SO KAPAMILI SA BOLAYOKA SII KO PAKAYAN O ISLAM

heart emoticon -------------------------------- ( Friendship ) ------------------------------- heart emoticon

So kapamili sa bolayoka "Friend" na isa anan a tanto a importanti so kaimpitiron o Muslim a Datu na go Bae.

So Layok o Taw na khapakay a ayaon maka ogop sa kapakapiya o diniyan dii kapagintaw na go kaparoliyaniyan ko darpa a dii pamagindigaan o mga lantasan i pamikiran a giyanan so SURGA o Allah. Na khapakay mambo a so layok o taw na ayaon makatonda siiko marata a btad sa Doniya na go ayaon makatolod ko Kapakarondan na go kapakadapanas sii ko APOY O NARKA a Lomalagindab so kadgiyan.

Sabap san na so islam na biyaloyniyan a sndadan a pakayan o kapili sa layok na so paratiyaya sii ko Allah.

Phitharo o Allah : ( انما المؤمنون اخوة ) Al Hojora't 10.

Meaing : Ayaboman a thitho na phiyor a mlayolayok na so adn a mga paratiyayaniyan sii ko Allah.

Na so phiyor a adn a paratiyayaniyan sii ko Allah na mazizipatiyan angkai a phanga aaloy : Mapiya i Galbk , Kasasarigan, Makatotomana sa pasad, Maarapiyan so kamapiyaan para ko layokiyan, Mapiya i Adat , Makatatabanga ko mapiya , Mababaloy a lantay o layokiyan ko kisampayniyan sii ko mapiya a btad a singayoiyan, Mathana i kapamimikiran - knaba basta basta phangimbnar sa thothol a daniyampn maamad i phiyapiya ko layokiyan.

Giyanan i phkhakilangan ko olawla o layok a mapiya a andodon so paratiyaya sii ko Allah.

Na giyanan i kailangan a mga sipat a phangilaintano sii ko mga iphm bolayokatano.

Maninggila tano obatano mizindit sa hadapan o Allah so datano kapakapili sa mga layok tano!

Phitharo o Allah :
( ياويلتى ليتني لم اتخذ فلانا خليلا ، لقد اضلني عن الذكر بعد اذ جاءني ) Al-Forqa'n 28-29.

Meaning :

Sii sangkoto gawii a kaphangokom o Allah na makaznditdn angkoto a taw a da makapili sa layok sa matharo iya a : Aydaw doanakoniyandn obaakmbo da miplayok si giraw ka sabnar a maiyadadag akoniyan sa diyakn katoona ko qur-an ko oriyan o kiyatokawi aknon.

Na pananggilaka pagariko na go ska babayakn obangka manggolaola angkanan a inaloy o Allah a taw a makaphzndit na go makaphmbaoman sa daniya kapakapili sa mapiya a bolayoka.

Isa a kailangandn so kapananggila iron o muslim na baniyan miplayok so mga taw a mapapasang i kanggalnk sa BID-AH, na go giyangkai a mga taw a dii manolon ko kadadagan sa sabap bo ko kisosolindirn iran ko mga ginawa iran ko mgagroupo iran a makasisilay.

Wallahul Muwaffiq.