Kataya so sabap a kyapaka sgad o malakal mawt na go kyapaka singaiyan :
Myaka isa a alongan na siyogo o Allah so Malakal Mawt a kowaanyan sa niyawa a sakataw a bae.
Na syongowandn skanyan o Malakal mawt.
Na kagiya ko maomanyan, na sii matatago angkoto Babay sii sa look a disirto a dadn a banyan pd.
Na Myailaynyan a gyangkoto a babay na adn a wata iyan a ikaririga a aabnn iyan a phphaka sosoonyan sa rarbyan.
Na myangilailay so Malakal Mawt na dadn a pd a gyangkoto a babay na go gyangkoto a Wata a ikaririga sangkto a Disirto.
Na sabap ko Order o Allah a kailangan na kakowaanyandn sa Niyawa angkoto a babay na dadn matigr o Malakal Mawt na myakasgad sknayan sa kapdi sangkoto a ikaririga a wata a khaganatandn I Inaiyan na tanto a Maito, na dapn a pdyan sangkoto a Disirto.
Ogaid na Sabap ko Order oto o Allah na kinowaanyandn sa Niyawa Angkoto a babay na kyaganatanyandn angkoto a wataiyan a Ikaririga.
Na sii ko myaka phiphira ragon na siyogopman o Allah So Malakal Mawt a kowaanyan sa niyawa a Mama.
Na siyongowandn o Malakal Mawt angkoto a Mama.
Na kagiya ko maomanyan na mya ilaynyan a goyotobs a Mama na loksbs.
Na siinyan myaoma sii sangkoto a dii phandayanay sa Potaw a ththkn a gyangkoto a loks, na diinyan pangniin sangkoto a panday sa potaw a tagoanyan sa potaw angkoto a palo a tknyan ka para mathay mabinasa na go an di phkhalomping o botha.
Na so kya ilaya roo o malakal Mawt na myakasinga skanyan, sabap gyangkoto a loks a mama na tanto a maninigorado sa kapakabgr angkoto a tknyan, na takinoba a sii sangkoto a didn mathay a oras na kaganatanyan a donyan, ka khawafat skanyan.
Na sii sangkoto a kaphphakasinga o Malak Mawt a go kaphphammsanyan sa babaya angkoto a loks sa kathaypn matay, na iniwahi o Allah sii rkanyan a tig o Allah a :
Hay Malakal Mawt ino katawan ka a gyanan a Minisinga aka na skanyanpn so kyasabapan sa kyapaka goraoka ka??
Oway mga pagariya goyoto so Wata o Babay a kinowaan o Malak Mawt sa niyawa ikaririga.
Myasoti soti So Allah a Phithamanan a Mawngan.
Myasoti soti So Allah a Phithamanan a Mawntol.
Myasoti soti So Allah a Phithamanan a Malai gagaw.
-------
Mga Pagari kolay, Gyanan so kapatay a andadn I kaomanyan sii ko khipapasadnon sii ko Allah na didn khiisg sa isabo kasegondo.
Phitharo O allah sa Qur'an : َ( وَلِكُلِّ أُمَّةٍ أَجَلٌ فَإِذَا جَاء أَجَلُهُمْ لاَ يَسْتَأْخِرُونَ سَاعَةً وَلاَ يَسْتَقْدِمُون )
soratol a'raf 34.
Maana : So Oman I pagtaw na adn a diyandiiyan, na basta a mawma so diyandi iran na didn oto khalate sa isabo kaoras, na didn mambo khiisg.
Na Ipoon imanto pagarikolay na go ska babaykn, Na kailangan lalayon so kapakaririparadongka sa kaphakaomarka o Malakal Mawt.
Tatanodingka a khapakay a Amay od Mapita Odin a isa gawii na khaomaka o Malakal Mawt na dikanyandn mbagan sa Maytobo a Logar ka khowaanyan rkadn so niyawangka mlagid I maka ririlaka antawaa ka di.
Na mbts kadn sa loto oka a khaawidan ka sii ko kobor ka ka mataan sii ko Allah a dadn a ba sakatawbo ko mga familiyangka go so mga ginawaingka a bangkaroo miphthabanga.
Na ayabo a pag asangka na o Adn a Loto oka a mapya a Amal a khabaloy a phagatorney rka na go phngguard rka na go zabapan o Allah sa kabaloy o kobr ka sormbi o sorga.
Na aya phithamanan a mapya a loto pagarikolay na go babayakn na so KALK SII KO ALLAH na go SANGGILA SII KO MGA DUSA sii ko mapyag na go sii ko masoln. Marayag na go secreto. Mala na go mayto.
Wassallallahu Ala Nabiena Muhammad Wa ala' A'lihi Wa sahbihi Ajmaeen.
No comments:
Post a Comment