SO KAPAMOKHAG NA AGAMA O MGA SHI'AH AL-RA'FIDAH

( ======== 0 =============== <3 ================ 0 ======= )

Alhamdulillahillazi Arsla Raso'laho bil Hoda wadeenil Haqq, liyodh-heraho ala ddeeni kollihi walaw karihal Mushriko'n.

Allahumma salli wa sallimo ala saydina Muhammad wa ala' A'lihi wa Sahbihi wa man Wala'h.

Amma' Baad :

Phpharomanangkobo a Gyangkai a kaphphakarayaga tano sii ko BNAR na araptano aya sii ko Kasosoat o Allah, oryanyan na inungka para sii ko mga Pagaritano a mga Muslim a AHLU SUNNA , na go Pamokaw ko mga taw a minibolog a kyakaptiiran sangkai a PANARIMA a SHI'A AL-RA'FIDAH a tanto a mawatan sii ko ONTOL AGAMA ka aya katantowanyan na KADADAGAN ANAN A AGAMA.

- Antonaa a gyangkai a phmbthowan sa TOQIYYA dii KAPAGMAA ko thitho a kpit sii ko diingka mimbaratmowa a mga taw, antonaa i ilayanon o ISLAM ???

SMBAG :

_ So kadaklan sii ko mga Muslim na Aya diiran tanto makknal oba gyangkai a phmbothawan sa TOQIYYA na pdai sii ko pyakay siiko mga Muslim nago myanggola olapn aya o pd ko mga SALAF.

Aya dalil na so katharo o Allah :

( لَا يَتَّخِذِ الْمُؤْمِنُونَ الْكَافِرِينَ أَوْلِيَاءَ مِنْ دُونِ الْمُؤْمِنِينَ وَمَنْ يَفْعَلْ ذَلِكَ فَلَيْسَ مِنَ اللَّهِ فِي شَيْءٍ إِلَّا أَنْ تَتَّقُوا مِنْهُمْ تُقَاةً ) Surat A'li imra'n 28.

Maana :

Di khowa o mga Mu'men so mga Ka'fer a dokapila ka siran na knaba siran mga Mu'men, na sa taw anggalbknyan anan na dadn a banyan maphkhipantag sii ko Allah a maytobo, inontabo so Osarnyan so TOQIYYA kapagmaa sii ko bnar.

Oryan anan na kailangan a mapakarayag o Antonaa imbadaan o TOQIYYA sii ko SHARIA ISLA'MIYYA ago so TOQIYYA sii ko mga SHI'AH AL-RA'FIDAH ka an phphakarayag so kabibinasa angkai a tindg iran na go panarima iran odi na AGAMA IRAN !!!

- Antonaa i TOQIYYA sii ko SHARIAH ISLA'MIYYA a pyakay o Allah ko mga MUSLIM ?

SMBAG :

_ So TOQIYYA sii ko mga AHLU SUNNA WAL JAMAA na skanyan na Matag pd sii ko mga Sapak sii ko mga KOKOMAN sii ko ISLA'M a ayabo a kakhapakay nyan na o khasigorado angkai a dwa a CONDATIONS :

1- Opama o dinyan pagmaa so bnar ; maan TOQIYYA na mbonoon skanyan odi na khowaan so tamokyan.

2- So kaphtharoanyan ko sopaka o bnar na knabaon moonot so NIATYAN ago dinyanon phaka onotn so galbkyan, ka siibo oto sa katharo.

Gyanan i SHARAT a inaloy o mga Ulama sa kakhapakay a kaosara sii ko phmbthowan sa TOQIYYA .

Na inaloypn o sabaad ko mga Ulama a opama diskanyan TOQIYYA ka dinyandn pagmaan so banar sa apya skanyampn kyabinasaan na gyoto i mas TARALBI RKANYAN na go MAS MAPYA ON.

Kataya so katharo o mga ULAMA O AHLU SUNNA :

1- Pitharo o Ibn Abbas r.a. :

( التُّقاة التكلُّم باللِّسان والقلب مطمئنٌّ بالإيمان، ولا يبسط يدَه فيقتل، ولا إلى إثمٍ، فإنه لا عُذْر له ) Al-dorarol manso'r i soyoti , m;2 ( page 176 ).

Maana :

So ka TOQIYYA na katharo anan o dila, na so PUSO na thitikna sa paratiyaya sii ko Allah, sa dinyan pakaphandayaan so kabayaiyan kambonoon iran, na dipman phndosa ka daa sndodyan a khidaawanyan.

2- Phitharo i IMA'M ABU HANI'FA r.t. :

( التقيَّة رخصة من الله تعالى وتَرْكُها أفضل، فلو أُكْرِه على الكفر فلم يَفعل حتى قُتل، فهو أفضل ممن أظهر، وكذلك كل أمرٍ فيه إعزاز الدِّين فالإقدام عليه حتَّى يُقتل أفضل من الأخذ بالرُّخصة ).

Maana :

So ka TOQIYYA na matag anan pyakay o Allah, na so kibagaknon na aya mas mapya, sa opama ka so taw na tgln skanyan sa kapakiphtharoonon sa mikhafer skanyan na dinyan oto nggolaolaan taman sa matay ron na gyoto i mas taralbi a diso miTOQIYYA, sa datardn ana so langowan a SHAY a khasabapan sa iphakabagr o agama a opamaka payagn o taw taman sa matayron na gyoto i mas mapya a diso kakowaanyan ko matagon pyakay.

3- SO IMA'M AHMAD IBN HAMBAL r.t. na pitharoon ko kyasogatyan a tpng :

( إنْ عُرِضْتَ على السّيف تجيب؟ قال: لا، وقال: "إذا أجاب العالِمُ تقيَّةً، والجاهلُ يجهل، فمتى يتبيَّن الحقُّ؟ )

Maana : 

Opama ka bindasn rka so pdang na ino phangontkadn - a tharoon ka a so QUR'AN na KAADN - na tigyan a DI ! ka Opama ka mangonot so langon o taw sa donyan sa katharoa san sa nggolalan sa TOQIYYA na so mga lolobay i sabot na diiran katawan i bnar na andai i masa a kakhapayag o bnar.

3- Pitharo i IMA'M AL-RAJI :

( التقيَّة إنما تكون إذا كان الرجل في قومٍ كفَّار، ويخاف منهم على نفسه وماله، فيُداريهم باللِّسان؛ وذلك بأن لا يُظهر العداوة باللِّسان، بل يجوز أيضًا أن يظهر الكلام الموهم للمحبَّة والموالاة، ولكن بشرط أن يُضْمِر خلافه، وأن يُعرِّض في كلِّ ما يقول، فإنَّ التقيَّة تأثيرها في الظاهر لا في أحوال القلوب ) Tafseer al-ra'ji , m; 4 , ( page 170 ).

Maana : 

Ayaboman a kapagosara ko TOQIYYA na igira a aya mizasangat na so mga Ka'fer, a ikhalkon o taw a ginawanyan a go so tamokyan, sa makiphlomamka kiran sa nggoalalan sa katharo sa gyanan so dinyan kiran phayagn so kariridoanyan kiran, kna ka khapakaypn a aya paki ilaynyan kiran na katharo a mababarampangtawn sa lagad oba sii kiran maka aampil, ogaid na aya sharatyan na so niatiyan na soranga o diinyan dii tharoon, na phphangawamn iyan so langon o diinyan tharoon, ka so TOQIYYA na so raradyan na sii sa mapayag kna oba so sii ko mga puso.

4- Isapn a katharo iyan na :

( لو أفصح بالإيمان والحقِّ حيث يجوز له التقيَّةُ، كان ذلك أفضل ) Tafseer al-ra'ji , m; 4 , ( page 170 ).

Maana : Opama ka ayanyan paka payagn na so kaphtharoanyan sii ko bnar a sa gyoto a oras na mapapakayron so kapagma, na gyoto i mas taralbi na go mas mapya.

= Aya kapontos o phmbthowan sa TOQIYYA sii ko ISLA'M na matag pyakay, na go siibo ko mga KA'FER na go igira a khamoralaanga a di alangang, na go thitkna so puso ko bnar ka sopaka o katharo oka, na go so TOQIYYA na katharobo diron pagonot so puso ago so galbk, na go opama ko dikadn TOQIYYA na matayka sa kakaptingka sii ko bnar na gyoto i mas mapya, Go knaba skanyan pd sa okit o kaphphakabgra ko islam ka so islam na aya kphphakabagraon na mapayag.

------- >>

-- Imanto na ayapman a pakarayagn tano na so TOQIYYA o mga SHI'AH AL-RA'FIDAH antonaa i TOQIYYA sii ko PNARIMA IRAN ??

SMBAG :

_So TOQIYYA sii ko mga RA'FIDAH na skanyan na PAKA ASAL O AGAMA knaba sapak o AGAMA, na sadn sa di pTHOQIYYA na knabakiran MUSLIM.

Go so TOQIYYA na sii para sii ko mga AHLU SUNNA, go gyanan i OKIT a diiran kipanolonn sii ko AGAMA IRAN.

- KATAYA SO MGA KATHARO O MGA ULAMA IRAN :

1- Phitharo i KOLAYNY, ago si AL-MAJLISY a pyanothol ko o ABO ABDULLAH JA'FAR AL-SA'DIQ r.t. :

( إنَّ تسعة أعشار الدِّين في التقيَّة، ولا دين لمن لا تقيَّة له ) Oso'lol ka'fy j; 2 , ( page 217 ). Biha'rol Anwa'r, j; 75, ( page 423 ).

Maana :

Mataan a so siyaw ko sapolo ko AGAMA na sii ko kaTHOQIYYA, na da a AGAMA o taw a di ppTHOQIYYA.

2- Go phitharokompn i ABO ABDULLAH JA'FAR AL-SA'DIQ r.t.a tig i KOLAYNY :

( التقيَّة ديني ودين آبائي، ولا إيمان لمن لا تقيَّة له ) Oso'lol ka'fy , j;2 ( page 217 @ 219).

Maana : 

So kaTHOQIYYA na gyanan i okit akn AGAMA AKN na go AGAMA o mga LUKS AKN, na daa AGAMA o taw a di phTHOQIYYA.

3- Go phtharokompn i ABO ABDULLAH JA'FAR AL-SA'DIQ r.t.a tig IBN BA'BAWIYYA :

( لو قلت: إنَّ تارك التقيَّة كتارك الصلاة، لكنت صادقًا ) Man la yahdorho faqeeh, j;2 ( page 80 ).

Maana : 

Opama ka tharoangka a mataan a so iphmbagakyan so kaTHOQIYYA na datar o phmbagak sa SAMBAYANG na sabnar a bnar so katharo oka.

4- phitharo kompn o ALI IBN MU'SA AL-RIDHA r.t. a tig i AL-MAJLISY :

( لا إيمان لمن لا تقيَّة له، وإنَّ أكرمكم عند الله أعمَلُكم بالتقيَّة، فقيل له: يا ابن رسول الله، إلى متى؟ قال: إلى يوم الوقت المعلوم، وهو يوم خروج قائمِنا، فمَن ترك التقيَّة قبل خروج قائمنا فليس منَّا ) Biha'rol Anwa'r, j;75, ( page 412 ).

Maana : 

Daa paratiyaya o taw a di phTHOQIYYA, go mataan aya pinaka mapya rkano sii ko Allah na so pinaka mastir rkano i kaTHOQIYYA.

Na myatharoon ; Hay Wata o Rasulollah ! Anda taman i limiti o dii kaTHOQIYYA ?

Na tigyan a : Taman sii ko oras a mattndo a gyoto so gawii a kaphmbowat o phamayandg rkitano - IMA'M MAHDI- na sadn sa ibagakiyan so kaTHOQIYYA ko dapn kapakagmaw o phamayandg rktano na di rkami pd.

5- Phitharo i IBN BA'BAWIYYA :

( والتقيَّةُ واجبة، لا يجوز رفعها إلى أن يَخْرج القائم، فمن تركها قبل خروجه، فقد خرج عن دين الله تعالى وعن دين الإماميَّة، وخالف الله ورسوله والأئمة ) Al-i'tiqa'da't ( page 114-115 ).

Maana :

Go so kaTHOQIYYA na WA'JIB, na di khapakay so kapakadaawn taman sa makagmaw so phamayandg, na sa taw a ibagakyan ko dapn kapakagmaw o phamayandg na sabn sabnar a myakaliyo sii ko AGAMA O ALLAH a go sii ko AGAMA O IMA'MIYYA, na go mya sopakyan so Allah na go so Rasolollah na go so mga IMA'M.

= Smanan na myaka rayag a so TOQIYYA na pd sa PAKA ASAL o dii kapa gagama o mga SHI'AH AL-RA'FIDAH sa knaba matag sapak sa datar o kathithonyan sii ko ISLAM, Go Aya phago saran iran sa TOQIYYA na Langon o diingan mithoona BALABAWRON O MGA SUNNI.

So aya kapontos o phtharoon na gyanan a TOQIYYA iran na gyanan so KAPMONAFIK go KATTRAIDOR ago so KAPAMOKHAG kna oba so pyakay o ALLAH a kaTHOQIYYA.

Na isapn anan a dalil sa KABIBINASA o AGAMA IRAN, na aya awidon an akal na phrambitn iranon so mga APO O RASOLOLLAH s.a.w. ka diiran paka panotholn sa di bnar o ba iran myapanothol.

-- Na sabap sangkan a agama iran a kaTHOQIYYA na kataya so risoltanyan ko katharo o mga ULAMA o AHLU SUNNA WAL JAMAA :

1- Phitharo i IMA'M AL-SHAFIE r.t. :

( لَم أرَ أحدًا أشهد بالزُّور من الرافضة ) Sonanol Bayhaqy al-kobra', j; 10 ( page 208 ).

Maana :

Dadn a kyamasaan akn a sakatawbo a ba makalawan sa kaziksi a kapamokhag ko mga RA'FIDAH.

2- Inizaan so IMA'M MA'LIK BIN ANNAS r.t.pantag ko mga RA'FIDAH na tigyan :

( لا تكلِّمْهم ولا تَرْوِ عنهم؛ فإنَّهم يَكْذبون ) Lisa'nol Mi'za'n, ibno hajar, j;1, ( page 10 ).

Maana :

Dingkasiran phmbitiyarain, na go dika phanothol sa phoon kiran ka mataan a sina na disiran dii mamamokhag.

3- Phitharo i Shorayk Al-qa'dy a sknyan na Shi'ah mambo a :

( احمل العلم عن كلِّ مَن لقيت إلاَّ الرافضة؛ فإنَّهم يضعون الحديث ويتَّخِذونه دينًا ) lisa'nol mi'za'n lizzahaby, j;1, ( page 10 ).

Maana : 

Kowaangka na go awidingka so ilmo a makapopoon ko apya antaa a phkhabalak ka, inontabo so mga RA'FIDAH ka mataan a siran na diisiran mbaal sa HADITS na phkhowaan iran a AGAMA IRAN.

( Subha'nalllah so pdiran na phizaksianyan so karata iran a mga taw !!! )

4- Go phitharo o IBN TAYMIYYA r.t. :

( وقد اتَّفق أهل العلم بالنقل والرِّواية والإسناد على أنَّ الرافضة أكذَبُ الطوائف، والكذب فيهم قديم، ولهذا كان أئمَّة الإسلام يَعْلمون امتيازهم بكثرة الكذب ) Minha'jo ssonna, j; 1 , ( page 26 ).

Maana :

Go Sabnar a myaompong so mga mampnay sa katao sa kiphagalatn sii ko mga thothol a go so phphangasasandayanon a mga Ulama a mataan a so mga RA'FIDAH na siran i pinaka mga bokhag a mga groupo, na so kapamokhag na paka asal irandn anan, na sabap san na myabaloy so mga IMA'M sii ko ISLAM katawan irandn a kibibinada angkanan a mga taw sii kadakl i kapamokhag.

----------

Samanan na kyasanaandn nan a mga karina sa kabibinasa o panarima o mga RA'FIDAH pantag sangkai a phmbthowan sa TOQIYYA sa dadn a banyan plagidan a go so TOQYYA sii ko ISLAM inonta so ngaran.

Na myapayag a so AGAMA IRAN na sii matatara sanday sii ko KADAKL I KAPAMOKHAG.

Na inngkaan tano siran, na goso mga pagari ami a minibolog kiran na pamimikiran kano ka palapn ka adn a oras a miphthawbatiyo sii ko ALLAH.

Wassala'm alykm w w.

SO QUR'AN NA BINASA KA PAYANGALIN A TIG O MGA ULAMA A RA'FIDAH

= ************** -------------- ******** -------------- *************** =

Alhmdulillahillazi manna alayna bil haqq, wa nas-aloho ssaba'ta feeh, wa sallallaho ala nabiyna Muhammad wa ala a'lihi wa sahbihi watta'bieen.

Amma' baad :


Isa a diitano mipagandasan a mga MUSLIM na so katatago rktano o QUR'AN AL-KAREEM mababaloy a toroan rkitano sii ko mapya sangkai a donya na go mapya sii ko alongan a mawri.

Phitharo o Allah :

( ذَلِكَ الْكِتَابُ لاَ رَيْبَ فِيهِ هُدًى لِّلْمُتَّقِينَ ) suratol Baqar 2.

Maana :

Katan so KITA'B a - QUR'AN - a dadn a bawn sangkaan sa kabbnaryan, a toroan ko myamananggila.

Go phitharopn o Allah :

( وَإِنَّهُ لَكِتَابٌ عَزِيزٌ ، لا يَأْتِيهِ الْبَاطِلُ مِن بَيْنِ يَدَيْهِ وَلا مِنْ خَلْفِهِ تَنزِيلٌ مِّنْ حَكِيمٍ حَمِيدٍ ) suratol fossilat 41-42.

Maana :

Go Mataan a skanyan na KITA'B  a maporo - so QUR'AN -, na diron khatago so kabinasaan na go so karibatan, sa didn khagaga o iblis obanyan kaomani na obanyan kalbati, a initoron a phoon sii ko maongangan a phmbantogn - so Allah -.

Na go phitharo o Allah :

( إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ ) suratol hojora't 9.

Maana : 

Mataan a skami na skami i tomiyoron sii ko ZIKR - QUR'AN - na go mataan a skami na sigoradodn a zyapn ami.

Gyanan i mga katharo o Allah pantag ko kapaparihala anyan sii ko KITABYAN A MAPORO a so QUR'AN AL-KAREEM.

Na sabap san na MYA IJMA SO mga ULAMA a sadn sa tharoonyan a so QUR'AN na zisii rkitano imanto na knaba gyanan so phyor a QUR'AN a minitoron sii ko rasolollah s.a.w. ka kyaomanan anan na go kyalbatan, na sabnar a myaongkiryan a gyangkanan a mga a'yat na go myapakambokhagyan so Allah ko promisyan a kaziyapanyanon.

Sabap roo na sabnar a myakafer skanyan sangkoto a tindgyan taman sa di thawbat sii ko Allah a mangdod sii ko bnar.

Na gyanandn i TINDG O AHLU SUNNA WAL JAMAA.


----- >


Imanto na ayatano Ilayn o Antonaa mambo i tindg o mga ULAMA mga SHI'AH AL-RA'FIDAH a mizorat ko mga kitab iran a go mithaon sii ko panarimairan a go so tindg iran.

KATII SO KATHARO O MGA ALA A MGA ULAMA IRAN :


1- Si SHAIKH AL-MOFEED na phitharoiyan :

( إن الأخبار قد جاءت مستفيضة عن أئمة الهدى من آل محمد صلى الله عليه وسلم باختلاف القرآن وما أحدثه بعض الظالمين فيه من الحذف والنقصان ) awa'ilol maqa'la't ( page 91 ).

Maana :

Mataan a so mga thothol na sabnar a lomiyapay sa na go tantodn a myakadakl a makapopoon sii ko mga IMA'M sii ko toroan a pd ko mga FAMILIYA O MUHAMMA s.a.w. sa kyasalin o QUR'AN na go so nganin a inimbagoron o sabaad ko mga palalalim - mga saha'ba- sa kinipamowangn ko pdon ago so kyapllbatiron.


2- Si Abul Hasan Al-A'mily na phitharo iyan :

( اعلم أن الحق الذي لا محيص عنه بحسب الأخبار المتواترة الآتية وغيرها أن هذا القرآن الذي في أيدينا قد وقع فيه بعد رسول الله صلى الله عليه وسلم شيء من التغييرات ، وأسقط الذين جمعوه بعده كثيرا من الكلمات والآيات ) pamakasan a ikadwa o MIR'ATOL ANWA'R WA MISKA'TOL ASRA'R ( page 36 ).

Maana :

Tanodan a mataan a so bnar a so daa baron prirongi nggolalan ko mga thothol a myakazosolaya na go myaka mbabibabid a tanto a mabgr " MOTAWA'TIR " a phakatalingoma na so go salakaw ronpn, a mataan a gyanan a QUR'AN a so sii sa tangan tano na sabnar a myatagoon sii ko oryan o Rasolollah s.a.w. so pd ko mga inipangalin, na go kinowaon o siran oto a tominimoon ko oryan o Rasol s.a.w. so madakl a mga WORDS a go mga A'YA'T.


3- Si Shaikh NI'MATOLLAH AL-JAZA'IRY na phitharo iyan :

(  إن تسليم تواتره عن الوحي الإلهي ، وكون الكل قد نزل به الروح الأمين ، يفضي الى طرح الأخبار المستفيضة ، بل المتواترة ، الدالة بصريحها على وقوع التحريف في القرآن كلاما،ومادة،وإعرابا ، مع أن أصحابنا قد أطبقوا على صحتها والتصديق بها ) Al-anwa'r al-no'maniyya, b: 2 , ( page 357 ).

Maana :

Mataan a so kimbayorantangn sa kababaloynyan a MOTAWA'TIR a WAHI  a phoon sii ko Allah, na go so kababaloynyan a langon initoron a phoon sii ko JIBREEL, na maphakilbadyan so mga thothol a tanto a madakl kanaba matag ka MOTAWA'TER a makanggogonanao sa marayag a kyatagoiron sa pyamaka silay so QUR'AN sa katharo, na go MA'DDAH, na go mga baris, a badi so mga pagaritano na pitharo iran so kabbnar anan na go pyangimbnar iran skanyan.


4- Si Shaikh MUHAMMAD BA'KER AL-MAJLISY  na phitharo iyan :

(   عن ابي عبد الله عليه السلام قال : إن القرآن الذي جاء به جبرائيل عليه السلام إلى محمد صلى الله عليه وسلم سبعة عشر ألف آية " قال عن هذا الحديث :

" موثق ، وفي بعض النسخ عن هشام بن سالم موضع هارون بن سالم ، فالخبر صحيح. ولا يخفى أن هذا الخبر وكثير من الأخبار الصحيحة صريحة في نقص القرآن وتغييره وعندي أن الأخبار في هذا الباب متواترة معنى  ) Mir'atol Oko'l, joj 12, ( page 525 ).

Maana : 

Oryan o kya kyapmanaainyan sangkanan a PIMBAALAN IRAN A HADITS na phitharo iyan : Go di maphama a mataan gyanan a thothol na go so kadaklanpn ko mga thothol a mga Correct na marayag sa kyalbati sii ko QUR'AN na go so kyapangalinaon, na sii rakn na mataan a sii sangkanan a bitiyara na MOTAWATIR so kabbnar o pantag san.


5- Shaikh SULTAN MUHAMMAD AL-HARASA'NY na phitharo iyan :

(  اعلم أنه قد استفاضت الأخبار عن الأئمة الأطهار بوقوع الزيادة والنقيصة والتحريف والتغيير فيه بحيث لا يكاد يقع شك ) Tapseer ; Baya'ni ssaa'da fi maqa'mil iba'da ( page 19 ).

Maana :

Tanodan a mataan a so thothol na lomiyapay sa tantonyan a kadakl a makapopoon ko mga IMA'M a mga SUTI sa kyatagoi sa inipagoman na go kyapangorangi na go kyapamaka silaya na go kyapangalina - sii ko QUR'AN - sa daa baron sangkaan a atay.


6- Si Shaikh AL-ALLA'MA HUJJA, ADNA'N AL-BAHRA'NY na phitharoiyan :

(  الأخبار التي لا تحصى ( أي اخبار التحريف ) كثيرة وقد تجاوزت حد التواتر" [( مشارق الشموس الدرية) Mansora'tol maktabatol adna'niya, bahrayn ( page 126 ).

Maana : 

So mga thothol a so di khaitong sa kyapamaka silaya ko -QUR'AN- sa kadaklyan na sabnar a kyalpasanyampn so limiti o MOTAWA'TER.

Gyanan na matag sabaad ko mga ULAMA IRAN mitharo sii ko kyapamaka silaya na go kyapangalina sii ko QUR'AN.

Katya so mga pd a mga TANTO mga ALA  mga ULAMA IRAN a mitharo san  datano aloya so mga katharo ira ka tano a matas, ogaid na ba maphkhailangan na pagalowin tanopn :

Siran si :

1- ALI IBRA'HEEM AL-QOMMY.
 2- AL-FAYDOL KASHA'NY.   
3- ABO MANSO'R AL-TABROSY.  
4- HAIDAR AL-KHARASA'NY.    
5- YOSOP AL-BAHRA'NY.   
6- NOORY AL-TABROSY.   
7- MIRZA HABIBOLLAH AL-KHO'E.   
8- MUHAMMAD BIN SOOD AL-IYA'SY. 
9- AL-MOQADIS AL-ARDABILY.   
10- AL-HA'J KAREEM AL-KARMA'NY.  
11- MOLA MUHAMMAD TAQY AL-QASSANY. 
12- AL-MOWASIM AL-BAHRA'NY.   
13 - AL-SAYD AL-MOHSIN AL-HAKEEM.  
15- MUHAMMAD IBN YACOB AL-KOLAYNY a khirk ko AL-KA'FY.

- Gyanan i mga Ulama angkai mga taw  mitharo sa so QUR'AN na pyangalin sa pyangoman na go libatan, na antonaa i taman a kya sopaka iran ko mga katharo o Allah pyangaloy tano sa poro.

Sa knaba matag ka aya kya aloyaon o mga pd a mga ULAMA iran na so katharoa so QUR'AN na pyangalin na sii ko PANARIMA na go TINDG o mga SHI'AH AL-RA'FIDAH na nisisitadn anan odi na kaikailangandn anan.

Gyanan i katharo awn i  AL-ALLA'MA ADNA'N AL-BAHRANY sii ko kitabyan a  MASHA'RIQO SSOMO'S AL-DORRIYYA ( page 26 ).  ago si Shaikh ABUL HASAN AL-AMILY sii ko pamkasan a ikapat o  kitabyan a tapseer a MIR'A'TOL ANWA'R WA MISKA'TOL ASRA'R.


So Imanto na so pd ko mga Ulama iran na diiran anan dii phawal obairan dii tharoa a so QUR'AN na kyalbatan na go kyaomanan sa datar o diron dii khipalawn o pd a myanga oona a mga ULAMA IRAN ogaid na aya thitho a sabap a diiranon dii khiphalawn na so paratiyaya iran a phmbthowa sa TOQIYYA a di phtharoon so bnar kapamokag.

Aya Dalil san na katharo o isa ko mala a ULAMA IRAN a si Shaikh AHMAD SULTAN sa tigyan a :

( So siran oto a phagongkirn iran so kyapamaka silaya sii ko QUR'AN na daa kharoranan ko katharo iran inonta na gyoto na TOQIYYA ) Tasheefol ka'tibeen ( page 18 ).

Datardn anan i katharo i Shaikh NI'MATOLLAH AL-JAZA'RY , Ago si NOOR AL-TABROSY, ago si ADNA'N AL-BAHRA'NY, ago si ABUL HASAN AL-A'MILY.

------

Na so mga pagari ami a myalimpang o mga taw a PHZOKAYAN A INGD A IRAN sa dii PAKAPANOLONN KO KADADAGAN na PAMIMIKIRANGKANO na go kano thawbat sii ko ALLAH ka sabnar A MYALIMPANGKANO ka salakaw a kyakaptanyo a KAPAGAGAMA, ka gyanan na KADADAG, na kapdiinyo so mga ginawanyo ka skami na matag kami dii manampay sa arap ami sii ko balas o Allah na go kapdi ami rkano a mga pagari ami.

Wassla'mo Alaykom W.

SO LIMPANGAN O MGA RA'FIDAH PANTAG SII KO MGA KITAB IRAN

* ------------------- ==== ----------------- (0) ---------------- ==== ------------------- *

Allahumma arinal haqqa haqqa wa rziknattiba'aho , wa arinal ba'tila ba'tila warzoknajtina'baho.

Amma' baad :

Gyangkai a mga RA'FIDAH na igira a inizaan siran o Antonaa i kitab a phagonotan iran na aya iphzmbag iran na sobo so QUR'AN i oonotan iran daa salakaw ron.

Ankainoto , Antonai sabap a diiran kapamagmaa sii ko mga kitab iran a diiran phtharoon sii ko mga taw ?

- Aya sabap na so manosya na waraanyan a iphthapokyan so marata a mikakampt rkanyan, ka sabap ko phakabinasa oto ko pangingilayanon o mga taw.

So Opamaka parayaga iran so mga kitab iran na khapayag so kabibinasa o tindgiran sii ko dii kapagagama.

Aya sabapyan na mappno pno a mga dikhn a akal oba pd ko islam angkanan a mga kitab iran , na go myakambolambolambolang so mga tago iyan, sabap ko gyoto na knab phyor a phoon sii ko Rasolollah s.a.w. na go so mga MBAWATAANYAN ka pyangbaalan oto o mga ULAMA IRAN gwani na inikoniksyon iran ko mga MBAWATAAN o Rasolollah s.a.w.

Go siipn sii sangkanan a mga kitab iran na matatagoon so mga katharo a o tharoa o taw na go tankdanyan na myaka liyodn sii ko kababaloynyan a MUSLIM ka mimbaloy a KA'FER.

Datar ibarat o :

- dii katatagoiyan ko mga kitab iran a so Qur'an na kyaomanan na kyalbatan.

- so dii kapamaawinga ko mga SAHA'BA go so dii khizintaan ko ABU BAKR a go so OMAR r.a. ago so A'ISAH ago so HAFSA sa diron dii katharoa sa mga bara zina siran.

- so Dii kaphapaka itoa sii ko mga MBAWATAAN o Rasolollah s.a.w.

Go so salakaw sanpn a tano a madakl a di khn a akal o taw a adn a bigan o Allah sa mapya a pamikiran.

---

- Imanto na pakarayagn tano o Antonaa i mga KITAB iran a itimbang iran sii ko SAHEEH BOKHARI ago SAHEEH MOSLIM ?

Aya kitab iran a paka titimbangn iran sangkanan a dwa na PAT TIMAN 4 a mga KITA'B :

1- OSO'LOL KA'FI a rki i MUHAMMAD BIN YACOB AL-COLAYNY.

2- MAN LA' YAHDORHO FAQEEH a rk i IBN BA'BAWIYA AL-QOMMY.

3- TAHZEEBOL AHKA'M a rk i SHAIKH AL-TO'SY a ggraran sa SHAIKHO TTA'IFAH.

4- AL- ISTIBSHA'R a rkPN i SHAIKH AL-TO'SY.

- Gyanan i PAT KITA'B ( كتب الأبعة للرافضة )a tomitimbang ko SAHEEH AL-BOKHA'RI ago SAHEEH AL-MOSLIL.

Na igira mya aloy a so WALO 8 a kitabiran na aya phkhi oman san na so :

5- BIHA'ROL ANWA'R a rk i MAZLISY.

6- WASA'ILOL SHI'AH a rk i HOR AL- AL A'MILY.

7- MOSTADRAKOL WASA'IL a rk i NOOR AL-TABROSY.

8- AL- WA'FI LIL FAYDH a rk i KASHA'NY.

- Gyanan i phmbthowan sa ( كتب الثمانية للرافضة ) walo 8 a mga KITA'B iran.

---------

So imanto na alowintano so katharo o mga ALA A ULAMA IRAN pantag sangkanan a 4 pat a mga kitab iran :

قال السيد حسين بحر العلوم :

( إن الاجتهاد لدى الشيعة مرتكز على الكتب الأربعة : الكافي للكليني ، ومن لا يحضره الفقيه للصدوق ، والتهذيب ، والاستبصار للطوسي، وهي من الأصول المسلمة كالصحاح الستة لدى العامة ) ، المصدر : مقدمة تلخيص الشافي لشيخ الطائفة الطوسي / حسين بحر العلوم ص 29 .

Maana :

phitharo i aki anan a HOSAIN BAHROL OLO'M a pd ko mga ALA A MGA ULAMA IRAN :

Mataan a so dii kapagiztiha'd o mga SHI'AH na mapopontos sangkanan a pata a kita'b :

Al-kafi a rk i kolayny, ago Man la' yahdorho faqeeh a rk i Sado'q - qommy -, a go Al-tahzeeb, ago Al-istibsha'r a rk i To'sy. a gyanan a pat na gyanan i paka asal a khokofermyan a datar o 6 a mga SAHEEH o mga SUNNI.

Tanto a mgadakl so katharo o mga Olama Iran sa kaphmbantoga iran sa gyanan a mga KITA'B iran, na thangkaan tano san so pagalowin tanoron.

Ogaid na aya pinaka permiro kiran a kitab na gyangkanan a paganay a mya aloy a :

AL-KA'FY a rk i KOLAYNY.

Kataya so mga pd a katharo on o mga ULAMA IRAN :

Pitharo i akiinin a AL-KASHA'NY ko oryan o kyabantagyan ko pat a kitab iran :

( والكافي أشرفها وأعظمها وأوثقها وأتمها وأجمعها )

Maana : So a tigyan so AL-KAFY na ayaon pinaka maporo na go mala na go pinaka kasasarigan so matatagoon na go pinaka completoron na go pinaka myakarangkom.

siinan ko kitabyana a : مقدمة المحقق للكافي ص 9.

Go pitharo i aki ini AGA BAZRIK AL-TAHRA'NI :

( هو أجل الكتب الأربعة والأصول المعتمدة عليها، لم يكتب مثله في المنقول من آل الرسول )

Maana : skanayan a AL-KA'FY i pinaka maporo i pangkatan ko mga pakaasal a kitab a patiman a sasarigan, sa dadn a ba minisorat a dataryan a ba makapopoon ko mga A'LOL BAYT.

Sii anan ko kitabyan a : الذريعة إلى تصانيف الشيعة 17/245

Go aya last a pagalowintano pantag ko kaporo kiran i pangkatan angkanan a kita'b na gyangkai a pitharo o isa ko MALA ULAMA IRAN a si SHAIKH AL-SADR :

( يحكى أن الكافي عرض على المهدي فقال : كاف لشيعتنا )

Mya tharo a tigyan a mataan a gyangkanan a AL-KA'FY na myapakiilay sii ko IMA'M MAHDI - gyanan so imam iran a thatapok sa girb kon.

Na phitharo iyan a : Myakatyokopdn anan na go kyasanaandn anan para sii ko mga SHI'AH tano.

- Samana na kyasanaandn anan a mga dalil sa kababaloy a gyanan a mga kitab iran a ron iran phkhowaa so mga tindg iran, na go tanoto iran a ipoporo, na go paparatiyaan iran so langon a matatagoon, specially sii sangkanan a kitab iran a AL-KA'FY.

Sa didn anan khapawal o dii mamawal ka sodn so daa lagidyan a mga ULAMA iran i mithataro san na go myamantogon.

Na inotano aya pyaka rayag ka pagaloy tano sii ko khitatago sangkanan a mga kitabiran insha'allah, ka an makarayag so kabibinasa o tindgiran.

Na naino ka siipman ko isaka post na rontanoron mangaloy ka tanto phakhatas angkai a post.

Wassala'm.

- ( ANTAA SIRAN A MGA SHI'AH AL-RA'FIDAH ? ) -

Alhamdulillahillazi Hada'na lihaza, wama' konna linahtadiya lawla' an hada'nallah, wa Osalli wa Osallimo ala man ja'a bil haqq rahmatan lil a'lameen.

Amma baad :

Isa a tanto a diitano mipanalamat sii ko Allah na sii ko oryan o kyapakasimbowanganyan rktano sii ko mga pagtaw a mga muslim na biyaloytanonyampn a sii maapd sii ko mga taw a maka mamantok na go maka sosogat so panarima iyan sii ko islam.

Soti so Allah a tiyorotanonyan ko daa lagidyan a kamapiyaan sa dunya na go sii sa alongan a mawri.

Phitharo o rasolollah s.a.w. :

( مَنْ يُرِدِ اللَّهُ بِهِ خَيْرًا يُفَقِّهْهُ فِي الدِّينِ وَإِنَّمَا الْعِلْمُ بِالتَّعَلُّمِ ) Bokhari.

Maana :

Sadn sa taw a kabayaon o Allah so Mapya na indaonyanon so AGAMA A ONTOL, na ayaboman a kakhaparoliya sii ko knal na go so sabot na go so Ilmo nanggolalan sa kapaganad.

Ogaid na dirkitano Domadait oba kagya kyasabotan tano so bnar na batano skanyan di phakarayaga sii ko mga pd tano a mga magiingaran sa Muslim a Myalimpang o mga taw a dii tharidadag sa panarima na go Agama a nggomaan niyan so pimbarang a mga limpangan a iphagakal ko mga lolobay i sabot sii ko thitho a agama.

Imanto mga pagariko na myagdam tano a madakldn sii ko mga pagaritan o mga mranaw odi na mga tag pilipinas ko phimbarang a trive iran a myalimpang siran angkai a mga taw a DIYADAG IRAN A GINAWA IRAN sa misabap bo sa maito a paragiyasan ko donya odi na babaya sa bantogan odi na so salakawsan a dibo khathay khalanggay na khailang ko taw a myabimbanon.

Aya oto a kapantk o phtharoon na GYANGKAI A PANOLON a Makapopoon sii sa ingd a IRAN magi irangaran sa SHI'A odi na JA'FARIYYA odi na ISNA ASHIRIYA odi na IMA'MIYYA, a domadalong siran ko babaya ko mga FAMILYA O RASOLOLLAH S.A.W.

-----

ANTAWA ININ A MGA TAW A PHMBTHOWAN SO GROUPO IRAN SA RA'FIDAH ???

Gyangkai a kaphakaparayaga tano sii na iningka inin para sii ko mga pagaritano a mga SUNNI odi AHLU SUNNA sa disiran malingpang o mga palilimpang.

Go Pamokaw aya para sii ko mga pagari tano a aya paka asal a PANARIMA IRAN NA SUNNI odi na AHLU SUNNA na myasakm siran angkai a mga taw a SOSOKAYAN A ingd a IRAN sa dii kaplilimpanga ko mga lolobay i sabot ko mga muslim ka an siran mapd sangkanan a kadadagan a katatagoan kiran, ka aniran mapamimikiran a mya akal sirambs angkai a mga taw a mga PANONOLON SII KO KADADAGAN.

Gyangkai a panari a RA'FIDAH na myakambowat aya phoon sangkoto a MAMA a YAHODI a tag a YAMEN, a aya ngaranyan na si ABDULLAH IBN SABA , myagislam skanyan gwani a mailaynyan a langon myagislam so mga pagtaw a katatagoanon sa knaba ino myagislam ka phananangoran sii ko Allah ka aya antapyan na andamanaya i kabinasaanyan sii ko islam.

Si aki inin a ABDULLLAH IBN SABA a mama a MUNA'FIK na skanyan i pagampaganay a tharo sii ko mga taw a so ALI r.a. na inipanginsana o Rasolollah s.a.w. a skanyan a dapat a mabaloy a KHALI'FAH sa liyalim skanyan o ABU BAKAR ago so OMAR ago so UTHAMA'N r.a. ka dairanon bgan so kadatu.

Na oryan oto na ayapman a ini panolonyan sii ko mga taw na so ALI r.a. na skanyan i kadnan a patot a zimbaan.

Gyangkai a Thothol na knaba ayabo a khatoonanon na so mga kita'b o AHLU SUNNA ka tyanto skanyanpn o mga ALA mga ULAMA angkai a mga taw.

Si aki ini a IBRAHEEM AL-QOMMI isa sii ko pamitoonn ko mga ULAMA ira a khirk sii ko kitab a MAN LA' YAHDORHO FAQIH a ikadwa ko pat 4 mattndo a mga kitab ankai amga taw na tyantonyan anan sii ko kitabyan a AL-MAQA'LA'TO WAL FIRAQ , ago si aki ini a AL-NO'BAKHTI na tyantonyampn anan sii ko kitabyan a FIRAQO SSHI'A, ago si aki ini a QISSHY sii ko kitabyan a RIJA'LO QISSHY.

Na sabap ko kyatantowan angkanan a Mga ala a ULAMA iran na minioman anan sa bagr ko kyaparayagaon o mga ULAMA O AHLU SUNNA sabap sa sodn so mga pamitoonn iran a mga ULAMA i tomiyantoron sa kabbnaryan.

- Gyangkai pman a kyabthowi kiran sa AL-ISNAY ASHRIYYA na kagya so kyatndoa iran sa aya IMAM iran na 12 sapolo ago dwa, a myagphoon sii ko ALI r.a. na myninggaposan ko MUHAMMAD IBNOL HASAN AL-ASKARI , a phmbthowan iran sa AL-MAHDI AL-MUNTADHAR.

a Gyanan a Mama na sii ko kyandirobasai mbanog o mga ULAMA ko kabbnaryan na myakaryag a di anan bnar, kagyan so AL-HASAN AL-ASKARI na myawafat skanyan na daa wataiyan ko mga karomanyan na go daa bakiran maririmbit.

- Na sopman so kyabthowi kiran sa mga RA'FIDAH na kagiya RYAFD iran odi na diiran tharimaan so kababaloy o ABU BAKR ago so OMAR r.a. a siran a kapapatotan ko khila'fah na gobo so ALI r.a. na go dyapay iran so kadaklan sii ko mga SAHA'BA sa pyaka kafer iran, na aya mala na ayadn a dyapay iran odi na RYAFD iran na so BNAR.

Phitharo o ima'm o AHLU SUNNA WAL JAMAA, " AHMAD IBN HAMBAL r.t. "

( والرافضة: هم الذين يتبرؤن من أصحاب محمد رسول الله صلى الله عليه وسلم ويسبونهم وينتقصونهم )

Maana :

So RA'FIDAH na ; Siran so mga taw a myangiyas ko mga SAHA'BA o Rasolollah s.a.w. na go dii kiran mamaninta, na go dii kiran phapakaito ko pangkatan iran.

Ikdwa a katharo iya a inismbagyan ko wataiyan a si ABDULLAH gwani a iiza iyanon o antaa angkai a mga RA'FIDAH na tyan a :

( الذين يشتمون -أو يسبون- أبا بكر وعمر -رضي الله عنهما- ).

Maana :

Siran so mga taw a dii Zinta sii ko ABU BAKR ago so OMAR r.a.

Sa mataan a myasalbo angkai a mga taw a kyarawan o mga dila iran so dii khizintaan sangkai mga SAHA'BA o Rasolollah s.a.w. inangin o di sodnpn so mga Alakiran i pangkatan ko Rasolollah s.a.w.

Sa gyangkanan a mya aloy na tyanto anan o mga ULAMA iran si ko mga kitab iran, sa byaloy iran a ayambidaan iran ago so mga sopa iran maan skitano na so dii kindokapilaan sii ko mga SAHA'BA labawron so ABU BAKR ago so OMAR r.a. 

Sa aya iphmbtho iran sii ko mga AHLU SUNNA na mga NAWA'SIB " maana myarang sa rido ko mga FAMILY o Rasolollah s.a.w.

Ogaid na marayag anan a knaba bnar ka sktano a mga AHLU SUNNA na pd sii ko panarima tano na so KABABAYAI KO MGA FAMILY o Rasolollah s.a.w. na go so kibgan kiran ko mapapatot kiran a pangkatan sa di khorangan na go di phaka panobraan.

- Na so Kadaklan ko mga ULAMA a mindirobasa sa katokawi o ino khabthowi angkai a mga taw sa mga RA'FIDAH na myapakarayag iran a aya sabap na so kya RAFDA odi na kyadapaya odi na kyaphokas iran ko ZAID IBN ALI IBN HOSAIN gwani a pakalangkapnyan kiran a magawa skanyan sii ko kadato o HISHA'M IBN ABDUL MALIK ka disirandn phagayon na ini izaon angkanan a mga taw o antonaa i tindgyan sii ko ABU BAKR agoso OMAR na tigyan a :

Daa baakn maphtharo a pantag kiran a rowar sii ko mapya kagya daa baakn myan-g sii ko mga luks akn a bairan karata, na sarta a inisaparyan ko dikiran phaphakaito ko ABU BAKR agoso OMAR angkoto a phzowaanian .

Na ipoon roo na BILAG SKANYAN ANGKANAN A MGA TAW na phitharo iyan a SABNAR A RYAFD ako nyo odi na tyawarang ako nyo na skano na mga RA'FIDAH KANO.

Gyanan i tyanto mga ala a mga ULAMA ; Datar i IBNIL QA'SIM a ggraran sa QAWA'MO SUNNAH, ago si FAKHRODEN AL-RA'JI, ago si SAHIRISTA'NI, ago si IBN TAYMIYYA r.a.

Ogaid na lagid o gyangkanan a kiphmbthon kiran sii ko RA'FIDAH na datar o diiran khatarima kagya phkhasakitan siranon, na kay gyanan i domadait kiran.

Sopman so ngaran a SHI'A a gyanan i phkhababayaan iran a iphmbtho kiran na dikiran anan domadaiit kagyan GENERAL NAME nan o mga SHI'A tanto a madakl a groupo iran na matag siranon isaka groupo na myanobra sirampn sa kadadag na aya kiran domadait na gyanan a ORAGENAL A NGARAN IRAN A RA'FIDAH.

Wassala'm.

-" SO KABABALOY O BNAR AGO SO PAGTAWNYAN A SII SA LMBAK ( وسطية أهل السنة ) "-

Alhamdulillahillazi hada'na liha'za, wama' konna linahtadiya lawla' an hada'nalllah, wa sallallaho ala man ja'a bil haqq muhammad ibn abdillah wa a'lihi wa sahbihi wa man wala.

Amma baad :

So islam na isa a khailayan sii ko kababaloy nyan a aya bnar a AGAMA na so kababaloynyan a LMBAK sii ko langowan o mga AGAMA a salakaw ron a phithaong o mga komakamalon.

Na go so pagtaw a komakapt sangkai a agama a bnar na sii siran mambo matatago sii ko LMBAKAN o mga pagtaw na diiran dii miprogo rogod so katatago iran siiko bnar na go kapaka sisilay o salakaw kiran.

phitharo Allah sii sa Qur'an :

( وَكَذَلِكَ جَعَلْنَاكُمْ أُمَّةً وَسَطاً لِتَكُونُوا شُهَدَاءَ عَلَى النَّاسِ وَيَكُونَ الرَّسُولُ عَلَيْكُمْ شَهِيداً ) suratol baqara 143.

Maana :

Go Gyanampn a byaloy ami skano a pagtaw a LMBAK ka angkano mabaloy a somasaksi ko mga taw na go byaloy ami rkano so SUGO so ' Muhammad s.a.w.' a sakasi.

Na tanodan a so kababaloy a LMBAK na goyoto i pinaka mapya, kagiya so kabaloy a LMBAK na sii makandadarpa ko pagltan o dwa a rogo a makambabala, na go sii ko pagltan o kapanabora a go so kapakada.

So Pagtaw o islam na myabaloy siran a LMBAK sii ko Mga pagtaw a PHKHARARANGITAN O ALLAH, sabap ko zisii kiran so knal na go so sabot na aya iran ininggolalan na so sopaka iyan, siran so mga YAHODI. ( المغضوب عليهم ). Na go sii ko mga pag taw a mithari dadag sabap ko disirandn dii mamikal ko mga galbk iran na maaada kiran so knal na go so sabot na salakawdn a diiran kapangampawan, siran so mga CRISTIAN ( الضالين ).

Na so mga pag taw o islam na ininggolalan iran so mga sogoan kiran o Allah sa diinggolalan sa sabot na go knal na siran i myabaloy a tindos ko kapya o okitiran.


So kababaloy o mga pagtaw o Islam LMBAK ko dii kindolonaan na go so panarima iran ko mga NABI o Allah.

So mga YAHODI na diiran pakambokhagn so mga NABI O ALLAH na sarta a kyarawan iran tomdak rogo o mga nabi a syogo kiran o Allah.

Na so mga CRISTIAN na payakindarpaan iran ko NABI so darpa o ALLAH taman sa SINIMBA irambadan so NABI kagiyakon a wata o Allah.

Sopman so mga philosophier na tigiran a daa ba nabi ka aya mataan na gyangkanan a phnggiraw mga NABI siran na di anan bnar ka matag anan mga taw a mangapipiya i antangan a awidiran a akal i kathanora iran ko pagtaw iran, na diiran dii ipangangalk so naraka na go dii iran ipangoytat so surga ka aniran madnda so pagtawiran na kanaba anan bnar, ka daa ALLAH na daa NARAKA na daa SURGA, na skami a tigiran a mga philosophier na phkhasobraan amipn sa antangan a gyanan a mga taw a dii mnanabi nabi, _ Nauzubillah.

Na so mga pag taw o Islam na MILLMBAK siran sii sangkanan a mga panarima a dadag a myapakasold o shaitan sangkanan a mga pagtaw, kagya skitano na sii ko oryan o kyapaka talingoma rkitano o rasolollah s.a.w. na inibabidon o Allah so tanda sa kababaloynyan a NABI na go rasol sa ayadn a mala a tandaiyan na so QUR'AN a iniropanyan so langowantaman a mlagiddn so katawan o manosya na go so dinyan katawan, sa paparatiyaan tanopn so mga nabi a go mga rasol a syogo o Allah ko mga pag taw ko dapn kapaka oma o NABITANO a Muhammad s.a.w.

pitharo o Allah makapantag sii ko qur'an :

( لَقَدْ أَرْسَلْنَا رُسُلَنَا بِالْبَيِّنَاتِ وَأَنزَلْنَا مَعَهُمُ الْكِتَابَ ) suratol hadeed 25.

Maana :

Sabn sabnar a syogo ami so mga SUGO ami sa kaawidaniran so tanto a mga rarayag a mga tanda na go mga karina kababaloy iran a mga sugo o Allah, na go initoron ami a pdiran so KITAB.

Go phitharopn o Allah :

( وَنَزَّلْنَا عَلَيْكَ الْكِتَابَ تِبْيَانًا لِّكُلِّ شَيْءٍ وَهُدًى وَرَحْمَةً وَبُشْرَى لِلْمُسْلِمِينَ ) suratol nahl 89.

Maana :

Go Initoron amirka - ya Muhammad - so KITA'B ' Qur'an ' sa mababaloy skanyan a rayagan ko langowan taman, na go toroan , na go limo , na go pangoyat ko mimbabayorantang sii ko Allah.

Oryan a gyangkanan a mga A'ya't aya madakl na so datanoron maaloy na go so mga Hadits o Rasolollah s.a.w. na pirogorogod o mga pagtaw o Islam sa minggolalan ko inibgay kiran o Allah a mga pamikiran, na myakapangimbnar siran sa mataan a siran i matatago sii ko bnar na go sii ko Ontol.

- Na sopman so mipantag ko mga SOGOAN O Allah na myaboloy sirampn a lumbak.

dasiran panobra sa datar o thotholan ko tlokataw a mga mama a mymicta sii ko rasolollah s.a.w. a lagid oba iran phagito itoa so sababaloy o rasolollah a LMBAK so mga simbanyan sii ko Allah.

Sa tig angko a isawn a ; sakn na dii ako manambayang sa diakodn phaka torog.

Na tig mambo o isawn a sakn na dii ako mamowasa sa diakodn mboka.

Na tig mambo o ikatlo a sakan na diyakodn phangaroma ka an rakn di phaka alang.

Na dakiran anan kasoatn o rasolollah taman sa pitharo iyan kiran so sopaka o mga katharo iran na oryanyan na tigyan a ; Gyanan i okit akn na sa ikagowadyan so Okit akn na dirakn pd.

Na inisapar paman o islam oba ndarainon so mga sogoan o Allah, aya wajib na minggoalalan skanyan sa dyangka a phkhagaga o oripn o Allah , sa taman sa igira a phkhasakit so muslim odi na dii mlayalayag na inomanampn o Allah so kakhap a papakaynyanon a kiphnggolalan nyan sii ko simba sii ko Allah ka an di kapapasangi ron.


SOPMAN SO KABABALOY O AHLU SUNNAH WAL JAMAA LMBAK PHOON SII KO MGA PAG TAW A KOMYAPT SII KO ISLAM NA KATAYA SO RAYAGAN IRAN.

Mya aloy tano oto kagya a aya pinaka mapya a pagtaw na so mga taw sii siran matatago sii ko LMBAK o mga pagtaw, ka gyanan i byantogan rktano o Allah na go gyanan i inaloy nyan a kailangan a rontano matatago.

Tanodan a sii ko Oryan o Tlo a mga pipiya a timpo " القرون المفضّلة الثلاثة " na myaka dakl so mga panarima na go so mga groupo a mithataridadag a itotompok iran a ginawa iran sii ko Islam, na so Ahlu sunna wal jamaa na dadn maalin so tindg iran sii ko kakkdga iran ko okit o Rasolollah s.a.w. sa taman imanto.

Mya adn so mga SHI'AH, mya adn so mga MU'TAZILAH, mya adn so mga MUSHABBIHA, myaadn so mga KHAWA'RIJ, mya adn so mga KADARIYA, mya adn so mga SOFEYYA, mya adn so mga KOLLABIYYA, mya adn so mga ASHA'IRAH, na sii sangkanan a myanga aaloy na so mga pd san na tanto a madakl a kyanggroupo iran paman, kagya waraan o groupo a phkhaawat sii ko bnar a didn phagayon ayon taman sa disiran mbalingan sii ko bnar.

Na aya isa a awida akal ko kya adn angkai a mga groupo a mithataridadag na gyangkanan a kadaklanon na diinyan tharoon a siran kon i AHLU SUNNAH datar a gyanan a mga ASHA'IRAH.

Misabap san na para di tonganay a maka phkhbota, na so mga AHLU SUNNAH WAL JAMAA na myakha ilangan iran a isa a phkhi kilala sii ko kababaloy iran a ayadn a kkdgn iran a okit na so okit o Rasolollah s.a.w. na go so mga SAHABANYAN na go so mga PIPIYA SII KO MGA TA'BEEN, Na kyabthowan siran sa mga SALAFIYYAH.

A knowa skanyan sii ko " SALAFOL SA'LIH " a siran so mga SAHA'BA a go so mga TA'BEEN.

Na gyangkai a mga taw odi nga mga groupo a mithataridadag na sabap ko matatago kiran a siig na go riit ko AHLU SUNNA WAL JAMAA na aya iphphamtho iran ko mga SALAFIYYA a ayadn so AHLU SUNNA WAL JAMAA na :

- Mga WAHABI.

- Mga HASHAWI.

-Mga Mushabbiha.

Go so salakaw san, a palayadn anan kapamrak ka amay bo ka pyaka rayag na diiran mipamomog so kabokhagan iran, na go so diiran katharo sa iphagangkob iran sii ko mga taw a mga AHLU SUNNAH a taman imanto na sii siran matatago sii sa LMBAK angkai a phimbarang a mga GROUPO myanga babago a khipaka sisilay.


Phangnin akn sii ko Allah a sii sangkai a makampt a osayan na malo a myaka liwanag so kailangan a kaliwanagan sangkai a pagtaw tano a mga muslim a diinggigiloba sii ko thitho a bnar.

wa ssala'm.

- BANDINGAN A MAPONTOK SII KO "JIHA'D" KAPAKI PHRANG SA LALAN KO ALLAH -

Alhamdulillah rabbil A'lameen, wa ssala'to wa sala'mo Ala ashrafil Ambiya'e wal morsaleen, qa'edol muja'hedeen wa ima'mol muttaqeen. 

Amma ba'ad :

So Jiha'd fi sabeelillah na nisisita so katokawi o mga Muslim ko khipapantagn iranon, kagiya sii sangkai a masa na myakadakl so dii tharo pantag sii ko Jihad na so pd na myanobra sii ko limit o islam sii ko Jiha'd na sopman so pd a mga taw na pyanikhalbod iran so pangkatan o Jiha'd sii ko islam taman sa o khaparo na phaka daan iran sa tarotop.

Gyangkai a phmbthowan sa Jiha'd a makapmamaana sa " KAPHRANG SA LALAN SII KO ALLAH " na tanto a mala a pangkatanyan sii ko islam.

Skanyan i podiyong o islam sa datar o kyatharo awn o rasolollah s.a.w. :

( أَلاَ أُخْبِرُكَ بِرَأْسِ الأَمْرِ ، وَعَمُودِهِ ، وَذُرْوَةِ سَنَامِهِ ؟ الْجِهَادُ ) ibn ma'jah.

Maana : baakn rkano phanothola i olo o mga galbk na go onayanyan na go pondiyongyan ? skanyan so kaphrang sa lalan siiko Allah.

Taman sa so Sabaad ko mga ulama na ini itong iran so Jiha'd sa ika nm rokon o Islam sabap ko tanto a kadakl o mga dalil iyan sii sa Qur'an na go sii sa Sunnah.

Aya Mataan na kailangan so kaphnggalbka sii ko Jiha'd na maka okit sii ko mga impitan o kinisogoonon o islam, ka opama ka diron maka okit na khapokas skanyan ko kababaloy nyan a isa sii ko tanto a mga pipiya a galbk sii sa dunya, na go khada so singanin na go antap ko kisosogoonon o Allah s.w., na go phakawatan sii ko kapaka daag so diiron nggalbk.

Na aya badn a ipagonganyan na awida akal na go kabinasaan sii ko mga taw a diiron galbk na plangkap sii ko mga muslim a maka lilibt sangkoto a mga taw a diiron golalan.

Kataya so kailangan a katanodan o mga taw a phkhababayaan iran so Jiha'd :

1- So Jiha'd na aya sabap a kini sogoonon o Allah s.w. na an masimba o mga taw so Allah a Makaliyo siran phoon ko kalibotng o dii kipanakoton sii ko Allah na mialat siran ko kaliwanag o bnar a gyoto so kasimbaan iran sii ko Allah sa tarotop a diiran miphphanakoto sa maitobo.

Phitharo o Allah sa Qur'an : 

( وَقَاتِلُوهُمْ حَتَّى لاَ تَكُونَ فِتْنَةٌ وَيَكُونَ الدِّينُ كُلُّهُ لِلّه فَإِنِ انتَهَوْاْ فَإِنَّ اللَّهَ بِمَا يَعْمَلُونَ بَصِيرٌ ) soratol anfa'l 39.

Maana : Go pakimbonoay kano kiran odi na pranganyo siran ka an di maadn so fitna a gyanan so kapanakoto na go kakhafer, na go an mabaloy so Agama a palayadn so kabaya o Allah, na o taplkn iran oto na mataan a so Allah na so nganin a dii iran nggalbkn na phkhailaynyan.

2- ikadwa na kailangan na so Jiha'd na aya maka totolodon ko Kipnggolalan non na so SABOT a makatitiyokop sii ko mga kokomanyan sii ko islam, na gobo so maratabat a skanyan a phakatolodn sii ko SABOT ka an katatagoi sa KAWARAW so diiron golalan sa masabaryan so phangababaakyan a mga rrgn sangkoto a kiphnggolalan nyan sii ko Jiha'd.

Na Ophoon aya mabaloy a sandiga o dii kinggolalann sii ko Jiha'd na sobo so MARATABAT na mapokason so ILMO A MAKATITIYOKOP sii ko mga kokoman o islam aya mala na so JIHA'D na myapiligro so diiron kinggolalann ka sigorado a daa ipagonganyan a mapya ka aya ipagonganyan na so kasan sara o dii kapagingd na go so dii kapagintaw.

Na sii ko datar anan a sitwation na diskanyan khabthowan sa JIHA'D SHAR'E ka sabap ko myaka liyo skanyan sii ko impitan o kisosogoon sii ko JIHA'D FE SABEELILLAH.

Tanodan a so mga Ahlu sunna wal jama'ah na so diiran kanggalbk na aya maka totolod kiran na so sabot na go so knal, na sopman so mga taw a katharobo na di phnggalbk na mga Ahlul kala'm, na sopman so mga taw didn diinggalbk na maadaon so sabot na so mga SU'FEE , datar anan i kiniropaanon i SHAIKHOL ISLA'M IBN TAYMIYYA R.T.

3- So Jiha'd na kailangan na aya kiphnggolalalnyan na maadn so IMA'M a skanyan i phphaka tanor sii ko mga Muja'hedeen ko kazongiran sa maydan na khokhomandaranyan siran, odi na somosogo ko pd kiran a aya kiran maka khokhomander sii ko kaphzongiran sii ko mga maydan.

So Mga Ulama o Ahlu sunnah wal jamaa na mya IJAMAH siran sa ayabo a kiphnggolalan sii ko JIHA'D na maadn so IMA'M mlagid i Mapya skanyan a datu odi antawaa ka adn a mga dusanyan.

Inontabo oba so mga ridoay na solongn iran so ingd o mga muslim sa pankaw na phkha ato sirandn sa apya daa DATO kaaatagan iran a mattndo.

Na so salakaw san na di khapakay so Jiha'd a di Maunder ko DATO o mga muslim.

4- Kailangan a adn a bagr na go gaas o mga muslim a phnggolalan ko Jiha'd a khialangan iran sii ko mga ridoay iran, isa anan a sharat a inaloy o mga Ala a mga Ulamah sa kiphnggolalann sii ko Jiha'd , na o sopaka iran anan na basirandn khabinasai, ka aya mataan a isosogo kiran ko masa a tanto iran a kalobay na so kapriparado sa bagr a simba na go bagr a sandiyata na go lawas sa disiran pasin maki phmbonoay ko mga ridoay, sa zabarn iran so mga siksa kiran o mga ridoay iran asar ka di zobra sa basiran phamonoa.

lagidanan so masosowa o mga Muslim sii sa makkah al-mokarramah gwani a gopn dii thaonga o rasolollah s.a.w. so islam ko mga sahabanyan a ini sapar kiran o Allah oba Jiha'd sa zabarn irandn angkoto a mga pangalang kiran o mga ridoay iran taman sa phkhabantayanpn o rasolollah so kaphphamonoa o mga korays ko pd ko mga myamaratiyaya sii ko mga a babai pangkatan sii ko kapagintaw, datar o familiya o Ya'ser.

Ogaid na amay ka malo adn a bagr iran na basiran phanarabosawi o mga ridoay iran na go phamonoon siran na pyakay kiran o Allah a mato siran na go ridingn iran a ginawa iran phoon ko kaphakadapanasa kiran o mga ridoay asar ka malo adn a bagr iran.

Phitharo o Allah : 

( أُذِنَ لِلَّذِينَ يُقَاتَلُونَ بِأَنَّهُمْ ظُلِمُوا وَإِنَّ اللَّهَ عَلَى نَصْرِهِمْ لَقَدِيرٌ ) soratol hajj 39.

Maana : inidinan so siran oto a dii pamonoon " sa kaphrang iran " kagya mataan a siran na malalalim siran , na go mataan a so Allah na sii ko kathabanginyan kiran na khagaganyan.

Sa so Jiha'd na taman sa di kabangkita sii ko donyan na malalambadn so kisosogoonon o Allah s.w. pitharo o rasolollah s.a.w. :

( لا تزال طائفة من أمتي يقاتلون على الحق ظاهرين على من ناوأهم حتى يقاتل آخرهم المسيح الدجال ) abo da'ud.

Maana : didn khada so isaka sagorompong sii ko mga ommat akn a disiran dii phrang para sii ko bnar sa phkhadaag iran so diikiran makizmpang taman sa mapatay o last kiran so dajja'l.

Sopman so kokoman o KANJIHA'D na dwa :

1- Fardo ayn. 

2- Fardo kifa'yah.

- Fardo Ayn igira a mya adn angkai a tlo.

a- igira a siyolong o mga ridowan so ingd o mga muslim sa siltan iran so mga muslim na paliyogat dn so kaatowi kiran na sa di mato na myadusa, inontabo so tyabiya o Allah.

b- igira a somiyogo so datu o mga muslim a Jiha'd dn so pagtawnyan na paliyogat kirandn a makanJiha'd siran.

c- igira a myaka pagadapa so saap o mga ridoay ago so saap o mga muslim sa kaphthidawa iran na paliyogat dn so kapakiznsra kiran sa haram so kapalagoy inontabo oba kalalangkoloban siran sa bagr o mga ridoay ka khapakay so kaatras sa phangilay paman a taw sa tiknik.

- Fardo kifa'yah igira a so Jihad na kapangatak sii ko mga darpa o mga ridoay, sa makatitiyokop angkoto a diiron nggolalan.

gyanan i tanto a mapontok a bandingan tano pantag sii ko Jiha'd odi na kapaki phrang sa lalan sii ko Allah, sa madakl a tanto so dapat a osayn tano ogaid na kay tanto matas Datar ibarat o mga balas o KanJIHA'D, go so sanganon o mga bae .

na naino ka khapakay a maka okit badn sa mga pakaiza o maka khakailangan non ka antano ron phphka ogop manmbag ko diyangka a phkha gaga tano.

Wassala'm.