@ ----------------------------------------- --------------------------------------------- @
So AHLU SUNNA WAL JAMAA na tyanto iran a mataa a so Allah na Adn a LIMANYAN a DWA a pd oto sii ko mga sifatyan a za'tiya a knaba datar o LIMA o bapya antonaa a kaadnyan, LIMA a domadait rkanyan a Allah a di katawan i ropaanyan sa lagiddn o kaphthantowa iran ko Allah ko Za't a di katawan i Ropaanyan.
Aya Dalil na so Qur'an ago Sunnah :
Phitharo o Allah ;
(قَالَ يَا إِبْلِيسُ مَا مَنَعَكَ أَن تَسْجُدَ لِمَا خَلَقْتُ بِيَدَيَّ ) suratol sa'd 75.
Antonaa i myaka sangkarka " hay Eblees" sa kasojodingka sii ko inadn akn a minggolalan ko dwa a LIMA AKN.
Gyangkanan a A'yat na marayag so kyatantoawn o Allah sa adn a mbala a limanyan.
Na kailangan a matanto anan sii ko marayag a maananyan sa di khapakay a pakasilayn, sa ba aya maana nyan na BAGR odi na LIMO.
Phitharo o Rasolollah s.a.w. : (يَدُ اللهِ مَلأَى لاَ يَغِيضُهَا نَفَقَةٌ سَحَّاءُ اللَّيْلَ وَالنَّهَارَ - وَقَالَ - أَرَأَيْتُمْ مَا أَنْفَقَ مُنْذُ خَلَقَ السَّمَاوَاتِ وَالأَرْضَ ، فَإِنَّهُ لَمْ يَغِضْ مَا فِي يَدِهِ) Bukhary. So KAWANAN o Allah na Mappno sa diskanyan khaknsan o kaginawanyan ko kagagawii na go kadadawndaw ! Banyo da mailay so nganin a phinggastonyan na go inosaryan poondn ko kya adnanyan sii ko mga langit na go lopa, sa mataan a skanyan ( kyanggasto ) na daa myappsyan sii ko nganin a matatago sii ko LIMANYAN.
Gyangkanan a Dwa a dalil MYAIJMA SO MGA ULAMA O AHLU SUNNAH sa di khapakay a TAAWILN skanyan sa ba aya iphmaana sangkanan a LIMA o Allah a tyantonyan sa ginwanyan na go tyantoron o Rasolollah s.a.w. sabp sangkai a phanga Aaloy :
1- Daa dalil a Correct a makanggogonanao sa ba gyanan a Marayag a maana nyan na ba mya alin sa salakaw a maana.
2- Mataan a so LUGA ARABIA na Zangkaanyan oba salakaw a ipmaana san sabap ko KARAYAG O LAPIATYAN a kyasandayaon o Allah sa ginawanyan.
3- Mataan a gyangkanan a kyasanday o LIMA sii ko Allah sa DWA a LIMA a phitharoiyan na tanto anan a marayag sa knaba aya mapipikiron na BAGR odi na LIMO.
Kagiya so BAGR go so LIMO na da' a mya aloy sa QUR'AN odi na HADITHS a ba syanday mambo o Allah sa ginawanyan so DWA a BAGR odi na DWA a LIMO.
4- Opama ka knaba aya maana angkanan a DWA a LIMA a inaloy san o ALLAH na so PHYOR a DWA a LIMA o ALLAH ko KADADAITYAN SII KO ALLAH, ka aya maananyan ibarat na BAGR odi na so IBLIS na Izmbagyan ko Allah a sakn mambo na inadn akongka a phoon sa BAGR , Na inopn anan da mizambag o IBLIS sii ko Allah ka knaba aya maana san angkanan a YADD na BAGR.
5- Gyangkanan a sifat o ALLAH a LIMA na mababagr sakanya o mya nga Aaloy o Allah a go so Rasolollah a mga pd a safat o Allah datar o kakm go so mga Asa'be .
---------------------
Ogaid na so kya aloy o mga A'yat go mga Hadits a tyanto o Allah sa ginawanyan so sifat a LIMA go tyantoron o Rasolollah s.a.w. na knabanyan maphakada so dii kapaka pma ana o YADD sa GINAWA odi na BAGR sii ko mga pd a mga A'yat sa sii dependi sii ko kacocorecct o dalil sa kya alin o maana o YADD sa salakaw a maana.
Go gyanan mambo a kyapakay a kaphkha alin o marayag a maana nyan sa nggolalan sa Correct a dalil na knabanyan maphkhakada so kapaka pmamaana nyan sii ko phyor a marayag a maana nyan.
Maana : knaba langon o mya aloy a word a YAD sii sa QUR'AN na mya alin so maan anyan sa datar o kapipikirawn o mga MUAWILA a sopaka o AHLU SUNNA WAL JAMAA.
-----
Tanodan a so sifat o Allah a YADD odi na LIMA na thantoon anan sii ko Allah sa sii ko kadadaityan rkanyan a Allah sa dadn a banyan plagidan a go so LIMA a sifat o mga kaadnyan, knba skanya Anggawta odi sa datar o diron dii katharoa o mga pananaoweel parabo makakowasiran sa shobahat a kaalinairan sii ko phyor a maananya a paka aantapanon o Allah a maana ago so rasolollah s.a.w.
Ino adn a ropaanyan ??
Smbag :
- Oway adn a ropaanyan ka ayabo a daa ropaanyan na so DA, na so adn na adn mambo ropaanyan, ogaid na so ropaan o mga sifat o Allah na daa baron matao sii ko mga kaadnyan sabap ko daa ba myaka ilay sii ko Allah go daa banyan datar a khalagidanon go dapn ropaan o Allah na go so Rasolollah s.a.w. na ronbo makaphthaman so muslim ko phithaman iran a dwa.
Sabap san Na Hara'm sii ko Muslim obanyan ropaan so mga Sifat o Allah sabap ko dinyanon katawi.
Gyangkai a mga Pd sa mga Sifat O Allah datar angkai a YADD odi na LIMA a go so SALAKAWRON na kataya so mga groupo a mga muslim a myaribat so panarima iranon :
1- Mga Jahmiyya al-gola't : pyakadairan sii ko Allah so mga ngaranyan go mga sifatyan.
2- Mga Mu'tajila : tyanto iran so mga ngaran o Allah na pyaka dairan so langon o mga sifatyan.
3- Mga Asha'irah : tyanto iran sii ko Allah so mga ngaran iyan go so 7 a sifat o Allah, diiran dii panaawiln so mga pd a sifat o Allah.
4- Mga Ma'toridiyya : tyanto iran sii ko Allah so mga ngaranyan go so 8 sii ko mga sifat o Allah na diiran panaawiln so mga pd a sifat o Allah.
5- Mga Mushabbiha : Tyanto iran sii ko Allah so mga ngaranyan go so mga sifatyan ogaid na diiran dii tharoon a so mga sifat o Allah na datardn o mga sifat o kaadnyan.
Gyangkai mga groupo na palayadn myaribat sii ko kaphthantowaa sii ko Allah sii ko mga sifatyan, sa inipagalad iran so" TAOWEEL" a rebat a daa banyan dalil sa aya inonotan iran na so mga pamikiran iran sa dasiran thaman sii ko phithaman o Allah go so Sugoiyan pantag sii ko mga Sifat O Allah.
Sopman so AHLU SUNNA WAL JAMAA na ini kalimo siran o Allah sabap ko dasirandn panilasilay ka sadn sa tindg o rasolollah s.a.w. go so mga Saha'ba go so mga Ima'm O Ahlu sunnah na aya irandn kdg na go aya irandn phithomadngan a kinowa iran a aya irambo tindg.
Gyoto so :
- Tyanto iran sii ko Allah ko langon o mga Ingaranyan a tyantonyan sa ginawanyan go so tyantoron o Rasolollah s.a.w. sa dairan panolagidn na go dairan pakadaa na go dairan ropaan go dairan pamaka silaya.
- SO TAOWEEL :
Aya paka asal a katawi o mga SALAF, so mga SAHA'BA a go so mga TA'BAEEN ko maana o "Taoweel" na isa sangkai a dwa sa daa salakawron :
1- Tapseer.
2- Maalo shay' aw haqeeqatoho.
Na so kyapaka Oma o mga Ulama sa OSULOL FIQH Na inisnggay iran so KATAO sii ko OSULOL FIQH na myakambowat angkai a ikatlo a meaning O taoweel a Pamikiran o mga taw a mga Ahlul kala'm a skanyan so :
- So kakowaa sii ko lafal o katharo phoon ko marayag a maana nyan sa ayaon iphmaana so maana diron marayag.
- Na so mga Ulama o mga Ahlu Sunnah Wal Jamaa na myayon siran san ogaid na aya Condation odi na sharat na ADN A DALIL A CORRECT sa kyaparo a kakowaa ko maana o lafal ko phoon ko paka asalyan sa aya iphmaanaon na so mabababid angkoto a dalil a di marayag ko lafal sii ko paganay.
So Barangan odi na Classi o mga Taoweel :
1- Taoweellon saheeh : A gyoto so Adn a dalilyan a Correct, na mimbaloy a aya maananyan na Tafseer.
Lagid o katharo o Allah : ( وَإِذَا قُمْتُمْ إِلَى الصلاة فاغسلوا وُجُوهَكُمْ ) ma'ida 6.
Aya mapipikir san na igira a ithindg o taw so sambayang, knaba igira a myakazambayang, sa adn a mga dalil sa Hadits a mga Correct sa aya mapipikir sangkanan Sogoan na amay ko dapn mitindg so sambayang kna oba amay ko mapasad so sambayang.
2- Taoweelon fa'sid : A gyoto so aya kataoron o diron dii tharo na adn a dalilyan na takinoba ka matag oto Wahm sa da a banyan dalil a Correct.
Sii sa gyanan a number 2 na ron maka sosold angkai a mga Groupo a dii manaawil ko mga sifat o Allah ka da a bairan mga dalil a correct a makatotoro sa kakhapakay a taawil so mga sifat o Allah a tiyantonyan sa ginawanyan.
3- Taoweelon Mardod : a gyoto so da a banyan dalil, dataro taowil o mga SHI'AH AL-RA'FIDAH ko katharo o Allah ( إِنَّ اللَّهَ يَأْمُرُكُمْ أَنْ تَذْبَحُواْ بَقَرَةً ) baqara 86. tigiran a aya maana angkanan a baqara na so A'ISHAH r.a. Alyhim minallahi ma yastahiqq, langit ago lupa a kawatan o maana angkanan a Ayat oba aya mapipikiron na so A'isha R.A.
وفّق ني الله و إيّاكم
No comments:
Post a Comment