BANDINGAN KO PD MAPAPADAL A MGA PIPIYA SII KO ALONGAN A JUMAAT

Madakl so mga pipiya a mga kalbihan a milalawan angkai a gawii a JUMAAT ogaid na maitobo angkai a mapipikirtano a pagaloytano a mga katharo o rasololllah s.a.w. ko mga pipiya a mga galbk a aya kailangan sii ko mu'men na dinyan mapaka lpas so orasyan ko kiphnggolalanynyanon.


Isa a matatago sii a mapya na phitharo o rasolollah s.a.w. :

(من قرأ سورة الكهف يوم الجمعة أضاء له من النور ما بين الجمعتين). رواه النسائي والحاكم مرفوعا وصححه.

Maana: Sadn sa Mabatya iran so Suratol Kahf ko alongan a Jumaat na kasindawan skanyan ko pagltan o dowa a Jumaat.

Ikadwa na pitharo o rasolollah s.a.w. :

( من قرأ سورة الكهف في يوم الجمعة سطع له نور من تحت قدمه إلى عنان السماء يضيء له يوم القيامة ، وغفر له ما بين الجمعتين )وصححه الشيخ الألباني في " صحيح الجامع " ( 6470 ) .

Maana : Sadn sa Mabatya iran so Suratol Kahf ko alongan a Jumaat na somindaw sii rkanyan so maliwanag ipoon ko palonyan na taman sii ko Antar o Langit sa alongan a mawri. go rilaan skanyan o Allah ko pagltan o dwa a jumaat.

Isapan a mapapadalmon a kalbihan :

Phitharo o rasolollah s.a.w. :

( إن في الجمعة ساعة لا يوافقها عبد مسلم يسأل الله فيها خيراً إلا أعطاه إياه ، وهي بعد العصر )رواه أحمد في مسنده

Maana : Mataan a adn sii ko alongan a Jumaat a isakaoras a daa katabo awn o oripn o Allah muslim a phphangni sii ko Allah sa mapya inonta na ibgayron o Allah so pangninyan, sii oto ko oryan o Asar.

ikadwa a katharo o mga Ulama na sii anan matatago sii ko andadn i kapamanik o imam sii ko mimbar na taman sa makambarngkas a taw.

Phitharo o rasolollah s.a.w. :

( إن في الجمعة ساعة لا يسأل اللهَ العبدُ فيها شيئاً إلا آتاه الله إياه ، قالوا : يا رسول الله أية ساعة هي؟ قال : حين تقام الصلاة إلى الإنصراف منها . ) وروى ابن ماجة والترمذي

Maana : Mataan a adn sii ko alongan a Jumaat a isakaoras a daa katabo awn o oripn o Allah muslim a phphangni sii ko Allah sa mapya inonta na ibgayron o Allah so pangninyan !

tig o mga Saha'ba a antona oto a oras ya rasolallah ?

tig o rasolollah s.a.w. a : andadn i kitindgn ko sambayang na taman sa makambarngkas antaw phoon ko sambayang.

Na apya anda sandn na aya importanti na so kapangontaman sa dii kapakandakla ko mga ISTIGRAR " kapangni sa rila sii ko Allah" go so mga " TASBIHA'T go so mga kanggalbk sa mga pipiya a salakaw san.

Wassala'm w w.

" KOKOMAN O DII KAPAGBANGI SII KO MASJID "

Pakaiza e Kim Mayon Abdullah :

IPAGIZA AKUN KO MGA GURO AMI SAYA:

Antunai kokoman ko MASJED a lalayon da a diiron di magbang? giyangkoto a darpa na HOUSING COMPOUND a 206 rooms maana sobra 400 a mga muslim a matatagoon. Nago antunai balas o BILAL ko masjed?--------Ino daduna problema ko kaZAMBAYANGON? ino di oto kizomarya ko mga mama a muslim?

------

Smbag :

Muhd Rayyan Hakem :

Wa alykom slm w w.

sabnar a didn mapya o ba phnggakn so diii kapagbangi sii ko masjid, sa ba aya sabapyan na kay daa phzokayan ko mga muslim ko makalilibton a matotordonyan so kapagbang.

aya sabapyan na aya MABAGR A TINDG KO KOKOMAN O KAPAGBANG NA FARDO KIFA'YA, maana o dadn a ba dii magbang sangkoto a masjid na a isa kirambo na SABANAR A MYADUSA SIRAN LANGON.

Balabawron opama ka sii sangkoto a darpa na dadn a baon khanug a dii magbang sa masjid sabap ko knaba thitho ibarat iria a muslim.

Phitharo o Rasolollah s.a.w. ki Ma'lik ibn howayris a :

( إذا حضرت الصلاة فليؤذن أحدكم وليؤمكم أكبركم )
رواه السبعة

Maana : Igira a myakatalingoma so sambayang na pagbangi i isarkano na go pagimam so malarkano i idad a matao.

Go so Nabi s.a.w. na byaloy nyan so BILA'L a paagbang sii sa madinah. ( Masjidin nabawe ).

Na go Siyogo iyan so Abo Mahzo'rah a diinyan dii kapagbang sii sa Masjidil hara'm.

Na so Nabi s.a.w. na oman zambayang na diinyan paki pagbangan daan, na go phphaki qamatanyan.

- Gyanan langon na dalil sa kababaloy o KAPAGBANG go KAKAMAT a FARDO KIFA'YAH sii ko diiron kinggolalan sii ko masjid.

------

Sabap san na Musawir akn ko mga pagari akn a phphakabatiya sangkai a katharo tano a kailangan na masyaptano so mga Masjid tano sa katatanor o diiron kapananalon sii ko kala o Allah, maana DIIRON KAPAGBANGI na GO KAPHAKHAMATIRON ko OMAN SIRAN ZAMBAYANG.

Ka so dii san kidaraynonn na aya onganyan na so kaphkhadusa o kadandan o mga Muslim a babaloy sangkoto a obay a masjid.

Balasangkao o Allah sa mapya ko kasisiyapanyo sii ko Walay o Allah sa katatanor o khiphphamayandgnon ko sambayang.

------

Sopam so balas o Kapagbang na kataya so mga hadiths o rasolollah s.a.w. :

المؤذنون أطول الناس أعناقاً يوم القيامة ) رواه مسلم )

Maana : So mga paabang " a diiran ipananawag so kalao Allah sii ko mga masjid " na siran i manga poporo i lig sii ko Alongan a qiya'mat.

Sii anan ko kadadaityan kiran, go mababaloy a kikibibida iran sii ko mapya sangkoto a masa.

Go phitharopn o rasol s.a.w. :

لو يعلم الناس ما في النداء والصف الأول ثم لم يجدوا إلا أن يستهموا عليه لاستهموا ) . رواه البخاري ( 590 ) ومسلم ( 437 

Maana : Opamabo ka katawano mga taw so nganin a matatago a " mapya go balas " sii ko kapagbang go kazaap ko paganay a saap, na oryanyan na daa matoon iran iran okit a kiphngolalann iranon na myaddn oto a akaliran.

Go phitharo iyanpan :

مَن أذَّن ثنتي عشرة سنة وجبت له الجنة ، وكتب له بتأذينه في كل يوم ستون حسنة ، ولكل إقامة ثلاثون حسنة ) رواه ابن ماجه ( 728 ) وصححه المنذري والألباني

Maana : Sadn sa makapagbang sii ko tnday o sapolo ago dwa ragon na myapato ton siirkanyan so surga, na go isorat para siirkanyan para ko diinyan kapagbang sa oman gawii na n-mpolo 60 a mapya, na sii ko Oman i kaphQamat iyan na tlo polo 30 a mapya.

Gyanan i mga Hadiths a Correct a mya aloy pantag sii ko balas o kapagbang.

Wasslam.

KOKOMAN O KAPANGIFTA, NA GO SO PHAGIZA SA MGA KOKOMAN

_ AYA MUFTY : na skanyan so dii manothol odi na dii tharo ko mga kokoman o Islam.

_ AYA MUSTAFTY : na skanyan so pagiza ko kokoman o Islam.

--------

- MGA CONDATIONS O KAPANGIFTA :

So mga Importanti a Condations o kakhapakay a dii mgangifta :

1- Mabaloy so dii mang IFTA a katawanyan sa tarotop a so kokoman o Iphagizaon, odi na so aya raramigan a ginawanyan na so katawinyanon.

Ka o dinyan katawi na aya sanggolalan sa duwaanan na aya wajibon na so kaggnkyan sa di phag ifta.

2- So daanyan a dii kindal dalmn sii ko Pakaiza sa completo ; para misampay ko Ontol a kokomanyan, kagyan so kokoman o shay' na sapak anan o kinindal dalmn non.

Na opaman ko ba adn a diron tanto maka liliwanag ko katharo o phagiza na, izaanyan ko phagiza angkoto a diron kasasagogodan.

Na oba kailangan a mitipaslyanon mizan na kailangan na manggoalaolanyan.

Sa khaosayron mambo sa mapya o phagiza.

3- Mabaloy so dii mangifta sii ko kaphagifta iyan a lomilintad a pamikiranyan, para mindal dalmyan phya pya so pakaiza ko kazmbagnyonon sa nggolalan sa mga dalil sii ko qur'an ago Sunna na go so mga pd a mga dalil a marororan sangkanan a duwa a kitab.

Di khapakay a mangifta so phkhararangitan, odi na maka aawid a akalyan, odi na bobokln, na go so mga salakaw san a adn a raradyan sii ko pamikiran o dii mangifta sa di kapakaontol phyapya o phtharoonyan.

--------------------------------

- SO MGA SHARAT CONDATIONS O KAKAWAJIB O KAIFTA :

1- Mabaloy so phagiza a siirakanya myanggola ola so iphagizaiyan, na knabarkayan myanggola ola na knaba nisisita so kasmbaga ko pakaiza iyan.

Inontabo o aya antap o pagiza na dii maganad, ka khasmbagdn skanyan sabap ko di khapakay so kapagmaa sii ko Ilmo sii ko Islam ko masa a kakhailanganawn o phagiza.

2- Mabaloy so Phagiza a aya antapyan sii ko kaphphama iza iyan na phphakargnaynyan a ginawanyan ago so mga muslim, odi di maboloy a aya antapyan na diinyan pamimilian so mga Sogoon o Allah na ayanyan phkhowaan na sadn sa diron khapasangan a adn a myakayron a Ulama apyapn malobay i dalil.

Na basta a mailay o A'lem a gyanan i Sifat o dii mangingiza na diron wajib so kaphzmbagynyan ko mga pakaizaiyan.

3- Di mabaloy so Ifta a aya risoltanyan na mas mala a morala, ka opama ka ba aya ondas o Iftaiyan na mas mala a Murala na mas thomo a didn phtharo.

Sii anan ko mga kokoman a SAPAK knaba sii ko AQEEDA.

--------------------->

- SO KAILANGAN A MAZIZIPAT O PHPHAGIZA :

Skanyan na 2 dwa a sifat :

1- Maboloy skanyan a ino phagiza ka aya kabaya iyan na katokawanyan so bnar, knaba ayanyan dii pangilay sa okit na so longon a pyakay o sabaad a daa bagr o dalilyan na ayan dii nggola olaan, odi na knaba aya antapyan na phphan-pnganyan so A'lem, go so salakawsan a mga antap a pyamaka sisingay.

2- Mabaloy skanyan a di basta basta phagiza inota sii ko katawanyan, odi na raramigan a pamikiranyan a khapakay a dii mangifta odi na dii man-mbag sa mga pakaiza sabap ko katawanyan ko mga ipagizaon.

Maana kailangan a dii mamali so Muslim sa phagizaanyan, sa sasariganyan ko Ilmo go so paratiyaya.. sa aya kabasa san o sabaad na wajib anan sii ko phagiza.

------------

Gyangkai a katharo na sii makapopoon ko isa ko mga mala olama sa dunya a si :

shaikh muhammad sa'lih al-uthaimeen r.t.

KOKOMAN O KAIYOGI O MRANAO KO BALIK ISLAM

Pakaiza e ; Geisller Bin Man :

Salam kaka aleem?kapakay a iyogan o babae so balik islam a mama?opama na myainlove so babae ko balik islam??.

Smbag :

Muhd Rayyan Hakem :

 Alykm slm w w.

Aya paka asal na so mga Muslim na daa bairan mbida bidaan inonta so kalai kalk sii ko Allah,na daa sangkaan a khapakay a diisiran khakamonga asar ka langon siran mga muslm.

Gyanan i tidg o kadaklan ko mga Ulama.

phitharo o Allah : ( يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ ) soratol hojora't 13).

Maana : Hay mga manosya na mataan a inadn ami skano a mga mama go mga babay, na go byaloy ami skano a mga pagtaw go mga bangsa ka angkano dii maka khikhilalai, na mataan a aya pagaadatan rkano sii ko Allah na so mga masanggila rkano, mataan a so Allah matao a maka kakaip.

So aya syabot san na basta a muslim na rpng o datar yan a Muslim, mlagid o aya paka asal o mga loksyan na muslim antawaa ka bago a muslim.

na Aya khailay sangkanan a datar anan na gyangkai a pagalointano :

1- Ino phyor a balik islam so mama? 

kagiya adn a mga balik islam imanto a sii bo ko IQAMA na so phyor na knaba mimoslim, ka khakafer bo.

na o gyanan i bontalyan a knaba phyor a balik islam na HARAM ko babay a muslim oba paki pangaroma ko knaba muslim.

opman o muslim na khapakay. ogaid na khailayngaka daan a gyaya a ikaduwa a pagilain.

2- ino so mga luks o babay phaka ayon siranon, odi? ka o phaka ayon siranon sa daa kaoriyanon ibarat a mas mala a awida akal o babay na thomo a sambotanyan a panglay sa okit a akolinyan so mama a balik islam kay ki so mga luksyan na diirandn pagayonan.

gyangkoto pman a diiranon kapagiyogi na opama ka sabap ko kapagiislam i akioto na myadusa siran sa tanto a mala a dusa.

phitharo o rasolollah s.a.w. : ( إذا خطب إليكم من ترضون دينه وخلقه فزوجوه إلا تفعلوا تكن فتنة في الأرض وفساد عريض ) ..

Maana : o makaomarkano so taw a mapya i Agama a go adat ka myasoat kanoron na phanoksamskanyanrkano na pakaparomaanyo, ka odinyo tarimaa na mabaloy oto rkano a morala sii ko liyawaw o lopa na go kabinasaan a marayag.

Ogaid na so babay na makaphzabar ka amayamay na mas mala a awida akal a kyaoriyanon.

so Islam na isa a FOUDATION IRAN NA :

( درع المفاسد مقدّم عن جلب المنفعة )

Maana : so karna ko kabinasaan a madakl na aya pagonaan a diso ka kowaa ko kamapyaan a mayto.

Maan: khapakay a itolak o mga tonganay o babay so babay, na masa marata oto.

--------

Ogaid mambo na so mga Luks o mga babay na kailangan na o kasipati iran si watairan a babay sa maka khakailangan sa ingpda iyan na o adn a myapili iyan sa ginawanyan a indaityanon na o mapya ka ndodon so pakayan a iphnggiloba sa zarigan sa warisan na kailangan na mapakataros iran sa di kargnan sa katharo na go tamok.

ka para di phkhaadn so mga rarata a dii mangola ola.

------>>>

Geisller Bin Man : 

Problema na myainlove so babae ko mama ??

Smbag :

Muhd Rayyan Hakem :

Isa inin a awida akl ko mga babay tano a diiran khacontrol a ginawa iran sa diiran dii kapaki pag relation sa mama sa diiran pagosarn daan so pamikiran iran o Antonaa i odasyan.

Ino mangaday mapya a khatarosan o diinyan kapakikhoyamptaan sii ko mama antawaa ka di?

salakaw pn anan ko kababaloynyn a dusa sii ko Allah. 

-------

Kailangan na o Adn a khabayarka a babayakn na pakimbitiyarainkawn so mga luks ka, na pakapanikangka sa walaynyo.

na o dinyan oto kharawi na talikhodingka ka iphrecord kanyan.

na khapdkapn ko mga babay ko pitakaiyan.

na madakpyan so puso oka na kyabagakangka sa Awida akal a khapakaya ayadn a mabinasa na so pakisisiyap rka o Allah sa ginawangka.

--------

Kailangan so kapanigorado a go kalantas i pamikiran.March 16 at 10:59pm · Like · 6

" ISA SII KO MGA CLASSI O KAPRIBA "

Pakaiza e : Geisller Bin Man

kaka aleem?ayapun a pakaizaa akun na ?tunay hukoman aya?ibarat na dadn a perak akun opama na psokayan ako..myotang ako ko padagang sa margaz sa isaka sako opama na sawlan na bayadan akun,aya arga o margaz na sanggibo ago limagatos..ogaid na mawma so sawlan na pagumanan akun sa 500 so 1500 so perak yan rakun?opama na minisug?mimbaloy a 2.000?tunaa kapakay anan?

Smbag :

Muhd Rayyan Hakem :

Basta a myapasad kano sa aya imbayad kawn na 1500 ko sawlan na mawma so sawlan na kailangan a kabayadan ka.

na o dingka khagaga mayad sa kyaoma oto o pasadyo, na di khapakay a omanan sa 1 peso bo.

ibarat na tig ka a dyakn ska khabayadn imanto ka daa pirak akn, na naino ka balowin akn a : 1501 odi na gyanan a tigka a balawin akn a 2000.

odi na skanyan i mitharo rkawn sa kailangan na mabaloynga a 2000 ka daka makabayad ko pasad a kambayad ka.

dyanan khapakay ka gyanan isa a phmbthowan sa RIBA kathobo...

------
Geisller Bin Man : 

Gyanan ulog ulogan so mga padagang go mga di mamagopisina na uman sawlan na molog cran sa ulo ulogan?haraam o halaal?

Smbag :

Muhd Rayyan Hakem :

knaba anan Haram sii ko katawi aknon. 

gyanan i inikokomon i siki Shaikh ibn ba'z go so mga pd a mga Ala a Ulama.

aya mataan na daa baakn san phkhailay a marata.

aya mataan na dii maka ploloaga so mamagpda.

gyanan so katawan aknon. 

ayakn di katawan oba adn a salakaw a okityan.

----

Kim Mayon Abdullah : Muhd Rayyan Hakem ?

Giyanan i komakalilid sa ingud. Amay puman aleem ka pasadiran dun a 2000 ago so padagang sabap sa gyuto i laba nyan?

Smbag :

Muhd Rayyan Hakem :

na o ogyanan i bontalyan na khapakay.

maana : kominowa ibarat, sa isaka sako a Margas na aya phyor a arga iyan na 1500 tapos na tigyan a aya kambayadi aknon na saolan na 2000 a imbayad aknon.

na gyanan na khapakay , gyanan i phmbotawas a Islam sa BAY'OL SALA'M.

Iphmbgaydn so dagangan na paglaten so bayadyan na minisaraton badn so kyapakalaa ko andang a arga aiyan.

---

Geisller Bin Man :

Opama ko phagizug so laba?tunay hukomanyan?

Smbag :

Muhd Rayyan Hakem :

antonaa i bontal a kaphagisgyan sa laba ?? 

bigingka sa example ka tanto a madakl i barangan so okit a kandagang?? 

na khapakay so pd na haram so pd.

----

Geisller Bin Man :

Opama na myotang akurka na aya pasad na sawlan na bayadan akun so utang ka sa 2.000.aya arga o margas na 1500.opama ko diakun kabayadan ko sawlan ka cii pman ko ikadowa olan na pumbaloy a 2500 .opama ko diakun kbyadan so otangko sawlan?

Geisller Bin Man :

Opama na myotang akurka na aya pasad na sawlan na bayadan akun so utang ka sa 2.000.aya arga o margas na 1500.opama ko diakun kabayadan ko sawlan ka cii pman ko ikadowa olan na pumbaloy a 2500 .opama ko diakun kbyadan so otangko sawlan?

Smbag :

Muhd Rayyan Hakem :

dyoto khapakay ka maadnon so Hi'la, opama na phphalagoyan so kabaloy nyan a riba na ogaid na dirombo oto phakadalong ka marayag so bontalyan. 

ka aya paka asal na aya imbayadon na 2000, na sabap ko danyan roo kabayadi na tigyan a phmbalowin a 2500.

na mlagid i ayaon kaphtharoa na amay ko myaoma so kambayadyan a da makabayad ago phimbitiyaraiyanira.

kaphasada anan sii ko Haram.

ka andang a makatatana a aya imbayadon sii ko saolan na 2000 then sabap ko da makabayad na tigyan a 2500 na ba adn a myaalin ko kababaloynyan a reba.

-------

lagidaya ibarat i okit o diiran kambitiyarai ;

SI PAGOTANGAN : nari pagotangn akn rka inin sa 2000 a argaiyan sii ko sawlan.

ogaid na basta a dika makabayad na khaomanan sa 500 na phmbaloy a 2500.

SI MAGOTANG : a na oway otangn akn sa 2000 a imbayad aknon.

ogaid na odiakn kabayadi na sii ko ika dowa olan na pagomanan akn sa 500 then mimbaloy a 2500.

GYANAN NA MALIWANAG A KAPHASADA SII KO KAPRIBA.

MAANA : DIYANAN KHAPAKAY HARA'M.