" KOKOMAN O KAAMADA SII KO THOTHOL ODI NA BALITA "

Assala'mo Alaykom w w.

So Islam na isa a onayan a inibtadyan sii ko dii kapagintaw o mga Muslim na so kasiyap o ginawa na go so kasiyap o maratabat a ontol.

Gyanan i phmbthowan sa pd ko mga MAQA'SID AL-SHARI'AH maana ; antap o shari'ah.

Sabap san na tyagoan o Allah sa taks so mga thothol a phkhirampay sii ko muslim sa sii ko onaan o danyanompn katarimaa odi na kapaniwalai na kailangan a maexamenyanon angkoto a thothol a minisampayron.

Phitharo o Allah :

( يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ) suratol hojora't 6.

Maana : Hay ! skano a myamariyaya na o maima rkano o FA'SIQ so thothol na pariksaanyo na go amadanyo.

Ka amayamay na marobakyo so pagtaw sa karibatan a di maamad na mabaloy kano a makaphzndit sii ko pinggola olanyo.

---

Gyangkai a A'yat na isainin sii ko mga SANDIGA odi na QA'IDA o mga Muslim a kailangan so kasiyapairanon na go kabaloya iranon a taks.

- Sii sangkanan a A'yat na inaloy nyan so FA'SIQ ; na antonae i maana a fa'sik a mapipikir sangkanan a A'yat.

_ Aya FA'SIQ na : skanyan so Muslim a dii makanggolawla sa mga dusa sii ko Allah, gyanan i ini osayron o mga Mufassereen. maana : A'si.

Kna oba so kalalayaman a maananyan a dwa kaklasi :

1- FA'SIQ I'TIQA'DI. a gyanan na ka'fer.

2- FA'SIQ AMALI, a gyanan so songklid a muslim. apyapn maka sosold aya a gyaya a ikadwa ko maana o FA'SIQ mya aloy sii sangkanan a a'yat na knaoba ayabadn a maananyan na gyananmbo i maana nyan a gyanan a songklid, ka aya mataan na so taw a dii makanggalbk sa mga dusa na bithowaniran sa FA'SIQ.

---

Sabap san na So mga Ulama na mitag siran sa taks a pagilayan sii ko BALITA odi na THOTHOL ko kaphangimbnarawn go diron kaphangimbnara, sa byagi iran so mga taw a phkhapoonan o thothol sa tlo :

1) aya kyan-gan sii ko thothol odi na balita na BOKHAG a lomalangkap so kabobokhagyan.

- Na aya kokoman o Thotholyan na di phaniwalaan odi na di phangimbnarn sa diritso dn.

2) aya kyan-gan sii ko thothol odi na balita na PATIIS "honest" KASASARIGAN a lomalangkap so kasasarigi ko katharo iyan.

- Na aya kokoman o thotholyan na maphangmbanar go khatarima skanyan diritsodn.

3) aya kyan-gan sii ko thothol odi na balita na FASIQ igira a kowan na dii makapamokhag, odi na iphagalatyan so mga katharo sa dinyan phangamadn, odi na adn a mga dusanyan a marayag.

- Na aya kokoman o thotholyan na dipasi maphangimbnar go di mambo mapaka phmbokhag.

Aya kailangan na mapangamad sa mapya na o maamad a phyor na gobo pangimbnara na o maamad a di bnar na gobo pakaphmbokhaga.

-----

Mga pagariya inotano aya inosay ka tanto a marata i ondas so resltanyan amay ko kyatokawanta a sobs so pinggola olata na di bnar ka kominowata sa thothol na datadn mapangamad i thitho a katatantonyan na myangimbnar tawndn.

na kasndit a onganyan sii ko taw.

examples :

So kharomai :

- Na adn a isa a taw a khababayaanyan siran tomipo sabap phkhasiigan skanyan ko phkhailaynyan a mapya a matatago ko dowakataw andarodopa, odi na kasisiigan ko kaiilayanyan sa oman i isa na phkhababayaanyan so pdyan.

Na pyangilay pyangilaynyan so number o bae na mitxt sii ko number sa datardn mambo mga katharo a aya mitotoroiyan na dii khabayai so babay ago gyangkoto a mama a mithixton na gyoto na dadn a katawirono babay.

Na myabatiya a o karomanyan na dadn mambo pangamad na mirangit mirangit na myanarodn sa myamaka saki sakit sii ko babay na sarta a inimblagyan.

Na kagya ko makatanod na pyangdgyan so katantowan o txt na phoombs sa isa a taw a makatipo. na ino baroo di makaphzndit si Akioto, a tanto siran a diingginawai ki karomanyan na go mapya so diiran kapagoyag na sasatiman a txt na myabangkityan siran sabap ko daon kapangdga daa.

Na datar mambo anan so bae amay ko manggola olaon so lagid anan.

Na datardn anan mambo so kapakan-g ka sa marata pangtag sii ko ginawaingka, a ibarat na aya myan-g ka na dikanya pagito itoon ko mg taw.

Na dakadn pangamad na phitharoanka sa mga rarata na dingkadn taman sa myaka tholaka kano.

Na barkadn phkhammsa na tanto rkapn a masasakit a ginawanyan ka sabap ko dinyan katawi sa diingkawn panaroon.

Na katakawan ka a dibs oto bnar na sigorado a miphzndit ka sa datardn a gyanan a katatago iyan sa katharo o Allah.

----

So katharo na khapakay a phyor a myatharo o phagalowin mitharoon odi na kyaomanan na kyalbtan sa datar a gyaya a kasasagadiron omanto.

A aya basa on o mga mranaw na : maphphakalangoy o sabaad so olo a magango.

Na dusa anan ka phkhatmpowan ka so pagaringka sa dinyan katharo ka inomanan na go libatan so katharo iyan.

Na ini alat ka so katharo na go pyangimbnar ka na dangkadn a daan amada i kathithonyan.

Phitharo o rasolollah s.a.w. :

( ان الرجل ليتكلم بالكلمة ما يرى ان تبلغ حيث بلغت يهوى بها في النار سبعين خريفا ) ahmad.

Maana : Mataan a so Mama na dii makatharo igira sa katharo a satiman da dinyan oto maiilay i taman a khasampayanon, na kasabapan oto sa kapaka dmbngyan sii ko naraka sa pitopolo ragon.

Maana satiman a katharo a sisimpolnyan na khithiphoiyan sii ko naraka sa 70 years.

Na oman o salongan ko alongan a mawri na datar o 1000 ragon ko mga gawii sa dunya.

So aya aya kailangan siirktano mga pagarikolay na so kaphamada sii ko nganin a phkhisampay rkitano a balita odi na thothol makapantag ko pagaritano, ayapn oba PD KO MGA ULAMA so dii ipamagalata a thothol ka sigorado a o makadg bo a di bnar na myadusaka sii ko Allah sa dangkadn kapangamad na pasinkdn miyokas sa kokoman ko pagaringka.

Gyanan :

Wasallallaho ala saydin muhammad wa ala a'lihi wa sahbihi waman wala'h.

KOKOMAN O KATHAWBAT SII KO ALLAH SII KO MGA DUSA

Pakaiza e Jeep Bruce :

Slm alykom.Pakaisa! miaka priba ko ko scam e coco...Imanto na misendit ako na inisapa aken ko Allah go miyananang kopan ako ko Allah sa diaken den phaparomanan a lagid oto a bisniss go apiya anotonaa klasi a kapriba. Ino prilaan ako o Allah sangkai a masa imanto a diaken d kapanaobat sii ko tohan aken a malai limo? kailangan aken so sembag iyo a mga kaka mi a mga alai sowa ko Islam, pls.

________

Smbag :

• Muhd Rayyan Hakem :
  
  Wa alykom w w .
  
  Isa a patot sii ko Muslim na so kababaloynyan a tatap na go lalayon so diinyan kathawbat sii ko Allah sii ko mga galbkyana myadusaon sii ko Allah.
  
  Giyanan i sogoan o Allah ko myamaratiyaya na go ron khisabap so kaphakadaag iran sa dunyan na aya mala na sa alongan a mawri.
  
  Phitharo o Allah :
  
   توبوا إلى الله جميعا أيها المؤمنون لعلكم تفلحون} النور : 31 )
  
  Maana : Thawbat kano lango sii ko Allah haya myamaratiyaya ka di kalo kalo na angkano makadaag.
  
  Go phitharoiyampn :
  
   إن الله يحب التوابين ويحب المتطهرين ) البقرة : 222] )
  
  Maana : Mataan a so Allah na phkhababayaan so mga baratawbat sii ko mga Oripnyan ago phkhababayaan so mga papasangkiran i kazoti na go kaplimpyo.
  
  
  
  Naso kathawbat sii ko Allah na adn a Sharatyan ko kyapakarayagaon o mga Ulama na onggola olaa o Muslim sii ko masa a diinyan kathawbat na tharimaanon o Allah so tawbatyan Insha'allah na opaman o dinyan okiti na di correct so kyathawbatyan na langon a di correct na di khatarima :
  
  Kataya so mga shatarat o kathawbat :
  
  1- So kipagawaan ko dusa a phthawbatn sii ko Allah.
  
  2- So kathkhza sii ko ginawa na go kitangkdnon sa didn oto phmbabalinganan, go didn phpharomanan.
  
  3- So Khisnditn sii sangkoto a myanggola ola a dusa sii ko Allah.
  
  4- Opama ko tamok a manosya a myalalim ka na ikhasoyngawn, na o tamok a hara'm a matatagorka na iphagawaaka, imbgaynga sii ko diimbaal sa madrasa odi na masgit odi na karasada a longonon dii makanggona so kadaklan sii ko mga taw.
  
  -----
  
  So dalil sa so Allah na tharimaanyan so tawbat o oripnyan a phthawbaton sa phyor a kathawbat na tanto a madakl.
  
  Kataya so isawn :
  
  Phitharo o rasolollah s.a.w. :
  
  ( وَمَنْ لًقِيَنِىَ بِقُرَاب الأرضِ خَطِيئَة لَا يُشْرِكُ بِى شَيْئًا لَقِيتُهُ بِمِثْلِهَا مَغْفِرَةً ) muslim.
  
  Maana : Sadn sa taw a mimbaratmowa akonyan sa aya dusanyan na banayambo da mapno so lopa dusa, na daakonyan panakoton sa maytobo.
  
  Na ibalak aknon so dataryan sa kala rila.
  
  --
  
  Maana : myakatalingoma sii ko Allah sa thitho thitho a phthawbat ko mga dusanyan na prilaan o Allah apya i kala o myandusanyan.
  
  sa minggolalanyan mambo a gyanan a mga sharat a kathawbat.
  
  Wallahu A'lam.

KOKOMAN O KAPAGAQEEQAH

Pakaiza e Mohammad Sedic :

 assalamu alaikum ko mga kaka ami a'lim adna pakaiza akn antonaa e kokoman o taw a miwafat a da maka pag aqiqah ko kaooyag ian pun na imanto miawafat na piaka pag aqiqah o mga loks ian? balasang knu o ALLAH sa mdakul a mpia ???

______

Smbag :

• Muhd Rayyan Hakem :
   Wa alaykom slm w w.
  
  So Aqeeqa na mayakazosopakaon so mga Ulama sii ko kokoman anan.
  
  1- So Kadaklan sii ko mga Ulama na aya tindg iran na so Aqeeqa na sunnah skanyan o rasolollah s.a.w.
  
  2- So mga Madh-hab a Dha'heriyya go so sabaad ko mga Hana'bilah na tigiran a wajib a ipapaliyogat sii ko loks so kapagaqeqae iranon.
  
  3- So mga Hanafiyyah na tlo siran i katharo sii ko kokomanyan :
  
  a- matag anan bolontary a galbk knaba isosogo.
  
  b- matag anan papakayn a galbk.
  
  c- makroh so kanggalbkawn knaba mapya.
  
  --------
  
  Na aya Correct san na Skanyan na Sunna a tanto a mapya.
  
  Maana : so tindg o kadaklan sii ko mga Ulama o mga Ahlusunna wal jamaa.
  
  Madakl so mga dalil anan.
  
  Isaon aya :
  
  Phitharo o rasolollah s.a.w. :
  
  ( كل غلام رهينة بعقيقته تذبح عنه يوم سابعه ويحلق ويسمى ) correct a tig i ima'm alba'ni.
  
  Maana : So oman i mayto a wata na misasangkot skanyan sii ko Aqeeanyan.
  
  Na zombalaiinon para rkanyan so Aqeeqanyan sii ko ikapitonyan gawii, go pagopawan, go mbthowan sa ngaran.
  
  ------
  
  So Aqeeqa na aya ongangn sii ko kababaloynyan a Sunnah a mapya, na :
  
  Panalamat sii ko Allah ko kinibgyan sii ko dwaa andarodopa ko wata iran.
  
  -----
  
  Aya katimbl anan na : Ibarat o knaba phithibaba o loks a danyan kapaga qeqae ko wataiyan ramig myawarat na knabaon myadusa.
  
  Lagid ibarat o dinyan katawan o baron oto kabnar o wataiyan, odi na babs oto isosogo o Islam.
  
  Odi na daa pirakyan sangkoto a masa a dapat a kaphagaqeqae sii ko watairan..
  
  So Kadklan sii ko mga Ulama na basta a malpas so 3 kapito gawii a kinimbawataan sii ko wata na myaka lpasdn so dapat a kaphagaqeqa iraon.
  
  aya dapat na sii ko first week, na odi khagaga na second week, na odipn khagaga na 3 week.
  
  Na mapasad anan na myakalpasdn so kababaloynyan a sogoan.
  
  - Sopaman so mga pd na tigiran a apya anan myakalpas.
  
  Go khapakaypan a aqeqaan o taw a ginawanyan ibarat o da maaqeqa o mga loksyan sabap ko dairanon kagagaa inako maito odi na diiranon katawi ko kokomanyan.
  
  Wallahu A'lam.

KOKOMAN O KAOPAWI SII KO SUMPA O MAMA A MUSLIM

Pakaiza e Kim Mayon Abdullah :

ASSALAMO ALAYKOM:

Aduna pakaiza akun ko mga guro ami saya, Antunaa i dapat a pnggolawolaan o muslim amay ko miyaka zopaka so kabaya o lokus ta ago so kipunggolalanun ko SUNNAH? eg. So kapakatasa ko sompa (BEARD) na SUNNAH ogaid na tig o loks o mama a opawangkawon anan orak ka maratai bontal ka matag badun anan SUNNAH.

pakaiza: Pagunotan so SUNNAH o so kabaya o lokus?
-----

Smbag :

• Muhd Rayyan Hakem :
  
  Wa laykom slm w w.
  
  So sumpa na knaba matag Sunna ko kyatantowaon o mga Ulama sii ko Phyor a kokomanyan sii ko Islam.
  
  So mga Ulama O Ahlu sunna wal jamaa na mya opakatisiran sa so KAOPAWA SII KO SOMPA NA HARA'M basta a daa sndod ko kaphakatasaon a matatarima sii ko Islam.
  
  Madakl so mga Dalil sa gyanan a diitano tharoon.
  
  Isawn na so katharo o rasolollah s.a.w. :
  
  ( خَالِفُوا الْمُشْرِكِينَ أَحْفُوا الشَّوَارِبَ وَأَوْفُوا اللِّحَى ) bokhari.
  
  Maana : Sopakanyo so mga musrik, na pakanipisanyan so mga zosoman , go pakandayaanyo so Sumpa.
  
  Go madaklpn so mga pd anan a mga dalil.
  
  ----
  
  Ogaid na sii siran myaka zosopaka sii ko kapotoliron.
  
  1- so mga pd a mga Ulama na tigiran a Harampn o ba phphotoli ogaid na o adn a phphamaka soprawn a salakaw a phzangoranyan na khapakay a phkhowaanon.
  
  - Aya dalil iran na so maana o mga hadiths a pyakarayagyan a kailangan na mapakatas skanyan sa didn phkhbotn.
  
  2- so mga pd na tigiran a khapakay a phphotolan na khmsn ka skanyan na sa makalalawanon sii ko limangka na gyoto i photolnon.
  
  - Aya dalil Na so ibn katharokon o Ibn mas-od r.a. ago so abi horayrah go so ibn Abbas so sabaad ko mga ta'been go so pd ko mga Ima'm o Ahlusunna wal jamaa.
  
  3- sopman so mga pd na tigiran a daa limiti o kapotoliron, aya importanti na basta a tigiran a tanto a baba a knabaon paman inopaw na makroh.
  
  - Aya dalil iran na datar o dalil o mitharo sa gyanan a ikadwa.
  
  Na pyakarayag iran a daa tigiran a ba mattndo a katas kababa a photholnon.
  
  Aya importanti na knabapman sameopaw.
  
  ------
  
  Gyanan paman a khipzogoon rka o loks ka sii ko kaopawangkawn a knaba rka anan maka ssndod na go knaba on mambo maka ssndod na di anan khapakay.
  
  Go dingkawn pagonoti.
  
  Phitharo o rasolollah s.a.w. :
  
  ( لاطاعة لمخلوق في معصية الخالق ) ..
  
  Maana : daa a kapagonoti sii ko kaadn oba aya khasopak na so myangadn.
  
  So kababaloy o Muslim a mama a adn a Sompa iyan na Isosogoon anan ka anyan masopak so olawla o mga Yahodi a go mga Cristian.
  
  Go Isa anan a mbidaan o babay a go so mama.
  
  A so mama na kailangan na adn a sompaiyan.
  
  Na knaba kailangan i myaka tatas.
  
  Ka khapakay a phphotolanyan a iphndagza iyan phyapya, gyanan i katharo o mga Muhaqqeqeen.
  
  Wallahu A'lam.

" KOKOMAN O KASIIG NA GO KASIGI "

Assala'mo Alaykom w w.

Sanrkano langon a mga pagari akn so kalilintad na go kapipiya a ginawa.

Allahumma A'meen.

---

Gyangkai a Bandingantano na dowatiman a katharo a kharaniya sii ko maana nyan na go isa isa a basa arabyan na mbida i kokoman sii ko Islam.

Sabap roo na antonae osayan a gyanan a dowa?

Smbag :

- So KASIIG na skanyan so kaphkhasigingka odi na kaphkha inggit ka sii ko MAPYA a matatago sii ko pagaringka, na sarta a mandi dingan dinganka a obawbo khada angkoto a mapya a kalolombokanyan.

Na aarapn ka a sii rka matago odi na aya pinaka minos na asarbo ka madaon na apya rka di mya tago.

Sabap san na myaka rayag a so KASIIG na HARA'M a kokomanyan sii ko Islam.

Phitharo o rasolollah s.a.w. :

( إِيَّاكُمْ وَالْحَسَدَ فَإِنَّ الْحَسَدَ يَأْكُلُ الْحَسَنَاتِ كَمَا تَأْكُلُ النَّارُ الْحَطَبَ )abo dawd.

Maana : Pananggilai nyo so kasiig, ka mataan a so kasiig na phkhnyan so mga galbk a mga pipiya, sa datar o kaphkhana o apoy sii ko makadg a itagon.

Sii sangkanan a hadiths na marayag a kinisogoon o rasolollah s.a.w. sii rktano ko kapananggilai tanoron.

Na gyanan mambo i dalil sa kababaloynyan a HARA'M.

- Ikadwa na so KAPANGASIGI : Na aya rayagan o kapangasigi na so kaphkhainggit odi na khipkhasigin sii ko mapya a matatago sii ko pagaringka, na sarta a mapanganganayngka odi na maarap ka a obakabo mambo phakhakowa sa mapya a datar o matatago sii rkanyan.

Na dingka khababayaan oba mada sii rkanyanyan so mapya a matatagoon.

Maan ; aya kabaya aka na maystidi so mapya a matatago sii ko pagaringka na maka kowakamambo sa dataryan ka para dowakano a katatagoan sa mapya.

Na gyanan na knaba anan ISASAPAR o ISLAM, go knaba anan HARA'M.

Aya mataan na mapya anan i resolta sii ko taw a katatago anon, ka phkhasogo iyan sa kapaka panagontamanyan sa makowanyan mambo so mapya a matatago sii ko pagarinyan ka ansiran maka plagid.

Aya dalil na so katharo o rasolollah s.a.w. :

( لاَ حَسَدَ إِلاَّ فِي اثْنَتَيْنِ رَجُلٌ آتَاهُ اللَّهُ مَالاً فَسُلِّطَ عَلَى هَلَكَتِهِ فِي الْحَقِّ وَرَجُلٌ آتَاهُ اللَّهُ الْحِكْمَةَ فَهْوَ يَقْضِي بِهَا وَيُعَلِّمُهَا) Bokha'ry.

Maana : Daa a ba iphangasigi, odi na daa ba pyaka sigi sigi, inonta angkai a dwatiman:

1- So mama a bigan o Allah sa tamok, na pinggastonyan so tamokyan sii ko mapya, sii ko Isla'm.

2- So so mama a bigan o Allah sa Ilmo na dinyan dii inggolalan na go dinyan dii ipamangdao.

So aya sayabot san na knaba marata so kapangasigi sii ko mapya.

Ibarat na myaka ilayka sa mapya a wata a magi islam na tig ka insha'allah na so wata akn na pakaphaganadn akn mambo na go paka pag islamn akn mambo na go phakamoaysn akn mambo sa Qur'an.

Odi na mismo skadn i minggola ola sii ko mapya a ikasisigingka.

------

Gyanan i Osayan a gyanan a BANDINGAN inosaytano.

Wallahu A'lam.

Wasallallaho ala saydina mohammad wa ala' alihi wa sahbihi ajmaeen.

KOKOMAN O KANZAKATI SII KO MONTHLY SALARY

Pakaiza e شعاع منشي :

salam kaka a guro..

daynu dn o khipost ko a pkaiza ko inin owm..

pira i zakat so 45thousand riyal??

ago upama ko saki na gumagalbk

na every month n recve salary ako

inu sa giyoto dn a month uto na khuwaan tadn sa zakat so pirak ta..

ka kagiya upama ko sakn na ipndeposet ko sa bank
na sakali ko pthukawn udi n pkhuwawn na igira every year..

inu khapakay a every year ako dn pkhuwa sa zakat ko kwarta k0 antawa ka kylngan dn na every month after recve salary....

shukran guro.... owm maap bo sa kiyapkaiza ko

-----

Smbag :

Muhd Rayyan Hakem :

alaykom slm w w.

Paganayron na so dii kangzakati sii ko tamok, na Wajib anan a kabnar o Allah sii ko tamok o muslim na o kwaa skanyan sii ko tamok na myasoti so tamok na go gyaya a ginawanyan.

Na o diron kowaa na makasasayan sa waga a apoy a misasaog sii ko tamok a tanto a magaan a kakhadgyan andadan i kakhilapyan, na khapakay a mirakhsyanpn so khirkon o di pananggila.

Sii anan sa dunyan go sii sa Alongan a mawri.

Phitharo o Allah :

( خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِم بِهَا ) Soratol anfa'l 103 .

Maana : kowaangka sii ko mga tamok iran so ZAKAT a phakasotikiran na go phakalimpyo kiran skanyan.

Go so ZAKATA na knaba skanyan phkhalbat sii ko TAMOK sii ko kaphkhow awn, ka iphphagomanyan sii ko dunya na go sii ko Alongan a mawri.

Phitharo o rasolollah s.a.w. :

(مَا نَقَصَتْ صَدَقَةٌ مِنْ مَال، بل تزيده ) muslim.

Maana : kna oba phkhalbat so ZAKAT sii ko tamok ka baodn phphaka oman.

Go so ZAKAT na tanto a madak so kya aloyaon o Allah sii sa qur'an sii ko kipapaliyogatn sii ko kibganon ko walo a mga sinif a kapapatanon.

adn oto a inaloy skanyan o Allah sa sobo so KISOSOGOON KO KANZAKAT adn pmano oto a MAKA ZOSOMPAT AGO SO KISOSOGOON SII KO KAZAMBAYANG.

Tanto anan a madakl sii sa qur'an.

---------

Aya sarat o kaphzakatan a tamok a PIRAK go BOLAWAN na 2 :

1- amay ko maka nisab.

2- amay ko thmgan o ragon so katatago awn.

so dion matatago a dowaanan a sharat CONDATIONS na di kaphnzakatan.

------------

- Gynan pman a paka iza o pira i ZAKAT o 45thousand riyal, imanto na diyakn khikarang.

Khapakay a skano i makaiza on komga padagang sa bolawan.

Aya myaka nisab a TAMOK a PIRAK na so Phakalotang mamasa 82 grams BOLAWAN.

KA GYANAN MAMBO I KPHN ZAKATAN A BOLAWAN.

NA oda san misampay so pirak, maana diron phka gaga mamasa so pirak na da maka nisab na di kaphzakatan.

- Gyotopman a pantag sa salary ko montly na knaba oto phkhowai sa ZAKAT andadn i kakowa awn.

Ka aya kakhawa iron sa ZAKAT na Ibarat o tyago oka, mlagid i sii sa banko antawaa ka sii sa walay na basta a thm-gan a ragon so katatago angkawn a miyakanisab so kala iyan na khakowan ka sa ZAKAT.

Aya kaphthm-gi ron a ragon na ibarat :

tyago o ka skanyan sii ko JANUARY then myaomapman so JANUARY pharoman na roongka khakowai sa ZAKAT.

Wassala'm.

KOKOMAN O KAPAG IDOL SA A'LEM

Pakaiza e Mariam Adam Mauntol :

salam rka aleem muhd rayan.pakaiza akn babnara dikon khapakaya phagaidoln so mga ulama datar c shaikh mishary rasidy odi na c sodais,ka bawal kon.bana dusa saon ko khapkhababyae ta ko mga lagam iran igera pmbatiya s qur an.baoto haram antonay dusa on?

-----

Muhd Rayyan Hakem :

knaba anan bnar..

sabap ko aya sabap a kaphkhababayaingkawn na kagya so kapyanyan i kabatya sa qur'an.

so nabi s.a.w. na pitharo iyan :

( ما أذن الله لشيء كأذنه للذي يتغنى بالقرآن، يجهر به ) Ahmad.

Maana : Da maka idin si Allah sa shay' sa ba datar o kya idinyan ko diinyan iplaga lagam so Qur'an, na paka tatanognyan.

Go pitharo iyampn :

( لَيْسَ مِنَّا مَنْ لَمْ يَتَغَنَّ بِالْقُرْآنِ يَجْهَرُ بِهِ. ) bokhari.

Maana : dirkami pd so taw a dinyan iphlagalagam so qur'an, sa pakatatano-gnyan.

Sii sangkanan a Hadiths na myasaboton so kisosogoon sii ko dii kaphyapyai ko lagam sii ko kaphmbatiyaa sii ko qur'an.

Na go isapn a myasaboton na so kaphapakay a diiron kapamamakin-ga.

Go so kakhapakay o kababayai sii ko mapya i kabatya sii ko Qur'an, sabap ko kapyanyan i kabatya sa qur'an.

Apya so Rasolollah s.a.w. na siyogo iya so ibn mas-od a batya anyanon so qura'n.

( عَنْ عَبْدِ اللهِ ، رَضِيَ اللَّهُ عَنْهُ ، قَالَ : قَالَ لِي النَّبِيُّ صلى الله عليه وسلم اقْرَأْ عَلَيَّ الْقُرْآنَ قُلْتُ آقْرَأُ عَلَيْكَ وَعَلَيْكَ أُنْزِلَ قَالَ إِنِّي أُحِبُّ أَنْ أَسْمَعَهُ مِنْ غَيْرِي. ) bokhari.

Maana : pyanothol i Abdulllah ibn Mas-od r.a. a phitharo rakn a tyagyan o nabi s.a.w. a : batiyaangka rakn so Qur'an?

Na myatharo akn a ! andamanyan i kambatiyaa akn rakawn i siirka initoron?

Na tigyan a khababayaan akn a man-g akn sii ko salakaw rakn.

Aya sabap a kya pilia rasolollah s.a.w. Abdullah ibn mas-od na kay isa skanya ko mga pipiya i kabatya sa qur'an ko mga saha'banyan.

------

Note :

- aya khapakay a phmbatiya sa qur'an a matanog a phiphiya pyaanyan na so mama.

Sopman so babay na di khapakay oba phmbatiya sa matanog a diinyan iplagalagam ko kapaka mamasa o mga mama, odi na phkhan'g iran so diinyan kiplagalagamn, ka haram anan sii ko babay.

Wallahu A'lam.

SO KOKOMAN O KAPANGIFTA, NA GO SO PHAGIZA SA MGA KOKOMAN

_ AYA MUFTY : na skanyan so dii manothol odi na dii tharo ko mga kokoman o Islam.

_ AYA MUSTAFTY : na skanyan so pagiza ko kokoman o Islam.

--------

- MGA CONDATIONS O KAPANGIFTA :

So mga Importanti a Condations o kakhapakay a dii mgangifta :

1- Mabaloy so dii mang IFTA a katawanyan sa tarotop a so kokoman o Iphagizaon, odi na so aya raramigan a ginawanyan na so katawinyanon.

Ka o dinyan katawi na aya sanggolalan sa duwaanan na aya wajibon na so kaggnkyan sa di phag ifta.

2- So daanyan a dii kindal dalmn sii ko Pakaiza sa completo ; para misampay ko Ontol a kokomanyan, kagyan so kokoman o shay' na sapak anan o kinindal dalmn non.

Na opaman ko ba adn a diron tanto maka liliwanag ko katharo o phagiza na, izaanyan ko phagiza angkoto a diron kasasagogodan.

Na oba kailangan a mitipaslyanon mizan na kailangan na manggoalaolanyan.

Sa khaosayron mambo sa mapya o phagiza.

3- Mabaloy so dii mangifta sii ko kaphagifta iyan a lomilintad a pamikiranyan, para mindal dalmyan phya pya so pakaiza ko kazmbagnyonon sa nggolalan sa mga dalil sii ko qur'an ago Sunna na go so mga pd a mga dalil a marororan sangkanan a duwa a kitab.

Di khapakay a mangifta so phkhararangitan, odi na maka aawid a akalyan, odi na bobokln, na go so mga salakaw san a adn a raradyan sii ko pamikiran o dii mangifta sa di kapakaontol phyapya o phtharoonyan.

--------------------------------

- SO MGA SHARAT CONDATIONS O KAKAWAJIB O KAIFTA :

1- Mabaloy so phagiza a siirakanya myanggola ola so iphagizaiyan, na knabarkayan myanggola ola na knaba nisisita so kasmbaga ko pakaiza iyan.

Inontabo o aya antap o pagiza na dii maganad, ka khasmbagdn skanyan sabap ko di khapakay so kapagmaa sii ko Ilmo sii ko Islam ko masa a kakhailanganawn o phagiza.

2- Mabaloy so Phagiza a aya antapyan sii ko kaphphama iza iyan na phphakargnaynyan a ginawanyan ago so mga muslim, odi di maboloy a aya antapyan na diinyan pamimilian so mga Sogoon o Allah na ayanyan phkhowaan na sadn sa diron khapasangan a adn a myakayron a Ulama apyapn malobay i dalil.

Na basta a mailay o A'lem a gyanan i Sifat o dii mangingiza na diron wajib so kaphzmbagynyan ko mga pakaizaiyan.

3- Di mabaloy so Ifta a aya risoltanyan na mas mala a morala, ka opama ka ba aya ondas o Iftaiyan na mas mala a Murala na mas thomo a didn phtharo.

Sii anan ko mga kokoman a SAPAK knaba sii ko AQEEDA.

--------------------->

- SO KAILANGAN A MAZIZIPAT O PHPHAGIZA :

Skanyan na 2 dwa a sifat :

1- Maboloy skanyan a ino phagiza ka aya kabaya iyan na katokawanyan so bnar, knaba ayanyan dii pangilay sa okit na so longon a pyakay o sabaad a daa bagr o dalilyan na ayan dii nggola olaan, odi na knaba aya antapyan na phphan-pnganyan so A'lem, go so salakawsan a mga antap a pyamaka sisingay.

2- Mabaloy skanyan a di basta basta phagiza inota sii ko katawanyan, odi na raramigan a pamikiranyan a khapakay a dii mangifta odi na dii man-mbag sa mga pakaiza sabap ko katawanyan ko mga ipagizaon.

Maana kailangan a dii mamali so Muslim sa phagizaanyan, sa sasariganyan ko Ilmo go so paratiyaya.. sa aya kabasa san o sabaad na wajib anan sii ko phagiza.

------------

Gyangkai a katharo na sii makapopoon ko isa ko mga mala olama sa dunya a si :

shaikh muhammad sa'lih al-uthaimeen r.t.

"THOTHOL A MYAPAKASGAD AKONYAN"

-------------- >>>

Dapn a ba tanto a malai kabnar sii ko wata a mama sii ko oryan o Allah inonta so loksyan. Na go sii mambo sii ko babay ko oriyan o Allah ago so darodopa iyan.
Phitharo o Allah sa qura'n : ( وقضى ربك الا تعبدوا الا اياه وبالولدين احسانا )..
Maana : Inisogo na go inipatoray o kadnanka so kada a zimbaanyo inontabo skanyan, go so kaphya pyai na go kasakawa na go kapagadati sii kombala a loks.

Sa kataya so thothol a phanotholn akn rkano a myaka sgad ako sii ko kaphmbatiyaa aknon.

Sii inin mya ola ola sii ko masa o Ameerel Mu'meneen Umar binil khatta'b r.a.

Na sarta a maarap akn sii ko mga pagari akn go mga babay akn a kakowaan iran aya sa thoma a mapya sii ko kapagadati na go kaphyapyai siikombala a luks.
----
Sii ko masa O Ameerel Mu'meneen Umar Al-faroq r.a. na adn a sakataw a mangoda a aya ngaranyan na si KILA'B BIN OMMAYYAH.
A Gyangkanan a mangoda na tanto a mapya i paparangayan sa loksyan.
Na myabalakya a dwakataw sii ko mga BOLAYOK o rasolollah s.a.w."mga saha'ba" na inizaanyan siran??

-tigyan a antonaa i pinaka phkhababayaan o Allah a ko mga galbk o mga Mu'meen ?
Na tigiran a so KAZAMBAYANG na go so KAPHOWASA na go so KANJIHA'D !
Na so kyanugnya sangkoto a KANJIHA'D na somyong skanyan sii ko Ameerel Mu'meneen Omar r.a. napyangni nyanon a pakasongnyan skanyan sii sa bondri a katatagoan sii ko dii phrangan sa lalan sii ko Allah.

Na phitharoon o Ameerel Mu'meneen r.a. a di khapaya tigyan oba akn ska phaka songa sangkanan a darpa a dii phrangan taman sa dika maka odas ko mbala mga loks ka.

Na so kyan-ganyan roo na somiyong skanyan sii ki Ama iyan na go si Ina iyan na myodas kiran na disiran pagiyog na pyangangarapanyan kiran a iyog sirandn sa kapaka onotyan sii ko JIHA'D ka anyan minggolalan so Isa sii ko pinaka phphababayaan o Allah a Simba sii rkanyan.

Na diinyan pangangarkan so mbala a lima na go ae i ama iyan na go si ina iyan sa diinyan kiranon kapangniya sa myog siran.

Taman sa myaka iyog angkoto ambala a luksyan sa makasong skanyan sangkoto a darpa a dii phrangan na go dii JIHADAN.

Na sabap ko tantonyan a kapya i kaplok loks na tanto a mararata a ginawa i amaiyan sa sarta a lalayon dn phnggoraok si Amaiyan sa diinyan kazimalawa ko kailayanyan sii ko wataiyan.

Na sii ko maloiyan a kyathay na mayamagomandn so rata a ginawa na go kapakamboboko i amaiyan sa ayadn a kabayaiyan na maiilaynyan si wataiyan.

na myaka isa a phlalakaw si amaiyan na syagadn iyan a marapatik a domadapo sii ko kayo a phphaka knyan so mga wata iyan a mga iito na iilaynyan angkoto mga marapatik sa kailay a mararata a ginawanyan sa diinyan mipamagida ida angkoto a rata a ginawanyan ko tantonya a kikakadaliin sii ko wataiyan a si KILA'B.

Taman sa kyadaan skanyan sa kanono sabap lalayon a kaphsgadyan rataa a ginawa na go kadali sii ko wataiyan a tantonyan a phkhababayaan.
sa myakairing skayan sii ko lagiddn o myasowa o NABI a YACOB a.s.w. gwani a tipon so YOSOP o mga pagarinyan a myada skanyan.

Na adn oto a Oras a dinyan khipaar diinyan mapapananalowan so Ameerel Mu'meneen Umar r.a. sa kitataralo o rata a ginawanyan.

diinyan matharo a pananaroonyan a aya oninyan na :

Iphamangondor akndn so Ameerel Mu'meneen Umar al-fa-roq r.a. sii ko kadn.

Mataandn a tigyan a so Ameerel Mu'meneen Umar al-fa-roq na danyandn paka phatoa so KILA'B sii ko dwaa loks a tanto iran a ikakadali na go mazizinganin sii ko lamba o kaoyagoyagiran.

Na myaloks sirandn na kyadaan sirandn sa kanono sabap ko kaphnggoraok iran sa kadali na go babaya sa kailaya iran ko watairan.

Na myan-g o isa sii ko mga tonganay nyan angkoto a mga idaydaiyan a go diinyan kapranona na myaka sgad skanyan na tigyan a Ya Aba KILA'B na ongasii kandadalakawta.

Na tig angkoto a loks a andata zong ?

Na tigyan a Somongta sii sa masjid ka mamakin-g ta sii ko HALAQA ROO ka anta maka pamamakin-g sa wasyat.

Na di katawan angkoto a loks na inoroobs inowit angkoto a mama sangkoto a masjid kagiya ndodoo so Ameerel Mu'meneen Umar r.a. 

Na kagya ko maka Oma siran sangkoto masjid a maka pagobayobay siran na initong iyanon a tigyan a Ya Aba KILA'B na tontolangkakon so IDAIDA AKA ?

Na tiyontol iyan angkoto a ida ida iyan na myan-g O Ameerel Mu'meneen Umar r.a. 

Na tigyan a Antawaa ankanan a phntontol sa idayda?

Na pyanotholon o mga taw so btad angkoto a loks ko tantonyan a kikakadaliin sii ko wataiyan.

Na so kyan-g awn o Ameerel Mu'meneen na pyaki so KILA'B sii ko mga gagaan I kaplompat sa koda ko mga saha'bah ka para magaan a kapakaomanyan roo.

Na da mathay na myaka oma so KILA'B sii ko Ameerel Mu'meneen Umar r.a.

Na inizaan o Ameerel Mu'meneen r.a. so KILA'B.

tigyan a Ya KILA'B antonaa I diingka galbkn sii ko Ama aka a kyasabapan sangkay a di khiropa a kaphkhababayainyan rka.

Na kyatntnganyan so Ameerel Mu'meneen sa tgyan a Ya Ameerel Mu'meneen.

Sakn na sii ko dii akn kinindolonaan sii ko Ama akn na dadn a katawan akn a shay a phkhatokawan akan a phkhababayaanyan inonta na dii akn nggolaolaan ko danyanon rakmpn kapangniya.

Na go daa katawan akn a dinyan khababayaan a shay' inonta na iphmbagak akn sii ko Onaan o danyanon rakmpn kapamangniya sa kibagakn aknon.

Na tig o Ameerel Mu'meneen a omaningkapn so thothol ka rakn ?

Na tigyan a Ya Ameerel Mu'meneen sakn na dii akn ipangbaal sa gatas si amakolay sa gatas a datar o phzowaanyo, na adn a tigyan a experience akn sa gyanan a diiron kapamangbaali a di katawan o kadaklan.

Aya tigyan a iphkhidiaknon na igira a gagawii na phzongowan akn so mga sapi ami na phagilain akn o anda sii kiran I malai gatas ?

Na amay ko matndo aknon na phagonaban akn so rarab o sapi a khowaan akn sa gatas sa matnggaw a ig ka an maka tnggaw so gatas a khowaan aknon.

Na oryanyan na nggatas akndn skanyan sii ko Okit a mattndo a iphkhidia aknon na oriyanyan na ibgay akn ki Amakolay ko oryan o kapaka zambayangyan sa Subo.

Na myaka giraw so Umar r.a. a Subhanallah Opama na ayabs a kyasabapan ko di khiropa a babayaiyan rka na gyangkanan a gatas.

Na tig o KILA'B knaba gyanambo YA Ameeral Mu'meneen ka madaklpn a salakaw san.

Na tig o Umar r.a. a pangmbaaln akonga imantodn sa gatas a datar a gyoto a inaloynga a iphkhidiangkawn a para sii ki Amaaka.

Na tigyan Ya Ameeral Mu'meneen kabaya akn a mailayakndn so Amaakn na badi khapakay a maka song akoron a daan apya gyabo a kasala aknon.

Na tig o Ameerel Mu'meneen a di ! taman sa dingka mapasad a gyanan a gatas.

Na inipangbaalyan sa gatas sa datardn o pitharoiyan na kagiya ko mapasadyan na pyaki gardanyan pasin so KILA'B sii sa sold ka an di phakaliyo.

Na tig o Ameerel Mu'meneen a paka songanyo rakn so Amai KILA'B.

Na myaka omawn angkoto a luks a myakaladn so idadyan na maiilaypn ko robosonyan so tanto a kapakamboboko sii ko kadali sii ko wataiyan.

Na malombatdn a kaphagobaynyan ko Ameerel Mu'meneen.

Na tig o Ameerel Mu'meneen a Ya Aba Kila'b, Antonaa I pinaka mala a singanin ka sangkai a Dunyan sangkai a Uras ???

Na tig O Luks a dadn a kinanglan akn sangkai a Dunya.

Na tig o Ameerel Mu'meneen a Mizapa akorka sii ko Allah a maphtharooka rakn I thitho a mazizinganinka sangkai a masa sa dunya.

Na mya tntng so Luks a phphatatathag so LO iyan sa tigyan a aya Mazizinganin akn Ya Ameeral Mu'meneen na oba akmbo khailay so Wata akn a KILA'B ?

Na tig o Umar r.a. na mbagangkadn o Allah sa Kasosonor Insha'allah.

Na kinwa o Ameerel Mu'meneen na tigyan a kwa angka angkai a Gatas na inomangka ka angka katagoi sa bagr.

Na tigyan a Ya Ameerel Mu'meneen; dadn a kailangan akn sa kainom sa gatas.

Na tig o Ameerel Mu'meneen a Mizapaako rka sii ko Allah sa khainom ka anan.

Na kyaptanyan so baso na sii ko danyanompn kainoma na myaka goraok skanyan sa diinyan matharo a mataan a phkhabaw akn sangkai a gatas so baw o wata akn a KILA'B.

Na tig o Ameerel Mu'meneen a paka liyowa nyo so KILA'B.

Na myan-g angkoto a Luks so Wataiyan a KILA'B na myaka rgs angkoto a kaphdogayas o lo iyan na go so kaphphakagoraokyan taman.

Na kyagphaan skanyan o Wataiyan na myagaksyan sa tanto a mailot a kagas, kagaks a mitotoladyan so di khiropa a kadali.

Na so Ameerel Mu'meneen na kattnganyan siran na phphaka gorawk mambo sa dinyandn khipaar so kaphphaka goraokyan sa kaiilayanyan sangkoto a mbataa ko tanto a kiphkhadaliin o oman I isa ko pdyan na misasartaon so kaphphakagoraok iran a dwa, balabawron angkot a Luks.

Taman sa phkhisapng o Ameerel Mu'meneen so sahalyan sa parasyan ka an di phkhailay o mga taw angkoto a kaphphaka goraokyan. 

Na tigyan a Ya KILA'B ino khababayaan ka Surga a nggolalan kombala a palo angkanan a loks ka na tataros kadn so diingka kiran kaphyapyai. 

Subhanallah tanto anan a mapya a kapakindolona sambala a loks.

BANDINGAN KO PD MAPAPADAL A MGA PIPIYA SII KO ALONGAN A JUMAAT

Madakl so mga pipiya a mga kalbihan a milalawan angkai a gawii a JUMAAT ogaid na maitobo angkai a mapipikirtano a pagaloytano a mga katharo o rasololllah s.a.w. ko mga pipiya a mga galbk a aya kailangan sii ko mu'men na dinyan mapaka lpas so orasyan ko kiphnggolalanynyanon.


Isa a matatago sii a mapya na phitharo o rasolollah s.a.w. :

(من قرأ سورة الكهف يوم الجمعة أضاء له من النور ما بين الجمعتين). رواه النسائي والحاكم مرفوعا وصححه.

Maana: Sadn sa Mabatya iran so Suratol Kahf ko alongan a Jumaat na kasindawan skanyan ko pagltan o dowa a Jumaat.

Ikadwa na pitharo o rasolollah s.a.w. :

( من قرأ سورة الكهف في يوم الجمعة سطع له نور من تحت قدمه إلى عنان السماء يضيء له يوم القيامة ، وغفر له ما بين الجمعتين )وصححه الشيخ الألباني في " صحيح الجامع " ( 6470 ) .

Maana : Sadn sa Mabatya iran so Suratol Kahf ko alongan a Jumaat na somindaw sii rkanyan so maliwanag ipoon ko palonyan na taman sii ko Antar o Langit sa alongan a mawri. go rilaan skanyan o Allah ko pagltan o dwa a jumaat.

Isapan a mapapadalmon a kalbihan :

Phitharo o rasolollah s.a.w. :

( إن في الجمعة ساعة لا يوافقها عبد مسلم يسأل الله فيها خيراً إلا أعطاه إياه ، وهي بعد العصر )رواه أحمد في مسنده

Maana : Mataan a adn sii ko alongan a Jumaat a isakaoras a daa katabo awn o oripn o Allah muslim a phphangni sii ko Allah sa mapya inonta na ibgayron o Allah so pangninyan, sii oto ko oryan o Asar.

ikadwa a katharo o mga Ulama na sii anan matatago sii ko andadn i kapamanik o imam sii ko mimbar na taman sa makambarngkas a taw.

Phitharo o rasolollah s.a.w. :

( إن في الجمعة ساعة لا يسأل اللهَ العبدُ فيها شيئاً إلا آتاه الله إياه ، قالوا : يا رسول الله أية ساعة هي؟ قال : حين تقام الصلاة إلى الإنصراف منها . ) وروى ابن ماجة والترمذي

Maana : Mataan a adn sii ko alongan a Jumaat a isakaoras a daa katabo awn o oripn o Allah muslim a phphangni sii ko Allah sa mapya inonta na ibgayron o Allah so pangninyan !

tig o mga Saha'ba a antona oto a oras ya rasolallah ?

tig o rasolollah s.a.w. a : andadn i kitindgn ko sambayang na taman sa makambarngkas antaw phoon ko sambayang.

Na apya anda sandn na aya importanti na so kapangontaman sa dii kapakandakla ko mga ISTIGRAR " kapangni sa rila sii ko Allah" go so mga " TASBIHA'T go so mga kanggalbk sa mga pipiya a salakaw san.

Wassala'm w w.