- SO THITHO A GINAWAI " BEST FRIEND " -

.>> ------------------------------------  ------------------------------------ <<.

( THOTHOLAN KO DOWAKATAW A NGGINAWAI )

Adn a myapanothol a dwakataw a mlayok.

Gyangkoto a dwakataw na myakakhilalai siran sii ko kapanga iito irampn.

Na so malo iran a kaphphakala na tanto a phkhailot so diiran dii kangginawai.

Na myaoma so masa a so mga luks o isa sangkoto a dwakataw a mlayok na pagawa siran sangkoto a Ingd  ka salakaw a mbalingan iran a darpa.


Na gyangkoto a isa a wata a pagawa so mga luks iyan sangkoto a ingd na tanto a myarata a ginawanyan sabap sa khaawaanyan so layokyan a phkhababayaanyan. 


Na sabap ko skanyan na matag wata a daa banyan kapaar ko mga luksyan na siyongowanyan angkoto a BEST FRIEND iyan na myadosondn skanyan, sa pyanotholyanon a phakaawa siran sangkoto a ingd ka pagawa roo so mga luksyan.


Na so kyan-gawn angkoto a layokyan na aya minisambi sii ko kapipiya a ginawanyan na so kararata a ginawa,  ogaid na andamanyan na gyoto o okoran iran a makaphmblag siran a mlayok.


Na tig angkoto a isakiran a pagawa a imanto na myatangkd a makaphkhawatanatadn na badi khapakay a mbaalta sa kapasadanta ?

Na tig angkoto a isaon a Oway antonaa i phphasadaanta ?

Na tigyan a phasadata sa Oryan o 20 years, dwaopolo ragon na phthoonata.

Na tig angkoto a isa a Oway tanto anan ko mapya, na antonaa i miphkhilalaita ?

Na tigyan a Tomndota sanditarn a ayata Zolotn amay ko phthoonata,  Go tomndota sa darpa a ronta phthoona, go tndoon ta so Ragon Go Olanolan go Gawii.

( Na tindo irandn so Darpa a phthoona siranon Go tindo iran so nditarn a Zolotn o oman i isa kiran para makakhilalai siran na go Ragon go so Olanolan go so Gawii)

Na oman i isa kiran na ini morais iyan angkoto a kapasadan iran a pimbaalan iran a dwa.


Na sii ko kaphkhalanggay O masa na badn phphamagoman so kadali o oman i isakiran ko pdyan.


Na sii ko kyaoma angkoto a kapasadan a kaphthoona iran, na Gyangkoto a isakiran a da maka awa sangkoto a ingd a kyathoonaan iran na tanto a mababaya na go ma iexcited sa kailayanyandn sangkoto a ginawainyan, kagya skanyan na mya istidi sangkoto a darpa a kyangginawaaiyan iran na omanyan mailay so mga balintad a disiranon diithoona na katanodanyan angkoto a layokyan a phkhababayaan iyan.


Na somyongdn So Oman i isakiran sangkoto a darpa a phiphasadaan a ron siran phthoona.


Na kagiya ko maka kharaniya siran na Oman i isa na myailaynyan so pdyan, Na go myakilalanyan sonditarn a phiphasadaan iran a Zolotn o Oman i isakiran.


Na ttntangan o isakiran so pdyan na gyangkoto a isakiran na tantoron a maiilay so kikadaliinyan sangkoto a ginawainyan, na gyotopman a isawn na Normal sii ko bontalyan a gyangkoto a kyapaka pagilaya iran.

Na Tig angkoto a isa a inomangaday a lagid o tanto Normal " Cold " sa gyaya a layok akn a gyaya a kyailayanyan rakn ?


- Na phzmbagn iyambo sa ginawanyan a tigyan a ; Banda kagiya tanto a myathay so Masa a dakamidn makathoona , go madaklpn a Mizaga zagadon a Mga Sha'y ko sold o diyami kapakaphagilaya na gyananda i sabap a lagid o Normal rkanyan so kya ilayanyan rakn.


Na Oman i Isa na somyongdn sii o pdyan na Gyagsyan na gyangkoto a Isa na tanto ron a masisipat so kadaliyan sangkoto a layokyan, na gyoto a isa na diron oto maiilay.


Na da makatigr angkoto a isa na mini iza iyan sangkoto a layokyan a tigyan a ;

Gari Ino a Ipoon kagiya ko paganay tapn a makathoona na masisipat akn rka a tanto rka a Normal angkai a kyapagilayata !

Bakongka gari kyalipati, Go Dangabs kadaliin so pagaringka ?

Go ba adn gari a myanga oola ola a kyasabapan sa kyalipatingka rakn ?

- Sakn Gari na tanto akn ska a inikadali, na go tanto akn a maiinam a obabo khaomadn angkai a gawii a kakhailaya akn rka !


Na so kyan-ga roo angkoto a Isa wn na myakatolong skanyanmaka sa phphangatatak so Lo iyan .

Na myakagiraw a ;  Gari Soman so Layoka na Myawafat skanyan , na skami na malayok kami mambo.

Na inako kasipatanyan a ginawanyan na pyangni nyan rakn a obanyan rka di khitoman so kapasadanyo a phagilayakano sangkai a darpa na  sakn i tomomanon pra rkanyan.

Gari so Layok ka na dakanyandn kalipati na go tanto kanyan mambo a ikakadali na go maiinamyan mambo a mawmadn angkai a gawii a kaphathoona iyo, ogaid na Okoran o Allah a daron skanyan sampayn. 

Na gyaya a imanto na initoman akn para rkanyan so kapasadanyo a dwa.

Na so kyan-ga roo angkoto a LAYOK angkot MYAWAFAT na myaka tolong mambo skanyan na sarta a myaka goraok na myagksyan angkoto a ISA a MANGODA sa tanto tanto dn a myarata a ginawanyan.



----------------------


Gyanan i Bontal o kangginawai sii sa Donyan a dadn a banyan ikhatatap, Apyapn i kala a kaphkhababayai o oman i isa  sii ko ginawainyan na makaphnggnata sirambo sa mathay magaan.


Ayabo a Kangginawai na go kaplayok a khatatap na so kaplayok a sii diinggolalan sii ko ISLAM, sii ko Kalk sii ko Allah na go sanggila sii ko mga lalanganyan.


Phitharo O Allah sii sa Qur'an :

( الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ ) Zokhrof 67

Meaning :

So Mlayo layok sa donya sii sangkoto a Gawii a kaphangokom o Allah na so sabaadn kiran na ridoaynyan o sabagi,  Inontabo so Myamananggila na go Khikhaalkn sii ko Allah, ka khatatap na go khalalayon so diiran dii kangginawai sa taman sii sangkto a masa.




Phitharo o Rasolollah s.a.w. sa Hadits Qudsiy :

(  يَقُولُ اللَّهُ عَزَّ وَجَلَّ يَوْمَ الْقِيَامَةِ : " أَيْنَ الْمُتَحَابُّونَ بِجَلالِي ؟ الْيَوْمُ أُظِلُّهُمْ فِي ظِلِّي يَوْمَ لا ظِلَّ إِلا ظِلِّي ) Muslim.

Meaning :

Phtharoon O Allah sii sa alongan a Qiya'ma a ; Anda so mga taw a mingginawai siran pantag ko sla sla rakn ?

Imanto na phaka sirongn akn siran sii ko siron sironga akn,  Gawii aya a dadn a khasirongan inontabo so siron sironga akn.




Gyanan i kapya na go kibibida o mga taw a sii mingginawai sii ko Islam, a khatatap na go khalalayon so diiran kanggiginawai taman sa alongan a mawri.



الّلهمّ اجعلنا من المتحابّين بجلالك يا ربّ العالمين

0 - SO GAGAW O INA KO WATAIYAN - 0

> ---------------------------------- <  > ------------------------------------ <

Adn a Myapanothol a Sakataw a Bae a Balo ( Myawafat si Karomanyan ) na adn a wata iyan a sakataw a Mama.

Gyangkoto a Wataiyan na Tanto a malai pangarap sa ginawanyan.

Na sabap sangkoto a Antapyan sa andamanay i kakowaanyan sii ko pangarapyan na dinisisiyonanyan a ginawanyan sa ngganat skanyan sangkoto a darpa a katatagoan kiran ki Inaiyan.

Gyangkoto a Ina angkoto a Mangoda na Myakatoadn skanyan.

Sabap roo na dinyan khatigran angkoto a Wataiyan, na go tantonyan a makhakailangan ko kipagpdaan iyanon sabap sa daa banyan karoma.

Ogaid na gyangkoto a Wata na Sabap sangkoto a pangarapyan a kakowanyan a Mapya na dinyan so katharo i Inaiyan.

Na initangkdyandn a zong skanyan sangkoto a darpa a mapipikiriyan a ronyan phnggalbka so katomananyan ko langon o mga pangarapyan.

Na Phagakolandn skanyan i Inaiyan na danyandn kaaloli na lomyalakawdn.

Na tanto tandodn a myakamboko si Inaiyan.

Na sii sangkoto a kyapaka omanyan sangkoto a syongowanyan a darpa, na diron dii zorat si Inaiyan ka Iphangingizaan iyanon o ino mapipiya sknyandn sangkoto a kyaomaanyan a darpa ?

Na aya masakiton sa Ginawa na dinyandn zmbagn so mga Soraton i Inaiyan.

Sabap roo na myaka oman oto ko tanto a kararata a ginawa angkoto a Inaiyan.

Na Aya miyapikir i Ina iyan na mosar sa Katharo a khazmbagon o wata iyan so Soratyan ka tantonyandn a iphakhadali dali.

Na apya soratbo a mailaynyan a makapopoon sangkoto a Wata iyan na iphakapyadn oto a ginawanyan.

Na Mizorat skanyan sa aya phitharo iyan sangkoto a Soratyan na tigyan a :

Watakolay na Imanto na Adn a Minibagak rakn o Bapa aka a tamok a na go mablang a Lupa na myakala ako imanto i tamok.

Na ba adn a kailangan ka na tharo angka rakmbo ka anakn rka mibgay ?

Na so kyabatiyaa roo angkoto a wata iyan na magaan so magaan na mya ka smbag skanyan, sabap sangkoto a myabatiya iyan a adn a tamok i inaiyan.

Na tanto a myaka pya a ginawa angkoto a Inaiyan sii ko kyailyanyan ko Sorat o Wataiyan.

Na myalalayon angkoto a mga Sorat angkoto a wata sii ki Inaiyan, ka oman pito gawii na maka oma angkoto a Sorat, na tantodn mambo a phkhababaya angkoto a Inaiyan oman makabatya sa Sorat o Wataiyan.

Na Oryan o da mathay a Masa na dii Zorat angkoto a Wata sii ki Inaiyan na didn khazmbag i Inaiyan, taman sa minisampay sa tlo olan na dadn a myasmbagyan sii ko Sorat angkoto a Wata.

Na aya pinggola ola angkoto a Wata na Myaling skanyan ka An personal a kapaka kowanyan sa Pirak ki Inaiyan.

Na so kyapaka Omanyan sii sa Walay iran, na salakaw sa Ginawanyan a knba si Inaiyan i Mababaling sii ko Walay iran ka salakaw a taw.

Na tig angkoto a Mangoda a Inokasii maka babaling andaskanyan so Luks a Babay a mababaling saya ?

Na tig angkoto a Mama a myapamasa angkn angkai a Walay ka phiphasa rakn angkoto a luks sa babay ko myaka piradn aya Olan.

Na Tig Angkoto a mgangoda a , Ah! na anda skanyan babaling samanan ka ina akn man oto?

Na tig angkoto a Mama a inakoman ko phazaanyan rakn a Walay aya na phkhasakit skanyan na myawa skanyan saya na dadn a matatangkd a walaynyan ka sadn a phkhagagawiinanon na rondn phphakatorog.

Na diyamidn katawan o antonaa i inikidianyan ko Arga angkai a Walay, o Antonaa i inikidianyanon ?

Na dabo mathay na Myatay skanyan !

Na so Kyan-gawn angkoto a Mangoda na myaka goraok skanyan, sa myapikiryan a gyoto a inipamakawityanon na gyoto so Arga angkoto a Walay iran, na go myawafat si Inaiyan na tanto a maka dadapanas.

-------

Phitharo O Rasolollah s.a.w. :

( رغِم أنفه، رغم أنفه، رغم أنفه، قيل من يا رسول الله؟ قال : من أدرك والديه عند الكبر أحدهما أو كلاهما ثم لم يدخل الجنة ) muslim.

Meaning :

Izandn a kyawis wisan so taw a ryaotyan so mbala a luksyan a myamaka toa sirandn na dadn maka sold sa Surga a misabap kiran a dowa.

Aya sabap anan na So kaphya pyai sii kombala a Luks na khisabapon so kasosoat o Allah na so kasoat o Allah ko Oripnyan na gyoto i kakhaparoliyanyan sii ko Surga o Allah.

Datar o Katharo o Rasolollah s.a.w. :

( رضى الرب في رضى الوالد و سخط الرب في سخط الوالد ) Tirmizi.

Meaning :

So kasosoat o Kadnan na sii mapapadalm ko kasosoat Ombala a luks , na go so rarangit o Allah na sii misasangkot sii ko rarangit Ombala a Luks.

Apyapn aya Luks o Taw na ka'fer na di khapakay obanyan diindolonaan sa lagid o ba ayanyan wata na so luksyan. 

Mataan a so di kaphagadati o Taw sii ko Luksyan na Hara'm Hara'm Hara'm.

Opamaka ba aya izogo rka o Luks ka na so kambaradusa na dingka skanyan pagonotan sangkoto a sogoanyan ogaid na sii ko okit a mainank i diiron khasakitan o okit a ka gyoto i matao sa Ongang a taw,.

Inopman oto di khaonoti so sogoanyan ko kambaradusa kagiya so kabnar o Allah na aya taralbi a di so kabnar o mblaa luks.

( لاطاعة لمخلوق في معصية الخالق ) Tirmizi.

Meaning :

Da aba kakhapakay a kaonoti sii ko kaadn igira a aya kaphndonsyanan na so myangadn.

Na o siikanyan Sogoa sii ko Mapya na Wa'jib rka so kaonotingkawn a gyanan i maan a gyanan a Hadits na odingka skanyan roo onoti na sabnar a myadusa ka sii ko Allah .



وفّقنا الله جميعا لما هو صلاح لنا في الدّارين

MBIDAAN O BALAS O KAPAMAKIN-G GO SO KABATYA SA QUR'AN ?

Nishreen Iyad Pascan Jalil  :

Pakaiza ?

Assalamo alaykom....pakaiza akun ko mga pagari saya a mga ustads ustadja...antonay bidaan odi na balas o phamakinug ka baden sa Phembatiya sa QUR-AN ago so ska i pumbatiya ko QUR-AN...paki explain pls ?

------

Muhd Rayyan Hakem Alykm slm w w.

Smbag :

Nishreen Iyad Pascan Jalil 

Mapya a paka iza.

So KABATYA sa QUR'AN ago so KAPAMAKIN-G sa QUR'AN na mbidaanan i BALAS.

So kabatya sa Qur'an na tanto a madakl so mya Aloy sa Hadits a kalbihanyan, pdon angki a Hadits o Rasolollah s.a.w. a :

( مَنْ قَرَأ حَرْفاً مِنْ كِتَابِ اللهِ فَلَهُ حَسَنَةٌ ، وَالحَسَنَةُ بِعَشْرِ أمْثَالِهَا ) tirmizi.

Meaning :

Sadn sa taw a mabatya iyan so satiman a litter sii ko kitab o Allah na bagianyan so satiman a mapya, na gyangkoto a satiman a mapya na thakpn oto sa maka sapolo a mga pipiya.

Sopman so kapamamakinig sa Qur'an a phmbatiyaan na Isamambo oto ka mapya, balabawron opama ko phzabotangka so meaningyan ka phphka ogop sii o dii kangda gdaa sii ko mga kyapangdn o ALlah a go so mga Limoiyan.

So Rasolollah s.a.w. na renequest iyan ko Abdullah ibn Mas-od a batyaanyaon so Qur'an ka phamamakin-gnyanon.

Go so Allah na Aya isosogo iyan na igira Mbatiyaan so Qur'an na Wajib so kapamamakin-gaon na go so karrnk ka di kalo kalo na kasabapan oto sa kaparoliya iran sii ko limo o Allah.

( وإذا قرأ القرآن فاستمعوا له وأنصتوا لعلكم ترحمون ) suratol a'raf 204.

Meaning :

Go igira a byatiya so Qur'an na pamamakin-g kano na go rnk kano ka kalokalo na ikalimo kano o Allah.

---

Aya kapantk o smbag na :

So kapamamakin-ga sii ko kaphmbatiyaa sii ko Qur'an na Isakanyan ko mga pipiya sii ko mga Galbk o Muslim na go knaba bnar oba da a kipantagyan, Ogaid na mas mala i balas na go mas taralbi so skadn i phmbatiyaon.

SO KABNAR O BABAY KO KAROMANYAN A MAMA KO KAPAKANDITARAON

Hamed H Amen :

go tunae dusa o mama gira ada sa walay so karuma nyan ka sii matatago ko luks iyan na aya nyan mambo di kapamamasaan sa gamit para sa ginawa nyan? so mama I phamasa a sarili nyan a gmit na daa rkun o karuma nyan a babae...pangninta mibgay nyu rakn so mga kabnar o bae sii ko datu. ? salamat.

-------

Muhd Rayyan Hakem Slm alykm w w.

Smbag :

Gyangkai a pakaiza aka pagariko na mapya inin a paka iza.

So MAMA na aya isa a kabnaron o KAROMANYAN a BABAY na so KHIPHPHAMAMASAANYANON SANDITARN IYAN sa diyangka a khagaganyan a so kalalayaman sii ko ingdyan.

So aya marayag sa gyanan a katharo a pagaritano na gyangkoto a mama na ayabo a iphmasanyan sa NDITARN na gyaya a GINAWANYAN.

Na gyanan na KAPLALALIM ANAN A MARAYAG, sabnar a phlalimnyan si KAROMANYAN.

Maana HARA'M sii ko KAROMA a MAMA obanyan anan DIINGGOLA OLAA.

phitharo o Allah sa qur'an :

( وعلى المولود له رزقهن وكسوتهن بالمعروف ) Baqara 233.

Tafser o ayat :

Go Wajib sii ko Datu a a kanggastowinyan sii ko Bae a karomanyan Na go so kaphkhowanyanon sa nditarnyan a so kalalayaman sii ko Masanyan, di makadadapanas na dipan kapagisraf.

SABAP O KYALATE O KINIKOBORN KO RASOLOLLAH S.A.W.

Wasema Mohaymen :

Pakaiza ?

assalamu alaykom*^_^*
mga pagariya
pakaisu akn enu so nabi taNO na kaiko matay na ba mya extain so kinilubungun run?

balasang kano o allah:)

-----

Smbag :

Muhd Rayyan Hakem Alykm slm w w.

Oway Mya extain :

Myawafat skanyan a Alongan a Isnin, na aya kinkobornon na gagawii ko Alongan a Arbaa.

Aya paka iza na antonaa i sabap :

Aya sabap na myaka pagalanga so dwa a palaya isosogo o Rasolollah s.a.w. :

1- So kanggagaani ko kikoborn ko myawafat.

2- So katndoa ko Khaleefa o Rasolollah s.a.w.

Na pyaka phn-da angkanan a dwa a palaya Wa'jb, na Aya myapayag na Mas Kailangan a Matndo daan so Khabaloy a Khaleefa o Rasollah s.a.w. sabap ko kisasangkoton o kalilintad o ingd na go so katatanor o langowan taman sii ko pagtaw.

Na sii sangkoto a Gawii a Isnin na myatndo roo a aya Khaleefa na so ABU BAKR r.a.

Na sii ko Alongan a Salasa na Piroklem o kadadandan o mga Muslim sii sa Masjid.

Then Syongowan iran so Rasolollah s.a.w. na Tyaz-hej iran na go Phizambayang iran sa kangga sakataw.

Na sii ko kyapasadaon Zambayang o langon o Mama Babay Wata sii ko mga Sahabanyan na gagawii sii ko Alongan a Arbaa na gyoto ka Inikobor iran so Rasolollah s.a.w.

Knaba aya sabap a kya late o kinikoborn ko Rasolollah s.a.w. Ba sabap sa kapamagagaw sa kadatu odi na Babaya sa Kadatu sa datar o diiron khatharoa o mga Shia.

Ka aya mataan na ininggolalan so SOGOAN o Rasolollah a tanto a Map-nd a gyoto so katharo sa Khaleefanyan a thanor sii ko Ingd na go sii ko pagtaw.

A gyanan na Myaopakaton so langon o mga Ulama a mga Muslim Ipoon sii ko mga Saha'ba sa kawawajibyan.

So mga Sahaba na siran i pinili o Allah a mga Bolayoka o Rasolollah a Tomiyabangon sa marayag na go masold, sii ko langowan a mga galbkyan, na go tomiyarima sii ko langowan a mga pandoanyan sa daa baon kapamimili, na go daa baon kapanobra.

Siran i thitho a somyabot sii ko Islam ka sii irandn myasagb sii ko ngari o Rasolollah so langowan a mga ndawaan.

Hara'm so kapamagantaa kiran na go so kaphagaloya kiran sa marata sabap ko so Allah na inibanaynyan so kyasoatyan kiran na go so kababaloy iran a aya pirmiro a pagtaw sii ko kitabyan a Maporo a so Qur'an al-careem.

Gyanan i Panarima o Ahlu sunna pantag sii ko mga Saha'ba.

..............

SO KOKOMAN KIPANGALIMOON KO PANOGANANGAN ?

Pakaiza :

Hamed H Amen :

asalamu alaykom, pakaiza akn mga pagare ko, enu so karumae inu, khapakay a pakambidaan nyan so gagaw nyan ko luks o marumaniyan go sii ko luks iyan? =sample na ayabo a bganyan na so luks familya nyan na so luks o karumanyan na di, tunae mga dapt a zabotn a dusa o kapakambidaan ko gagaw sa luks?

------

Smbag

Muhd Rayyan Hakem :

Alykm slm w w. Hamed H Amen

So kabnar ombala a Luks o dwa kataw a kharomi a mama a go babay na mbida.

So Luks a babay o Mama na mas malarkanyan i kabnar a diso karomanyan.

Na so karoma a mama na mas malai kabnar ko babay a di so mga luskusyan.

Samawto na so kaphphaya pyai o mama ko Luksyan a Babay na go so mama na khalawanyan ko kaphiphiya pya inyan ki karomanyan.

Di khapakay sii ko mama obanyan mazambi so mga luksyan ki karomanyana babay.

Ogaid na so Babay na Ayaon malai kabnar si karomanyan a di so mga luksyan.

Tanodan a gyangkanan a mya aloy na knaba aya maana nyan na di phphiyapyaan o Mama so karomanyan a babay ka di ribat oto.

So Islam na inisogo iyan ko Mama A Muslim so kaphya pya inyan ki karomanyan a babay sa sadn sa diyangka a khagaganyan.

Phitharo o Rasolollah s.a.w. :

( أكمل المؤمنين إيماناً أحسنهم خلقاً، وخياركم خياركم لنسائهم خلقاً ) Tirmizi.

Meaning :

Aya pinaka completo ko mga Mu'men i paratiyaya na so mga pipiya kiran i Adat na go parangay,

Na go aya mga piramiro sii rkano a mga Mama na so mga pipiya rkano i Adat na go parangay sii ko mga karoma iran.

-----

Sopman so pka iza ka a ino So dii kapaka dii kapakambidaa o MAMA ko pangalimoonanyan siiko luksyan a phyor a go so mga luks o karomanyan - mga panogangayan - baskanya roo phkha dusa ?

Datar mambo so ibarat o babay ino bamambo khadusa ?

Smbag :

Kailangan na mabtya a daan a gyanan a osayan sa puro aka an kasaboti so mbidaa sa kabnar o luks o mama sii rkanyan na go so kabnar i karomanyan ko mbidaan iran.

Gyanan pman a paka iza na Daa sangkaan sa o paka onaanyan sa pangalimoan so phyor iyan mga luks na daa dusanyanon.

Ogaid na so kakhacompleto o kapya o dii kapakandodolona na tanto a mapya i bontal opama ka so mama na dinyan mapakambida sa pangalimoan so mga luksyan na go so mga panoganganyan sii ko kapayagyan sii kiran.

Na o adn a pangalimoonayan ko mga Luksyan a milalawan sii ko mga panoganyanyan na thomo so kasisikritowanyanon ka para daa phkha adn a mga rata a ginawa.

Kagiya so KAROMA a babay na kharata a ginawnyan o mailaynyan a romaramig so pangalimoanka a mama sii ko mga luks ka dingka mapaka thithimbang siran a go so mga panoganganka.

Sopman so Dusa ko kapaka onaa ko thitho a luks na daa dusa on.

Aya dusa na o ayangka paka onaa na so mga panoganganka a adi so phyor ka a mga luks.

Kailangan so Balance a kapanimbanga ko mga luks na go so mga panogangan.

SO KALIGT NA IKHABINASA O TAMOK

 ----------------------------------<@>----------------------------------- 


> THOTHOL :

Adn a Sakataw a mama a Sa'lih a pd ko mga Ahlul kita'b a tag a ingd a Yamen, ko dapn kapaka talingoma o Rasolollah s.a.w. a adn a Asindanyan a langowantaman a Onga a sapad na matatagoon.

Na aya Olawlanyan na Oman i Onga o mga pamomolanyan a imbalingyan na dinyandn izold sii sa Walay taman sa dinyan mabagi sa tlo bagi ;

So sabagi on na iphmbgaynyan sii ko mga Pobri.

So sabagi on na para sii ko familynyan.

So sabagi on na diinyan dii pamolaan pharoman.

Na sabap sangkoto a kasakawnyan na go kapyanyan i Adat na pyakambarakat o Allah sii ko Familiyanyan na go sii ko tamokyan maana sinyap o Allah so familynyan na go pyagomano manan o Allah so Tamokyan.

Na Sii ko kyawafat angkoto a Mama a Sa'lih na minibagakyan so mga wataiyan a limakataw 

Na sii sangkoto a ragon a kyawafatyan na tanto mambo a myonga sa mala so mga pamomolanyan.

Na so kya ilaya roo o 4 kataw ko mga Wata iyan na Kyatagoan siran sa kaligt na go n-nga.

Na Tig o mga kakairan a si aki si Amatano na Daa lalagyan odi na phakha lalo lalong !

Inonyan dii kapam-gi na go pangalimoon a mga Pobri aya a di phamakakan ?

Sktano aki na Phapasada tano aki sa ditano iphamm-gay so maytobo sa minibagak rktano aya i Ama tano.

Na tig o pagari iran a Look a mga pagari ko na ayatano aki sowan na so Olawla i Amatano a phmbagiin tano sa tlo bagi ;

So sabagion na para sii ko mga Pobri, Na so sabagion na rktano, Na so sabagion na Phamolaan tano mambo.

Na syangka iran angkoto a kabaya a pagari iran a khiphangalimoon sii ko mga Pobri,

Na bininasa kiran O Allah angkoto a tamok iran sa dadn a bairanon myanggona.




> IKADWA A THOTHOL :

Sakataw a Bae a Maginawa na go malimo na sarta a Malai paratiyaya sii ko Allah, Gyangkoto a Bae na tag sii sa Ingd Sha'm,

Gyangkoto a Bae na Adn a pamomolanyan a LEMON odi na CITRUS a tanto a bariyongaan,

Na gyangkoto a Bae na Oman i Somagadon a phamangniron na phmbganyan sa dadn a baron matatago a kaligt,

Na badn Mambo dii pagomarg so kalai kaonga angkoto a mga pamomolanyan,

Na kahanda o Allah a myawafat angkoto a Bae,

Na sii ko kyawafatiyan na aya myaka baling sangkoto walay nyan na so Wata iyan a Mama ago so karoma angkoto a Wata iyan,

Na myaka omapman a sakataw sii ko mga somasagad sangkoto a Walay angkoto a Bae na tyotokyan angkot a walay o Bae ka phamangni sangkoto a Onga o pamomolanyan na ayaon myaka lka na gyoto a Myaka mongon a babay a karoma o wata iyan.

na so kyailaya o babay sangkoto a myanonotok a phamangnibs sii ko onga a pamomolan na byogawnyan na sadnyanondn bgi,

Na sabap sangkoto a pinggola ola a angkoto a babay a kinipligtnyan sangkoto a Onga a pamomolan na myalayondn angkoto a mga pamamolan na sarta a myabinasadn skanyan.

- Gyanan i Onga o Kaligt a khabinsanyan so tamok na go khapakay a mirakzopmn so khatamokon.

---

Na so malantas i pamimikiran a Datu Na go Bae na andadn i kabatiyaanyan saya na khakowaanyan sa thoma, na go guna para sa ginawanyan na go para sii ko familiyanyan.



وفّقنا الله جميعا لما هو خير