SMBAG O MGA COMENT O PAGARIAKN A ( KHALID BIN WALID ) KO OSAYAN KO KABIBINASA O 6 POINTs O JAMAATOL TABLIGH

By : Muhebbo Sunnah.

Mga toos :

1- so mga smbag tano sii ko katharo a gyanan a pagari akn na tatagoan sa : (( SMBAG_...)

2- Na so mga comentyan a go so simbagyan a post na da phkhatndo iyobo.

Aslm alykm w w.

1. Objection ko Laailahaillallah:

Phitaro iran: so "la'ilaha illallah" na aya tapsiron o mga ULAMA IRAN na : so kapakaliwowa ko yakin a binasa sii ko puso, na go so kapakasoldawn ko yakin a korek a gyoto so daa myangadn a inonta so Allah, go daa dii mmrizki inonta so Allah, go daa diing giragiray inonta so Allah.

gyangkanan a initafsir iranon a tigi SHAIKH AL'UTHAIMEEN 'ra' na bed'a, go rebat, ka TAWHEED AL'ROBOBIYA BO ANAN, na so TAWHEED AL'ROBOBIYA na diyanan khasanaan a misold o taw ko islam, ka so mga ka'fer na pagiikraran iran anan, apya so mga kafer ko mga arab gwani na magi ikrar siran san na dakiran anan makadipinsa sa basiran di kabhthowi sa ka'fer, go gwobat siran o rasolollah s.a.w. ka di anan khasanaan a panarima, ko la'ilaha illallah.

Comment:
Di khaompas so Meaning odi na Tafsir Laailahaillallah, so phagaloyn o mga pagari tano a Tableegh na ped oto ko mga tafsir iyan..

(( SMBAG - gyangkanan a katharo na kaphagI ibat ibatan , aya sabapyan na so mga Ulamah sa AQEEDAH na dadn a bakiran mitharo sa datar anan a maana o Lailaha illallah.

Ka andadn I kailoy o "lailaha illallah" na aya dii iranon ipmaaana na " la ma'bo'da bi haqqin illallah" Maana : daa phzimbaan a bnar inintabo so Allah.

Na sopman so mga salakaw san a meaning na LA'ZIM skanyan o "LAILAHA ILLALLAH" ka anda I katharo angka sii ko "LAILAHA ILLALLAH" na kailangan na mapakaliyongkadn so panarima a ribat sii ko posooka, na go matarimaaka a aya dii mangadn go dii mririzki go diinggiragiray na so Allah, ka o dingkaanan tarimaa na ti phzimbaankabs so Allah na salakawpn a pangbnar ko posooka, go dika mangingimbanar oba skanya di phphangadn go dii mririzki go diinggiragiray, go so mga salakaw san a mga LA'ZIM o katharoa o taw ko "LAILAHA ILLALLAH" sa knabanyan anan i maananyan a inipmaanaon o mga Ulowan a tabligh a datar a gyanan a katharo a pagaritano.

Na Oba anan ribat na bigayka sa satimanbo a Ulamah o mga salaf a salakaw a inipmaanyan ko " LAILAHA ILLALLAH" knaba gyanan a inaloy tano a diiron ipmaana o mga Salaf. ))

Sii ko masa o Nabi na saden sa tharoon niyan so Shahaadatayn a benar ko puso iyan na miya-mUslim, oriyan niyan na Phagpoon ron den isogo so mga Sogoan o Allah go So Rasul iyan (Sallallaho 'alayhi wa sallam).

(( SMBAG_ Oway sii ko masa o nabi s.a.w. na saden sa tharoon niyan so Shahaadatayn a benar ko puso iyan na miya-mUslim, aya sabapyan na kagiya gyangkoto a mga taw na tanto iran a sasabotn so maana o "LAILAHA ILLALLAH" a andadn I kathroa iranon na initaplk irandn so langowan a phakabatal ko maana o "LAILAHA ILLALLAH", na sa dadn a bakiran mya aloy a dii manakoto ko oryan o kyatharoanyan ko "LAILAHA ILLALLAH".

Na compern ka sa gyanan a paka asal a kyathaonga sa JAMA'T TABLIGH ino mnnma kiran a gyanan a diiron katharoa o mga taw sii ko masa o Nabi s.a.w.?? malongka pamimikirana oryan o kabitiyaangka sa gyanan a kitab a miyaloy ko thitho a pakabtad o JAMA'ATOL TABLIGH sa INDIA go FAKISTAN. ))

Benar a o di paratiyaan o tao so Tawheedor Roboobiyah, Tawheedol 'Uloohiyyah ago Tawheed Asmaa-u was sifaat (sa lagid a kiyambagi bagi-aon giyanan a pagari tano) oriyan o kiyatokawi nyan non na miyaka-liyo sekaniyan ko Islam.

Note: Giyanan na mga istilaahaat o mga Muta-akhkhireen ko mga Ulama)

(( SMBAG _ Oway katawan akn pagariya a ISTILAH nan o mga Ulama a ahlu sunna wal jamaa, lagid i Ima'm al-bokhari, sii ko kitabyan a KHALQO AF-A'LIL IBA'D, a go si IMA'M IBN MANDAH, AGO SI IMA'M A-TABARI a myanga oona a Ulamah o Ahlu sunna wal-jamaah, kanba anan datar o kapipikirangkawn a istilah o mga Ulama a mga muataakhireen.

Gyangkai a katharo oka na karinainin ko kaito i kapamatiya sii ko mga kitab o Ahlusinna wal-jammah , na badn dii tharo so taw sa dinyan mikakaip phyapya , go knaba anan phimbaalan a istilah a daabanyan mga dalil ka oman I isa san na adn a dalilyan, gyoto mambo I kya ayoniron o mga Ulamah o mga Salaf a phkhaori.

Na inongka rkami pagariya di phakarayaga opama ko ba aya kapipikirangkasan na ribat anan a kyambagi bai awn o mga Ulamah o mga salaf ko onaampn o shaikhol isla'm r.t. , ka alowin amirka mambo so langon o mga dalil sa kakocorrect anan. ))

So peman so katharo iran a aya kon a Tafsir o mga Ulama o Tabligh ko Laailahaillalah na sobo Tawheedor Roboobiyah na katharo o mga "tao a di phangamad ka kapangilay bo sa paawing", daden a miyaneg aken a satiman bo a 'Aalem a Tabligh a phitaro iyan a giyanan bo - i tafsir o Laailahaillallah go lagid iyan na daden a kitab a inisorat o mga Ulama ko Tabligh a phitaro iyan anan.

Aya benar na sabap sa kapangilay sa paawing a miyagalebek o tao na miyapansin iyan a so Kadakelan ko gi-imbayan o mga Ulama o Tableegh na aya bo a di niyan di pagosayn kalilid na "Tawheedor Roboobiyah" (ago Asmaao was sifat) na Tig iyan a da iran non osaya so "Tawheedol Uloohiyah, Ribat aya, Bid'ah aya!!!!"

(( SMBAG_ Gyangkai a katharo na katharo a maito I kambilangataw ko mga ala a mga Ulamah, mawaraw I dila ko kiphphangaton sii ko ribat , go mapasang I kapanohma ko mga Ulamah, a langon anan malaa dusa sii ko Allah.

Tanodingka pagariya a gyanan a katharo na knaba ana phoon sa gyaya a pagarinyo a Muhebbo Sunna ka matagyan ini alat so katitimblan ko osayan o mga Ala a Ulama a khirk sa gyanan a mga kitab a phimbknanyan ko kya osayanyan sangkai a kotika.

Na opama ka ba datar a katharo oka anan na Samawto na aya maananyan na gyangkanan a mga Ulamah a mga Alla'mah na mga taw a di phangamad a mga mapasang I kapangilay sa paawing. Subhnallah… Amay ko baso kaphphakarayaga o mga Ulamah sii ko karibatan a matatago sii mga Groupo a khipaka sisilay na kapangilay sa paawing na pyaka mmsa anan a tindg ka ayadn a phnggobatn ka na so kada o ILMONNAKD sii ko Islam, na ayabo a phphakarawron tharo na so maito I sabot a dii mananayan. Odi na so mabobota so akalyan ko bnar, odi na diinyan zoa soatn so mga taw ka para kababayaaniran. ))

Aya sembag san na Aya tano man dim-bayanan na mga Muslim, langon siran na paparatiyaan niran so Tawheedol 'Uloohiyah, ati paparatiyaan niran bes na kailangan pen bes a began tano sa emphasis so kimbayan non? Daden a miyaneg aken a Meranao a di nan di tharoon so lagid o di tharoon o mga Mushrik sa Makkah gowani ( a madakel a psimbaan)

(( SMBAG_ Gyangkai a katharo na katharo o taw a di daan phndal dalm ko phzmbagnyan!

Opaman na so mga muslim imanto pagariya na ferpect siran sii ko TAWHEEDOL OLOHEYYA ka gya Opama a mga muslim siran a andang antaabs i phphangosiyatan o rasolollah s.a.w. sangkai a mga kisasaparnon ba mga kafer, antawaa ka so mga saha'bah??

go ino so paratiyaya ba siibo matataman sii ko puso na diron pd so dii kaphtharo sa phphabatalon odi na dii kapakanggalbk sa phphakabatalon. Malongka anan ologi sa pamimikiran.

Tanodingka a so DAAWAH na ayabo a pontosyan na so ko kalangonyan na so TAWHEED AL OLOHEYYA na o gyanan I binasa na dadn a kaphaka apas o apya antonaa a panagontaman a itotompok sii ko agama a islam.

Na Gyanangkanan a katharooka a Daden a miyaneg aken a Meranao a di nan di tharoon so lagid o di tharoon o mga Mushrik sa Makkah gowani ( a madakel a psimbaan) karina anan sa kaito o knal ka ko kaphkha adn o kapanakoto sii ko simba pithamanan a isasapar o Allah a phphakabatal ko maana o " LAILAHA ILLALLAH ", ka ba ayabobos a kapanakoto na so kambaal sa mga barahala a madakl a datar o diinggola olaan o mga mushrik a mga arab ko dapn so islam, antawaa ka phkha adn ko madakl a sabap a salakaw san ?? smbagangka anan sa ginawangka pagariko.))

Laailahaillallah wahdaho laa shareekalaho

Opama ka aden a sakatao a Mama a gii sambayang sa Lima Waqto sa Masjid a Barajoma, daden kalepasi, antonay pandapat kaon: phangosyatan ka pen a Shambayang Kaki sa Lima a Waqto sa masjid a Barajoma?

(( SMBAG_ Oway pagariya! aya Kailangan na kaphphangosiyatampn so di plpas mbarajima sa pantag ko kapya o kaplima waqto ago so mga balasyan go so mga kailangan a kakhakorik o mga sambayang, na goso kakhabthowi ko barajoma sa barajuma, go so salakawsan a mitotompok ko sambayang.

ANGKA INOBS ka ba kagiya so mga sahaba o rasolollah s.a.w. na di plas barajima ko limawaqto na diyan siran phamagosayan ko pantag ko barajuma go sambayang.

Gyanan a dalil ka pagariko na QIYAS MAAL FA'RIQ a di doma dait o Bangka baloya ikhompirkawn so kakhakailangana ko dii kipangosiyatn sii ko TAWHEEDOL OLOHEYYA.))

Sabap roo na diden kelangan so emphasis ko tawheedol Uloohiyah sabap sa langon Muslim so di tano dimbayanan sa Masjid, daa a Mushrikon, opama ka aden a Mushrikon na miyawajib so emphasis tano ron.

(( SMBAG _ Subhanallah,, opamari pagari ko na sasabotn ka so diingka tharoon?? ba ayabo a Mushrik na so phzimba sa barahala?? somasabot kari parikolay ??

Ikadwa na apya daa Mushrik ko mga taw na daa marata a dii kapagosaya sii ko TAWHEED AL-OLOHEYYA kagya skanyan na onayan o Islam na so salakawron na matag haqq a gyanan a TAWHEED. Ka an phkhagdam o mga taw so tantodn a kaiiportantinyan. ))

Aya Sabap a Emphasis tano ko Roboobiyah na kagiya kadakelan ko mga Meranao imanto na pakalilipatan iran a aya dim-ririzki na sobo so Allah, aya bo a phakagaga ko langowan taman na so Allah...

(( SMBAG _ Daman a ba somiyapar ko mga Ulamah o mga salaf ko dii kapagosaya sii ko TAWHEED AL-ROBOBIYYA ogaid na asar ka thitho a masisigorado a aya di miphdaraynon na so TAWHEED AL-OLOHEYYAH. kagya daa kipantag o TAWHEED AL-ROBOBIYYA amay ko aya binasa na so TAWHEED AL-OLOHEYYAH. ))

Addendum:

So peman so mga thotol o mga di mangaloy sa thotol about ki Maulana Ilyas na katii so consider tano:

1. So miyamanorat san na mga Tao na di mangaloy sa paawing ko galebek a Tableegh sabap roo na kha-amad tano so Kinowaan iran ko thotol, antonaa mga kasasarigan a mga tao? Siran den mismo i miyakanegon?

2. O benar a miyakapoon a katharo i Maulana Ilyas giyanan a miyanga-aaloy na aya mapiya na aya i-post iyan na so original Urdo ago so exact wording i - Maulana ilyas (Rahimahullah)

"So translation o mga Di mangilay sa paawing na diden khasarigan"

(( SMBAG _ Gyangkanan a mga Ulamah a Myanothol pantag ko Aqeeda I Muhammad ilyas na mga ala a mga Ulamah datar i Dr. Saifol rahma'n bin Ahma a tag a INDIA and FAKISTAN mambo, sii sangkoto a kitabyan a NADHRATON A'BIRAH AL- ITIBA'RIYAH.

Go si Dr. Taqyodden al-hila'li, sii ko kitabyan a SIRA'JOL MONEER, FAKISTAN and INDIA.

Go Si Dr. Hamod al-towijiri sii ko kitabyan a QAWLOL BALEEGH.

Go si Shaikh al- alla'mah : Ahmad al-najmi, sii ko kitabyan a AL-MAWRIDOL AZBIL ZOLA'L.

Imanto pagariya na myaka rayag rka o anta gyanan a mga taw a miyanothol san, a siran na tanto a mga Ala a mga Ulama o Ahlusunna wal jamaa, na mas malasiran I paratiyaya a diso kapipikirangkawn a datar ka, a go mas mala siran I sabot ko karata o katharo sa di maamad a di ska, a go mas masanggila siran sa kaaloy sa paawing a di ska, ago mas katawan iran so kokoman o kaphagaloya sii ko paawing a diinggolalan sa NAKL AL-ILMI a di ska.

Katawan iran I okit o katransper sa katharo na go katawan iran I bahs al-ilmi, knaba siran mga A'mmy a mga taw a dii tharo sa dinyan katawan I rombaiyan.))

2j. Objection ko Sambayang:

Phitaro iran:

IQA'MOL SALAT, kitidgn ko sambayan:so mga ULOWAN sangkai a galb a tabhlig na mga mutaasseb ko maz-hab a hanafie, a aya tindg iran na makaisa isa mabatya so fatiha ko sambayan ka gyotobo i wajibon. na so rasolollah s.a.w. ko kyaosayaon o kadadandan o mga Ulama na phmbatiyaanyan so fatiha ko oman tomindg sii anan ko mga hadiths a mga rarayag.

Comment:
Paganay ron na Kenaba bo Hanafi a mga Tableegh, miyakadake-dakel a Maliki, Shafi-i , Hanaabilah go mga Salafi sa donya na Tiyarima iran so Tableegh. Diden kelangan so daleel san ka katawan anan o mga tao.

(( SMBAG _ Gyangkanan a kya aloya san a mga Ulamah, na iya inaloy iran na so makapantag ko myang oona a mga taw a mithaong sa gyaya a JAMAA TABLIGH ka gyoto I masa a raraotn iran.

Na ino siran I kyathindoan o kaphnakda sii ko tindg kagya siran I maithaongon, knaba gyaya a mga tabligh imanto a aya kadaklan kiran na diirampn katawan I paka asal a kyathaonga sa JAMAAT TABLIGH. ))

Katii a miyabatiya aken so kadakelan ko mga main books o madhab Hanafi (Qudoori, Noorol Eedhah, Hidaayah, Sharhul Wiqaayah, Aatharus Sunan) na daden a miyabatiya aken non a "makaisa isa mabatya so fatiha ko sambayang ka gyotobo i wajibon"

(( SMBAG _ o ayabo a myabatiya aka sii ko mga kitab a onayan sii ko mazhab a hanafie na gyanan limatiman na knaba anan madakl, ka mas madakl so dangawn mabatya, na gyananpn a pd a biyatiya aka na knaba anan pd ko mga Umda sii ko mga Hanafiya. Gyanambo a Khodoori, ago Hidaa'ya.

Kataya so mga Mu'tamad a mga Kitab o mga Hanafiyyah. ( al-aslol hujjat, mokhtasar al-taha'wi, mokhtasar al-qadoori, al-mabsoot, al-bada-ie, al-bida'yah, al-ikhtiya'r, tibya'nol haqa'iq, zawharol neerah, al-bina'yah, fat'hol qadeer, al-bahro ra'iq, ha'shiyato ibn a'bideen, al-loba'b, al-fata'wa al-hindiyah, I'lao sunan.

Gyanan a katharo na matag akn ini alat so kataro on I Dr. saifol rahma'n Ahmad, na ilayanga sii ko nayolol Awta'r I ima'm al-shawka'ni ka khailayngawn a gyanan a tindg a maka isa isa mabatya ko sambayang so fatiha na gyotobo I wajib, na so salakawron na knaba wajb, na gyanan I pitharo iyan a tindg o mga Hanafieyyah.

Ogaid na reneview akn a gyanan a mga kitab a mga onayan o mga hanafiyya na disiran maiisa isa sa katharo pantag san.

Sii siran maiisa isa sa so kabatyaa sii ko FA'TIHAH na WA'JIB knaba rokon o sambayang. Maana daa problima o mibagak so di khabinasa so sambayang gyabo a kasojodyan sa sahawi, na ribat anan sii tondg o kadaklan o mga Ulamah. ))

Miyakarayarayag a giyai na "Kapangangkob"
Di tharo so tao sa di nyan katawan.

(( SMBAG _Pamatiyaka Zabnar pagariko ka ska I dii makatharo sa dingka thitho makkdg I masosowaiyan. Na tanodingka a aya qa'idah na : الحكم على الشيئ فرع عن تصوره . ))

Phitaro o Imaam Dhahabi: So Imaam Abu Haneefah na Imaamul A'dham (Phipaporoan a Imaam ko langon a Imam) Faqeehon bal afqahon Naas, , Madakel a Ustadh iyan mga Ulama a Taabien ago miyaraot iyan so masa o Anas bin Maalik (RadhiAllaho 'Anho), so Madhab Hanafi na tanto a ndadakel sa donya.

(( SMBAG _Oway katawan anan o langon a dii maganad sii ko Islam a kababaloynyan a isa sii ko mga Ima'm o Ahlu sunna wal jamaa, pro knaba aya mitotoro iyan na langon o phtharoonyan na correct ka marayag anan sii ko kyapakandadayaga o mga kept o pat a ima'm o Ahlusunna wal jamaa. ))

3. Objection ko ILMO WA DhiIKR ,

so kapaganad sa ILMO na go kandhikr:sii ko kyailaya ko katatantowan iran na aya thitho a panarima iran na so ILMO na didn kailangan a mapaganad ko mga ULAMA sii ko mga. madrasa ka phphakaoma sii ko taw so ilham ko masa a diinyan kapangosyat, odi na aya diiran paganadan na siibo ko mga shaikh iran a mga dadag i panarima, odi na so diiron maganad ko mga madrasa o mga salafi na igira a aya dii mapagosay na so karataan o tabligh ago so kabibid'a nyan na phphakalpasn iran sa diiran phamamakinugn, inontabo sa inikalimo kiran o Allah.

Comment:
Si Maulana Ilyas (Rahimahullah) na Hafiz a 'Aalem a miyaganad sa Madrasah, kadakelan ko mga Pamilya iran na langon den Ulama ago mga Hafiz, Tanto niyan a dii pamiis a kapaganad o mama sa Madrasah.

(( SMBAG _ Oway myaganad ogaid na si ko madrasa a soffie, knaba sii ko madrasa o Ahlu sunna wal jamaa.
So kababaloy o taw a Hafidh na amay ko dinyan kasabotan phyapya I aqeedah a correct, na datar skanyan bo a gyangkai a mga WATA A MGA SHIA a adn a phphangatotoon kiran a 5 years na myakamorays sa qur'an, go tanodenyo mga pagariyan a so MGA KHAWA'RIJ a inisogo o rasolollah s.a.w. so kapamonoa kiran na mga HA'FIDHOL QUR'AN, ogaid na kay dakiran makatoro so kababaloy iran a mga HAFIDHS. ))

Tanodan tano mga pagariya ka daden Tabligh o ba nyan iphe-sapar ko wata iyan a di ka phangadi, kadakelan pen ko mga Tabligh na dii iran di pakapangadiin so mga wata iran sa sa inged a Indonesia, malaysia, pakistan ago south africa sa siran den i-diron di gasto, kenaba scholarship, min-dakel pen so Hafiz sa Philippines sabap ko Tableegh.....

(( SMBAG _ Gyangkai a kaphagosaya a gyangkai mga Olamah pantag ko kariribat o panagontaman o JAMA'ATOL TABLIGH na A'M knaba iran ttndoa a ayairan phagosayn a pilipinas ka sodn so kadandan o mga tabligh sa dunya, na aya mala na so sii sa INDIA ago sii sa FAKISTAN.

Sopman so sa pinas, na knaba sasakataw a myan-g akn a tabligh a phagrnn iyan so wataiyan a mangadi sa madrasah kay gyangkoto a paratiyaya a sii khakowa sa khoroj so Ilmo. Na go phagilahaman o Allah so diimbayan a pdiran, na dadn mambo a saronsam a kaphkhabngkat a modol o diimbayan sa sadn sa phkhapiriyan na diinyan pakambowatn ko mga taw, kagya mambo a Ilaham, na apya antai makadadarpa a A'lem na diiran tatagoon sa ginawa.

Gyananbo na mala a coment a matatago sii ko Atoran angkai a galbk. ))

So peman so miyaka-towa na tegel neka pen a pangadi sa Madrasah, Ma'qool?

(( SMBAG _bangkari pagariko myabatiya sii ko post a ithgl sii ko matoa so kasong sa madrasa, antaa ka manga antalia anan a pikir? Aya bitiyara na so mga kangodaan. ))

Phitaro iran:
sopman so mga okit o kandhikr iran na madakl a maadnon a mga bid'a.so kiphthasbihn ko LAILAHA sa 400 times. na so ILLALLAH sa mga 600, na gyanan na kofr. goso mga okit a ttndoon iran a okit ko simba a danggolaolaa o rasol s.a.w. na palayadn anan mga bid'a.

Comment:
Aden a miyailayngka a Tableegh Sa Philippines a giyanan i - dhikr iyan?

(( SMBAG _ So dii kandiskasa pantag ko mga bid'a na knaba ttndoa o mga Ulamah a gyabo a mga tabligh sa pilipinas I phnakdn iran.

phthanodingkaman pagariya so katharo na go phzabotangka daan na gokabo coment ka angka di phkhadadagi. ))

Antonaonon giyanan a mga bid'ah? aloyangka ka ka anta ma-scrutinize oba piyor a bid'ah!!! Aden a mga tao a phaka-bid'ah niran so kenaba bid'ah... Kenaba langon a kenaba sunnah na bid'ah, aden a mga galebek a "Mubaah (khapakay so kapagamala ron) go sii tano anan khatokawan ko mga Ulama....

(( SMBAG _ Aya mga bid'ah na gyanan a inaloy akn sa poro a okit a kaphthasbih sa lailaha 400, illallah 600, a phphotoln. Go so mga Okita a olawla o mga tabligh a kakoniksyon, go so mga ttndoon a ayabo dii kapag itika'f a gawii a khamis, go so kandoa sa barajoma a ko kaphliyo iran.

Langon anan pagariya bid'a, kagya knaba anan di khagaga o rasolollah s.a.w. anggoglaolaanyan ko dii kinggolalann sii ko mga Simba ko daawa ka daa maka aalangon, ogaid na danyan nggola olaa, so gyanan I bid'a. go adnpan a mga salkaw san pagariya a mga bid'ah a matatago kiran. ))

4. Objection ko Ikraamul Muslimeen:

Phitaro iran:
IKRA'MO KOLLI MUSLIM, so kasakasakawa ko oman i moslim: sii ko kya ilaya ko masairan na aya diiran dii zakasakawn nago pagaadat iran na sobo lagid iran sa tindg.

na so dikiran makaayon a muslem na apya ulama a malai ilmo na lagid o diiran kanonowan balabawron ophoonyan kiran phagaloya so mga bid'a ko mga galbk iran, gyanan i maoolaola o kadaklan kiran.

Comment:

Giya-i phetaroon sa english a Stereo Typing, mapakay a makatoon ka sa tableegh (ya'ni Moballegh) a giyanan i- sifat iyan ogaid na kenaba langon a Tableegh..... Sifat anan o sabaad, So sifat o sabaad ko mga Muballegh na kenaba ipaga-taki ko langon ago sii ko mapiya a galebek a da'wah.

lagid iyan na aden a mga magnanakaw a Meranao sa Manila

question: Phetaroon ka a tekao a magnanakaw so mga Meranao langon?

(( SMBAG _ Batiyaangka so kitab I Dr. Hamod al-towejiri r.t. a AL-QAWLOL BALEEGH. Makapantag ko mga Olawla o mga tabligh igira a siyopak ka so rkiran a paniningdg, Ka anka matangkd sa ginawangka a ribat a gyaya a smbag ka.

tatanodingka pagariko a aya istoriya na knaba gyayabo a pilipinas, ka kadandan o mga tabligh sa dunya. ))

Sokon so di mangadi sa Salafi Madrasah na ba niyan den pakalelepasen so mga Bid'ah ago karataan o Tableegh.

Sembag: Antay mababaya mamakineg sa tao a aya bo a galebek iyan na kapangilay sa paawing? Ba sunnah so kapangilay sa paawing o Muslim? Aden a ikhtilaaf o mga Ulama ko definition o Bid'ah, Haraam, Makrooh, Mubaah....... Igira na aden a bid'ah, Haraam, Makrooh, Mubaah ko isa a 'Aalem na kenaba ko isa,: Bapiya so Shaykh Uthaymeen ago shaykh bin Baz na miyakadakedakel a masa-el a mbida siranon sa panarima.... Aden a online version ko kitab a ikhtilaaf iran, o kabaya a ka na i-send aken reka.

(( SMBAG _ Oway so kapakarayaga sii ko mga ribat a mga tindg go mga panarima sii ko mga muslim na knaba anan matag sunna ka wa'jib, gyanan I phmbthowan sa nakd, go ihda'rol ba'til, na tamampn sa maadn angkai a mga taw a diinyan pangomanan so islam sa diron pd na wajib ko mga Ulamah a kaphphakarayaga iran ko kariribat angkai a mga taw, ka syap anan sii ko Islam sa diron phkhapd so diron pd.

Bangka di khailay pagariya so mga Ulamaol hadiths a basta adn a phphanothol sa hadiths a taw a bokhag odi na fa'siq odi na mob'tadi na phphakarayagn iran a si giraw na fa'siq odi na mob'tadi odi na bokhag.

Na para bo oto masyap so kalilinang o Islam a diron phkhapd so diron pd.

Na ino iran anan diinggola olaa opama ka babs di khapakay??

gyangkananpman a diingka tharoon a mbida bidaan o mga Ahka'm taklifiyya na kasasabotan ami anan, go katawan ami so mga khilaf ko mga Ulamah, ogaid na tanodingka a so pantag sii ko mga IBA'DAH na ron matatago ankai pmbthowan sa BID'A a iphphagoman sii ko pinggola ola o nabi s.a.w. ))

5. Objection ko Ikhlaasun Niyyah:

Phitaro iran:
AL'IKHALAS, kambayorantang ko Allah:so kambayorantang sii ko Allah na mapya ogaid na oba so taw na pagawaanyan so familinyan a inisarigon oto o Allah a atas tanggonganyan na iphmbayorantang¬yan siran ko Allah sa phagawaanyan siran a daa kaoyagan iran na knaba anan kambayorantang ka kasopaka ko wajib a ipapatoray o Allah ko mama a kailangan na kaaangkosinyan ko familinyan go dinyan kiran khiphndarainonn¬ ko mga kabnariranon.

Comment:
Giya-i phetaroon pen a Stereo Typing, mapakay a aden a disan ding galebek ogaid na kenaba langon. Giyanan i tafsir iran ko tawakkol - opama ka ribat siran na siran den ago so Allah i- matao ron.... Though aya kepit aken na di mapiya so kanggolaolaa san para ko mga kalilid a tao.

(( SMBAG _knaba anan mag Stereo Typing matag sa datar a gyanan a diingkawn katharoa. ka aya mataan na gyanan I kamamasaan a maoolawla, sii ko kadaklan, na go dipn anan dii imbayan sa masjid o mga pababayan a mga pagaritano a mga pdiran a dii thatabligh, na aya kaiilaya iranon na bantogan anan kay aya iphndalil iran na so pinggola ola o nabi a ibra'heem a.s. a inawaanyan so Ha'jar sii sa disirto na inithawakal iyan siran sii ko Allah.

Na katawan tano a ribat anan ka so family o taw na wajibon sa aini so atas tanggonganyanon, na so daawa na aya taman na baron mawajib sa kifae na andai phakaonaan ka igira a myakakharanga a dwaanan a palaya wajib.

Ka basiran mambo mga nabi a phagordiran o Allah sa diritso sa datar o kyaordernyan ko Nabi a ibara'heem sa kawitanyan ko familiyan sa disirt ??

Go koni ka so taw a ayanyan dii kapaganad na knabaon mipapaliyogat so kandaawa, na marayag a ribat anan.

Na aya sangan o mga Ulamah a phyor na so kaphphakarayaga sii ko ribat ka an aya makowa na so correct. ))

6. Objection ko Khoroj fi Sabeelillah

Phitaro iran:
sii sangkai a khoroj na pyanaawil iran so mga ayat a makapantag sii ko JIHAD a KAPAKIMBONOAY SA LALAN KO ALLAH ka sii iran inindadalil ko kaphlalakaw iran a diiran dii kandaawa. na malaanan a karibatan na go dusa ka phaphakaantapn ka so katharo o Allah ko dinyanon paka aantapan.

Comment:
aden a pembetowan sa sababon nozool (sabap o kinitoroon o ayat)

Phitaro o mga Ulama:
العبرة بعموم اللفظ لا بخصوص السبب

aya mapiya na paganaden tano so mga kitab ko 'Uloomul Qur'an before tano phag-criticize.

(( SMBAG _ Gyangkai a katharo na o kabaya aka a katokawan ka I phyor a madadalmon a maana na ayangka batiyaa na so mga kitab sa OSOLOL FIQH ka gyanan I miyagosay ko phipisopisokan o mga dalil, ka kna oba so ULOOMUL QUR'AN sa datar a tig ka anan I thitho a mindis kas saya ka maito so kyaosayaon sa ULO'MOL QUR'AN ko mga dalil.

Kataya pagariya so rayagan anan :

1- igira a so dalil na A'm "rabray" na adn a dalil sa kababaloy nyan a A'm na khatanto skanyan ko kababaloynyan a A'm apyapn kyatokawan odi na myatndo so sabap a kinitoron iyan.

2- Igirapman a so dalil na A'm na adn a dalil sa ayabo a paka aantapanon na so sabap a kinitoron non na khatanto skanyan sa kanaba A'm apyapn A'm so oninyan kagya adn a dalil sa kha's skanyan sii ko sabap a kinitoron non.

3- Igirapman a daa dalil sa kababaloynyan a A'm, go na Kha's sii ko sabap a kinitoronnon na dwa a katharo san o mga Ulama sa Osol.

- So sabaad na tigiran a Sabap ko daa dalil sa baskany Kha's sii ko sabap a kinitoronnon go da mambo a dalil oba skanyan A'm na aya tigiran a tindg ami na A'm angkoto a dalil. na phitharo iran angkanan a katharo :
العبرة بعموم اللفظ لا بخصوص السبب

-sopaman so sabaad na tigiran a, di, basta a datar anan a masosowa o dalil a di kataw o A'm skanyan antawaa ka kha's sii ko sabap a kinitornyan na kailangan na khatanto skanyan sa Kha's sii ko sabap a kinitorn non.

Banda marayag anan pagariya.

Na so mga Ayat sa jihad na KHA'S anan a adn a mga dalil sa kababaloynyan a KHA'S na di khapakay obanga osara a gyanan a katharo o mga Ulamah igira a daa dalil sa kababaloy o dalil a kha's sii ko sabap o kinitornnon ka ribat anan a ilayan,,, kailangan a pakalantasangka so pamimikiran ka ko kaphzmbagangka ko katharo na go kiphndaliln ka sii ko dalil. ))

Phitaro iran:
Ped pn a matatago kiran a toos sa kabibinasa o manhaj iran ko daawa na disiran zapar sa marata, go diiran iphanolon so Aqeeda, kay aya reason iran na, ophoon san phagphoon so daawa na phalagoyan siran o mga taw!!

Comment:
aden a mga tao a phamamakinegen ka iran o mga "Balas ago Kalbihan" a dingka di pangaloyn na kha-tashkil ka siran a makashambayang sa Masjid.... Ogaid na di kairan phamamakinegen ibarat o aya bo a makapopoon sa katharo oka na - "siksa ka o Allah ka di ka phesambayang"

Gyanan so sifat o kadakelan ko mga Meranao.

(( SMBAG _ sii sangkai a katharo oka na marayagon so dingka tanto kakknala sii dii tharoon o dii tharo, ka salakaw a phphaka antapankawn , ba adn a mitharoon sa di phagosayn so mga kalbihan go mga balas ko mga simba, ogaid na gyangkoto a kaphphalagowi sii ko kisaparn sii ko marata kagya monaffer a go kaphndiscusa sii ko tawheed kagyan monffer na ba gyanan i korrect ??

na di anan khapakay ka marayag a ribat anan a okit sii ko daawah.

Ikadwa na o mapyaka I tindg na batya angka phya pya a gyanan a pyanaro akn rka a mga kitab ka an rka maka rayag angkai a thitho a masosowa. ))

"Kelangan so Hikmah ko kapanolon"

(( SMBAG _ Antonaabs pagariya I kasasabotangka sa hikmah ? ba aya maana a Hikmah na KALMK na go KANINAY BO?

Aya definition a hiqmah na : وضع الشيئ في موضعه الصحيح

Maana : So kapakandarpaa si ko Shai sii ko darpa iyan a correct.

Na ba adnpn a lawan o tawheed ago so kasapar sa marata a domadait a phphagosayn sii ko mga taw ka ansiran phphaka iktiyar! Sopman so mga balas go mga kalibihan na matag anan LA'ZIM O TAWHEED na inoto aya iphmbagak na so kailangan kagyan monaffer, di marayag a ribat so okit o daawah sii sangkanan a datar anan a atoran.

Aya mataan a bnar na kagya so tabligh na so pakaasaldn o kyathaongawn na Soffe na ophoon phagaloya so tawheed na phkharompakanyan so mga Amalaniran na gyoto I kphphalagowiron. ))

So peman so Aqeedah na sobo so mga Ulama i khapakay a mamagosay san, Ka kelangan a mala i ilmo so di san di mamagosay, Kadekelang ko mga Tablegh na awwaam.

Atastanggongan anan o Mga Ulama

(( SMBAG _ Na gyanan pagariko!! mayaka dongkota siiko dapat a phtharoonta, kagiya so Allah na gwani a isogoiyan so dii kindaawaan sii ko Islam sii ko langowan o mga rasol na go mga nabi, na isasartaon so knal na go so sowa, ka di khapakay a dii ndaawah so daa sabotyan, ka so kandaawah na maka sasaybarat sa kambalay, na ophon aya dii phanday sii ko walay na ayaon kadaklan na di mga tatao na bakirandn khigobar angkoto a walay a diiran mbalayn.

Na aya mala na so dii kindaawaan ko islam a di masasarta a sabot na go knal sii ko islam a maka titiyokop ko dii ipanolon na knaba oto okit o rasolollah s.a.w. ago so mga taw a phagonoton sa datar o kyatharoanyanon :

(قُلْ هَذِهِ سَبِيلِي أَدْعُو إِلَى اللَّهِ عَلَى بَصِيرَةٍ أَنَاْ وَمَنِ اتَّبَعَنِي ) surato yusop 108.

Maana : Tharoangka Ya Muhammad a kataya so okit akn, iphanolon akn so Allah sang golalan sa katao na go sabot, sakn ago so myamangonot rakn.

Gyanan a ayat na Qa'edah sii ko dii kindaawaan sii ko Islam.

Na aya inisogo o Allah a iphndaawa o mga rasol na so tawheed sa kyatharoanyanon :

(وَلَقَدْ بَعَثْنَا فِي كُلِّ أُمَّةٍ رَّسُولاً أَنِ اعْبُدُواْ اللَّهَ وَاجْتَنِبُواْ الطَّاغُوتَ ) soratol nahl 36.

Maana : Sabnar a siyogoan ami so oman I pagtaw sa sogo ka an masimba so Allah na go an mipakawatan so mga Ta'goot, " na andai katanto anan na myatanto so phmbtowan sa tawheed a tlo timan ". ))

Note:
Opama ka aya mapipikir ka a ska i makabebenar na pamangni angka biden ko Allah a matoro so pagaring ka.

(( SMBAG _ didn anan maada sa pangni ami a katoro o langowan a dii managontaman sii ko islam na go matarima iran so bnar ka an makapamagogopa a taw sii ko thitho a ontol na an mibabid sii ko pangontaman o mga muslim so tabang na go bagr o Allah. ))

Wassala'm.