Thursday, March 28, 2013
PD A BANDINGAN KO IKHWA'NOL MOSLEMOON
sO AL-IKHWA'NOL MOSLEMOON na isa sii ko mga groupo o mga muslem a mabblag so panarimaiyan agoso panagontamanyan ko okit a kinirapasn o mga SALAF AL-SA'LIH ko islam.
So garoup "AL-IKHWA'NOL MOSLEMOONA" or "MUSLEM BROTHERHOOD" na gyangkai a groupo na aya mithaoongon nasi shaikh hasan al banna r.t. a taga egypt:
2-aya aqeedanyan ko MGA NGARAN O ALLAH nago so MGA SIFATIYAN na "MUFAWWIDA AL-LA'ADRIYA" aya tindgyan na ibarat o iiza akawn o antonaani maana o YAD go AYN ago WAJH a tyangkd anan o allah a mga sifatyan na tigyan a diyakn anan katawan ka sobo so allah i matao ko maana anan, sa ayapn a rataon sa ginawa na iphagangkobyan ko mga salaf a sirangkon na mga"MUFAWWIDA AL-LA'ADRIYA" sirangkon sii ko mga maana so sifat o allah, na gyanan na di bnar ka so langon a mga kitab a mga SALAF na aya diiran ITAFWED na so KAYFIYYA: ropaanyan odi na kapakmbbtadyan ka ayabo a dii tharoon o mga SALAF n a so sifat a LIMA na tigiran a LIMA A DOMADAIT KO KALA O ALLAH NAGO KAPOROIYAN sa di maphakada nago di miphanolagid nago di miphanaginda nago di khiropa, na so maananyan na marayag.
giyangkai a kababaloynyan a MOFAWWIDA BEL MA'ANA na sii matatago ko kitabyan a majmoorasa'al, rasa'ilol aqa'id page:(330). gyanan so sabaad ko mipantagon ko kadadagiyan ko okit o iba'da agoso panarima ko asmaollahe wasifa'tihi.
Mga pagariya knaba a ya amisaya kapagaloya na ba babaya sa kaphphaawingi ko mga tao odi na mga groupo a adn panizakaynyan sa kapaapas o pagtaw ka gyanan na daabaon khakwa a gona ka bakaondn khadosa,,, aya matataan na gagawami aya ko pagtaw sa katoona iran ko bnar,, nago gagawami mambo aya ko taw a miyakathaong sa groupo a madadag ka badi kalokalo na kaalangan so mga taw a khibologon nago makathanod o mga taw a minibologondn na matorosiran ko bnar na myakalipowas sa kasiksaan angkoto a taw a mykathaong sa rebat pamikiran na minisabap rkami a kyapakalipwasyanon.
Na giyanan mga pagariya i phmbtowan sa muslem a iya awida akalyan so langon o mga pagarinyan sa katoonairan ko kamapyaaniran sa dunya nago sa akhirat, phkhababayaanyan siran sa lagid o iphkhababayaiyan sa ginawanyn, go mababaloy skanyan a pagalongan a khailayron o phagarinyan so mambobontalyan. pitharo o rasol s a w:
لايؤمن أحدكم حتى يحب لاخيه ما يحب لنفسه)..وقال:(المسلم مرآة اخيه )
Madakl so kailangan a madiscusya ko mga pd a galbk a kapakasisilaynyan ko AHLU SUNNA WAL JAMAA na naino ka phzompatantanobo inshaallh.
waslam
BANDINGAN KO AL- QA-IDAH GROUP
So group a al-qa'ida na madakl so osayanon o mga ulama sa kyasabapan sa kayapakasilay iran, a mipagaayoniranon so mga khawarij go so mga Ikhwan, lagid angkai a phanga aaloy: ( gyaya i mga galbk a piyamagayonanira )
1- So kapanononobrairan ko kaphphakakafira ko mga taw, basta a diiran mipagayon sa tendg. aya iphmbtho ...iran sa saudi arabia as whole na olo o mga koffa'r wal iya'zo bellah. gyangkai a katharo na sidn mismo si USAMA BEN LADEN i diron dii tharo agoso mga ulamairan a mga pd, siiakn myakowa ko isako mga pagaritano a pd kiran so vedio i ben laden.
sii sangkai a katharoiran na skanodn i mataoron mamimikeran o kabbnariiran a saudi arabia?
2- So kiphzogooniran ko kaliyo ko dato o mga muslem sabap ko adn a dusa o dato a muslem a knapman obanyan inikakafer sa datardn anan so olaola o mga khawarej a myangaoona.
na tanodantano mga arikolay ka so nabi "saw" na inisaparyan anan a tanto obanggolaolaa o mga muslem. pitharo o rasol saw"
على المسلم السمع والطاعة فيما أحب أو كره، ما لم يؤمر بمعصية "، وقال: " لا طاعة لمخلوق في معصية الخالق "، وقال: " من أمركم بمعصية الله فلا تطيعوه "رواه البخاري
Maana:
[ paliyogat ko muslem so kapamakinug go kapangongonotan siiko datoiyan mulagid o masosoat odi na magogowadon inontabo o sogoanyan sa kapmaasyat, ka di pagonotan kaadn ko kaphmaasyai ko myangadn.......... . ]
piyanothol i Bukhari
ikadwa a katharoiyan:
عن حذيفة بن اليمان - رضي الله عنهما- قال: قلت : يا رسول الله ! إنا كنا بشر فجاء الله بخير فنحن فيه فهل من وراء هذا الخير من الشر؟ قال ((نعم))، قلت : هل من وراء ذلك الخير شر ؟ قال ((نعم)) قلت : كيف ؟ قال ((يكون في بعدي أئمة لايهتدون بهدى ، ولا يستنون بسنتي ، و سيقومون فيهم رجال قلوبهم قلوب الشياطين في جثمان إنس)) قال : قلت: كيف اصنع يا رسول الله - إن أدركت ذلك؟ قال: (( تسمع و تطيع لأميرك وإن ضرب ظهرك و أخذ مالك فاسمع و أطع)) رواه مسلم
Maana:
[ so hojafa na iniizaiyan ko rasol s a w a tigyan a mataan a skami na matatago kami marata na pyakatalingomarkami o allah so mapya na inoa a tgyan baadn a orayan o mapya a marata, na tigo rasol saw" a oway! na tigakn a baadnpman a oryan a angkawto a mapiya a marata? tigiyan a oway, tigakn a andamanaya? tigiyan a : phakawma ko oriyan akn so mga Datu a di iran pagokitan so okit akn, go khabaloy kiran so mga mama a aya mga puso iyan na mga puso a Shaitan a matatago ko mga lawas a manosiya, pitharo iyan: na antonai showaan akn Ya rasulallah opama ka raota akn anan? pitharo iyan: Pangungunotingka so Datu oka apiya kaniyan pn piran'g, go apiya niyan siyalimbot so tamok ka na pamakin'gka na go pangungunotangka ]
piyanothol i Muslim.KOKOMAN O WATA SA DI KAWING
Mariam Adam Mauntol :
salam rka pagari ko wa alee..isapna pakaiza akn. antonaai kokoman ko wata sa dikawing..ibarat so raga na mizina na miyaogat a kristiyan.tonaai kokomaniyan.jazakallah hokhairan.
Like · · Unfollow Post · March 21 at 8:28pm via mobile
- Muhd Rayyan Hakem wa alaykom slm w w.So kazina na isa anan sii tanto mga ala a dusa ko Allah na go sii ko familiya o babay ka phkhitompokiran so paawing sa sabap ko barazina a manosya a familya iran.so kazina na adn a mattndo a punishment iyan :- Opama ko myaka okit sa kakhakaroma so myaka zina malagid i adn a kapapantagan a karomanyan antawaa ka bitowann odi na balo.na aya punishamentyan na plphadan sa 100 na gobo pradyamn sa taman sa mawafat.- Opman so mangoda odi na raga.Na phlaphadan sa 100 ago ithawg sa saragon, odi khitawg na khalabosoon sa saragon.gyanan i maana o katharo o Allah a : ( الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِئَةَ جَلْدَةٍ ) soratolnno'r 2.Maana : so pazizina a babay ago so pazizina a mama na lphadinyo so oman i isa kiran sa 100*.Go so katharo o rasolollah s.a.w. : ( خذوا عني خذوا عني فقد جعل الله لهن سبيلاً، البكر بالبكر جلد مائة وتغريب عام، والثيب بالثيب جلد مائة والرجم ) correct a hadiths.timbl o maananyan : so mizina a daa dadn makasagad sa kakhakaroma na plphadaan sa 100* go ithawg sa one yeaar, na so myakapangaroma na plphadan sa 100* na phradiyamn.Gyanan punishment o khazina sa dunyaزNa so sa alongan a mawri na aya mya aloy o rasolollah na :( رأى رجالاً ونساء عراة على بناء شبه التنور، أسفله واسع، وأعلاه ضيق، يوقد عليهم بنار من تحته، فإذا أوقدت النار ارتفعوا وصاحوا، فإذا خبت عادوا. فلما سأل عنهم؟ أخبر أنهم هم الزناة والزواني ) bokhari.Maana : myailayanyan sa mga babay a mga talandiyang a matatago siran sangkoto a datar o pogon a mablang so itadonyan na masimpit so poroiyan, na bibiyagan kiran sa apoy so baba angkoto a datar o pogon, na andadn i kakadg angkoto a apoy na miporo siran sa poro na komorisk sirandn, na andadn pman i kalokhao apoy na maolog siran ko itado angkoto a datar o pogon.Na gowani a izaan o mga saha'ba o antaa angkoto a mga taw ??Na tig o rasolollah s.a.w. a : siran so mga barazina a mga babay ago mga mama.- Gyanan i siksa iran o matay siran a dasiran maka thawbat.---->>>Sopaman so makapantag sii ko wata sa Zina na daa kasalananyan ko kyandusa o dowa a mizina.So aya kokomanyan na kailangan na kaphyapyaan skanyan o Inaiyan.Na amay ko mimbawata na khabthowanyan sa mapya a ngaran.Go khaakikanyan go sodn so iphkhidia ko wata a normal na gyotodn i khikidi awm.kailangan na matarbiyanyan sa mapya na o dinyan khagaga na khawityan sii ko phnagikor sa wata sii ko ingdiyan na khailangan na maiipatyan phyapya sa mapya a kapakalaiya.So wata na sii khitompok so bangsanyan ki inaiyan.Maana : ayanyan apilido na si inaiyan sa kaphangwaliyaniyan si inaiyan go khawarisanyan, di khapakay oba ayaon pakai pagapilidon so mizina ki ina iyan a amaiyan.Na amay ko iphagiza o wata si amaiyan na aya diiron tharoon na ikalimo o Allah si amaaka, sa datar oba aya kapipikirawn na myatay ogaid na diron pman phakatanaan, na diron phtharoon oba skanyan wata sa zina.-------Na wajib sii ko myakazina so kathaobatyan sii ko Allah sa thitho thithodn a kathawbat sa phnggolaolaanyan aya :- phagikhlas skanyan sii ko Allah.- iphzndityan so myanggolaolanyan a kadustaan.- iphagawaiyan angkoto a dusanyan.- zigoradonyan sa ginawanyan a dinydn oto phmbabalinganan pharoman.- iphantagyan so Oras a kaphathawbatyan sii ko masa a tatarimaanon so kathawbat sii ko Allah.Gyanan i mga condation o kathawbat ko Allah.-------March 21 at 10:46pm · Edited · Unlike · 4
- Mariam Adam Mauntol : opama ko daon mitana so paninshment iyan sii sa dunya kadikharao o mga loks so wata iran obairano ikidiya..go so wata na inibgay iran ko ama iyan kada tagikora iinaiyan.bapn dusa ada katagikora o ina so wata iyan s zina?March 22 at 3:19am via mobile · Like
- Muhd Rayyan Hakem: paganay ron na di khapakay oba aya tana ko kasalaan o taw na so mga luksyan.kailangan na so kokoman i phakatanaoon sa ko kasalaanyan.Na O misampay so datar anan sii ko kokoman o mga muslim na HARAM ko mga luks o wata oba iran rna.Maana: disiran pagiyog oba on mitana so punishmentyan sii ko Islam.Gyankoto a phnggola olaaniran a kapagrnawn na knaba iran oto gagaw sii ko wata iran. ka aya mataan na bairandn minisombo a ginawa iran go so wata iran ko rarangit o Allah, bairambo khatabangi so wata iran opama ko paki totongn o Allah ko Apoy ko naraka na khapakay a mirakhs sirampn a pakitotong o Allah sabap ko myaka oma so Order o Allah na dasiran pangintogot ka myongkir siran.tanto anan a mala a karibitan o mga luks.Phitharo o Allah : ( وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا ) ahza'b 36.Maana : da sii ko kaatasan o myaratiyaya a mama ago datu oba igira a myokas so Allah go so sogo iyan sa kokoman na ba adnpn a matatago kiran a kambaya baya sa di kapagonoti ko kokoman o Allah go so sogo iyan.Sadn sa taw a onkirnyan so Allah go so sogo iyan na sabnardn a mya dadag sa kadadag a marayag.- So Allah na dadn a banyan lagid sa gagaw na go limo sii ko mga kaadnyan.Na inonyan inadn so mga limiti go mga punishment ka an madnda so mga lalawanda i lalag a daa mga kalkyan sa kaphkhasogoka ko kambaradusa.= Na opama ka maoojor so kokoman o Islam, maana daa kokoman o Islam a makatitindg.na so mizina na diron miphnggolalan so kasalaan ka daa makaphnggolalanon.Na kailangan a panambot thawbat sii ko allah sa kathawbat a thithodn sa datar o kya aloya tano sii ko mga sharatyan, mga condations iyan.------Gyotopaman a kinibganiran ko wata sii ko mama na diyoto khapakay ka so wata na di khapakay obanyan tawaga a Ama iyan angkoto a mama.Ayabo a dii matharo a katotompokan ko bangsa angkoto a wata na si ina iyan.na sa bangsa i inaiyan na gyotobo i bangsanyan.- Gyanan sogo an o rasolollah s.a.w.----Myadusa si inaiyan sa gyanan a kyapangonotyan a mibgay so wataiyan sangkoto a mama opama ka adn a kapaaryan a marnyan so mga luksyan, na opman o da na sii myaka sold ko kokoman a myatgl.Na daa dusanyanon.
KOKOMAN O KYALIPATAN A SAMBAYANG
Den-den Casim :
salam ko seselaan sie a mga ulama..,panguninta ko allah mapipiya kano rakes o mga membro sie pedon den so mga kadandan o mga muslim sie sa doniya...,uba aden a oras iyo na khapakay a mapamagosay iyo sie so bitikan/okit/rules o kibagaken ko sambayang/kabayad ko mingebagak a sambayang a fardo a kena uba pitebaba ago so kakasar ko sambayang a fardo...,balasan kano ron o allah sa daba niyan taman a balas rakes o pamilya iyo...
Like · · Unfollow Post · Tuesday at 8:18am
- Muhd Rayyan Hakem :Gyangkai a paka iza aka Den-den Casim na khapakay a pangilain ka sii ko myanga oona a mga paka iza saya ka myasmbag tano sii anan.pangilaya sa documents tano anan, na o daon na gotanobo smbaga owm.Aya katotoosan akn a myasmbag tano saya na gyanan a pantag sa kakasar._____Gyanan a pantag sa kibagakn sii ko sambayang na Opama ka ba phithibaba na marayag a di anan khapakay ka tanto a mala a dusa sii ko Allah.Opaman oba da thibaba a na dwa anan kaklasi :1- da tibabaa ka kyalipatan odi na tiyorog skanyan na gyoto na aya waqto nyan na sadn sa katoosiron o taw .Phitharo o rasolollah s.a.w. :( من نام عن صلاة أو نسيها فليصلها إذا ذكرها ) pyanothol i muslem.Maana : Sadn sa taw a torogn sa myalpasyan so sambayang odi na kyalipatanyan so sambayang na zambayanginyan amay ko katoosanyan.Inngka :- So kapakatorog o taw a magaandn so waqto na katawanyan a apya pagbangi na dinyan khan-g na di oto khapakay.Go apya o Adn a Alarm o celphonyan odi na rilosyan na dinyan phaka alarmn sii ko waqto taman sa mada so waqto na miitong oto sa kandaraynon.So Naraka a Gayya i ipririparado ko mga taw a myangilang sa ma sambayang.2- da thibaba a ka maoozor, a kasasakit odi na zisii sa lakawan, odi na zisii ko galbkyan.Na oman i isa san na adn a sarilinyan a kokoman.SO SAMBAYANG na tanto tantodn a inipaliyogat o Islam a sadn sa ibagakyan na ayadn a myapaka phagombasaynyan na so diinyan kapagagama.Sabaproo na dadn phatota o Islam oba mibagak o muslim so sambayang.taman sa pyakaynyan so kathayamom sii ko dadn a okit a banyan kapakaphabdas ka parabo di phakalpas zambayang.- so kasasakit na dii anan khapakay a paka alangn ko dii kipamanyandgn ko sambayang :Na so kiphamayandgnyanon na dipindi ko kala kaito o sakityan:- opaman ka maytobo a sakit maana khagaganyan mamayandg sa datar o daa mga sakityan na kailangan na mitindyan sa datar o kiphthindgn iranon.- Opman o mala so sakityan ka di phaka gaga mag abdas a skanyan bo na kailangan na dii kapagabdasan o familinyan.- Na obapn di khapakay a adasn na paka phthayamomn badn.- Na kailangan na limpyo so darpa iyan go so nditarnyan.- Na bapn oto di khagaga ka daa makaphnggalbkon na asar ka makathayamom na zambayangdn sa apya antonaa i mandiditaryan go apya marzik so katatagoanon a kaiigaanyan.- Na badi phaka ontodpn na iiga na sangor sa sdpan.- Na bapn di phaka gaga na sadn sa kapaka sasangoryan ko igaanyan na diinyan thinyasn so anggawta iyan ko oman i posisiyonyan ko sambayang.= Gyanan i taman a tanto a kaylot a kisosogoon ko kazambayang sii ko muslim.------Sopaman so dii mlayalayag na ibbagayron o Allah a pammgayan so kaphphaka kasaryan ko mga sambayangyan.-----Sopaman so sii ko galbkyan na ayaki a kailangan na miznggay dn o taw so orasyan ko sambayang sa Opama ko ba dadn a ndoranginyan ko kakhalateyan ko mappnto a waqtonyan na sa dyangka a kakhagagaanyanon aya thitho a importanti na so kya ilayaon o Allah sa kaphphakatamanaon o muslim ko kiphnggolalannyan ko Sambayangyan a ipapaliyogaton o Allah.Gyanan na tinimbl tanoron so gogodan o mga Ala a mga Ulama pantag sangkanan apakaiza.-------------------------->>>Gyotopaman a kabayad sa sambayang na gyoto so katawan kadn a minibagak ka sabap ko da andoranganon a sndod a dakaondn maka slt zambayang .Na mbayadan ka skanyan sa sodn so kapakathothondo thodg o waqtonya go sadn sa kadakl o mga rakaatyan.Note :Ayabo a valid sa Islam a phkhakay a taakhir odi na phanglate sa waqto a khabayadanyan na so tyorog, odi na so kyalipatanyan, odi na so pyakayron so kapanimo sa waqto : so dii mlaya layag, go so igira a mga babagr so Oran ko kaphthimoawn sa masgit. go so initglon a mibagakyan so sambayang.so salakaw san na kailangan na kazambayanganyan ko mga waqto nyan.Gynan i ifta o mga Ulama.knaba sktano i khiiftaon.
SO KOKOMAN O KAPAKAPATAY SA KARIBATAN ODI NA PHITHIBABA
KOKOMAN O KAPAKAPATAY SA KARIBATAN A GO PHITHIBABA
o kapakapatay sa disgarisya a na aya kasalaanyan na phkhabagay sa diyat go makaphkhiparat.
phitharo o Allah :
( وَمَن قَتَلَ مُؤْمِناً خَطَئاً فَتَحْرِيرُ رَقَبَةٍ مُّؤْمِنَةٍ وَدِيَةٌ مُّسَلَّمَةٌ إِلَى أَهْلِهِ إِلاَّ أَن يَصَّدَّقُواْ ) taman ko katharo o Allah ( فَمَن لَّمْ يَجِدْ فَصِيَامُ شَهْرَيْنِ مُتَتَابِعَيْنِ تَوْبَةً مِّنَ اللَّهِ وَكَانَ اللَّهُ عَلِيماً حَكِيماً ....... ))), سورة النساء: آية 92
Maana : sa taw a makapatay sa mu'men a karibatan na phakamaradika sa oripn a mu'men, na go makaphndiyat ko mga family o myapataynyan, inontabo o bganiranon badn zadkaan a diiran pakandiyatn..... na sapaman sa taw a daa khatoonyan a pmaradikaan odi na dinyan oto khagaga, na phwasa sa 2 olan a thondo thodog a iphthawbatyan oto sii ko Allah, go aya btad o Allah na matao a maongangn.
Gyanan i phnggola olaan o myakapatay sa dataryan a muslim a karibatan knaba phimbaba.-----
Gyanan pman a ikadwa a ino phakaluwa so taw a myaka patay sa dataryan a muslim sa thibaba??
Na so mga Ulama na mya sopak siran san :
1) SO KADAKALAN KO MGA ULAMA na tigiran a phakatawbat skanyan a mya kapamono sa muslim a phithibaba.
Ogaid na myakambida bida siran pman sa ilayan ko okit a kaphakatawbat iyan :
1- So mga hanafiyya na tigiran a di khatarima so tawbatyan oba gyayabo a diinya kaphamangni nyan sa rila ko Allah ago kaphzndityan, ka aya kailangan na masoat so ma wali o myatay.
2- So mga ma'likiyya, a a mikhakaraniya iranon so mga sha'feeya na tigirana a phakatawbat skanyan asar ka phyor a thawbat sii ko Allah sa kathawbat a naso'ha.
3- So mga hanabila na tigitan phaka tawbat skanyan ogaid na dinyan khamaap so kapapatotiron sa kikitas ; kagya gyoto na kabnar o kaadn.so kapaka patay sa thibaba na misasangkot ko tlo a mga kabnar :1- kabnar o Allah.2- kabnar o myatay.3- kabnar o familya o myatay.Na opama ka so myaka patay na isolonderyan a ginawanyan ko family o myatay sa kalkyan sii ko Allah na go inizndityan so myanggalbkyan na sa kathawbat a phyor na myapokason so kabnar o Allah goso kabnar o family o myatay, na myalamba so kabnar o myatay na aya khasowa anan so Allah i mataoron sa Alongan a mawri.
1) SO IBN ABBA'S GO SO ZAID IBN THA'BIT r.a. na tigiran a di phakatawbat sa tatap skanyan ko naraka jahannam.
sabap ko katharo o Allah :( وَمَن يَقْتُلْ مُؤْمِنًا مُّتَعَمِّدًا فَجَزَآؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا ) soratol nisa 93.
Maana : sadn sa makapatay sa mu'men sa thibabaanyan na aya balasyan na so jahannam sa tatapon skanyan, go kyararangitan skanyan o Allah, na go inipamanita iyan, na go ipririparadoron so siksa a mala.
= Ogaid na so GYANAN A TINDG A KADAKLA I CORRECT sabap ko mabagr so mga dalil iran.
Na mya smbag iranpn a gyaya a dalil o Ibn Abbas go so Zaid r.a.
Na datanodn aloya ka phakatas a tanto.
GOGODAN KO SAMBAYANG ( 5 )
_SO PHNGGOLA OLAAN KO KAZANGKA KO KADAKL O KYAZAMBYANGAN_
Pakaiza e ; Wafa Abdulhamid :
pakaiza guro ami, gera a myaribat ta ko kadakulo rakaat , ex.na so duhor na naging 5rakaat antaaka myabaloy akn a 3rakaat sabap ko karibat , tuna uto ba mya invalid dn so sambayang akn o maka pharoman ako amay ka aya kyatoosi koron na kurang so rakaat antaa ka subra???
balasangkanuronu o ALLAH ko mapya a sumbag.
-----
Smbag a :
Igira a mizimbayang so taw na kayalipatanyan o piraka rakaat i kyazambayanganyan, na dinyan khatndo o ino mangaday dwa o tlo, odi na ino mgaday tlo o pat so kyazambayanganyan na kataya so zowaanyan :
_ phaka daanyan so kazasangka iyan, na phanagombalainyan so sambayangiyan sii ko mayto so kyazambayanganyan.
ibarat na : dinyan katawan o dwa antawaa ka tlo a kya zambayangan nyan, na sii nyan thkhsa a niatyan sa dwabo a kyazambayangnyan.
Phitharo rasolollah s.a.w. :
( إذا شك أحدكم في صلاته فلم يدر اثنتين صلى أم ثلاثاً؟ فليجعلها اثنتين، وإذا لم يدر ثلاثا صلى أم أربعا؟ فليجعلها ثلاثا، ثم يسجد إذا فرغ من صلاته وهو جالس قبل أن يسلم سجدتين. ) pyanothol i Ahmad go c tirmizi go c ibn ma'jah.
Maana : Igira a mizangka so isarkano sii ko sambayangyan, na dinyan katawan o dwa a kyazambayanganyan antawaa ka tlo?
Na baloyanyan a dwa.
Na o dinyan katawi o tlo a kyazambayanganyan antawaa ka pat ?
Na baloyanyan a tlo. Oryanyan na sojud amay ko maka zambyang a skanyan na moontodpn ko sambayangaiyan ko danyampn kapakazalam.
Ikadwa a na phitharo o rasolollah s.a.w. :
( إذا شك أحدكم في صلاته فلم يدر كم صلى؟ ثلاثاً أم أربعاً ؟ فليطرح الشك وليبن على ما استيقن، ثم يسجد سجدتين قبل أن يسلم، فإن كان صلى خمساً شفعن له صلاته، وإن كان صلى إتماماً لأربع كانتا ترغيماً للشيطان ) pyanothol i muslim.
Maana : Igira a mizangka so isarkano sii ko sambayangyan na dinyan katawan o pira i kyazambayangnyan o tlo antawaa ka pat ?
Na lbadnyan so kazasangka iyan na panagombalayanyan sii ko thithiknaon so pamikiranyan.
Oryanyan na sojud sa dowa a sojud ko danyampn kazalam.
ka o aya kya zambayangnyan na myaka lima rakaat na gyoto i ganapyan, na o myaka zambayang sa myaganapyan a pat ka gyoto na iphphakaito o shaitan ko pinggolaolanyan a kaphrimbotinyan ko dii zambayang na go an phagotgi sa ginawanyan.
----
Subscribe to:
Posts (Atom)