KAMING MGA MUSLIM; HNDI KAMI DAYUHAN SA AMING SARILING LUPA

So mga Muslim sa Philippinas na knaba siran mananangga  sii ko mga ingdiran ka siran i thitho a khirkon na go khidarpaon  ipoondn sa pakaasal.

GIYA A INGD A PHILIPPINAS NA RK O MGA MUSLIM

Sii sangkai a Vedio na pyaki ilayron a gyaya a ingd a philipinas na isa a Familiya a Muslim a khirkon tamandn Imanto .

ANTAWAA SIRAN A MGA PANONOLON SII KO PINTO O NARAKA ?

< --------------------------------------- ( <3 ) --------------------------------------->

So Hodhayfa ibnol Yaman r.a. a pd sii ko mga Rarani ko Rasolollah s.a.w. ko mga Sahabanyan na myapanotholyan :

(  كَانَ النَّاسُ يَسْأَلُونَ رَسُولَ اللهِ صلى الله عليه وسلم عَنِ الْخَيْرِ ، وَكُنْتُ أَسْأَلُهُ عَنِ الشَّرِّ ، مَخَافَةَ أَنْ يُدْرِكَنِي ، فَقُلْتُ : يَا رَسُولَ اللهِ ، إِنَّا كُنَّا فِي جَاهِلِيَّةٍ وَشَرٍّ ، فَجَاءَنَا اللَّهُ بِهَذَا الْخَيْرِ ، فَهَلْ بَعْدَ هَذَا الْخَيْرِ مِنْ شَرٍّ ؟ قَالَ : نَعَمْ ، قُلْتُ : وَهَلْ بَعْدَ ذَلِكَ الشَّرِّ مِنْ خَيْرٍ ، قَالَ : نَعَمْ وَفِيهِ دَخَنٌ ، قُلْتُ : وَمَا دَخَنُهُ ؟ قَالَ : قَوْمٌ يَهْدُونَ بِغَيْرِ هَدْيِي ، تَعْرِفُ مِنْهُمْ وَتُنْكِرُ ، قُلْتُ : فَهَلْ بَعْدَ ذَلِكَ الْخَيْرِ مِنْ شَرٍّ ؟ قَالَ : نَعَمْ ، دُعَاةٌ إِلَى أَبْوَابِ جَهَنَّمَ ، مَنْ أَجَ

ابَهُمْ إِلَيْهَا قَذَفُوهُ فِيهَا ، قُلْتُ : يَا رَسُولَ اللهِ صِفْهُمْ لَنَا ، فَقَالَ : هُمْ مِنْ جِلْدَتِنَا ، وَيَتَكَلَّمُونَ بِأَلْسِنَتِنَا ، قُلْتُ : فَمَا تَأْمُرُنِي إِنْ أَدْرَكَنِي ذَلِكَ ؟ قَالَ : تَلْزَمُ جَمَاعَةَ الْمُسْلِمِينَ وَإِمَامَهُمْ ، قُلْتُ : فَإِنْ لَمْ يَكُنْ لَهُمْ جَمَاعَةٌ وَلاَ إِمَامٌ ؟ قَالَ : فَاعْتَزِلْ تِلْكَ الْفِرَقَ كُلَّهَا ، وَلَوْ أَنْ تَعَضَّ بِأَصْلِ شَجَرَةٍ ، حَتَّى يُدْرِكَكَ الْمَوْتُ وَأَنْتَ عَلَى ذَلِكَ. ) Bukhary.

Meaning :

So a tigiyan so mga taw na aya Btadiran na phagizaan iran so Rasolollah s.a.w. sii ko phimbarang a mga pipiya! 

Na sakn a tigyan na aya btadakn na iphagiza akn sii rkanyan a Rasolollah s.a.w. so nganin a mga Rarata ka kalk akn oto oba akn badn masogok odi na oba akn badn maraot !

Na phitharo akn a tigyan sii ko Rasolollah s.a.w. a : 

Mataan a skmai sii ko masa a JA'HILIYYA na Marata oto a btad, na pyakatalingoma rkami o Allah angkai a pimbarang a mga pipiya" gyoto so katoro sii ko islam", na INO BA ADN A ORYAN O LANGOWAN AYA A MAPYA A MARATA ???

Na tig o rasolollah s.a.w. a OWAY , Na tigakn pman a , na gyangkoto a marata na ba adn paman a  oryanyan a mapya ?

Na tigyan a Oway ka phakaoma angkoto a mga taw a Komkdg siran lalan odi na khkpit siran sa kpit a kna oba so TOROAN AKN,  na khathdooka siranbo "nggolalan ko mga kpit iran" na Onkir angka siran.

Na tigakn pman a oryan anan, na ba adnpna a marata a phakatalondogon ?

Na tigyan a Oway : Mga PANONOLON SII KO PINTO ONARAKA , Na sadn sa tomarimakiran sii ko panolon iran na ipalantig iran sii ko naraka.

Na myakagiraw ako Ya Rasolallah na Ropaan ka siran rkami ?

Na tig o Rasolollah s.a.w. a : Siran na mga pdtano siran Bangsa , na go disiran dii tharo sa datar o katharo tano.

Na myakagiraw akopman a tig o Hodhayfa a Ya rasolollah! Antonaa i izogooka rkami a phnggola olaan ami o raota ami anan ?

Na tig o Rasolollah s.a.w. a :  Phadkt ka na go tarobaan ka a ginawaangka sii ko OMPONGAN 'JAMAA' o mga Muslim na go so DATU IRAN. "sii ka kiran pangpd"

Na tigkn paman a Opama ka da a OMPONGAN IRAN "JAMAA" go dapn a DATU iran, na antonaa i zowaan?

Na tig o Rasolollah s.a.w. a :  Amay ka ba daa OMPONGAN IRAN "JAMAA" , na Go dapn a DATU iran na talikhodingka angkanan lawangowan a mga GROUPO sa apya bangkadn kapangiitgi komkb so bkaw a kayo,  taman sa mawamaka o kapatay a gyoto i masosowaaka.

Pyanothol i Ima'm Al-Bokha'ri.

----------  <3

OSAYAN : 

- Gyangkai a Hadits na pyaki in-ngka rktanodn o Rasolollah s.a.w. angka a kaphaka oma angkai a phimbarang a Groupo Domadalong sii ko ingaran o ISLAM ogaid na aya kkdg iran na kna oba so SUNNAH o RASOLOLLAH s.a.w.

- Go pyaka rayagyanon a adn a mga panonolon sii ko NARAKA a ron iran iphndolog so mga taw a phagonot kiran, ka an siran main-ngka o muslim.

Knaba aya meaning anan na bairan dii tharoa sii ko mga taw a songano saya ka angkano mamaka naraka! Aya mataan na so panolon iran binasa, kna oba so panolon o Rasolollah s.a.w. na pagi ingarann iran so ISLAM DAAWA odi na ISLA'H na mbobontalan iran so mga panolon iran sa mga SHOBOHA'T na o phaginingkaa phyapya ka iCompair sii ko pyor a okit o Rasolollah s.a.w. na tanto ron a mawatan, na aya mambo a resoltanyan na so KAPAKANARAKA.

Gyangkai na knaba mattndo sa isa a TAW odi na isa a GROUPO ka so langowan a mimbabago sa panolonyan odi na kpitiyan na da kdg sii ko inigoris o rasolollah s.a.w. a Okit na makasosold sangkanana mya aloy na go maapdon.

- Pdpn a marayag sangkanan a Hadits na so kinisogoon o Rasolollah s.a.w. ko kaphadkt sii ko OMPONGAN O MGA MUSLIM, a aya mapipikiron na so mga taw a komkd phya pya sii ko okit a inibagak o Rasolollah s.a.w. ko apya antonaa a masa.

So Meaning a "JAMAA" na knaba rowar bo o madakl a thithimo timi a mga taw, ka aya mapipikir san na so "JAMAA O MGA SAHA'BA a go so mga TA'BEEN go so mga Ima'm o AHLUS SUNNA" na apya antonaa i myasowa na aya wa'jib sii ko muslim na ron phadkt.

Aya dalil sa gyanan i mapipikir sangko a  "JAMAA" na so katharo o Ibn Mas-od r.a. a tigyan a :

( إنما الجماعة ما وافق طاعة الله، وإن كنت وحدك )

Maana : Ayaboman a JAMAA na so nganin a makaaawon sii ko Onot sii ko Allah sa apya aya masosowaiyan na skabo i diron diinggalbk.

= +  Aya katitimblan sangkai a Sogoan o Rasolollah s.a.w. sii ko Muslim na so kakilalaanyan sii ko pimbarang a mga GROUPO go mga PANONOLON sii ko masanyan a phphaka omawn a dii manolon a mimbabago na go mimbaal sa Okityan a kna oba so Okit o rasolollah s.a.w. na go so mga sahabanyan na go so mga Ima'm o AHLU SUNNA na oryanyan o kakilalaanyan kiran na talikhodnyan siran ka gyoto i sogoanon.

Opman oba maspg o taw ka dadn a banyanon pliposi ka datar ibarat o pagari odi na luks odi na bapa na sirandn i makasisilay na aya mapyaon na so kakhotainyan sa ginawanyan sa mabgr ka so BID-A na sosoprtaan o Shaytan na odi kakhklongi so Puso o Muslim na magaan a kaphaka taasar iyanon.

Gyanan i so HASANOL BASHRY r.t. na tigyan a :

( لاتجالس صاحب بدعة يمرض قلبك )

Meaning : 

Dika paki phlomamka ko taw a adn a BID-A  a kpityan ka mapaka phzakityan so Puso oka.

Go so Ima'm SOFYA'N AL-SAWRI na tigyan a :

Igira a somyagad ako sii ko taw a KKPIT SA BID-A a phmbatiya sa Qur'an na phagoln-n akn a tangila akn apyapn Qur'an a phmbatiyaan iyan, ka kawan akn oba badn adn a matharo iyaa maka taasar sii ko Puso akn a khatagooan ako nyan sa kazasangka sii ko BNAR a okit a khkpitan akn.

Go so Ima'm Ahma'd bin Hambal r.t. na phtharo iyan a :

Pananggila ingka a tigyan a oba adn a misorat ka a phoon sii ko mga taw a phagonotanyan so bayaa ginawanyan, mlagid i mala antawaa ka mayto, sa aya wajib rka na so kakhpitingka sii ko mga rarad o mga Saha'ba ago so mga Sunnah o rasolollah s.a.w.

Aya pinaka mapya a kota o Muslim sa kalindinganyan sa ginawanyan sa di kaolog sii ko kadadagan na so  kaphagizaiyan sii ko katawan sii ko mga Ulama a mapya na go linang i panarima ko nganin a dinyan thitho kasasabotan i antapyan.

Gyanan i Pndoan rktano o Rasolollah s.a.w. na go so mga Ima'm tano a mga Muslim a aya tano dapat a phnggola olaan.

Waffaqallahul Jamee'

SO TANTO A KAPILIGRO O KATHARO SA DI MAIIN-NGKA

 **********************( 8 )**********************  

So katharo a di paginngkaan na khapakay a ikhapozang o taw sii ko NARAKA JAHANNAM :

Phitharo o Rasolollah s.a.w. :

( إن الرجل ليتكلم بالكلمة لا يرى بها بأسا يهوي بها سبعين خريفا في النار ) Correct a Hadiths.

Maana :

Mataan a So Mama na khapakay a makatharo skanyan sa katharo a dinyan tatagoon sa ginawa, na gyoto a katharo na khasabapan sa ikhaphozangyan sa 70 years sii ko naraka jahannam ( Wal iyyazo billah ).

Note :

- So mga sabap a dii kapatharo o taw sa tanto a mala a dusa odi na ikhakafer a dinyan maggdam na madakl so baranganyan :

1- Datar o taw a parabo mapaka singa iyan so mga pdyan na didn dii mokhag sa mga katharo, odi na dii mamangbaal sa mga katharo a di bnar.

2- Adn Myailaynyan a Taw a tomatarotop sa dii kanggola olaa sii ko mga sogoan o Islam na mitharo sa katharo a kazodi sa pizodi iyan angkoto a sogoan o islam, na sabap roo na myakafer skanyan sa danyandn main-ngka.

3- Tharoon o taw ko pdyan a baradusa Ogaid na Muslim a ibt aki sii ko Allah ka ska na taw kadn sii ko naraka na go dikadn rilaan o Allah.

4- So dii khisintaan o taw sii ko mga kaadn o Allah a sobo so Allah i maka mimilikon sa diinyan kanggira giray, lagid o dii khisintaan sii ko Oran, odi na so Ndo odi na so Alongan, na datar o ayanyan dii mizinta so Allah ka So Allah ka dadn a karataan angkoto a dinyan dii izinta ka matag skanya sosogoon o Allah.

Pdanan sii ko mga Ibaratan o mga katharo a TANTO A MARATA a di maiin-ngka o dii tharo.

So Mua'z Bin Jabal r.a. na phitharo iya sii ko rasolollah s.a.w. :

( يَا نَبِيَّ اللهِ وَإِنَّا لَمُؤَاخَذُونَ بِمَا نَتَكَلَّمُ بِهِ ؟ قَالَ : ثَكِلَتْكَ أُمُّكَ يَا مُعَاذُ هَلْ يُكِبُّ النَّاسَ عَلَى وُجُوهِهِمْ فِي النَّارِ ، إِلاَّ حَصَائِدُ أَلْسِنَتِهِمْ ؟. ) Correct a hadits.

Maana :

Hay Nabi o Allah ! Barkami Ziksaan o Allah so nganin a diyami dii matharo ?

Na tig o Rasolollah s.a.w. a : Inokari da marapas sa Othatan i Inaa aka Hay Mua'z ! Ba ayari a ikhaphozang o mga manosya sii ko naraka na so mga bontal iran inonta so myanga raragon o mga dila iran.

Gyangkanan a smbag o Rasolollah sii ko Mua'z r.a. na iphkhammsanyan so kalilipati o mga taw a so mga dila iran i iphagbong iran sii ko NARAKA JAHANNAM.

- Samanan na Wajib sii ko Muslim so lalayon a kaiin-ngkaanyan sii ko diinyan matharo ko gagawii dawndaw.

Waffaqallahul jamee. Allahumma A'meen.

MAPYA A NDAOWAN KO TAW A MUSLEM

( --------------------------- * -----  ----- * -------------------------------- )


Phitharo o Ima'm Ibnol Qaym r.t. :

So kaphndarpa odi na kaphphamangpd ko kalilimod o mga pipiya i paritayaya a mga taw na khitogalingkanyan sii ko NM 6 phoon sii ko NM 6 :


1- o khazasangka o puso na go pamikiran na khisambion so kathithikna.

2- so kapaki ilailayn na khisambion so kabayorantang odi na "ka ikhlas".

3- so lalayon a kalilipat na khisambion so lalayon a kapakatatadm.

4- so babaya ko donyan na khisambion so babaya ko A'khirat.

5- so kasalibantog na khisambion so kapangalimbabaan.

6- so karatai niat na khisambion so kapya i niat.



PhItharopn angkanan a mala a Ima'm o mga Muslim a:

- Sadn sa diyangka a kapakaniniat o taw nago kalaa babayaiyan ko kaparali o singaninyan a mapya na gyotodn i pagogopanon o Allah.



Go phitharo iyampn a :

- Aya Onayan o langowan o mapya na so katakowi o muslim sa mataan a so kabaya o Allah na maphnggola oladn na so dinyan kabaya na didn maphnggola ola.

Waffakallahol jamee. A'meen.

SO KAPAKI ILA ILAYN NA TANTODN A PILIGRO KO MUSLIM

* ------------------------ 0 -----------  ---------- 0 ----------------------- *

Isa a tanto a piligro a di khaiwasan a phakabinasa sii ko mapya a galbk o Muslim na so kapaki ila ilayn ago so kapaki n-g-n-gn.


Phitharo o rasolollah s.a.w. :

( أَلاَ أُخْبِرُكُمْ بِمَا هُوَ أَخْوَفُ عَلَيْكُمْ عِنْدِي مِنَ الْمَسِيحِ الدَّجَّالِ ؟ قَالَ : قُلْنَا : بَلَى ، فَقَالَ : الشِّرْكُ الْخَفِيُّ ، أَنْ يَقُومَ الرَّجُلُ يُصَلِّي ، فَيُزَيِّنُ صَلاَتَهُ ، لِمَا يَرَى مِنْ نَظَرِ رَجُلٍ ) Ahmad.

Maana : Ba akn rkano phanothola so mas iphkhalk akn rkano a diso Maseeh al-dajja'l ?

Na phitharo ami a tig o abi saeed a oway :

Na tigyan a : So a tigyan so kasogokanyo ko kapanakoto a masoln ; a skanyan so ibarat na zambayang so mama na tantoniyan a phyapyaan so sambayangyan sabap ko phkhailaynyan a skanyan i phagilain o isa a mama a pdyan.



- Inoskanyan kyabthowan sa kapanakoto kagiya aya dii zoa soatn o maki ila ilain odi na maki n-g-n-gn na so manosya a dataryan knaba so Allah.


- Maito skanyan a kapanakoto ogaid na khapakay a misampay skanyan sii ko mala a kapanakoto a togo Ibnol qaym ago si Shaikh Sa'lih al-uthaymen r.t.


- Gyangkanan a kapaki ila ilain odi na kapaki n-g-n-gn na isa anan sii ko mga sipat o mga Muna'fik a pyag o Allah sii sa Qur'an.



- > Sopman so KOKOMANYAN sii ko kaphkhabinasaanyan sii ko galbk mapya odi na simba a phkha saog anon na 3 tlo kaclassi :

1- Sii ko paganaydn a kyanggalbkanyan ko galbkyan na ayadn a makatotolodon na so kapaki ila ilain odi na kapaki n-g-n-gn, na sii sangkanan a btad na skanyan na Shirk kapanakoto na go so galbkyan a simba odi na mapya na binasa.


2- Aya kyapakasold o kapaki ila ilain odi na kapaki n-g-n-gn sii ko galbkiyan na siidn ko masa a diinyan kanggalbkawn, na giyanan na adn a osayanyan :

- Ibarat o so galbk na knaba dii pyanagombalay sii ko poonanyan na samawto na so poonanyan na CORRECT na so KAPOSANYAN ka kyasaogan sa kapaki ila ilain odi na kapaki n-g-n-gn na gyoto i myabinasa.

Ibarat o kapamm-gay sa sadq :

Migayka ibarat sa 100 na pyaka zoklya aka sa kangga 50 na so paganay na da kasaogi sa kapaki ila ilain odi na kapaki n-g-n-gn na so 50 ron a mya ori na kyasaogan na samanoto na gyangkoto a paganayron na CORRECT na gyoto a ikadowa na BINASA go KAPANAKOTO.

- ibarat pman o so galbk na diiskanyan mapanagombalay sii ko poonanyan ; maana di khapakay oba makambala blag, exmple :

so SAMBAYANG a ipoon sa takberatol ihram na taman sa kapakazalam na mamagpda dn oto na dwa a btadyan :

a- so kyapakasoldon o kapaki ila ilain odi na kapaki n-g-n-gn na phphanamaranyan a kadaangkoto a kapaki ila ilain odi na kapaki n-g-n-gn a maggdamyan ka iphkhagowad iyan oto na di khabinasa so galbkyan maana CORRECT.

gyanan so katharo o rasolollah s.a.w. : ( إِنَّ اللَّهَ تَجَاوَزَ عَنْ أُمَّتِي مَا حَدَّثَتْ بِهِ أَنْفُسَهَا مَا لَمْ تَعْمَلْ ، أَوْ تَتَكَلَّمْ ) bokha'ri.

Maana : Mataan a so Allah na pmaapnyan ko Ommat akn so diiron matharo o ginawanyan asar ka danyan manggalbk odi na matharo.


b- dinyandn rnn angkoto a kapaki ila ilain odi na kapaki n-g-n-gn a maggdamyan ka itarosyandn, na samanoto na myabinasa so simbanyan go mimbaloy a kapanakoto.


3- O aya kagdamanyan ko kapaki ila ilain odi na kapaki n-g-n-gn na amay ka myapasad daan so galbkayan a mapya na diron oto phakabinasa.

Exept san so Sadqa ka apya myapasad dn a minibgaynyandn na ophoon ipanonongka odi na pagaloyaloya sii ko mga taw na phkabinasa oto ko balasyan.


= In-ngka :

Knaba kapaki ila ilayn so kaphkhagdama o taw sa kaphkhapiya a ginawanyan igira a myanggalbkyan so simba sii ko Allah, aya mataan na karina anan sa kababaloynyan a adn a paratiyayanyan sii ko Allah.

pitharo o rasolollah s.a.w. :

( من سرته حسناته وسائته سيئاته فذالك المؤمن ) Ahmad.

Maana : Sadn sa taw a iphphakapya a ginawanyan so mapya a diinyan manggola ola na go iphkharata a ginawanyan so marata a diinyan manggolaola na gowoto skanyan i mapaparatiyaya sii ko Allah.

Ikadwa a myatharo o rasolollah ko kini iza anon sa lagid a hadiths anan na tigyan a : ( Gyanan na pangonaan a thothol a mapya a khaparoli o myaratiyaya sii ko Allah ) muslim.


- Samawto na kailangan so lalayon a kapaka iin-ngka o Muslim ka amayamay na langonbs o amalyan na langon binasa na kanba gyotobo ka myakapondopn sa mala a mga dusa a gyoto so kapanakoto.


Waffaqallahol jamee.

Wasslla'm

SO OKIT O MGA SHI'AH AL-RA'FIDAH KO KAPHKHALIMPANGA IRAN KO MGA SUNNI

>------------------------------------------------------- 0 ------------------------------------------------------<

Alhamdulillahi rabbil A'lameen, wa bihi nastaeen wa alayhi natawwak, sassala'to wassala'mo ala' raso'lihil kareem, ala' A'lihi wa As-ha'bihi ajmaeen.

Amma' Baad :

Gyangkai a liwanagan sangkai a kotika tano na pammgayan akn aya sii ko mga pagari akn a mga AHLU SUNNA sa kaiktyari ko panolon angkai a mga taw a mga panonolon a mga SHI'AH, na go sanang aya a maliwanag para ko mga pagaritano mga mranaw a myalimpang angkai a mga panonolon sa ribat sabap ko mga LIMPANGAN IRAN a iphagakal iran ko mga SUNNI.

------

Sii ko malayat a dii kapamimikirana o Antonaa i Okit angkai a mga PANONOLON mga SHI'AH AL-RA'FIDAH sa kaphalimpanga iran sii ko mga pagtaw a mga SUNNI phoon ko babaya ko mga SAHA'BA na khitransper siranko rarangit kiran, ago so tanto a kaliwanag o katatago iran PANARIMA nago AGAMA na phkhi alat siran ko malibotng a kapagagama !!!

Antonaa i phagokitan angki a mga taw para mapaka pangimbnar iran so diiran midowaga sa katharo sa mataan a aya bnar na so DIIRAN IPANOLON a maryag a diso sindaw o Alongan a kariribatyan na go kababaloynyan a kadadagan !!!

SMBAG :

Sii ko Oryan o dirobasa a madalm ( deep research ) o pd a mga Lantasan i pamikiran ko mga Ulama na myakagmaw angki a resolta.

- So mga Panonolon a mga Shi'ah na Sabap ko KABIBINASA o mga KITA'B iran ka didn MATATANOR na go matatagoon so di khn a AKAL o matao sa ANTANGAN ka apya siran na diiran katawan i IKHIDIAIRAN ko mga kitab iran a mappno pno mga di kn a akal o ba pd ko ISLAM na ay a pinggola ola angkai a mga taw na inosar iran angkai a phnga aaloy :

1- Aya iran dii tharoon sii ko mga taw igira a paganay iran a dii indolona na dadn a mga KITAB a Phagonotan iran inontabo so QUR'AN.

2- Phphangowaan iran so mga HADITS o mga AHLU SUNNAH pantag ko mga kalbihan o mga AHLUL BAYT na diiran dii pamakasilayn so paka aantapanon, na iphlimpang iran sii ko mga SUNNI .

3- So mga HADITS mga MAWDOH - ini angkob ko rasolollah s.a.w - a matatago ko mga kitab o mga AHLU SUNNAH na diiran panimoon basta a maka aayon ko tindg iran na iphndalil iran sii ko mga lolobay i sabot ko ISLAM ko mga SUNNI.

4- So mga Ala a mga ULAMA a AHLU SUNNAH na syangay siran o mga ALA A MGA ULAMA iran, para igira a mya aloy so katharo iran na aya phphalalagoy sa pamikiran o SUNNI na gyoto so mala a ULAMA a AHLU SUNNA na phkhalimpang siranon.

_ Amay na panglowin tano so mga dalil anan sanggolalan ko kapagaloya ko mga LIMPANGAN IRAN !!!

--> KATAYA SO MGA LIMPANGAN ( شبهات ) a OKIT a Phagosarn iran ko diiran mindawaga sa kataro ko mga AHLU SUNNA odi na mga SUNNI a aya phagosarn iran a mga dalil na phoon ko mga KITA'B o AHLU SUNNAH :

1- So pantag ko kababaloy o ALI A AYA KIKHABNAR KO IMA'MA odi na KHILAFAH ko oryan o Rasolollah s.a.w.

2- So pantag ko ADA'LATO AL-SAHA'BA sii ko kiyapmortad iran kon .

3- So kyapalagoy sa thmowan o mga SAHA'BA ko BATTLE OF HONAEEN ago so BATTLE OF OHOD ago so HADITS AL-HAWDH.

3- So kaphangwarisi o FA'TIMAH r.a. ko LUPA a FIDAK a minibagak o rasolollah s.a.w.

4- So kyathidawa o mga SAHA'BA ko phmbthowan sa MA'RAKATOL JAMAL, ago so MA'RAKATO AL-SAFFAYN.

- Gyanan i mga ala sandigan ran sa kaphphakarataa iran ko tindg o AHLU SUNNAH sa aya mapya na paka rayagn tano anan :

= > So pantag ko kababaloy o ALI A AYA KIKHABNAR KO IMA'MA odi na KHILAFAH ko oryan o Rasolollah s.a.w. :

Kataya so mga iphndalil iran :

Aya iphndalil iran san na So HADITS a SAKALAYN sii ko SAHIH MUSLIM, ago so HADITS A MOWA'LAT a dipaga ayona yonan o mga ULAMA sa HADITS oba phyor a HADITS ogaid na KYORRECT i IMA'M AL-BA'NI so HADITS, a go isapn a iphndalil iran na satiman a A'YAT sa QUR'AN.

Kataya so rayagan anan :

- so HADITS AL-SAKALAYN a pyanothol o ZAID IBNIL ARQAM r.a. pitharo iyan :

( قام فينا رسول الله صلى الله عليه وسلم خطيباً بماء يدعى خُمّاً ، بين مكة و المدينة . فقال : أما بعد أيها الناس إنما أنا بشر يوشك أن يأتيني رسول ربي فأجيب ربي ، و إني تارك فيكم ثقلين ، أولهما كتاب الله فيه الهدى و النور ، فخذوا بكتاب الله و استمسكوا به ، فحث على كتاب الله و رغّب فيه ، ثم قال و أهل بيتي ، أذكركم الله في أهل بيتي ، قالها ثلاثاً ) SAHEEH MUSLIM ( number 6175 ).

Maana :

Tomindg rkami so rasolollah s.a.w. sii ig a phmbthowan sa KHOM a pagltan a MACCA na go gya a MADINAH, na phitharo iyan :

oryanyan ; na Hay mga taw na mataan a sakn na matag ako manosya, na mararanidn so kaphakaoma o sogo o kadnan akn na tharimaan akn so order o kadnan akan ( goyoto so kawafat ) .

Go Mataan a sakn na imbagak akn rkano so dowaa maphnd ;

Paganayron na so KITA'B O ALLAH a ron matatago so toroan na go sindaw, na kaowanyo na go kakpnyo so KITA'B O ALLAH na ko kaptinyo skanyan, sa inipangoyatyan sangkoto oras so kaiiportantidn o KITA'B O ALLAH.

Oryanyan na pitharo iyan : So mga FAMILYA AKN, pagalowin akn skano sii ko Allah pantag sii ko FAMILYA AKN sa myaka tlo nyan anan maaloy.

- So HADITS A MOWA'LAT a pyanothol i ZAID IBNIL ARQAM ago si HUDHAIFA BNOL YAMA'N a pitharo iran a pitharo o rasolollah s.a.w. :

( من كنت مولاه فعلي مولاه ) Saheeh a tig i Al-Ba'ni.

Maana :

Sadn sa taw a sakn i DOKAPILA iyan na so ALI na DOKAPILA iyan.

- So A'yat a iphndalil iran :

( إِنَّمَا وَلِيُّكُمُ اللَّهُ وَرَسُولُهُ وَالَّذِينَ آمَنُواْ الَّذِينَ يُقِيمُونَ الصَّلاةَ وَيُؤْتُونَ الزَّكَاةَ وَهُمْ رَاكِعُونَ ) suratol Ma'idh 55.

Maana :

Mataan a aya DOKAPILA iyo na so Allah ago so sogoiyan na go so siran oto a myamaratiyaya, a so siran na iphthindg iran so sambayang na go iphmbagay iran so zaka't na go khiroroko siran - lalayon so mga sambayang iran a mga Sunnah -.

Na tigiran a gyanana ( وَالَّذِينَ آمَنُواْ ) na aya mapipikiron na sobo so ALI r.a.

Gyanan i mga Ala a iphndalil iran sa so ALI r.a. na skanyan i makakhakabnar ko IMA'MA ko oryan o Rasolollah, kay gyanan a myanga Aaloy na o ayanga pagilaya so maana nyan sa dingkadn pagilayn i sabab a kyatharoa o Rasolollah s.a.w. sangkanan a mga HADITS na LIMPANGAN nan a makaphangimbnar kawn ko phphakasilayan iranon a mapipikir.

Na go so salakaw san a mga dalil a iphndalil iran na isa sangkai a dwa, paganayron na mga HADITS a mga SAHEEH ogaid na marayag a knaba san panonompang, ikadwa na mga HADITS a mga DAEEF a go mga MAWDHO a di khapakay a baron iphndalil.

-- Pakarayagn tano angkanan a mga dalil iran o ino khidalil iran anan antawaa ka di ?

Opamaka pagilayatano sa kailay a gda gda angkanan a dwa a myanga aaloy a mga HADITS na aya mitotoroiyan na so kalai kalbihan o mga AHLUL BAYT na go so kisosogoon ko kababayai kiran na go so kapagadati kiran na go so kibgan kiran ko pangkatan a inidait kiran o islam.

Na opama ka ba gyanan na DALIL anan sa kababaloy o ALI r.a. a skanyan i makakhakabnar ko IMA'MA ko oryan o Rasolollah na so kadakln ko mga SAHABA a mga rarani ko Rasolollah s.a.w. na langon adn a pyangaloy o Rasolollah s.a.w. a mga KALBIHAN iran a tanto a mga pipiya a datar a gyanan a kya aloyanyan ko kalbihan o mga AHLUL BAYT nati samawto na langonsiran maka khakabnar ko IMA'MA!!

Na ayaman a awid sii a akal na so mga PANONOLON a mga Shi'ah na phkhowaan iran na go iphndalil iran so mga KALBIHAN o mga AHLUL BAYT r.a. na diiran dii pndi katawannn so mga KALBIHAN o mga SAHA'BAH specially so ABU BAKR a go so OMAR r.a.

Aya kapantkyan na gyangkanan a paganay a HADITS na inithoma o rasolollah ko mga Muslim so kaphyapyai ko mga AHLUL BAYT knaba sii ko IMA'MA.

Gyanan mambo a ikadwa a HADITS na pyakitokawan o Rasolollah s.a.w. sangkoto a mga tw a kailangan na kababayaan iran so ALI r.a. sa kataya so sabap :

Syogo o Rasolollah s.a.w. so ALI r.a. a balaknyan so mga SAHA'BA makapopoon sa YAMEN a gomiyobat nambagi bagiin iyan kiran so taban.

Na syongowan siran o ALI r.a. na phinggolaolanyan oto na danyan kiran mbagi bagia so IBIL AL-SADAQA na adn a da masoat o pinggola ola o ALI r.a. sa so pd na kyararangitan sirampn.

Oryan oto na somyong so ALI ko Rasolollah s.a. a pag HAJJ oto skanyan ka pagonoton na, inikaip bo pharoman o ALI so mga SAHA'BA a phimbagibagianyan sa taban na mya ilaynyan a so orderyan na da mapalo ka phikhodaan irampn so mga IBIL AL-SADAQA na go syolot o sabaad so tigyan a diiran zolota na malooto a myakadkl so phtharoonon sa taman sa minisampay ko Rasolollah s.a.w oryanyan na syongowanyan siran na phitharoiyan angkanan a HADITS ka aniran katokawi a aya bnar so inikidiawn o ALI r.a. na go inaloynyan kiran a sabap ko so ALI na MU'MEN na pdpn ko myamakarani rani ko rasolollah ko mga SAHA'BA na go AHLUL BAYT na kailangan so kasoat iranon na go so kababayai iranon, sa knaba anan dalil ko IMA'MA.

Sa aya mala a dalil sa knaba ana dalil sii ko IMA'MA na so mga ANSAR ago so mga MUHAJEREEN ko kyawafat o rasolollah a kyathimo sii ko SAQEEFA na daa sakataw kirambo a myaka aloy sangkanan a mga HADITS a siran i daa lagidyan a mga pirmiro a phagonot ko mga sogoan o Rasolollah s.a.w. ko oryanyan.

Na inoirampn anan da maaloy ka nanao sa knaba anan ago so mga pdyan a mga dalil o mga SHI'AH dalil ko kababaloy o ALI a aya makakhakabnar ko KHILA'FAH ko oryan o Rasolollah s.a.w.

- Sopman so A'YAT a ( وَالَّذِينَ آمَنُواْ ) a aya iphtapsir iranon na mataan aya walinyo na go imamyo na so ALI .r.a. na pyaksilay iran so thitho a maan o A'yat ka sii anan panonomapng ko langon o myamaratiyaya a siran i dapat ampila o mga muslim.

Na opamaka gyanan i maananyan na patot a maka phphoongka phyapya mmaana sa aya maphtharooka na MATAAN A SO ALLAH NA WALINYO NA GO IMAMYO na go so SOGOIYAN na di tanto a marayag a ribat anan a tapser.

Sopman so diiranon katharoa sa gyanan a ayat na inaloy I TABARY a sii minitoron sii ko ALI r.a. na knaba oto panarima o IMA'M AL-TABARY ka matagyan pyakasagad a pitharo iyan a adn a mitharo sa ayakon a tyoronanon na so ALI r.a. sa knaba anan pyaka mmsa ko mga panonorat sa kitab a phalowin iran so myanug iran a knaba iran oto TINDG.

Samanan na myaka rayag so kaphphamakasilaya iran ko thitho a paka aantapan ko mga dalil a gyanandn i ibaratan o myaaloy tano sii sa poro.

------

Imanto na so ikadwa a IPHLIMPANG IRAN KO MGA AHLU SUNNAH ;

2- So pantag ko ADA'LATO AL-SAHA'BA sii ko kiran kon :

Gyangkai a mga taw a mga PANONOLON a mga Shi'ah ago so mga pd kiran a knaba mga panonolon na aya phmbalowin iran a dalil sa kariribat o PANARIMA o AHLU SUNNAH na so kaphkharibat o mga SAHA'BA aya katao iranon na ba aya panarima tano na so mga SAHA'BA na mga MA'SO'M a disiran kharibat.

Na gyanan na mala anan a karibatan iran ka skitano na tatarimaan tano a so mga SAHA'BA o Rasolollah s.a.w. na mga taw siran a mga normal a phphangariribat siran igira ko mga galbk iran.

Ogaid na kagiya so Allah na inionanyan rkitano a myasoat skanyan kiran na go ini maapyan kiran so pyangariribatan kiran na gyoto i thithindgan tano.

Madkl so mga A'yat go mga HADITS A MANONOMAPNG SAN.

Na dianan khapakay oba baloya a karina odi na dalil sa kariribat o AHLU SUNNAH.

- Isa a karibatan a phagalowin iran sii ko mga taw na so HADITS AL-HAWDH, go so
KYAPALAGOY o mga SAHA'BA ko BATTLE OF HONAYN ago so BATTLE OF OHOD.

Na pakarayagn tano angkai a dwa LIMPANGAN iran a kokowaan iran ibaratan :

KATAYA SO HADITS AL-HAWDH , :

pitharo o rasolollah s.a.w :

( (( بينا أنا قائم إذا زمرة، حتى إذا عرفتهم خرج رجل من بيني وبينهم فقال: هلمّ، فقلت: أين؟ قال: إلى النار والله! قلت: وما شأنهم؟ قال: إنهم ارتدوا بعدك على أدبارهم القهقرى. ثم إذا زمرة حتى إذا عرفتهم خرج رجل من بيني وبينهم فقال: هلم، قلت: أين؟ قال: إلى النار والله! قلت: ما شأنهم قال إنهم ارتدوا بعدك على أدبارهم القهقرى. فلا أراه يخلص منهم إلا مثل همل النعم ) Bokha'ry.

Maana :

Amay ka sakn na tomitindg ako - sii ko kaphangokom o Allah - na adn a sagorompng a khailayakn, taman sa amay ka makilala akn siran na lomiyo a mama amakapopoon ko pagltan akn ago siran sa tharoonyan a intanoroo.

Na tharoon akn a tigo rasolollah s.a.w. a anda tano zong ?

Na tigyan a sii ko Naraka o Allah, na tharoon akn a inosirambs anan phakasold ko naraka ?

Na tharoonyan a ; mataan a siran na mimortad siran ko oryan ka!

Na oryanyan na isapman a sagorompong a mailayakn taman sa amay ko makilalaakn siran na lomiyopman a isa a mama ko pagltan akn ago siran sa tigyan a intanoro!

Na tharoon akn a Anda ? Na tharoonyan a ; sii ko naraka o Allah ! na tharoon akan a antonaabs i myasowa iran ? Na tigyan a mataan a siran na mimortad siran ko oryan ka!

Na adn pman a mailayakn a sagorompong taman sa amay ko makilalaakn siran na makagmawpan a mama ko pagltan ami a tigyan a intanoroo! Na pitharo akn a anda ? Na tigyan a sii ko Naraka o Allah! na tigakn a antonaabs i myasowairan ?

Na tharoonyan a ; mataan a mimortad siran ko oryan ka sa taman sa dadn a makaligtas kiran a inonta sodatar o indadarainon ko mga pangangayamn, maana tanto a maito.

Osayan :

Gyangkanan a dalil na sii kiran khidalil ko KABIBINASA o panarima iran a so mga IMA'M iran na katawanyan so dapn manggola ola.

Ati apya so rasolollah na dinyan anan katawan a maphnggolaola o antaanan a mga taw na sopn so salakawron.

Nanao sa binasa so PANARIMA IRAN a KAMAMAASOM o mga IMA'M IRAN.

- Ikadwa na tanodan a gyanan a word a ( زمرة ) na sagorompong a mayto a khabilang ko kadakl o mga wanayan a lima, aya dataryan sa maana na ( رهط) ipoon sa 9 na banda mga taman sa 3 or 2.

Na tlo anan ka زمرة a gyanan a inaloy o rasolollah s.a.w. adnpn a khalambaon, na ay gda aka ko kadakl o mga SAHA'BA ba matag siran 100 ka زمرة ???

Ikadwa na katawantano a so sabaad ko myamagislam ko mga A'RAB sa madinah na mg muna'fik sa pyaki tokawan anan o Allah sii ko rasolollah ko danyampn kawafat, sa katawan ami sira a tigo Allah na dingka siran katawan.

go so mga pd ko mga Arab na mimomortad siran ko oryan o kyapatay o Rasolollah, pdon so mga mbawataan o HANIFAH a mayamaka moba'yaa anan sii ko rasolollah s.a.w. ko kyapagislamiran na myakilalasiran o Rasolollah, go so myamangongkir sa kibgan ko ZAKA'T.

Na aya mataan na siikiran pannma angkanan a HADITS kna oba sii ko mga SAHA'BA O RASOLOLLAH A mga raraniron.

- SOPMAN SO PANTAG KO KYAPAKA PALAGOY O MGA SAHA'BA KO BATTLE OF HONAYN ago so BATTLE OF OHOD NA KATAYA SO RAYAGANIYAN :

So pantag ko BATTLE OF OHOD na myaribat roo so mga SAHA'BA sabap ko tigtano a knaba siran mga MA'ASOM ka phkharibat siran, ogaid na inimaap kiran anan o Allah sa phitharo o Allah :

( إِنَّ الَّذِينَ تَوَلَّوْا مِنكُمْ يَوْمَ الْتَقَى الْجَمْعَانِ إِنَّمَا اسْتَزَلَّهُمُ الشَّيْطَانُ بِبَعْضِ مَا كَسَبُواْ وَلَقَدْ عَفَا اللَّهُ عَنْهُمْ إِنَّ اللَّهَ غَفُورٌ حَلِيمٌ ) surat a'li imra'n 155.

Maana :

Mataan a so siran oto a myamanalikhod a pd rkano ko gawii a kyapakathomlanga o dwa a mga groupo na na myaolog siran o Shaytan ko karibatan na sabnar a so Allah na inimaapyan kiran oto, mataan a so Allah na paririla a maongangn.

Na o rinilaan siran o Allah na go mya apanyan siran na inotano aya di pagposa o mga RA'FIDAH sa modol iran a so Allah na mya apanyan siran.

- Sopman so pantag ko BATTLE OF HONAYN na gyangkoto a kyatalikhod iran na dairn mitaros ka myan-giran so pananawag o Rasolollah s.a.w. na miphato siran langon.

Na knaba anan paawing kagiya siran na mga manosya siran a phkharibat ogaid na aya importanti na so Allah i myantog kiran a go inibanaynyan a myasoat kiarn.

----------------

- Sopman so makapantag sii tigiran a So kaphangwarisi o FA'TIMAH r.a. ko LUPA a FIDAK a minibagak o rasolollah s.a.w., a gtabab na diirandn mambo pagposn a thotholanon, na go bayaloy iran aya limpangan ko phkha akal iran ko mga SUNNI a mga lolobay i sabot sii ko islam.

Aya thotholan sii na so FA'TIMAH na dinyan katawan oba so RASOLOLLAH s.a.w. na myaaloynymbs a so mga NABI na disiran kaphangwarisan.

Na so kyawafat o NABI s.a.w. na khwaanyan so FIDA'K ka phangwarisnyan sa aya iphndalilyan na so mga dalil a A'M sii sa qur'an pantag ko kaphkhawarisi o wata ko loksyan a myawafat.

Na so kyapaka omanyan sii ko ABU BAKR a skanyan i KHALIFAH na phitharoiyanon oto, na byatiyaon o ABU BAKR so HADITS o rasolollah s,a,w, a :

( نحن معاشر الأنبياء لا نورث ما تركناه فهو صدقة )

Gyanan a HADITS na aya myanotholon na so kadaklan ko 10 a mga taw ko surga ko mga SAHA'BA na aya problima na dii tharoon o mga SHI'AH na sobo so ABU BAKR r.a. i myanothol san, pro dyoto bnar.

Sa apyapnman sobo so ABU BAKR i myanotholon na sabap ko paratiyayanyan sii ko Allah na kyasanaandn ooto.

Maana o HADITS :

Skami a mga Nabi na di maphangwaris so nganin a phkhibagak ami, ka skanyan na sadaka.

Na so kyan-gasan o FA'TIMAH na danyandn pharomani maloy ko ABU BAKR.

Aya malaa dalil sa PYAKADADN oto o FA'TIMAH na go knabanyan oto byaloy a rido siiko ABU BAKR na go tyarimaiyan a knabaskanyan kyasalimbotan na so kya KHALI'FA o ALI ago so HASAN na ino bairan oto pyanontol antawaa ka da ? aya smbag na da! so nanao sa knaba lyalim o ABU BAKR r.a. so FA'TIMAH r.a.

Aya mataan na opama ka phamimikirana anan o mga SHI'AH a gyanan i diiranon katharoa sa dadn anan mirila o FA'TIMAH r.a. na maphphakaito iran so pangkatan o paratiyaya o FA'TIMAH datar o ba taman sa myawafat so FA'TIMAH na ithatalonyandn a rata a ginawa angkai a myak ito ito a tamok.

Samawto na aya mababalsyan na mababaya sa maito a kipantag so FA'TIMAH sii ko donya ka dadn makarila. NAUZUBILLAH.

----------

- Sopman so pantag ko MA'RAKAT JAMAL ago so MA'RAKATO SAFFAYN na kataya so rayagan anan :

--So MA'RAKATOL JAMAL na gyoto so kyasong o OMMOL MU'MENEEN A'ISHA r.a. ago so TALHA , ago so ZOBAIR sii sa IRAQ a phangilayn iran so mga taw a myono sii ko USMAN ka an mikitas siran.

Na so kyatokawi roo o ALI r.a. na inobaynyan so kakadnan iran a darpa na pyaki izaanyan o antonaa i minitalingoma iran, kapaki phasada o kathidawa?

Na kyatokawanyan a so OMMOL MU'MENEEN a go so mga pdyan a mga ALA a mga SAHA'BA na kapaki phasada a minioma iran roo.

Na sii ko tyagoan iran sa oras so kaphazada ko awida akal.

na sodn so kyagdamawn o mga pagtaw o ABDULLAH BIN SABAH a khapasad so rido na sii ko sobo a dapn na sabap ko maapd siran ko mga pag taw o ALI na syongowan iran so mga pg taw o AISHAH a kithothorogn siran na myamomonoan siran zabnar, na kagya ko makanaw so langon o mga pag taw o A'ISHA na phizalopog iran angkoto a mga taw na sii siran myagapas ko mga pdrin a mga sondaro o ALI a kithothorogn na gosiran mikorot sangkai mga taw a phnggiraw a syoldan tano o mga pagtaw o A'ISHA na mithidawa siran sa tanto a madakl a myashaheed kiran.

Na o pagilaya na sopaman so mga SHI'AH a mga Pagtaw i ABDULLAH BIN SABAH i kyasabapan sangkoto a kyathidawa dadn kaplngi o omani isa sa kaphkhapatayanyan ko pdyan.

Gyanan i mapontok a thotholanon.

- Sopaman so MA'RAKATO SAFFAYN na maoompong so mga ULAMA o AHLU SUNNAH sa mataan a so ALI ago so MUA'WIYA r.a. na myagiztihad siran sa mapya a phnggola olaan ko kyawafat o USMA'N r.a. na myakambida siran sa IZTIHA'D na myaka sogat so IZTIHA'D O ALI r.a. na myaribat so IZTIHA'D O MUA'WIYA na langon adn a balas iran.

na so so sondaro o ALI na mga sondaro a SHAR'E na so sondaro o MUA'WIYA na mga BA'GI sii sangkoto a oras a kyapaka thomlanga iran.

Na so kaphamagitonga kiran na sobo so Allah i matao san.

Aya mapya na so diron khapzoldi sa madalm ka kawan oba mapaka ito so pangkatan o mga SAHA'BA o Rasolollah s.a.w.

Gyanan i mapontok a panarimasan o AHLU SUNNA na di anan dait ko mga SHI'AH AL-RA'FIDAH oba iran anan phmbaloya a limapangan iran siiko mga taw.

---- >

Sopman so OLAWLA iran a kaphzangaya iran ko mga ngaran o mga ALA a mga ULAMA a AHLU SUNNA na kataya :

1- So Im'am AL-SIDDY, na adn a olama iran a pyakisangay iranon.

2- So Ima'm AL-TABARI, na adn a pyaka sangay iranon.

3- So Ima'm IBNI HAJAR na adn a pyaka sangay iranon.

4- So Ima'm IBN QOTAYBA na adn a pyaka sangay iranon.

Sa langon anan adn a mga kitabiran, na igira a inaloy iran angkoto a mga katharo na phagawamn iran ka para aya phkhapikira o SUNNI na so mala a ULAMA o mga AHLU SUNNA na ayaon kikatharo.

Sa banda siibo taman ka tanto a myaka tas, na naino ka Insha'allah na phzompatan tanobo ko mga pd a oras tano.

Wassala'm alaykm w w.