SO KABNAR O BABAY KO KAROMANYAN A MAMA KO KAPAKANDITARAON

Hamed H Amen :

go tunae dusa o mama gira ada sa walay so karuma nyan ka sii matatago ko luks iyan na aya nyan mambo di kapamamasaan sa gamit para sa ginawa nyan? so mama I phamasa a sarili nyan a gmit na daa rkun o karuma nyan a babae...pangninta mibgay nyu rakn so mga kabnar o bae sii ko datu. ? salamat.

-------

Muhd Rayyan Hakem Slm alykm w w.

Smbag :

Gyangkai a pakaiza aka pagariko na mapya inin a paka iza.

So MAMA na aya isa a kabnaron o KAROMANYAN a BABAY na so KHIPHPHAMAMASAANYANON SANDITARN IYAN sa diyangka a khagaganyan a so kalalayaman sii ko ingdyan.

So aya marayag sa gyanan a katharo a pagaritano na gyangkoto a mama na ayabo a iphmasanyan sa NDITARN na gyaya a GINAWANYAN.

Na gyanan na KAPLALALIM ANAN A MARAYAG, sabnar a phlalimnyan si KAROMANYAN.

Maana HARA'M sii ko KAROMA a MAMA obanyan anan DIINGGOLA OLAA.

phitharo o Allah sa qur'an :

( وعلى المولود له رزقهن وكسوتهن بالمعروف ) Baqara 233.

Tafser o ayat :

Go Wajib sii ko Datu a a kanggastowinyan sii ko Bae a karomanyan Na go so kaphkhowanyanon sa nditarnyan a so kalalayaman sii ko Masanyan, di makadadapanas na dipan kapagisraf.

SABAP O KYALATE O KINIKOBORN KO RASOLOLLAH S.A.W.

Wasema Mohaymen :

Pakaiza ?

assalamu alaykom*^_^*
mga pagariya
pakaisu akn enu so nabi taNO na kaiko matay na ba mya extain so kinilubungun run?

balasang kano o allah:)

-----

Smbag :

Muhd Rayyan Hakem Alykm slm w w.

Oway Mya extain :

Myawafat skanyan a Alongan a Isnin, na aya kinkobornon na gagawii ko Alongan a Arbaa.

Aya paka iza na antonaa i sabap :

Aya sabap na myaka pagalanga so dwa a palaya isosogo o Rasolollah s.a.w. :

1- So kanggagaani ko kikoborn ko myawafat.

2- So katndoa ko Khaleefa o Rasolollah s.a.w.

Na pyaka phn-da angkanan a dwa a palaya Wa'jb, na Aya myapayag na Mas Kailangan a Matndo daan so Khabaloy a Khaleefa o Rasollah s.a.w. sabap ko kisasangkoton o kalilintad o ingd na go so katatanor o langowan taman sii ko pagtaw.

Na sii sangkoto a Gawii a Isnin na myatndo roo a aya Khaleefa na so ABU BAKR r.a.

Na sii ko Alongan a Salasa na Piroklem o kadadandan o mga Muslim sii sa Masjid.

Then Syongowan iran so Rasolollah s.a.w. na Tyaz-hej iran na go Phizambayang iran sa kangga sakataw.

Na sii ko kyapasadaon Zambayang o langon o Mama Babay Wata sii ko mga Sahabanyan na gagawii sii ko Alongan a Arbaa na gyoto ka Inikobor iran so Rasolollah s.a.w.

Knaba aya sabap a kya late o kinikoborn ko Rasolollah s.a.w. Ba sabap sa kapamagagaw sa kadatu odi na Babaya sa Kadatu sa datar o diiron khatharoa o mga Shia.

Ka aya mataan na ininggolalan so SOGOAN o Rasolollah a tanto a Map-nd a gyoto so katharo sa Khaleefanyan a thanor sii ko Ingd na go sii ko pagtaw.

A gyanan na Myaopakaton so langon o mga Ulama a mga Muslim Ipoon sii ko mga Saha'ba sa kawawajibyan.

So mga Sahaba na siran i pinili o Allah a mga Bolayoka o Rasolollah a Tomiyabangon sa marayag na go masold, sii ko langowan a mga galbkyan, na go tomiyarima sii ko langowan a mga pandoanyan sa daa baon kapamimili, na go daa baon kapanobra.

Siran i thitho a somyabot sii ko Islam ka sii irandn myasagb sii ko ngari o Rasolollah so langowan a mga ndawaan.

Hara'm so kapamagantaa kiran na go so kaphagaloya kiran sa marata sabap ko so Allah na inibanaynyan so kyasoatyan kiran na go so kababaloy iran a aya pirmiro a pagtaw sii ko kitabyan a Maporo a so Qur'an al-careem.

Gyanan i Panarima o Ahlu sunna pantag sii ko mga Saha'ba.

..............

SO KOKOMAN KIPANGALIMOON KO PANOGANANGAN ?

Pakaiza :

Hamed H Amen :

asalamu alaykom, pakaiza akn mga pagare ko, enu so karumae inu, khapakay a pakambidaan nyan so gagaw nyan ko luks o marumaniyan go sii ko luks iyan? =sample na ayabo a bganyan na so luks familya nyan na so luks o karumanyan na di, tunae mga dapt a zabotn a dusa o kapakambidaan ko gagaw sa luks?

------

Smbag

Muhd Rayyan Hakem :

Alykm slm w w. Hamed H Amen

So kabnar ombala a Luks o dwa kataw a kharomi a mama a go babay na mbida.

So Luks a babay o Mama na mas malarkanyan i kabnar a diso karomanyan.

Na so karoma a mama na mas malai kabnar ko babay a di so mga luskusyan.

Samawto na so kaphphaya pyai o mama ko Luksyan a Babay na go so mama na khalawanyan ko kaphiphiya pya inyan ki karomanyan.

Di khapakay sii ko mama obanyan mazambi so mga luksyan ki karomanyana babay.

Ogaid na so Babay na Ayaon malai kabnar si karomanyan a di so mga luksyan.

Tanodan a gyangkanan a mya aloy na knaba aya maana nyan na di phphiyapyaan o Mama so karomanyan a babay ka di ribat oto.

So Islam na inisogo iyan ko Mama A Muslim so kaphya pya inyan ki karomanyan a babay sa sadn sa diyangka a khagaganyan.

Phitharo o Rasolollah s.a.w. :

( أكمل المؤمنين إيماناً أحسنهم خلقاً، وخياركم خياركم لنسائهم خلقاً ) Tirmizi.

Meaning :

Aya pinaka completo ko mga Mu'men i paratiyaya na so mga pipiya kiran i Adat na go parangay,

Na go aya mga piramiro sii rkano a mga Mama na so mga pipiya rkano i Adat na go parangay sii ko mga karoma iran.

-----

Sopman so pka iza ka a ino So dii kapaka dii kapakambidaa o MAMA ko pangalimoonanyan siiko luksyan a phyor a go so mga luks o karomanyan - mga panogangayan - baskanya roo phkha dusa ?

Datar mambo so ibarat o babay ino bamambo khadusa ?

Smbag :

Kailangan na mabtya a daan a gyanan a osayan sa puro aka an kasaboti so mbidaa sa kabnar o luks o mama sii rkanyan na go so kabnar i karomanyan ko mbidaan iran.

Gyanan pman a paka iza na Daa sangkaan sa o paka onaanyan sa pangalimoan so phyor iyan mga luks na daa dusanyanon.

Ogaid na so kakhacompleto o kapya o dii kapakandodolona na tanto a mapya i bontal opama ka so mama na dinyan mapakambida sa pangalimoan so mga luksyan na go so mga panoganganyan sii ko kapayagyan sii kiran.

Na o adn a pangalimoonayan ko mga Luksyan a milalawan sii ko mga panoganyanyan na thomo so kasisikritowanyanon ka para daa phkha adn a mga rata a ginawa.

Kagiya so KAROMA a babay na kharata a ginawnyan o mailaynyan a romaramig so pangalimoanka a mama sii ko mga luks ka dingka mapaka thithimbang siran a go so mga panoganganka.

Sopman so Dusa ko kapaka onaa ko thitho a luks na daa dusa on.

Aya dusa na o ayangka paka onaa na so mga panoganganka a adi so phyor ka a mga luks.

Kailangan so Balance a kapanimbanga ko mga luks na go so mga panogangan.

SO KALIGT NA IKHABINASA O TAMOK

 ----------------------------------<@>----------------------------------- 


> THOTHOL :

Adn a Sakataw a mama a Sa'lih a pd ko mga Ahlul kita'b a tag a ingd a Yamen, ko dapn kapaka talingoma o Rasolollah s.a.w. a adn a Asindanyan a langowantaman a Onga a sapad na matatagoon.

Na aya Olawlanyan na Oman i Onga o mga pamomolanyan a imbalingyan na dinyandn izold sii sa Walay taman sa dinyan mabagi sa tlo bagi ;

So sabagi on na iphmbgaynyan sii ko mga Pobri.

So sabagi on na para sii ko familynyan.

So sabagi on na diinyan dii pamolaan pharoman.

Na sabap sangkoto a kasakawnyan na go kapyanyan i Adat na pyakambarakat o Allah sii ko Familiyanyan na go sii ko tamokyan maana sinyap o Allah so familynyan na go pyagomano manan o Allah so Tamokyan.

Na Sii ko kyawafat angkoto a Mama a Sa'lih na minibagakyan so mga wataiyan a limakataw 

Na sii sangkoto a ragon a kyawafatyan na tanto mambo a myonga sa mala so mga pamomolanyan.

Na so kya ilaya roo o 4 kataw ko mga Wata iyan na Kyatagoan siran sa kaligt na go n-nga.

Na Tig o mga kakairan a si aki si Amatano na Daa lalagyan odi na phakha lalo lalong !

Inonyan dii kapam-gi na go pangalimoon a mga Pobri aya a di phamakakan ?

Sktano aki na Phapasada tano aki sa ditano iphamm-gay so maytobo sa minibagak rktano aya i Ama tano.

Na tig o pagari iran a Look a mga pagari ko na ayatano aki sowan na so Olawla i Amatano a phmbagiin tano sa tlo bagi ;

So sabagion na para sii ko mga Pobri, Na so sabagion na rktano, Na so sabagion na Phamolaan tano mambo.

Na syangka iran angkoto a kabaya a pagari iran a khiphangalimoon sii ko mga Pobri,

Na bininasa kiran O Allah angkoto a tamok iran sa dadn a bairanon myanggona.




> IKADWA A THOTHOL :

Sakataw a Bae a Maginawa na go malimo na sarta a Malai paratiyaya sii ko Allah, Gyangkoto a Bae na tag sii sa Ingd Sha'm,

Gyangkoto a Bae na Adn a pamomolanyan a LEMON odi na CITRUS a tanto a bariyongaan,

Na gyangkoto a Bae na Oman i Somagadon a phamangniron na phmbganyan sa dadn a baron matatago a kaligt,

Na badn Mambo dii pagomarg so kalai kaonga angkoto a mga pamomolanyan,

Na kahanda o Allah a myawafat angkoto a Bae,

Na sii ko kyawafatiyan na aya myaka baling sangkoto walay nyan na so Wata iyan a Mama ago so karoma angkoto a Wata iyan,

Na myaka omapman a sakataw sii ko mga somasagad sangkoto a Walay angkoto a Bae na tyotokyan angkot a walay o Bae ka phamangni sangkoto a Onga o pamomolanyan na ayaon myaka lka na gyoto a Myaka mongon a babay a karoma o wata iyan.

na so kyailaya o babay sangkoto a myanonotok a phamangnibs sii ko onga a pamomolan na byogawnyan na sadnyanondn bgi,

Na sabap sangkoto a pinggola ola a angkoto a babay a kinipligtnyan sangkoto a Onga a pamomolan na myalayondn angkoto a mga pamamolan na sarta a myabinasadn skanyan.

- Gyanan i Onga o Kaligt a khabinsanyan so tamok na go khapakay a mirakzopmn so khatamokon.

---

Na so malantas i pamimikiran a Datu Na go Bae na andadn i kabatiyaanyan saya na khakowaanyan sa thoma, na go guna para sa ginawanyan na go para sii ko familiyanyan.



وفّقنا الله جميعا لما هو خير 

SO KALIGT NA IKHAANTIYOR O TAMOK

 ----------------------------------< 0 >----------------------------------- 

Phitharo O Allah sa Qur'an :

( الَّذِينَ يَبْخَلُونَ وَيَأْمُرُونَ النَّاسَ بِالْبُخْلِ وَيَكْتُمُونَ مَا آتَاهُمُ اللّهُ مِن فَضْلِهِ وَأَعْتَدْنَا لِلْكَافِرِينَ عَذَابًا مُّهِينًا ) Su'ratol Nisa' 37.

Meaning : 

So siranoto a dii mliligto na go iphzogo iranpn sii ko mga taw so kaligto na sarta a phphagmaan iran so nganin i inibgay kiran o Allah ( a mga tamok ) a limoiyan kiran oto, Na skami na ipririparado ami sii ko mga taw a inongkiriran so mga ( limo on o Allah ) so Kasiksaan a kahinaan a go kapakarondan.

Maana ; Sii sangkai sa Donyan na aya mala na sa Alongan a Mawri !

Phitharo o Rasolollah s.a.w. :

( مَا مِنْ يَوْمٍ يُصْبِحُ الْعِبَادُ فِيهِ إِلاَّ مَلَكَانِ يَنْزِلاَنِ فَيَقُولُ أَحَدُهُمَا اللَّهُمَّ أَعْطِ مُنْفِقًا خَلَفًا وَيَقُولُ الآخَرُ اللَّهُمَّ أَعْطِ مُمْسِكًا تَلَفًا ) Bokha'ri.

Meaning :

Daa a gawii a phkhapitaanon so mga Oripn o Allah inonta na adn a dwakataw a mga mala'ikat - Angels - a phmbaba sii ko lupa,

na dii tharoon o Isakiran a ;

Ya Allah na Bgingka so taw a minggasto sa mapya sa sambi o phinggastonyan a inipangalimo iyan.

Na Dimambo dii tharoon o Isaon a ;

Ya Allah na Antoyorangka na go binasaangak so tamok o taw a Ligto.

Go Pitharopn o Rasolollah s.a.w. :

( ما خالطت الصدقة أو قال الزكاة مالا إلا أفسدته ) al-bayhaqi.

Meaning :

Daa kisaog o Sadqa odi na Zaka't sii ko tamok Inonta na mabinasayan so tamok.





> THOTHOL :

Adn a Sakataw a mama a Sa'lih a pd ko mga Ahlul kita'b a tag a ingd a Yamen, ko dapn kapaka talingoma o Rasolollah s.a.w. a adn a Asindanyan a langowantaman a Onga a sapad na matatagoon.

Na aya Olawlanyan na Oman i Onga o mga pamomolanyan a imbalingyan na dinyandn izold sii sa Walay taman sa dinyan mabagi sa tlo bagi ;

So sabagi on na iphmbgaynyan sii ko mga Pobri.

So sabagi on na para sii ko familynyan.

So sabagi on na diinyan dii pamolaan pharoman.

Na sabap sangkoto a kasakawnyan na go kapyanyan i Adat na pyakambarakat o Allah sii ko Familiyanyan na go sii ko tamokyan maana sinyap o Allah so familynyan na go pyagomano manan o Allah so Tamokyan.

Na Sii ko kyawafat angkoto a Mama a Sa'lih na minibagakyan so mga wataiyan a limakataw 

Na sii sangkoto a ragon a kyawafatyan na tanto mambo a myonga sa mala so mga pamomolanyan.

Na so kya ilaya roo o 4 kataw ko mga Wata iyan na Kyatagoan siran sa kaligt na go n-nga.

Na Tig o mga kakairan a si aki si Amatano na Daa lalagyan odi na phakha lalo lalong !

Inonyan dii kapam-gi na go pangalimoon a mga Pobri aya a di phamakakan ?

Sktano aki na Phapasada tano aki sa ditano iphamm-gay so maytobo sa minibagak rktano aya i Ama tano.

Na tig o pagari iran a Look a mga pagari ko na ayatano aki sowan na so Olawla i Amatano a phmbagiin tano sa tlo bagi ;

So sabagion na para sii ko mga Pobri, Na so sabagion na rktano, Na so sabagion na Phamolaan tano mambo.

Na syangka iran angkoto a kabaya a pagari iran a khiphangalimoon sii ko mga Pobri,

Na bininasa kiran O Allah angkoto a tamok iran sa dadn a bairanon myanggona.




> IKADWA A THOTHOL :

Sakataw a Bae a Maginawa na go malimo na sarta a Malai paratiyaya sii ko Allah, Gyangkoto a Bae na tag sii sa Ingd Sha'm,

Gyangkoto a Bae na Adn a pamomolanyan a LEMON odi na CITRUS a tanto a bariyongaan,

Na gyangkoto a Bae na Oman i Somagadon a phamangniron na phmbganyan sa dadn a baron matatago a kaligt,

Na badn Mambo dii pagomarg so kalai kaonga angkoto a mga pamomolanyan,

Na kahanda o Allah a myawafat angkoto a Bae,

Na sii ko kyawafatiyan na aya myaka baling sangkoto walay nyan na so Wata iyan a Mama ago so karoma angkoto a Wata iyan,

Na myaka omapman a sakataw sii ko mga somasagad sangkoto a Walay angkoto a Bae na tyotokyan angkot a walay o Bae ka phamangni sangkoto a Onga o pamomolanyan na ayaon myaka lka na gyoto a Myaka mongon a babay a karoma o wata iyan.

na so kyailaya o babay sangkoto a myanonotok a phamangnibs sii ko onga a pamomolan na byogawnyan na sadnyanondn bgi,

Na sabap sangkoto a pinggola ola a angkoto a babay a kinipligtnyan sangkoto a Onga a pamomolan na myalayondn angkoto a mga pamamolan na sarta a myabinasadn skanyan.

- Gyanan i Onga o Kaligt a khabinsanyan so tamok na go khapakay a mirakzopmn so khatamokon.

---

Na so malantas i pamimikiran a Datu Na go Bae na andadn i kabatiyaanyan saya na khakowaanyan sa thoma, na go guna para sa ginawanyan na go para sii ko familiyanyan.



وفّقنا الله جميعا لما هو خير ، اللّهمّ آمين

IDA IDA - BY : SHAIKH SAAD AL-GA'MIDIE

  " GORABA "   -    BY : SHAIKH SAAD AL-GAMIDIE 

SO BAE A KYAGRARAN SA " KAYO A MUNTIYA "

@ ------------------------------------- <3 ------------------------------------ @



Sakatao a Bae a kyagraran sa KAYO A MUNTIYA sabap ko kalantasyan i pamikiran na go so kapyanyan i Akal , na go so kawarawnyan na go kapyanyan i kapakindolon sa darodopa.


- ANTAA ANGKAI A BAI NA GO ANTONAA I SABAP ANGKANAN A GRARYAN ?



Sii ko ragon a 1240 A.D. na Isa sii ko mga bae a mga Muslim a siyabapan o Allah a kyalinding o Isaka ingd o mga Muslim sa dakiran kapnarobosawi o mga ridoay iran, na go kyasabapan sa da kapakadapanas o mga Muslim a magiingd sangkoto a myatharo a Ingd.


Gyangangkanan a Bae na aya Kakikilalaa sii ko Grarayan a IBBTHORON na SHAJAROT AL-DDO'R. 

Maana :  KAYO A MUNTIYA.


Gyangkanan a Bae na Aya paka asalyan na Pd sii ko tanto a mga bababa i pankatan sii ko kaphagingd na go kaphagintaw.

So tig tano a Bisaya odi na Oripn.


Skanyan na myakazosopaka so mga Pnonothol o anda i thitho a Ingdyan :

- So mga pd a mga panonothol na tig iran a tag skanyan a TORKY sii ko paka asal.

- Sopman so mga pd na tigiran a tag skanyan a Arminiya.


Aya importanti na mya ilay skanyan o isa sii ko mga wata O dato Sii sa ingd a Egypt a si AL-SA'LIH NAJMODDEN AYYO'B, na kyababaya anyan sabap ko kataidyan na go so kaiilayaon sa skanyan na mapya i pamikiran.


Na sii minisong sa pyangaroma skanyan angkanan a DATU  amya aloy.


Na sabap ko kalantasyan i pamikiran a Bae na maailaynyan sii ki Darodopa aiyan a khabayaanyan a makowanyan so kabnaryan a skanyan i mabaloy a SULTAN odi na DATU sii sa ingd A EGYPT sabap ko aya myabaloy a DATU na so pagarinyan inonta odi skanyan i kapapatotan sii ko kadatu.


Na sii ko kyailaya san angkanan a Bae na Inogopanyan Magantang si Darodopa iyan na go skanyandn pn i minggalbk sii ko sabaad sii ko mga kailangan a manggalbk i karomanyan a dinyan khaangkosan.


Taman sa myagaganyan sabap ko kasosoporataanyan ki Darodopa iyan a Aya myabaluy a DATU na go SULTAN sii sa Ingd a EGEYPT.


Na tanto skanyan mambo a pyakathaya i Darodopa iyan sabap ko kya ilayanyanon sa Bae skanyan a daa rimbangiyan ko kapya i kakhakaroma na go kapya i pamikiran na go kalantas i akal, taman sa mimbawata siran sa sakataw a aya inibtho iranon na si KHALIL IBN NAJMODDEN.



Na sii ko ragon a 1249 Na phkhasakit so datu o mga CRISTIAN asi KING LUES THE NINETS na inizamaya iyan a o makabagr skanyan na nggobatnyan a ingd a EGYPT.


Na myakabagr skanyan sangkoto a ragon, na riniparadonyan so bagr o mga CRISTIAN sa siyongowan iran a ingd a EGYPT na sii siran miphosto sii sa pagotaraan a lawasaig a NAYL.


Na sii sangkoto a Oras na masasakit angkoto a DATU o mga MUSLIM a si SULTAN AL-SA'LIH NAJMODDEN AYYO'B.


Na minsampn gyoto na inipmeetingyan so langon o mga poporo o mga sundaro a ingd a EGYPT sii ko okit a kapagrna iran ko khasoldi kiran o mga ridoay iran, na omandn gawii na maadn angkoto a di iran kapmeting.


Na sabap ko Qadar o Allah na badn myawafat angkoto a DUTO sa gyoto a Oras a dii iran kapriparadowi sii ko mga ridoay iran.


Na sabap ko kalantas i pamikiran angkoto a Bae a darudopa iyan a si SHAJARAT AL-DDO'R na myaka awid a akalyan.


Tigyan a Ophoon katokawi a so DATU odi na SULTAN na myawafat sangkai a mga Oras na kabinasaan sii ko Ingd na go sii ko pagtaw a kharesltanyan  ;


Aya tigyan a Paganay a khaonganyan a Awida akal na andadn i kan-gaon o mga poporo a mga sundaru a ingd a EGYPT  a myawafat so datu na khadaan siran sa bagr, na lagid dn anan so madakl a taw.

Na go aya khasangor o mga tao na antai i phakasambion a datu na khaadn so kapamagagaw.


Na go andadn i kan-gawn o mga ridoay a gomogobat a myawafat so DATU na phakaoman oto sii ko panagontaman iran sa kasoldi iran sii sa ingd a EGYPT.



Na aya pinggola ola angkoto a Bae na pyagma iyan ko mga taw oba myawafat so DATU na secrito a pyaki wityan sii ko Isa a mala a KUTA sii sa ingd a KA-HIRA.


Na sii sangkoto a masa na ini patoray nyan sii ko mga DOCTOR o DATU a kailangan na so kaphagowiti iran sa bulong go pangn-ngkn sii ko kowarto o DATU sii ko Oman Gawii na tatarosn irandn.


Gyoto na para di phaka sipat so mga taw a sari sarigan o DATU a matago sangkoto a TOROGAN na go an di phaka sipat so mga phphamicita sii ko DATU oba adn a mya ola ola o DATU.


Na aya pinggola ola angkoto a BAE na sabap sangkoto a tanto a mala a awida akal a masasangba o ingdiran phoon ko kanggobata kiran o mga Reduay iran na Omandn Gawii na Zoratanyan so khisasarigan a mga taw para sii ko Oman i masasanganyan sii ko ingd sa dinyan kiran dii tharoon a kataya so phnggola olaanyo.

Na phagzilanyan ko Zil o DATU na ayadn mambo a kataoron o mga taw na siidn oto maka popoon a SUGOAN sii ko DATU IRAN.


Na siipnan ko pantag sii ko katharonora sii ko mga sundaro sa katakdir iran phyapya sii ko okit a kapagrna iran ko langowan a okit a kagobat a phnggola olaan o mga ridoay iran na byaloynyan si FRINCE FAKHRODDEN a skanyan i maka pangatao sangkto a kathanora kiran sa mapya na go skanyan i maka Comandar kiran.


Na sabap limo o Allah a kalantas i akal angkoto a Bae na myapgs iran so mga riduay a gomogobat na go myadakpIrampn so maporo angkto a mga ridoay a gomiyobat na go lumintad sa mapya so Ingd.


Na sii sangkoto kyalintad phyapya o langon o mga Awid a akal na phizoratanyan so Wata o DATU sa isaka Inaan a si aki inin a TORAN SHA'H na phitharo iyanon a  kailangan na maka oma skanyan sii sangkoto a darpa a katatagoan sangkoto a Bae.


Na so kyapaka Omanyan roo na pyakitokawan o BAE a so DATU na myathaydn a myafat ogaid na pyagma iyan sabap ko kababaaka iran sangkoto a mala a awida akal a kanggobata kiran o mga ridoay iran.


Na sabap ko myapasad so awida akal ka mithikna phyapya so Ingd na kailangan a katukawan so kyawafat o DATU na go kailangan a aya MADATU na gyangkoto a WATAIYAN  c  TORAN SHA'H, na inisla iyano so kasolotanyan sii ko KADATU siidn sangkoto a ORAS.



-------


Gyanan i Thotholan sangkoto a Bae a giraran i darodupa iyan sa KAYO A MUNTIYA.



Gyanan i Bae a Muslimah A khadatu iyan so DARODOPA IYAN na go matatagoon so kalantas i akal na go kapya i takder na go pamikiran, na sarta a mapya i paparangayan ko DARODOPA IYAN.


Ndodon so Awida akal sii ko pagtawnyan na go so Ingdyan na aya mala na so AGAMANYAN A ISLAM na opama ko ba thithodn a maphka ilangan o Ingdyan na khagaganyan a pamikiran apya ayadn a nggira girainyan na sodn so sataman a ingd.




وفق الله الجميع لما يحبه ويرضاه