" KOKOMAN O KANGGRAR SII KO DII KANDATU NA DII KAMBAE SA RANAW "

Pakaiza e Layok A. Khasarigan :

assalamolaikom warahmatullahi wabarakatoho...

mga guro ami aden a ini ampit raken a pakaiza. aya pakaiza na ini tapelek tano so maulid en nabi ka da sowaa o rasul ago da niyan pen sogoon. ino so kandato ago kambai a labi na datano geneki? ba ino sogo o rasul so kambai a labi ago ka solotan? ino baaden a mga rajamuda iyan ago mga porti maamor iyan isako masa iran? malo niyo rekami liwanagi mga guro ami. sanggibo salamat.

------

Smbag :

Wa Alykm slm w w.

Paganayron na kailangan a makaliwanag nan phyapya a gyanan a pakaiza.

Gyangkanan a pagari tano na ini kyasiyan so di kakhapkay o KANDATO ko di khakhapakay o KACELEBRAT ko kinimbawataan ko nabi s.a.w.

Na gyanan i phmbthowan sa KYA'S MAA'L FA'RIK. maana myapaka plagid so mbida.

dalil :

1- So kapmawlidan nabi odi na KACELEBRAT ko kinimbawataan ko nabi s.a.w. na aya kapipikirawn o diiron nggalbk na SIMBA SKANYAN a mbalasanon o diinyan galbka.

Na so gyoto i kyabaloynayan a BID'A kagya so SIMBA NA KAILANGAN A MAKAPHAPASOD SA DALIL.

Na daa dalil sa kakhapakaynyan.

Sopaman so kandato na knaba pipikira o mga Luks tano o ba skanyan SIMBA ka matag pd sii ko mga ADAT o mga MRANAW.

So samanan na myaka rayag a mbida anan sa kokoman sii ko Islam ka mbida so Illa odi na ongangn sii ko kyanggolaolaawn.

_ Na di khapakay a balowin a aya dalil sa di kakhapakay o KANDATO na so di kakhapakay o kapmawlidan nabi.

------

Sopman so Ino so gyanan a dii KAPANOLOT SA GRAR PARA KO KANDATO na ino khapakay anan antawaa ka di ??

--

Smbag :

Gyanan na ADAT o mga mranaw .

Na aya SANDIGA o sharia na so katharo o mga OSOLIEEN na : 

( الأصل في عاداتنا الإباحة ما لم يأت صارف الإباحة ).

Maana : aya paka asal na so mga ADAT O MGA TAW NA KHAPAKAY INONTABO O ADN A MAKAOMA A DALIL A MAALINYAN SO KAPAPAKAYNYAN SII KO ISLAM.

Ogaid na pagilain a gyangkanan a ADAT mya aloy.

- Ino daa myasopakyan sii ko mga lalangan o Islam, antawaa ka adn ?

Na opama ka adn na kailangan na khakowaon angkoto a myaka sopakon sii ko Islam.

Kagya aya MAPAKHALABI O MUSLIM na so sogoan o Allah adi so pimbaalan a adat o pagtaw.

Na ilain tano so mga gra'r o adn a phakasopakon sii ko Islam antawaa ka da.

Na go so diiron kinggolalann na ino adn a diron khapakay antawaa ka da?

Go antonaa i odas o kapakasolot sa gra'r, daa khasogokyan a lalangan antawaa ka da ?

RASARASAM KO KOTIKA :

- So mga grar a phzolotn o mga MRANAW na adn a makasosopako sii ko islam. 

Maana : mga grar a siibo mapapatot sii ko Allah.

exmple : SANGKOPAN. SIMBAN. " simbaan ". PANGADAPN. ect. a mga gra'r a sii bo mapapatot sii ko Allah na HARA'M ANAN OBA DII GRARA.

gyanan i phmbthowan sa AQEEDAH sa ( حمى التوحيد ). a wajib so kasiyapaon oba bdn phkhasogok kagya gyangkanan a mga da a khapatotanon a nggra'r ononta so Allah.

- So dii kazolotan na dii makazaog so mama babay na gyoto na di khapakay ka IKHATILA'T na HARA'M oto a kailangan a kapananggilaan na go o zolot so oman i isa sa gra'r na maka phzibaya so mama ago babay ko darpa.

Madakl so mga dalil sa kahaharam o Ikhtila't.

Isa a katharo o Allah na :

{ وإذا سألتموهن متاعاً فاسألوهن من وراء حجاب ذلكم أطهر لقلوبكم وقلوبهن} الأحزاب 53.

Maana : Igira a inizaanyo siran pantag siiko mga kasibisibiyan, na izaanyo siran sii ko thalikhodan o rnding, ka gyanan i mas lbi a soti sii ko mga puso iyo na go sii ko mga puso iran.

Goso Rasolollah s.a.w. na pyakarayagyan a aya Makallbi a saap o mga bae na sii ko oryan o mga datu igira minjama siran sii sa masjid, ka an di phkha adn so kazaog.

Go igira a mizambayang so nabi s.a.w. na di pliyo sa masjid taman sa dinyan mikarang a myaiposdn so mga bae ka an di phkha adn so dii kapaka zaog.

- So kasolot sa Gra'r na mapapadalmon so katatakabor go kapangimporoan, na gyanan na Hara'm anan.

Phitharo o Allah :

( وَلا تُصَعِّرْ خَدَّكَ لِلنَّاسِ وَلا تَمْشِ فِي الأَرْضِ مَرَحًا إِنَّ اللَّهَ لا يُحِبُّ كُلَّ مُخْتَالٍ فَخُورٍ ) sorato luqma'n 18.

Maana : Dingka phangangarign ko mga taw so katakabor, go dika plalakaw ko lopa a mangingiporan ka sa kapaki ila ilayn, ka mataan a so Allah na dinyan khababayaan so Oman i taw a ambog a takabor a masalibantog.

- So dii kanggra'r o mga taw na phkhasabapan oto igira sa ayabo di kaphthatapiay sa bantogan, na go dii kapamagindiga sa kalai bangsa.

Na gyanan so isa ko mga Olawla o mga Ja'hiliyah a ayabo a phmbantogn na so familya o taw na go ayabo mala a familiya sii ko kaiilayanyanon na langon maka sosondong so mga pd a taw ko kapipikira iranon.

Na dipn anan khapakay ka isa anan sii ko inisapar o Nabi s.a.w. sii ko mga Ommatyan.

gyanan i isa phmbthowan sa ( دعاوى جاهلية ).

A phkhasabapan ko di kaphamagoyon go dii kapaka pmamaratabata o mga taw, kagiya ayabo a pipikirnyan a mapya na so familinyan na so salakawron na marata a mga taw.

So Opama ka gyanan a myanga aaloy na khada sii ko dii kandatu o mga mranaw na go diiran dii kapanolot sa mga gra'r na daa katawan akn a ba di kakhapakay o kandatu.

Ogaid na tanto anan a margn oba di phka adn.

Dipaman maptharo oba bid'a ka knba simba a kapipikirawn o diiron galbk, na so bid'a na sii ko matatago sii ko mga simba.

Wassla'm.

" INO PHAKABATAL KO ABDAS SO KAZKHAA O BABAY KO MAMA "

Pakaiza e Fharhana Ongca Bolo :

Assalamo alaykom..

mga guro ami kataya so pakaoza ami .." INO IGIRA MAKAPAGA ABDAS TA ADITA DIN DUTY SA HOSPITAL ODI NASA CLINIC ORIYANYAN N ANA PASENTE TA A MAMA A.PAG INJECTION NAN SA PITOT INO BA MIYABATAL SO ABDAS TA ANTAKA DA ??

DADARAANAMI SO ZUMBAGIYO A MGA GURO AMI.

----

Smbag :

Wa Alykm slm w w.

Maaf, o ditano lalayon phphka online sa gyaya a mga time imanto, kagiya Insha'allah na this comming week na last final exam ami sya sa ISLAMIC UNIVERSITY IN MADINAH.

Gyanan pman a paka iza aka babayakn na kataya so smbag anan.

" INO IGIRA MAKAPAGA ABDAS TA ADITA DIN DUTY SA HOSPITAL ODI NASA CLINIC ORIYANYAN N ANA PASENTE TA A MAMA A.PAG INJECTION NAN SA PITOT INO BA MIYABATAL SO ABDAS TA ANTAKA DA. ??

-----

Smbag :

So mga Ulamah O Ahlu sunna wal jamaa na tlo a marayag a katharo iran san.

1- phakabatal skanyan, maana ; opama ka kakapti o babay so lawas o mama odi na kakaptan o mama so lawas o babay na myabatal so Abdasyan.

Aya dalil na so katharo o Allah : 

( {أو لامستم النساء} ) suratol ma'idah 6.

Maana : Odi na kakaptanyo so babay na myabatal so abdasyo. 

Sii anan sii ko babay ago so mama a palaya khabatal so abdasiran.

2- ayabo a khabatalan na so Zomikho sii ko isa, Opama ka aya somikho sii ko mama na so babay a maka pag abdas na kyabatalan so babay.

Odi na aya zomikho sii ko babay na so mama a maka pag abdas na kyabatalan so mama.

Maana : phkhabatalan so phzkho na di khabatalan so phzkhoon.

Aya dalil na myakaisa na So A'ishah r.a. na myakanaw na myagdamyan a kanabaon makarrmbang so nabi s.a.w. na phyangilobaiyan, na ayanyan mayazkho na so phalo o nabi s.a.w. a masa a SUMOSOJOD na myan-gyan a dii ndowaa so Nabi s.a.w. na go myagdamyan a sumosojod.

Na dadn mbakas so nabi s.a.w. apyapn skanyan myazkho o A'isha r.a. 

So karina anan sa ayabo a phkhabatalan na so PHZKHO na so PHZKHOON na di khabatalan.

3- di phakabatal so kazkhoa o mama sii ko babay, odi na kazkhoa o babay sii ko mama apyapn oonotan a maito a babaya asar ka daa lomiyo.

Gyanan i Mabagr a tindg o mga Ulamah.

Aya dalil na so nabi s.a.w. na phagarkankanyan so isa sii ko mga darodopa iyan a maka pagaabdas skanyan na dii zambayang a dadn pag abdas pharoman.

Smbag anan sii ko ikadowa thindg a phkhabatalangkon so phzkho na di khabatalan so phzkhoon. na daa sangkaan a igira a inarkan o nabi s.a.w. so isa ko mga karomanyan na skanyan i myakazkhoon, na inoto da kabatali opama ka ba batal ko abdas.

Sopman so dalil o mithindg sii ko paganay a tindg a langon sirandn khabatalan, maana gyangkai a Ayat a :

( {أو لامستم النساء} ) suratol ma'idah 6.

Maana : Odi na kakaptanyo so babay na myabatal so abdasyo. 

Na aya mapipikir san na so kazkoa o babay ko mama odi na kazkhoa o mama ko babay na adn a lominyo a shay sa minggolalan sa babaya na gyoto i myakabatalon.

Ikadowa na aya mapipikir sa A'yat anan na so kambabangona sa walay o dowa a ndarodopa.

Gyanan i raramigan tano a mabagr a tindg sabap ko kabagr na ko kaliwanag o mga dalilyan na go maka aayon phyapya sii ko pamikiran.

Wallahu A'lam.

♥ SO LABOR A MIMBALOY A KHALI'FAH O MGA MUSLIM ♥

- Totolan sii ko AL-MANSO'R IBN MA'LIK or IBN ABI A'MER R.T. -

Si Al-Manso'r Ibn Ma'lik na sakanyan na kha'lifah o mga Muslim sii sa andalos i sa ingd a span.

Isa a myapanothol na gyangkai datu na dadn a banyan kakhomandaran a kathidawa sii ko sii ko dii khizmpangn sii ko mga cristian oba skanyanon tyaban.

Go skanyan i myaka gaga sa kathikna phyapya o dii kapagngd o mga Muslim sii ko Oryan o katatabadawn a kalobay ko kaphkhakolapsyandn ko oryano TA'RIQ BIN ZIYA'D r.a. .

Na so kyadatu iyan na myapaka thikna iyan so Ingd na go myapgsyan so langon a miiraton sa padang sa kaconquer iran sa ingd anan o mga Muslim sangkoto a Masa.

-----

Kataya so thotholan sa gyangangkanan a datu o mga Muslim a kadadayoan ko kawaraw na go so kapya i kandatu.

_ Gyangangkanan a Mama na aya paka asalyan na LABOR A PARORORAN SA MGA AWID SII KO HIMARYAN " حمّار ".

Na myaka isa alongan na pamomolowan a diinyan dii inggalbk sangkoto a galbkiran a KAPRORAN SA MGA SHA'Y na adn a tlo dowakataw a mga mama a mga dataryan sa galbk, na domdhkhasiran sii sangkoto a atag a kayo na lalangkown o AL-MANSO'R IBN MA'LIK angkoto a PALASIYO o khali'fah.

Na tig o AL-MANSO'R IBN MA'LIK sii sangkoto a isa sa pdyan a ; Opama gari a mabaloyako a kha'lifah "datu" O mga Muslim na antonaa i kabayaa aka a phangniin ka rakn ?

Na kattntangan ankoto a mama so AL-MANSOR BIN MA'LIK.

So tigtano a phphagiraw si Akioto a ; izanari si Aki inin ko pyaka mmsa o pangarap, ti phigilainyandn a midodogayas kami a atin sa dii ami dii KAPANGAWID sa mga awid a mga taw ka daa khakan o daa kaawidan, na badnai phmbaloy a khalifah.

Na tigyan ko AL-MANSOR IBN MA'LIK a ggnokakon ari, diingkasii sasadingn i kadatu a, dingkarakn anan phaloya a mga kadato anan ka phigilayn kadn a midodola a dilata sa dokaw sa ditainin dii kaplabor na salakawpn a mizozopon ka sii ?

Na tig O AL-MANSO'R IBN MA'LIK a pangarap bo man ari, ka ba ari marata i kapanganganaya sii ko mapya ?

Na Iilain iyan na tigyan ginawanyan kailangan a kasabayang si aki inin ka dibonggnk.

Na tigyan a Obaka khadatu gari na aya odi na baka phmbaloy a khali'fah o mga Muslim na phangniin akn rka sangkoto a masa a bgan akongka sa Asinda na go garden.

Na tig o AL-MANSO'R IBN MA'LIK a antonaapn ??

Na tigyan a ; 100,000 magatosnggibo a dina'r.

Na tigyan a Antonaapn i pdanan ???

Na tigyan a 100 magatos a mga talosgoay a mga babay mga " جارية ".

= So tigtano a sagitiyambo ka pyaka pangarap akonga na zigoradoon akdn a khadata sa kapawid aya sa mga awid a madakl a taw.

Na tig o AL-MANSO'R IBN MA'LIK a antonaapn gari i pdanan ??

Na tigyan a kyasokodan rakndn anan gari.

Na ayapman diningilan o AL-MANSO'R IBN MA'LIK so isa a pdyan sa phtharoiyanon paman a gyoto a pitharo iyan sa paganay.

Tigyan o Opama gari ka mabaloy ako a kha'lifah odi na datu o mga Muslim na antonaa i phamangnin ka rakn ??

Na ayabo a inidingilianon na tigyan a phigilayn kadn ari a magoombasay sii a bagota sa dukaw kaplabor aya na salakawpn a misasadingka sii, dingka rakndn aki phagaloya a mga kadatu ini.

( Sabap oto ko kaiilayanyanon sa Mustaheel oba khadatu a mama ini a oda kaawidanyan na daa khakakanyan).

Na tig O AL-MANSO'R IBN MA'LIK a pangarap bo man ari pagariko , ka ba ari marata i kapanganganaya sii ko mapya, ( so tig tano a initooka o matoman ) ?

Na tigyan a naki na baka khadatu odi na baka khabaloy a Khali'fah o mga Muslim na kataya so request akn raka ???

1- lphadiyakongka sa maka patpolo a lphad 40.

2- pakidapoingka sa HIMA'R a bias akn.

3- pakalangkapangka sii ko mga taw a sadn a dii rakn dii phazada odi na makindolona na khalabosoon ka.

( datar o ba kapagizawizaw angkanan a katharo iyan ).

Na sii ko kyagyoto nyan na, Miphlano zabnar so AL-MANSO'R IBN MA'LIK sa katoman angkoto a pangarapyan a mapya na isasarta iyanon so dii kanggalbka sii ko langon o katawanyan a okit a phakaogopon sa kisampaynyan sangkoto a pangarapyan.

Na myagaganyan a myakilala skanyano o mga taw na go kyatagoan skanyan sa pangkatan sii ko mga taw, taman sa minisampay skanyan sa myabaloy a KHALI'FAH o mga muslim sii sa ingd a ANDALOS SPAN.

Na sii ko kyabaloynyandn a datu odi na khali'fah o mga Muslim na kyatoosanyan so dowakaw a mga pdyan a mga LABOR a biganyan sa mga request opama ko mabaloy skanyan a KHALI'FAH.

Na tyalowanyan so mga Wazeeryan na tigyan kiran a pangilobaanyo angkai a dwakataw a mga mama, sa kataya so mga ropaan iran, go kataya so galbk iran.

Na magaan so magaan myanggigiloba angkoto a dowakataw a mga mama, na myatoon siran.

Na sodn so kyan-ga iranon sa so KHALI'FAH AL-MANSO'R IBN MA'LIK i myakipangilobakiran na so isa mama a paganay a inizaan o AL-MANSO'R IBN MA'LIK o antonai requestyanon opama ko madatu skanyan o ko mga Muslim na myababaya skanyan.

Sopaman so Isawn a na tiyabad skanyan a kalk sa tigyan a minitaman ako ka khaadap akn so AL-MANSO'R IBN MA'LIK na daniyambs kalipati so mga pangni amiron opama ko madatu.

Na myawit sirandn sii ko Hadapan o KHALI'FAH AL-MANSO'R IBN MA'LIK na kagya ko mailaynyan siran na siyongowanyan isa a mama na tigyan a pagariko antonaoto baa so request ka rakn opama ko mabaloy ako a KHALI'FAH ?

Na maka sisinga sa mapipiya a ginawanyan na tgyan a aya oto a pangkn rka na ; basta a mabaloyka a khali'fah o mga Muslim na mbgan akongka sa ASINDA ago GARDEN go 100,000 a dina'r, go 100 a talasogoaya mga babay.

Na so kyan-ga roo o AL-MANSO'R IBN MA'LIK na tigyan ko mga Wazeryan a bganyoron a gyanan a pangninyan rakn.

Na ayanyan pman singowan angkoto a isa a mama na tigyan a antonaa so pangningkarakn opama ko mabaloy ako a DATU o mga Muslim ?

Na tyabkhrdn si aki to sa tigyan a minitaman ako da danyan baa kalipati.

Na tigyan a HAY DATU na KYALIPATAN AKN SO PANGNI AKN RKA.

Na tigo AL-MANSO'R IBN MA'LIK a, a na sakn na dakn kalipati.

Ayaoto a pangningka rakn na basta a mabaloy ako a KHALI'FAH na kataya so requestaka:

1- lphadiyakongka sa maka patpolo a lphad 40.

2- pakidapoingka sa HIMA'R a bias akn.

3- pakalangkapangka sii ko mga taw a sadn a dii rakn dii phazada odi na makindolona na khalabosoon ka.

Na imanto na khibgayrkadn angkoto a pangningka rakn.

Na so kyailayaon angkoto mama sa danyanbs kalipati na myamangni sa rila ko AL-MANSO'R IBN MA'LIK na go so mga Wazeer o AL-MANSO'R IBN MA'LIK na zapaatn iran si aki oto a diron mibgay angkoto a pangni nyan.

Na tig o AL-MANSO'R IBN MA'LIK a dinyo Zapaata si akiinin ka anyan matangkd sa ginawanyan a mataan a so Allah na khagaganyan so langowan taman.

Sa inisogyan angkoto a kibganon sangkoto a pangninyan. 

----------

Gyanan mga pagari akn i kapaya o kapangarapa odi na kazinganina sii ko mapya a sarta o panagontaman sa andamanaya i katomanyan.

Sii sa Arabic na aya iphmbthosan na ( علو الهمة ).

Phitharo o Allah sii sa qur'an : ( فاستبقوا الخيرات ) suratol baqara 148.

Maana : Pagoradorad kano Hay mga muslim sii ko mapya.

Go pitharo o rasolollah s.a.w. : 

( إن الله تعالى يحب معالي الأمور ، ويكره سفاسفها ) al-bayhaqy.

Maana : Mataan a so Allah na phkhababayaanyan so mga poporo sii ko mga Shay' na go iphkhagowadyan so mga rarataon na go mga babaon.

_ knaba aya maana anan na phkhababayaanyan so mga tangimproan a mga takabor sii ko mga taw, ka aya maana anan na so mga phiphiya i galbk na go mga pipiya i kapagantangan, na go miimpid sii ko langowantaman a galbkyan na gyanan i mapya sii ko mga taw.

Na dadn a lawan sa kapya na go kaporo a pangkatan a imbgay o Allah sii ko mga Uripnyan a banyampn kalawani so kapaka soldinyan kiran sii ko Surga o Allah, sabap sa roo so kakhailaya iran ko kadnan iran a ron zndad so kapipiya ginawa, na go sii sangkto a darpa so thitho a kapakadkha.

Wallahu taala a'lam, Wassla'm.