( RUGO RUGOD NA GO MUSAWIR PANTAG SANGKAI A FITNA A SOMASAGAD )

GIYANGKAI A KABIBINTAY ANGKAI A FITNA SII SANGKAI A MGA INGD A MGA MUSLIM NA KNABA ININ PAKAMMSA NA GO KNA OBA ININ DI KATAWI O MGA TAW A DIINDIROBASA SANGKAI A AGAMATANO ISLAM.

SO RASOLOLLAH S.A.W. NA MINIONANIYAN KO MGA UMMATIYAN SO KIYAPAKITOKAWINIYAN KIRANON SA KAPHAKATALINGOMA ANGKAI A MASA A TANTO A ZAGAD SO MGA MUSLIM SA MAFITL A FITNA.

PHITHARO O RASOLOLLAH S.A.W. :

 «سَتَكُونُ فِتَنٌ، القَاعِدُ فِيهَا خَيْرٌ مِنَ القَائِمِ، وَالقَائِمُ خَيْرٌ مِنَ المَاشِي، وَالمَاشِي فِيهَا خَيْرٌ مِنَ السَّاعِي، مَنْ تَشَرَّفَ لَهَا تَسْتَشْرِفْهُ، فَمَنْ وَجَدَ مَلْجَأً أَوْ مَعَاذًا، فَلْيَعُذْ بِهِ» البخاري .

MAANA :  SIGORADO A KHAADN SO FITNA – SII KO MGA UMMAT AKN- A SO MOONTOD NA MAS THOMO A DISO TOMITINDG NA SO TOMITINDG NA MAS THOMO A DISO PHLALAKAW NA SO PHLALAKAW NA MAS THOMO A DISO DIINGGAGAAN, NA SA TAW A ISOMBONIYANON A GINAWANIYAN NA MISOMBORON NA SA TAW A MAKATOON SA OKIT A KHILGTASIYAN NA SONGON NA PANGANGIYAS SII KO FITNA. ( GIYANGKAI A HADITH NA PIYANOTHOL I IMA'M AL-BOKHA'RI )

SABAP ROO NA FITNA SII KO NDOLONDOLONAN O MGA MUSLIM A PHAGONDAS A DATAR O RGS O RAGAT A ZAGAD NA SII MIYAGPOON KO KIYAFAT O UMAR BNIL KHATA'B  R. A. KAGIYA SO UMAR R.A. NA SKANIYAN I PAYTAW ANKANAN A RGS O FITNA A KHALOMBOKAN O MGA MUSLIM.

عن حُذَيْفَةَ، قَالَ: كُنَّا جُلُوسًا عِنْدَ عُمَرَ رَضِيَ اللَّهُ عَنْهُ، فَقَالَ: أَيُّكُمْ يَحْفَظُ قَوْلَ رَسُولِ اللَّهِ صَلَّى اللهُ عَلَيْهِ وَسَلَّمَ فِي الفِتْنَةِ، قُلْتُ أَنَا كَمَا قَالَهُ: قَالَ: إِنَّكَ عَلَيْهِ أَوْ عَلَيْهَا لَجَرِيءٌ، قُلْتُ: «فِتْنَةُ الرَّجُلِ فِي أَهْلِهِ وَمَالِهِ وَوَلَدِهِ وَجَارِهِ، تُكَفِّرُهَا الصَّلاَةُ وَالصَّوْمُ وَالصَّدَقَةُ، وَالأَمْرُ وَالنَّهْيُ» ، قَالَ: لَيْسَ هَذَا أُرِيدُ، وَلَكِنِ الفِتْنَةُ الَّتِي تَمُوجُ كَمَا يَمُوجُ البَحْرُ، قَالَ: لَيْسَ عَلَيْكَ مِنْهَا بَأْسٌ يَا أَمِيرَ المُؤْمِنِينَ، إِنَّ بَيْنَكَ وَبَيْنَهَا بَابًا مُغْلَقًا، قَالَ: أَيُكْسَرُ أَمْ يُفْتَحُ؟ قَالَ: يُكْسَرُ، قَالَ: إِذًا لاَ يُغْلَقَ أَبَدًا، قُلْنَا: أَكَانَ عُمَرُ يَعْلَمُ البَابَ؟ قَالَ: نَعَمْ، كَمَا أَنَّ دُونَ الغَدِ اللَّيْلَةَ، إِنِّي حَدَّثْتُهُ بِحَدِيثٍ لَيْسَ بِالأَغَالِيطِ فَهِبْنَا أَنْ نَسْأَلَ حُذَيْفَةَ، فَأَمَرْنَا مَسْرُوقًا فَسَأَلَهُ، فَقَالَ: البَابُ عُمَرُ ) البخاري .

MAANA : MIYAKAPOON KO HODAYFAH A MOONTOD KAMI A TIGYAN KO OBAY O UMAR R.A. NA PHITHAROIYAN  A ANTAA RKANO I MAKAMOMORAYS KO KATHARO O RASOLOLLAH S.A.W. PANTAG SIIKO KHAADN A FITNA ?  NA MIYAKA GIRAW AKO A TIG O HODAYFAH A SAKN.

NA TIGIYAN A USTO A MASNSRKA! NA PHITHARO AKN A SO FITNA O MAMA PANTAG KO KAROMANIYAN GO SO WATAIYAN GO SO TAMOKIYAN GO SO SIRINGANIYAN NA PHKHAPONAS ANAN O SAMBAYANG GO SO KAZADQA GO SO KASOGO SA MAPIYA NA GOSO KASAPAR SA MARATA !

NA GOMINIRAW SO UMAR R.A. A KNABA GIYANAN  I IPHAGIZA AKN A MAPIPIKIR AKN; KA AYA IPHAGIZA AKN NA SO FITNA A DATAR O RGS O RAGAT A KANDANSALIYAN ?  NA MIYAKA GIRAW SO –HODHAYFAH BNOL YAMAN R.A. – A DADN A BANGKASAN PANGILAM HAY DATU O MGA MU'MEN KA SO PAGLTAN KA AGO SKANIYAN NA PAYTAW A KALLKBAN!

NA GOMINIRAW SO UMAR R.A. A INO  KHABINASA SO PAYTAWNIYAN – KHITAYAK- ANTAWAA KA KHALAKAAN PHIYAPIYA ?  NA TIG O –HODHAYFAH BNOL YAMAN R.A. – A KHITAYAK !

NA MIYAKAGIRAW SO UMAR A SAMAWTO NA DIDN KHALKBAN SA DAYON SA DAYON? NA TIG O –HODHAYFAH BNOL YAMAN R.A. – A OWAY.  NA MIYAKAGIRAW KAMI KO ABU HODAYFAH A INO SO UMAR KATAWANIYAN O ANTONAA I PAYTAW O FITNA ? NA TIG O HODAYFAH A OWAY, KATAWANIYAN SA DATAR O KATAWINIYAN SA AYA THALONDOG KO DAWNDAW NA GAGAWII. SABAP SA MIYAPANOTHOL AKN RKANIYAN SO HADITH A KNA OBA MARGN A SABOTN.

NA MIYAPROYO AMI A IIZA AMI KO – HODAYFAH R.A.- O ANTONAA I PAYTAW O FITNA ? NA SIYOGO AMI SO MASROOQ A IIZA IYAN KO HODAYFAH R.A. NA INIIZA IYANON O ANTAA I PAYTAW O FITNA ? NA TIG O HODAYFAH A SO UMAR R.A. ( GIYANGKAI A HADITH NA PIYANOTHOL I IMA'M AL-BOKHARI ).

NA GIYANAN MGA PAGARI KO I SII KO ORIYAN O KIYAWAFAT O UMAR R.A. NA KIYALKAAN SO RGS O FITNA SII KO MGA MUSLIM NA OMAN MISG SO MASA NA BADN PHKHAOMANI SA KABANDS SO KASASAGAD O FITNA SII KO MGA MUSLIM, KATAWANIYO SO MIYA ADN KO MASA O UTHMAN R.A. A GIYOTO SO KIYAPAKA GMAW O LOMPOKAN A MIYATHAONG I ABDULLAH IBN SABAH A LOMINIYO KO KHILAFA O UTHMAN R.A. TAMAN SA MIYAPATAY IRAN SO UTHMAN R.A.,  GIYANAN A LUMPOKAN A MIYATHAONG I ABDULLAH IBN SABAH NA GIYANAN  I PAGANAY A LOMPOKAN O MGA SHI-AH GO MGA KHAWA-RIJ A MAIISA ISA SIRANON NA ORIYANIYAN NA SII KO MASA O ALI R.A. AGO SO MUAWIYA R.A. NA MIYAOPARIK SIRAMBOPMAN KA SOMINIBAY SO MGA KHAWA-RIJ KA PIYAKA KAPIR IRAN SO ALI GO SO MUA-WIYA GO SO ABDULLAH IBN ZUBAYR R.A. DAYON SA PHIPHLANO IRAN A MBONOON IRAN ANGKANAN A TLOKATAW A MGA DATU A MGA SAHA-BA NA AYABO A MIYAPATAY IRANON NA SO ALI R.A.

AYA ANTAPTANO SANGKANAN A KIYA ALOYA TANO SA MAKAMPT ATHOTHOLAN  NA AN MAKARAYAG RKANO A MGA PAGARI AMI A MGA MUSLIM A SO FITNA NA MIYAGPHOON SII KO MUNADN A MASA KO ORIYAN O KIYAWAFAT O UMAR R.A. NA MIDADAYONDN SA TAMAN IMANTO.

ORIYAN O MGA SAHA-BA GO SO MGA TA-BIEEN NA MINGGMAWDN SO PIMBARANG A MGA GROUPO A MIYAMAKASILAY NA GO MIYAMANOBRADN SO MGA TINDG IRAN, DATAR ANGKOTO A TIGAKN A MGA SHI-AH GO SO MGA KHAWA-RIJ GO SO MGA JAHMIYYAH GO SO MGA MU-TAZILA GO SO MGA KOLLABIYYAH AL-ASHA-IRAH GO SO MGA MA-TORIDIYYA, SO MGA SOFIYYA AL-GOLA-T, GO SO MGA BATINIYYA GOSO MGA SALAKAW SAN A PALAYADN MIYAMAKASILAY SO PANARIMA IRAN SII KO THITHO A PANARIMA O RASOLOLLAH S.A.W. GO SO MGA SALAF AL-SA-LIH, NA TAMANDN IMANTO NA BADN  PHKHAOMANI SA KARGS SO KAPHAGONDAS O FITNA A KALOLOMBOKAN O MGA MUSLIM.

SABAP ROO NA SO RASOLOLLAH S.A.W. NA ADN A INSANA NIYAN RKTANO SII KO KAMASAI TANO SANGKAI A FITNAH A MASASANGBA TANO SA KIYATHAROANIYANON :

(( فَإِنَّهُ مَنْ يَعِشْ مِنْكُمْ بَعْدِي فَسَيَرَى اخْتِلَافًا كَثِيرًا، فَعَلَيْكُمْ بِسُنَّتِي وَسُنَّةِ الْخُلَفَاءِ الْمَهْدِيِّينَ الرَّاشِدِينَ، تَمَسَّكُوا بِهَا وَعَضُّوا عَلَيْهَا بِالنَّوَاجِذِ، وَإِيَّاكُمْ وَمُحْدَثَاتِ الْأُمُورِ، فَإِنَّ كُلَّ مُحْدَثَةٍ بِدْعَةٌ، وَكُلَّ بِدْعَةٍ ضَلَالَةٌ» أبوداود [حكم الألباني] : صحيح .

MAANA : GO MATAAN A SADAN SA MAKAPAGINTAW RKANO NA KHAMASAANIYAN NA GO KHAILAYNIYAN SO KAPHZOZOPAKA - O MGA MUSLIM A TANTO A MARABONG – NA AYA WAJIB RKANO NA IKAKPIYO NA SO OKIT AKN 'SUNNAH AKN' NA GO SO OKIT ' SUNNAH' O MGA KHALIFA AKN A KHIKATOTORO – GIYOTO SO ABU BAKR GO SO UMAR GO SO UTHMAN GO SO ALI R.A. -  SA KKBNIYORON SO MGA BAGANGIYO.  NA PANANGGILAI NIYO SO PHPHANGABABAGO A MGA OLAWLA SII KO AGAMA, KA MATAAN A SO LANGON O PHKHABAGO NA BID-AH NA LANGON A BID-AH NA KADADAGAN. ( ABI DAWD, CORRECT A TIGI IMA'M AL-BA-NI ).

GIYAYA I INSANA O RASOLOLLAH KO MGA MUSLIM SII KO MASA A KAADNKIRAN O FITNA A MAKAPHTHATAKILIDA SO MGA GROUPO A PALAYA PHAPANDI SA KAIISLAMI NA AYA PAGILAIN NA SA THITHO A KOMKDG KIRAN SIIKO OKIT O RASOLOLLAH S.A.W. NA GO SO MGA SALAF AL-SA-LIH, NA SA MAKATHITHITHO KIRANON NA AYA PAGONOTAN, NA OPMAN OBA LANGONDN KATATAGOI SA KARIBATAN OGAID NA MBIBIDA SA KAITO NA GO KALA I KAPAKASISILAY NA SA MAYTO ON I KAPAKASISILAY NA YA PAGONOTAN, NA OPMAN OBA LANGON MAAWAT SII KO ISLAM SO MGA PANAGONTAMAN IRAN KA MIYAMANOBRA LANGON SA MALA KO MGA LIMITI O ISLAM NA DADN A BAKIRAN PAGONOTI SA THOMO A BADN MAKASISIBAY SO TAW SII KO KILID A INGD NA RONIYAN DII MIPAGINTAW SO FAMILIYANIYAN A PHKHASIMBA IRANON PHIYAPIYA SO ALLAH.

LAGID ANAN SO KATHARO O RASOLOLLAH S.A.W. A MIYAPANOTHOL O HODAYFAH R.A.

عن حذيفة رضي الله عنه قال ؛ قلْتُ يَا رَسُولَ اللَّهِ إِنَّا كُنَّا فِي جَاهِلِيَّةٍ وَشَرٍّ، فَجَاءَنَا اللَّهُ بِهَذَا الخَيْرِ، فَهَلْ بَعْدَ هَذَا الخَيْرِ مِنْ شَرٍّ؟ قَالَ: «نَعَمْ» قُلْتُ: وَهَلْ بَعْدَ ذَلِكَ الشَّرِّ مِنْ خَيْرٍ؟ قَالَ: «نَعَمْ، وَفِيهِ دَخَنٌ» قُلْتُ: وَمَا دَخَنُهُ؟ قَالَ: «قَوْمٌ يَهْدُونَ بِغَيْرِ هَدْيِي، تَعْرِفُ مِنْهُمْ وَتُنْكِرُ» قُلْتُ: فَهَلْ بَعْدَ ذَلِكَ الخَيْرِ مِنْ شَرٍّ؟ قَالَ: «نَعَمْ، دُعَاةٌ إِلَى أَبْوَابِ جَهَنَّمَ، مَنْ أَجَابَهُمْ إِلَيْهَا قَذَفُوهُ فِيهَا» قُلْتُ: يَا رَسُولَ اللَّهِ، صِفْهُمْ لَنَا؟ فَقَالَ: «هُمْ مِنْ جِلْدَتِنَا، وَيَتَكَلَّمُونَ بِأَلْسِنَتِنَا» قُلْتُ: فَمَا تَأْمُرُنِي إِنْ أَدْرَكَنِي ذَلِكَ؟ قَالَ: تَلْزَمُ جَمَاعَةَ المُسْلِمِينَ وَإِمَامَهُمْ، قُلْتُ: فَإِنْ لَمْ يَكُنْ لَهُمْ جَمَاعَةٌ وَلاَ إِمَامٌ؟ قَالَ «فَاعْتَزِلْ تِلْكَ الفِرَقَ كُلَّهَا، وَلَوْ أَنْ تَعَضَّ بِأَصْلِ شَجَرَةٍ، حَتَّى يُدْرِكَكَ المَوْتُ وَأَنْتَ عَلَى  ذَلِكَ» البخاري .

MAANA : MIYAKAPOON KO HODAYFAH R.A. A PHITHARO IYAN A PHITHARO AKN KO RASOLOLLAH S.A.W. A HAY RASOLOLLAH MATAAN SKAMI NA MAPAPADALM KAMI KO MARATA A BTAD KO MASA A JA-HILIYYAH NA MIYAKATALINGOMA RKAMI ANGKAI A MAPIYA – SO ISLAM - ! NA INO BA ADN A ORIYAN ANGKAI A MAPIYA A MARATA?  NA TIG O RASOLOLLAH S.A.W. A OWAY.  NA TIGAKN A ORIYAN ANGKOTO A MARATA BA ADNPMAN A PHAKATALINGOMA A MAPIYA?  NA TIGIYAN A OWAY.  NA TIGAKN A ORIYAN PMAN ANGKAO A MAPIYA NA ADNPMAN A MARATA A PHAKATONDOGON? NA TIG O RASOLOLLAH S.A.W. A OWAY NA MISASARTAON BADN ANGKOTO A 'DAKHN' !  NA TIAGAKN A ANTONAA ANGKOTO A 'DAKHN' ?  NA TIGIYAN A MGA TAW A AYA PHAPHALATIKO ON IRAN A TOROAN NA KANABA SO TOROAN AKN NA KNALANGKA O ANTAWAA SIRAN NA ONGKIR ANGKA SIRAN KO OKIT IRAN.  NA TIGAKNPMAN A ORIYAN ANGKANAN A MAPIYA A MASA A KASASAOGAN NA BA ADNPMAN A THALONDOGON A MARATA ?  NA TIG O RASOLOLLAH S.A.W. A OWAY, PHAKATALINGOMA A MGA TAW A AYA DIIRAN DII MIPANOLON NA SO PAYTAW O KANARAKAAN, NA SADN SA MONOTKIRANON NA PAKADMBNGN IRANON!  NA MIYAKA GIRAW AKO A TIG O HODAYFAH R.A. A HAY RASOLOLLA NA ROPAAN KA SIRAN RKAMI O ANTAA SIRAN ? NA TIG O RASOLOLLAH S.A.W. A SIRAN AKI NA MGA DATAR TANO SA KOBAL GO AYA KATHARO IRAN NA DATAR O MGA KATHARO TANO!  NA MIYAKAGIRAW AKOPMAN A HAY RASOLOLLAH ANTONAA I IZOGOOKA RAKN OPAMA KA RAOTA AKN ANGKANAN A DATAR ANAN A MASA ? NA TIG O RASOLOLLAH S.A.W. A THIKHNAKA NA GO PHADKTKA KO OMPONGAN O MGA MUSLIM AGOSO DATUIRAN.  NA TIGAKN A AMAY KO DAA OMPONGAN IRAN NA DAPN A DATU IRAN ? NA TIG O RASOLOLLAH S.A.W. A NA OBA GIYANAN NA BLAGANGKA ANGKANAN A MGA GROUPO SA KALANGOLANGONIYAN NA APIYA AYA MIYAOLAOLANGKA NA MAKKBKA SO BKAW A KAYO TAMAN SA MAOMAKA O KAPATAY NA GIYOTODN I MAMBBTAD KA ( PIYANOTHOL ANAN I IMA'M AL-BOKHA-RI ).

GIYANAN MGA PAGARIKO A MGA MUSLIM I INSAN RKTANO O RASOLOLLAH S.A.W. SII KO MASA A KASHAGADA RKTANO O FITNA A DATAR ANGKAI A MASA TANO IMANTO.

SA MASA IMANTO NA AYA ISA A FITNA A SOMASAGAD KO MGA MUSLIM SA KADANDANIYAN NA GIYANGKAI A KIYAPAKAGMAW PMAN A MGA TAW A AYA KADAKLAN KIRAN NA MGA KANGODAAN A DADN A MGA NAMOG A MODOL IRAN SA DII KAPHAPAKAITOA SII KO MGA ULAMA A AHLU SUNNAH WAL-JAMAAH GO SO DII KAPAMAKA KAFIRA NA GO DII KAPAKAMMROTADA SII KO MGA DATU O MGA MUSLIM SA NGGOLALAN KO MGA SHOBOHAT A MATATAGO SII KO MGA PAMIKIRAN IRAN.

IPHNDALIL IRAN SO MGA PD A KATHARO O ALLAH SII SA QUR-AN NA PAKALILIPATAN IRAN SO MGA PD MAMBO KO MGA  KATHAROIYAN , GO DIIRAN PAGILAIN O ANTONAA I KIYAOSAYAON O MGA ULAMA SA TAFSER NA GO SO MGA ULAMA SII KO AQEEDAH, KA AYADN A PAKA PHPHANGONDAYAAN IRAN NA SO KASASABOTA IRANON A TANTO A MARAYAG A KABABAW O SABOT IRAN SII KO AGAMA.

GO IPHNDALIL IRAMPN SO SABAAD KO MGA KATHARO O MGA ULAMA A AHLU SUNNAH NA DIIRAN PAGILAIN SO MGA OSAYANIYANON, KA SOBO SO PHPHAKAAYONON SII KO MGA TINDG IRAN NA AYA IRAN PHKHOWAAN NA GO DII PAMAKALANGKAPN SII KO MGA TAW.

NA GIYANAN NA DAA SANGKAAN A KASALIMBOT ANAN A MARAYAG KA SODN SO ALLAH I PHKHASALIMBOTAN ANGKANAN A MGA TAW KA SO DI ANTAP O ALLAH SII KO MGA KATHARO IYAN NA AYAIRANON DII PAMAKAANTAPAN, NA DATARDN MAMBO ANAN SO KASASALIMBOTI IRAN SII KO MGA ULAMA A PHKHOWAAN IRAN SO MGA PD KO MGA KATHARO IRAN NA DIIRAN MBATIYAAN PHIYAPIYA SO MGA KITAB IRAN I KIYAOSAYAIRAN PHIYAPIYA KO MAPIPIKIR IRAN KO KATHARO IRAN.

GIYANGKAI MGA TAW NA PD SA MGA SIFAT IRAN NA O DINGKA SIRAN AYONI KO KADADAGAN IRAN NA APIYAPN A'LEM KA NA TIGIRAN A SI AKI ANAN NA A'LEM ANAN O MGA DATU, KA AYABO A MAPIYA SIIKIRAN NA SA MGA TAW A MAKAAYON KIRAN, NA GIYANANDN SO SIFAT O MGA KHAWA-RIJ A " AZA-RIKA " A PHPHAKAKAPIRN IRAN SO MGA SALAKAW KIRAN NA GO PHPHAKARATAAN SO LANGON O MGA PAMIKIRAN A DIKIRAN MAKA AAYON SA SARTA A DIIRAN DII KAPHAPHAKAITOA SII KO MGA ULAMA A AHLU SUNNAH WAL JAMAAH.

PD SA ROPAAN O MGA KHAWA-RIJ NA SO GIYANGKAI A HADITH A PAGALOWIN TANO. PHITHARO O RASOLOLLAH S.A.W. :

«يَأْتِي فِي آخِرِ الزَّمَانِ قَوْمٌ، حُدَثَاءُ الأَسْنَانِ، سُفَهَاءُ الأَحْلاَمِ، يَقُولُونَ مِنْ خَيْرِ قَوْلِ البَرِيَّةِ، يَمْرُقُونَ مِنَ الإِسْلاَمِ كَمَا يَمْرُقُ السَّهْمُ مِنَ الرَّمِيَّةِ، لاَ يُجَاوِزُ إِيمَانُهُمْ حَنَاجِرَهُمْ، فَأَيْنَمَا لَقِيتُمُوهُمْ فَاقْتُلُوهُمْ، فَإِنَّ قَتْلَهُمْ أَجْرٌ لِمَنْ قَتَلَهُمْ يَوْمَ القِيَامَةِ» البخاري .

MAANA : PHAKATALINGOMA SII KO KHAORI A MASA SO PAGTAW, A MGA KANGODAAN, A MGA LOLOBAY I AKAL NA GO PAMIKIRAN, AYA DIIRAN DII DAGIDAYN – PAMAGOSAYN - NA SO QUR-AN AGO SO HADITH,  PHAGAWASIRAN SII KO ISLAM SA DATAR O KAPHAGAWA O GASA A PANA PHOON KO TADARANIYAN, DI PHAKASAMPAY SO MGA PARATIYAYA IRAN SII KO MGA KOROKOM IRAN, NA APIYA ANDANIYO SIRAN MABALAK NA PAMONOANIYO SIRAN KA MATAAN A SO KAPAMONOA KIRAN NA ADN A BALASIYAN SA ALONGAN A QIYA-MA ( PIYANOTHOL ANAN I IMA'M AL-BOKHARI ).

MADAKLPN SO MGA PD A MGA HADITHS O RASOLOLLAH S.A.W. A MGA CORRECT A KINIROPAAN IYAN SANGKANAN A MGA TAW A AYA IPHMBTHO KIRAN NA MGA "KHAWA-RIJ " OGAID NA KAGIYA TANTO A PAKHATAS SO KATHARO OPAMA KA LANGONTANO SAYADN ALOWIN NA PHITHANGKAANTANO SANGKANAN A MIYAALOYTANORON.

SAMANAYA MGA PAGARIKO NA MIYAKA LIWANAG RKTANO LANGON A GIYANGKAI A KABBMBAR A FITNA SII KO PAGINGDINGDNAN O MGA MUSLIM NA ANDANGDN AYA SO KIYAPAKI TOKAWIRON O RASOLOLLAH S.A.W. A KHAWLA OLAININ, NA INI ROPANIYAN RKTANOPN SO PD A MGA TAW A MGA DADAG A PHAKATALINGOMA A IPHANOLON IRAN SIIKO MGA TAW SO MGA TINDG IRAN NA SADN SA MISOWA SOWA KIRAN NA IITHOG IRAN SII KO APOY KO NARAKA JAHANNAM.

NA AYA MUSAWIR TANO SII KO LANGON O MGA PAGARI TANO A MATATAGOON SO KALK SII KO ALLAH NAGO BABAYA SII KO AGAMA O ALLAH NA GO SO MGA MUSLIM NA AYADN A KDGN TANO NA SO INSANA RKTANO O RASOLOLLAH S.A.W. A ZOWAANTANO KO KIPANTAG O MASATANO KO FITNA A GIYOTO SO KHIKOTAAN TANO SII KO KITAB O ALLAH GO SO SUNNAH O RASOLOLLAH S.A.W. NA GO SO OKIT O MGA SALAF AL-SA-LIH SA PHMNGGOLALAN SII KO KIYAOSAYAON SA MARAYAG O MGA ULAMA A PHIYOR O AHLU SUNNAH WAL JAMAA, MGA ULAMAH A THATAKNA SO MGA TINDG IRAN KO BNAR KNABA DII ZASALIN SALIN SA WARNA SO MGA TINDG IRAN SABAP KO DAA KKDGN IRAN A THATAKNA A PANARIMA, MGA ULAMA A AYA KAPHAGOKASA IRAN SII KO MGA KATHARO IRAN NA SODN SO THITHO A KAPAKMBBKN O SOGOAN SII KO QUR-AN NA GO SO HADITH SA KAPDI IRAN OTO NA GO RANON IRAN SII KO MGA TAW KA ANSIRAN DI KHATARIDADAG, KNA OBA SO MGA ULAMA A MGA PERSONAL INTEREST A KAPHKHAPKAS O MGA DILA IRAN NA LAGID SIRAN MAMBO O KAYOPO SII KO RAGAT A O ANDA MATATAGO SO IKHAPIYA A GINAWA IRAN NA RON SIRAN THAPI, NA GO KNAPN OBA SO MGA TAW A KNBA MGA ULAMA NA DII MAMAGOLAMA, MAIITO I SABOT NA ISASANSANG IRANON MAMBO SO KAFANGIFTA TAMAN SA AYA IRAN DII ZODIIN NA SO PHIYOR A MGA ULAMA KA GIYANAN DOWA NA AYA ONDAS IRAN KO MGA TAW NA SO KAPHAKADADAG IRAN NA GO KAPHAKABINASA IRAN, SA DAA BAIRAN KHITALINGOMA A MAPIYA.

SABAP SAN NA AYA MAPIYA A MGA MUSLIM A KHIKATOTORO KO ONTOL NA SO MAN-GIRAN SO KATHARO NA KHOWAAN IRAN SO MAPIYAON NA SARTA A IPHNGGOLALALN IRAN.

PHITHARO O ALLAH :

( الذين يستمعون القول فيتبعون أحسنه أولئك الذين هداهم الله وأولئلك هم أولى الألباب )

 الزمر: ١٨

MAANA : SO SIRAN OTO A PHPHAMAKIN-GN IRAN SO KATHARO NA PHAGONOTAN IRAN SO MAPIYAON, NA SIRANMAN OTO SO MGA TAW A TIYORO O ALLAH NA GO SIRAN MAN OTO SO MGA TAW A MGA PIPIYA I PAMIKIRAN.

BALASANKANO LANGON O ALLAH SA MAPIYA SA DIRKANO KAROROTOSA SII KO DII KAPAGANADA SII KO ISLAM NA GO SO DII KANGGILOBAA SII KO BNAR.

WA SSALA-MO ALAYKOM WARAHMATOLLAHI WABARAKA-TOHO.

SO PAGARINIYO KO ISLAM : "ABU MUEEN" ABDUL JALIL P. FA'KER.

" SO RESOLTA "SNDADAN" O PARATIYAYA O MGA SHI-AH "

   

====================== 

GIYANGKAI A KAPHAKA RAYAGA TANO SAYA NA KAPDITANO AYA SII KO MGA PAGARITANO A MGA MRANAW A MINISOWA SOWA SII SANGKAI A MGA SHI-AH NA MIYABALOY SIRAN A MGA SHI-AH SABAP KO AYA KATAO IRANON NA AYA ONTOL I PARATIYAYA NA SO MGA SHI-AH !!

GO INNGKA ININ PARA SII KO MGA PAGARI TANO A MGA AHLU SUNNAH A MGA MRANAW KA ANIRAN KAIKTIYARI NA GO MAILAY SO KARIRIBAT NA GO KABIBINASA O PARATIYAYA O MGA SHI-AH KA ANIRAN KAPANANGGILAI.

--------------

SO MGA SHI-AH NA AYA RESOLTA ODI NA ONDAS O PARATIYAYA IRAN NA DISIRAN DIIMBALOY A DATAR O MGA PANGANGAYAMN ODI NA MGA BINATANG A DAA MGA AKALIYAN. KNA KA AYA MATAAN NA SOBRA SIRAMPN KO MGA BINATANG !!!

KATAYA SO RAYAGAN ANGKANAN A DITANO DII THAROON :

A = SO MGA SHI-AH NA IGIRA A GAWII A ASHORA NA KATAYA SO PD KO DIIRAN DIINGGOLA OLAAN :

1- AYA DIIRAN DIINGGOLA OLAAN NA DIIRAN DII PRAN-GN A LAWAS IRAN NA SO PDKIRAN NA DIIRAN DII PANIDAWN A LAWAS IRAN !!!

NA AYABO A KAADN O ALLAH A DINIYAN DII PRAN-GN A LAWASIYAN NA SO PHMBTHANGN SII KO MGA TAW GO SO PHMBTHANGN A ASO.

2- DII SIRAN KHLI KILT SII KO LAPOT SA KARBALA, TAMAN SA DISIRANDN PHANGA KIKILALA, NA SO SABAADKIRAN NA SODN SO TAI NAGO TITI O MGA IMA'M IRAN NA AYA IRAN DII IPHAYGO KAGIYA ADN A BARAKANIYAN.

NA DAA BASAN DIINGGOLA OLA SII KO MGA MANOSIYA INONTABO SO BINATANG A BABOY A GO SO KARABAW A DIMAMBO DII KHLIT SII KO LAPOT ODI NA SII KO MARZIK.

3- PHAGIKTAN O SABAAD KIRAN SO SABAGI KA MGA ASO SIRANGKON O HUSAIN R.A.

NA GIYANAN NA AYABO A PHNGGOLA OLASAN NA SO PHMBTHANGN.

B- IGIRA A MIYAOMA SO GAWII A " NIROZ " NA PHMBIYAG SIRAN SA APOY NA DISIRANON DII THITHIPHO.

NA AYABO A PHAKARAW SAN DIINGGOLA OLA NA SO PHMBTHANGN A KIYADAAN SA LALAG.

C- SO KAZINA NA PIYAKAY IRAN GO BAYALOY IRAN A PD SII KO MIYAMAKA LALA A SIMBA SII KIRAN. NA BITHOWAN IRAN SA " KAPMUT-AH ". 

NA AYA RESULTAANAN NA IGIRA NA AYA DII MAPAMAKAY O MAMA KIRAN NA SO WATAIYAN SA MUT-AH SABAP KO DINIYAN KATAWAN OBANIYAN OTO WATA.

NA GIIYANAN NA OLAWLA ANAN A KABIBINATANGI A AYA DII PAKAPANGODAYAAN NA SO BABAYA, NA DIDN PHANGILALA.

SO MGA PD KO KARINA SANGKANAN A INALOY TANO NA KATAN SO MGA TOLADAN A PHKHAILAYNIYO.

SAMANAN NA MIYAPAYAG RKTANO LANGON A SO PARATIYAYA O MGA "SHI-AH" NA PARATIYAYA A AYA KHAORIYAN KO MGA PAGTAWNIYAN NA DATAR O MGA BINTANG A DII MAGOYAGOYAG SA DONIYA, KNA KA SOBRAPN SA MGA BINATANG.

NA COMPIRN KA ININ KO MGA SOGOAN O ISLAM A MINITALINGOMA O RASOLOLLAH S.A.W. A ININGGOLALAN O MGA SAHA-BAH GO SO MGA AHLUL BAYT KA KHAILAYNGKA A GIYAI NA DADN A BANIYAN KITOTOMPO KO ISLAM NA GO SII KO MGA AHLUL BAYT.

PAKAOLADN TANO MGA PAGARIYA SO DITANO DII KAPANGDGA SII KO BNAR NA NDODAN TANO SO QUR-AN AGO SO SUNNAH KA ANTANO DI KHADADAG.

OSARN TANO SO MGA AKAL TANO A INIBGAY RKTANO O ALLAH KO KAPHAGILAYTANO SA MOTRA KO DIRKTANO DII IPANOLON O MGA TAW A KHIPAKA SISILAY KA ANTANO MAILAY A MATAAN A SIRAN NA MADADAG SIRAN OGAID NA DIIRAN DII PAGIRMASAN SO MGA KATHARO IRAN NA GO PHNDALONGAN IRAN SO PHIYOR A BONTAL O MGA KPITIRAN KA ANIRAN MADADAG SO MGA MUSLIM.

- SHIAH :

Alanoden Sangcopan ·

Langonkanudn mga papasang a mga murit ,ogaid na aya daniuron maantok na gyanan na isa nan mambo a culture.

 Pangamada niyobo ka knac langon a sh'iah na lagid anan. Aya tanu tayodn na gya gnawa tanu o anda tanu matataman. Oba badn adn ae sumasana tanu na waka wawatan tanu ko pangilailayan o kadnan tanu a dj payag.

- SMBAG :

• Muhd Rayyan Hakem Alanoden Sangcopan antaa i mitharo rkaw sa matag anan culture ? Giyanan a diiran dii kapranuga sa lawas Iran go diiran dii kaphaigo sa lapot go mrzik go kaphagikti Iran ko sabaadkiran kagiya asokon o hosain r.a. giyanan a diiran dii kapmut-ah sa taman sa may to a wata na miyakalala anan a simba KO mga shi-ah na so diron phnggola ola a shi-ah na iitong iran sa knaba phiyor a shi-ah o Ali go so Hosain, taman sii ko mga Ahlu sunnah a macocontrol iran so mga kaoyagn iran na iphtgl iran sii kiran a kapakadarpa sangkan a mga galbk iran a kabibinatangi kagiya tanto a mala a simba sii kiran, na ayabo a disan matao a Muslim na dowaka clasi :

  
  

  
  

  1. Data plngiyan ko thitho a paratiyaya o mga shi-ah, na badn dii pangonotonot sa diniyandn katawan i phiyor a bontal o phagokitan iyan!

  
  

  2.Bokhag ka katawaniyan a giyanan I ondas o paratiyaya o mga shi-ah na diniyan dii pagmaan, ka an matarima o mga taw so shi-ah ka ansiran mambo madadag a datariyan.

  
  

  - Giyanan pman a kaphmbiyag Iran sa apoy a disiranon dii thithipho na kagiya aya paka asal a ingd a IRAN na phzimba siran sa apoy ka mga majosi siran na giyanan a Oman kaposan o ragon na nggolaolaan Iran anan. Na aya doaniyan na so mranaw a minisowasowa sangkanan a mga shi-ah sa IRAN ka minipagpda Iran ko agamairan a siidn phphanothola ko phzamr a ndo. Lailaha Illallah.

  
  

  Kabnar o mga taw ko mga Ulama so kapayaga iran sii ko Untol ka an makdg o mga taw, na go so kapakaraya phiyapya sii ko ribat ka aniran kapananggilai.

  
  

  Na so Toroan na sii anan sii ko Allah imbgayniyan sii ko taw a kabayaiyan.

  
  

  
  

  
  

  - SHI-AH :

  
  

  Lonelymountain Greenland ·

  #muhdrayyanhakem ,,..,OSARA NIYO SO MGA PAMIKIRAN IYO;

  
  

  K’NABA INI KAPDI KO MGA PAGARI TANO A MGA M’RANAO KA KAPANAPUNG NGA EH!!

  INUNGKA A NIYO INO DUN AYABU TOTOLIKUN NA SO MGA SHIA, INUNGKA A NIYO INO AYABU MARATA NA SO MGA SHIA; AYA PAKAISA AKN NA INO KATAWAN NIYO O ANTONAA I PAKAPOON A SHIA AYA: TANODINIYO KA AYA PAGUNUTAN IRAN ORIYAN O KYAWAFAT O NABI TANU MUHAMMAD(SAWW) NA SAPOLO AGO DOWA A IMAM (12 IMAMS); PAGANAY RUN NA SO ALI(AS) BIN ABI TALIB(AS), IKADOWA NA SO WATA IYAN A HASSAN(ASWS) IKATLO NA SO HUSSAIN(AS) THAMAN DUN KO IMAM IMANTO A DADARAAN A SO IMAM MAHDI(AJTFS); SAPOLO SIRAN AGO DOWA NA ILAYA NIYO IPOON KO IMAM ALI(ASWS) THAMAN KO IMAM HASSAN AL-ASKARI(AS) A AMA O IMAM MAHDI(AJTFS) KA LANGON DUN A INI KAWAFAT IRAN NA LANGON KYAMBABAAN; LANGON DUN MYA NGA SA SHAHED;

  
  

  RELAAN TANO O ALLAH(SWT); AYA MAPIYA NA EGERA AND A DINGKADII THAROON NA MALONGKA DAAN DII PAMIMIKIRAN AH:

  
  

  MALONGKADI I THANGKAI A KATHAROO KA ANAN; BANGKADI KATHOOS E SO NABI MUHAMMAD (SAWA) GUWANI KO MIBALITA A KASPO AN A NGIPUN IYAN NA ADN A SAKATAW A SHAHABA(RA) NIYAN A DA MAKAWNOT SA MAIDAN NA KAGYA KO KABALITAAN NIYAN A KIYASPO AN SO NABI NA INIPANGOS’NG IYAN A NGIPN IYAN KO MGA ATOR THAMAN SA LANGON ON MYA SPO A NGIPUN NIYAN OTO; NA AYA KABASA O SABAAD KO MGA SHAHABA NA BITANG KUN SI AKIOTO NA MYAWMA O NABI MUHAMMAD(SAWW); NA INISAAN NIYAN INONIYAN OTO PNGGOLAWLA AH..; NA PITHARO A SAKATAW TO A SHAHABA(RA); YA MUHAMMAD(SAWW)! DIKO KARAW O BAKUN MIYANUG SO NABI AKUN A MUHAMMAD(SAWW) O BA SKANIYAN KYASPOAN; NA PITHARO O NABI KO MGA PUD IYAN A MGA SAHABA A GYANGKAI A MAMA NA SKANIYAN BU E MAPORO RUKANO I PARATIYAYA;

  AYA TANODAN ROO NA BABAYA IYAN KO NABI NIYAN A DA NIYANON KA KE’RAW AH KA OPAMA O MYAKAWNOT SKANIYAN SA MAIDAN NA SACRIFICE AN NIYAN A GINAWA NIYAN SII KO NABI MUHAMMAD(SAWW) PARA BU DI SKANIYAN KASPOAN;

  
  

  NA I COMPARE TAWN IMANTO AH ASHURAH; AH KIYA SHAHED O IMAM HUSSAIN(ASWS); AH KIYAPAMONU A KIRAN O TANTARA O YAZID A WATA I MUAWIYA; SII SA KARBALA PIYANOTHONG SO MGA TENT IRAN; PYAMOTAAN SA OLO SO MGA MAMA KIRAN; PI MARATAAN SO MGA WATA KIRAN M’LAGID SO MAMA AGO SO BABAY; OPAMA NA KARAW NIYO ANAN; DA SIRAN PUN MA SATISFIED KO IMAM HUSSAIN(AS) NA MYAPATAY RAN PUN NA PIYOTAAN IRAN PUN SA ULO; INNA LILLAHI WA INAIHI RAJIUN; DAMAN ARI A MGA TADUM O MGA TAW IMANTO MADIDIPUN SO MGA LOKS TANO KA DIIRAN DII SINTA SO YAZID(LA); P’NGGARANGUN IRAN SO MGA KAMPILAN IRAN KA OPAMA BO O SISII SIRAN SA MASA OTO NA SACRIFICE AN IRAN A NIYAWA IRAN KO IMAM HUSSAIN(AS);
  
  
  - SMBAG :
  
  Muhd Rayyan Hakem Lonelymountain Greenland 
  
  So mga pagaringka a mga Ahlu Sunnah na sabap ko aya pasodan iran na so Qur-an ago so Sunnah na Phagosarn iran so mga pamimikiran iran sa datar o kinisogoon kiranon o Allah, na ribat so katharo oka oba skami i di pagosar sa pamikiran a mapiya.
  
  Giyanan a kiyatharo angkawn sa knaba anan kapdi ko mga Pagari tano a mga mranaw ka kapanapng anan na diyakn katawan o andamanaya i kiyarawingkasan tharo a marayag a daa ba akn phzapngan a bnar go daa ba akn iphagangkob a katharo sii ko mga SHI-AH ka sodn so phiyor a kamamasaan a kasasaksian o langon o adn a pamikiraniyan na ayakn dii tharoon, sa kapdi na go ranon sii ko mga Muslim a mga mranaw ka aniran katokawi i pagondasan o paratiyaya o mga SHI-AH a kabinasaan ka aniran kapananggilai!
  
  So langon o mga Ribat a paratiyaya na da a baon thabiyaa o mga Ulama ka langon iran phphakarayagn sii ko mga taw, AYA MALAON NA Gyangkai a mga SHI-AH kagiya giyanan i kabnar kiran o mga taw a pakarayagn iran so Untol go so ribat sa apiya antaa i diron diinggalbk.
  
  Oway katawan ami so paka asal o mga SHI-AH ka aya paganay a mithaongon na si ABDULLAH IBN SABAH a MUNAFIQ a aya paka asaliyan na YAHODI na miyagislam ka para mapakasoldiyan so plano niyan a kambinasaaniyan ko ISLAM.
  
  Si ABDULLAH BIN SABAH na diniyo dii tharoon a knaba bnar so thotholanon ka pimbaalan o mga Ahlu Sunnah ! ogaid na so sapolo a go lima 15 sii ko mga kitab o mga Ulama o mga SHI-AH a miyanga oona na tiyanto iran a bnar si ABDULLAH BIN SABA A YAHODI A MUNAFIQ a skaniyan i paganay mithaong ko paratiyaya o mga SHI-AH. kayasanaan anan a dalil sa kabbnar iyan.
  
  kataya so pd ko mga katharo o mga ULAMA O MGA SHI-AH :
  a si aki inin a AL-QUMMY : 
  MATAAN A SI ABDULLAH IBN SABAH, NA AYA BTADIYAN NA YAHOODI NA MIYAGISLAM, NA MIZORAMIG KO ALI, GO DIINIYAN THAROON SII KO KAYAYAHODI IRON SO KABABALOY O "YO'SHA' BIN NOON" A "WASI" AMANAT O MASA A.S.W., NA SII KO KIYAPAGISLAM IYAN, NA SII KO ORIYAN O KIYAWAFAT O RASOLOLLAH S.A.W. NA PITHARO IYAN SO DATAR O DINIYAN DII THAROON KO GOWANI SA PHITHARO IYAN A SO ALI R.A. NA "WASI" O RASOLOLLAH S.A.W., GO SKANIYAN I PAGAMPAGANAY A MIZAKSI A KATHARO SA KIPAPATORAY O KABALOY A IMA'M O ALI BIN ABI TA'LIB R.A., NA GO MIYAGANGYAS SKANIYAN KO MGA RIDOAY O ALI R.A., NA GO PIYAKA KAFIR IYAN SIRAN. ( AL-MAQA-LAT WAL-FIRAQ, PAGE 22 ). Kitab anan a SHI-AH knaba kitab a SUNNI.
  
  Na antonaapn i kandapayaniyosan ba samawto na mga bokhag langon 15 oto a mga Ulama o mga SHI-AH a langon pn aya iphnggrar kiran na mga ALLA'MAH odi na AYATOLLAH odi na HOJJATOLLAH !!!
  
  Sopaman so 12 a imam ko mga mbawataan o HOSAIN R.A. na matagon domadalong so mga SHI-AH ka o phakaimolngi phiyapiya na mga ridoay siran o mga AHLUL BAYT ka salakaw siran i agama na salakaw i agama so mga AHLUL BAYT.
  
  Aya karina san na : ba dii pangopaka o 10 a imam ambawataan o HUSAIN a lawas iran sa datar o phzowaan o mga SHI-AH ? 
  go basiran dii khlit ko marzik ?
  go basiran dii pamagikta ka mga Aso o HUSAIN ?
  go basiran dii thithipo sa Apoy kagiya NIROZ ?
  go bairan dii paki pmt-ae so mga watairan a mga babay ? 
  
  knaba iran aki anan mga Ulawla !!!
  
  Samawto na salakaw i agama so mga SHI-AH na salakaw mambo so mga AHLUL BAYT ka mga AHLU SUNNAH siran.
  
  - GIyangkanan thothol ka a sakataw a SAHABA a inipangosngiyan a ngipniyan gowani a katokawaniyan a kiyaspoan so rasolollah s.a.w. na kailangan na mibgaynga anan ?
  
  Go aya phamikirn kasan pagariya na opama na phangimbnarn ka a thothol anan ?
  
  Kawto a phitharo oka a phitharo o rasolollah s.a.w. a giyoto a mama i maporo i paratiyaya ko mga sahaba! na ino tharimaan ka anan ?
  
  sii ko panarima o mga SHI-AH opama na mas maporo i paratiyaya si akioto a di so ALI ago so FATIMAH r.a. ? Ino a da pangosngn o ALI go so FATIMAH a ngipn iran opama ka ba giyotobs i mapiya ? samawto na kalalawanan iyan siran sa paratiyaya go babaya ko rasolollah s.a.w. ?
  
  - ikadwa pagariko na so qur-an na piyayagon o Allah a di khapakay ko Muslim oba niyan somboon a ginawaniyan ko kabinasaan o ginawaniyan.
  (ولا تلقوا بأيديكم إلى التهلكة وأحسنوا ) Al-baqar 195.
  
  Maana : Obaniyo somboon so mga ginawaniyo sii ko Kabinasaan go phiyapiyakano.
  go adn a salakaw san a mga A-yat a inisapar o Allah oba bonoa o muslim a ginawaniyan.
  
  Go phitharo rasolollah s.a.w. : ( ليس منا من لطم الخدود ، وشق الجيوب ، ودعا بدعوى الجاهلية ) Al-Bokhari.
  
  Maana : Dirkami pd so diniyan dii pranangn a ginawaniyan, go diniyan dii pangisiin so nditarniyan, go diniyan dii tharoon so datar o dii indidiyagaw o mga Ja-hiliyah. - sabap ko da kasoat ko kadar o allah a kiyawafat o isa taw -, na datar anan so phzowaan o mga SHI-AH a goraok lalis irandn sa kaphphananawaga iran ko HUSAIN r.a. na inisapar o rasolollah s.a.w. so lagid anan a galbk.
  
  GIyangkanan pman a dingka dii tharoon a KIYAPATAY o HUSAIN go so mga PAGARINIYAN go so mga domadaorogon a mga SUNNI knapn oba mga SHI-AH na pamatiyaka phiyapiya ka khailaynga ayaman a phiyor a kiyasabapan sa kiyapatay o HUSAIN r.a. a go so mga pdiyan na sabap ko mga SHI-AH ka tiraydor iran so HUSAIN ka inipaan iran ko IBN ZIYAD A MAMA a baradusa, kna aki oba inisogo o YAZID a bonoa iran so HUSAIN, Apiyapn skaniyan na madakl i kadustaan na o phphamatiyaka sa kitab na khatoon a gowani a misampay ko YAZID so balita a kiyabonoa o mga sondaro o IBN ZIYAD ko HUSAIN na miyaka goraok skaniyan na go inipamaninta iyan so IBN ZIYAD.
  
  O phtharota sa Untol na Aya ki a miyono ko HUSAIN R.A. na so mga SHI-AH ka inibolog iran sa tarotoyan na tiraydor irambo ka piyalagoyan iran.
  
  Kataya so katharo o Imam Zainal A'bideen r.a. a wata o HUSAIN R.A. a ikatlo ko phagimamn o mga SHI-AH : 
  ( PHITHARO O IMA'M ZAINAL A'BIDEEN A.S. KO MGA TAW SA KO'FAH : INO SASABOTN IYO A MATAAN A SKANO NA PHIZORATAN IYO SO AMA AKN, NA ORIYANYAN NA INAKALIYO SKANIYAN, NA INIBGAYNIYORON SO KASARIGANIYO ORIYAN IYAN NA BIYONO IYO SKANIYAN NA GO PIYAKARONDANIYO, ANTONAADN I MATA A IPHAGILAYNIYO KO RASOLOLLAH S.A.W. A PHTHAROON IYAN RKANO A : BIYONO IYO SO FAMILIYA AKN, NA GO PHINDAPOAYAN IYO SO PIYAKA HARAM AKN, NA KNABA AKN SKANO MGA UMMAT. ( AL-IHTIJA'J, VOL 2, PAGE 32 ). kitab anan a SHI-AH knaba kitab a SUNNI. 
  
  Samawto na aya miyono a phiyor ko HUSAIN r.a. na so mga SHI-AH ka piyalagoyan iran go tiraydor iran ka ini paan iran ko mga baradusa a mga sundaro o IBN ZIYA-D.SAMANAN PAGARIKO NA MIYAPAYAG RKA A SKA I MARIRIBAT GO WAJIB A PAKARAYAGN KO MGA TAW SO THITHO A KHAORIYAN KO PARATIYAYA A SHI-AH, KA AN KAPANANGGILAI O MGA MUSLIM KA ANSIRAN DI KHADADAG.