ANTAWAA SKANYAN A SHAIKHOL ISLAM IBNO TAYMIYYA R.T. ?

----------------------------------------------------------------------------------
MAKAMPT A THOTHOLAN KO SHAIKHOL ISLAM IBNO TAYMIYYA R.T.
 ----------------------------------  ------------------------------------ 

- Skanyan si : AHMAD BIN ABDIL HALIM BIN ABDIL SALAM BIN ABDILLAH AL-HARRA'NIY ( IBNO TAYMIYYA ).

- Inimbawata skanyan sii sa darpa a Harra'n sa ingd a SIRIA ko ragon a (661 H. )

- Na myafat skanyan sii sa KAL-AH a DAMASCUS sii sa ingda SIRIAH ko ragon a 728 H.

Si khaikhol islam na tanto a Mibibida sii ko kapasang iyan na goso kagaan iyan i kamorais na go kagaan a kaphzbotanyan sii ko katharo na go so kapyanyan i paratiyaya na go panarima.

Phitharo i Al- Alla'mah Camaloden al- Zamlaca'ni r.t. ( died : 727 H. ) a :

: (كان إذا سئل عن فن من العلم ظن الرائي والسامع أنه لا يعرف غير ذلك الفن، وحكم أن أحداً لا يعرفه مثله، وكان الفقهاء من سائر الطوائف إذا جلسوا معه استفادوا في مذاهبهم منه ما لم يكونوا عرفوه قبل ذلك، ولا يعرف أنه ناظر أحداً فانقطع معه ولا تكلم في علم من العلوم، سواء أكان من علوم الشرع أم غيرها إلا فاق فيه أهله، والمنسوبين إليه، وكانت له اليد الطولى في حسن التصنيف، وجودة العبارة والترتيب والتقسيم والتبيين )

Aya tigyan a btad i Shaikhol Islam na igira a inizaan sa apya antonaadn a KATAO a phakanggay a gona na andadn i kasmbaganyan sii ko pakaiza na ayadn a kakhailayaon o phamamakin-gon na dadn a baron makalawan sa katao sangkoto a Shay' a simbagyan, Aya tigyan a masosowa o mga FOQAHA ko langon mga lompokan na igira a myamamakin-g siran sii ko katharo iyan na tanto iran a dii kanggonaan na go phkhatokawan iranon so pd sii ko sosoldan iran a MAZHAB a diiran oto katawan ko onaan oto, na go dadn a myapanothol a ba adn a myakindiscuson a sakatawbo a banyan myapakatarg odi na myan myapgs, na go daa banyan kandiscusa sii ko Ilmo mlagid o sii ko ilmo sii ko agama antawaa ka sii ko salakawron inonta kalawananyanompn sa saboto so mga taw a thithoron a myaganad, go tanto skanyan a mapya i kasorat sa kitab, go tanto a mapya i kawsar sa mga katharo go tanto a mapya i katanor sa phtharoon go so diiron kapakazisibayaa go so kaphphakarayagaon.

Go phitharo i ABUL BAQA AL-SOBQI " ASH-ARI I AQIDAH" ( died 785 H. ) :

: (والله يا فلان ما يبغض ابن تيمية إلا جاهل أو صاحب هوى، فالجاهل لا يدري ما يقول، وصاحب الهوى يصده هواه عن الحق بعد معرفته به

Meaning :

Wallahi Ya fola'n, ka daa taw a phkhararangit siiko IBNO TAYMIYYAH inontabo so BODA a aya maoona so baya ginawanyan, ka so BODA na dinyan katawan so nganin a diinyan dii tharoon, na so katatagoan sa baya a ginawa phagalangan skanyan o baya a ginawanyan sa katarimaanyan na go kakowaanyan ko bnar ko oryan o kyatokawinyanon.

Go si ABDUL WAHHA'B AL-SOBQI na sii ko kya aloyanyan sii ko pangkatan i amaiyan a kayatharonyan sa SHAIKHOL ISLAM na iphatharo iyan a daa khabwan sa SHAIKHOL ISLAM INOTA SO TLO ; Si Ama iyan go sI IBNO TAYMIYYAH go si SHAMSODEEN IBNI ABI UMAR. ( TABAQA'T A-SHA'FIIYAH AL-KOBRA, 10/195 )

Si ABDUL WAHHA'B AL-SOBQI na tanto a mutaasib o AQEEDA ASH-ARIY a khirk ko kita'b a ; TABAQA'T A-SHA'FIIYAH, na apya skanyan mismo na bithowanyan si IBNO TAYMIYYAH sa SHAIKHOL ISLAM sabap ko thotho a kalaiyan i ILMO.

Go phitharo i IMA'M AL-ZAHABI ( Died 648 H. ):

(ابن تيمية: الشيخ الإمام العالم، المفسر، الفقيه، المجتهد، الحافظ، المحدث، شيخ الإسلام، نادرة العصر، ذو التصانيف الباهرة، والذكاء المفرط )

Meaning :

Si Ibno Taymiyyah na SHAIKH a IMA'M a A'LEM, a MUFASSIR, a FAQIH, a MUJTAHID, a HA'FIDH, a MUHADDITH, a SHAIKHOL ISLAM, a KAINONTA KO MASANYAN, a KHIRK KO MGA KITAB A PYAMAKA MMASA SO KAPYANYAN, na go MAKAOOMABAW SII KO KAPASANG.

> Si Shaikhol islam IBNO TAYMIYYAH R.T. na aya kyambowatan iyan a masa na ayabo a makagagangkong a phkhababayaan o mga pagtaw a mga ULAMA na so mga AHLU KALAM a phagosar sii ko PHILOSOPHY a go MANTIQ, na so mga ULAMA na aya mga papasangon sa gyangkoto a masa na go mga ULAMA A MGA bibid i panarima DATAR O MGA SOFIY ago so mga ASH-IRAH go so mga SHI'AH, sii sangkoto a masa na adn mambo a mga ULAMA a mga SALAF I PANARIMA Ogaid na di khan-g na go di phakaliyawaw so mga katharo iran na go disiran khilalaan o mga TAW sabap ko knaba iran aya OKIT ko dii kindaawaan sii ko PANARIMA a ONTOL na diinggolalan sa PHILOSOPHY na go MANTIQ na so mga kitab iran na dimbatiyaan o mga taw na go aya iphmbotho kiran o mga ULAMA a mga bibid i PANARIMA na mga JA'HIL sabap ko diiran kapagosar sa PHILOSOPHY go MANTIQ sii ko mga kitab iran ka dairan oto mapaganad na go tanto iran a iphkhagowad.

Na sii ko kyapaka gmaw o SHAIKHOL ISLAM IBNO TAYMIYYAH a skanyan na bigan o Allah sa tanto a mabgr a pamikiran na go paratiyaya linang na go PANARIMA a maka oontol, na datar dn a angkot a kiniropa anon i Al- Alla'mah Camaloden al- Zamlaca'ni r.t. ; a skanyan na igira a mitharo sii ko apya antonaa a ilmo na ayadn a kakhagdamaon o diiron mamakin-g na dadg a banyan onaan a mapasang sangkoto a dinyan dii pagosay'n.

Sabapsan na INOSARIYAN SO PHILOSOPHY go so MANTIQ na somiyorat sa kitab a PYAGYANON so kapakasisilay o mga groupo a mapapayag sangkoto a masa DATAR o ASHA-IRAH go so SOFIY go so SHI'AH na initabad oto na go initagthr a otk o mga ULAMA a khipakasisilay i PANARIMA sangkoto a Oras sabap ko inosaryan kiran so ILMO IRAN na kyasobraanyan siranompn sa KAPASANG na dairandn oto tangkaan, na dairandn botagi odairan mapaki kalaboso so SHAIKHOL ISLAM IBNO TAYMIYYAH r.t.

Ino gyanan i myasoba iran a pandapat a kailangan na mapaki kalaboso ka dadn a okit a bairanon kakhapgsa sabap ko OOMBAWANYAN SIRAN sii ko mga ILMO IRAN a pyaganad iran na milalawanyan kirampn a kapyanyan i PARATIYAYA na go PANARIMA sabap ko ayadn a tyabanganyan a panolon na so PANOLON o Rasolollah s.a.w. go so mga SAHA'BA r.a. ko kapapayagyan ko panolon o 4 a imam o AHLUS SUNNAH WAL JAMAA' specially so IMA'M AHMAD IBN HAMBAL R.T. na sii sa sold a go liyo a kalaboso na tanto a madakl so minisirat iyan a mga kitab a kyapanabanginyan sii ko PANARIMA O MGA SALAF AL-SA'LIH, nggolalan ko kyapayagaon sii ko mga pagtaw na go so kyasmbaganyan ko lawan mga LIMPANGAN o mga ULAMA a mga AHLUL KALAM sa pyagiyan kiran so mga karibatan iran.

Ogaid na gyangkoto a mga Ulama a mga bibid i PANARIMA na mimbaal siran sa mga IFTA a ini angkob iran sii ko SHAIKHOL ISLAM IBNO TAYMIYYAH datar o kyapakitharoon iranon sa so SHAIKHOL ISLAM IBNO TAYMIYYAH na pyaka haram iyan so kapamicta sa QOBOR apyapn so QOBOR o Rasolollah s.a.w., na pyangwas wasan iran so mga datu o mga Muslim sangkoto a Oras taman sa myakapira makakasoy so SHAIKHOL ISLAM IBNO TAYMIYYA sii sa kalaboso, TAMAN sa rondn kyapantagan a kawafat sii sa sold a KALABOSO sii sa QAL-AH odi na KOTA a matatago sii sa ingda DAMASCUS sa ingd a SIRIA.

> Gyanan i tanto a makampt a thotholan tano makapantag sii ko SHAIKHOL ISLAM IBNO TAYMIYYAH r.t. a mama a syabapan o Allah sa kyabaton sa kababawan o PANARIMA a maka oontol ko oryan o kinilbngnon o mga ULAMA a MGA BIBID I PANARIMA.

Ikalimo o Allah so SHAIKHOL ISLAM IBNO TAYMIYYAH na go pakasoldyan sii o SURGAIYAN.

Allahumma A'meen.

BA SO "ALLAH" NA MANGODA A DAA SOMPAIYAN ?

---------------------- 

Isa inin sii ko mga LIMPANGAN o mga taw a khipakasisilay phoon sii ko okit o mga SALAF AL-SA'LIH, a iphthmpo iran sii ki Shaikhol islam ibno Taymiyya r.t. sabap ko kyaaloyanyan sii ko HADITHS a makabbtho sangkanan a mya aloy a SIFAT O ALLAH sii ko kitabyan a phmbthowan sa TALBI'SOL JAHMIYYA.

> Antonaa i katantowan a gyanan a LIMPANGAN IRAN ?

- Kataya so lafdh o HADITHS :

( رأيت ربي في صورة شاب أمرد له وفرة جعد قطط في روضة خضراء )

Meaning : Myailay akn so kadnan akn sii ko bontal a mangoda a adn a bokyan a malililay phyapya, a sii skanyan sii ko Garden a Makagagadong.

Gyanan a Hadiths dwa so okit a kyapakathitayanyan sii ko mga Ulamaol Hadiths ;

1- Phoon ko QATA'DA a phoon ko IKRIMA a phoon sii ko IBNO ABBA'S.

2- Phoon ko MARWA'N BIN UTHMAN a phoon ko AMMA'RA BIN A'MER a phoon ko UMMO TOFAYL A KAROMA O KAAB.

Na gyanan a paganay a Okit a kyapaka okityan a phoon sii ko QATA'DA a phoon ko IKRIMA a phoon sii ko IBNO ABBA'S na phitharo o sabaad sii ko mga ULAMAOL HADITHS a skanyan na HADITHS a SAHEEH.

Siran so :

1- Ima'm Ahmad.
2- Ima'm Abo Zor-ah AL-ra'zy.
3- Ima'm Al-tabara'ni.
4- Ima'm Abul hasan Al-basha'r.
5- Ima'm Abu Ya'la.
6- Ima'm Ibn Sada'qah.
7- Ima'm Ibno Taymiyyah.

Aya kapantk o phtharoon na knaba sobo so Ima'm Ibn taymiyya r.t. i mitharo sa SAHIH a gyangkanan a HADITHS, ko riwa'ya o IBN ABBA'S. sa datar o kaphagangkobaon o mga taw a myamaka silay sa PANARIMA, lagid o mga SHIA'H go so mga ASHA'IRA Etc. a palaya sandn phagangkobo ko SHAIKHOL ISLAM IBNO TAYMIYYA.

- Gyananpman a ikadwa a kyapaka okit o Hadith na inongkirn o kadadandan o mga Ulama sa Hadith Inontabo so Abu Ya'la r.t. ka pyaka correct iyan so Hadith.

Note :

- Si Ima'm Ibn Taymiyya Go gyanan a 6 a mga Ima'm a mitharo sa correct so Hadith sii ko Kyapaka okityan si ko IBN ABBA'S na myaopakat siran sa aya kiya Ilaya O rasolollah s.a.w. ko ALLAH sa bontal a MANGODA na TAGINPN knba PERSONAL, na inayonan siran san pd sii ko mga Ima'm.

- Kataya so Mitharoon sa gyanan na Taginpn knaba personal :

1- Ima'm Ahmad.
2- Ima'm Abo Zor-ah AL-ra'zy.
3- Ima'm Al-tabara'ni.
4- Ima'm Abul hasan Al-basha'r.
5- Ima'm Abu Ya'la.
6- Ima'm Ibn Sada'qah.
7- Ima'm Ibno Taymiyyah.
8- Ima'm Al-zahabiy.
9- Ima'm Al-Soyo'ti.
10- Al- Muallimiy.
11- Al- Ajo'la'niy.

> Samanan na myatangkd a so diron dii katharo a O mga GROUPO a khipaka sisilay sa si SHAIKHOL ISLAM IBNO TAYMIYYA na tyantonyan sii ko ALLAH SIFAT ( MANGODA A DAA SOMPA IYAN A ADN A BOKYAN A MAKALILILAY na di skanyan bnar oba anan tyanto o SHAIKHOL ISLAM SII KO ALLAH a banyan anan sifat.

> SO MGA DALIL SA KNABA ANAN TYANTO O SHAIKHOL ISLAM SII KO ALLAH A GYANGKANAN A SIFAT :

1- Pyayag iyan sangkanan a kitab a inaloyanyan sangkanan a HADITH a gyanan na TAGINPN knaba personal a kya ilayaon o Rasolollah s.a.w.

2- So mga riwa'ya sii ko mga Hadiths na mya aloy a sii matatago so Rasolollah s.a.w. sa Madinah ko kya aloyanyanon, inontabo so Riwa'ya o IKRIMA.

3- So Taginpn o mga Nabi na Igira na Gyabo a kapakadadalong iyan sii ko Titho a katantowan o taginpnyan sa bontal a mapya, datar o kyathaginpa o NABI a YUSOP a.s. sa somiyojudon so ALONGAN ago so ULAN go so 12 a mga bitoon.

Na aya Katantowan o taginpn iyan na ayaon myaka Sujud na si AMA IYAN go si INA IYAN go so 12 a MGA PAGARINYAN. knaba so ALONGAN go so ULAN go so mga BITOON A 12.

4- So Allah na diskanyan khailay sa Dunyan, aya dalil na so kyapangniyaon o Nabi a Musa a.s. a mailayanyan so Allah Sii sa dunyan na danyandn oto magaga obanyan mailay so Allah sabap ko di khailay so Allah sa dunya, datar anan a daskanyan mailay o Rasolollah sa Dunyan a ba personal.

5- So Ima'm IBNO TAYMIYYAH na tantonyan a pyamaawinga so mga taw a iphphanolagid iran so Allah sii ko mga kaadn iyan, datar o HISA'M IBNOL HAKAM go so mga pdyan, sa pyaka sakitanyan siran sa mga katharo sabap ko khiphkhagowadnyan sii ko AQEEDA iran a iphphanolagid iran so Allah sii ko kaadn iyan.

Gyanan langon na Mga Dalil anan sa di bnar oba so SHAIKHOL ISLAM IBNO TAYMIYYA na tyantonyan a sabap sangkanan a HADITH so sipat o Allah a MANGODA A DAA SOMPAIYAN, Aya mataan na sopaka anan o AQEEDA odi na PANARIMA O SHAIKHOL ISLAM IBNO TAYMIYYA r.t. .

> So taw a kabaya iyan a katokawn iyan phyapya i AQEEDA o SHAIKHOL ISLAM IBNO TAYMIYYA pantag sa gyanan a tagipn o RASOLOLLAH s.a.w. na batiyaa nyan a ngkai a dwaa kitab i angkanan a SHAIKH.

MAJMOO FATA'WA 3 /389 -394

BAYA'N TALBI'SIL JAHMIYYAH 7 / 150 - 390

BAYA'N TALBI'SIL JAHMIYYAH 7 / 197

So Kambatiyaa san o Muslim sa gyanan dwa kitab o SHAIKHOL ISLAM na phakarayagon a so SHAIKHOL ISLAM na myakapiranyan maaloy a so mga SALAF AL-SALIH go so mga ULAMA o mga AHLU SUNNAH na IJAMA SIRAN odi na MAOOPAKAT siran sa DI KHAILAY so ALLAH sii sa DONYA sa LIVE odi PERSONAL.

Na Sii Sa gyanan a Hadiths a phitharo iyan a pyaka correct a gyanan a mga IMA'M a myanga AALOY pdon so IMA'M O AHLU SUNNAH WAL JAMAA a so IMA'M AHMAD IBN HAMBAL na gyanan na TAGINPN sa knaba PERSONAL na sabap roo na knaba ANAN SIFAT O ALLAH S.W.

Na gyanan i PANARIMAON O SHAIKHOL ISLAM IBNO TAYMIYYA na go gyanan i panarima on o mga SALAF AL-SA'LIH ( SAHA'BA )na go so mga MOONOT na go tomotondg sii ko okit iran siran so mga SALAFIYYA.

وفّقني الله وإياكم

ANDA SO "ALLAH" KO DAPN SO LAWANGOWANTAMAN

------------------------------ 

1 - Anda matatago so Allah sii ko danyampn kaadna ko mga kaadn iyan ?

- Answer :

( عن أبي رزين العقيلي رضي الله عنه قال: أين كان ربنا تبارك وتعالى قبل أن يخلق السماوات والأرض؟ قال: كان في عماء، ما فوقه هواء وما تحته هواء، ثم خلق العرش ثم استوى عليه ) hasanon Sahi'h.

Meaning :

Miyaka phoon a ki Abi Rozain al-oqayli a myasoat so Allah sii rkanyan a phitharo iyan sii ko Rasolollah s.a.w. : Anda matatago so kadnan tano ko Onaan o danyampn kaadna sii ko mga langit na go so Lupa ?

Na phitharo o rasolollah s.a.w. : Sii skanyan Matatago sii ko phmbthowan sa IMA' ! aya kaporoanyan a HAWA " Ndo' " go aya kababaanyan na HAWA " Ndo' ", Oryanyan na Inadnyan so Arash na miphantaw sii ko liyawaw nyan.

----------------------------- 

2- Anda Matatago so Allah Amay ko Bangkitn o Allah so donya a Mabinasa so mga langit na go so mga Lupa ?

- Answer :

So Allah sii sangkanan a Masa na Sii skanyan sii ko Liyawaw o Arshyan, ka daa myakatharo dalil a marayag a correct a ba myakabatal sii ko kaphaphantawnyan sii ko liyaw o Arash.

Na so Arash na sii Matatago sii ko kababanyan so Sorga.

Phitharo o Rasolollah s.a.w. :

( وأعلى الجنة وفوقه عرش الرحمن ومنه تفجر أنهار الجنة ) Bokhari.

Meaning :

Go so Kaporoan O Sorga Na so Arash O Masalinggagaw "Allah" na go sii ko Arash na ron phphakapoon so kaphagondas o mga lawasaig sii ko Surga.

Note :

Gyanan i Smbag sii ko taw a Iphagizaiyan siirkitano a Ahlu sunnah o Anda matatago so Allah sii ko dapn kaadn o Arash goso mga langit.

Go Anda matatago so Allah sii ko Kabinasa o mga Langit !

وفقني الله و إيّاكم

ANTONAA I PHMBOTHOWAN SA BID'AH ?

 ----------------------------------- ( @ ) ---------------------------------- 

Phitharo i Ima'm Al-sha'tibi ko Defination o BID'AH :

هي : طريقة في الدين مخترعة ، تضاهي الشرعية يقصد بالسلوك عليها المبالغة في التعبد لله سبحانه

Meaning :

Skaniyan so Okit odi na Galbk sii ko Agama a phimbaas, a phkharompakyan so Shariah, a aya oto a antap ko kyanggalbka sii rkanyan na so dii kapanobrai sii ko kaphzimbaa sii ko Allah a soti skanyan.

Maana ; So Bid'ah na skanyan na so nganin a galbk phimbabago a phkharompakyan so phyor a mga sogoan o Sha'ri' a aya mapipikiron na simba skanyan sii ko Allah.

---------------------- 

A - Pakaiza : Ba adn sii ko Islam a BID'AH HASANA " Mapya a Phimbabago " ?

- Answer :

Da a BID'AH HASANA " phimbabago a mapya sii ko Islam ".

Phitharo o Rasolollah s.a.w. :

( كل بدعه ضلالة ، وكل ضلالة في النار ) Muslim.

Meaning :

So langon o ga BID'AH na kadadagan, na go so langon o kadadagn na so naraka i ondasyan.

= PAKAIZA ; Ino so Omar r.a. na gwani a mailaynyan so mga Muslim a mizambayang siran s Tarawi a minjama siran na pitharo iyan :

( نعمت البدعة هذه ) Meaning : Izan aya a Phimbabago a mapya !

Badi aya maana anan na adn a MAPYA A BID'AH ?

- Answer :

So Omar r.a. na skanyan i ikadwa pirmiro a mama sii ko mga Saha'ba O rasolollah s.a.w. sabap ko paratiyayanyan na go so Onotyan sii ko Allah go so Nabi s.a.w., na so Omar na katawan iyan so katharo o rasolollah a so langon o phimbabago sii ko Islam na kadadagan sa dadn a baon mapya.

Sabap roo na aya mapipikir san o Omar r.a. na BID'AH sii ko LITTERAL WORD kanaba so BID'AH sii ko SHARI'AH!

Aya dalil na so KAZAMBAYANG SA TARAWI sa JAMA'AH na knaba anan phimbabago o mga Muslim sii ko kyawafat o Rasolollah s.a.w. ka aya mataan na myaka zambayang so Rasolollah s.a.w. ago so mga Saha'ba sa TARAWIH a JAMA'AH sa myaka dwa gawii odi na myaka tlo Gawii, oryanyan na danyan sirandn liyowi pharoman sabap ko inikawanyan obakiran mipatoray so kazambayang sa TARAWIH a JAMA'AH na mioman sii ko LIMA a WAQTO.

Ogaid na sii ko kyawafat o Rasolollah s.a.w. na dadn a ba khithoron a Wahi ka myacomplitodn so Agama na myada so kawan oba mabaloy so kazhabayang sa TARAWIH a JAMA'AH a paliyogat a khiyoman sii ko LIMA a WAQTO, na myapakaydn a zambayang lalayon so tarawi sa JAMA'AH.

Sii sangkanan a kya osaya tanoron na myakarayag a so KATHARO O OMARA R.A. na knaba aya mapipikiryanon na BID'AH HASANA SHAR-IYAH ka aya mapipikiryanon na BID'AH HASANA LUGAWIYYAH.

Aya sabap anan na da sa kaatasan o Omar r.a. obanyan sopaka so katharo o rasolollah s.a.w. a tanto a marayag.

- Sabap san na bapya antaadn sii ko mga Ulama i phtharoonyan a ADN A BID'AH HASANA SHAR-IYAH na di khaonotan so katharo iyan apyapn skanyan na isa sii ko mga Ima'm o mga muslim sabap ko marayag a kayasopakanyan sii ko katharo o Rasolollah s.a.w.

وفقني الله وإياكم

ANTONAA I MAANA A SALAF GO SALAFIY ?

--------------------------------------- 

So AL-SALAF na aya maana nyan sa litteral na : sagorompong a mga taw a myangaoona, kagya skanyan na ismol jam' sii sa basa Arab.

Na so AL-SALAF AL-SA'LIH na : Siran so mga Saha'ba O Rasolollah s.a.w. go so mga pipiya sii ko mga Ta'bieen go so mga Ta'bio al-ta'bieen.

Gyanan so phitharo o Rasolollah s.a.w. :

( خير الناس قرني ثم الذين يلونهم ثم الذين يلونهم ) Correct a Hadits "Al-ba'nie".

Meaning :

Aya mga pipiya a mga taw na so sii ko Masa akn, na oryan na sopman so phaka salonokiran, oryanyan na sopman so phakasalonokiran.

------------------------------------- 

So SALAFIE, Antaa i phmbothowan sa Salafi ?

- Aya phmbthowan sa Salafi na so taw a aya kkdgn iyan a okit sii ko panarima go sii ko Manhaj na so Okit o mga SALAF AL-SALIH.

Maana : So Okit o mga Saha'ba O Rasolollah s.a.w. go so mga pipiya sii ko mga Ta'bieen go so mga Ta'bio al-ta'bieen, sa diiran khababayaan oba siran panila silay sa pd a Okit.

- Aya sabap anan na kagya gyanan i Insana o rasolollah s.a.w. ko kyatharoa nyanon :

( فإنه من يعش منكم فسيرى اختلافا كثيرا ، فعليكم بسنتي ، وسنة الخلفاء الراشدين المهديين عضوا عليها بالنواجذ ، وإياكم ومحدثات الأمور ، فإن كل بدعة ضلالة " )

Meaning :

Matamataan a sadn sa makapagintaw rkano na khailaynyodn so kapakaphzosopaka sa myakadak dakl.

na aya wajib rkano na so kikapn iyo sii ko Okit akn ago so Okit o mga KHolafa a khikatotoro sa pangitgniyoron komkb so mga bagang iyo.

Na go Pananggilainyo so dii mga mbabago sii ko mga sogoan go pakabtad o Islam ka mataan a so langon o dii mambabago na kadadagan skanyan.

Minirampay kiran so katharo o pd ko mga pirmiro ko mga bolayika o Nabi s.a.w. a so Ibn Mas-od r.a. a Mash'hoor :

( مَن كانَ مُسْتَنًّا ، فَلْيَسْتَنَّ بمن قد ماتَ ، فإنَّ الحيَّ لا تُؤمَنُ عليه الفِتْنَةُ ، أولئك أصحابُ محمد - صلى الله عليه وسلم - ، كانوا أفضلَ هذه الأمة : أبرَّها قلوبًا ، وأعمقَها علمًا ، وأقلَّها تكلُّفًا ، اختارهم الله لصحبة نبيِّه ، ولإقامة دِينه ، فاعرِفوا لهم فضلَهم ، واتبعُوهم على أثرهم ، وتمسَّكوا بما استَطَعْتُم من أخلاقِهم وسيَرِهم ، فإنهم كانوا على الهُدَى المستقيم ) .

Meaning :

Sadn sa khabaya rkano mgangilay sa mapya a Okit, na aya Okitinyan na so Okit o mga Wawafatdn, kagiya Oyagoyagpn na ditawn phakasarig o ba skanyan na didn khafitna so tindgyan.

Na aya Mapy a Zongkadn a myanga Wawafatdn na so siran oto so mga Bolayoka o Rasolollah s.a.w. ka siran pirmiro sii sangkai a pagtaw ;

Tanto a mga pipiya o Puso, go mga dadalm i Ilmo, go Mga iito i kaprikor.

Pinilisiran o Allah a mabaloy a mga ginawai o Nabinyan a Muhammad s.a.w., na go pinili siran o Allah a phakatindg sii ko Agamanyan, na sabotinyo na go bganyo kiran so pangkatan iran, na go Onotinyo so mga rarad iran a mga galbk, na kaptinyo so nganin a khagaganyo sii ko mga paparangayan iran go so mga okit iran, ka mataan a siran na makkdg iran so toroan a makathithitho.

وفّفقني الله وإيّاكم

SO MAANA O WORD A ( َدُوْنَك ) A DALIL O MGA TAW SA SABALA

-----------------------------------  

Osayan na go rayagan :

Phitharo o Rasolollah s.a.w. sii ko kiniropaanyan sii ko Allah :

( أنت الأول فليس قبلك شيء، وأنت الآخر فليس بعدك شيء، وأنت الظاهر فليس فوقك شيء، وأنت الباطن فليس دونك شيء ) Muslim.

Meaning :

Skai pagampaganay na daa onaan ka a Shay'.

Go Ska i plimposan na daa oriyanka a Shay'.

Go ska i Makaliliyaw a matatago sii sa poro na dadn a baraka maka lalangkolob a baraka makaliliyaw a Shay'.

Go ska i Marani sii ko mga kaadn ka na dadn a ba makalawan ko karaningka kiran.

Gyanan so katharo o Allah :

(وَنَحْنُ أَقْرَبُ إِلَيْهِ مِنْكُمْ وَلَكِنْ لا تُبْصِرُونَ ) Al-waqiah 85.

Meaning :

Go skami i pinaka marani sii rkanyan a di skano, ogaid na disiran phamaka ilay.

So word a ( َدُوْن ) na dii makapmaana sa pinaka marani.

Katii so kyatharo awn sa QA'MO'S a LISA'NOL ARAB :

ويقال: هذا دون ذلك أَي أَقرب منه

Meaing : dia tigyan dii pmatharo sii ko maana o ( َدُوْن ) so lagid aya : Gyanan na MAS MARANI ron.

Gyai so myataalik tano sii pagaritano a kaphakarayaga tano sii kababaloy o ( َدُوْن ) a dii makapmaana sa Marani, sabap ko kya aloyaon o mga Pd ko mga Ala a mga Ulama tano, na katan a pyakarayag akn na khapakay a ilain irambo.

-------

- Ino akn aya inosay ka mya Ilay akn a gyaya i babaloy o mga pagaritano a Dalil iran sa diirano dii katharoa sa so Allah na Daa baon katatagoan.

Phitharo tano a gyanan a Hadiths na diiran anan khidali sabap ko khasopakyan so tanto mga rarayag a mga A'yat sii sa Qur'an a makanggogonanao sa So Allah na sii sa Langit a Phapaporo sii ko Arsh iyan.

Datar o Katharo o Allah :

( الرحمن على العرش استوى ) Ta'ha 5.

Meaning :

So Masalinggagaw " Allah " na sii ko layawaw o Arsh na ron phapantaw.

Go tanto a madakl a mga A'yat go mga Hadiths a Marayag a tanto a kapakabbthonyan sa So Allah na sii Matatago sa Poro .

Go inaloy tano a so diiran dii kipmaanaan sii ko ( َدُوْنَك ) sa ( تحتك ) Maana ( kababaan ka ) na ribat sabap ko aya maana san ( َدُوْنك ) na ( أقرب منك) a aya oto a mapipikiron na so tanto a kikakaipn o Allah go so kassnb o katawinyan sii ko nganin a diinggola olaan o Oripnyan.

Knaba aya maana nyan na so Allah na tanto a marani sii ko Oripniyan sa basirambo di makaphzkhoay.

Ka so Allah na mabblag sii ko mga Oripyanyan ka phaphantaw skanyan sii ko Arashyan na snsbyan so langowan taman a phkhaola ola o langon o mga Oripnyan.

وفّقني الله وإيّاكم

- SO THITHO A GINAWAI " BEST FRIEND " -

.>> ------------------------------------  ------------------------------------ <<.

( THOTHOLAN KO DOWAKATAW A NGGINAWAI )

Adn a myapanothol a dwakataw a mlayok.

Gyangkoto a dwakataw na myakakhilalai siran sii ko kapanga iito irampn.

Na so malo iran a kaphphakala na tanto a phkhailot so diiran dii kangginawai.

Na myaoma so masa a so mga luks o isa sangkoto a dwakataw a mlayok na pagawa siran sangkoto a Ingd  ka salakaw a mbalingan iran a darpa.


Na gyangkoto a isa a wata a pagawa so mga luks iyan sangkoto a ingd na tanto a myarata a ginawanyan sabap sa khaawaanyan so layokyan a phkhababayaanyan. 


Na sabap ko skanyan na matag wata a daa banyan kapaar ko mga luksyan na siyongowanyan angkoto a BEST FRIEND iyan na myadosondn skanyan, sa pyanotholyanon a phakaawa siran sangkoto a ingd ka pagawa roo so mga luksyan.


Na so kyan-gawn angkoto a layokyan na aya minisambi sii ko kapipiya a ginawanyan na so kararata a ginawa,  ogaid na andamanyan na gyoto o okoran iran a makaphmblag siran a mlayok.


Na tig angkoto a isakiran a pagawa a imanto na myatangkd a makaphkhawatanatadn na badi khapakay a mbaalta sa kapasadanta ?

Na tig angkoto a isaon a Oway antonaa i phphasadaanta ?

Na tigyan a phasadata sa Oryan o 20 years, dwaopolo ragon na phthoonata.

Na tig angkoto a isa a Oway tanto anan ko mapya, na antonaa i miphkhilalaita ?

Na tigyan a Tomndota sanditarn a ayata Zolotn amay ko phthoonata,  Go tomndota sa darpa a ronta phthoona, go tndoon ta so Ragon Go Olanolan go Gawii.

( Na tindo irandn so Darpa a phthoona siranon Go tindo iran so nditarn a Zolotn o oman i isa kiran para makakhilalai siran na go Ragon go so Olanolan go so Gawii)

Na oman i isa kiran na ini morais iyan angkoto a kapasadan iran a pimbaalan iran a dwa.


Na sii ko kaphkhalanggay O masa na badn phphamagoman so kadali o oman i isakiran ko pdyan.


Na sii ko kyaoma angkoto a kapasadan a kaphthoona iran, na Gyangkoto a isakiran a da maka awa sangkoto a ingd a kyathoonaan iran na tanto a mababaya na go ma iexcited sa kailayanyandn sangkoto a ginawainyan, kagya skanyan na mya istidi sangkoto a darpa a kyangginawaaiyan iran na omanyan mailay so mga balintad a disiranon diithoona na katanodanyan angkoto a layokyan a phkhababayaan iyan.


Na somyongdn So Oman i isakiran sangkoto a darpa a phiphasadaan a ron siran phthoona.


Na kagiya ko maka kharaniya siran na Oman i isa na myailaynyan so pdyan, Na go myakilalanyan sonditarn a phiphasadaan iran a Zolotn o Oman i isakiran.


Na ttntangan o isakiran so pdyan na gyangkoto a isakiran na tantoron a maiilay so kikadaliinyan sangkoto a ginawainyan, na gyotopman a isawn na Normal sii ko bontalyan a gyangkoto a kyapaka pagilaya iran.

Na Tig angkoto a isa a inomangaday a lagid o tanto Normal " Cold " sa gyaya a layok akn a gyaya a kyailayanyan rakn ?


- Na phzmbagn iyambo sa ginawanyan a tigyan a ; Banda kagiya tanto a myathay so Masa a dakamidn makathoona , go madaklpn a Mizaga zagadon a Mga Sha'y ko sold o diyami kapakaphagilaya na gyananda i sabap a lagid o Normal rkanyan so kya ilayanyan rakn.


Na Oman i Isa na somyongdn sii o pdyan na Gyagsyan na gyangkoto a Isa na tanto ron a masisipat so kadaliyan sangkoto a layokyan, na gyoto a isa na diron oto maiilay.


Na da makatigr angkoto a isa na mini iza iyan sangkoto a layokyan a tigyan a ;

Gari Ino a Ipoon kagiya ko paganay tapn a makathoona na masisipat akn rka a tanto rka a Normal angkai a kyapagilayata !

Bakongka gari kyalipati, Go Dangabs kadaliin so pagaringka ?

Go ba adn gari a myanga oola ola a kyasabapan sa kyalipatingka rakn ?

- Sakn Gari na tanto akn ska a inikadali, na go tanto akn a maiinam a obabo khaomadn angkai a gawii a kakhailaya akn rka !


Na so kyan-ga roo angkoto a Isa wn na myakatolong skanyanmaka sa phphangatatak so Lo iyan .

Na myakagiraw a ;  Gari Soman so Layoka na Myawafat skanyan , na skami na malayok kami mambo.

Na inako kasipatanyan a ginawanyan na pyangni nyan rakn a obanyan rka di khitoman so kapasadanyo a phagilayakano sangkai a darpa na  sakn i tomomanon pra rkanyan.

Gari so Layok ka na dakanyandn kalipati na go tanto kanyan mambo a ikakadali na go maiinamyan mambo a mawmadn angkai a gawii a kaphathoona iyo, ogaid na Okoran o Allah a daron skanyan sampayn. 

Na gyaya a imanto na initoman akn para rkanyan so kapasadanyo a dwa.

Na so kyan-ga roo angkoto a LAYOK angkot MYAWAFAT na myaka tolong mambo skanyan na sarta a myaka goraok na myagksyan angkoto a ISA a MANGODA sa tanto tanto dn a myarata a ginawanyan.



----------------------


Gyanan i Bontal o kangginawai sii sa Donyan a dadn a banyan ikhatatap, Apyapn i kala a kaphkhababayai o oman i isa  sii ko ginawainyan na makaphnggnata sirambo sa mathay magaan.


Ayabo a Kangginawai na go kaplayok a khatatap na so kaplayok a sii diinggolalan sii ko ISLAM, sii ko Kalk sii ko Allah na go sanggila sii ko mga lalanganyan.


Phitharo O Allah sii sa Qur'an :

( الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ ) Zokhrof 67

Meaning :

So Mlayo layok sa donya sii sangkoto a Gawii a kaphangokom o Allah na so sabaadn kiran na ridoaynyan o sabagi,  Inontabo so Myamananggila na go Khikhaalkn sii ko Allah, ka khatatap na go khalalayon so diiran dii kangginawai sa taman sii sangkto a masa.




Phitharo o Rasolollah s.a.w. sa Hadits Qudsiy :

(  يَقُولُ اللَّهُ عَزَّ وَجَلَّ يَوْمَ الْقِيَامَةِ : " أَيْنَ الْمُتَحَابُّونَ بِجَلالِي ؟ الْيَوْمُ أُظِلُّهُمْ فِي ظِلِّي يَوْمَ لا ظِلَّ إِلا ظِلِّي ) Muslim.

Meaning :

Phtharoon O Allah sii sa alongan a Qiya'ma a ; Anda so mga taw a mingginawai siran pantag ko sla sla rakn ?

Imanto na phaka sirongn akn siran sii ko siron sironga akn,  Gawii aya a dadn a khasirongan inontabo so siron sironga akn.




Gyanan i kapya na go kibibida o mga taw a sii mingginawai sii ko Islam, a khatatap na go khalalayon so diiran kanggiginawai taman sa alongan a mawri.



الّلهمّ اجعلنا من المتحابّين بجلالك يا ربّ العالمين