ANTONAA I OKIT O MGA SALAF SII KO DII KINDOLONAAN SII KO MUB'TADI

By : Muhebbo sunna

Pitharo o Allah sii sa Qur'an : ( وَإِذَا رَأَيْتَ الَّذِينَ يَخُوضُونَ فِي آيَاتِنَا فَأَعْرِضْ عَنْهُمْ حَتَّى يَخُوضُواْ فِي حَدِيثٍ غَيْرِهِ وَإِمَّا يُنسِيَنَّكَ الشَّيْطَانُ فَلاَ تَقْعُدْ بَعْدَ الذِّكْرَى مَعَ الْقَوْمِ الظَّالِمِينَ ) al-an'a'm 68.

aya makampt a matatago sangkanan a a'yat na inisogo o Allah sii ko rasolollah s.a.w. a igira a myailay nyan so mga taw a magoorongoron siran na diirandiscusn so mga tanda o Allah sa kapagizawizaw "odi na diiran dii gitagitaan so mga maananyan ka diiran panaawiln" na talikodinyan siran nago dikiran makiphagontoda taman sa diiran oto gnkan.

so mga Ahlol bida na aya ola olairan na ayairan dii pangilayn sii ko mga katharo o Allah na so mga mutasa'bih ka diiran oto dii panaawiln ko kabayairan a phakaantapaniranon, ka aya diiran dii pangilayan sa okit na so kaadn o fitna awida akal ko mga muslem, mga taw anan a mgararata panarima "aberration". 

sa datar o dii kapanaowil o mga tabligh sii ko mga a'yat o jihad sa Qur'an, nago so mga A'yat a pantag ko mga sifat o Allah. na datar iyan mambo so mga pd a mga groupo a dii manaowil ko mga A'yat o Allah ka phphakaayonn iran sii ko personal iran a mapipikir, so mga shia, so mga Asha'ira, go so mga Ikhwan, goso salakaw kiran.

pitharo o Allah : (  فَأَمَّا الَّذِينَ في قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ ) a'li imra'n 8.

Maana: sopman so siran oto a matatago sii ko mga puso iran so aberration na phphagonotaniran so mga muta'sha'bih ko mga ayat o Allah ka pangilay iran oto siiko kaadn o fitna nago so kaphphanaawila iranon.

Na so nabitano a muhammad s.a.w. na inisogoiyan ko mga muslem a igira a myailay iran so taw a mga mubtadi a gyanan i mga olaolairan na iktiyari iran angkanan a mga taw kagiya maawid siran sa mga SUBUHAT a khasabapan sa fitna odi na kabinasa o paratiyaya o mga taw. 

pitharo o Rasolollah s.a.w. : ( فَإِذَا رَأَيْتَ الَّذِينَ يَتَّبِعُونَ مَا تَشَابَهَ مِنْهُ فَأُولَئِكَ الَّذِينَ سَمَّى اللَّهُ فَاحْذَرُوهُمْ. ) al'bokhari wa muslem.

Maana : amay ka mailayngka so siran oto a phphagonotan iran so mga mutasha'bih sii ko mga A'yat o Allah na tankdangka a siran so bitho o Allah sa qur'an na pananggilaingka siran na go iktyaringka siran.

So Umar bnil khattab 'ra' na pitharoiyan : pananggilainyo so mga taw a aya phagonotaniran na so pamikiran iran, kyasawan kiran so mga okit o rasolollah s.a.w na go so mga  katharo iyan na go minimorais irampn oto, ogaid na ayadn a oonotaniran na so mga pamikiran iran, ka siran na myadadag siran na go myakadadag siran pn.

So Imam  Hasanol basri "ra" na pitharoiyan : dika paki phlomamka ko katatagoan sa bid'a a ka mapaka phzakityan so puso oka.

So Imam mujahaid goso sofwan al'thawri goso salakaw kiran na apya so ayat sa Qur'an na igira a ayambatiyaon na mubtadi' na phagolnn iran a tangila iran na go disiranon phamamakinug ka kawan iran obasiranon mashubhat ka kababayaan iran so katharo a phphakapoonon.

Gyanan i okit o mga Salaf ko dii khiphantagn ko mga mubtadi... na so salakaw sa na kna oba okit o ahlo sunna wal jamaa.

_ So sabaad a mga taw na matatago kiran so kapawal, ka malasiran i sarig sa ginawa iran, sa tigiran a aya mapipikir ami na baamisiran mapakatiyolin ??

- mataan a sa gyanan a okit na kyasabap sa kyadadag o kadaklan sa danyandn magdam na siikiran myakaphasiyonot.

so pd ko mga ulama a mga ala na aya sabap a kyadadag iran na sabap san:

so abdul rahaman ibn molzam "faqeeh", goso Amr ibn hatta'n "faqeeh", goso abdul raja'k "muhaddits", gosi bayhaqi "muhaddits", na goso salakaw kiran a mga ala i ilmo na aya sabap a kyapakasilay o aqeeda iran na so kyapakiplomamka iran ko mga Alhol bida. 

na aydapat ka ska a tanto a malobay so sabot ko islam, skapn i di madadag sa diingka kapakiplomka sangkai a mga taw a mga ahlol bida.

toroon o Allah so mga pagaritano a mibobolog sangkai pimbarang a mga groupo a makasisilay.

Ameen. 

RAYAGAN O KABABALOY O "GROUPO A TABLIGH" SA PINAS A BED'A

By : Muhebbo sunna

Paganayron na gyangkoto a inaloytano a myaona a kathothompokan o tabligh sa india ogo fakistan agoso mga tabligh sa pinas :

kataya skanyan :

1- so mga tabligh sa pinas na ayadn a kkdgn iran a manhaj na so initolad go inibada a manhaj i mohammad ilyas a mithaong ko tabligh a skanyan na tanto a marayag so kababaloy nyan a dadag a sofee. sii anan ko okit iran ko dii kathabligh. 

Maana : so kattndoa ko kadakl o mga gawii a diiran kathabligh 1 year 4 monts 40 days 3 days, a ayadn a panarima o kadaklan kiran na gyanan i okit o mga rasul ko kinipanolonn ko islam sii ko pagtaw iran, na ayadn a kapipikira iran sangkanan a kattndoa ko mga gawii na gyanan na ayabo okit a kailangan na ayabo phkhaokitan o dii manolon ka o okit sa salakawron na useless odi na daa kipantag o panolonyan. gyoto i diiran ipagitong so panagontaman o mga ulama ko dii kipanolonn ko Agama.

Na gyanan na marayag a rebat nago pimbago sii ko Okit o islam sii ko daawa ka kna oba gyanan i okit a inokitan o mga nabi nago so mga du'atol haqq ko kinisampayn ko islam sii ko pimbarang a mga ingd sa dunya..

so dii kipanolonn sii ko islam na daa limitition a aya kapipikiraon na nisisitadn a ayadn kaokitan, ka madakl so mga okit o daawa, knaba sasatiman a datar o kasasabotairanon a iphthgl iran ko mga Ulama ka ayadn a kapipikiran iranon na so mga Ulama na daa diiran galbkn para sii ko daawa na diiran pamagantaan so mga taw ko di bnar.

Madakl so mga dalil sii ko Qur'an na go so mga hadiths para sii ko Daawa isla'miya, ogaid na daa satimanombo a banyan tindo so kadakl o mga gawii o dii kandaawa go banyan linimitan so Okit o daawa sa sasatiman a Okit.

Lagid angkai mga katharo o Allah : ( ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ ) al-nahl 125. go so katharoiyan : ( وَمَنْ أَحْسَنُ قَوْلاً مِّمَّن دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ ) fossilat 33. goso salakaw san a mga a'yat go so mga hadiths na dadn a bawn tmtndo sa kadakl o mga gawii.

Aya mataan na salakaw sii ko kababaloy o okit iran a daa pakaasalyan sii ko Okit o kinirapans o mga nabi nago so mga rasol sii ko Islam na myapakaninit irampn a tanto so Okit o Kipanolonnon na gyanan na marayag a bid'a myambago sii ko sii ko Islam a daaba nyan pakaasal.

Inngka :

tatanodinyo a so mga pagaritano na knabatano siran phkhararangiti sa ba personal na go dapn a batano phmbothowa a ngaran, aya mataan na skitano na mapangingindaw tano kiran so katoona iran sii ko Ontol, kagya so pakaasal a kaphkhababayae o muslem ko pagarinyan a muslem na matatagodn oto siiko puso, na mapangingindawnyan sii ko pagarinyan so mapya....

pitharo o rasolollah s.aw. : ( لاَ يُؤْمِنُ أَحَدُكُمْ حَتَّى يُحِبَّ لأَخِيهِ مَا يُحِبُّ لِنَفْسِهِ ) al-bokha'ri.

SO AQEEDA O FOUDER SA IKHWANOL MOSLEMEEN

By : Muhebbo sunna

Pakaiza ?

angkainoto so ikhwanol muslemeen na inpd o mga Ulama a mga salaf ko mga groupo a dadag?

Smbag :

_ aya sabapya na gyangkai a groupo na phithaong skanyan o mama a aya ngaranyan na c HASANOL BANNA ikalimo o Allah skanyan, a gyangkai a A'lem na pyayagyan ko kitabyan a مجموع الرسائل a skanyan na siiskanyan myatarbia ko OKIT A HASAFIYA a isa anan ko TARIKA, OKIT O MGA SOFEE. 

- Sii sangkoto a kitab a مجموع الرسائل na isa a katharoroo i HASANOL BANNA na tigayan a نحن أصحاب رسول الله بلا فخر maana : sktano a tigyan ko mga pdyan a matitimo na mga sahaba tano o rasolollah sa knaba tano dii pagambog !! pyaka mmsa anan.

tigpman o pawal a knaba aki ka aya mapipikir iyan san na: sktano na aya tano diinggalbkn na so galbk o mga sahaba o rasolollah s.a.w.? a'na myasmbag mambo phyapya.ogaid na pyakarayag pharoman angkanan a shaikh so mapipikiriyan sangkanan a katharoiyan na mitharo sa bayt :

هذا الحبيب مع الأحباب قد حضر قد سامح الكل بما قد مضى وجرى Meaning : kataya so rasolollah a pdyan so mga ginawainyan" mga sahaba" a myakatalingoma, na sabnar a inirilaiyan so langowantaman " a myandosa " ko myaipos nago kapapantagan.

nari pagariya imanto na pyakarayagyan so mapipikiryan sa knaba dataro kaphndipenangkaon ka tyantonyan sa ginawanyan a so tindg a sofii na ayanyan okit, na ayapn a pakalklkon na gyanan a kayapakindarpainyan ko rasolollah s.a.w. ko darpa o Allah, maana so kiprilaan ko mga dusa.

siipn sangkoto a kitab na pyayag iyan roo a aya tindgyan na pantag ko AL-ASMA WAL-SIFA'T NA MOFAWWIDAH. maana o izainga o ino so Allah adn a limanyan go mata go ae goso mga salakaw san a mga sifat o Allah na aya phtharoonyan na diyakn katawan, badi so mga ayat sa qur'an goso mga hadiths a mga dalil sa gyanan a mga sifat na tyanto o Allah sa ginawanyan na madakl nago maadn. na ayapn a masakiton na aya phphayagnyan ko mga taw na so MGA SALAF na gyanan i AQEEDA IRA. ogaid na diyanan bnar sa datar o kyapayagaon o mga IMAM O MGA MUSLEM, specially ko 4 a imam. na gobo so mga ULAMA mga ala o mga muslem.

so khabayaanyan anan tomaratanto na batyaanyan so kitab a : مجموع الرسائل لحسن البنا si ko poonan o kitab na goso kyaosayanyan pantag ko aqeeda.

go batyan angkai a kitab : المورد العذب الزلال" للعلامة الشيخ أحمد النجمي" goso kitab a ستون سؤالا وجوابا عما تحمله بعض الدعوات من الأخطار للعلامة المحدث ربيع المدخليka specealest iran so kyapresearch para sangkai a mga groupo a itotompok iran a ginawa iran ko tindg o mga salaf.

note:siibo anan sa gyanan a mga kitab a myaaloy matatago, para ko khabayaon tomanto o bnar antawaa ka knba.

-go gyanan so para ko mithaong sii ko gropo. dapn maosay so waqi iran.

= sompatan tanobo pman insha'allah.

SO TABLIGH SA PILIPINAS KO KIPHAPANTAGN IRAN KO MGA TABLIGH SA INDYA GO FAKISTAN.

By : Muhebbo sunna

Pakaiza o pagiza ?

_ oway katawan ami a so tabligh sa indiya go fakistan na mga sofee nago ribat so panarima iran ogaid na ino so mga tabligh sa pilipinas bairan lagidpn a madadadag?

Smbag :

- aya pagilain na so okit o mga tabligh sa pilipinas o antonaa i kitotompokyan ko mga tabligh sa indiya go fakistan.. na sii ko oryan o kyandirobasai tano agoso mga pd a mga pagari tano a maawid a akal ko kataratanto o bnar ko btad o mga tabligh sa pilipinas na kataya so resolta :

1- so mga tabligh sa pilipinas na ayadn a kkdgn iran a manhaj na so initolad go inibada a manhaj i mohammad ilyas a mithaong ko tabligh a skanyan na tanto a marayag so kababaloy nyan a dadag a sofee. sii anan ko ikit iran ko dii kathabligh.

2- tantoiran a ikakakp so kitab iran a pmbthowan sa FADA'IL E AMAL a inisorat i mohammad Zacarya al-candahlawi a sofee a moharref. na byatyatano angkai a kitab na myatoon tano so mga sabaad a matatagoon a mga panarima a dadag.

3- so mga tabligh sa pilipinas na maiilay kiran a tanto so babayairan sa misampay sirankon ko level a kyasampayan ko mga loksiran a mga tabligh, a aya oto a mapipikir na so mga Ulama iran a mithaong sangkai a groupo sa indiya go fakistan a mga Ulama a mga sofee a mga dadag i panarima.

oryan anan na skanodn i mataoron komokom o antonaa i kisosompat o mga tabligh sa pilipinas odi na apya andaa darpa ko mga poporoiran sa indiya go fakistan, ka bbgankano o Allah sa mapya a pamikiran a kailangan na sii maosar ko kabayaon o Allah, na odi maosar ko mapya na tanto a piligro sabap ko katharo o Allah : ( وَلَقَدْ ذَرَأْنَا لِجَهَنَّمَ كَثِيرًا مِّنَ الْجِنِّ وَالإِنسِ لَهُمْ قُلُوبٌ لاَّ يَفْقَهُونَ بِهَا وَلَهُمْ أَعْيُنٌ لاَّ يُبْصِرُونَ بِهَا وَلَهُمْ آذَانٌ لاَّ يَسْمَعُونَ بِهَا أُوْلَئِكَ كَالأَنْعَامِ بَلْ هُمْ أَضَلُّ أُوْلَئِكَ هُمُ الْغَافِلُونَ ) al a'raf ' 179'

SO TABLIGH GO SO IKHWA'NOL MOSLIMON

By : Muhebbo sunna

Bismillah walhamdulillah wassalato wassala'mo ala rasololillah wa baad:

Paka iktyar na go Paka inungka :

ino katawanyo a so jama'at tabligh ago so Ikhwanol moslemeen na groupo anan a pithaong a makaliliyo ko AHLOSUNNA WAL-JAMAA !!

inoto? antonai sabap ?

- kagya so islam a minitalingoma o rasolollah s.a.w. a kyawarisanon o mga sahabanyan inikakp o mga aimmatolol hoda na inigorisyan sa maliwanag so okit a kipnggolalanunon na o mbabagoka sa okit a salakaw ron a katawan kadn a adn a mapapasad a okityan "manhajyan sii ko islam" na daa kipantag o panagontamanka apyapn i kapya o niatkaon. gyanan so katharo o rasolollah s.a.w. ( مَنْ عَمِلَ عَمَلاً لَيْسَ عَلَيْهِ أَمْرُنَا فَهْوَ رَدٌّ )goso katharo iyan a :( مَنْ أَحْدَثَ فِي أَمْرِنَا هَذَا مَا لَيْسَ فِيهِ فَهُوَ رَدٌّ ) palayadn anan corek a hadiths. 

- gyangkai a dwatiman a groupo na tanto a mala a kyapaka raradyan adiso salakawron a mga groupo marayag a mga dadag ko mga kangodaan a mga muslem a korangon so sabot sii ko islam, kagya so mga Ulowan sangkai a dwatiman a groupo na diiran dii pharasan sii ko mga taw so rebat sa phagosarniranon so sowairan na phkhasabapan oto sa kaphkhaakala iran ko mga taw. mataan a bnar so katharo o Allah : ( أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْمٍ وَخَتَمَ عَلَى سَمْعِهِ وَقَلْبِهِ وَجَعَلَ عَلَى بَصَرِهِ غِشَاوَةً فَمَن يَهْدِيهِ مِن بَعْدِ اللَّهِ أَفَلا تَذَكَّرُونَ ). soratol ja'siya '23'. toroon o Allah angkai a mga Ulwan sangkai a mga groupo a katawan irandn a makasisilay siran na itataros irampn so diiran kapharasi ko mga katharo iran ka aniran phkhadadag so mga taw. 

note:

gyangkai a kaphagosaya tano saya na daaba rktano matatago a personal a rarangit ko mga pagaritano a magiingaran sa mga muslem ka aya phthabangan tano na so kabaloy o bnar a maliyawaw na go aya mamondas, na so ribat na magombasay, " aya katimbl iyan na tontok aya ko kasosoat o Allah". matag aya pakainungka inin ko langowan a mga pagaritano a mga muslem. 

aya references tano saya na so mga kitab o mga al a mga ulama a mga salaf, ko kyapakarayaga iran ko katatantowan angkai a dwa a groupo a iphthompokiran a ginawa iran ko mga salaf al-sa'lih a dikirambo mannma.

= naino ka phzopatantanobo anan insha'allah.

SO MBARANGAN O KAKAFIRI

BATIYA AKONGKA KA TANTO AKO A IMPORTANTI :

_________ ♥ ___________________-------___________________ ♥ __________

_ ANTONAA I BARANGAN O KAKHAFIR A PHKHILIYO SII KO ISLAM ???

- Aya isa a awida akal o kadaklan ko mga muslim sa masa imanto na so diiran katawi phyapya o antonaa mga galbk a phkhiliyo sii ko goris o islam maana iphkhakafir o taw so kanggolaolaawn sabap san na pangaloin tano angkai a mga baranganyan ka an mainungka o mga pagari tano na go an kapananggilai!!!

Kataya so mga baranganyan :

so al-ima'm ibnol qaym r.t. na tinimoiyan angkai a mga galbk sa pat kaclassi:

1) kakhafir anggolalan sa dii kapakambokhaga ko mga sogoan o allah.

2) kakhafir anggolalan sa kaphaporo nago kasangka raks a mgangingimbnar.

3) kakhafir anggolalan sa kata4likhodi ko mga sogoan o allah.

4) kakhafir anggolalan sa khasasangka a atay ko kabbnar o islam.

5) kakhafir anggolalan sa kapmonafiq.

OSAYAN :

2) kakhafir anggolalan sa kaphaporo nago kasangka raks a mgangingimbnar. gyanan so kitangkdnon sa ginawa a mataan so mga rasol na mga bukhag knaba phyor so diiran ipanolon ko mga taw! ka ayabo a antapiran sa diiran roo dii kanggalbka na an matanor so dii kapakandodolona o mga taw ! then knaba bnar so siksa go knaba bnar so sorga ago naraka. gyanan i tindg o myamanobra i pamikiran ko mga pilosophy .

gyangkai a clasi a kakhafir na maito a diiron makanggalbk ko mga taw! ka aya mataan na apya so myamangokir a myanga oona na paparitiyaaniran anan, pitharo o allah : {وَجَحَدُوا بِهَا وَاسْتَيْقَنَتْهَا أَنْفُسُهُمْ ظُلْمًا وَعُلُوًّا}. goso katharo o allah :

{إِنَّهُمْ لا يُكَذِّبُونَكَ وَلَكِنَّ الظالِمِينَ بِآيَاتِ اللَّهِ يَجْحَدُونَ}

2) kakhafir anggolalan sa kaphaporo nago kasangka raks a mgangingimbnar. gyangkanan a kakhafir na datar anan so kyakhafir o iblish, katawanyan so bnar nago mangingimbnaron ogaid na matataban skanyan o kaphapor. go datardn anan so mga taw a gyanan i diiran dii khiphantagn ko mga sogoan o allah a diiran phaporoan lagid o fir'aon ago so mga pagtaw A'd ago Shamo'. go datar angkai a kasosogokaon o mga yahodi agoso mga tatao sii ko mga cristian.

kataya so mga example anan ko kyaaloyaon o allah :

حكى الله تعالى عن فرعون وقومه: {أَنُؤْمِنُ لِبَشَرَيْنِ مِثْلِنَا وَقَوْمُهُمَا لَنَا عَابِدُونَ} [المؤمنون:47]

، وقول الأمم لرسلهم: {إِنْ أَنْتُمْ إِلا بَشَرٌ مِثْلُنَا} [إبراهيم:10]،

وقوله: {كَذَّبَتْ ثَمُودُ بِطَغْوَاهَا} [الشمس:11]

، وهو كفر اليهود، كما قال تعالى: {فَلَما جَاءَهُمْ مَا عَرَفُوا كَفَرُوا بِهِ} [البقرة:89]،

وقال: {يَعْرِفُونَهُ كَمَا يَعْرِفُونَ أَبْنَاءَهُمْ} [البقرة:146]وهو كفر أبي طالب أيضا؛

3) kakhafir anggolalan sa katalikhodi ko mga sogoan o allah: gyanan so di katharimaa ko mga sogoan o islam ogaid na dipman pakaphmbokhagn, datar o pinggolaola o dato sa taiph gyani a panolonan siran o rasolollah s.a.w. sa islam! danyan pakambokhaga na danyanpman pangimbnara.

4) kakhafir anggolalan sa khasasangka a atay ko kabbnar o islam. gyanan so di thitho a kapangingimbnar o puso ko kabbnar o mga sogoan o islam.. di sigorado o inomangaday bnar so islam, babadn aya bnar na so cristianity odi na so yahodi odi na babadn daa agama!!! gyanan na isapn anan a di maiinungka o mga muslim a diiran manggalbk!! nau'zobillah.

5) kakhafir anggolalan sa kapmonafiq : gyanan so dii katharoa o taw sa muslim skanyan ogaid na sii ko puso iyan na di mangingimbnar ko mga sugoan o allah, odi na zasangkaon a ataynyan.

GYANAN I MGA BARANGAN ODI NA MGA CLASSI O KAKHAFIR A KAILANGAN NA MAININGKA O MUSLIM..

wassala'm.

MGA PAKAIZA GO MGA SMBAG PANTAG KO "AQEEDA" " PANARIMA" O MGA MUSLEM A MGA SUNNIE: NUMBER (3)

1- antonaa  i'mbedaan o "TAWHEED AL-ROBO'BIYA" ago so " TAWHEED AL-OLOHIYA"?

- Smbag: Aya phmbtowan sa "TAWHEED AL-ROBO'BIYA" naso kapakaisaisaa ko allah ko mga galbkiyan, lagid o kyapangadnyan, so diinyan kapririzki, so kambabayaiyaniyan ko kapangoyag nago kapamono, so kaphphakatorona ko oran, so kaphphakathoa ko mga mangngto sii ko lopa, so dii kanggiragiraya ko langowantaman.

Ayapman a phmbthowan sa " TAWHEED AL-OLOHIYA" naso kapakaisa isaa o oripn ko mga galbkyan a mga simba a blowinyan a palayadn oto para sii ko allah: datar o kan dua', so kalk na skanyambo i ikhalk, so kapangangarapan na parabo rkanyan, so kazarakan na siirkanyambo, so kapanombali na siibo ko ikhasoat o allah, goso salakawsan a mga simba.

2- Ino ba pagoyaga o allah so mga kaadn ko oryan o kyawafat iran? ino banyansiran phamagitonga ko mga galbkiran a mga pipiya ago mga rarata?ino ba phakasold ko Sorga so taw a myangongonotan ko allah? ino so taw a inongkiryan so allah go inipanakotonyan ba pakasold sa naraka?

- Smbag: OWAY. palayadn ana mga dalil anan sa Qur'an ago sii sa Hadiths. 

3- Antonaa i barangan o kamomonapiki ko taw?

- Smbag: dwaanan barang:

1) Nifa'k I'tiqa'di: gyangkai a classy a kamomonafiki knabaskanyandn muslem, na so makazisipaton na siidn khaphozang ko ampas o naraka jahannam. pitharo o allah pantag kiran:{ mataan a so mga munafik siidn khatago ko ampas o naraka jahannam }. naujo bellah.

2) Nifa'k Amaliy: na adn a hadts a myaaloy o rasolollah saw" a tigyan:{ patbarang a sadn sa katatagoanon na skanyan munafikdn a pyor, na sa makasisifat ko sabaadn na adn a sifatyan a kamomonafik taman sa dinyan gnukan! : 1) igira a dii manothol na dii mamokhag. 2) igira miphasad a diindorat. 3) igira a dii makimbono na diimbaradosa. 4) igira a siyarigan na dii traydor.

4- Antonaa i kokoman o taw a diinyan pakambokhagn so kapagayaga o allah ko mga kaadn sa alongan a mawri?

- smbag: aya kokomaniran na mga kafersiran. pitharo o allah sa qur'an: { tatangkdn o mga kafer a disiran pagoyagn ko iriyan o kyawafat iran!! tharo angka ya Muhammad a kna ka mataanko kadnan akn ka pagoyagnkanodn na oryaniyan na phanothln rkano so pinggagalbkyo, gyananman na myakalbolbod sii ko allah } soratol najm (31).

to be continue inshaallah...