" SO KARATA O KAPANG LATE SA SAMBAYANG "

Nhessa Marangit Dimao : 

assalamo alaikom...antae mala e dusa ko di mel'pal'pas sambayang ago so ptha'aker'n yan so wakto!!!? thanks...

• 
  
  
  
  Muhd Rayyan Hakem Mapasang aya ka so kala i dusa i kyaplawanaan.
  
  
  gyanan a dwa na palayadn anan mala a dusa.
  
  
  Ayabombidaanyan na so dii zambayang a dii manglate sa sambayang a tibaba na bagianiran so siksa o Allah ko naraka a gayya.
  
  
  Pitharo o Allah sa qur'an : ( {فَخَلَفَ مِنْ بَعْدِهِمْ خَلْفٌ أَضَاعُوا الصَّلاَةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا} ) so'rato maryam 59.
  
  
  Maana : Minibagak iran sii oryaniran so minibagak iran a mga taw a phphangilangn iran so sambayang " phphanglaten iran " go inonotan iran so baya a ginawa iran, na sigoradodn a khizombo siran ko lawasaig sii ko naraka a gayya.
  
  
  gyanan i kasiksaan o taw a dii manglate sa sambayang a tibaba.
  
  
  -----
  
  
  sopaman so di phzambayang na so kokomanyan na myasopakon so mga Ulama :
  
  
  - so Ima'm Ahmad r.a.t. na aya tindgyan na so di phzambayang na ka'fer.
  
  
  malagid i itatangkdyan a wajib na dibo phzambayang ago so oongkirnyan o ba wajib na di phzambayang.
  
  
  tanto a mabagr so dalil iyan ka tanto a mga rarayag.
  
  
  pitharo o rasolollah s.a.w. : ( العهد الذي بيننا وبينهم الصلاة فمن تركها فقد كفر ) correct a hadiths.
  
  
  Maana : aya tamanatano a go siran na so sambayang na sadn sa ibagakyan na sabnar a myakafer.
  
  
  ikadwa : ( ليس بين العبد وبين الكفر إلا ترك الصلاة ) correct a hadits.
  
  
  Maana : daa pagltano oripn ago so kakafiri inontabo so kibagakn ko sambayang.
  
  
  - Sopaman so Jamho'rol Ulama " kadakalan ko mga Ulam " so Abo hanifa so Ma'lik so sha'fiee.
  
  
  tigiran a o di phzambayang a oonkirnyan oba wajib na ka'fer skanyan.
  
  
  na o di phzambayang ka sabap ko boklyan na knabanyan oongkira a oba wa'jib na knaba kafer, ogaid na tantodn a mala a dusa.
  
  
  gyangkanan a mga dalil o ima'm ahmad na inidalil iran, na tigiran a sii anan ko di phzambayang a oongkirnyn.
  
  
  na aya pd a mga dalil iran na so mga hadiths a inaloy ron o rasolollah s.a.w. so kaphakasold sa surga o mga taw a myawafat a mga mowwahed " pakaiisa isaan iran so Allah". madakl anan.
  
  
  pdon angkai a katharo o rasolollah s.a.w. : ( ما من عبد قال لا إله إلا الله، ثم مات على ذلك، إلا دخل الجنة )
  
  
  Maana : daa oripn o Allah a tharoonyan so لا إله إلا الله oryanyan na mawafat roo inonta na makasold sii ko sorga.
  
  
  goso mga hadiths a datar anan sa maana.
  
  
  Tanodan a so لا إله إلا الله na adn a mga sharatyan sa kaphakanggaynyan a gona sii ko diiron dii tharo.
  
  
  ----

"OSAYAN KO SALAF GO SO MGA GROUPO A MAKASISILAY "

Mee'yaar Khalilullah : 

Salam ?tunay aqeedah o salafi?tunaan bs? Madhab anan tunaay maana salafi?osayangka rakun kaka aleem?go tunay mga imam?lagid o pat imam?anday mga pyor san?

Like ·  · Unfollow Post · Thursday at 11:42pm via mobile

•  
• 
  
  Janifah Bint Mohaimen likes this.
• 
  
  
  
  Muhd Rayyan Hakem : Wa Alykom slm w w.
  
  
  Ariko sipn si Amerah sageera go si Ilah Mer na kabaya iran a katokawani iran phmbothowan sa salaf ? na go Antonaa i Aqeeda iran.
  
  
  Na matas aya a banding a tanto a madakl a kitab a minisorat pantag ko mga salaf al-sa'lih ogo mga panarima iran "aqeeda iran" ko oman i sogoaan o Allah.
  
  
  -------
  
  
  So SALAF na arabic word anan, na aya maranaw nyan na : so MYAONA odi na MYAIPOS.
  
  
  Na so SALAFOL SA'LIH na siran so MGA SAHABA O RASOLOLLAH S.A.W.
  
  
  Na ayapman a Phmbthowan sa SHALAFI na so aya AQEEDANYAN odi na AYA PANARIMA IYAN na sodn so panarami o mga SAHA'BA.
  
  
  -------
  
  
  Na aya onayan o panarima o mga SALAF AL'SA'LIH mga na mga SAHABA na aya pagampaganay a kailangan a kaphyapyaan odi na malinang odi na malinis o Muslim na so katantowanyan ko phmbothowan sa TAWHEED. " kapaka isa isaa ko Allah".
  
  
  So TAWHEED na tlo a classy nyan a kailangan na matanto o phyor a muslim.
  
  
  1- TAWHEEDOL ILA'HEYYA. so kapaka isa isa a ko Allah ko simba. Maana di iphanakoto so Allah sa maytobo a shay'.
  
  
  ex : sobo so Allah i Ikhalk a di khailay, etc...
  
  
  2- TAWHEEOL ROBOBIYYA. so kapaka isa isaa ko Allah sii ko kyapangadnyan, go so dinyan kanggira giraya ko langowan a kaadnyan, go so kababaloy nyan a ayobo datu. sa dadn a banayan san sakotowa a maytobo.
  
  
  ex: sobo so Allah a dii mmririzki, dadn a ba phririzki a slakawron, etc...
  
  
  3- TAWHEEDOL ASMA'E WASSIFA'T. so kapaka isa isaa ko Allah sii ko mga Ingaranyan na go so mga sifatiyan.
  
  
  Maana : thantoon sii rkanyan so langon o mga sifatyan a tyantonyan sa ginawanyan, na go tyanto rkanyan o rasolollah s.a.w.
  
  
  Sa di khapakay a ipanolagid ko kaadnyan , na go ba ipanaginda , go di khapakay oba on pakadaa sa tharoon a daa ngaranyan a go daa sifatiyan , go di khapakay oba panalini sa maana ko katawi ko phyor a maananyan.
  
  
  ex: so Allah na isa ngaranyan a inibthonyan sa ginawanyan na : AL'RAHMA'N. Means : Makalimoon.
  
  
  Na thantoon tano anan sii ko Allah a ngaranyan so AL'RAHMA'N na sarta a so mapmamaana o ngaranyan na SIFATYAN OTO.
  
  
  Sifat o Allah so RAHMA. maana : Limo.
  
  
  -------
  
  
  Sopaman so mga sifat o Allah na dwa kaklasi a katitimblanon :
  
  
  1- SIFAT AL ZA'TIYYA. gyanan so SIFAT dirkanyan mapopokas.
  
  
  ex: so SIFAT a : LIMA, go PARAS, go MATA, go AE, etc.
  
  
  2- SIFAT AL FI'LIYYA. maana: sipat a kanggalbk, na gyanan so mga sifat o Allah a madidipindi ko kabayaiyan o phnggolaolaolaanyan ago so di.
  
  
  ex : so MAGFIRA karila, na so Allah na o kabayaiyan na prilaanyan so kaadnyan na odinyan kabaya na dinyan prilaan.
  
  
  so Allah na sii ko Oman ika tlo bagi ko kagagawii na phmbaba skanya sii ko langit sii sa donya. na sii anan madidipindi sii ko Kabayaiyan.
  
  
  go so mga salakaw san a mga sifat o Allah.
  
  
  Note :
  
  
  So Allah na adn a SIFATIYAN a : LIMA, go PARAS, go MATA, go AE, etc.
  
  
  Na di khapakay oba aya kapikiraon o taw na datar o sifat o kaadn.
  
  
  ibarat na banayan mapikir a aya LIMA o Allah na DATAR O LIMA O KAADNYAN.
  
  
  DYANAN KHAPAKAY ka so Allah na AYA ROPAAN O SIFATYAN NA SO KADADAITYAN KO ALLAH.
  
  
  ex : apya so mga kaadn na mbida bida sa ropaan so SIFAT o mga Anggawta iran : AMO IBARAT NA ADN A LIMANYAN GO SO KODA ILIPANTI GO SO MANOSYA GO SO FILA.
  
  
  NA INO BAANAN MALAGI LAGID SA SIFAT A PALAYA IMPHBTHO KO LIMA IRAN NA LIMA.
  
  
  NA O MYAKAMBIDA BIDA SIRAN NA AYAPN SO ALLAH.
  
  
  Maana : Aya mga sifat o Allah na so domadait ko kalaiyan na go kaporoiyan a rabbol A'lameen.
  
  
  ---------
  
  
  Na andadn i katantowasan o muslim sangkana a phmbthowan sa TAWHEED ko tlo a CLASSY NYAN na so langowan a mga pd a simba ko Allah na maka oonot sangkanan a TAWAHEED.
  
  
  So langowan o mga sogoan o Allah go so rasolollah s.a.w. na siibo phkhagoling goling ko Andamanaya i katanto a gyangkanan a phmbthowan sa TAWHEED.
  
  
  -----
  
  
  Asar ka kasabotanyo aya na myaka liwanag rkano so mga pd a ipagiza iyo pantag sii ko AQEEDA O SALAF AL'SA'LIH.
  
  
  Aya pinaka mala a pagilain sii ko simba na diron mapokas angkai a dowa a condation sa kakhatarima o simaba :
  
  
  1- So kipagikhlasn ko simba ko Allah sa dadn a salakawron a mapipikira a rowan ko tontot ko kabaya o Allah.
  
  
  2- So kabaloy o Galbk a misongkad phyapya ko inikidiawn o rasolollah s.a.w. 
  
  
  Na o mapokas san so galbk a simba na aya imbthoron na odi SHIRK; kapanakoto. Na BED'A ; kambabago.
  
  
  na didn anan tharimaan o Allah.
  
  
  -------
  
  
  Gyanan i myaka kmp kpmt a osayan sa gyanan a kabaya iyo a maosay. na datanodn aloya so mga dalil ka tantodn a madakl. na di plakayan.
  
  
  waslm w w.
  Yesterday at 2:36am · Edited · Like ·  3
• 
  
  
  
  Airah Dibangkitun MASHA ALLAH..
  Yesterday at 3:04am via mobile · Like
• 
  
  
  
  Mee'yaar Khalilullah : Kaka opama na so allah na adun a. Lawasyan?pakarayag angka rakun anan owm?balsangka o allah ka anta pkhatukawe so aqeedah?
  Yesterday at 7:51am via mobile · Like
• 
  
  
  
  Muhd Rayyan Hakem : So katharo a Lawas na di anan khapakay a ba diritsowa tharo a so Allah na daa ana lawasyan odi a daa lawasyan.
  
  
  Aya sabap na dnyan aloya sa qur'an so sifat a lawas, na go da aloya o nabi s.a.w.
  
  
  Sabap roo na aya tindg tano sii ko lagid anan a SIFAT na tawwakof.
  
  
  Maana : tomatarg tano ron. ka skitano a mga salafi i tindg na aya phthantoontano sii ko ALlah a mga sifatyan na so marayag a tyantonyan sa ginawanyan odi na tyantoron o rasolollah s.a.w.
  
  
  na so danyan tantowa sa ginwanyan go daron tantowa o rasolollah s.a.w. na ditanodn phzoldan o ino adn antawaa ka da.
  
  
  Note :
  
  
  tatanodinyo A so Allah na adn a mga sifatyan, na dadn a ba maytobo a plagidanyan ago so sifat o kaadyan.
  
  
  phitharo akn sa gyanan a smbag sa phoro :
  
  
  Ibarat so sifat o Allaha : MATA, maana : Adn a mata o Allah.
  
  
  Na knaba aya maananyan na lagid o mata o pd ko mga kaadnyan, ka dadn a banyan kaplalagidi a maytobo inota so ngaran.
  
  
  inexpain tanopn a o myakambida bida so mga sifat o mga kaadn a inangin na langon mga kaadn na isabo a iphmboto ko mga sifat iran mambo. datar o kambida bida iran sa LIMA odi na MATA. na ayapn di mibida so KADNAN O LANGOWAN A KAADN.
  
  
  KATAYA SO MARAYAG A IBARAT :
  
  
  - Phitharo o Abdullah ibn Abbas r.a. : Dadn a ba plagidan o mga pipiya a matatago sii ko sorga ago so mga pipiya a matatago sii ko donyan inotabo so kapazasangasangay o ngaran.
  
  
  Aya : syabot san na o myaka mbida sa sifat so matatago sii ko Sorga ago matatago sii ko donyan a mga pipiya a inangin na palayan anan inadn o Allah. NA AYAPN DI MIBIBIDA SO SIFAT O ALLAH. 
  
  
  in short : SO ALLAH NA ADN A MGA SIFATYAN, NA GYOTO A MGA SIFATYAN NA DADN A BANYAN KILALAGID KO MGA SIFAT O KAADNYAN.
  
  
  Gyanan i maana o katharo o Allah :
  
  
  ( لَيْسَ كَمِثْلِهِ شَيْءٌ وَهُوَ السَّمِيعُ البَصِيرُ )soratol sora 11.
  
  
  Maana : Dadn a banyan datar a maytobo, a skanyan so phphakan-g na go phphakailay.
  
  
  Sii sa gyanan a A'yat na aya tago iyan na;
  
  
  - pyakada iyan sa ginawanyan oba adn a lagidyan a mayto a sii ko mga kaadnyan sii ko mga sifatyan, mlagid i sifat a ZA"TIYYA odi na sifat a FI"LIYYA.
  
  
  - tyantonyan sa giniwanyan a adn a mga sifatyan ; datar o sifat a KAPHPHAKAN-G go KAPHPHAKAILAY. a mga sifat anan a ZA'TIYYA.
  
  
  ------
  Yesterday at 9:32am · Like ·  2
• 
  
  
  
  Mee'yaar Khalilullah : Mashallah..kaka syabot mashallah,,kaka tunaapman gyanan a mga group a mga shia's kharawij go mga wahabbi go mga mu'tazila?pera group so mga muslim?antawae makaaontolon ?
  Yesterday at 10:06am via mobile · Like
• 
  
  
  
  Muhd Rayyan Hakem : Mee'yaar Khalilullah ?
  
  
  so pantag sa shia' na batya angka a gyanan inipost akn a mbatiyaan ka a matatago sii sa document.
  
  
  Gyananan pman a KHAWA'RIJ go MU'TAZILA go mga KADARIYYA.
  
  
  Na iman i isa san a groupo na datar o SHIA' a tanto a mablang so osayan sii ko kadadag iran, oman i isa san groupo na myaka dakl paman so gorouponyan sabap diiran kapaka phzizinabota.
  
  
  Na opaman ko pagosain tano na kailangan a misibay sa post ka an kasaboti phya pya.
  
  
  ------
  
  
  Gyanan pman a WAHABI na dwa anan.
  
  
  1- WAHABI a iphthompok ki ABDUL WAHAB IBN ROSTOM, i aya groupo nyan na IBA'DIYYA pd ko mga groupo o mga KHAWA'RIJ.
  
  
  Myakandato siran ko mya ona a masa na myangakowala siran na tanto a marata a so toladaniran ko mga muslim.
  
  
  2- WAHABI a iphthopok o mga dadag i AQEEDA datar o mga SHI'A go mga SOFEY go mga ASHA'IRA etc.. ki SHAIKH MUHAMMAD IBN ABDIL WAHHAB ikalimo o Allah skanyan na go balowin o Allah so koboryan a sormbi o sorga. A'meen
  
  
  a gyanan a SHAIKH i myakabowat ko PANARIMA A ONTOL O MGA SALAF AL'SA'LIH ko oryan o kyatambo tambdiron sa mga BID'A go mga KHORAFA'T o mga SOFIYYA go mga ASHA'IRA go so salakaw san a mga groupo a maka sisilay.
  
  
  gyanan a PANARIMA IYAN GO AQEEDANYAN na GYANAN I AQEEDA tano.
  
  
  ka ayadn a siyongkadyan sa dadn panila silay na so AQEEDA odi na panarima O MGA SALAF AL'SALIH R.A.
  
  
  ------
  
  
  Aya phyor na di domadait oba iphmbtho sii ko mga taw a thithindg sa SALAF oba mga WAHABI, ka aya khibthoron na odi AHLU SUNNA in short SUNNEY. odi na SALAFIY.
  
  
  - Ino anan khithompok ko mga AHLU SUNNA odi na MGA SALAFI angkanan a ngaran a WAHABI ?? Antai mimbaal sa a katharo ??
  
  
  = aya mimbaal san a katharo na so mga dadag i AQEEDA datar o mga SHIA' go mga SOFIYYA go mga ASHA'RA go mga MATORIDIYYA etc.
  
  
  ka an madadag so mga taw a tigiran a marata so WAHABI ka MAKASISILAY GO MADADAG.
  
  
  na diisiran mamangbaal sa mga katharo a dadn matharo angkanan a SHAIKH go dadn a baon myaka tharo sii ko ma ULAMA o mga SALAF a kapapantagan.
  
  
  INOTO ?
  
  
  Na aniran phkhadadag so mga pagtaw a mga muslim na phkhaawat siran ko tindg o salaf na gyotodn mambo i kaphkhadadag iran ka mya awat iran so bnar.
  
  
  NOte :
  
  
  banyo lilipati a gyanan a dwa a groupo a gyoto isawn na phyor a WAHABI a dadag ka KHAWA'RIJ.
  
  
  na gyanan a isawn na : KNABA PHYOR A WAHABI ka ino anan minibtho ka phoon sii ko mga dadag i panarima a romirido sii ko mga SALAFI na pimbaalan iran anan.
  
  
  gyanan i tidg tano a gyanan a ikadwa.
  
  
  knba tano WAHABI ka mga SALAFI tano.
  
  
  dii mamokhag so mga taw a romirido rkitano.
  
  
  ----
  19 hours ago · Edited · Like ·  1
• 
  
  
  
  Mee'yaar Khalilullah : Kaka?gyanan a ashaira go maturedde na pyor anan a aqeedah?tunay aqeedah annan?myaburug ako sa mga group anan na..ogaid langon muslim anan owm?lahalwla soti so allah.opama na peray group so shia..ba madakul I ngaran so shia?kailangan n kasabotan anan ka dadakul anan sa marawi go pilipinas?
  23 hours ago via mobile · Like
• 
  
  
  
  Muhd Rayyan Hakem : opama ko ptharo angka so KATHARO A AHLU SUNNA WAL JAMAA na so mga pd a mga Ulama na pyaka suld iran so mga ASHA'IRA go mga MA'TORIDIYYA sii ko AHLU SUNNA WAL JAMMA sii ko maananyan a maka rarangkom.
  
  
  piro andadn i kaosaya phya pya ko tindg o AHLUS UNNA WAL JAMAA na phphakarayagdn a kaphkha awat iran ko phyor a TINDG O AHLU SUNNA WAL JAMAA.
  
  
  ---
  
  
  So ASHA'IRA na aya IMAM IRAN NA si ABOL HASAN AL' ASH- ARI. a myaka tlo masalin so tindgyan.
  
  
  paganay na MU'TAZILA, then mimbaloy a ASHA'IRA, then sumyold ko tindg o AHMAD IBN HAMBAL maana : mithawbat sa aya phithindgyan na datar a gyaya a tindg tano.
  
  
  aya awida akal na minibagkyan so mga moonotn a dasirandn thawbat ka miphadkt siran ko ikadwa a tindgyan a ASH'ARIYYA.
  
  
  Sopaman so MA'TORIDIYYA na aya IMAMIRAN NA si ABO MANSO'R AL' MA'TOREEDY.
  
  
  na dadn mapanothol oba skanayn myaka thawbat ko kadadag o tindgyan.
  
  
  ----
  
  
  So ASHA'RA go MATORIDIYYA na so kadaklan ko mga tindg iran na mlagid.
  
  
  sii ko pantag ko mga SIFAT O ALLAH na ayabo a tyanto o MGA ASHA'IRA A SIFAT o ALLAH NA 7 :
  
  
  1- so kaoyagoyag.2- so katharo.3- so kapakailay.4- so kapakan-g.5- so kambaya baya.6- so katao.7- so kaphphakagaga.
  
  
  na so salakaw san a mga sifat o allah na salaw a ini pmamaana iranon.
  
  
  Sopman so MA'TORIDIYYA na aya tyanto iran sii ko Allah a sifat na 8 :
  
  
  1- so kaoyagoyag.2- so katharo.3- so kapakailay.4- so kapakan-g.5- so kambaya baya.6- so katao.7- so kaphphakagaga.8- so dii kambaal odi na dii kathaong. " al'takween".
  
  
  na so salakaw san a mga sifat o allah na salaw a ini pmamaana iranon.
  
  
  -----
  
  
  Ogaid na sii ko bandingan ko KATHARO A KO : SAKN NA MU'MEN AKO INSHA'ALLAH. الإستثناء في الإيمان
  
  
  Na oman i isa sangkanan a dwa a groupo na phphaka kafirnyan so pdyan ka dinyan kabaya so tindgon o pdyan.
  
  
  - Gyanan i kathothompokan a dwa anan a groupo.
  22 hours ago · Edited · Like ·  3
• 
  
  
  
  Razaq Lantud Bagambang :pakaiza ami inu so mga sahabah bit0wan iran a genawa iran sa mga salafi kami ?
  20 hours ago via mobile · Unlike ·  1
• 
  
  
  
  Muhd Rayyan Hakem : Razaq Lantud Bagambang ?
  
  
  ba'rakallahu feek.
  
  
  So katharo a SALAFI na knaba anan aya mapipikiron na so mga SAHABA.
  
  
  ka aya SALAFI na so aya tindgyan na so tindg o mga SAHABA SII KO AQEEDA "panarima" go MGA KOKOMAN go MGA OLAWLA.
  
  
  so mga SAHABA na aya iphmbtho kiran na AL'SALAF AL'SALIH.
  
  
  na sii sa gyanan a kaphmbothowi kiran sa mga SALAF AL' SA'LIH na daa sakataw bo ko mga Ulama o AHALU SUNNA WAL JAMAA A BASAN MIYONGKIR.
  
  
  aya maana a AL' SALAF AL' SALIH na : MYA OONA A MYAGINTAW A MGA PIPIYA I GALBK.
  
  
  gyanan i smbag a gyanan a paka iza ka.
  
  
  in short : aya khapakay a phmbthowan sa SALAFI na so taw a ayadn a kkdgyan a PANARIMA go KOKOMAN go OLAWLA na so inikitan o mga SAHA'BA GO MGA TA'BE'EEN GO MGA TABE'OT TA'BE'EEN a siran i phmbthowan sa AL' SALAF AL' SA'LIH.
  
  
  so kabaya iyan a maka blang so sabotyan pantag sangkai a bitiyara na batiyaanya so kitab SIYARO A'LA'MIN NOBALA i AL' IMA'M AZZAHABI ka anay maknal phya pya angkai discuss saya.
  
  
  go mga pd a mga kitab o mga Ulama sa salafiyya.
  19 hours ago · Edited · Like
• 
  
  
  
  Mee'yaar Khalilullah : Mashallah..kaka aleem?tunaapman a gyanan mga pat a imam?pud anan ko ahlul sunnah?
  19 hours ago via mobile · Like
• 
  
  
  
  Muhd Rayyan Hakem Mee'yaar Khalilullah :
  
  
  Oway so pat a Ima'm na palaya siran Ahlu sunna wal jamaa.
  
  
  siran so :
  
  
  1- Abu Haneefah.
  
  
  2- Ma'lik ibn Anna's.
  
  
  3- Al' Sha'fiee'
  
  
  4- Ahmad ibn Hambal.
  
  
  Ikalimo siran o Allah langon.
  
  
  So Ahmad ibn Hambal i ggraran sa : IMA'M O AHLUS SUNNA WAL JAMAA.
  
  
  -----
  
  
  Sopman sii dii kazosopakaan na siibo oto sii ko mga KOKOMAN a sapak o AGAMA ka so pakaasal o AGAMA na maiisa isa siranon sa tindg.
  
  
  Isa isa so Aqeeda iran, panarima iran.Wassala'm. 

_KOKOMAN O KAPAGAQEEQA _

assalamo alaikom:

IPAGIZA AKUN.......so katupdi sa bok ko gopun inimbawata WAJIB O antawaaka kunaba WAJIB? ikaduwa pakaiza: So AQIQA na khapakay a ipakawit so pirak na roo paka pagAQIQAa sa ingud sabap sa sukami a mga OFW na tomoon nami a so tunganay ami na aya maka taam ko karne a KAMBING adi so salakaw rukami. BALASAN tano o ALLAH sa madakul a mapiya sa donya ini na sa mapay sa maori a alongan. ALLAHUMA AMEEN!Like ·  · Unfollow Post · 23 hours ago

•  
• 
  
  
  
  Muhd Rayyan Hakem alykm slm w w :
  
  
  Kim Abdullah
  
  
  aya Sunna knaba wajib na so kaopawi sii ko wata, sii ko ikapitonyan gawii malagid i mama antawaa ka babay. 
  
  
  myaaloypn a doctor salakaw ko kababaloy nyan a sunna na phphakabagr kon so kobal o olo o wata igiamanoto a inopawan skanyan.
  
  
  pitharo rasolollah s.a.w. : ( كل غلام مرتهن بعقيقته تذبح عنه يوم سابعه ويحلق ويسمى" ) 
  
  
  Maana : so langowan a wata masanday sii ko Aqeekanyan a zombaliin para rkanyan sii ko ika 7 days iyan, na go pagopawan na go mbthowan sa ngaran.
  
  
  note :
  
  
  o mama na 2 a kambing, na o babay na 1 a kambing.
  
  
  so ngaran na kailangan na so mapya a ngaran a muslim i imbthoron, ka kabnaryan anan langon ko mga luksyan.
  
  
  ---------
  
  
  oway khapakay a ipakawit sa ingd na roo siran pamasa na ibgay iran sa taw, odi na khandori siran ka an makala i balas.
  
  
  importanti na kailangan na masmbot ko ika 7 days iyan, taman sa 14 days iyan taman ko ika 21 days iyan.
  
  
  sonnat pn, a m-gay ka sa pirak a timbang sa kala o bok a inopaw ron.
  
  
  أن رسول الله صلى الله عليه وسلم عق عن الحسن بشاة وقال: "يا فاطمة احلقي رأسه وتصدقي بزنة شعره فضة"
  
  
  wallaho a'lam.
  about a minute ago · Edited · Unlike ·  1
• 
  
  
  
  Kim Abdullah ALHAMDULILLAH,,,,,samanoto na sunnah so katupudi odi na kaopawi ko bok o wata? miyatangkud a kunaba WAJIB. Na amay puman ustadz ko sii ko 7 days na daa kapapantagan a pirak taa miphamasata sa kambing ko AQIQA taman pun ko ika14 days? khapakay a ma POSTPONE so AQIQA nyan sa taman ko ka khagaga a tawn a lokus iyan sabap sa katawan tano a HAQ rukuta o wata ta?
  5 hours ago · Like ·  1
• 
  
  
  
  Alamenah Hassan oway ba ustad.. so aqiqa na antona e kokoman iyan?
  5 hours ago · Like
• 
  
  
  
  Muhd Rayyan Hakem ayaman a thitho na kasosopakan anan o WAJIB antawaa ka sunna, na so mazhab a zahiriyya, na WAJIB kiran ka so marayag a kisosogoonon na aya iran kinowa.
  
  
  ogaid na so pat a Ima'm maana so Abu hanifa, so Ma'lik, so Sha'fiee, so Ahmad, na siikiran na Myasunna sunna. 
  
  
  aya tig o Ma'lik na Sunna a pakaasal iyan na wajib so kitomannon.
  
  
  _____
  
  
  Sopaman so kathay nyan na aya tindg o kadaklan ko mga Ulama na : from 7 days to 14 days to 21 days. na o makalpas san sabap ko diron kakhagagaa o luks, odi na di masosorot na didn makaphagakika.
  
  
  Sopman so sabagi, na tigayan a daa limity anan, sadn sa kakhagaga on o luks na khapakay a ayanyanon kinggolalann.
  
  
  taman sa so pd na aya tindgyan na so taw na o myakaladn na khapakay a AQIKAANYAN A GINAWANYAN.
  
  
  So siirkadn myatimo o andakasan pramig, ka so ifta akn na sii ako romyamig ko tindg o kadaklan ko mga Ulama.
  
  
  palaya adn a mga dalil iran na dakn aloya ka matas na mabagr badn i dalil so kadaklan.

" SO BABAY A MIMBALOY A ASO "

• Pyanothol o ibn Abbas "r.a."

  
  

  tigyan a :

  
  

  Sii-ko myaona a masa na adn a sakataw a mama a wali " tanto a malai simba sii ko allah" so tig o mga loks a " awliya ".

  
  

  na si gyangkoto a mama na sabap ko kala angkoto a simbanyan ko allah na biganskanyan o allah sa tlo timan a pangni a tatarimaan .

  
  

  na so kyatokawiron angkoto a karomanyan a BAE a si karomanyan na adn a 3 timan a pangni nyan ko Allah a tatarimaan na tegyan A 'rentangi o ginawako' odi sii ko masa tano imanto na tigya a 'love" badi khapakay a mamangi ako sa gyanan a pangninka sa sasatimambo ??? 

  
  

  na sabap sangkoto a kaphkhababayai angkoto a mama sangkoto a karomanyan odi na darodopa iyan na tegyan a oway ino di khapakay.

  
  

  na inibgayan sangkoto a karomanyan so isa sii ko mga pangninyan a tatarimaan.

  
  

  na tigyan a imanto na antonaa i kabayaaka a pangnin akn sii ko Allah para rka ??

  
  

  na teg angkoto a BAE a pangniyangkarakn ko allah a mabaloy ako a pinaka mataid a bae sangkai a ingd... 

  
  

  na myamimikiran angkoto a mam na myapirayan a mapya mambo ka an pagoman oman so kapya a kaphkhailayaknon.

  
  

  sabap roo na pyamangninyan ko allah a mabaloy angkoto a bae a skanyan i pinaka mataid a bae sangkoto a ingdiran na tiyarima o allah a gyangkoto a pangninyan.

  
  

  na mimboloy angkoto a bae a dadn a lagidiyan a mataid a babay sii sangkoto a darpa.

  
  

  na aya masikaw ron sa ginawa na kagiyadn a khiphkhibolog na dii magalong angkoto a bae na tanto skanyan a mataid na phphakaporo a ilayananya sa ginawanyan.

  
  

  na da mathay na ayadn a myapikiryan na tigiyan a khaolaan a kataid akn aya, inoako di phloloba sa mataid a mama a phakatingki mambo sangkai a kataid akn.

  
  

  maana myada so babayaiyan ki karomanyan ka so tingkiiyan sa kataid na ayanyan khabayaan khkaroma.

  
  

  na ka didn phakasabar a bae oto sangkoto a kabaya iyan na aya miy oala-ola na inawaan iyan si karomanyan ago so mga watairan na myangiloba sa mama a phakatingkion sa kataid sa pakagaanta sa myakatoon na siran i mithapi.

  
  

  na so kyagyotonyan na tantodn a myarata a ginawa o ankoto a mama " awliya" balabawron igira myailaynyan angkoto a mga wataiya.

  
  

  na danyandn oto matigr angkoto a rata a ginawanyan na gonyan pamangniya ko allah a sabap sangkoto a pinggola-ola i karomanyan sa kiyaawainyan kiran agoso mga watairan na mabaloyn angkoto a bae a ASO a badn phphakagbo. na la' hawla wala qowata illa billa. tyarima o Allah angkoto a pangni angkoto a wali.

  
  

  na mimbaloy angkoto a babay a ASO a badn phphakagbo, na lomiyangkapdn ko magingid so kyambaloynyan a ASO A BADN PHPHAKAGBO na inawaan pn mama a byalinganyan ka antai dii khakaroma sa ASO.

  
  

  na ayapman a myatampar na so mga wata iran.

  
  

  na tegeran a maami na dikamidn phkharaw phliyo.

  
  

  na teg ankoto a amairan a 'awliya" a angkaino kano di phakarawa phliyo ???

  
  

  na tegiran a diyami khatigr so dii tharoon angkai a mga taw a mga tag sankai a ingd tano.

  
  

  na tgyan a angkaino ka antonaa i diiran dii tharoon???

  
  

  na tigiran a diiran dii tharoon a sokon so amaami na "awliya" a malai simba ko allah na so inaami na ASO A BADN PHPHAKAGBO.

  
  

  na amaami na imanto na phangniin amirka a pangnin ka ko allah a so andang a dii kapagoyag-oyag i ina na mikasoy sa manormal so diitano kapagintaw.

  
  

  na minibgay kiran o amairan angkoto a pangni iran sabap ko kaya ilayanyan sa tanto a makandadamar angkoto a mga wataiyan...

  
  

  ----- >>>

  
  

  So antonai resolta ???

  
  

  myalangan so pangni angkoto a mama a tatarimaan sabap bo ko kyapangonitiyan ki karomnyan ko pangninyanon a danyan mindaldalm i kharombaan angkoto a pangniniyanon.

  
  

  thoma anan sii ko mama igira a adn a phnggolaolaanyan na kailangan na daanyan a dii maprasarasam sa madalm.

  
  

  na go thoma anan sii ko babay sa kailangan na diinyan mapamimikiran so kabayaiyan a phamangninya ko darodopa iyan ka amayamay na sii myaolog sa marata a ondas na go bobolos.

  
  

  wslm slym w w.

" SO KAMBLAG NA DI KABAYA O ALLAH"

• Geisller Bin Man

  Salam kaka aleem?tunay hukoman o katalak sa karuma opama na dikanyan paharatyaan,,siko mapya?kapakay a pakatanaan sa lima or lambit?

  
  

  Like ·  · Unfollow Post · Friday at 10:22pm via mobile

  •  
  • 
    
    
    
    Muhd Rayyan Hakem Wa alykom slm w w.
    
    
    Aya Paka asal na So Kaphthalaka o Mama ko karomanyan a Babay na di anan khababayaan o Allah.
    
    
    Aya Dalil na so siyabot ko Katharo Allah.
    
    
    ( وَالَّذِينَ يَرْمُونَ أَزْوَاجَهُمْ وَلَمْ يَكُن لَّهُمْ شُهَدَاء إِلاَّ أَنفُسُهُمْ فَشَهَادَةُ أَحَدِهِمْ أَرْبَعُ شَهَادَاتٍ بِاللَّهِ إِنَّهُ لَمِنَ الصَّادِقِينَ ) soratol no'r 6.
    
    
    Aya katimbl a maana a gyanan a A'yat na so Mama a thmpowaniyan si karomanyan a babay sa mizina na kailangan na oda a saksi iyan na maka phzapa sa makapat.
    
    
    - sii sangkanan a katharo o Allah na syaboton so di kaphakhababayai o Allah ko kapakamblag o kharomai.
    
    
    Sabap oto ko dii kakharomnga a Puso o Bae balabaw ron ophoon adn a mga watairan.
    
    
    ----- >>>
    
    
    So mga Bae na aya sifat iran na Bkhog a tanto a malobod a kararangitan, apyapn aya manggalbk kiran a mapya na 100 na o makanggalbka sa satimambo a kyasakitan siranon na aya phtharoon iran na dadn a myailayakn rka a mapya a maitobo.
    
    
    na kailangan na kaiiktiyaran anan o mama.
    
    
    So rasolollah s.a.w. na phitharo iyan :
    
    
    (اسْتَوْصُوا بِالنِّسَاءِ خَيْرًا فَإِنَّهُنَّ خُلِقْنَ مِنْ ضِلْعٍ وَإِنَّ أَعْوَجَ شَيْءٍ فِي الضِّلْعِ أَعْلَاهُ فَإِنْ ذَهَبْت تُقِيمُهُ كَسَرْته وَإِنْ تَرَكْته لَمْ يَزَلْ أَعْوَجَ فَاسْتَوْصُوا بِالنِّسَاءِ خَيْرًا )
    
    
    Maana : Tarimaanyo a mga mama so Wasyat akn rkano para ko mga babay sa kaphyapyaiyo kiran.
    
    
    kagya mataan a inadn siran a phoon sii ko gosok a mabbkhog, na aya pinakabkhog sii ko gosok na so sa poroiyan, na ophoonka pyorsaa a phakathithonka na sabnar a ryopt ka skanyan, na opman o bagaknka a bigankadn sa logar sa sadn sa phzowaanyan na didn khada so kabbkhogyan. 
    
    
    sa phangosiyatinyo a ginawanyo igira a tantokano a gyani sii ko mga babay a mga karomanyo sa phagosiyatnyo sii ko ginawanyo so mapya.
    
    
    ------
    
    
    Sopaman so ino khapakay a pakatanaan sa lima so babay amay ko dii mlalalong na ramigka di prmbangn na didn nggnk?
    
    
    ayabo a pyakay ron o Islam na oba aya diinyan iplalon na pantag sa khabaya zina na oway khapakay a pakatanaan sa lima, ogaid na pananggilaan a oba mitaralo ka aya bo a khapakay na so mathangka a parabo marn sangkoto a kalalalonganyan.
    
    
    gyanan so katharo o rasolollah : ( اسْتَوْصُوا بِالنِّسَاءِ خَيْرًا ، فَإِنَّمَا هُنَّ عَوَانٌ عِنْدَكُمْ ، لَيْسَ تَمْلِكُونَ مِنْهُنَّ شَيْئًا غَيْرَ ذَلِكَ {إِلاَّ أَنْ يَأْتِينَ بِفَاحِشَةٍ مُبَيِّنَةٍ} فَإِنْ فَعَلْنَ فَاهْجُرُوهُنَّ فِي الْمَضَاجِعِ ، وَاضْرِبُوهُنَّ ضَرْبًا غَيْرَ مُبَرِّحٍ ، فَإِنْ أَطَعْنَكُمْ فَلاَ تَبْغُوا عَلَيْهِنَّ سَبِيلاً إِلاَّ إِنَّ لَكُمْ مِنْ نِسَائِكُمْ حَقًّا ، وَلِنِسَائِكُمْ عَلَيْكُمْ حَقٌّ ، فَأَمَّا حَقُّكُمْ عَلَى نِسَائِكُمْ ، فَلاَ يُوطِئْنَ فُرُشَكُمْ مَنْ تَكْرَهُونَ ، وَلاَ يَأْذَنَّ فِي بُيُوتِكُمْ لِمَنْ تَكْرَهُونَ ، أَلاَ وَحَقُّهُنَّ عَلَيْكُمْ أَنْ تُحْسِنُوا إِلَيْهِنَّ فِي كِسْوَتِهِنَّ ، وَطَعَامِهِنَّ )
    
    
    Maana : Tarimaanyo a mga mama so Wasyat akn rkano para ko mga babay sa kaphyapyaiyo kiran.
    
    
    kagya mataan a siran na mabibiyagyo siran, na daabanyo kiran kamimiliki a maytobo inotabo a so kyapangaromaanyo kiran, inontabo oba siran phnggalbk sa pakasisingay a " kazna ".
    
    
    na o khabayai iran a anan nggolaola na awainyo siran ko mga igaanyo, go pakatanainyo siran sa lima sa mathangka.
    
    
    na o onoti kano iran na banyo siran talaqa.
    
    
    skano na adn a kabnariy ko mga karomanyo a mga babay na siran mambo na adn a kabnar iran rkano.
    
    
    Aya kabnaryo kiran na diiran kapkaphphanadaa ko darpaiyo ko iphkhagowadyo, na diiran phphaka solda ko walaynyo so iphkhagowadiyo.
    
    
    Na aya kabnar iran rkano na ; so kapakanditaranyo kiran go so katotordo phyapya o kaphphakakan iran. 
    
    
    Maana : so gasto iran ko dyangka a kalalayaman.
    
    
    -------->>>
    
    
    Ogaid na ba mithaman a dadn a phzabar o dowakataw ka khapakay a mas mala a awida akal a khaadn o disiran mblag na khapakaydn a imblag o mama so karomanyan a babay ka anda manaya na mithaman so gagaw na go limo ko oman i isa.
    
    
    -----
    
    
    opman o matag bo mga iito problimangkaon ka a khapakay a kabolongankabo a dato na ayangkadn kowaa na gyanan a wasyat rka o rasolollah s.a.w. a pakathamaningka so kaphtharbiyaangka ki karomangka ka Insha'allah na babo makapamimikiran sa mapya na main-ngka iyan so kapakandadarainonyan ko mga kabnaryan rka a kasasabapa sa madodosa skanyan ko Allah.
    
    
    datar o kaphzopakanyan rka a dikanyan phangongonotanan.
    
    
    -------
• Omaimah Mangondato Guinar guro ibarat na suka babae ptalak ko kromangka ka myasmo kawn khapkay mangday uto..

  March 18 at 8:29am · Like

  
  

  
  
• 

  Muhd Rayyan Hakem Di anan khapay a balowin a reason..
  
  o ayabo a reason na myasmo kawn na diyanan khapakay.
  
  kailangan na so babay na o phamangni kapakamblag iran ki karomanyan na sabap ko kapaka sosogok i karomanyan ko mga galbk a phipharoron o islam so kapamangni nyan sa talaq.
  
  so reason a kasmo na invalid anan a reason.
  
  kailangan so kazabar ka gyanan i thitho a pagonga sa mapya ko duwa kataw.
  
  pananggilaan so kasogoka ko di khababayaan o Allah ka sii khaolog sii ko rarangityan sii ko manosya a mga taw a aya pamikiraniran sii ko kandarodopa na kapanaam. 
  
  na masmoron na pagawaanyan pman.
  
  pitharo o rasolollah s.a.w. : ( إن الله تبارك وتعالى لا يحب الذواقين ولا الذواقات ) al'taba'ry.
  
  Maan : Mataan a so Allah na dinayan khababayaan so mga tanaam a mga mama ago so mga tanaam a mga babay.
  
  -----

KOKOMAN O TALAQ A TIGL

SO TALAQ A MYATGL :

aya phmbthowan sa talaq a tgl na so myatgl so mga mama sa kyatalaqanyan ki karomanyan.

na kataya so mga toos sa osto a myatgl so mama ko kyaaloyaon o mga Ulama :

1- so mama na pyakipran-g o babay odi skanyan i miranugon.

2- pyamntolyan so mama sa o di na pyaki pamtolyan parabo maka talaq.

3- pikliyan so mama. odi na pyaki pklyan.

4- phamagitaanyan so mama sa mbonoonyan odi na phakibono iyan odi talaq na aya raramigan a pamikiran o mama na kharawanyan a osto mono.

5- phithabananyan sa tamok so mama parabo makatalaq.

gyanan i toos sa so mama na o mini kidia on anan o babay na Usto a myatgl ko kyatalaqa nyan ki karomanyan.

na so katalaqa o mama ki karomanyan sa MYATGL na di oto khiiton sa TALAQ maana dasiran makamblag ki karomanyan apyanyan pn myatharo a tyalaqyan.

gyanan i tindg o JAMHO'RIL ULAMA.

Aya dalil na pitharo o rasolollah s.a.w. : ( إن الله وضع عن أمتي الخطأ والنسيان وما استكرهوا عليه ) correct anan a hadiths.

Maana : Mataan a so mga Ummat akn na ini maap kiran o Allah so phkharibatan kiran na go so phkhalipatan iran na go so minitgl kiran a kyang galbka iranon.

---------------- >>>

Igira a so mama na tiyalaqyan si karomanyan, sa aya bontal o talaq na RAJIYYA sa datar o kya osaya tanoron sa mya ona.

na skanyan i thitho a makakhakabnar ko babay.

pitharo Allah : ( وَبُعُولَتُهُنَّ أَحَقُّ بِرَدِّهِنَّ ) soratol baqara 228.

Maana : so mga karoma iran i thitho a maka khakabnar ko kakasowiiran ko mga karoma iran.

------......

" KOKOMAN O DA KAMBISMILLAH EH KO SAPO A PANGANGAYAMN "

Jamsid Bin Nasir : 

salamoalaikom.paka isa ami q mga guro ami a kipagaadatan. antunay kokoman gya maphamasa sa manuk s gya mga palengke sabap ko danyan kapa k ukit sa sumbali? balasangkanoron o allah ??? 

Muhd Rayyan Hakem:

Aya paka iza na ino so manok a da maka okit sa sumbali HALA'L or HARA'M.

ANSWER ;

GYANAN NA HARAM. ka gyanan na MAYTA.

Na phitharo o Allah sa soratol ma'idah '3' : ( حرمت عليكم الميتة ) 

Maana : Hyaram rkano so Mayta. pangangayamn a myatay a da sombalia.

---- >>

Opman o aya paka iza na myasombali ogaid na muslim a di phmbismillah so somiyombalion ?

- Na aya smbag na : masosopak san so mga I'ma'n.

so kadaklan o mga Ima'm na wajib kiran so kambismillah o zombali a muslim a katatanodanyan , na diiran phakain o ba kana so da kambismillah eh a pithibaba.

gyanan i tindg o kadaklan ko mga mga hanafiyya go ma'likiyya go hana'bila.

aya dalil iran sa kakhapakay nyan ko kyalapatan na so katharo o ibn abbas : ( من نسي فلا بأس ).

Maana : sa taw a somombali a kalipatanya so bismillah na daa problima on.

na aya dalil iran ko kakhapakay a kakana ko phithibaba a dambismillah eh na gyaa a katharo o Allah : ( ولا تأكلوا مما لم يُذكر اسم الله عليه وإنه لفسق ) soratol an-a'm 121.

Maana : dikano khan ko nganin a daron maaloy so ingaran o Allah ka gyanan na kasongklid.

pd pn a dalil iran na so mga ayat go mga hadiths a isosogoon o Allah go so rasolollah so kambismillah sii ko kapanganop. ---

Sopaman so Ima'm al'sha'fii a go riwa'ya o ima'm ahmad na so kambismillah i sii ko zombaliin o muslim na mustahabb knaba wajib.

so khapay a kn so syombali a muslim mlagid i mimbismillah ko kyasombali iyan antawaa ka da a aya antapon ko kyasombali awn na khn odi na phphasaan.

aya dalil iran na gyangkai a ayat a go hadiths :

phtharo o Allah : ( قل لا أجد فيما أوحى إلىَّ محرما على طاعم يطعمه إلا أن يكون ميتة أو دما مسفوحا أو لحم خنزير فإنه رجس أو فسقا أهل لغير الله به } الأنعام : 145 

Maana : Tharo angka ya muhammad a daa khatoon akn sii ko nganin a iniwahi rakn a haram sii pangnngkn a phkhn skanyan inontabo o ba so mayta " myatay a da masombali" odi na rogo a mailaw, odi na sapo a baboy, ka mataan a skanyan na marzik, odi na kasongklid a siyombali sa salakaw sii ko ngaran o Allah.

ikadwa na gyangkai a hadiths o rasolollah s.a.w. :

وسألت السيدة عائشة رضى الله عنها رسول الله صلى الله عليه وسلم فقالت : إن قوما يأتوننا بلحوم فلا ندرى أسموا أم لم يسموا ، فقال "سموا أنتم وكلوا" رواه البخارى . 

Maan : inizaan o A'isha r.a. so rasolollah s.a.w. sa pitharo iyan ; Mataan a so mga taw na phagwitangkaminyan sa mga sapo "karni" na diyami katawan o ino myasombali antawaa ka da?

na tigo o rasolollah s.a.w. a : kananyo na mbismillah kano sii ko kakhananyoron.

------->>>na oman i isa na simbagyan so dalil o pdyan, na ditano khaosay ka tanto a matas.

So O ayangka khowa i mabagr i dalil na sangkanan a mga Ima'm tano.

na aya mabagr na so tindg o kadaklan a aya tindg iran na WAJIB ko katatanodiron so KAMBISMILLAH iron na o kalipatinyan na dadn a problima on.

gyanan i ifta a riyamigan i shaikh ibn ba'z go si Uthaimeen go so mga pd a mga Ulama a mga ala a mua'sir.