Adn a sakataw a wata phmamangodadn a si akioto na piyaka pangadi pyapiya i inaiyan sii ko mga pipiya mga ulama sangkoto a ingdiran.
myakaisa a alongan na pitharo o goroiran a mga watakolay na sabnar a didn dait o taw a muslem ayapn oba dii magalim oba dii pamalad ko mga taw.
na aya sowaanyo na kagiya myamakalakanodn aya na omaniisarkano na phakagagadn anggalbk na pangilaykano sa phkikowanyo sa kaoyaganyo!
na ayadn a sowaanyo na so dii kanggalbk o mga amaiyo..
sii sangkoto a oras na mimbabalingsiran na gyangkoto a mangoda na dominiretso ki inaiyan na tegyan a inakolay na antonaa i galbk i ama?
na mayakatntng angkoto a inaiyan sa myakagiraw a kalkn ka so allah ikaritangko!
na dinyanon kharawan tharo, na phipharomanaynon miza na myasmbagyan a mattgl skanyan ago magogowad obanyanon tharoa na tigyan a si aman si amaaka na thkhaw!!
ana teg angkoto a mangoda ana antonai kapakasowaakn mamanukhaw??
na tigi inaiyan a ikaritanko na kalkn ka so allah! na tigyan a inisogorkamiman o goroami a sadn sa galbk o mga amaami na ayamimambo phnggalbkn.
na aya pinggolaola i akioto na myangiloba sa makapangdaoron mamankhaw!
na da mathay na myakasowa sa okit a kapamankhaw!
na kagyadn a magagawii na myanogdn si akioto ka phnggilobadn sa kapankhawanyan ka ipnggolalanyan so galbk i amaiyan!
na lomyalakawdn angkoto a mangoda na myaomanyan angkai a walay a mapya i paras thabidn iyan na ayanyanon kathabida na tigyan a ino a di khapakay obata phkhadistrobo so siringanta?
na myakapanog so kyatoosinyan roo.
na myaomanyanpman angkai a walay na tyabidyandn na kagiya makasold na kyatadmanyan a aya khirk sangkoto a walay a tyabidyan na wata a ilo.
na kayatoosanyan so pitharoon o goronyan a haram so kakana ko tamok o wataa ilo, na so kyatoosinayanon na lominyoskanyan ka danyan oto karawi.
na lomiyalakaw paman ka phangilay sa pd a walay!!
na sii ko kaphlalakawnyan na myailaynyan a tinda a rk a malai tamok, na siyongowanyan na likaanyan na kalulukaan angkoto a tinda ka da kaklbi o khirkon.
na dinirizowanyan so phthagoan sa pirak na myailay nyan a mala a tanto a pirak a matatagoon na madaklpn a mga bulawanon.
na kagiyakowan na kyadingilanyan so listaan o khirk sangkoto a tenda na inilaynyan na myapancinyan a dadmbs maka zakat si akioto ko sold o myaka nm olan.
na aya pinggolaolanyan na gonyan pagitonga pagitonga so tamok a mililista sa gyangyoto a listaan ka izibayniyanon so zakat angkoto a tamok a khirk sa tinda oto.
si aki oto na isa a sifatyan na" na mapasang i kapagitong ".
na damathay na pyagbangan sa sobo na tigyan a amayakndn aya pasada ka daanako a zambayang.
na sii sangkoto a kaphzambayangiyan na myakanaw so kharomai a khirk sangkoto a na tinda na myailay iran angkai a mama a khayat sa sambayanga ka phzambayang na sii ko sold o tindairan.
na myammsa siran na tegeran hay mama antawaaka ? inokaini makasold?
na diningilanyan siran sa tigyan a" thkhawako " na oras aya i iphzambayang sa sobo na pagabdaskano ka amaydn so kambibitiyarai, na songka saya ka so khirk sangkai a darpa na kailangan na aya makapagimam.
na myalk angkoto a kharomai na myagabdas siran na mizambayang siran.
na kagiya ko makazambayang siran na teg angkoto a mama a khirk sangkoto a tenda a antawaaka???
na tegyan a thkhawako!
na tegyan a inongkaanan kakapti a gyanan a listaan?
na teg angkoto a mangoda a pyagitongakn so zakat ka, ka dakadmbs makanzakat ko myakanumragon.
na myammsa angkoto a mama na tegyan a badi khapakay a panotholangkarakn o antonaaka a manosya.
na pyanotholyanon so pakabtadyan ago so inaiyan.
na kyatokawanyan so masosowa angkoto a mangoda.
na tanto a phkhammsa angkoto a mama na siyongowan si karomanyan na tegyan a mapya inin a mama ka khasarigan ka maontol na mapasangpn na inatawn badn di pakiphangaromaan a gyoto a watata?
na minyog si karomanyan. na syongowan angkoto a mama so mangoda na tegyan a aygdaaka o pakipangaromaan akn rka a wataakn a bagowataw na baloin akn ska a sikretari akn ago acountant na sayaakn skano pakabalinga ki inaaka??
na teg angkoto a mangoda ana bagyana na oway tanto anan a mapya, sa :) na miriparado skanyan na mikhawing siran, sa myondas sa mapya so kininggolalanyan ko mapya a katao a go sabot a myasagbayan sii ko mga goronyan...
- marayag anan a thoma ago pandoan a so taw a matagoon so sarig, ago so kaontol na ayadn a Ondasyan na so mapya sa donyan na mapyapn sii sa alongan a mawri.
wassala'm.
No comments:
Post a Comment