SO AHLUL BAYT GO SO MGA SAHA'BA O RASOLOLLAH S.A.W.

 --------------------------------  ---------------------------------- 

TANONG :

1- Ino so mga AHLU SUNNAH phakhababayaan iran so mga AHLUL BAYYT ?

SAGUT :

- Oway so mga AHLU SUNNAH na phkhababayaan iran so mga AHLUL BAYT ka pd anan sii ko pyanginsana o Rasulullah s.a.w. sii ko mga Ommatyan, na pd anan sii ko PANARIMA iran a kababaloy o kababayai kiran a pd siiko nisisita.

Pitharo o Rasolollah s.a.w. :

( إني تارك فيكم الثقلين كتاب الله فذكر كتاب الله وحض عليه ثم قال وعثرتي أهل بيتي أذكركم الله في أهل بيتي ثلاثا ) Muslim.

Meaning :

Mataan a sakn na imbagak akn rokano so dwa a mapn, so KITA'B O ALLAH, na inaloynyan so KITAB O ALLAH na go inipangoyatyan ( so kaimportantinyan na go so di kakhapakay o kablagawn na so kindarainon non ) oryaniyan na phtharo iyan a so Mga taw sii ko walay akn " mga family akn " pakhitadman akn rkanodn para siiko Allah so kaphyapyainyo sii ko mga FAMILY akn ( AHLUL BAY )

Na so kyangasan o mga SAHA'BA na myakagira so HOSAIN a pd sii ko mga SAHA'BA o Rasolollah s.a.w. a Antawaa i thitho a mga FAMILIYA O RASOLOLLAH S.A.W. YA ZAID IBN HA'RIS dva so mga Karomanyan na pd sii ko FAMILYNYAN ? Na phtharo o Zaid a :

( نساؤه من أهل بيته ولكن أهل بيته من حرم الصدقة بعده قال ومن هم قال هم آل علي وآل عقيل وآل جعفر وآل عباس ) Muslim.

Mening :

Oway, so mga KAROMANYAN na pd sii ko FAMILY nyan, ogaid na pdpn sa mga familynyan na so haram kiran so katarima sa SADQA sii ko oryan o Rasolollah s.a.w. a siran so ; FAMILY o ALI, go so FAMILY o AQEEL, go so FAMILY o JA'FAR, go so FAMILY o ABBA'S.

gyanan i mga FAMILY o Rasulollah s.a.w. a pyanginsanan nyan rkitano so kaphyapyai tano sii kiran.

- So kikagowadn sii ko mga AHLUL BAYT na HARA'M ka myaongkir so insana o Rasolollah s.a.w.

Phitharo o ALI r.a. :

( إنه لعهد النبي - صلى الله عليه وسلم - إلي أن لا يحبني إلا مؤمن ، ولا يبغضني إلا منافق ) Muslim.

Meaning :

Mataan a inithanan rakn O Nabi s.a.w. a mataan a daa taw a phkhababayaan akonyan inota na gyoto a taw na MU'MEN na go daa taw a phkhagowad rakn go phkhararangitan akonyan inota na gyoto a taw na MUNA'FIQ.

------------- 

TANONG :

2- INO SO KAPHKHARARANGITI SII KO MGA SAHA'BA KHAPAKAY ANAN ?

SAGUT :

- Gyanan na diyanan khapakay, ka siran na mga taw a pinili o Allah a miphmbolayoka o Rasolollah s.a.w. a myogop sii ko Rasolollah sa kyapakadayamanga sii ko islam, na go lininding iran so Rasulollah phoon sii ko mga KOFFA'R sa ayadn a ini anggan iran na so mga niyawa iran na go so mga tamok iran parabo sii ko darog iran sii ko Rasolollah s.a.w.

Sabap san na phitharo o Rasulolollah s.a.w. :

( لاَ تَسُبُّوا أَصْحَابِي؛ فَإِنَّ أَحَدَكُمْ لَوْ أَنْفَقَ مِثْلَ أُحُدٍ ذَهَبًا مَا أَدْرَكَ مُدَّ أَحَدِهِمْ وَلاَ نَصِيفَهُ ) Bokha'ry @ Muslim.

Meaning :

Dinyo phamanitaan go dinyo phtharoi sa mga rarata so mga SAHA'BA akn, ka Mataan a so isa rkano na apyapn nggasto sa lagid sa kala a palaw a ohod a bolawan "para sii ko islam" na dinyandn maraot so sagamak bo a pinggasto iran ko Islam, na apyapn sobo so midya sa gamak iran na dirondn miraot.

- Go so dii katharoa sa sirn na knaba siran mga pipiya a mga pag taw na masosorang ian so katharo o Rasulollah s.a.w. :

( خَيرُ النَّاسِ قَرْني ) Bokha'ry @ Muslil.

Meaning : Aya pinaka pirmiro a mga taw na so mga taw sii ko Masa akn, " a gyoto so mga Saha'ba o Rasulollah s.a.w.

- Go pyakatana o Rasolollah s.a.w. a so kaphkhababayai sii ko mga ANASAR mga TAG a MADINAH a mga SAHA'BA na toos sii ko PARATIYAYA o taw, na so mambo so kagowad kiran na toos sa KAMOMONA'FIQ.

Phitharo o Rasolollah s.a.w. :

( آيَةُ الإِيمانِ حُبُّ الأَنْصَارِ، وآيَةُ النِّفَاقِ بُغْضُ الأَنْصَارِ ) Bokha'ry.

Meaning :

Aya tanda odi na toos sii ko paratiyaya na so kaphkhababayai sii ko mga ANASA'R, na go aya mambo a toos sii ko KAMOMONA'FIQ na so kagowad na go rarangit sii ko mga ANAS'R.

- Datar iyan mambo a so mga MUHAJIR a mga SAHA'BA mga tag a MACCA a tomiransper sii sa MADINAH na biyantog siran o Allah sii ko kyaona iran sii ko paratiyaya nago so kya babida iran sii ko Rasolollah sii ko panoloniyan na go so kya awai iran sii mga tamok iran go so mga mnang iran sii sa macca parabo sii ko Islam.

Phitharo o Allah s.w. :

( لِلْفُقَرَاء الْمُهَاجِرِينَ الَّذِينَ أُخْرِجُوا مِن دِيارِهِمْ وَأَمْوَالِهِمْ يَبْتَغُونَ فَضْلاً مِّنَ اللَّهِ وَرِضْوَاناً وَيَنصُرُونَ اللَّهَ وَرَسُولَهُ أُوْلَئِكَ هُمُ الصَّادِقُونَ ) Hasr 8.

Meaning :

So mga Pobry a mga myaman-ransper, a siran oto so pyakaliyo siran phoon sii ko ingd iran na pyakiganatan kiran so mga tamok iran, parabo sii ko diiran dii kambabanoga sii ko limo o Allah ( a gyoto so Islam a di iran ipanindg ) na go so kasosoat o Allah, na go phthabangan iran so Allah na go so Sogo iyan, na siran man oto so thitho a mga patiis ( thitho na go bnar so mga paratiyaya iran ).

Gyangkanan a mga taw tomiyogalin a phoon sii Macca na somiyong siran sii sa madinah na aya magoolawansan oryan o Rasulollah s.a.w. na so ABU BAKR, then so OMAR, then so UTHMAN then so ALI r.t.a. go so mga pd iran.

Na phizaksian o Allah a siran na mga tao a thitho thitho so mga paratiyaya iran.

Na Samanoto na HARAM oba dii tharoa a so PARATIYAYA o ABU BAKR go so UMAR go so UTHMAN go so mga pd iran na FAKE ka ayabo phyor na so ALI r.a. ka opamaka tharoa anan o taw na sodn so Allah i myapakambokhag iyan ko kyazaksiinyan ko kaphiphiyor o mga paratiyaya iran.

- Na aya pinaka mailot san na pyanginsana o Rasulollah s.a.w. a sii ko kakhaadn o mgadakl a fitna sa donyan na aya ikhakp na so OKIT o mga KHOLAFA iyan a PAT KATAW .

So ABO BAKR, so UMAR, so UTHMA'N so ALI, r.a. sa sii ko katatanor o pangkatan iran a kyatanorawn o Rasolollah s.a.w.

Phitharo o Rasolollah s.a.w. :

( فإنه من يعش منكم فسيرى اختلافا كثيرا ، فعليكم بسنتي وسنة الخلفاء الراشدين المهديين ، عضّوا عليها بالنواجذ ، وإياكم ومحدثات الأمور ، فإن كل بدعة ضلالة ) Tirmizi.

Meaning :

Mataan a sadn sa maka pagintaw rkano na khailaynyandn so kapakaphzosopaka sa madakl, ka aya wajib rkano na so kikapniyo sii ko OKIT AKN na go so OKIT o mga KHOLAFA a dii gogonanao a khikatotoro, sa pangitgniyoron komkb so mga bagang iyo ( ilat sa kaphanamariron komapt ) na go phananggilainyo so phimbabago sii ko islam, ka mataan a so langowan a BID'AH na kadadagan.

Na kataya so A'yat a dalil sa so Allah na pyakataniyandn go pyakitokawan iyan rktano a mataan a skanyan na sabap ko kathithitho o paratiyaya o mga SAHA'BA na myasoat skanyan siikiran.

Pitharo o Allah s.w. :

( وَالسَّابِقُونَ الْأَوَّلُونَ مِنَ الْمُهَاجِرِينَ وَالْأَنْصَارِ وَالَّذِينَ اتَّبَعُوهُمْ بِإِحْسَانٍ رَضِيَ اللَّهُ عَنْهُمْ وَرَضُوا عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الْأَنْهَارُ خَالِدِينَ فِيهَا أَبَدًا ذَلِكَ الْفَوْزُ الْعَظِيمُ ) Tawba 100.

Meaning :

So siran oto a myanga oona a mga paganay a mga MAYAMANOGALIN sii MADINAH na go so mga ANSAR mga tag a MADINAH na go so tomiyodog kiran na go myonot sii ko Okit iran sii ko mapya, na Miyasoat kiran so Allah na go myasoat siranon mambo, na go ini priparadonyan kiran so mga Surga a phphamangondas ko mga kababaanyan so mga lawasaig, sa dayon sa dayon siran roo, a gyanan man i kapagontong a thitho a mala.

> Samanan na dadn sangkaan sa kapaka oontol o paratiyaya o mga SAHA'BA na go kababaloy oran a thitho a minggalbk sii ko Islam na go thitho a domyaorog sii ko Rasolollah s.a.w. na myawajib rktano so kababayai kiran sa onotont sii ko Allah na go onot sii ko sogoan o Rasolollah s.a.w. na ditano mambo phakalimpatan so babaya tano sii ko mga AHLUL BAYT a mga FAMILY o Rasolollah s.a.w. ka gyanan i kyapaka atod sa mapya o PANARIMA TANO.

وفّقنا الله جميعا لثبات الحق وانقياده

Q - SO ALLAH NA SII SA PORO A PHAPANTAW SII KO ARASH IYAN - Q

 -------------------------------------  -------------------------------------- 

- > ASH-ARI ? 

Aqeedah a misasangkot sii ko oras :

So Salafi na igira masa a kadadaondao na isaingka skaniyan o anda a darpa so Tohan niyan na aya kismbag iyan na sii SA PORO o LANGIT.

Ogaid na aydni kaoma o tnatnao a kagagawii na izaingka skaniyan paroman o anda matatago so Tohan niyan, na aya pman a kismbag iyan na sii sa BABA o LANGIT ko paganay a lapis iyan ogaid na di Skaniyan khapokas ko Arsh.

Note : Ay dapat iyo saya mga layok, knaba ini SOMBANG a katharo ? Ba adn a aqeedah a phakasalin sabap bo ko kapkaalin o oras ?

Na aydapat iyo amay ka pakibangkit o Allah Swt so mga langit, ino phakagirao pn so tao a so ALLAH na sii matatago ko PORO o LANGIT ?

>> SALAFIY !

Gyangkai a post ka na makaookit sa kazoman soman.

Na Ino minidal dalm ka ini a daan na gongkabo postn?

Katawan ka a adn a mga dalil sa kababaloy o Allah a sii sa Poro, na go adn a dalil a phaphantaw so Allah sii ko Arsh iyan.

kataya so mga dalil :

( الرَّحْمَنُ عَلَى الْعَرْشِ اسْتَوَى ) Ta'ha 5.
Meaning : So Masalinggagaw na sii ko ARASH na ron miphantaw.
Na so ARASH na sii matatago sii poro ko onaan o ika 7 lapis o langit, a adn ltiran a IG ago so LANGIT. hadiths anan o IBN ABBAS r.a.

( يَخَافُونَ رَبَّهُمْ مِنْ فَوْقِهِمْ وَيَفْعَلُونَ مَا يُؤْمَرُونَ ) Nahl 50.

Meaning :
Iphalk iran so kadnan iran a sii matatago sii poroiran, na go diiran diinggalbkn so nganin a iphzogo kiran, " mga mala'kat".
( SII MATATAGO SII KO PORO IRAN ).

( إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ ) Fa'tir 10.

Meaning :
Siirkanyan a Allah PHPHANIK so mga katharo a mga pipiya, na go so mga galbk a mga sa'lih na PHKHIPORO RKANYAN a Allah.

Mataan anan ko mga rarayag mga dalil sii sa QUR'AN a so Allah na sii matatago sii sa Poro, na so katatago iran sii sa poro na pyaka tanaiyan sa gyanan a paganay a A'YAT a sii phapantaw sii ko liyawaw o ARASH, na o ipagiza aka o antonaa i okit a kaphaphantawnyanon, ino ba miiga odi na moontod odi na tomitindg ?

na dianan khazmbag ka da ropaan o Allah o antanaa i okityan na go dapn ropaan o rasolollah, ka ayabo a tiyanto iran na so Allah na sii sa Poro a phapantaw o lyawaw o Arash. sa kabaya iyan knaba nyan kailangan so ARASH ogaid na kagya kabaya iyan oto na di khiiza sii ko Allah so nganin a kabaya iyan.

Phitharo ok apya so Rasolollah na dinyan katwan o anda matatago so Allah na dingkanan dii tharoa ka myan-gkhadn a gyanan mga A'yat inaloy akn, mas madaklpn so daknon maaloy.

Na kataya so PANARIMA O RASOLOLLAH o Anda matatago so Allah ?

So Rasolollah sallallahu Alayhi Wa sallam na pyangniron o A'isha r.a. a maradikaan iyan a oripn a babay na tig rasolollah a pakasongka rakn ka pagizaan akn, na so kyapaka omanyan sii ko rasolollah s.a.w. na pitharo o Rasolollah :

( أين الله ؟ قالت في السماء ، قال من أنا " قالت : أنت رسول الله ، قال : أعتقها فإنها مؤمنة" ) Sahih Muslim.

Meaning :
Hay, Bae Na anda matatago so Allah ?

Na tig o Orpn a : SII SA PORO " KAWANG", " langit ".

Na tig o Rasolollah s.a.w. a Antawaa ako ?

Na tigyan a : SKA NA SOGO O ALLAH.

Na tig o rasolollah sallallahu Alayhi wa sallam a, hay a'ishah na
maradikaangka skanyan ka mataan a skanyan na MU'MINAH.

Gyanan Hadiths na sii ko SAHIH MUSLIM a CORRECT a HADITH go tanto a marayag so MAANA niyan.

Na opama ka so ALLAH na knaba sii matatago sii PORO na aya dapat ko Rasolollah na pakarayagnyan sangkoto a oripn a ribat skanyan ka so Allah na daa katatagoanaon a darpa.

Na ino bapn aya phaka onaan san na so OTK odi na pamikiran na aya iphilak na so mga AYAT go so HADITH.

langon anan dalil na sa kababaloy o Allah sii matatago sii sa poro, na go sii phaphantaw sii ko Arash.

Na sabap sa gyanan a mga dalil a mya aloy na gyanan i paka asal, na dianan khaalin a so PANARIMAON INONTA o adn pman a isa a dalil a makatharo sa mya khaalin iyan anan ko pakaasal.

Na so HADITH a kaphmbaba o Allah sii sangkai Langit sa Donya na CORRECT ka so 9 timan a mga kitab sa hadith o AHLU SUNNA WALA JAMAA na langonon dodon.

Phitharo o Rasollah s.a.w. :

( ينزل ربنا تبارك وتعالى كل ليلة إلى السماء الدنيا حين يبقى ثلث الليل الآخر يقول : من يدعوني فأستجيب له ، من يسألني فأعطيه ، من يستغفرني فأغفر له )

Meaning :

Phmbaba so kadnan tano a" taba'raka wa taala " sii ko Oman kagagawii sii ko Langit sa Donya, igira ayabo a lamba na so ikatlo bagi sii ko kagagawii a last, na diinyan dii tharoon :

Antai phangni rakn ka tarimaan aknon, Na go antaa i phangni rakan ka ibgay aknon, na go antaa i phamangni rakn sa rila ka rilaan akn.

Tanto anan a maliwanag a hadith ka di khapakay oba pakasilaya so maana nyan ka ayabo a phphanarima sa pangni na so Allah go ayabo phririla na so Allah.

kanabo so mga malaikat odi na so Balas.

Na gyanan na knyanabyan mayasopak so mga Ayat go mga Hadith a phitharo iyan a so Allah na sii sa Poro a phapantaw sii ko ARASH kagya myakatana a ayabo a kaphmbaba o Allah a sii makapopoon sa Poro na igira ikatlo bagi sii ko last a kagagawii.

Na dianan maphamimikiran o manosya sa banyan phtharoa a Mustahel anan ka so Allah na daa baron Mustaheel ka so gaganyan na knaba datar o gaga o matag kaadn.

phitharo o Allah : ( ان الله على كل شئ قدير ) Baqara 20.

Meaning : Mata mataan a so Allah na so langowan taman na khagaganyan.

Na so kaadn na limiti so ganyan ko lawasyan na go so pamimikiranyan go so langowan taman sii rkanyan.

-----------------------------------------

Malongkabo anan bgi sa Pamimikiran ka katawan akn a mataoka mamimikran nago makaznggaya ko matag sarag a akal ago so mga dalil.

- > ASH-ARI ?

Masha Allah shukran guro ami.

samaoto na korek so post akn owm ? Igira opama a tnatnao a kagagawii na aya ismbag akn na sii sa BABA so ALLAH sa paganay a langit. Ogaid na igira daondao na aya ptharoon akn na sii sa PORO so Tohan tano.

>> SALAFIY !

Oway Correct anan, sa knaba ino correct ka ba sabap sa pyamimikiran odi na phimbaalan a katharo ka sodn so khisipaton ago so sogoiyan i tomiyantoron ka sktano na matag tano phagonot sii k dalil sa apya anda phgoling, sabap ko so Akal tano na adn a limitinyan a dinyan kapzoldan.Na ibarat o balowin ka anan a paawing na ayadn a pyaawingan ka na so QUR'AN ago so SUNNAH.

Na o paawingingka a dwaa anan na ayadn a kayapaawingan ka NA so ALLAH goso RASOLOLLAH.

Na o paawingingka so ALLAH go so RASOLOLLAH s.a.w. na inomangaday khatawag tapn a muslim a paparatiyaan yan so Allah go so Rasolollah ?

- > ASH-ARIY ?

Guro, so man so ayat ago hadith na di khapakay oba mabaloy a TANAKUD. Na giyanan a hadith a NOZOL na aya ongangn san na kataya '' YANZILO ( malakan ) ilaa sama'i dunya.... Ino ba ka san di phakaayon ?

Yanzilo malakan Rabbuna ilaa sama'i dunya...

>> SALAFIY !
knaba siran motana'kid, ka mattndo so kaphmbaba o ALLAH sii sa langit a donya.

Na so myakapangadi sa Osol na katawan iyan anan a phmbthowan sa A'M ago KHA'S go datar mambo o MOTLAQ ago MOQAYYAD.

Na di khaparo o ba so malaikat na ayambaba sa datar a tig ka anan ka so malaikat na ba skanya i dii manarima sii ko pangni, na go ba aya dii mririla na so malaikat?

Batiyaangkaman phyapya so message akn ka tanto a maliwanag.Gyanan ini kidi angkawn na gyanan phmbthowan sa TA'WEL na khapakay anan ogaid na sii sangkanan a Hadiths na diron khaosar sabap ko adn a karina sa knaba malaikat i miyaba sa langit.Aya karin na gyoto katharo o Allah :

Antai phangni rakn ka tarimaan aknon, Na go antaa i phangni rakan ka ibgay aknon, na go antaa i phamangni rakn sa rila ka rilaan akn.

Na diyanan khapakay a tharoon o malaikat ka kharimbayang so Allah.

Maliwanag.Katawan ka pagari ko opama ka dingkapn anan matarima na knaba aya khibtho sii ko dingka dii kapakindiscuss na ILMI ka aya khibthoron na MUKA'BARA.

- > ASH-ARIY ?

samaoto guro ami na datar oba aya minitoro iyan na mako-control o oras so KADNAN tano sabap sa igira a gagawii na kailangan na makasong skaniyan sa baba. Na igira a daondaon na sii Skaniyan sa KAPOROAN.

>> SALAFIY !

Subha'nalallah.

Lagiddn anan so kyatharo aknon ki ABU HASNAH a dinyan dii kapamimikirana sii ko ALlah sa mga Mustahilla't.

Igira so Dalil na Marayag go Sahih na so Okt o Manosya na dinyan kaphzoldn kagya so manosya na kaadn a kalilimitya so khagaganyan sii ko langowan taman, apya so pamikiranyan go so Akalnyan na madakl sii ko mga SIFAT o Allah a di khapakay a ayanyanon balowin a sandiga sabap ko dinyan khn a akal.

So Oras na kaadn o Allah na ayaon diinggira giray na so Allah, na opama ko tharoangka a samawto na ayaman a awida akal na kagiya mbida bida so mga oras sii ko oman i ingd sa donya, na Di khn a akal oba oman itlobagi ko kagagawii na roo ko isaa ingd o donya iyan na ron so Allah ka andamanya i kagagaasan na go so oras na samawto na control iyan so Allah.

Na ribat anan a pamimikiran ka ino anan dii mapamikir o Taw na so Allah na datar o Kaadn a limiti so Gagaanyan.

Ophoon gyanan i kapipikiraon o Manosya na mimbaloy a MUSABIHA a iphphanolagid iran so Allah sii ko Kaadn iyan, na ikhakafir anan.

So Muslim na aya dait rkanyan na igira a myan-g iyan so dalil a correct nago marayag pantag sii ko mga ropaan o Allah na phkhatarima iyan oto sa sadn sa okit a kyatanto awn o Allah sa ginawanyan na thantoonon mambo nago sadn sa ropaan a kyatantowano o Rasolollah s.a.w. na thantoonon rkanyan, sabap sa Ilmol Gayb anan a daron bgi o Allah so Akal o manosya sa kapaar abanyan pangantoka odi na banyan di paratiyaa.

Na mya aloy rka so tanto tantodn a mga rarayag a mga dalil sa gyanan a pyawal ka, na phitharo akn rka a so datar anan a okit a kapakindiscuss na di khabthowan sa diskas ka MUKA'BARA a iphmbthoron ka daa dalil ka a maphakadaiyan so mga dalil inota so AKAL a phphamimikirann ka a phitharo akn a disan khapakay a dii zold ka khalowison.
----------------------------- 

-> ASH-ARIY ?

Salaam guro ami !

Ba giyaya i daleel o mga sheik iyo sa pd sa Sifat o ALLAH so KAPANGAKAL ?

إِنَّ الْمُنَافِقِينَ يُخَادِعُونَ اللَّهَ وَهُوَ خَادِعُهُمْ وَإِذَا قَامُواْ إِلَى الصَّلاةِ قَامُواْ كُسَالَى يُرَاؤُونَ النَّاسَ وَلاَ يَذْكُرُونَ اللَّهَ إِلاَّ قَلِيلاًسورة النساء الآية رقم 142
Maana niyan sa literal: "mataana so mga munafik na phagakaln iran so Allah na ogayd na so Allah I phagakal kiran

>> SALAFIY !

Gyayapman a SHOBOHAT KA a inaloyngka a A'yat :

إِنَّ الْمُنَافِقِينَ يُخَادِعُونَ اللَّهَ وَهُوَ خَادِعُهُمْ وَإِذَا قَامُواْ إِلَى الصَّلاةِ قَامُواْ كُسَالَى يُرَاؤُونَ النَّاسَ وَلاَ يَذْكُرُونَ اللَّهَ إِلاَّ قَلِيلاًسورة النساء الآية رقم 142

Maana niyan sa literal: "mataana so mga munafik na phagakaln iran so Allah na ogayd na so Allah I phagakal kiran.

-------------

Aya kapaka atod o meining anan na :

Mataan a so mga Muna'fiq na phagakaln iran so Allah na skanyan a Allah i phpha akal kiran.

Na pd anan sii ko Mga SIFAT a di khapakay oba aloya a matatambisa,
Ibarat na phtharoon ka a pd sa sifat o Allah na : TANGAKAL , ka ribat anan.

Gyanan i phmbothowan sa :

صفة على سبيل المقابلة

Sifat a di khatanto sii ko Allah odi maaloy so mimbabala iyan.

Ka aya mitotoro o mga datar anan a mga A'yat na so kababaloy o Allah a MAONTOL sii ko diinyan dii kindolonaan sii ko oripnyan pantag sii ko kiphmbalsn iyanon ko domadait sii ko galbk iyan, omarata na aya balas o marata na so datar iyan a marata, na o mapya na ayambo a abalas iyan na so datar iyan a mapya.

Na Ophtharoangka anan sa satiman a ward a nggiraw ka a so مخادع odi na خادع na pd sa sifat o Allah na dianan phakain o mga salaf sabap ko maadaon so mimbabalaiyan, a makanggonanao sa kaontol iyan i kapamalas.

Marayag anan a tanto.

Didn kailangan sa Ta'wel, na go dipman khapakay oba pakadaa ka sabap ko matatago sii ko Qur'an.

Ayabo a disan phakasabot na so dinyan katawan so kaphphaka sadar o mga DALIL maana di matao sa OSOL AL-FIQH.

Na go kasosoldan a waswas so puso iyan sa dinyan anan khain-ngka sa mapya.

--------------------------

MAPONTOK A RAYAGAN KO PANARIMA SII KO MGA SIFAT O ALLAH

 ------------------------------------  ---------------------------------- 

SO OKIT A KATANTOWA SII KO ALLAH KO MGA SIFATIYAN KO PANARIMAON O MGA MOONOT SII KO OKIT O MGA SAHA'BA " AL-SALAF AL-SALIH " A SIRAN SO MGA SALAFIYYA :

> Aya ONAYAN o PANTAG sii ko mga SIFAT o ALLAH na so katharo o ALLAH :

( لَيْسَ كَمِثْلِهِ شَيْءٌ وَهُوَ السَّمِيعُ البَصِيرُ ) Shora' 11.

Meaning :

Daa lagidyan odi na daa datar iyan a Shay' "kaadn" a skanyan na phphakan-g go phphakailay.

Sii sangkanan a A'yat a mya aloy na dwatiman a matatagoon :

1- PYAKADA IYAN SO KIPANOLAGIDN SII KO ALLAH SABAP KO DAA DATARYAN A SHAY'.

2- TYANTONYAN SA GINAWANYAN A ADN A SIFAT IYAN, DATAR A GYANAN A KAPAKAN-G GO KAPAKAILAY.

Sabap san na so mga SALAF AL-SA'LIH go so mga PHAGONOT KIRAN a phmbthowan sa mga SALAFIYYA na pyaka haram iran sii ko Allah so KIPANOLAGIDNON, na go tyanto iran mambo sii ko Allah so nganin a TYANTONYAN SA GINAWANYAN na go so tyanto rkanyan o sogo iyan a so RASOLOLLAH S.A.W.

Aya PANARIMA IRAN sii ko mga SIFAT O ALLAH na gyaya :

( إثبات ما أثبته الله لنفسه في كتابه أو أثبته له رسوله صلى الله عليه وسلم في سنته من غير تكييف ولا تمثيل، ولا تشبيه ولا تأويل ولا تعطيل )

Meaning :

THANTOON SO NGANIN A MGA SIFAT A TYANTO O ALLAH SII SA GINAWANYAN SII KO KITAB IYAN ( QUR'AN ) GO SO TYANTORON O SOGO IYAN S.A.W. SII KO SUNNAH NYAN ( HADITHS ), SA DI KHAPAKAY OBA IROPA, NA GO DI KHAPAKAY OBA IPANOLAGID, NA GO DI KHAPAKAY OBA IPANANAYAN, NA GO DI KHAPAKAY OBA PAMAKA SILAYA, NA GO DI KHAPAKAY OBA PAKADAA.

Sii ko kambatiyaangka sii ko mga KITAB o mga SALAF AL-SA'LIH ago so mga SALAFIYYA a komkdg sii ko Okit iran na gyanan i khatoon kawn.

= So mga Salaf Ago so mga Salafiyya Na tindo iran a gyangkai a mga sifat o Allah na ayabo a khapakayron a tantoon sii ko Allah na so tyantonyan sa ginawanyan go tyantoron o sogo iyan a makambbkn sa DALIL a CORRECT a MARAYAG.

Na so AKAL o Manosya na dairan bgi sa Logar oba aya mbaloya a phakaonaan ko khathantowaa sii ko Allah sii ko mga SIFAT iyan sabap ko gyanan na ILMO a MIGAGAYB a di katawan o MANOSYA na ophoon iyan Zoldi sa diskanyan thaman sii ko DALIL na aya ondasyan na phakasilay ka so OTK o MANOSYA NA LIMITID a adn a mga SHAY' a dinyan khagaga romopa ka PHKHAMUSTAHIL ANON.

Na aya Panarimasan o Mga SALAF goso MYONOT kiran na thataman siran sii ko DALIL sa diiran oto zobraan ka ansiran di phakasilay.

_ DALIL SA KABABALOY O AKAL O MANOSYA A ADN A PHYOR A SHAY' A DINYAN KHAGAGA ROMOPA :

1- SO BONTAL A PHYOR O NIYAWA O MANOSYA odi na apya antonaadn a BARANIYAWA, na DIDN ANAN KHAGAGA ROMOPA O AKAL O MANOSYA O ANTONAA I PHYOR A ROPAAN IYAN.

NA SO NIYAWA NA LANGON A TAW NA MANINIWALAON SA PHYOR SKANYAN.

2- SO MGA PIPIYA SII KO SORGA NA DATAR DADN ANDATARAN IYAN AGO SO MGA PIPIYA SII KO DONYA.

Aya maana nyan na malagid sa ngaran so pd ko mga pipiya sii ko Surga ago so mga pipiya sii ko DONYA ogaid na so phyor a ropaan iyan na dadan a banyan plagidan.

Gyanan i khatharo IBN ABBA'S R.A. sii ko TAFSER O IMA'M AL-TABARIY.

- Samanan na myaka rayag a adn a mga Shay' a phyophyordn ogaid na so AKAL o manosya na DINYAN KHAGAGA ROMOPA I KATANTOWAN IYAN sabap ko kababaloynyan a MIGAGAYB a danyan mailay.

Na datar anan so mga SIFAT o Allah a PHYOPHYOR a ADN mga SIFAT o ALLAH a DOMADAIT rkanyan.

A gyanaN so mga SIFAT a tyanto nyan sa ginawanyan go tyantoron o Sogoiyan a so Muhammad s.a.w.

Datar ibarat o mga sifat o Allah a :

( LIMA ) ( PARAS ) ( MATA ) ( SA PORO ) ( KAPHMBABA ) go so mga salakaw san a mga CORRECT i DALIL na go mga RARAYAG.

- Sopman so mga SIFAT mya aloy ibarat o pd sii ko mga Ulamah O mga SALAF a DAEEF so DALIL IYAN, opama ko ba adn a khaton a datar anan na dioto khatanto sii ko Allah sabap ko kalobay o DALIL.

- Go so mga SIFAT da tantowaa o Allah sii sa ginawanyan go daron tantowaa o Rasolollah na dairanpman tharoa oba didn khapakay sii ko Allah na RMRNK san so mga SALAF go so mga MOONOT KIRAN na diiran anan thantoon sii ko Allah sa direct na diiran pman phakadaan.

Sabap roo Na So mga SALAF AL-SA'LIH go so mga taw a kmkdg sii ko OKIT iran na gyanan i PANARIMA iran a thantoon sii ko Allah so mga SIFAT a tyantonyan sa dinwanyan go tyantoron o Sogo iyan a minggolalan ko mga CORRECT a go mga RARAYAG mga DALIL, SA DI KHAPAKAY OBA IROPA, NA GO DI KHAPAKAY OBA IPANOLAGID, NA GO DI KHAPAKAY OBA IPANANAYAN, GO DI KHAPAKAY OBA PAKADAA.

Na gyanan na so AKAL o muslim a da kaboringi na phkhatarima iyan anan sabap ko kaliwanag iyan na go karayag iyan.

Na sopman so kyadutiyan so AKAL iyan sa mga SHOBAHA'T ( mga LIMPANGAN ) a phphanga an-g iyan sii ko mga groupo a myamakisilay na Margn a kaphkhatarimaasan o Akal iyan sabap ko kyaonaan o kyalbogan so kalingaw o AKALYAN sa LIMPANGAN.

--------------------------------- 

2- SO OKIT A KATANTOWA SII KO ALLAH KO MGA SIFAT IYAN SII KO PANARIMA O MGA MUSHA'BIHA ODI NA MGA MUJASSIMAH :

1) Gyangkai a PANARIMA na sii myakagmaw sii ko myanga oona mga SHI'AH AL-RA'FIDHA kagya sii iran myakowa so agama iran sii ko mga YAHODI.

kataya so mga taw a paganay a myanolagid sii ko Allah :

1- HISA'M IBNOL HAKAM.
2- BAYA'N IBNO SAM-AN AL-TAMY-MY.
3- ALMOGI'RA IBNO SAEED AL-AJALY.
4- MOQA'TIL IBNO SOLAYMA'N.

2) Ikadwa a groupo a myanolagid sii ko Allah na so mga SABA'IYYA a imga taw a moonot ko panolon i ABDULLAH IBNO SABA' a sknyan i paganay a myakathaong sii ko pamikiran a KASHIA'H.

3) Ikatlo a groupo a myanolagid sii ko mga SIFAT o Allah ko SIFAT o KAADNYAN na so mga KORRA'MIYYA, a mga taw a moonot ko PANARIMA o ABDULLAH IBNO KORRA'M.

4) So myanga oona a MYAMANOBRA sii ko mga SOFY , na go so pd ko mya oori kiran datar i :

1- ABDUL CAREEM AL-JELIY.
2- ABDUL FATTA'H AL-JE'LA'NY.

> Gyangakanan a mga taw sa gyanan 4 Groupo na inosiran kyabothawan sa mga MUSHABBIHA ( mga TANOLADIG ) kagiya IPHLAGID iran so Mga SIFAT O ALLAH KO SIFAT O KAADN IYAN.

Na gyanan a datar anan PANARIMA na maoopakaton so mga SALAF ago so Moonot sii ko Okit iran a phmbthowan sa mga SALAFIYYA sa gyanan na IKHAKAFER o KHIPANARIMAON.

Ka di khapakay oba so Allah na miplagidyan sa SIFAT so KAADN YAN apyapn mlagid so ngaran o SIFAT.

Note :

Aya pyaka mmsa sii na so mga pd sii ko mga GROUPO datar o mga ASHA-RAH go so mga pd iran a mga AHLUL KALA'M na phagpdn iran a gyanan a PANARIMA o mag SALAF go so kmkdg sii ko Okit iran sa MUSHABBIHA a tanto a marayag a mbidaan anan.

Ogaid na marayag aya sabap anan na kagiya KYABINASAAN so mga AKAL iran o kyabaloya iran sii ko mga AKAL iran a mga Maoona sa pangkatan ko katharima awn adi so nganin a mga KATHARO O ALLAH go so mga katharo o RASULOLLAH s.a.w.

وفّقنا الله جميعا لقبول الحق واتباعه ، اللهمّ آمين

MAPONTOK GOGODAN KO PANARIMA O MGA ASHA-RAH KO MGA SIFAT O ALLAH

@ -------------------------------------- @ --------------------------------------- @

So mga ASHA-RAH na groupo a ibabangsa ko IMA'M ABOL HASAN AL-ASH-ARI R.T. Died 260, a skanyan a na Apo o Isa siiko mga Rarani ko mga SAHA'BA sii ko Rasolollah s.a.w. a skanyan so ( ABO MUSA AL-ASH-ARIY a sii skanyan pd sii ko bangsa a ASH-ARIYON sii sa ingd a YEMAN ).

Si IMA'M ABOL HASAN AL-ASH-ARI R.T. na myaka 40 years a kababaloynyan a sii matatago sii ko PANARIMA o mga MU'TAZILA sabap ko sii skanyan myakala ko kyapamatalilowanawn o ABU ALI AL-JOBBA'EY Died 235, a skanyan SHAIKHOL MU'TAZILA sangkoto a masa.

Na sii ko Oryan o gyanan myaka 40 yesrs a kababaloynyan a MU'TAZILA taman sa mimbaloy skanyan a IMA'MPN sii ko MU'TAZILA na miyangdon skanyan sii Tindg iyan sa mithawbat sii ko Allah, sabap ko adn a mga pakaiza iyan a di khazmbag sa mapya angkoto a SHAIKHAYAN na go mya aloy a phitharo iyan a phithataginpn iyan so Rasulollah s.a.w. a kainngkaanyan sii ko btadyan na go thawbat sii ko Allah ka maada sknyan sii ko lalan a maka oontol.

Na sii sangkanan a kyathawbat iyan na sii skanyanpman miyakatransper sii ko PANARIMA o mga KOLLA'BIYYA a aya FOUDERON na si ABDULLAH IBNO SAEED IBNO KOLA'B, gyanan a skanyan na aya phathosarn iyan sii ko kakhkpiti sii ko AQEEDA na so ILMOL KALA'M balabaw ron sii ko kipantag iyan sii ko mga SIFAT o ALLAH.

Skanyan a IBNO KOLLA'B na PHTHANTOON iyan so sabaad ko mga SIFAT o ALLAH na phthaawiln iyan so sabagion ka aya kokowaaniyan a taks na so AKAL knaba aya OONOTAN IYAN NA SO QUR'AN go so SUNNAH ko kaphthantowa sii ko mga SIFAT O ALLAH.

Na gyanan i kyatransperan i IMA'M ABOL HASAN AL-ASH-ARI R.T. a PANARIMA ko oryan o kya awa iyan sii ko MU'TAZILA.

Na sii sangkanan a kyathidginyan san na gyanan i kyagogonawan o mga ULAMA o mga ASHA-IRAH a phikpit iran na go kyapaka ooman irampn anan sa mayto a kapanobra.

Aya mga Ulama a gyanandn i initaros iran a PANARIMA ko na siran :

1- ABU BAKR AL-BA'QILLAHY.
2- IBNO MUJ'HID.
3-MUHAMMAD IBNOL HASAN IBNO FAWRAK.
4- ABU HA'MID AL-ISFRAEENIY.

Gyanan so mya oona kiran, na so myanga oori na pdkiiran si :

1- ABUL MALIK BIN ABDILLAH AL-JOWAYNY.
2- ABU HA'MID AL-GAZA'LY.
3- ABU UMAR AL-RA'ZY.
4- SHAHIRSTA'NY.

Gyanan i mga Ulama a go so mga pd iran a Tomiyaros sii ko PANARIMA o IMA'M ABOL HASAN AL-ASH-ARI R.T. sii ko kababaloynyan a pd ko mga phagonot ko ABULLAH IBN SAEED IBNO KOLA'B.

Na sii sangkanan a kyabaloy iran a isa a makikilala a groupo sabap ko kyazibisiyowiron angkanan a mga Ulama a myanga aaloy go so mga pd iran, na aya PANARIMA IRAN SII KO MGA SIFAT O ALLAH NA :

> Ayabo a phthantoon iran sii ko Allah na so pito a SIFAT a aya iphmbtho iranon na SIFATON AKLYA, a skanyan so :

1- KATAO.
2- KAOYAGOYAG.
3- KAPAKAMBABAYA.
4- KAPHAKAGAGA.
5- KAN-G.
6- KAPAKAILAY.
7- KAPAKATHARO.

Na so salakaw san a mga Sifat o Allah na so pdon na PYAMAKA SILAY iran so MAANA NYAN sa bithowan iran sa TA'WEEL, na sopman so pdon na INITHAWAQOF iran sii ko ALLAH so MAANA NYAN.

Na gyanan na Marayag a kasosopakanyan so PANARIMA O MGA SAHA'BA " mga SALAF AL-SA'LIH " sabap ko aya panarima o mga SAHABA na :

THANTOON SO NGANIN A MGA SIFAT A TYANTO O ALLAH SII SA GINAWANYAN SII KO KITAB IYAN ( QUR'AN ) GO SO TYANTORON O SOGO IYAN S.A.W. SII KO SUNNAH NYAN ( HADITHS ), SA DI KHAPAKAY OBA IROPA, NA GO DI KHAPAKAY OBA IPANOLAGID, NA GO DI KHAPAKAY OBA IPANANAYAN, GO DI KHAPAKAY OBA PAKAMAKA SILAYA, GO DI KHAPAKAY OBA PAKADAA.

Na mya osay tano sa mapya so PANARIMA o mga SALAF ko kaphthantowa sii ko Allah sii ko mga SIFAT IYAN sii ko isa a post tano.

Gyanan so kababaloy o tindg o IMA'M ABOL HASAN AL-ASH-ARI R.T gwani a Ayanyan Oonotan na so PANARIMA o ABDULLAH IBNO SAEED IBNO KOLA'B , na gyanan mambo i inoyag angkana a mga ULAMA a myanga aaloy tano sa puro go so datanoron maaloy.

Ogaid na Alhamdulillah ka aya kayaposan sii ko panagaontaman o IMA'M ABOL HASAN AL-ASH-ARI R.T na so kyabaloynyan a thitho a komyakp sii ko PANARIMA O MGA SALAF sa sii anan khailay sii ko kyapakarayaganyanon sii tlo a mga last kitabyan a inisorat iyan :

1- AL-IBA'NA AN OSO'L AL-DIYANA.
2- RISA'LATO ILA AHLI AL-S0GO'R.
3- MAQA'LAT AL- ISLA'MIIN.

Sii sangkanan a paganaya kitab iyan a AL-IBA'NA AN OSO'L AL-DIYAN pyag iyanon a ayadn a PANARIMA IYAN na so PANARIMA o IMA'MO AHLI SUNNAH AHAMD IBN HAMBAL R.T. :

Phitharo I isa ko mga ULAMA mga ASHA-RAH a si TA'JODDEN AL-SOBQIY :

أبو الحسن الأشعري كبير أهل السنة بعد الإمام أحمد بن حنبل ، وعقيدته) وعقيدة الإمام أحمد رحمه الله واحدةٌ لا شك في ذلك ولا ارتياب ، وبه صرّح الأشعري في تصانيفه وذكره غير ما مرة من أن عقيدتي هي عقيدة الإمام المبجل أحمد بن حنبل ، هذه عبارة الشيخ أبي الحسن في غير موضعٍ من كلامه ) TABAQA'T AL-SHAFIIYA AL-KOBRAH.

Meaning :

Si ABUL HASAN AL-ASH-ARIY na Malai pangkatan sii ko mag AHLU SUNNAH ko oryan o IMA'M AHMAD IBN HAMBA, go aya PANARIM IYAN Go so PANARIMA I IMA'M AHMAD R.T. na isa isabo, daa sangkaan san na go daa boron khmbot a atay, a gyanan I pyakarayag I ABUL HASAN AL-ASH-ARIY sii ko mga inipanorat iyan a mga kita'b na inaloy nyan anan sa myakapiradn sa diinyan dii tharoon a mataan a aya PANARIMA akn na skanyan so PANARIMA o IMA'M A SSLAAN PAGAADATAN a so AHMAD IBN HAMABAL, gyanan I okit o katharo I sheikh ABUL HASAN sii ko kadaklan sii ko kikatatagoan sii ko mga katharo iyan.

Na so IMA'M AHMAD IBN HAMBAL r.t. na SALAF so panarima iyan sii o mga SIfat o Allah na go sii ko langowan a gintasan o PANARIMA.

Phitharo iyan sii ko makapantag siiko mga SIFAT O ALLAH :

( صفوا الله بما وصف به نفسه، وانفُوا عن الله ما نفاه عن نفسه) [سير أعلام النبلاء ج10 ص591، تهذيب التهذيب ج10 ص107]
Meaning :

Paki zipatn iyo sii ko Allah so nganin a pyakizipat iyan sa ginawanyan, go pakadaanyo sii ko Allah so nganin a pyaka da iyan sa ginawanyan.

> Na ayapman a DALIL sa gyanan i iktlo a THAWR a somiyoldn o IMA'M ABOL HASAN AL-ASH-ARI R.T. sa kyathawbat iyan phyapya na go kinikakpn iyan sii ko phyor a PANARIMA o mga SALAF na kagya so IMAM AHMAD r.t. na madakl a tanto mga katharo iyan a kapaki phphananggilainyan sii ko mga ULAMA mga MURIT i IBNO KOLA'B datar AL-KARA'BISY.

Sabap roo na myakarayag a so mga ASHA-IRAH na makasisilay so PANARIMA iran na go MASOSOPAK iran so PANARIMA o mga SALAF AL-SA'LIH pantag sii ko kaphthantowa sii ko mga SIFAT o ALLAH, na go si IMA'M ABOL HASAN AL-ASH-ARI R.T. na mithawbat skanyan sa Angyas skanyan sangkanan a andang a PANARIMA IYAN a inawaan iyan ko kinikakpn iyan ko datar o PANARIMA o IMA'M AHAMD IBN HAMBAL R.T. a gyoto so PANARIMA o mga SALAF AL-SA'LIH.

وفّقنا الله جميعا لقبول الحق وانقياده، آمين

ANTAWAA SKANYAN A SHAIKHOL ISLAM IBNO TAYMIYYA R.T. ?

----------------------------------------------------------------------------------
MAKAMPT A THOTHOLAN KO SHAIKHOL ISLAM IBNO TAYMIYYA R.T.
 ----------------------------------  ------------------------------------ 

- Skanyan si : AHMAD BIN ABDIL HALIM BIN ABDIL SALAM BIN ABDILLAH AL-HARRA'NIY ( IBNO TAYMIYYA ).

- Inimbawata skanyan sii sa darpa a Harra'n sa ingd a SIRIA ko ragon a (661 H. )

- Na myafat skanyan sii sa KAL-AH a DAMASCUS sii sa ingda SIRIAH ko ragon a 728 H.

Si khaikhol islam na tanto a Mibibida sii ko kapasang iyan na goso kagaan iyan i kamorais na go kagaan a kaphzbotanyan sii ko katharo na go so kapyanyan i paratiyaya na go panarima.

Phitharo i Al- Alla'mah Camaloden al- Zamlaca'ni r.t. ( died : 727 H. ) a :

: (كان إذا سئل عن فن من العلم ظن الرائي والسامع أنه لا يعرف غير ذلك الفن، وحكم أن أحداً لا يعرفه مثله، وكان الفقهاء من سائر الطوائف إذا جلسوا معه استفادوا في مذاهبهم منه ما لم يكونوا عرفوه قبل ذلك، ولا يعرف أنه ناظر أحداً فانقطع معه ولا تكلم في علم من العلوم، سواء أكان من علوم الشرع أم غيرها إلا فاق فيه أهله، والمنسوبين إليه، وكانت له اليد الطولى في حسن التصنيف، وجودة العبارة والترتيب والتقسيم والتبيين )

Aya tigyan a btad i Shaikhol Islam na igira a inizaan sa apya antonaadn a KATAO a phakanggay a gona na andadn i kasmbaganyan sii ko pakaiza na ayadn a kakhailayaon o phamamakin-gon na dadn a baron makalawan sa katao sangkoto a Shay' a simbagyan, Aya tigyan a masosowa o mga FOQAHA ko langon mga lompokan na igira a myamamakin-g siran sii ko katharo iyan na tanto iran a dii kanggonaan na go phkhatokawan iranon so pd sii ko sosoldan iran a MAZHAB a diiran oto katawan ko onaan oto, na go dadn a myapanothol a ba adn a myakindiscuson a sakatawbo a banyan myapakatarg odi na myan myapgs, na go daa banyan kandiscusa sii ko Ilmo mlagid o sii ko ilmo sii ko agama antawaa ka sii ko salakawron inonta kalawananyanompn sa saboto so mga taw a thithoron a myaganad, go tanto skanyan a mapya i kasorat sa kitab, go tanto a mapya i kawsar sa mga katharo go tanto a mapya i katanor sa phtharoon go so diiron kapakazisibayaa go so kaphphakarayagaon.

Go phitharo i ABUL BAQA AL-SOBQI " ASH-ARI I AQIDAH" ( died 785 H. ) :

: (والله يا فلان ما يبغض ابن تيمية إلا جاهل أو صاحب هوى، فالجاهل لا يدري ما يقول، وصاحب الهوى يصده هواه عن الحق بعد معرفته به

Meaning :

Wallahi Ya fola'n, ka daa taw a phkhararangit siiko IBNO TAYMIYYAH inontabo so BODA a aya maoona so baya ginawanyan, ka so BODA na dinyan katawan so nganin a diinyan dii tharoon, na so katatagoan sa baya a ginawa phagalangan skanyan o baya a ginawanyan sa katarimaanyan na go kakowaanyan ko bnar ko oryan o kyatokawinyanon.

Go si ABDUL WAHHA'B AL-SOBQI na sii ko kya aloyanyan sii ko pangkatan i amaiyan a kayatharonyan sa SHAIKHOL ISLAM na iphatharo iyan a daa khabwan sa SHAIKHOL ISLAM INOTA SO TLO ; Si Ama iyan go sI IBNO TAYMIYYAH go si SHAMSODEEN IBNI ABI UMAR. ( TABAQA'T A-SHA'FIIYAH AL-KOBRA, 10/195 )

Si ABDUL WAHHA'B AL-SOBQI na tanto a mutaasib o AQEEDA ASH-ARIY a khirk ko kita'b a ; TABAQA'T A-SHA'FIIYAH, na apya skanyan mismo na bithowanyan si IBNO TAYMIYYAH sa SHAIKHOL ISLAM sabap ko thotho a kalaiyan i ILMO.

Go phitharo i IMA'M AL-ZAHABI ( Died 648 H. ):

(ابن تيمية: الشيخ الإمام العالم، المفسر، الفقيه، المجتهد، الحافظ، المحدث، شيخ الإسلام، نادرة العصر، ذو التصانيف الباهرة، والذكاء المفرط )

Meaning :

Si Ibno Taymiyyah na SHAIKH a IMA'M a A'LEM, a MUFASSIR, a FAQIH, a MUJTAHID, a HA'FIDH, a MUHADDITH, a SHAIKHOL ISLAM, a KAINONTA KO MASANYAN, a KHIRK KO MGA KITAB A PYAMAKA MMASA SO KAPYANYAN, na go MAKAOOMABAW SII KO KAPASANG.

> Si Shaikhol islam IBNO TAYMIYYAH R.T. na aya kyambowatan iyan a masa na ayabo a makagagangkong a phkhababayaan o mga pagtaw a mga ULAMA na so mga AHLU KALAM a phagosar sii ko PHILOSOPHY a go MANTIQ, na so mga ULAMA na aya mga papasangon sa gyangkoto a masa na go mga ULAMA A MGA bibid i panarima DATAR O MGA SOFIY ago so mga ASH-IRAH go so mga SHI'AH, sii sangkoto a masa na adn mambo a mga ULAMA a mga SALAF I PANARIMA Ogaid na di khan-g na go di phakaliyawaw so mga katharo iran na go disiran khilalaan o mga TAW sabap ko knaba iran aya OKIT ko dii kindaawaan sii ko PANARIMA a ONTOL na diinggolalan sa PHILOSOPHY na go MANTIQ na so mga kitab iran na dimbatiyaan o mga taw na go aya iphmbotho kiran o mga ULAMA a mga bibid i PANARIMA na mga JA'HIL sabap ko diiran kapagosar sa PHILOSOPHY go MANTIQ sii ko mga kitab iran ka dairan oto mapaganad na go tanto iran a iphkhagowad.

Na sii ko kyapaka gmaw o SHAIKHOL ISLAM IBNO TAYMIYYAH a skanyan na bigan o Allah sa tanto a mabgr a pamikiran na go paratiyaya linang na go PANARIMA a maka oontol, na datar dn a angkot a kiniropa anon i Al- Alla'mah Camaloden al- Zamlaca'ni r.t. ; a skanyan na igira a mitharo sii ko apya antonaa a ilmo na ayadn a kakhagdamaon o diiron mamakin-g na dadg a banyan onaan a mapasang sangkoto a dinyan dii pagosay'n.

Sabapsan na INOSARIYAN SO PHILOSOPHY go so MANTIQ na somiyorat sa kitab a PYAGYANON so kapakasisilay o mga groupo a mapapayag sangkoto a masa DATAR o ASHA-IRAH go so SOFIY go so SHI'AH na initabad oto na go initagthr a otk o mga ULAMA a khipakasisilay i PANARIMA sangkoto a Oras sabap ko inosaryan kiran so ILMO IRAN na kyasobraanyan siranompn sa KAPASANG na dairandn oto tangkaan, na dairandn botagi odairan mapaki kalaboso so SHAIKHOL ISLAM IBNO TAYMIYYAH r.t.

Ino gyanan i myasoba iran a pandapat a kailangan na mapaki kalaboso ka dadn a okit a bairanon kakhapgsa sabap ko OOMBAWANYAN SIRAN sii ko mga ILMO IRAN a pyaganad iran na milalawanyan kirampn a kapyanyan i PARATIYAYA na go PANARIMA sabap ko ayadn a tyabanganyan a panolon na so PANOLON o Rasolollah s.a.w. go so mga SAHA'BA r.a. ko kapapayagyan ko panolon o 4 a imam o AHLUS SUNNAH WAL JAMAA' specially so IMA'M AHMAD IBN HAMBAL R.T. na sii sa sold a go liyo a kalaboso na tanto a madakl so minisirat iyan a mga kitab a kyapanabanginyan sii ko PANARIMA O MGA SALAF AL-SA'LIH, nggolalan ko kyapayagaon sii ko mga pagtaw na go so kyasmbaganyan ko lawan mga LIMPANGAN o mga ULAMA a mga AHLUL KALAM sa pyagiyan kiran so mga karibatan iran.

Ogaid na gyangkoto a mga Ulama a mga bibid i PANARIMA na mimbaal siran sa mga IFTA a ini angkob iran sii ko SHAIKHOL ISLAM IBNO TAYMIYYAH datar o kyapakitharoon iranon sa so SHAIKHOL ISLAM IBNO TAYMIYYAH na pyaka haram iyan so kapamicta sa QOBOR apyapn so QOBOR o Rasolollah s.a.w., na pyangwas wasan iran so mga datu o mga Muslim sangkoto a Oras taman sa myakapira makakasoy so SHAIKHOL ISLAM IBNO TAYMIYYA sii sa kalaboso, TAMAN sa rondn kyapantagan a kawafat sii sa sold a KALABOSO sii sa QAL-AH odi na KOTA a matatago sii sa ingda DAMASCUS sa ingd a SIRIA.

> Gyanan i tanto a makampt a thotholan tano makapantag sii ko SHAIKHOL ISLAM IBNO TAYMIYYAH r.t. a mama a syabapan o Allah sa kyabaton sa kababawan o PANARIMA a maka oontol ko oryan o kinilbngnon o mga ULAMA a MGA BIBID I PANARIMA.

Ikalimo o Allah so SHAIKHOL ISLAM IBNO TAYMIYYAH na go pakasoldyan sii o SURGAIYAN.

Allahumma A'meen.

BA SO "ALLAH" NA MANGODA A DAA SOMPAIYAN ?

---------------------- 

Isa inin sii ko mga LIMPANGAN o mga taw a khipakasisilay phoon sii ko okit o mga SALAF AL-SA'LIH, a iphthmpo iran sii ki Shaikhol islam ibno Taymiyya r.t. sabap ko kyaaloyanyan sii ko HADITHS a makabbtho sangkanan a mya aloy a SIFAT O ALLAH sii ko kitabyan a phmbthowan sa TALBI'SOL JAHMIYYA.

> Antonaa i katantowan a gyanan a LIMPANGAN IRAN ?

- Kataya so lafdh o HADITHS :

( رأيت ربي في صورة شاب أمرد له وفرة جعد قطط في روضة خضراء )

Meaning : Myailay akn so kadnan akn sii ko bontal a mangoda a adn a bokyan a malililay phyapya, a sii skanyan sii ko Garden a Makagagadong.

Gyanan a Hadiths dwa so okit a kyapakathitayanyan sii ko mga Ulamaol Hadiths ;

1- Phoon ko QATA'DA a phoon ko IKRIMA a phoon sii ko IBNO ABBA'S.

2- Phoon ko MARWA'N BIN UTHMAN a phoon ko AMMA'RA BIN A'MER a phoon ko UMMO TOFAYL A KAROMA O KAAB.

Na gyanan a paganay a Okit a kyapaka okityan a phoon sii ko QATA'DA a phoon ko IKRIMA a phoon sii ko IBNO ABBA'S na phitharo o sabaad sii ko mga ULAMAOL HADITHS a skanyan na HADITHS a SAHEEH.

Siran so :

1- Ima'm Ahmad.
2- Ima'm Abo Zor-ah AL-ra'zy.
3- Ima'm Al-tabara'ni.
4- Ima'm Abul hasan Al-basha'r.
5- Ima'm Abu Ya'la.
6- Ima'm Ibn Sada'qah.
7- Ima'm Ibno Taymiyyah.

Aya kapantk o phtharoon na knaba sobo so Ima'm Ibn taymiyya r.t. i mitharo sa SAHIH a gyangkanan a HADITHS, ko riwa'ya o IBN ABBA'S. sa datar o kaphagangkobaon o mga taw a myamaka silay sa PANARIMA, lagid o mga SHIA'H go so mga ASHA'IRA Etc. a palaya sandn phagangkobo ko SHAIKHOL ISLAM IBNO TAYMIYYA.

- Gyananpman a ikadwa a kyapaka okit o Hadith na inongkirn o kadadandan o mga Ulama sa Hadith Inontabo so Abu Ya'la r.t. ka pyaka correct iyan so Hadith.

Note :

- Si Ima'm Ibn Taymiyya Go gyanan a 6 a mga Ima'm a mitharo sa correct so Hadith sii ko Kyapaka okityan si ko IBN ABBA'S na myaopakat siran sa aya kiya Ilaya O rasolollah s.a.w. ko ALLAH sa bontal a MANGODA na TAGINPN knba PERSONAL, na inayonan siran san pd sii ko mga Ima'm.

- Kataya so Mitharoon sa gyanan na Taginpn knaba personal :

1- Ima'm Ahmad.
2- Ima'm Abo Zor-ah AL-ra'zy.
3- Ima'm Al-tabara'ni.
4- Ima'm Abul hasan Al-basha'r.
5- Ima'm Abu Ya'la.
6- Ima'm Ibn Sada'qah.
7- Ima'm Ibno Taymiyyah.
8- Ima'm Al-zahabiy.
9- Ima'm Al-Soyo'ti.
10- Al- Muallimiy.
11- Al- Ajo'la'niy.

> Samanan na myatangkd a so diron dii katharo a O mga GROUPO a khipaka sisilay sa si SHAIKHOL ISLAM IBNO TAYMIYYA na tyantonyan sii ko ALLAH SIFAT ( MANGODA A DAA SOMPA IYAN A ADN A BOKYAN A MAKALILILAY na di skanyan bnar oba anan tyanto o SHAIKHOL ISLAM SII KO ALLAH a banyan anan sifat.

> SO MGA DALIL SA KNABA ANAN TYANTO O SHAIKHOL ISLAM SII KO ALLAH A GYANGKANAN A SIFAT :

1- Pyayag iyan sangkanan a kitab a inaloyanyan sangkanan a HADITH a gyanan na TAGINPN knaba personal a kya ilayaon o Rasolollah s.a.w.

2- So mga riwa'ya sii ko mga Hadiths na mya aloy a sii matatago so Rasolollah s.a.w. sa Madinah ko kya aloyanyanon, inontabo so Riwa'ya o IKRIMA.

3- So Taginpn o mga Nabi na Igira na Gyabo a kapakadadalong iyan sii ko Titho a katantowan o taginpnyan sa bontal a mapya, datar o kyathaginpa o NABI a YUSOP a.s. sa somiyojudon so ALONGAN ago so ULAN go so 12 a mga bitoon.

Na aya Katantowan o taginpn iyan na ayaon myaka Sujud na si AMA IYAN go si INA IYAN go so 12 a MGA PAGARINYAN. knaba so ALONGAN go so ULAN go so mga BITOON A 12.

4- So Allah na diskanyan khailay sa Dunyan, aya dalil na so kyapangniyaon o Nabi a Musa a.s. a mailayanyan so Allah Sii sa dunyan na danyandn oto magaga obanyan mailay so Allah sabap ko di khailay so Allah sa dunya, datar anan a daskanyan mailay o Rasolollah sa Dunyan a ba personal.

5- So Ima'm IBNO TAYMIYYAH na tantonyan a pyamaawinga so mga taw a iphphanolagid iran so Allah sii ko mga kaadn iyan, datar o HISA'M IBNOL HAKAM go so mga pdyan, sa pyaka sakitanyan siran sa mga katharo sabap ko khiphkhagowadnyan sii ko AQEEDA iran a iphphanolagid iran so Allah sii ko kaadn iyan.

Gyanan langon na Mga Dalil anan sa di bnar oba so SHAIKHOL ISLAM IBNO TAYMIYYA na tyantonyan a sabap sangkanan a HADITH so sipat o Allah a MANGODA A DAA SOMPAIYAN, Aya mataan na sopaka anan o AQEEDA odi na PANARIMA O SHAIKHOL ISLAM IBNO TAYMIYYA r.t. .

> So taw a kabaya iyan a katokawn iyan phyapya i AQEEDA o SHAIKHOL ISLAM IBNO TAYMIYYA pantag sa gyanan a tagipn o RASOLOLLAH s.a.w. na batiyaa nyan a ngkai a dwaa kitab i angkanan a SHAIKH.

MAJMOO FATA'WA 3 /389 -394

BAYA'N TALBI'SIL JAHMIYYAH 7 / 150 - 390

BAYA'N TALBI'SIL JAHMIYYAH 7 / 197

So Kambatiyaa san o Muslim sa gyanan dwa kitab o SHAIKHOL ISLAM na phakarayagon a so SHAIKHOL ISLAM na myakapiranyan maaloy a so mga SALAF AL-SALIH go so mga ULAMA o mga AHLU SUNNAH na IJAMA SIRAN odi na MAOOPAKAT siran sa DI KHAILAY so ALLAH sii sa DONYA sa LIVE odi PERSONAL.

Na Sii Sa gyanan a Hadiths a phitharo iyan a pyaka correct a gyanan a mga IMA'M a myanga AALOY pdon so IMA'M O AHLU SUNNAH WAL JAMAA a so IMA'M AHMAD IBN HAMBAL na gyanan na TAGINPN sa knaba PERSONAL na sabap roo na knaba ANAN SIFAT O ALLAH S.W.

Na gyanan i PANARIMAON O SHAIKHOL ISLAM IBNO TAYMIYYA na go gyanan i panarima on o mga SALAF AL-SA'LIH ( SAHA'BA )na go so mga MOONOT na go tomotondg sii ko okit iran siran so mga SALAFIYYA.

وفّقني الله وإياكم

ANDA SO "ALLAH" KO DAPN SO LAWANGOWANTAMAN

------------------------------ 

1 - Anda matatago so Allah sii ko danyampn kaadna ko mga kaadn iyan ?

- Answer :

( عن أبي رزين العقيلي رضي الله عنه قال: أين كان ربنا تبارك وتعالى قبل أن يخلق السماوات والأرض؟ قال: كان في عماء، ما فوقه هواء وما تحته هواء، ثم خلق العرش ثم استوى عليه ) hasanon Sahi'h.

Meaning :

Miyaka phoon a ki Abi Rozain al-oqayli a myasoat so Allah sii rkanyan a phitharo iyan sii ko Rasolollah s.a.w. : Anda matatago so kadnan tano ko Onaan o danyampn kaadna sii ko mga langit na go so Lupa ?

Na phitharo o rasolollah s.a.w. : Sii skanyan Matatago sii ko phmbthowan sa IMA' ! aya kaporoanyan a HAWA " Ndo' " go aya kababaanyan na HAWA " Ndo' ", Oryanyan na Inadnyan so Arash na miphantaw sii ko liyawaw nyan.

----------------------------- 

2- Anda Matatago so Allah Amay ko Bangkitn o Allah so donya a Mabinasa so mga langit na go so mga Lupa ?

- Answer :

So Allah sii sangkanan a Masa na Sii skanyan sii ko Liyawaw o Arshyan, ka daa myakatharo dalil a marayag a correct a ba myakabatal sii ko kaphaphantawnyan sii ko liyaw o Arash.

Na so Arash na sii Matatago sii ko kababanyan so Sorga.

Phitharo o Rasolollah s.a.w. :

( وأعلى الجنة وفوقه عرش الرحمن ومنه تفجر أنهار الجنة ) Bokhari.

Meaning :

Go so Kaporoan O Sorga Na so Arash O Masalinggagaw "Allah" na go sii ko Arash na ron phphakapoon so kaphagondas o mga lawasaig sii ko Surga.

Note :

Gyanan i Smbag sii ko taw a Iphagizaiyan siirkitano a Ahlu sunnah o Anda matatago so Allah sii ko dapn kaadn o Arash goso mga langit.

Go Anda matatago so Allah sii ko Kabinasa o mga Langit !

وفقني الله و إيّاكم