GOGODAN KO SAMBAYANG (4)

♥ SO MGA ROKON O SAMBAYANG ♥

_GO SO KOKOMAN O KIBAGAKNON_

-------------------------

So mga rokon o Sambyang a di khacorrect so sambayang inonta ko kinggolalan non na 14 sapolo a go pat :

1- so katindg sii ko phakagagawn.

2- so katakber sa " takbeeratol ihra'm".

3- so kabatiyaa ko fatiha ko oman i rakaat inontabo sii ko matanog a kaphmbatiya o ima'm.

4- so karoko'.

5- so kaistreet.

6- so kasujod sang ko 7 a ang gawta.

7- so kaontod ko paglatan o dowaa sujod.

8- so sojud a ikadwa.

9- so kaontod para ko TASHAHHOD A LAST.

10- so kathashahod sa last.

11- so kasalawati sii ko nabi s.a.w. ko last a tahyyat.

12- so kapakarrnka sii ko ginawa ko dii kazambayang.

13- so kaatora phya pya sii ko sambayang sii ko mga atoranyan.

14- so kazala'm.

============ >>

So kokoman o kapakabagak sa isabo sangkanan a mga rokon o sambayang :

1- O mibag o dii zambayang so rokon a pd ko mga rokon o sambayang sa thibaba na myabatal so sambayangyan "myabinasa" sa didn phaka sujod sa sujod a sahwi.

2. Sopman so kibagakn o dii zambayang sangkanan ko isa sangkanan a mga rokon a kyalipatanyan o di na dinyan katawan a skanyan na dapn makapasad zambambayang na kailangan na kaphatoanyan so minbagakyan odapn misampay sii ko makatatalondogon a rakaat a kyatoosinyanon.

Na o minisampay ko makatotondogon a rakaat na gyangkoto a diinyan zambyangan a rkaat na khisambiiyan ko rakaat a myabinasa sa khadad a gyoto a binasaon na phaka sujod sa sujod a sahwi amay ko phzalam dn.

3- So dinyan katawan o ba myaka bagak sa rokon odi na sharat o sambayang na opma ka kyatokawanyan ko dapn kada o waqto na makaphzambayang pharoman, pro o myada so waqtonyan na dinyan dn khakasoy. phakabayad badn.

4- Opama ka myaka bagak sa isadn ka rakaat, na kyatoosanyan sa dapn maka awa ko sambayanga iyan odi na myaka awaon sa da mathay na makaphzambayang sa isakarakaat a ganap o sambyangyan.

Opman o myathay a daan na go nyambo katoosi a myaka bagak bs sa isa ka rakaat na maka phzambayang pharoman.

----

GOGODAN KO SAMBAYANG ( 3 )

aya Imanto a mbagantano sa Osayan na so Okit a kipagawaan sii ko HADATHS a maito, maana so KAPAGABDAS.

Makasosold aya sii ko ika 4 a condition o SAMBAYANG a myaosay tano :

pitharo o rasolollah s.a.w. : ( لا يقبل الله صلاةَ أحدكم إِذا أحدث حتى يتوضَّأ ) bokhary..

Maana: didn tharimaano Allah so sambayang o isarkano igira a mya HADATHS na da pagabdas.

Antona i Okit a Kapag abdas sa islam ???

_ sii ko Onaan o dapn kapagabdas na kailangan so kapagistinja " kapamopo", ago so kapniat, go so kaonabi kombala a lima !

Sopma so makapantag ko mga Obligatory ko kapagabdas na 6 timan :

1- so KAPANAGOP sa sodn so langon o paras phoon sii ko poonan o bok kombabala bala sa paras na taman sa baka.

sii ko paras na misosoldyan so kapamomog ago kapangilk go kapan-nga sa IG.

2- so kaonabi sii ko LIMA taman sii ko siko.

3- so kasapowa sa ig ko bok ; iphoon sa bnng na taman ko bok sa tngo na phaka kasoin paman sa bngng; sii anan ko mama.

so babay na zapos skanyan sii ko sabaad sii ko bokyan.

sa gyanan a kasapo sa bok na misosoldyan so kapagonabi ko tangila.

4- So kapagonabi sii ko AE' taman sii ko boko o AE'.

5- So kaatoryan odi na katatanoryan sa datar a kya arrange'a tanoratanoron aya.

6- So kapakathothondothondgyan sa kailangan a di mamara so inabas ka na gobo maabdas so talondogon; diyoto khapakay.

Langon ana maka tlo inontabo ka maka isabo masapo.

Mga dalil :

phitharo o Allah : ( يَا أَيُّهَا الَّذِينَ آمَنُواْ إِذَا قُمْتُمْ إِلَى الصَّلاةِ فاغْسِلُواْ وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُواْ بِرُؤُوسِكُمْ وَأَرْجُلَكُمْ إِلَى الْكَعْبَينِ ) soratol ma'ida 6.

Maana : Hay myamaratiyaya na igira a ithindgyo so sambayang na Onabinyo so mga parasyo, go so mga limanyo taman sii ko sikonyo, go sapwanyo a ig somga olonyo, na go onabinyo so mga AE'nyo sa taman sii ko mga bokonyan.

go rasolollah s.a.w. na kataya so okit a kapagabasyan : ( رواه البخاري ومسلم عن حمران مولى عثمان أنه رأى عثمان دعا بوضوء، فأفرغ على يديه من إنائه فغسلهما ثلاث مرات، ثم أدخل يمينه في الوضوء ثم تمضمض، واستنشق واستنثر، ثم غسل وجهه ثلاثاً، ويديه إلى المرفقين ثلاثاً، ثم مسح برأسه، ثم غسل كل رجل ثلاثاً، ثم قال: رأيت النبي صلى الله عليه وسلم توضأ نحو وضوئي هذا )..

Maana : pyanotho i bokhari ago si muslim a myakapoon ko himran a talasogay o Usman r.a' a myailaynyan so Usman a myaki kowa sa iphagabdasyan.

na inonabanyan a limanyan, sa myaka 3, na ini soldyan a kawananyan ko pananagoay sa IG na myamomogon, then myangilk sa IG go myannga, then Myanagop sa myaka 3, then inonabanyan a limanyan sa taman sa siko sa myaka 3, then syapon iyan a olonyan a IG, then inonabanyan a limanya sa myaka 3.

Oryanyan na phtharoiyan a ; Mya ilayakn so Rasolollah s.a.w. a myagabdas sa datar a kyapagabdas akn aya.

Gyanan na a kyapagabasyan na myaka Pamopodn a andang go myaka pniat.

---->.....

GOGODAN KO SAMBAYANG ( 2 )

SUMPAT O MYAIPOS :

Myaosay tano so condation a 1-3 sii o SAMBAYANG na imanto na so pman 4- i pag osayn tano.

4. So kipagawaan ko mga HADATHS, mala a go maito.Maana : aya kailangan na so kaphzambayan o muslim na masosoti skanyan phoon ko kajojonob, maana myakaphaigo phyapya.

_ aya mala a Aadaths or Hadaths Akbar, na so adn a karomanyan na igira mimbabangonan siran sa walay na mlagid i adn a lominyo a shay' antawaa ka da na wajibon so khapaygo. 

go so dii thathaginip a adn a lominyoron a shay'.

go so babay a mahahaydh " ndodon so bisitanyan " go so maninifas " gopn mikharitan".

langon anan aya iphmbthoron na HADATHS AKBAR a wajibon so kaphaigo igira a phzambayang, so mahahaydh go nifas na amay ko mada so rogo na go bo makaphphaigo.

_ ayapman a Maito a HADATHS odi na Hadaths Asgar, na so di kapaka paga abdas o taw.

pitharo o rasolollah s.a.w : ( لاَ تُقْبَلُ صَلاَةُ مَنْ أَحْدَثَ حَتَّى يَتَوَضَّأَ ) al-bokhary.

Maana : di tharimaan o Allah so Sambayang o taw a mahahadaths " mala odi na maito a Hadaths" taman sa diskanyan magabdas. odi na phaigo opama ko mala a hadaths.

------------------------

Antonaa i okit a khaphaygo a inokitan o rasolollah s.a.w. igira a plkat skanyan sa jonob ???

_ Smbag :

So A'ishah "r.a." na myapanotholyan : so a tigyan so nabi s.a.w. na igira a phphaigo skanyan sabap ko kajojonob na kataya so mga okityan :

1- phanobanyan daan a limanyan.

2- dii mamopo " mag istinja ".

3- dii mag abdas sa abdas a sambayang.

4- pagododanyan sa ig a olonyan taman sa makatlo ka an matangkd a myakalambas so ig ko kobal o olo.

5- mapasad oto na pakalangkapnyan so ig sa langon a lawasyan.

6- onabanyan a A'e nyan.

myapanothol anan i bokhary ago si muslim.

عائشة رضي الله عنها قالت: كان رسول الله صلى الله عليه وسلم إذا اغتسل من الجنابة ، بدأ فغسل يديه ثم يُفرغ بيمينه على شماله فيغسل فرجه ثم يتوضأ كما يتوضأ للصلاة ثم يدخل أصابعه في الماء فيخلل بها أصول شعره ثم يصب على ثلاث غرف ثم يفيض الماء على جلده كله ، ثم غسل رجليه). [ رواه البخاري 1/ 415 حديث 240 ، مسلم 2/ 192 حديث 474 ] .

-------------------------------

samanaya na so kapagabdas na pd san a maka sosold na datanopn maosay.

Insha'allah. na sii ko next a osayan na ron tano osaya...

GOGODAN KO SAMBAYANG ( 1 )

GOGODAN KO SAMBAYANG ( 1 ) ♥

besmillah :

aya mapipikir akn na osain tano sya phyapya so makapantag ko mga kokoman o sambayang ka an kasaboti phyapya o antonai phtharoon a sambayang correct ???

Paganay a Osayan :

SO MGA CONDATION O SAMBAYANG :

_ So sambayang na 9 a condationiyan ko diiron kinggolalann :

1. So kababaloy dii zambayang a MUSLIM.2. So kababaloy o taw adn a Akalyan.3. So kababaloy o wata a diinyan mapakazznggaya so mga shay.4. So kipagawaan ko mga HADATHS, mala go maito.5. So kipagawaan ko mga najis, ko lawas go darpa.6. So kasapngi ko awrat during salah.7. So kapaka sold o waqto a phzambayangan.8. So kasangor sii Qiblat.9. So kapniat. 

-------------------------------------- >>

Musay tanoron pasin sa tlo , na so mga pdyan na mipost tanobo :

1. So kababaloy dii zambayang a MUSLIM, maana, di correct so sambayang o ka'fer.

madakl so mga dalil sa na pdon na gyankai a khaaloy :

Phitharo o Allah sa qur'an : ( وَمَن يَبْتَغِ غَيْرَ الإِسْلاَمِ دِينًا فَلَن يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ ) al'imara'n 85.

Maana : sadn sa mbabanog sa salakaw ko islam a agama na diron tharimaan so galbkyan a mapya, go sa alongan a mawri na pd ko myangalalapis.

2. So kababaloy o taw adn a Akalyan, maana, di mipapaliyogat ko phmbthangn odi na totorogn odi na wata a maito so sambayang.

Phitharo o rasolollah s.a.w. : (رفع القلم عن ثلاث عن النائم حتى يستيقظ وعن الصغير حتى يكبر وعن المجنون حتى يعقل أو يفيق ) correct a tigi ima'm alba'ni.

Maana : so totorgn na di kapapaliyogatan taman sa di makanaw, so wata na di khapaliyogatan taman sa di makala, so phmbthangn na di khapaliyogatan taman sa di makatanod.

3. So kababaloy o wata a diinyan mapakazznggaya so mga shay.

pitharo o rasolollah s.a.w. : ( مروا أبناءكم بالصلاة لسبع سنين واضربوهم عليها لعشر سنين وفرقوا بينهم في المضاجع ) pyanothol i ima'm ahmad.

Maana : Sogooniyo ko mga wataiyo so sambayang sii ko 7 ragon pn a idad iran, na pran-gnyo kiran so kibagaknon amay ko 10 ragon siran, na pakazizibayaanyo siran sa igaan.

wassla'm.

SO TANTO A KAILOT A KIPAPALIYOGATN O ISLAM KO KAPHYAPYAI KOMBLA A LOKS

-------------------------------------------------------------------------------------------------

So Allah s. w. na phiyangisananyan ko langowan o mga taw a khipaparitiyaya so kaphipyapyairan kombala a loksiran sa byaloynyan anan a tomotonog ko oriyan o kinisogoonyan ko kasimbaarknyan o mga oripnyan, gyanan i maana angkai a ayat :
وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا (23)

Datar anan a so Rasolollah s. a. w. na phitharoiyan a : So sorga na sii ko matatago ko didalm a palo o mga ina...
قال رسول الله صلى الله عليه وسلم : (الْجَنَّةُ تَحْتَ أَقْدَامِ الأُمَّهَاتِ). أحمد والنسائي وابن ماجه والحاكم

Go inaloynyampn a so kaatowi kombala a loks na skanyan na pd ko tanto a mga ala a dusa, lagid angkai a hadiths.
سُئِلَ النَّبِيُّ صَلَّى اللهُ عَلَيْهِ وَسَلَّمَ عَنِ الكَبَائِرِ، قَالَ: «الإِشْرَاكُ بِاللَّهِ، وَعُقُوقُ الوَالِدَيْنِ، وَقَتْلُ النَّفْسِ، وَشَهَادَةُ الزُّورِ»
رواه البخاري

So lucma'an al-hakeem a isaskanyan ko inaloy o Allah sa Qur'an so ngaranyan sabap ko kaontol nago kabbnar o katharoiyan na kataya so pd a mga insananyan ko wataiyan sa tigya a:
- Ikaritangko na tanodingka a sadn sa masoatyan sombala a luksyan na sabnar a ayadn a miyasoatyan na so makalimoon," so Allah ", na sadnpman sa mapakaprangityan siran odi na mapakapagotgyan siran na ayadn a pyaprangityan na so makalimoon "so Allah ".

- Ikaritangko na mataan a aya kaatasan o mbala a luks na paytaw siran a pd ko mga paytaw o surga, na opama ka masoat siranrka na makadiritso ka ko lbi a mala " so Allah sii ko limoiyan nago so sorga iyan" na opman o kararangitika iran na marindingkadn sii ko limo o kadnan ka " sa dingkadn mambagian so limoiyan sa dunya nago sa akhiarat.

قَالَ لُقْمَانُ لِابْنِهِ: «يَا بُنَيَّ، مَنْ أَرْضَى وَالِدَيْهِ فَقَدْ أَرْضَى الرَّحْمَنَ، وَمَنْ أَسْخَطَهُمَا فَقَدْ أَسْخَطَ الرَّحْمَنَ، يَا بُنَيَّ، إِنَّمَا الْوَالِدَانِ بَابٌ مِنْ أَبْوَابِ الْجَنَّةِ فَإِنْ رَضِيَا مَضَيْتَ إِلَى الْجَبَّارِ وَإِنْ سَخِطَا حُجِبْتَ»

Opama ko pagizaanyo o antonai sabap a tanto a kinipatorayn o islam ko kaphyapyai kombala a luks na tanto a madakl so mga sabapya, ogaid na siidn oto maosay ko mga pg a oras.

Na sabapsan na patotdn rkitano mga pagariya so kipangalimoon tano sii ko mga lukstano, sa pakiilaytano kiran a ditano siran iphndarainon, go phkhababayaantano siran, balabawron ophoon so mga lukstano na myangaloloks sirandn ka tantotano irandn a makhikhinanglan..

Opman oba mya wapat so mga lukstano odi na so isakiran na aya patot rkitano na diitano siran lalayon mipamangni sa rila ko Allah, na go mananggila tano o batano dii makanggalbk sa mga galbk a iziksa kiran o Allah kagya mga wata tano iran, go ipangalimo tano so mga tonganay iran go izompata tano siran ka gyanan i okit a kyaphyapyai tano kiran.

اللهم اغفر لنا ولوالدينا وارحمهم يا سميع الدعاء

SO KABIBINASA O 6 POINTS O MGA TABLIGH

By : Muhebbo sunna

C MUHAMMAD ILYAS AL'KANDAHALWI na sii skanyan tag sii sa KANDAHLA sii sa INDIA na aya thotholan sii ko kyapagintawnyan na skanayan na mama a aya aqeedanyan na SOFFE a MA'TORIDIE, a gyoto so AQEEDA i "abol mansor al'ma'toridie" a tag a torky.

na tantonyan a miyaawid a akal a so kadaklan sii ko mga taw na dadn a plng iran sii ko agama iran ka ayabo a kasasabota iranon sa siran na mga muslim siran na kagiya phkhanug iran a so mga luks iran na mga muslem.

taman sa kyadaan skanyan sa inam oba magaga a kasabotan o mga taw so ISLAM sa minggolalan iran so kamomuslimi kiran, na, myawa skanyan sa INDIA ka myaling saya sa MADINAH na so maloiyan saya a kyathay na sayanyan myanug angkai a phmbthowan sa 6 POINTS.

Gyangkai a 6 POINTS na sii aya makapopoon ki SAID AL'NOORSIE a fouder sa RISA'LI NOOR, a si SAID AL'NOORSIE na skanyan na aya ADEEDANYAN na SOFFEI A WIHDATOL OJOOD a MATORIDIE, sii anan ko kitabyan a AL'RASAILONNO'R.

Na kyababayaan i MUHAMMAD ILYAS ngkai a 6 POINTS na myaling skanyan sii sa INDIA na myakimosawir ko goronyan a si ASHRAF ALI AL'TAHA'NAWI, na inayonanyanon sa roniyan pakambkana so panolonyan.

Si aki inin a ASHRAF ALI AL'TAHA'NAWI, na shaikh skanyan ko isa a okit a SOFFIE.

_ KATAYA SO PHMBHTHOWAN SA 6 POINTS :

1. so katharo a mapaya "la' ilaha' illalllah".2. kitindgen ko sambayang. 3. ilmo wa dhikr(katontot sa ilmo go kathadm tadm ). 4. ikramo killi muslim (kasakawa sii ko moslem). 5.kapagikhlas.6.khoroj fi sabilillah.( kaliyo sa lalan ko Allah ).

OSAYAN ANGKAI A MGA KATHARO A NM KO KINIGORIS O KININGGOLALANIRANON:

- so "la'ilaha illallah" na aya tapsiron o mga ULAMA IRAN na : so kapakaliwowa ko yakin a binasa sii ko puso, na go so kapakasoldawn ko yakin a korek a gyoto so daa myangadn a inonta so Allah, go daa dii mmrizki inonta so Allah, go daa diing giragiray inonta so Allah.

gyangkanan a initafsir iranon a tigi SHAIKH AL'UTHAIMEEN 'ra' na bed'a, go rebat, ka TAWHEED AL'ROBOBIYA BO ANAN, na so TAWHEED AL'ROBOBIYA na diyanan khasanaan a misold o taw ko islam, ka so mga ka'fer na pagiikraran iran anan, apya so mga kafer ko mga arab gwani na magi ikrar siran san na dakiran anan makadipinsa sa basiran di kabhthowi sa ka'fer, go gwobat siran o rasolollah s.a.w. ka di anan khasanaan a panarima, ko la'ilaha illallah.

gyangkai a mga taw na dii thatabarrok sii ko mga kobor o mga ULAMA iran AGO SO MGA POPOROIRAN.

Na gyanan na mga shirk al'akbar, a phkhabatalyan so maana o LA'ILAHA ILLALLAH.

Madakl so ma thotholan ko mga ULAMA IRAN pantag ko tanto iran a kitataalok ko mga kobor o mga OLOWANIRAN a myamatay, ogaid na aya maito na so oras ko khisoratnon.

= isa a thotholan a makapantag kiran, sii aya matatago ko kitab a : NADHRATON A'BIRATON I'TIBA'RIYA, a inisorat i SHAIKH SAIFORRAHMA'N BIN AHMAD, a malaa Ulama sa INDIA A SALAFI go sii ko kitab i MUHAMMAD ASLA'M, a tag a FAKISTAN, ko kitabyan a JAMAATOL TABLIGH , go sii ko AL'SIRA'JOL MONEER, i SHAIKH MUHAMMAD TAQYODDEEN AL'HILA'LI, go si SHAIKH HAMOOD AL'TOWEEJIRIE, ko kitabyan a AL'QAWLOL BALEEG.

- Si akiinin a MUHAMMAD ZACARIYA A'LKANDAHLAWI a khirk ko kibat a :1- tableeghe nisa'b.2- fada'el amal.

na pyanotholyan a ginawanyan sa tigyan a sii a tigyan si SHAIKH ASHRAF ALI AL'THAHANAWI " shaikh iran anan adowa ki Muhammad iliyas " na tantonyan a mandidingan dingan a mabatya akn sii rkanyan so QUR'AN, na aya problima na dadn oto matayod, kay sii sa INDIA c MUHAMMAD ZACARIYA A'LKANDAHLAWI na sii sa FAKISTAN c SHAIKH ASHRAF ALI AL'THAHANAWI, na myawafat angkanan a shaikh iyan sa danyan dn oto mitoman.

sabap roo a tigyan na somiyong ako sa FAKISTAN na sii akodn somiyon sii ko KOBORYAN na biyatya akn so QUR'AN sa tyamat akn sa myaka 3 days, na sii a tigyan sangkoto a masa na tantodn a mayaw sangkoto a ingid a kokobor anon, ogaid na sii sangkoto a sold a myaka 3 days na mimbaloy so mosim a mathatangka "di mayaw na di matnggaw" sa taqder angkoto a shaikh akn.

Subhanallah!!!

gyanan na maliwanag a pyakindarpaanyan ko SHAIKHYAN SO DARPA O ALLAH gyoto so kacocontrola sii ko masa. na gyanan na SHIRK.

Ikadwa :

na si mummad ilyas mismo na dii mribat sii ko kobor o shaikhyan igira a gagawii ka dii mnayaw sa khasf go kara'mat go foyodh al'ro'hiya a phakapoon sankoto a koboryan.

goso wataiyan na diinyan ipangoyat ko mga moonoton a diiran kapribat "katamng" ko kobor i amaiyan a MUHAMMAD ILIYAS na go iphphangoyat iyan kiran so kakowaa ko khashf go kara'ma't go foyodh al'ro'hiya a phkhapoon sangkoto a kobor i amaiyan, sa langonon phakakowa so lomilibt sangkoto a koboryan.

go so myaka sambi pman a AMEER iran a si IN'A'MOL HASAN na myakipamol sa pasisihr a tag a bangladish sabp ko aya kaalayanyanon na banda myasogat a sihr na phitharoiyanon a masosogat skanyan a sihr na sarta a pyamganyan sa mga adimat a katatagoan sa mga shirk na knyowanyan na maawidon go tyagoiyan ko mga klb o walaynyan. 

goso salakaw san a mga thothol ko kaadn o mga kapanakoto sa kobor a matatago kiran ago salakaw ron.

na langon anan myakabatal ko maana o " LA'ILAHA ILLALLAH".

2- IQA'MOL SALAT, kitidgn ko sambayan:so mga ULOWAN sangkai a galb a tabhlig na mga mutaasseb ko maz-hab a hanafie, a aya tindg iran na makaisa isa mabatya so fatiha ko sambayan ka gyotobo i wajibon. na so rasolollah s.a.w. ko kyaosayaon o kadadandan o mga Ulama na phmbatiyaanyan so fatiha ko oman tomindg sii anan ko mga hadiths a mga rarayag.

sopman so aya tidgyan na datar o tindg tano na sii sangkanan a MAS'ALA na daa baon problima.

3- ILMO WA ZZIKR ,so kapaganad sa ILMO na go kandhikr:sii ko kyailaya ko katatantowan iran na aya thitho a panarima iran na so ILMO na didn kailangan a mapaganad ko mga ULAMA sii ko mga madrasa ka phphakaoma sii ko taw so ilham ko masa a diinyan kapangosyat, odi na aya diiran paganadan na siibo ko mga shaikh iran a mga dadag i panarima, odi na so diiron maganad ko mga madrasa o mga salafi na igira a aya dii mapagosay na so karataan o tabligh ago so kabibid'a nyan na phphakalpasn iran sa diiran phamamakinugn, inontabo sa inikalimo kiran o Allah.

sopman so mga okit o kandhikr iran na madakl a maadnon a mga bid'a.so kiphthasbihn ko LAILAHA sa 400 times. na so ILLALLAH sa mga 60, na gyanan na kofr. goso mga okit a ttndoon iran a okit ko simba a danggolaolaa o rasol s.a.w. na palayadn anan mga bid'a.

4- IKRA'MO KOLLI MUSLIM, so kasakawa ko oman i moslim:sii ko kya ilaya ko masairan na aya diiran dii zakasakawn nago pagaadat iran na sobo lagid iran sa tindg.

na so dikiran makaayon a muslem na apya ulama a malai ilmo na lagid o diiran kanonowan balabawron ophoonyan kiran phagaloya so mga bid'a ko mga galbk iran, gyanan i maoolaola o kadaklan kiran.

5- AL'IKHALAS, kambayorantang ko Allah:so kambayorantang sii ko Allah na mapya ogaid na oba so taw na pagawaanyan so familinyan a inisarigon oto o Allah a atas tanggonganyan na iphmbayorantangyan siran ko Allah sa phagawaanyan siran a daa kaoyagan iran na knaba anan kambayorantang ka kasopaka ko wajib a ipapatoray o Allah ko mama a kailangan na kaaangkosinyan ko familinyan go dinyan kiran khiphndarainonn ko mga kabnariranon.

6- KHORO'J FI SABILILLAH :sii sangkai a khoroj na pyanaawil iran so mga ayat a makapantag sii ko JIHAD a KAPAKIMBONOAY SA LALAN KO ALLAH ka sii iran inindadalil ko kaphlalakaw iran a diiran dii kandaawa. na malaanan a karibatan na go dusa ka phaphakaantapn ka so katharo o Allah ko dinyanon paka aantapan.

_ pd pn a matatago kiran a toos sa kabibinasa o manhaj iran ko daawa na disiran zapar sa marata, go diiran iphanolon so Aqeeda, kay aya reason iran na, ophoon san phagphoon so daawa na phalagoyan siran o mga taw!!

gyanan na sopak ko daawa o mga rasol ago so mga nabi a sangsiran myanagipoon sii ko daawa iran.

---------------------------------------

Samanan na myakarayag sangkanan a makampt a osayan a so JAMAAT TABLIGH na mannmaon so kyaopakatiron ko ma ULAMA A MGA SALAFIE a skanyan na GROUPO A MADADAG na go knaba pd ko AHLUSUNNA WAL JAMAA.

Sopman so mga taw a mga salafie i tindg a maangpd kiran, na aya pakaasal na so mga ahlol bida na kailangan na kapananggilaan so kipagpdaan kiran kay khapakay a ska i makowairan ko panarima aka a ontol, go pyakipnanggilaan rkitano anan o Allah ago so rasolollah s.a.w. ago so mga IMAM o AHLUSUNNA WAL JAMAA, na o tantokaon a mibobolog na phanin ami badn sii ko Allah a ska i maka rarad kiran sa diska i matonda iran ko ribat.

sii anan pakapanonompanga ko salafi a sasabotn iyan phyapya so AQEEDA sopam so dinyan katawan so pyor a panarima AQEEDA na dikirankhapakay a pagonot ka sigoradodn a khasaraban iran ko mga galbk a mga bed'a.

wasalamo alykom w w.

SO KABABALOY O DAAWA A MAKHAKAILANGANIYAN SO ILMO A AYA ON MAKATOLOD

Pitharo o Allah sii sa Qur'an : (  وَمَنْ أَحْسَنُ قَوْلاً مِّمَّن دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ ) fossilat 33.

Means : Ba adnpn a lawan sa kapya i katharo ko myanolon  sii ko Allah nago minggalbk sa mapya go phitharo iyan a sakn na pdako ko mga muslem.

Ogaid na so islam na tyagoan sa CONDATION sharat so dii kipanolonn sii ko ISLAM, pitharo o Allah : ( قُلْ هَذِهِ سَبِيلِي أَدْعُو إِلَى اللَّهِ عَلَى بَصِيرَةٍ أَنَاْ وَمَنِ اتَّبَعَنِي  ) yusuf 108.

Means : tharo angka ya muhammad a katii so okit akn, Iphanolon akn so Allah sa makammbbkn sa knal na go sabot na go Ilmo, sakn nago so mga taw a myonot rakn.

samanan na myakarayag a nisisitadn a kailangan na so phanolon sii ko ISLAM na mazizipatiyan so makatitiyokop a knal na go katao sii ko diinyan ipanolon.

Ingkainoto ?

NA KAGIYA SO DAAWA A DI MAKAMBBKN SII KO KNAL NA GO SABOT NA DI PHAKAOMPYA KA BADN PHAKABINASA.

example :ibarat angkoto a mama a tantonyan a phkhababayaan a mapakatindgyan so torogan odi walay a mapya i bontal, aya problema on na daa sabotyan sa okit a kambalay na gonyan panarongkonia na pimbalaynyn sa so kapipikiranyanon na lagidon o oogopan ka tanto a malai sarig sa ginawanyan ka tigyan a malaakobs i sabot a diso mga engeneer , na sabap ko daa sabotyan na kagya phasapasad so pimbalaynyan na salakaw a myambotalyan na pyanagoiyanon so diron pd kay dinyan katawan obarombs oto di pd na aya resolta na myailang so kyarasay niyan nago banyandn myabinisa so walaynyan.

- ikadwa na so Allah na inisaparyan ko taw obanyan dii zoldi so dinyan katawan a shay, pitharo o Allah s.w. : (وَلاَ تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولئِكَ كَانَ عَنْهُ مَسْؤُولاً)al-isra 36.

Means : go dingka phthindigi "phzoldi" so daa bangkaon sabot, mataan a so pamamakinugan na go so pangilailayan na go so kanggdagda sii ko puso na gyanan siran na langon miphakaiza sii ko tao sa along a mawri.

na kalkn ka pagariya so Allah; obangka dii kazoldi so shay a daa bangkaon plng, balabaw ron so makapantag sii ko ISLAM ka oway malai balas so kipanoln non ogaid na sii oto sii ko kapakammbbkn iyan sa SABOT NA GO KNAL a makatitiyokop, kna oba adn a balasyan sii ko taw a dii manarangkoni na dimambo dii manolon sa ayabo a makakatotolodon na so babaya sa kapakaborantaw o islam ka ayabadn a khaonga o panamaryan na badn phakabinasa ka khipdyan sii ko ISLAM SO DIRON pd sa datar o kamamasaan imanto ko panagontaman a JAMAATOL TABLIGH go baadn a mga datar iran.

O kabayaaka a makaogop ka sa mapya na paganadka daan, na aya pagonaan ka maganad na so AQEEDA kay gyanan i onayan o paratiyaya o muslem, na amay ko makasowa ka a magda aka sa ginawangka a syabot ka so pyaganad ka na panolon kadn ka insha'allah na makasosogat so panagontaman ka.

wassalam