SO TABLIGH SA PILIPINAS KO KIPHAPANTAGN IRAN KO MGA TABLIGH SA INDYA GO FAKISTAN.

By : Muhebbo sunna

Pakaiza o pagiza ?

_ oway katawan ami a so tabligh sa indiya go fakistan na mga sofee nago ribat so panarima iran ogaid na ino so mga tabligh sa pilipinas bairan lagidpn a madadadag?

Smbag :

- aya pagilain na so okit o mga tabligh sa pilipinas o antonaa i kitotompokyan ko mga tabligh sa indiya go fakistan.. na sii ko oryan o kyandirobasai tano agoso mga pd a mga pagari tano a maawid a akal ko kataratanto o bnar ko btad o mga tabligh sa pilipinas na kataya so resolta :

1- so mga tabligh sa pilipinas na ayadn a kkdgn iran a manhaj na so initolad go inibada a manhaj i mohammad ilyas a mithaong ko tabligh a skanyan na tanto a marayag so kababaloy nyan a dadag a sofee. sii anan ko ikit iran ko dii kathabligh.

2- tantoiran a ikakakp so kitab iran a pmbthowan sa FADA'IL E AMAL a inisorat i mohammad Zacarya al-candahlawi a sofee a moharref. na byatyatano angkai a kitab na myatoon tano so mga sabaad a matatagoon a mga panarima a dadag.

3- so mga tabligh sa pilipinas na maiilay kiran a tanto so babayairan sa misampay sirankon ko level a kyasampayan ko mga loksiran a mga tabligh, a aya oto a mapipikir na so mga Ulama iran a mithaong sangkai a groupo sa indiya go fakistan a mga Ulama a mga sofee a mga dadag i panarima.

oryan anan na skanodn i mataoron komokom o antonaa i kisosompat o mga tabligh sa pilipinas odi na apya andaa darpa ko mga poporoiran sa indiya go fakistan, ka bbgankano o Allah sa mapya a pamikiran a kailangan na sii maosar ko kabayaon o Allah, na odi maosar ko mapya na tanto a piligro sabap ko katharo o Allah : ( وَلَقَدْ ذَرَأْنَا لِجَهَنَّمَ كَثِيرًا مِّنَ الْجِنِّ وَالإِنسِ لَهُمْ قُلُوبٌ لاَّ يَفْقَهُونَ بِهَا وَلَهُمْ أَعْيُنٌ لاَّ يُبْصِرُونَ بِهَا وَلَهُمْ آذَانٌ لاَّ يَسْمَعُونَ بِهَا أُوْلَئِكَ كَالأَنْعَامِ بَلْ هُمْ أَضَلُّ أُوْلَئِكَ هُمُ الْغَافِلُونَ ) al a'raf ' 179'

SO TABLIGH GO SO IKHWA'NOL MOSLIMON

By : Muhebbo sunna

Bismillah walhamdulillah wassalato wassala'mo ala rasololillah wa baad:

Paka iktyar na go Paka inungka :

ino katawanyo a so jama'at tabligh ago so Ikhwanol moslemeen na groupo anan a pithaong a makaliliyo ko AHLOSUNNA WAL-JAMAA !!

inoto? antonai sabap ?

- kagya so islam a minitalingoma o rasolollah s.a.w. a kyawarisanon o mga sahabanyan inikakp o mga aimmatolol hoda na inigorisyan sa maliwanag so okit a kipnggolalanunon na o mbabagoka sa okit a salakaw ron a katawan kadn a adn a mapapasad a okityan "manhajyan sii ko islam" na daa kipantag o panagontamanka apyapn i kapya o niatkaon. gyanan so katharo o rasolollah s.a.w. ( مَنْ عَمِلَ عَمَلاً لَيْسَ عَلَيْهِ أَمْرُنَا فَهْوَ رَدٌّ )goso katharo iyan a :( مَنْ أَحْدَثَ فِي أَمْرِنَا هَذَا مَا لَيْسَ فِيهِ فَهُوَ رَدٌّ ) palayadn anan corek a hadiths. 

- gyangkai a dwatiman a groupo na tanto a mala a kyapaka raradyan adiso salakawron a mga groupo marayag a mga dadag ko mga kangodaan a mga muslem a korangon so sabot sii ko islam, kagya so mga Ulowan sangkai a dwatiman a groupo na diiran dii pharasan sii ko mga taw so rebat sa phagosarniranon so sowairan na phkhasabapan oto sa kaphkhaakala iran ko mga taw. mataan a bnar so katharo o Allah : ( أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْمٍ وَخَتَمَ عَلَى سَمْعِهِ وَقَلْبِهِ وَجَعَلَ عَلَى بَصَرِهِ غِشَاوَةً فَمَن يَهْدِيهِ مِن بَعْدِ اللَّهِ أَفَلا تَذَكَّرُونَ ). soratol ja'siya '23'. toroon o Allah angkai a mga Ulwan sangkai a mga groupo a katawan irandn a makasisilay siran na itataros irampn so diiran kapharasi ko mga katharo iran ka aniran phkhadadag so mga taw. 

note:

gyangkai a kaphagosaya tano saya na daaba rktano matatago a personal a rarangit ko mga pagaritano a magiingaran sa mga muslem ka aya phthabangan tano na so kabaloy o bnar a maliyawaw na go aya mamondas, na so ribat na magombasay, " aya katimbl iyan na tontok aya ko kasosoat o Allah". matag aya pakainungka inin ko langowan a mga pagaritano a mga muslem. 

aya references tano saya na so mga kitab o mga al a mga ulama a mga salaf, ko kyapakarayaga iran ko katatantowan angkai a dwa a groupo a iphthompokiran a ginawa iran ko mga salaf al-sa'lih a dikirambo mannma.

= naino ka phzopatantanobo anan insha'allah.

SO MBARANGAN O KAKAFIRI

BATIYA AKONGKA KA TANTO AKO A IMPORTANTI :

_________ ♥ ___________________-------___________________ ♥ __________

_ ANTONAA I BARANGAN O KAKHAFIR A PHKHILIYO SII KO ISLAM ???

- Aya isa a awida akal o kadaklan ko mga muslim sa masa imanto na so diiran katawi phyapya o antonaa mga galbk a phkhiliyo sii ko goris o islam maana iphkhakafir o taw so kanggolaolaawn sabap san na pangaloin tano angkai a mga baranganyan ka an mainungka o mga pagari tano na go an kapananggilai!!!

Kataya so mga baranganyan :

so al-ima'm ibnol qaym r.t. na tinimoiyan angkai a mga galbk sa pat kaclassi:

1) kakhafir anggolalan sa dii kapakambokhaga ko mga sogoan o allah.

2) kakhafir anggolalan sa kaphaporo nago kasangka raks a mgangingimbnar.

3) kakhafir anggolalan sa kata4likhodi ko mga sogoan o allah.

4) kakhafir anggolalan sa khasasangka a atay ko kabbnar o islam.

5) kakhafir anggolalan sa kapmonafiq.

OSAYAN :

2) kakhafir anggolalan sa kaphaporo nago kasangka raks a mgangingimbnar. gyanan so kitangkdnon sa ginawa a mataan so mga rasol na mga bukhag knaba phyor so diiran ipanolon ko mga taw! ka ayabo a antapiran sa diiran roo dii kanggalbka na an matanor so dii kapakandodolona o mga taw ! then knaba bnar so siksa go knaba bnar so sorga ago naraka. gyanan i tindg o myamanobra i pamikiran ko mga pilosophy .

gyangkai a clasi a kakhafir na maito a diiron makanggalbk ko mga taw! ka aya mataan na apya so myamangokir a myanga oona na paparitiyaaniran anan, pitharo o allah : {وَجَحَدُوا بِهَا وَاسْتَيْقَنَتْهَا أَنْفُسُهُمْ ظُلْمًا وَعُلُوًّا}. goso katharo o allah :

{إِنَّهُمْ لا يُكَذِّبُونَكَ وَلَكِنَّ الظالِمِينَ بِآيَاتِ اللَّهِ يَجْحَدُونَ}

2) kakhafir anggolalan sa kaphaporo nago kasangka raks a mgangingimbnar. gyangkanan a kakhafir na datar anan so kyakhafir o iblish, katawanyan so bnar nago mangingimbnaron ogaid na matataban skanyan o kaphapor. go datardn anan so mga taw a gyanan i diiran dii khiphantagn ko mga sogoan o allah a diiran phaporoan lagid o fir'aon ago so mga pagtaw A'd ago Shamo'. go datar angkai a kasosogokaon o mga yahodi agoso mga tatao sii ko mga cristian.

kataya so mga example anan ko kyaaloyaon o allah :

حكى الله تعالى عن فرعون وقومه: {أَنُؤْمِنُ لِبَشَرَيْنِ مِثْلِنَا وَقَوْمُهُمَا لَنَا عَابِدُونَ} [المؤمنون:47]

، وقول الأمم لرسلهم: {إِنْ أَنْتُمْ إِلا بَشَرٌ مِثْلُنَا} [إبراهيم:10]،

وقوله: {كَذَّبَتْ ثَمُودُ بِطَغْوَاهَا} [الشمس:11]

، وهو كفر اليهود، كما قال تعالى: {فَلَما جَاءَهُمْ مَا عَرَفُوا كَفَرُوا بِهِ} [البقرة:89]،

وقال: {يَعْرِفُونَهُ كَمَا يَعْرِفُونَ أَبْنَاءَهُمْ} [البقرة:146]وهو كفر أبي طالب أيضا؛

3) kakhafir anggolalan sa katalikhodi ko mga sogoan o allah: gyanan so di katharimaa ko mga sogoan o islam ogaid na dipman pakaphmbokhagn, datar o pinggolaola o dato sa taiph gyani a panolonan siran o rasolollah s.a.w. sa islam! danyan pakambokhaga na danyanpman pangimbnara.

4) kakhafir anggolalan sa khasasangka a atay ko kabbnar o islam. gyanan so di thitho a kapangingimbnar o puso ko kabbnar o mga sogoan o islam.. di sigorado o inomangaday bnar so islam, babadn aya bnar na so cristianity odi na so yahodi odi na babadn daa agama!!! gyanan na isapn anan a di maiinungka o mga muslim a diiran manggalbk!! nau'zobillah.

5) kakhafir anggolalan sa kapmonafiq : gyanan so dii katharoa o taw sa muslim skanyan ogaid na sii ko puso iyan na di mangingimbnar ko mga sugoan o allah, odi na zasangkaon a ataynyan.

GYANAN I MGA BARANGAN ODI NA MGA CLASSI O KAKHAFIR A KAILANGAN NA MAININGKA O MUSLIM..

wassala'm.

MGA PAKAIZA GO MGA SMBAG PANTAG KO "AQEEDA" " PANARIMA" O MGA MUSLEM A MGA SUNNIE: NUMBER (3)

1- antonaa  i'mbedaan o "TAWHEED AL-ROBO'BIYA" ago so " TAWHEED AL-OLOHIYA"?

- Smbag: Aya phmbtowan sa "TAWHEED AL-ROBO'BIYA" naso kapakaisaisaa ko allah ko mga galbkiyan, lagid o kyapangadnyan, so diinyan kapririzki, so kambabayaiyaniyan ko kapangoyag nago kapamono, so kaphphakatorona ko oran, so kaphphakathoa ko mga mangngto sii ko lopa, so dii kanggiragiraya ko langowantaman.

Ayapman a phmbthowan sa " TAWHEED AL-OLOHIYA" naso kapakaisa isaa o oripn ko mga galbkyan a mga simba a blowinyan a palayadn oto para sii ko allah: datar o kan dua', so kalk na skanyambo i ikhalk, so kapangangarapan na parabo rkanyan, so kazarakan na siirkanyambo, so kapanombali na siibo ko ikhasoat o allah, goso salakawsan a mga simba.

2- Ino ba pagoyaga o allah so mga kaadn ko oryan o kyawafat iran? ino banyansiran phamagitonga ko mga galbkiran a mga pipiya ago mga rarata?ino ba phakasold ko Sorga so taw a myangongonotan ko allah? ino so taw a inongkiryan so allah go inipanakotonyan ba pakasold sa naraka?

- Smbag: OWAY. palayadn ana mga dalil anan sa Qur'an ago sii sa Hadiths. 

3- Antonaa i barangan o kamomonapiki ko taw?

- Smbag: dwaanan barang:

1) Nifa'k I'tiqa'di: gyangkai a classy a kamomonafiki knabaskanyandn muslem, na so makazisipaton na siidn khaphozang ko ampas o naraka jahannam. pitharo o allah pantag kiran:{ mataan a so mga munafik siidn khatago ko ampas o naraka jahannam }. naujo bellah.

2) Nifa'k Amaliy: na adn a hadts a myaaloy o rasolollah saw" a tigyan:{ patbarang a sadn sa katatagoanon na skanyan munafikdn a pyor, na sa makasisifat ko sabaadn na adn a sifatyan a kamomonafik taman sa dinyan gnukan! : 1) igira a dii manothol na dii mamokhag. 2) igira miphasad a diindorat. 3) igira a dii makimbono na diimbaradosa. 4) igira a siyarigan na dii traydor.

4- Antonaa i kokoman o taw a diinyan pakambokhagn so kapagayaga o allah ko mga kaadn sa alongan a mawri?

- smbag: aya kokomaniran na mga kafersiran. pitharo o allah sa qur'an: { tatangkdn o mga kafer a disiran pagoyagn ko iriyan o kyawafat iran!! tharo angka ya Muhammad a kna ka mataanko kadnan akn ka pagoyagnkanodn na oryaniyan na phanothln rkano so pinggagalbkyo, gyananman na myakalbolbod sii ko allah } soratol najm (31).

to be continue inshaallah...

MGA PAKAIZA GO MGA SMBAG PANTAG KO "AQEEDA" " PANARIMA" O MGA MUSLEM A MGA SUNNIE: NUMBER (2)

1- antonaa i pyanagombalayan sangkai a agama a islam?

-smbag: pyanagombalay angkai a islam sa lima a mga rokonyan:

1) so khazaksiingka sa mataan a daa kadnan a bnar a rowar ko allah, nago mataan aso Muhammad saw" na sogo o allah.

2) so kitindgn odi na kinggolalanun ko sambayang.

3) so ikitonain odi na kibgan ko zakat o tamok.

4) so khapwasai ko olanolan a ramadan oman maoma.

5) so kapag hajj sa baytollahel haraam.

2- antonaa i phmbthowan sa i'ma'n?

- smbag: aya phmbthowan sa i'ma'n na gyaa:

1) so kaparatiyaangka ko allah.

2) so kaparatiyaangka ko mga mala'ikat o allah.

3) so kaparatiyaangka ko mga kitab a initoron o allah.

4) so kaparatiyaangka ko mga sogo mga "Raso'l" o allah.

5) so kaparatiyaangka ko alongan a maori, ko langon a khaolaolaon.

6) so kaparatiyaangka ko okoran: mapya a okoran ago marata a okoran.

3- antonaa i phmbthowan sa kaphyapya" al-ihasa'n"?

- smbag: aya phmbthowan sa kaphya pya naso kasimbaangka ko allah sa datar obangka skanyan phkhailay, na odingka oto khagaga na so kapipikirangkaon a phigilainkanyan ko diingka kanggalbk.

4- antawaa i nabengka?

-smbag: aya nabe akn naso: Muhammad a wata i abdullah a wata i abdul muttalib a wata i ha'shem a si hashim na skanayan i ggraran sa quraysh, a so mga koraysh na pd kombawataan o kina'na, a si kinana na pd ko mga arab, naso mga arab nambawataan ko nabe a isma'il asw" asi isma'il na wata o ibra'heem asw" asi ibra'heem na pd kombawataan o nabe a No'h asw"

5- antonai i poonan a kyanabe o Muhammad saw?

-smbag: aya kyanabenyan na sii ko kinisogoon o allah ko malaikat a jabreel a itoronyanon so katharo o allah a { BATYAKA HAY MUHAMMAD}. soratol alaq.

Na aya kyarasolyan na so kinitoronon o ayat a { HAY SOMOSOL NA TINDG KA NA PAMAKAIKTYARKA}. soratol muddather.

sompatantanobo pman inshaallah..

KOKOMAN O KAPAMAGANTA

ANTONAI BALAS O DIINGA KAPAMAGANTAA KO MUSLEM AYAPN OBA A'LEM?

GO ANTONAI MASA A KHAPAKAY A ALOYN KA SO PAAWING O MUSLEM?

Besmillah r' r'.

__ pitharo o allah sa qur'an : { go di phamagantaa o sabaad rkano so sabagi, ka ba khabayai o isarkano a makanyan so sapo o pagarinyan a myatay? na inikagowadyo anan } . maliwanag anan a di khapakay obanga dii pamagantaa so pagaringka a muslem ka HARA'M HARA'M. 

so kapamaganta na iniropa o rasolollah saw" sa tiganyan a :{ aya kapamaganta naso kaaloyangka ko pagaringka sa iphkhagowadyan "ibarat o katokawanyan" !! teg o mga sahaba: a ibarat o pyor a zisii rkanyan so diiakn tharoon na khapay? tego rasolollah saw" a gyoto i phmbtowan sa kapmaganta, na ibarat o so diingka tharoon a olaola odi na sifat o pagaringka na knaba phyor na aya iphmbtho roo na katmpo sa di bnar } na palayadn ana mga alaa dusa ko allah.

so kapamaganta na kataya so pd a kaphphakaokityan:

1) marayag a katharo a dii kathroa ko iphkhagowad o dii pamagantaan.

2) tiniyas, dii ithinyas so paawing o pagaringka.

3) ilat, sa dingka phtharoon so ngaranyan sa diritso go dingka phakarayagn ogaid na phkhasabotan so mapipikir ka.

isa a myaaloy a balasyan na myapanothol o ja'ber ra" a myakaisa a tigyan an matitimokami a pdami so rasolollah saw" na somyambr so ndo na myabawami a myakadodo i baw! na tigo rasolollah saw" a katawanyo antonaoto a baw a gyoto a inisambr rkitano a myakadodo? na tegami a tigo ja'ber a di ya rasolallah!! na tegyan a : GYOTO SO BAW O MGA TAW A DIIRAN PAMAGANTAAN SO MGA MU'MEEN.

TANODAN: o marata so kapamagantaa ko normal a mga taw na sobaraon sa karata so dii kapamagantaa ko mga ULAMA a siran i bithowan o nabe saw" sa ganti o mga nabe, nago pyakarayag o allah a siran i thitho a maalkn siiko allah. sa pananggilakano mga pagariami ago mga babayami a khipakatatayaan obanyo aya masopak ka phkhailang so mga galbk iyo a mga pipiya ka phkhalalamngan omga ala a dusa a datataraya.

NOTE:

adn a tiyabiya o mga olama a masa a khapakay a alowin ka so paawing odi na karata o muslem, sa palaya adn a mga dalil aya na ditanodn pagaloin ka an di phakatas;

1- so taw a myalalim na khapakay a alowinyan a myalalim skanyan o isa ataw sa ireport iyan sa datu, na so kaplalalim na paawing anan.

2- so kaphamangningka sa tabang ko mga muslem sa kaalina ko marata, na phakitokawan ka so marata ka an kapamagogopai a kadaiyan, ayapn o ba pantag ko agama.

gyangkai myaaloy a dwa na aya kaphkhapakay nyan na DEPENDI KO NIAT O DII TARO AGO SO KAKHAKAILANGANA KO KATOKAWIRON..

_______________________________________________________

aya datano saya maaloy a importantidn na so KAZOROYAN a pagari o kapamaganta na mas malaanan i rarad a marata ka phkhasabapn sa dii kapathotholaka ongginawai ago dii kapaka preredoay o mlayolayok.. sabapsan na pitharo mambo o rasolollah saw" a { didn phakasold sa sorga so taw a soroyan }. pamagitaanan ko taw a SOROYAN.

ilidastano o allah ko mga dataraya a olawla. A'meen.

wasslam alykom w w.

SO SHIRK " KAPANAKOTO" NAGO SO KARATAIYAN.

ANTONAA I PHMBTHOWAN SA KAPANAKOTO " SHERK" NAGO PIRA I CLASSINYAN GO ANTONAI KARATAIYAN?

SMBAG:

1- aya kapanakoto mga pagarikolay naso kakowa sa salakaw ko allah sa sakotowa odi na tompoka...

2- so kapanakoto na 2 classy :

__kapanakoto a mala: gyanan so opama konggolaolaa o muslem na myakaliyoskanyan dn ko islam. na dowapman anan kaclassy:

-- so kibgan ka ko salakaw ko allah so siibo mapapatot ko allah a mga simba.. 

lagid opma o kasombali sa soasoat ko mga tonong odi na shaitan, so kasojodi ko salakaw ko allah a diingka zoasoatn, pamangika ibarat sa tabang na siika dii pamangni sa tabang ko rasolollah saw' odi naso mga malaikat odi naso mga shaitan.. goso mga pd a mga simba a dapt na siibo oto mapapatot ko allah na pyaki khabnarka ko salakawron.

-- so kibganka ko salakaw ko allah ko mga galbk a sobo so allah i khikabnaron, lagid o galbk o mga shia sa diiranon katharoa sa so mga imamiran na siran i diinggiragiray ko phkhaolaola ko lyawaw o lopa.. siran i komakamal ko rezki. gosomambo so mga SUFIY sa diiranon katharoa sa so mga SHAIKHIRAN na siran i diinggiragiray ko donya nago siran i dii mririla sa dusa.

__ so kapanakoto a maito: gyanan so kapanakoto a igira a myanggalbk o muslem na da makaliyo ko islam ogaid na ophoon malalayon na iphakalyonyan ko islam.

aya ibarat anan naso : kazapa sa salakaw ko allah... goso kapaki ilailain ago kapakinugnugn.

3- aya karata o kapanakoton na sadn sa kapantagan a kapatay a pananakoto na didn prilaan o allah skanyan.{ إن الله لايغفر أن يشرك به و يغفر ما دون ذلك لمن يشاء } Maana: mataan a so allah na dinyan iprila so kipanakotonon nago ipirilaiyan so nganin a salakawsan siiko taw a kabayaiyan.

ikadwa na na sadn sa taw a manakoto na pagilangnon o allah so langon a myanggalbkyan a mapya, pitharo o allah : {لإن أشركت ليحبطنّ عملك ولتكوننّا من الخاسرين} Maana: ya muhammad na opama ko panakotoka na mantiyorman so mga galabk ka nago mabaloykadn a pd ko myanga lalapis.