARAMPN ANAN.

6- SO KAKOWAA A INOGOPA KO MGA KA-FIR, SA PHPHAKI ILAY KIRAN SO MGA SECRETO O MGA MUSLIM, GO DISIRAN DII IPMOSAWIRA PANTAG KO MGA SHAY A PARABO KO MGA MUSLIM. GIYANAN NA HARAM ANAN A KHADUSAON SO MGA MUSLIM. ( INONTABO O BA DADN A OKIT OBA SAN DI KANGGOLAOLAA KA PARA KO KAMAPIYAAN A DAYAMANG O MGA MUSLIM DATAR O KAPAKIPHASADA KIRAN SA PARA KO KAMAPIYAAN O MGA MUSLIM IGIRA A MAS MABAGR SO MGA KA-FIR A DISIRAN DATAR A GIYANAN A BTAD SA PILIPINAS).

7- HARAM SII KO MUSLIM OBA NIYAN ZOSOLDAAN SO KA-FIR APIYAPN LOLOTIYAN ODI NA CLASMETIYAN.

 GO DATARIYAN A DI KHAPAKAY OBANIYAN ZOSOLDAAN SA PARABO KO KAMAPIYAAN A KADODONIYAI.

 GO DI KHAPAKAY OBANIYAN DII PAMISITAA SII KO WALAYNIYAN SA PARABO DISIRAN DII MAKAKHALAYAMA, ODI NA KANGGITA GITA, KAGIYA GIYANAN NA PD KO BITIYARA KO MUWA-LA-T GO DIRON MAKASASARIG OBANIYAN KAMORALAI SII KO AGAMANIYAN ODI NA SO LAWASIYAN.

OPMAN O AYA SABAP A KAPHAMISITANIYAN NA KAGIYA LOLOTIYAN ODI NA SIRINGANIYAN NA SO ISLAM NA ISOSOGOIYAN SO KAPHIYAPIYAI KO LOLOT GO SIRINGAN NA DAA PROBLIMA ROO.

ODI MAMBO NA PARA SII KO KAPHLAYAMANIYANON SII KO PAPARANGAYAN O MUSLIM KA KALOKALO NA MAGISLAM.

 ODI NA PARA DISKANIYAN KABINASAAN O KA-FIR KO AGAMANIYAN GO SO GINAWANIYAN NA MIYAPAKAY ANAN SABAP KO KINANGLAN ANAN O MUSLIM.

SAMAWTO NA SII DEPENDI SII KO NIAT AGO SO SABAP A KIPHNDOLONAAN O MUSLIM KO KA-FIR.

2- SO KHAPAKAY RON SO KINDOLONAAN SII KO KA-FIR KA KNABA MAKASOSOLD SII KO BITIYARA SA "AL-WALA WAL BARA".

KAILANGAN A SABOTN O MUSLIM A SO KHIPHAPANTAGN O MUSLIM KO KA-FIR NA SO MGA KA-FIR NA 4 PAT KACLASSI :

1- SO MGA "MUAHEDOON". SIRAN SO MGA KA-FIR A SO INGDIRAN NA MIYAKIPHASADA KO INGD O MGA MUSLIM.

DATAR ANAN SO KIYAPAKI PHASADA O RASOLOLLAH S.A.W. KO MGA QURAYSH SA MAKKAH KO "HODAYBIYYA".

SO KAPHASADA O INGD O MGA MUSLIM AGO SO INGD O MGA KA-FIR NA KHAPAKAY ANAN SA DATAR O KIYATHARO AWN O ALLAH :

 (  وَإِنْ جَنَحُوا لِلسَّلْمِ فَاجْنَحْ لَهَا وَتَوَكَّلْ عَلَى اللَّهِ إِنَّهُ هُوَ السَّمِيعُ الْعَلِيمُ) AL-ANFA-L 61

MAANA : O LINGGI SIRAN KO KAPAKI PAZADA NA LINGGIKAWN MAMBO NA ZARAKANGKA KO ALLAH KA SO ALLAH NA PHPHAKAN-G A LBI A MATAO.

NA IGIRA A GIYANAN I BTAD KO PAGLATAN O MUSLIM AGO SO KA-FIR A ADN A MAADN A KAPASADAN KO PAGLTANO MGA INGD IRAN NA DI KHAPAKAY HARAM KO MUSLIM OBANIYAN BONOA SO KA-FIR ODI NA BANIYAN PMARATAI.

2- SO MGA " ZIMMIYOON". SIRAN SO MGA KA-FIR A BABALING SII KO INGD A MUSLIM NA MIYAKIPHASADA SIRAN KO DATU O MGA MUSLIM A PHMBGAY SIRAN SA ZAZIYAH NA ASAR MAMBO KA MASISIYAP SIRAN KO KABABALING IRAN ROO.

NA GIYANAN NA KHAPAKAYPN ANAN ANGGOLAOLAAN O MUSLIM, NA KAILANGAN NA MASIYAP SIRAN O DATU O MGA MUSLIM GO HARAM SO MGA ROGO IRAN OBA TDAKA O MGA MUSLIM. TAMANPN SA KABABALOY IRAN A "ZIMMIYOON".

3- SO MGA "MOSTA-MINOON". SIRAN SO MGA KA-FIR A PHZONG SII KO INGD O MGA MUSLIM NA KOMOKOWASURAN SA KASARIGAN KO DATU O MGA MUSLIM SA DISIRAN KABINASAAN ODI NA AYA MAKASASARIGON NA PD KO MGA TAW NORMAL, AYA OTO IBARAT A KIYASOLD O KA-FIR KO INGD A MUSLIM NA SABAP SA PHAMISITAON ODI NA PHNDAGANGON SA DI MATHAY SA KNA OBA TATAP.

NA HARAM MAMBO SO KATDAKA KO ROGOIYAN KAMAMPN SA ADN A MAKASASARIGON KO MGA MUSLIM.

GIYANGKANAN A TLO NA KHAPAKAY A MANGGOLA OLA KO MGA INGD O MGA MUSLIM INONTABO SII SA JAZEERATIL ARABIAH KA DI ANAN KHAPAKAY INONTABO O KAILANGAN SIRAN O SA JAZEERAIL ARABIAH.

DATAR O KIYAPAKA TARGA O RASOLOLLAH S.A.W. KO MGA YAHODI SA KHAYBAR SABAP KO KAILANGANIYAN SIRAN KO KAPHNGGALBKI IRAN KO MGA LUPA SA KHAIBAR KA SIRAN I LBIRON A MGA TATAO.

4- SO MGA "HARBEYOON". SIRAN SO INGD A KA-FIR A KNABA MATATAGO SANGKOTO TLO A MIYA ALOYTANO APIYAPN KNABA IRAN PHNGGOBATA SO INGD O MGA MUSLIM, NA BASTA A DAA KAPASADAN IRAN AGO SO MGA MUSLIM NA INGD OTO A "HARBEYOON". NA PATOT KO MGA MUSLIM A KHIPRANGN IRANON SA LALAN SII KO ALLAH. GIYANGKANAN A MGA KA-FIR A MGA "HARBEYOON" NA SII KIRAN MANONOMPANG SO MGA AYAT GO SO MGA HADITHS A INISOGOON ALLAH GO SO RASOLOLLAH S.A.W. SO KAPRANGA KIRAN.

SO PATOT SII MUSLIM A KANGGOLAOLAANIYANON KO KHIPHAPANTAGNIYAN KO KA-FIR A KNABA "HARBIY" :

1-  SO KASIYAPA KO MGA KA-FIR A MAALOSOD SANGKTO A TLO A INOSAYTANO KA HARAM SO KATDAKA KO ROGO IRAN GO SO KANGGOLA OLAI KIRAN SA MARATA.

2- SO KIPAGINONTOLANN KIRAN KO MGA KABNAR IRAN, GO SO KAKOKOMA KIRAN KO ONTOL IGIRAN A SII SIRAN MIKHOKOM KO KOKOMAN A ISLAM.

3- SO KANDAAWAI KIRAN SA ISLAM SA KNABA TGL .

4- DI KHAPAKAY OBA SIRAN TGLA A AWAAN IRAN SO AGAMA IRAN, NA O PHAGISLAM SIRAN NA THARIMAAN KIRAN OTO.

5- HARAM SII KO MUSLIM OBANIYAN PAMABAI SA PANGARASIYAN IYAN SO KA-FIR A PD SANGKOTO A TLO A MIYA ALOY .

PHITHARO O RASOLOLLAH S.A.W. :

(مَنْ قَتَلَ مُعَاهَدًا لَمْ يَرِحْ رَائِحَةَ الجَنَّةِ، وَإِنَّ رِيحَهَا تُوجَدُ مِنْ مَسِيرَةِ أَرْبَعِينَ عَامًا )AL-BOKHARI.

MAANA : SADN SA TAW A BONOON IYAN SO ADN A KAPASADANIYAN KO MGA MUSLIM A KA-FIR NA DINIYANDN MABAW SO BAW O SURGA, A SO BAW O SURGA NA MANGANGAYOGAN KO PATPOLO RAGON A ILALAGON. ( BOKHARI ).

GO PHITHARO IYAMPN :

(مَنْ قَتَلَ رَجُلًا مِنْ أَهْلِ الذِّمَّةِ لَمْ يَجِدْ رِيحَ الْجَنَّةِ ) NASA-I.

MAANA : SADN SA TAW A MONO SA ISABO A MAMA KO MGA "ZIMMEYOON" NA DINIYANDN MABAW SO BAW O SORGA ( NASA-I CORRECT TIGI AL-BA-NY ).

6- HARAM KO MUSLIM OBANIYAN AKALA SO KA-FIR A KNBA "HARBEY" KO DAGANGANIYAN GO SO SALAKAWRON A TAMOKIYAN.

PHITHARO O RASOLOLLAH S.A.W. :

(أَلَا مَنْ ظَلَمَ مُعَاهِدًا، أَوِ انْتَقَصَهُ، أَوْ كَلَّفَهُ فَوْقَ طَاقَتِهِ، أَوْ أَخَذَ مِنْهُ شَيْئًا بِغَيْرِ طِيبِ نَفْسٍ، فَأَنَا حَجِيجُهُ يَوْمَ الْقِيَامَةِ ) ABU DA-WD. CORRECT TIGI AL-BA-NY.

MAANA : BADI SADN SA TAW A LALIMNIYAN SO "MUA-HID" ODI NA PAMAKAITOON IYAN ODI NA PATORAYAN IYAN SA DINIYAN KHAGAGA ODI NA KOWAANIYAN SO PD KO TAMOKIYAN A DINYAN MIRIRILA NA SAKNDN I MIPHNDAAWAINIYAN SA ALONGAN A MAWRI.

7- HARAM KO MUSLIM OBANIYAN DII PANAROI SA MARATA SO KA-FIR A KNABA "HARBEY".

PHITHARO O ALLAH :

(وَقُولُوا لِلنَّاسِ ) AL-BAQARA 83.

MAANA : GO THAROINIYO SO MGA TAW SA MAPIYA.

8- WAJIB KO MUSLIM A KAPHIYAPIYAINIYAN KO SIRINGANIYAN A KA-FIR A KNABA "HARBEY".

PHITHARO O RASOLOLLAH S.A.W. :

(مَا زَالَ جِبْرِيلُ يُوصِينِي بِالْجَارِ، حَتَّى ظَنَنْتُ أَنَّهُ سَيُوَرِّثُهُ ) BOKHARI @ MUSLIM.

MAANA : DADN MARINTAS A KAPHPHANGINSANAA RAKN O JIBREEL KO KAPHIYPIYAI KO SIRINGAN TAMAN SA AYA KATAO KORON NA BANIYAN PHAKAWARISA.

9- WAJIB KO MUSLIM A SMBAGNIYAN SO SALAM O KA-FIR IGIRA A SIYALAM IYAN SO MUSLIM SA ' ASSALA-MO ALAYKO '. NA IZMBAGIYANON SO ' WA ALAYKOM'. GIYANAN SO KATHARO O RASOLOLLAH S.A.W. :

(إِذَا سَلَّمَ عَلَيْكُمْ أَهْلُ الكِتَابِ فَقُولُوا: وَعَلَيْكُمْ ) BOKHARI @ MUSLIM.

MAANA : IGIRA SIYALAM KANO O MGA AHLUL KITAB, NA THAROANIYO SO 'WA ALAYKOM'. OGAID NA DI KHAPAKAY OBA PANGONA SOMALAM SO MUSLIM.

PHITHARO O RASOLOLLAH S.A.W. :

(لاتبدأوا اليهود والنصارى بالسلام ) ( MUSLIM).

MAANA: OBANIYO PANGONAI SO YAHODI GO CRISTIAN SOMALAM.

NA KHAPAKAY KO MUSLIM A IPHTHALONIYAN KO KA-FIR SO PHKHABABAYAANIYAN A IPHTHAWAGON DATAR O PATOGINANIYAN.

GO KHAPAKAYPN KO MUSLIM A SMANGNIYAN SO KA-FIR IGIRA A MIMBAWATA.

GO KHAPAKAYROMPN A SMANGNIYAN MUNA SA THAROON IYAN SO' AHLAN ' ODI NA SO SALAKAW SAN A PARA IPHLAYAM KO PUSO IYAN SA KAPAGISLAM ODI NA PARA KO KAMAPIYAAN A MAPAPAKAY ODI NA PARA DINIIYAN KHAMORALAAN.

KHAPAKAYPN KO MUSLIM A TIBAWNIYAN SO KA-FIR IGIRA A ADN OTO A MAPIYA ISOSOGO O ISLAM A KHARISOLTANIYAN, OGAID NA DINIYAN BADN MIPHANGNI SA RILA SO MIYATAY A KA-FIR AGO DINIYAN MIPHANGNI SA LIMO KA DI KHAPAKAY.

SO MGA SHAY A PAPAKAYN ODI NA MUSTAHAB SO KINDOLONAANON SO KA-FIR A KNABA " HARBEY".

1-      KHAPAKAY A GAMITN SO KA-FIR A PAKAPHNGGALBKN KO RK A MUSLIM ASAR KA KNABANIYAN KAPMAMAPOROI SO MGA MUSLIM, KHAPAKAYPN A APINAN SO  ORASIYAN PARA IPHNGGALBKYAN SII KO MUSLIM.

SO RASOLOLLAH S.A.W. NA INIAPINANIYAN SO ORAS I ABDULLAH AL-ORAYQAT PARA KANDALILANIYAN SIRAN KO KIYATRANSPER IYAN SA MADINAH AGO SO ABU BAKR R.A..  GO SO RASOLOLLAH S.A.W. NA PIYAKANGGALBKYAN SO MGA YAHODI SA KHAYBAR KO MGA LUPA A TIYABAN O MGA MUSLIM.

2-      MUSTAHABB KO MUSLIM A KAPHIYAPIYANIYAN KO KA-FIR A MAKAKHAKAILANGAN, DATAR O KAZDQAINIYAN KO FOBRI A KA-FIR GO SO SALAKAWRON PARA OTO KO IPHLAYAM KO PUSO IYAN SII KO ISLAM.

3-      MUSTAHABB SO KHISOMPATAAN KO LOLOT A KA-FIR, DATAR O LOKS O TAW ODI NA PAGARINIYAN GO SO SALAKAW KIRAN, SA PHMBGAN SA MGA PAMM-GAYAN GO PHMBISITAAN. NA KNABA BADN IPHAGONTODA SA BAMBALOYA A DATARDN O MUSLIM A KIPNDOLONAAN KIRAN.

4-      KHAPAKAY PHIYAPIYA SO MGA KA-FIR DATAR O KAPHMBGI KIRAN SA MGA PAMM-GAYAN GO SO SALAKAWRON A PARA IPHPHANGOYAT KIRAN KO KAPAGISLAM, ODI NA SAMBI O DIIRAN KAPHRATARATAI KO MGA MUSLIM GO SO SALAKW SAN.

PHITHARO O ALLAH :

(لا يَنْهاكُمُ اللَّهُ عَنِ الَّذِينَ لَمْ يُقاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيارِكُمْ أَنْ تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ) MOMTAHINA 8.

MAANA : DARKANO SAPARN O ALLAH SO MGA SO MGA –KA-FIR- A DISIRAN RKANO MAKIPHMBONOAY KO KAPHIYAPIYAINO KIRAN GO SO KIPAGINONTOLANN IYO KIRAN, KA MATAAN A SO ALLAH NA PHKHABABAYAANIYAN SO MGA OONTOL.

5-      KHAPAKAY A SAKAWN O MUSLIM SO KA-FIR OPAMA KA MAMISITAON, GO KHAPAKAY A MAMISITA SO MUSLIM KO KA-FIR, OGAID NA DI KHAPAKAY SO KATARIMAA KO IMVETERAN O KA-FIR SABAP KO MADADALM ROO SO KAKHABABAYAI NA PHAKASOLD KO "AL-WALA".

6-      KHAPAKAY SO KAKAN O MUSLIM A PDIYAN SO KA-FIR KO MGA SAGAD A PHKHAOLAOLA OGAID NA KANBANIYAN BADN KHOWAA GINAWAI ODI NA SALIYANTI SO KA-FIR KA DIOTO KHAPAKAY.

7-      KHAPAKAY A INDOLONA O MUSLIM SO KA-FIR KO MGA GALBK A KADODONIYAI DATAR O KAPHASAI KIRAN ODI NA KAPAMASA SII KIRAN GOSO DIKIRAN DII KAPAKI ZANDAI SA TAMOK. MAYAOLA OLA ANA SII KO MASA O RASOLOLLAH S.A.A. GO MIYAOLAWLAPN ANAN A SO MGA BIYAG A MGA TAG A MAKKAH KO KIYATHIDAWA SA BADR NA SO DAA KHIYAONIYAN SA GINAWANIYAN NA PIYAKIPAMANGDAORON SO MGA WATA O MGA WATA O MUSLIM KA GIYOTO I KHIAONIYAN SA GINAWANIYAN.

8-      KHAPAKAY A MANGAROMA SO MUSLIM A MAMA SA KA-FIR A BABAY A KNABA BARAZINA SA AYA SHARAT NA DI KHABINASAAN SO MGA WATA IYAN SA BASIRAN MAMBO MAKAFIR. SII ANAN KO MGA YAHODI AGO CRISTIAN, NA SO SALAKAW KIRAN NA DI KHAPAKAY.

  SOPMAN SO BABAY A MUSLIM NA DI KHAPAKAY HARAM OBA PAKIPANGAROMA SA MAMA A KA-FIR.

9-      KHAPAKAY KO MGA MUSLIM A MAKITABANG SIRAN KO MGA KA-FIR KO KAPAGRNA IRAN KO MGA RIDOAY IRAN A DII MAMINASA IGIRA A MIYAADN SO DOWA SHARAT :

1-      NISISITADN SO KAPAMANGNI IRAN SA TABANG KO MGA KA-FIR SABAP SA KHASOLDAN SIRAN O MGA RIDOAY IRAN A DII MAMINASA.

2-      MASIGORADO A DAA RARAD IRAN A MARATA SII K MGA MUSLIM, GO AYA MAKAPANGONGONDATO KIRAN NA SO MGA MUSLIM, GO TITIKAYAN O MGA MUSLIM SO PHZOWAANIRAN.

10-   KHAPAKAY KO MUSLIM A SOMONG SII KO KA-FIR A DOCTOR PARA KO KAPAKIBOLONG.

11-   KHAPAKAY A IBGAY SO ZAKA-T KO MGA KA-FIR A PHLAYAMN SO PUSOIRAN KO ISLAM, ODI NA SII KO MGA DATU IRAN PARA KO KAMAPIYAAN O ISLAM.

12-   KHAPAKAY A MAKIPAGPDA SO MUSLIM KO KA-FIR KO KANDAGANG, NA KAILANGAN BADN NA KATITIKAYANIYAN O MUSLIM SO PHKHAOLAOLA O DAGANGAN IRAN PARA DI KHASAOGAN SA HARAM SO DAGANGAN IRAN.

13-   KHAPAKAY A TARIMAAN SO PAMM-GAYAN O KA-FIR A NORMAL KO MUSLIM IGIRA A DAA MADADALMON A KAPASONDONG O MUSLIM. MIYANGGOLAOLA ANAN O RASOLOLLAH S.A.W. KO MADAKL A MGA MUSHRIK.

OGAID NA DI KHAPAKAY SO KATARIMAA KO PAMM-GAYAN IRAN OPAMA KA AYA SABAPIYAN NA SO MGA SSLAANIRAN A MGA GAWII IRAN.

14-   KHAPAKAY A NGGALBK SO MUSLIM KO KA-FIR, ASAR KA KNABA KAPAGMID KO WALAY A KA-FIR A PERSONAL KA SII KO MGA OFFICENA.

GIYANAN I MGA KOKOMAN A MAPAPADALM KO KINDOLONAAN O MUSLIM KO KA-FIR, A KAILANGAN NA KATAWAN O MUSLIM KA PARA DINIYAN KHASALIMBOTAN SO AGAMANIYAN NA DINAYAN MAMBO KHASALIMBOTAN SO MIMBABALAIYAN A KNABA MUSLIM.

SII ANAN MATATAGO KO KITA-B A : MUKHTASARO TAS-HEELOL AQEEDA AL-ISLA-MIYAH, A INISORAT I AL-SHAIKH : U. Dr. ABDULLAH BIN ABDL AZEEZ IBN JIBREEN R.T. A MEMBER SA AL-IFTA SA SAUDI ARABIAH. ISA SKANIYAN KO KINILALA A KO MGA ALA A ULAMA SA DUNIYA SABAP KO ILMOIYAN GO SO KAPIYANIYAN I PANARIMA "AQEEDA".

NA KHATOOMPN ANAN SII KO MGA KITAB A INISORAT I SHAIKH ABDUL AZEEZ IBN BA-Z GO SI SHAIKH MUHAMMAD BIN SA-LIH AL-UTHAIMEN GO SI SHAIKH SA-LIH AL-FAWZA-N GO SO MGA PD A MGA ALA A ULAMA A MGA SALAF I AQEEDA.

DIROBASA O PAGARINIYO : "ABU MUEEN" ABDUL JALIL P. FA'KER (MUH'D RAYYA'N HAKEM ).

SO AHLUL BAYT GO SO MGA SAHA'BA O RASOLOLLAH S.A.W.

 --------------------------------  ---------------------------------- 

TANONG :

1- Ino so mga AHLU SUNNAH phakhababayaan iran so mga AHLUL BAYYT ?

SAGUT :

- Oway so mga AHLU SUNNAH na phkhababayaan iran so mga AHLUL BAYT ka pd anan sii ko pyanginsana o Rasulullah s.a.w. sii ko mga Ommatyan, na pd anan sii ko PANARIMA iran a kababaloy o kababayai kiran a pd siiko nisisita.

Pitharo o Rasolollah s.a.w. :

( إني تارك فيكم الثقلين كتاب الله فذكر كتاب الله وحض عليه ثم قال وعثرتي أهل بيتي أذكركم الله في أهل بيتي ثلاثا ) Muslim.

Meaning :

Mataan a sakn na imbagak akn rokano so dwa a mapn, so KITA'B O ALLAH, na inaloynyan so KITAB O ALLAH na go inipangoyatyan ( so kaimportantinyan na go so di kakhapakay o kablagawn na so kindarainon non ) oryaniyan na phtharo iyan a so Mga taw sii ko walay akn " mga family akn " pakhitadman akn rkanodn para siiko Allah so kaphyapyainyo sii ko mga FAMILY akn ( AHLUL BAY )

Na so kyangasan o mga SAHA'BA na myakagira so HOSAIN a pd sii ko mga SAHA'BA o Rasolollah s.a.w. a Antawaa i thitho a mga FAMILIYA O RASOLOLLAH S.A.W. YA ZAID IBN HA'RIS dva so mga Karomanyan na pd sii ko FAMILYNYAN ? Na phtharo o Zaid a :

( نساؤه من أهل بيته ولكن أهل بيته من حرم الصدقة بعده قال ومن هم قال هم آل علي وآل عقيل وآل جعفر وآل عباس ) Muslim.

Mening :

Oway, so mga KAROMANYAN na pd sii ko FAMILY nyan, ogaid na pdpn sa mga familynyan na so haram kiran so katarima sa SADQA sii ko oryan o Rasolollah s.a.w. a siran so ; FAMILY o ALI, go so FAMILY o AQEEL, go so FAMILY o JA'FAR, go so FAMILY o ABBA'S.

gyanan i mga FAMILY o Rasulollah s.a.w. a pyanginsanan nyan rkitano so kaphyapyai tano sii kiran.

- So kikagowadn sii ko mga AHLUL BAYT na HARA'M ka myaongkir so insana o Rasolollah s.a.w.

Phitharo o ALI r.a. :

( إنه لعهد النبي - صلى الله عليه وسلم - إلي أن لا يحبني إلا مؤمن ، ولا يبغضني إلا منافق ) Muslim.

Meaning :

Mataan a inithanan rakn O Nabi s.a.w. a mataan a daa taw a phkhababayaan akonyan inota na gyoto a taw na MU'MEN na go daa taw a phkhagowad rakn go phkhararangitan akonyan inota na gyoto a taw na MUNA'FIQ.

------------- 

TANONG :

2- INO SO KAPHKHARARANGITI SII KO MGA SAHA'BA KHAPAKAY ANAN ?

SAGUT :

- Gyanan na diyanan khapakay, ka siran na mga taw a pinili o Allah a miphmbolayoka o Rasolollah s.a.w. a myogop sii ko Rasolollah sa kyapakadayamanga sii ko islam, na go lininding iran so Rasulollah phoon sii ko mga KOFFA'R sa ayadn a ini anggan iran na so mga niyawa iran na go so mga tamok iran parabo sii ko darog iran sii ko Rasolollah s.a.w.

Sabap san na phitharo o Rasulolollah s.a.w. :

( لاَ تَسُبُّوا أَصْحَابِي؛ فَإِنَّ أَحَدَكُمْ لَوْ أَنْفَقَ مِثْلَ أُحُدٍ ذَهَبًا مَا أَدْرَكَ مُدَّ أَحَدِهِمْ وَلاَ نَصِيفَهُ ) Bokha'ry @ Muslim.

Meaning :

Dinyo phamanitaan go dinyo phtharoi sa mga rarata so mga SAHA'BA akn, ka Mataan a so isa rkano na apyapn nggasto sa lagid sa kala a palaw a ohod a bolawan "para sii ko islam" na dinyandn maraot so sagamak bo a pinggasto iran ko Islam, na apyapn sobo so midya sa gamak iran na dirondn miraot.

- Go so dii katharoa sa sirn na knaba siran mga pipiya a mga pag taw na masosorang ian so katharo o Rasulollah s.a.w. :

( خَيرُ النَّاسِ قَرْني ) Bokha'ry @ Muslil.

Meaning : Aya pinaka pirmiro a mga taw na so mga taw sii ko Masa akn, " a gyoto so mga Saha'ba o Rasulollah s.a.w.

- Go pyakatana o Rasolollah s.a.w. a so kaphkhababayai sii ko mga ANASAR mga TAG a MADINAH a mga SAHA'BA na toos sii ko PARATIYAYA o taw, na so mambo so kagowad kiran na toos sa KAMOMONA'FIQ.

Phitharo o Rasolollah s.a.w. :

( آيَةُ الإِيمانِ حُبُّ الأَنْصَارِ، وآيَةُ النِّفَاقِ بُغْضُ الأَنْصَارِ ) Bokha'ry.

Meaning :

Aya tanda odi na toos sii ko paratiyaya na so kaphkhababayai sii ko mga ANASA'R, na go aya mambo a toos sii ko KAMOMONA'FIQ na so kagowad na go rarangit sii ko mga ANAS'R.

- Datar iyan mambo a so mga MUHAJIR a mga SAHA'BA mga tag a MACCA a tomiransper sii sa MADINAH na biyantog siran o Allah sii ko kyaona iran sii ko paratiyaya nago so kya babida iran sii ko Rasolollah sii ko panoloniyan na go so kya awai iran sii mga tamok iran go so mga mnang iran sii sa macca parabo sii ko Islam.

Phitharo o Allah s.w. :

( لِلْفُقَرَاء الْمُهَاجِرِينَ الَّذِينَ أُخْرِجُوا مِن دِيارِهِمْ وَأَمْوَالِهِمْ يَبْتَغُونَ فَضْلاً مِّنَ اللَّهِ وَرِضْوَاناً وَيَنصُرُونَ اللَّهَ وَرَسُولَهُ أُوْلَئِكَ هُمُ الصَّادِقُونَ ) Hasr 8.

Meaning :

So mga Pobry a mga myaman-ransper, a siran oto so pyakaliyo siran phoon sii ko ingd iran na pyakiganatan kiran so mga tamok iran, parabo sii ko diiran dii kambabanoga sii ko limo o Allah ( a gyoto so Islam a di iran ipanindg ) na go so kasosoat o Allah, na go phthabangan iran so Allah na go so Sogo iyan, na siran man oto so thitho a mga patiis ( thitho na go bnar so mga paratiyaya iran ).

Gyangkanan a mga taw tomiyogalin a phoon sii Macca na somiyong siran sii sa madinah na aya magoolawansan oryan o Rasulollah s.a.w. na so ABU BAKR, then so OMAR, then so UTHMAN then so ALI r.t.a. go so mga pd iran.

Na phizaksian o Allah a siran na mga tao a thitho thitho so mga paratiyaya iran.

Na Samanoto na HARAM oba dii tharoa a so PARATIYAYA o ABU BAKR go so UMAR go so UTHMAN go so mga pd iran na FAKE ka ayabo phyor na so ALI r.a. ka opamaka tharoa anan o taw na sodn so Allah i myapakambokhag iyan ko kyazaksiinyan ko kaphiphiyor o mga paratiyaya iran.

- Na aya pinaka mailot san na pyanginsana o Rasulollah s.a.w. a sii ko kakhaadn o mgadakl a fitna sa donyan na aya ikhakp na so OKIT o mga KHOLAFA iyan a PAT KATAW .

So ABO BAKR, so UMAR, so UTHMA'N so ALI, r.a. sa sii ko katatanor o pangkatan iran a kyatanorawn o Rasolollah s.a.w.

Phitharo o Rasolollah s.a.w. :

( فإنه من يعش منكم فسيرى اختلافا كثيرا ، فعليكم بسنتي وسنة الخلفاء الراشدين المهديين ، عضّوا عليها بالنواجذ ، وإياكم ومحدثات الأمور ، فإن كل بدعة ضلالة ) Tirmizi.

Meaning :

Mataan a sadn sa maka pagintaw rkano na khailaynyandn so kapakaphzosopaka sa madakl, ka aya wajib rkano na so kikapniyo sii ko OKIT AKN na go so OKIT o mga KHOLAFA a dii gogonanao a khikatotoro, sa pangitgniyoron komkb so mga bagang iyo ( ilat sa kaphanamariron komapt ) na go phananggilainyo so phimbabago sii ko islam, ka mataan a so langowan a BID'AH na kadadagan.

Na kataya so A'yat a dalil sa so Allah na pyakataniyandn go pyakitokawan iyan rktano a mataan a skanyan na sabap ko kathithitho o paratiyaya o mga SAHA'BA na myasoat skanyan siikiran.

Pitharo o Allah s.w. :

( وَالسَّابِقُونَ الْأَوَّلُونَ مِنَ الْمُهَاجِرِينَ وَالْأَنْصَارِ وَالَّذِينَ اتَّبَعُوهُمْ بِإِحْسَانٍ رَضِيَ اللَّهُ عَنْهُمْ وَرَضُوا عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الْأَنْهَارُ خَالِدِينَ فِيهَا أَبَدًا ذَلِكَ الْفَوْزُ الْعَظِيمُ ) Tawba 100.

Meaning :

So siran oto a myanga oona a mga paganay a mga MAYAMANOGALIN sii MADINAH na go so mga ANSAR mga tag a MADINAH na go so tomiyodog kiran na go myonot sii ko Okit iran sii ko mapya, na Miyasoat kiran so Allah na go myasoat siranon mambo, na go ini priparadonyan kiran so mga Surga a phphamangondas ko mga kababaanyan so mga lawasaig, sa dayon sa dayon siran roo, a gyanan man i kapagontong a thitho a mala.

> Samanan na dadn sangkaan sa kapaka oontol o paratiyaya o mga SAHA'BA na go kababaloy oran a thitho a minggalbk sii ko Islam na go thitho a domyaorog sii ko Rasolollah s.a.w. na myawajib rktano so kababayai kiran sa onotont sii ko Allah na go onot sii ko sogoan o Rasolollah s.a.w. na ditano mambo phakalimpatan so babaya tano sii ko mga AHLUL BAYT a mga FAMILY o Rasolollah s.a.w. ka gyanan i kyapaka atod sa mapya o PANARIMA TANO.

وفّقنا الله جميعا لثبات الحق وانقياده

Q - SO ALLAH NA SII SA PORO A PHAPANTAW SII KO ARASH IYAN - Q

 -------------------------------------  -------------------------------------- 

- > ASH-ARI ? 

Aqeedah a misasangkot sii ko oras :

So Salafi na igira masa a kadadaondao na isaingka skaniyan o anda a darpa so Tohan niyan na aya kismbag iyan na sii SA PORO o LANGIT.

Ogaid na aydni kaoma o tnatnao a kagagawii na izaingka skaniyan paroman o anda matatago so Tohan niyan, na aya pman a kismbag iyan na sii sa BABA o LANGIT ko paganay a lapis iyan ogaid na di Skaniyan khapokas ko Arsh.

Note : Ay dapat iyo saya mga layok, knaba ini SOMBANG a katharo ? Ba adn a aqeedah a phakasalin sabap bo ko kapkaalin o oras ?

Na aydapat iyo amay ka pakibangkit o Allah Swt so mga langit, ino phakagirao pn so tao a so ALLAH na sii matatago ko PORO o LANGIT ?

>> SALAFIY !

Gyangkai a post ka na makaookit sa kazoman soman.

Na Ino minidal dalm ka ini a daan na gongkabo postn?

Katawan ka a adn a mga dalil sa kababaloy o Allah a sii sa Poro, na go adn a dalil a phaphantaw so Allah sii ko Arsh iyan.

kataya so mga dalil :

( الرَّحْمَنُ عَلَى الْعَرْشِ اسْتَوَى ) Ta'ha 5.
Meaning : So Masalinggagaw na sii ko ARASH na ron miphantaw.
Na so ARASH na sii matatago sii poro ko onaan o ika 7 lapis o langit, a adn ltiran a IG ago so LANGIT. hadiths anan o IBN ABBAS r.a.

( يَخَافُونَ رَبَّهُمْ مِنْ فَوْقِهِمْ وَيَفْعَلُونَ مَا يُؤْمَرُونَ ) Nahl 50.

Meaning :
Iphalk iran so kadnan iran a sii matatago sii poroiran, na go diiran diinggalbkn so nganin a iphzogo kiran, " mga mala'kat".
( SII MATATAGO SII KO PORO IRAN ).

( إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ ) Fa'tir 10.

Meaning :
Siirkanyan a Allah PHPHANIK so mga katharo a mga pipiya, na go so mga galbk a mga sa'lih na PHKHIPORO RKANYAN a Allah.

Mataan anan ko mga rarayag mga dalil sii sa QUR'AN a so Allah na sii matatago sii sa Poro, na so katatago iran sii sa poro na pyaka tanaiyan sa gyanan a paganay a A'YAT a sii phapantaw sii ko liyawaw o ARASH, na o ipagiza aka o antonaa i okit a kaphaphantawnyanon, ino ba miiga odi na moontod odi na tomitindg ?

na dianan khazmbag ka da ropaan o Allah o antanaa i okityan na go dapn ropaan o rasolollah, ka ayabo a tiyanto iran na so Allah na sii sa Poro a phapantaw o lyawaw o Arash. sa kabaya iyan knaba nyan kailangan so ARASH ogaid na kagya kabaya iyan oto na di khiiza sii ko Allah so nganin a kabaya iyan.

Phitharo ok apya so Rasolollah na dinyan katwan o anda matatago so Allah na dingkanan dii tharoa ka myan-gkhadn a gyanan mga A'yat inaloy akn, mas madaklpn so daknon maaloy.

Na kataya so PANARIMA O RASOLOLLAH o Anda matatago so Allah ?

So Rasolollah sallallahu Alayhi Wa sallam na pyangniron o A'isha r.a. a maradikaan iyan a oripn a babay na tig rasolollah a pakasongka rakn ka pagizaan akn, na so kyapaka omanyan sii ko rasolollah s.a.w. na pitharo o Rasolollah :

( أين الله ؟ قالت في السماء ، قال من أنا " قالت : أنت رسول الله ، قال : أعتقها فإنها مؤمنة" ) Sahih Muslim.

Meaning :
Hay, Bae Na anda matatago so Allah ?

Na tig o Orpn a : SII SA PORO " KAWANG", " langit ".

Na tig o Rasolollah s.a.w. a Antawaa ako ?

Na tigyan a : SKA NA SOGO O ALLAH.

Na tig o rasolollah sallallahu Alayhi wa sallam a, hay a'ishah na
maradikaangka skanyan ka mataan a skanyan na MU'MINAH.

Gyanan Hadiths na sii ko SAHIH MUSLIM a CORRECT a HADITH go tanto a marayag so MAANA niyan.

Na opama ka so ALLAH na knaba sii matatago sii PORO na aya dapat ko Rasolollah na pakarayagnyan sangkoto a oripn a ribat skanyan ka so Allah na daa katatagoanaon a darpa.

Na ino bapn aya phaka onaan san na so OTK odi na pamikiran na aya iphilak na so mga AYAT go so HADITH.

langon anan dalil na sa kababaloy o Allah sii matatago sii sa poro, na go sii phaphantaw sii ko Arash.

Na sabap sa gyanan a mga dalil a mya aloy na gyanan i paka asal, na dianan khaalin a so PANARIMAON INONTA o adn pman a isa a dalil a makatharo sa mya khaalin iyan anan ko pakaasal.

Na so HADITH a kaphmbaba o Allah sii sangkai Langit sa Donya na CORRECT ka so 9 timan a mga kitab sa hadith o AHLU SUNNA WALA JAMAA na langonon dodon.

Phitharo o Rasollah s.a.w. :

( ينزل ربنا تبارك وتعالى كل ليلة إلى السماء الدنيا حين يبقى ثلث الليل الآخر يقول : من يدعوني فأستجيب له ، من يسألني فأعطيه ، من يستغفرني فأغفر له )

Meaning :

Phmbaba so kadnan tano a" taba'raka wa taala " sii ko Oman kagagawii sii ko Langit sa Donya, igira ayabo a lamba na so ikatlo bagi sii ko kagagawii a last, na diinyan dii tharoon :

Antai phangni rakn ka tarimaan aknon, Na go antaa i phangni rakan ka ibgay aknon, na go antaa i phamangni rakn sa rila ka rilaan akn.

Tanto anan a maliwanag a hadith ka di khapakay oba pakasilaya so maana nyan ka ayabo a phphanarima sa pangni na so Allah go ayabo phririla na so Allah.

kanabo so mga malaikat odi na so Balas.

Na gyanan na knyanabyan mayasopak so mga Ayat go mga Hadith a phitharo iyan a so Allah na sii sa Poro a phapantaw sii ko ARASH kagya myakatana a ayabo a kaphmbaba o Allah a sii makapopoon sa Poro na igira ikatlo bagi sii ko last a kagagawii.

Na dianan maphamimikiran o manosya sa banyan phtharoa a Mustahel anan ka so Allah na daa baron Mustaheel ka so gaganyan na knaba datar o gaga o matag kaadn.

phitharo o Allah : ( ان الله على كل شئ قدير ) Baqara 20.

Meaning : Mata mataan a so Allah na so langowan taman na khagaganyan.

Na so kaadn na limiti so ganyan ko lawasyan na go so pamimikiranyan go so langowan taman sii rkanyan.

-----------------------------------------

Malongkabo anan bgi sa Pamimikiran ka katawan akn a mataoka mamimikran nago makaznggaya ko matag sarag a akal ago so mga dalil.

- > ASH-ARI ?

Masha Allah shukran guro ami.

samaoto na korek so post akn owm ? Igira opama a tnatnao a kagagawii na aya ismbag akn na sii sa BABA so ALLAH sa paganay a langit. Ogaid na igira daondao na aya ptharoon akn na sii sa PORO so Tohan tano.

>> SALAFIY !

Oway Correct anan, sa knaba ino correct ka ba sabap sa pyamimikiran odi na phimbaalan a katharo ka sodn so khisipaton ago so sogoiyan i tomiyantoron ka sktano na matag tano phagonot sii k dalil sa apya anda phgoling, sabap ko so Akal tano na adn a limitinyan a dinyan kapzoldan.Na ibarat o balowin ka anan a paawing na ayadn a pyaawingan ka na so QUR'AN ago so SUNNAH.

Na o paawingingka a dwaa anan na ayadn a kayapaawingan ka NA so ALLAH goso RASOLOLLAH.

Na o paawingingka so ALLAH go so RASOLOLLAH s.a.w. na inomangaday khatawag tapn a muslim a paparatiyaan yan so Allah go so Rasolollah ?

- > ASH-ARIY ?

Guro, so man so ayat ago hadith na di khapakay oba mabaloy a TANAKUD. Na giyanan a hadith a NOZOL na aya ongangn san na kataya '' YANZILO ( malakan ) ilaa sama'i dunya.... Ino ba ka san di phakaayon ?

Yanzilo malakan Rabbuna ilaa sama'i dunya...

>> SALAFIY !
knaba siran motana'kid, ka mattndo so kaphmbaba o ALLAH sii sa langit a donya.

Na so myakapangadi sa Osol na katawan iyan anan a phmbthowan sa A'M ago KHA'S go datar mambo o MOTLAQ ago MOQAYYAD.

Na di khaparo o ba so malaikat na ayambaba sa datar a tig ka anan ka so malaikat na ba skanya i dii manarima sii ko pangni, na go ba aya dii mririla na so malaikat?

Batiyaangkaman phyapya so message akn ka tanto a maliwanag.Gyanan ini kidi angkawn na gyanan phmbthowan sa TA'WEL na khapakay anan ogaid na sii sangkanan a Hadiths na diron khaosar sabap ko adn a karina sa knaba malaikat i miyaba sa langit.Aya karin na gyoto katharo o Allah :

Antai phangni rakn ka tarimaan aknon, Na go antaa i phangni rakan ka ibgay aknon, na go antaa i phamangni rakn sa rila ka rilaan akn.

Na diyanan khapakay a tharoon o malaikat ka kharimbayang so Allah.

Maliwanag.Katawan ka pagari ko opama ka dingkapn anan matarima na knaba aya khibtho sii ko dingka dii kapakindiscuss na ILMI ka aya khibthoron na MUKA'BARA.

- > ASH-ARIY ?

samaoto guro ami na datar oba aya minitoro iyan na mako-control o oras so KADNAN tano sabap sa igira a gagawii na kailangan na makasong skaniyan sa baba. Na igira a daondaon na sii Skaniyan sa KAPOROAN.

>> SALAFIY !

Subha'nalallah.

Lagiddn anan so kyatharo aknon ki ABU HASNAH a dinyan dii kapamimikirana sii ko ALlah sa mga Mustahilla't.

Igira so Dalil na Marayag go Sahih na so Okt o Manosya na dinyan kaphzoldn kagya so manosya na kaadn a kalilimitya so khagaganyan sii ko langowan taman, apya so pamikiranyan go so Akalnyan na madakl sii ko mga SIFAT o Allah a di khapakay a ayanyanon balowin a sandiga sabap ko dinyan khn a akal.

So Oras na kaadn o Allah na ayaon diinggira giray na so Allah, na opama ko tharoangka a samawto na ayaman a awida akal na kagiya mbida bida so mga oras sii ko oman i ingd sa donya, na Di khn a akal oba oman itlobagi ko kagagawii na roo ko isaa ingd o donya iyan na ron so Allah ka andamanya i kagagaasan na go so oras na samawto na control iyan so Allah.

Na ribat anan a pamimikiran ka ino anan dii mapamikir o Taw na so Allah na datar o Kaadn a limiti so Gagaanyan.

Ophoon gyanan i kapipikiraon o Manosya na mimbaloy a MUSABIHA a iphphanolagid iran so Allah sii ko Kaadn iyan, na ikhakafir anan.

So Muslim na aya dait rkanyan na igira a myan-g iyan so dalil a correct nago marayag pantag sii ko mga ropaan o Allah na phkhatarima iyan oto sa sadn sa okit a kyatanto awn o Allah sa ginawanyan na thantoonon mambo nago sadn sa ropaan a kyatantowano o Rasolollah s.a.w. na thantoonon rkanyan, sabap sa Ilmol Gayb anan a daron bgi o Allah so Akal o manosya sa kapaar abanyan pangantoka odi na banyan di paratiyaa.

Na mya aloy rka so tanto tantodn a mga rarayag a mga dalil sa gyanan a pyawal ka, na phitharo akn rka a so datar anan a okit a kapakindiscuss na di khabthowan sa diskas ka MUKA'BARA a iphmbthoron ka daa dalil ka a maphakadaiyan so mga dalil inota so AKAL a phphamimikirann ka a phitharo akn a disan khapakay a dii zold ka khalowison.
----------------------------- 

-> ASH-ARIY ?

Salaam guro ami !

Ba giyaya i daleel o mga sheik iyo sa pd sa Sifat o ALLAH so KAPANGAKAL ?

إِنَّ الْمُنَافِقِينَ يُخَادِعُونَ اللَّهَ وَهُوَ خَادِعُهُمْ وَإِذَا قَامُواْ إِلَى الصَّلاةِ قَامُواْ كُسَالَى يُرَاؤُونَ النَّاسَ وَلاَ يَذْكُرُونَ اللَّهَ إِلاَّ قَلِيلاًسورة النساء الآية رقم 142
Maana niyan sa literal: "mataana so mga munafik na phagakaln iran so Allah na ogayd na so Allah I phagakal kiran

>> SALAFIY !

Gyayapman a SHOBOHAT KA a inaloyngka a A'yat :

إِنَّ الْمُنَافِقِينَ يُخَادِعُونَ اللَّهَ وَهُوَ خَادِعُهُمْ وَإِذَا قَامُواْ إِلَى الصَّلاةِ قَامُواْ كُسَالَى يُرَاؤُونَ النَّاسَ وَلاَ يَذْكُرُونَ اللَّهَ إِلاَّ قَلِيلاًسورة النساء الآية رقم 142

Maana niyan sa literal: "mataana so mga munafik na phagakaln iran so Allah na ogayd na so Allah I phagakal kiran.

-------------

Aya kapaka atod o meining anan na :

Mataan a so mga Muna'fiq na phagakaln iran so Allah na skanyan a Allah i phpha akal kiran.

Na pd anan sii ko Mga SIFAT a di khapakay oba aloya a matatambisa,
Ibarat na phtharoon ka a pd sa sifat o Allah na : TANGAKAL , ka ribat anan.

Gyanan i phmbothowan sa :

صفة على سبيل المقابلة

Sifat a di khatanto sii ko Allah odi maaloy so mimbabala iyan.

Ka aya mitotoro o mga datar anan a mga A'yat na so kababaloy o Allah a MAONTOL sii ko diinyan dii kindolonaan sii ko oripnyan pantag sii ko kiphmbalsn iyanon ko domadait sii ko galbk iyan, omarata na aya balas o marata na so datar iyan a marata, na o mapya na ayambo a abalas iyan na so datar iyan a mapya.

Na Ophtharoangka anan sa satiman a ward a nggiraw ka a so مخادع odi na خادع na pd sa sifat o Allah na dianan phakain o mga salaf sabap ko maadaon so mimbabalaiyan, a makanggonanao sa kaontol iyan i kapamalas.

Marayag anan a tanto.

Didn kailangan sa Ta'wel, na go dipman khapakay oba pakadaa ka sabap ko matatago sii ko Qur'an.

Ayabo a disan phakasabot na so dinyan katawan so kaphphaka sadar o mga DALIL maana di matao sa OSOL AL-FIQH.

Na go kasosoldan a waswas so puso iyan sa dinyan anan khain-ngka sa mapya.

--------------------------

MAPONTOK A RAYAGAN KO PANARIMA SII KO MGA SIFAT O ALLAH

 ------------------------------------  ---------------------------------- 

SO OKIT A KATANTOWA SII KO ALLAH KO MGA SIFATIYAN KO PANARIMAON O MGA MOONOT SII KO OKIT O MGA SAHA'BA " AL-SALAF AL-SALIH " A SIRAN SO MGA SALAFIYYA :

> Aya ONAYAN o PANTAG sii ko mga SIFAT o ALLAH na so katharo o ALLAH :

( لَيْسَ كَمِثْلِهِ شَيْءٌ وَهُوَ السَّمِيعُ البَصِيرُ ) Shora' 11.

Meaning :

Daa lagidyan odi na daa datar iyan a Shay' "kaadn" a skanyan na phphakan-g go phphakailay.

Sii sangkanan a A'yat a mya aloy na dwatiman a matatagoon :

1- PYAKADA IYAN SO KIPANOLAGIDN SII KO ALLAH SABAP KO DAA DATARYAN A SHAY'.

2- TYANTONYAN SA GINAWANYAN A ADN A SIFAT IYAN, DATAR A GYANAN A KAPAKAN-G GO KAPAKAILAY.

Sabap san na so mga SALAF AL-SA'LIH go so mga PHAGONOT KIRAN a phmbthowan sa mga SALAFIYYA na pyaka haram iran sii ko Allah so KIPANOLAGIDNON, na go tyanto iran mambo sii ko Allah so nganin a TYANTONYAN SA GINAWANYAN na go so tyanto rkanyan o sogo iyan a so RASOLOLLAH S.A.W.

Aya PANARIMA IRAN sii ko mga SIFAT O ALLAH na gyaya :

( إثبات ما أثبته الله لنفسه في كتابه أو أثبته له رسوله صلى الله عليه وسلم في سنته من غير تكييف ولا تمثيل، ولا تشبيه ولا تأويل ولا تعطيل )

Meaning :

THANTOON SO NGANIN A MGA SIFAT A TYANTO O ALLAH SII SA GINAWANYAN SII KO KITAB IYAN ( QUR'AN ) GO SO TYANTORON O SOGO IYAN S.A.W. SII KO SUNNAH NYAN ( HADITHS ), SA DI KHAPAKAY OBA IROPA, NA GO DI KHAPAKAY OBA IPANOLAGID, NA GO DI KHAPAKAY OBA IPANANAYAN, NA GO DI KHAPAKAY OBA PAMAKA SILAYA, NA GO DI KHAPAKAY OBA PAKADAA.

Sii ko kambatiyaangka sii ko mga KITAB o mga SALAF AL-SA'LIH ago so mga SALAFIYYA a komkdg sii ko Okit iran na gyanan i khatoon kawn.

= So mga Salaf Ago so mga Salafiyya Na tindo iran a gyangkai a mga sifat o Allah na ayabo a khapakayron a tantoon sii ko Allah na so tyantonyan sa ginawanyan go tyantoron o sogo iyan a makambbkn sa DALIL a CORRECT a MARAYAG.

Na so AKAL o Manosya na dairan bgi sa Logar oba aya mbaloya a phakaonaan ko khathantowaa sii ko Allah sii ko mga SIFAT iyan sabap ko gyanan na ILMO a MIGAGAYB a di katawan o MANOSYA na ophoon iyan Zoldi sa diskanyan thaman sii ko DALIL na aya ondasyan na phakasilay ka so OTK o MANOSYA NA LIMITID a adn a mga SHAY' a dinyan khagaga romopa ka PHKHAMUSTAHIL ANON.

Na aya Panarimasan o Mga SALAF goso MYONOT kiran na thataman siran sii ko DALIL sa diiran oto zobraan ka ansiran di phakasilay.

_ DALIL SA KABABALOY O AKAL O MANOSYA A ADN A PHYOR A SHAY' A DINYAN KHAGAGA ROMOPA :

1- SO BONTAL A PHYOR O NIYAWA O MANOSYA odi na apya antonaadn a BARANIYAWA, na DIDN ANAN KHAGAGA ROMOPA O AKAL O MANOSYA O ANTONAA I PHYOR A ROPAAN IYAN.

NA SO NIYAWA NA LANGON A TAW NA MANINIWALAON SA PHYOR SKANYAN.

2- SO MGA PIPIYA SII KO SORGA NA DATAR DADN ANDATARAN IYAN AGO SO MGA PIPIYA SII KO DONYA.

Aya maana nyan na malagid sa ngaran so pd ko mga pipiya sii ko Surga ago so mga pipiya sii ko DONYA ogaid na so phyor a ropaan iyan na dadan a banyan plagidan.

Gyanan i khatharo IBN ABBA'S R.A. sii ko TAFSER O IMA'M AL-TABARIY.

- Samanan na myaka rayag a adn a mga Shay' a phyophyordn ogaid na so AKAL o manosya na DINYAN KHAGAGA ROMOPA I KATANTOWAN IYAN sabap ko kababaloynyan a MIGAGAYB a danyan mailay.

Na datar anan so mga SIFAT o Allah a PHYOPHYOR a ADN mga SIFAT o ALLAH a DOMADAIT rkanyan.

A gyanaN so mga SIFAT a tyanto nyan sa ginawanyan go tyantoron o Sogoiyan a so Muhammad s.a.w.

Datar ibarat o mga sifat o Allah a :

( LIMA ) ( PARAS ) ( MATA ) ( SA PORO ) ( KAPHMBABA ) go so mga salakaw san a mga CORRECT i DALIL na go mga RARAYAG.

- Sopman so mga SIFAT mya aloy ibarat o pd sii ko mga Ulamah O mga SALAF a DAEEF so DALIL IYAN, opama ko ba adn a khaton a datar anan na dioto khatanto sii ko Allah sabap ko kalobay o DALIL.

- Go so mga SIFAT da tantowaa o Allah sii sa ginawanyan go daron tantowaa o Rasolollah na dairanpman tharoa oba didn khapakay sii ko Allah na RMRNK san so mga SALAF go so mga MOONOT KIRAN na diiran anan thantoon sii ko Allah sa direct na diiran pman phakadaan.

Sabap roo Na So mga SALAF AL-SA'LIH go so mga taw a kmkdg sii ko OKIT iran na gyanan i PANARIMA iran a thantoon sii ko Allah so mga SIFAT a tyantonyan sa dinwanyan go tyantoron o Sogo iyan a minggolalan ko mga CORRECT a go mga RARAYAG mga DALIL, SA DI KHAPAKAY OBA IROPA, NA GO DI KHAPAKAY OBA IPANOLAGID, NA GO DI KHAPAKAY OBA IPANANAYAN, GO DI KHAPAKAY OBA PAKADAA.

Na gyanan na so AKAL o muslim a da kaboringi na phkhatarima iyan anan sabap ko kaliwanag iyan na go karayag iyan.

Na sopman so kyadutiyan so AKAL iyan sa mga SHOBAHA'T ( mga LIMPANGAN ) a phphanga an-g iyan sii ko mga groupo a myamakisilay na Margn a kaphkhatarimaasan o Akal iyan sabap ko kyaonaan o kyalbogan so kalingaw o AKALYAN sa LIMPANGAN.

--------------------------------- 

2- SO OKIT A KATANTOWA SII KO ALLAH KO MGA SIFAT IYAN SII KO PANARIMA O MGA MUSHA'BIHA ODI NA MGA MUJASSIMAH :

1) Gyangkai a PANARIMA na sii myakagmaw sii ko myanga oona mga SHI'AH AL-RA'FIDHA kagya sii iran myakowa so agama iran sii ko mga YAHODI.

kataya so mga taw a paganay a myanolagid sii ko Allah :

1- HISA'M IBNOL HAKAM.
2- BAYA'N IBNO SAM-AN AL-TAMY-MY.
3- ALMOGI'RA IBNO SAEED AL-AJALY.
4- MOQA'TIL IBNO SOLAYMA'N.

2) Ikadwa a groupo a myanolagid sii ko Allah na so mga SABA'IYYA a imga taw a moonot ko panolon i ABDULLAH IBNO SABA' a sknyan i paganay a myakathaong sii ko pamikiran a KASHIA'H.

3) Ikatlo a groupo a myanolagid sii ko mga SIFAT o Allah ko SIFAT o KAADNYAN na so mga KORRA'MIYYA, a mga taw a moonot ko PANARIMA o ABDULLAH IBNO KORRA'M.

4) So myanga oona a MYAMANOBRA sii ko mga SOFY , na go so pd ko mya oori kiran datar i :

1- ABDUL CAREEM AL-JELIY.
2- ABDUL FATTA'H AL-JE'LA'NY.

> Gyangakanan a mga taw sa gyanan 4 Groupo na inosiran kyabothawan sa mga MUSHABBIHA ( mga TANOLADIG ) kagiya IPHLAGID iran so Mga SIFAT O ALLAH KO SIFAT O KAADN IYAN.

Na gyanan a datar anan PANARIMA na maoopakaton so mga SALAF ago so Moonot sii ko Okit iran a phmbthowan sa mga SALAFIYYA sa gyanan na IKHAKAFER o KHIPANARIMAON.

Ka di khapakay oba so Allah na miplagidyan sa SIFAT so KAADN YAN apyapn mlagid so ngaran o SIFAT.

Note :

Aya pyaka mmsa sii na so mga pd sii ko mga GROUPO datar o mga ASHA-RAH go so mga pd iran a mga AHLUL KALA'M na phagpdn iran a gyanan a PANARIMA o mag SALAF go so kmkdg sii ko Okit iran sa MUSHABBIHA a tanto a marayag a mbidaan anan.

Ogaid na marayag aya sabap anan na kagiya KYABINASAAN so mga AKAL iran o kyabaloya iran sii ko mga AKAL iran a mga Maoona sa pangkatan ko katharima awn adi so nganin a mga KATHARO O ALLAH go so mga katharo o RASULOLLAH s.a.w.

وفّقنا الله جميعا لقبول الحق واتباعه ، اللهمّ آمين

MAPONTOK GOGODAN KO PANARIMA O MGA ASHA-RAH KO MGA SIFAT O ALLAH

@ -------------------------------------- @ --------------------------------------- @

So mga ASHA-RAH na groupo a ibabangsa ko IMA'M ABOL HASAN AL-ASH-ARI R.T. Died 260, a skanyan a na Apo o Isa siiko mga Rarani ko mga SAHA'BA sii ko Rasolollah s.a.w. a skanyan so ( ABO MUSA AL-ASH-ARIY a sii skanyan pd sii ko bangsa a ASH-ARIYON sii sa ingd a YEMAN ).

Si IMA'M ABOL HASAN AL-ASH-ARI R.T. na myaka 40 years a kababaloynyan a sii matatago sii ko PANARIMA o mga MU'TAZILA sabap ko sii skanyan myakala ko kyapamatalilowanawn o ABU ALI AL-JOBBA'EY Died 235, a skanyan SHAIKHOL MU'TAZILA sangkoto a masa.

Na sii ko Oryan o gyanan myaka 40 yesrs a kababaloynyan a MU'TAZILA taman sa mimbaloy skanyan a IMA'MPN sii ko MU'TAZILA na miyangdon skanyan sii Tindg iyan sa mithawbat sii ko Allah, sabap ko adn a mga pakaiza iyan a di khazmbag sa mapya angkoto a SHAIKHAYAN na go mya aloy a phitharo iyan a phithataginpn iyan so Rasulollah s.a.w. a kainngkaanyan sii ko btadyan na go thawbat sii ko Allah ka maada sknyan sii ko lalan a maka oontol.

Na sii sangkanan a kyathawbat iyan na sii skanyanpman miyakatransper sii ko PANARIMA o mga KOLLA'BIYYA a aya FOUDERON na si ABDULLAH IBNO SAEED IBNO KOLA'B, gyanan a skanyan na aya phathosarn iyan sii ko kakhkpiti sii ko AQEEDA na so ILMOL KALA'M balabaw ron sii ko kipantag iyan sii ko mga SIFAT o ALLAH.

Skanyan a IBNO KOLLA'B na PHTHANTOON iyan so sabaad ko mga SIFAT o ALLAH na phthaawiln iyan so sabagion ka aya kokowaaniyan a taks na so AKAL knaba aya OONOTAN IYAN NA SO QUR'AN go so SUNNAH ko kaphthantowa sii ko mga SIFAT O ALLAH.

Na gyanan i kyatransperan i IMA'M ABOL HASAN AL-ASH-ARI R.T. a PANARIMA ko oryan o kya awa iyan sii ko MU'TAZILA.

Na sii sangkanan a kyathidginyan san na gyanan i kyagogonawan o mga ULAMA o mga ASHA-IRAH a phikpit iran na go kyapaka ooman irampn anan sa mayto a kapanobra.

Aya mga Ulama a gyanandn i initaros iran a PANARIMA ko na siran :

1- ABU BAKR AL-BA'QILLAHY.
2- IBNO MUJ'HID.
3-MUHAMMAD IBNOL HASAN IBNO FAWRAK.
4- ABU HA'MID AL-ISFRAEENIY.

Gyanan so mya oona kiran, na so myanga oori na pdkiiran si :

1- ABUL MALIK BIN ABDILLAH AL-JOWAYNY.
2- ABU HA'MID AL-GAZA'LY.
3- ABU UMAR AL-RA'ZY.
4- SHAHIRSTA'NY.

Gyanan i mga Ulama a go so mga pd iran a Tomiyaros sii ko PANARIMA o IMA'M ABOL HASAN AL-ASH-ARI R.T. sii ko kababaloynyan a pd ko mga phagonot ko ABULLAH IBN SAEED IBNO KOLA'B.

Na sii sangkanan a kyabaloy iran a isa a makikilala a groupo sabap ko kyazibisiyowiron angkanan a mga Ulama a myanga aaloy go so mga pd iran, na aya PANARIMA IRAN SII KO MGA SIFAT O ALLAH NA :

> Ayabo a phthantoon iran sii ko Allah na so pito a SIFAT a aya iphmbtho iranon na SIFATON AKLYA, a skanyan so :

1- KATAO.
2- KAOYAGOYAG.
3- KAPAKAMBABAYA.
4- KAPHAKAGAGA.
5- KAN-G.
6- KAPAKAILAY.
7- KAPAKATHARO.

Na so salakaw san a mga Sifat o Allah na so pdon na PYAMAKA SILAY iran so MAANA NYAN sa bithowan iran sa TA'WEEL, na sopman so pdon na INITHAWAQOF iran sii ko ALLAH so MAANA NYAN.

Na gyanan na Marayag a kasosopakanyan so PANARIMA O MGA SAHA'BA " mga SALAF AL-SA'LIH " sabap ko aya panarima o mga SAHABA na :

THANTOON SO NGANIN A MGA SIFAT A TYANTO O ALLAH SII SA GINAWANYAN SII KO KITAB IYAN ( QUR'AN ) GO SO TYANTORON O SOGO IYAN S.A.W. SII KO SUNNAH NYAN ( HADITHS ), SA DI KHAPAKAY OBA IROPA, NA GO DI KHAPAKAY OBA IPANOLAGID, NA GO DI KHAPAKAY OBA IPANANAYAN, GO DI KHAPAKAY OBA PAKAMAKA SILAYA, GO DI KHAPAKAY OBA PAKADAA.

Na mya osay tano sa mapya so PANARIMA o mga SALAF ko kaphthantowa sii ko Allah sii ko mga SIFAT IYAN sii ko isa a post tano.

Gyanan so kababaloy o tindg o IMA'M ABOL HASAN AL-ASH-ARI R.T gwani a Ayanyan Oonotan na so PANARIMA o ABDULLAH IBNO SAEED IBNO KOLA'B , na gyanan mambo i inoyag angkana a mga ULAMA a myanga aaloy tano sa puro go so datanoron maaloy.

Ogaid na Alhamdulillah ka aya kayaposan sii ko panagaontaman o IMA'M ABOL HASAN AL-ASH-ARI R.T na so kyabaloynyan a thitho a komyakp sii ko PANARIMA O MGA SALAF sa sii anan khailay sii ko kyapakarayaganyanon sii tlo a mga last kitabyan a inisorat iyan :

1- AL-IBA'NA AN OSO'L AL-DIYANA.
2- RISA'LATO ILA AHLI AL-S0GO'R.
3- MAQA'LAT AL- ISLA'MIIN.

Sii sangkanan a paganaya kitab iyan a AL-IBA'NA AN OSO'L AL-DIYAN pyag iyanon a ayadn a PANARIMA IYAN na so PANARIMA o IMA'MO AHLI SUNNAH AHAMD IBN HAMBAL R.T. :

Phitharo I isa ko mga ULAMA mga ASHA-RAH a si TA'JODDEN AL-SOBQIY :

أبو الحسن الأشعري كبير أهل السنة بعد الإمام أحمد بن حنبل ، وعقيدته) وعقيدة الإمام أحمد رحمه الله واحدةٌ لا شك في ذلك ولا ارتياب ، وبه صرّح الأشعري في تصانيفه وذكره غير ما مرة من أن عقيدتي هي عقيدة الإمام المبجل أحمد بن حنبل ، هذه عبارة الشيخ أبي الحسن في غير موضعٍ من كلامه ) TABAQA'T AL-SHAFIIYA AL-KOBRAH.

Meaning :

Si ABUL HASAN AL-ASH-ARIY na Malai pangkatan sii ko mag AHLU SUNNAH ko oryan o IMA'M AHMAD IBN HAMBA, go aya PANARIM IYAN Go so PANARIMA I IMA'M AHMAD R.T. na isa isabo, daa sangkaan san na go daa boron khmbot a atay, a gyanan I pyakarayag I ABUL HASAN AL-ASH-ARIY sii ko mga inipanorat iyan a mga kita'b na inaloy nyan anan sa myakapiradn sa diinyan dii tharoon a mataan a aya PANARIMA akn na skanyan so PANARIMA o IMA'M A SSLAAN PAGAADATAN a so AHMAD IBN HAMABAL, gyanan I okit o katharo I sheikh ABUL HASAN sii ko kadaklan sii ko kikatatagoan sii ko mga katharo iyan.

Na so IMA'M AHMAD IBN HAMBAL r.t. na SALAF so panarima iyan sii o mga SIfat o Allah na go sii ko langowan a gintasan o PANARIMA.

Phitharo iyan sii ko makapantag siiko mga SIFAT O ALLAH :

( صفوا الله بما وصف به نفسه، وانفُوا عن الله ما نفاه عن نفسه) [سير أعلام النبلاء ج10 ص591، تهذيب التهذيب ج10 ص107]
Meaning :

Paki zipatn iyo sii ko Allah so nganin a pyakizipat iyan sa ginawanyan, go pakadaanyo sii ko Allah so nganin a pyaka da iyan sa ginawanyan.

> Na ayapman a DALIL sa gyanan i iktlo a THAWR a somiyoldn o IMA'M ABOL HASAN AL-ASH-ARI R.T. sa kyathawbat iyan phyapya na go kinikakpn iyan sii ko phyor a PANARIMA o mga SALAF na kagya so IMAM AHMAD r.t. na madakl a tanto mga katharo iyan a kapaki phphananggilainyan sii ko mga ULAMA mga MURIT i IBNO KOLA'B datar AL-KARA'BISY.

Sabap roo na myakarayag a so mga ASHA-IRAH na makasisilay so PANARIMA iran na go MASOSOPAK iran so PANARIMA o mga SALAF AL-SA'LIH pantag sii ko kaphthantowa sii ko mga SIFAT o ALLAH, na go si IMA'M ABOL HASAN AL-ASH-ARI R.T. na mithawbat skanyan sa Angyas skanyan sangkanan a andang a PANARIMA IYAN a inawaan iyan ko kinikakpn iyan ko datar o PANARIMA o IMA'M AHAMD IBN HAMBAL R.T. a gyoto so PANARIMA o mga SALAF AL-SA'LIH.

وفّقنا الله جميعا لقبول الحق وانقياده، آمين