IDA IDA I SHAIKH AL-GA'MIDI

(Hal Tora'na Naltaqi )

SO KYAKHAMONGA O A'LOL BAYT AGO SO ABU BAKR R.A.

SO MGA UMMUL MU'MENEEN A MGA DARODOPA O RASOLOLLAH S.A.W.

ANDAMANAYA I KAPAKABGR O PARATIYAYA SII KO ALLAH

" Al- shaykh Abu Hudhayfah Alawi "

SO PANGNGMBAAL SA PAAN GO SO KAPAG ISTIGFA'R

0 -----------------------------------  ------------------------------------ 0

MYAKAISA A ALONGAN NASO IMAM AHMAD BIN HAMBAL "R" NA KABAYAIYAN NA SIISKANYAN MAKANGGAGAWIINA SII SA MASGIT, OGAID NA MYARN SKANYAN OBANYAN OTO MANGGOLA-OLA SABAP KO SOMISYAP SANGKOTO A MASJID, "GUARD" NA DA SKANYAN IYOG OBA ROO MAKA PAGISTIDI.

NA PYAGAKOLAANDN O IMAM AHMAD ANGKOTO A "GUARD" NA DANYANDN KAAKOLI, NA TIG O IMAM AHMAD A SAYAAKODN PHAKATHORG SA GYAYA A TITINDGAN AKN!

NA TOMININDN SO "GUARD" KA IPHNDODORYAN A PHPHAKAWATANYNYAN SII SA MASJID!!

SO IMAM AHMAD NA SHAIKH SKANYAN A MABTAD " DI PHTHARO SA MADAKL" A MAKIKILALAON SO KABABALOYNYN A MALAI PANGKATAN KO ILMO!!

NA MYAILAY SKANYAN O PANGNGBAAL SA PAAN " BAKER" SA GIYOTO A KIPHUPHANOLODNON ANGKOTO A " GUARD SII SA MASJID " NA INIODOKYANON A SIISKANYAN IGA SII SA WALAY ANGKOTO A " BAKER" NA MYONOTON SO IMA'M AHMAD NA PHIZAKASAKAWNYAN NA GO INIPANGALIMOIYAN.

NA KAGYA MAZAKA SAKAW NYAN SO IMAM AHAMAD, NA SYONGOWANYAN PMAN SO GALBKYAN A DIINYAN KAPAMANGMBAAL SA PAAN.

AYA IMPORTANTI ROO NA SO IMAM AHAMAD NA PHKHAN-GYAN ANGKOTO A "BAKER" PANGNGBAAL SA PAAN A TANTO A MADAKL I KAPAGISTIGFA'R, NA PIZIMAIYANDN NA GYOTODN I SOSOWAAN ANGKOTO A MAMA KO SOLD A KAZIZIMAAON O IMAM AHMAD NA INAKAM'M'SAON OTO O IMAM AHAMAD!!

NA KAGIYA KO MAPITA NA INIZAAN O IMAM AHAMAD ANGKOTO A MAMA PANTAG SA GYOTO A DIINYAN KAPAGISTIGFAR SA MADKL SANGKOTO A GAGAWII.

NA PITHAROON ANGKOTO A MAMA A TIGYAN A GYANANDN I OLA-OLA AKN KO OMAN AKO MAMANGBAALAN SA PAAN.


NA TEG O IMAM AHAMAD A : INO ADN A MYAONGARKA A MAPYA A GYANAN A OLAOLANGKA?

SO IMAM AHMAD NA INIZAANYAN ANGKOTO A MAMA NA KATAWANYAN SO MGA PIPIYA A ONGA O DII KAPAKANDAKLA KO ISTIGFA'R .

NA GO KATAWANYAN SO MGA KALBIHANYAN , AGO SO MGA KIPANTAGYAN .


NA TIG ANGKOTO A MAMA A OWAY ADN A MYAKOWA AKNON A GONA A TANTO A MALA!

( LANGON A PANGNIN AKN SII KO ALLAH NA IPHMBGAY NYAN RAKN ) !!



SASATIMAMBO SAMANAYA A PANGNIYAKN SII KO ALLAH A DAAKMPN MAKOWA !

NA TIG O IMAM AHAMAD A ANTONAOTO A PANGNI ?

NA TIGYAN A : SO KAILAYAKN SII KO IMAM AHMAD IBN HAMBAL .

NA TIG O IMAM AHAMAD A SAKN MAN SO IMAM AHAMAD BIN HAMBAL .

IBT SII KO ALLAH KA SABAP KO PANGININGKA KO ALLAH NA KATAYA ABA AKORKADN MINIDUNDG NA.

SA KAWTO A BADN PN MYAKA IGAON SO IMAM AHMAD SA KNABA GYABO A KYAILAYANYANON.

MASHAALLAH !

SAYANA A MAPYA SO DII KAPAKANDAKLA SII KO ISTIGFAR SII KO ALLAH KA MALAA TANTO A KAMAPIYAAN A KHAPAROLIRON O TAW A MUSLEM.



Phitharo o allah sii sa Qur'an :

{ Sa pithro akn a pangni kano sa rila ko Kadnan iyo ka mataan a Skaniyan na Paririla , (ka amay ka mamangi kano sa rila) na sogoon iyan rkano so oran sa margs (i dogayas), Ago omanan kano niyan sa manga tamok ago manga wata ago bgan kano niyan sa manga asinda ago adnan kano niyan sa manga lawas a ig }
soratol nuh ( 10-13).

GYANAN I DALIL SA SO KADKL A DII KAPAMANGNI SA RILA O MUSLEM SII KO ALLAH " KAPAGISTIGFAR" NA AYA ONGANYAN NA :

1) PAKAPNDAKLNON O ALLAH SO TAMOKYAN.

2) BOLONG SA KABABALK, DI KAPHMBAWATA !! NAGO SO MGA PAD ANAN A MGA ONGANYAN A MAGA PIPIYA! LAGID ANGKOTO A KATATARIMAA KO PANGNI SII KO ALLAH.


NOTE:

GYANGKOTO A IMA'M NA SKANYAN SO IMA'M: AHMAD IBN HAMBAL, A IMAM O AHLOSUNNA WAL JAMAA. A IKAPAT KO MGA ALA A IMAM KO MGA MUSLEM.

وبالله التوفيق والسداد

SO GAWII A PHMBTHOWAN SA ASHORA

-  ..........................................  ............................................  -


Antonaa i thotholan sangkai a A'SHO'RA inowaya malai arga sii ko mga Muslim ?

- Dwatiman a thotholan sangkai a gawii a sabap a kinisogoon rktano O Rasolollah s.a.w. ko kaphuwasa iron.


1- Sii sangkanan a Gawii na ron minipantag so kyaopaka o Nabi a Musa a.s.w. sii sa ragat, na go san minipantag so kinigaldn o Allah sa ragat ko isa a daa dataryan a datu a myangala kowala sii ko liyawaw o lupa maana so FI'R-AWN.

- Aya thotholanon na kataya :

Gwani a tanggkdn o Nabi a Musa a.s.w. a ipligtasyan so pagtaw a BANO ISRA'EEL sabap ko mizobradn so kaphziksaa kiran o FIR'AWN na tinimo iyan siran na lomiyalakaw siran sii sangkanan a gawii na so kyapaka oma iran sii sa ragat na daa khaokitan iran na pyangni o Nabi a Musa a.s.w. sii ko Allah a maka okit siran sii sa ragat na gyoto a mya opak a ragat sa sapolo a go dwa na mya okit siran.

Na so kya ilaya o FIR'AWN sa myakaligtas siran na tyondog siran o FIR'AWN ago so mga sondaronyan na roo sirandn pyanga agti kagya myakndmt so ragat na myanga ald siranon.

Na phiphowasaan oto Nabi a Musa a.s.w. angkoto gawii sa panalamat sii ko Allah na go ini sogo iyan ko BANO ISRA'EEL a phowasaan iran.


2- Ikdowa a thothol; na gwani a maka oma so Rasolollah s.a.w. sii sa Madinah na mya ilaynyan a so mga Yahodi na disiran dii khalami lami na go disiran dii phowasa sangkoto a gawii.

Na tig o Rasolollah s.a.w. ko mga saha'banyan a antonaankai a dii khalami lamiyang angkai a mga Yahodi na tigiran a Gawii aya a mapya ka gyaya so gawii a kyapakaligtasa o Allah ko BANO ISRA'EEL phoon ko mga redoay iran a pagoolowanan o FIR'AWN.

Na tig o rasolollah s.a.w. a sakn i mas mala i kabnar sii ko mapya a galbk o Musa a di skano a mga Yahodi, na phiphowasaan oto rasolollah s.a.w. na go inisogo iyan so kaphowasa iron.

- Kataya so dalil sa kinisogoonon o Rasolollah s.a.w. :

Phtharo o Rasolollah s.a.w. :

فَأَنَا أَحَقُّ بِمُوسَى مِنْكُم.ْ فَصَامَهُ وَأَمَرَ بِصِيَامِهِ)" في رواية مسلم )

Maana : Go sakn i mas malai kabnar ko mapya a galbk o Musa a di skano, na phiphowasaanyan oto "maan so ASHO'RA" na go ini sogo iyan a kaphowasairon.



- SO BALAS O KAPHOWASA KO A'SHO'RA :

Myatharo o ibn Abbas r.a. a ; dakn dn mailay so Rasolollah s.a.w. ko kasisinowaon sa kapakallbyanyan ko kaphwasai isa a gawii a rowar sangkai a gawii, a ASHO'RA. ( Bukhari)

Go Phitharo o Rasolollah s.a.w. :

(صيام يـوم عاشوراء: أحتسب على الله أن يكفر السنـة التي قبله) Muslim.

Maana : So kaphowasai ko Gawii a A'SHO'RA na mapangingiroy akn sii ko Allah so kaponasanyan ko myandosa sii ko myaka saragon a mya onaanyan.


Ikadawa a sogoan san o Rasolollah a lbi a mapya ko phphowasawn na phwasa skanyan ko ona anyan sa isa gawii .

Phitharo o Rasolollah s.a.w. :

( لئن بقيت إلى قابل لأصومن التاسع) muslim

Maana :

Opama ka maooyagoyag akopn sii ko phakhatalingoma a A'SHO'RA na sigorado a phphawasaan akn so ikasyaw.

Maana , onaanyan sa isa gawii para madowa gawii.


Waffaqallahol Jamee'

SO KYAKHAMONGA O MGA FAMILY O RASOL S.A.W. A GO SO USMA'N BIN AFFAN R.A.