ANTONAA I KILANGAN O BABAYA SII KO RASULOLLAH S.A.W. ?

* ----------------------------------------- heart emoticon ------------------------------------------*

SO KABABAYAI O MUSLIM SII KO RASOLOLLAH S.A.W. NA WAJIB A NISISITADN, GIYANAN I ISA A PHKHAKILANGAN SII KO KATHATAKNA O PARATIYAYA O MUSLIM.

PITHARO RASULOLLAH S.A.W. :

(لا يؤمن أحدكم حتى أكون أحب إليه من والده، وولده، والناس أجمعين ) AL BUKHARI.

MAANA : ( DADN A PARATIYAYA O ISARKANO TAMAN SA DIYAKO MABALOY A PINAKAPHKHABABAYAANIYAN ADI SO LUKSIYAN AGO SO WATA IYAN GO SO LANGON O MGA TAW SA KADANDANIRAN ) AL BUKHARI.

GO PHITHARO O ALLAH :

{ قل إن كان آباؤكم وأبناؤكم وإخوانكم وأزواجكم وعشيرتكم وأموال اقترفتموها وتجارة تخشون كسادها ومساكن ترضونها أحب إليكم من الله ورسوله وجهاد في سبيله فتربصوا حتى يأتي الله بأمره والله لا يهدي القوم الفاسقين }
AT TAWBA 24.

MAANA : ( THAROANGKA KIRAN YA MUHAMMAD A OPHOON MABALOY SO MGA LUKSIYO GO SO MGA WATAIYO GO SO MGA PAGARINIYO A GO SO KAROMANIYO GO SO PAGARINIYO GO SO MGA DADAZGIYO GO SO MGA TAMOKIYO A GO SO DAGANGANIYO A IPHKHAWANIYO SO KADADASIYAN GO SO MGA TOROGANIYO A TANTONIYO PHANGA BABABAYAAN! NA OPhOON IYO ANAN MAS MAKATHARLBI KO BABAYAIYORON ADI SO BABAYAIYO SII KO ALLAH GO SO RASULOLLAH GO SO KAPHRANG SA LALAN SII KO ALLAH, NA LANAT KANO KA PHAKADANSAL RKANO SO SOGOAN O ALLAH A KASIKSAAN KA SO ALLAH NA DINIYAN THOROON SO MGA TAW A MGA SONGKLID ).

TANODINGKA PAGARI KO NA GO BABAYAKN KA SO KAMIS O PARATIYAYA NA DIDN KHATAAM O MUSLIM TAMAN SA DINIYAN MILAWAN SO BABAYA IYAN SII KO ALLAH AGO SO RASULOLLAH SII KO SALAKAW KIRAN A DOWA !

PHITHARO O RASOLOLLAH S.A.W. :

(... ثلاث من كان فيه وجد بهن حلاوة الإيمان: من كان الله ورسوله أحب إليه مما سواهما )
AL BUKHARI.

( TLO A MGA SHAY A SAD SA TAW A MAPADALMON SKANIYAN NA KHATAAMIYAN A MISABAP SANGKANAN A TLO SO KAMIS NA KO KAPIYA I TAAM O PARATIYAYA SII KO ALLAH ; MABALOY SO ALLAH GO SO RASULOLLAH S.A.W. A PINAKAPHKHABABAYAANIYAN ADISO SALAKAW KIRAN A DOWA ...

-----------------------

NA ANTONAA I PHKHAKILANGAN SII KO BABAYA SII KO RASULOLLAH S.A.W. ?

AYA PHKHAKILANGAN SII KO BABAYA SII KO RASULOLLAH S.A.W. NA SO KAONOTI SA TAROTOP SIIKO MGA SUGOANIYAN NA GO SO KINGGOLALANN NON DATAR O INIKIDIANIYANON GO SO MGA SAHABA NIYAN!.

DI KHAPAKAY A SOBRAAN O MUSLIM SO LIMITI A ININDAO O RASULOLLAH S.A.W. A OKIT A KABABAYAI RKANIYAN KA GIYANAN NA TANTO NIYAN ANAN A INISAPAR !.

AYA KOMPAS O OKIT A KABABAYAI SII KO RASULOLLAH S.A.W. NA SO PHINGGOALA OLA O MGA SAHABANIYAN, A TANTO IRAN A PHKHABABAYAAN SO RASULOLLAH S.A.W. KA DADN A MAKARAW THARO A TAW SA BAADN A MAKALAWAN KIRAN SA BABAYA SII KO RASULOLLAH S.A.W., NA DAIRAN SOBRAI SO ININDAO KIRAN O RASULOLLAH S.A.W. NA DAIRAN PMAN KORANGI, NA OMAN I MALO KIRAN A KHISALPHIT NA KASAPARAN O RASULOLLAH S.A.W. SA DINIYAN KAPAKASOBRAA KO LIMITI O ISLAM KO OKIT A KABABAYAI SII KO NABI S.A.W., NA TIYAROTOP IRAN SO KININGGOLALANN IRAN SII KO MGA SUGOAN A MINITALINGOMA O RASULOLLAH S.A.W. SII KIRAN SA SADN SA BAIRAN MIYAGAGA, NA SABAP SAN NA INIDAKAT O ALLAH SII KO QUR-AN SO KIYASOATIYAN KIRAN NA GO SO KATATAGO IRAN SII KO ONTOL A LALAN, NA GO PIYAKA TANA IYAN A SADN SA DI MOKIT KO INOKITAN IRAN NA SII SKANIYAN KHITAPI SII KO DINIYAN DII PANANAYANAN GO IZOMBO SKANIYAN SII KO APOY KO NARAKA A PHITHAMANAN A MARATA A KHANDODON.

SII KO MASA O RASOLOLLAH S.A.W. NA MIYAKAOMA SO MGA MBAWATAAN O A'MIR SIIRKANIYAN A RASOLOLLAH S.A.W. NA PHITHARO IRAN SII KO RASULOLLAH S.A.W. A ; SKA I DATU AMI A WATA O DATU AMI ! NA AYA PHITHARO KIRAN O RASULOLLAH S.A.W. NA SO ALLAH NA SKANIYAN I DATU TANO.
NA TIGIRAN PMAN A SKA I PINAKA TARALBI RKAMI GO PINAKA SSLAAN RKAMI. NA TIG O RASULOLLAH S.A.W. A ; HAY MGA TAW KANO NA THAROANIYODN SO PHTHAROONIYO ODI NA SO SABAAD KO PHTHAROONIYO, NA PANANGGILA KANO OBA KANO MAPAKANDUSA O SHAITAN. - MAANA BANIYO MAPAKASOBRA SO DINIYO DII KAPAMANTOG- . ABU DAWD.

GO INI SAPAR O RASULOLLAH S.A.W. OBA BALOYA SO QUBORIYAN A DII KHALAMI LAMIYAN, GO DII KHAKASOKASOYAN.

PHITHARO O RASULOLLAH S.A.W. :

( لَا تَجْعَلُوا بُيُوتَكُمْ قُبُورًا ولا تجعلوا قبري عيدا، وصلوا علي فإن صلاتكم تبلغني حيث كنتم ) ABU DAWD.

MAANA : ( DINIYOMBALOYA SO MGA WALAYNIYO A MGA KOBOR, GO DINIYOMBALOYA SO KOBOR AKN A DII KHALAMILAMIIYAN GO DII KHAKASOKASOYAN, GO SALAWATI AKO NIYO KA SO SALAWATIYO RAKN NA PHKHISAMPAY RAKN SA APIYA ANDA KANO MATATAGO A DARPA ).

SAMANAN NA MIYAKARAYAG RKTANO A SO KABABAYAI KO RASULOLLAH S.A.W. NA WAJIB ANAN A DIDN KHAPAKAY KO MUSLIM OBANIYAN DI KABABAYAI SO RASULOLALH S.A.W., NA SO TAW A DINIYAN PHKHABABAYAAN SO RASULOLLAH S.A.W. NA KNABA SKANIYAN MUSLIM.

IKADUWA NA MIYAKA RAYAG A SO KABABAYAI KO RASULOLLAH S.A.W. NA SII KO LIMITI A DI SKANIYAN ZOBRA, KA SO KAZOBRANIYAN NA INISAPAR OTO O RASULOLLAH S.A.W.

SOPMAN SO DII KAPANOTHOLA SII KO LANGON O MGA KALBIHAN O RASULOLLAH S.A.W. GO SO KAWAWAJIB O KAONITORON GO KABABAYA IRON NA DAA BA ANAN LIMITI A ORAS, KA AYA KAILANGAN NA DIDN ANAN MAPPNDA SO DIRON DII KANGGALBA O MGA ULAMA A BIGAN O ALLAH SA SABUT KO ISLAM.

NA OBA AYABO A DIRON DII KAPANOTHOLA GO AYABO DIRON DII KAPANANADMI GO KAPHZALAWATIRON SA MADAKL NA OMAN MAWMA SO KINIMBAWATAANON NA SABNAR A GIYANAN NA KAITO NA GO KAKHAP A BABAYA SII KO RASOLOLLAH S.A.W. KA AYABO A KAPHPHAKADAKLA KO DIRON DII KAPANANADMI GO SO KAPHZALAWATIRON NA OMAN SARAGONA KIYALIMITIYAN O TAW SO DA SKANIYAN LIMITIO ISLAM, NA AYA TINDG TANO SAN NA DATARDN O KIYATHAROAWN O MGA ALA A IMAM GO MGA ULAMA O AHLU SUNNA A GIYANAN NA BID-AH A INIPAGOMAN KO ISLAM.

PD SA SOGOAN O RASULOLLAH S.A.W. NA KAILANGAN NA OMAN MAN-G O MUSLIM A MABTHOON SO RASOLOLLAH ODI NA SO NABI ODI NA SO NGARINIYAN A MUHAMMAD NA KAILANGAN NA KASALAWATAN SKANIYAN O MUSLIM.

PHITHARO O RASULOLLAH S.A.W. : «الْبَخِيلُ مَنْ ذُكِرْتُ عِنْدَهُ فَلَمْ يُصَلِّ عَلَيَّ»
AL TIRMIZI.

MAANA : ( AYA PINAKA MALIGT A TAW NA SO MIYA ALOY AKO RKANIYAN NA DAKONIYANDN SALAWATI ).

PD SA MGA BALAS O KAPAKADAKLA KO SALAWAT KO RASULOLLAH S.A.W. NA PHITHO RO RASOLOLLAH S.A.W. : ( من صلى علي صلاة صلى الله عليه بها عشر ) MUSLIM.

MAANA : ( SADN SA TAW A SALAWATAN AKO NIYAN SA SATIMAMBO NA PAKISALAWATAN SKAIYAN O ALLAH SABAP KO SALAWATIYAN KO RASULOLLAH S.A.W. SA MAKASAPULO ).

GO PHITHARO IYAMPN : ( إن أولى الناس بي يوم القيامة أكثرهم علي صلاة ) AL TIRMIZI.

MAANA : ( MATAAN A AYA PINAKA MAOONA RAKN SA ALONGAN A MAWRI NA SO PINAKA MADAKL KIRAN RAKN I KASALAWAT ) AL TIRMIZI.

SAMANAN NA MIYACLARO RKA PAGARIYA A MUSLIM A SO KASALAWATI SII KO RASULOLLAH S.A.W. NA SADN SA KADKLIYAN NA KALAIYAN I BALAS.

NA SOPMAN SO AYABO A KAPHKHASALAWATINIYAN KO RASOLOLLAH SA MADAKL NA OMAN MAWMA SO MAWLIDAN NABI, NA SII ANAN MAAPD KO KNABANIYAN THITHO A PHKHABABAYAI SO RASOLOLLAH S.A.W. KA AYA MATAAN NA BABAYAIYAN MAMANGPD SA KAKHALAMI LAMI A KNA OBA PHINGGOLA OLA O RASULOLLAH S.A.W. GO SO MGA SAHABAH GO SO MGA TA'BIEEN GO SO MGA ALA A MGA IMA'M SI KO ISLAM.

WALLAHUL MUWWAFIQ.