"SO KADAKL O RAKAAT O TARAWI"

Haimen A. Hadjirakim:

Salam aya pakaiza akun na tunay pyor ko katharawe?20rakaat o walo rakaat?tunay pyor san a hadith go pinggalubuk o nabi?

Like ·  · Unfollow Post · 21 hours ago via mobile

•  
• 
  
  Ilah Mer likes this.
• 
  
  
  
  Muhd Rayyan Hakem :
  
  
   wa alykom slm w w.
  
  
  gyangkai a pakaiza pantag sii ko tarawi sii ko ramadhan na pyakablang aya o mga sahabah.
  
  
  aya mya aloy a kadakl a dii zambayang sa tarawi na :
  
  
  1- sapolo ago isa 11 pdon so 3 rakaat a weter.
  
  
  2- sapolo ago tlo 13 pdon so 3 rakaat a weter.
  
  
  3- dwapolo a tlo 23 pdon so 3 rakaat a weter.

Sopn so pd ko mga salaf na 36 rakaat a tarawi a diiran zambayangan na salakaw ron so 3 a weter.

Adnpn kiran aya diinyan zambayangan na 41 rakaat a pdon so weter.

• -------
  
  
  gyanan a paganay na aya myaka panotholon sa diiron kanggolaolaa o rasolollah s.a.w. na so A'isha r.a. go so Ibn Abbas r.a. go so mga pd a mga saha'bah.
  
  
  kataya so katharo o A'ishah r.a. go so mga pdyan :
  
  
  ( ما كان رسول الله صلى الله عليه وسلم يزيد في رمضان ولا في غيره على إحدى عشرة ركعة يصلي أربعا فلا تسال عن حسنهن وطولهن ثم يصلي أربعا فلا تسأل عن حسنهن وطولهن ثم يصلي ثلاثا ) pyagayonan o dwa a shaikh.
  
  
  Maana : da mabaloy so rasolollah s.a.w. obanyan phagomani sii ko ramadhan go sii ko salakaw ron so sapolo ago isa rakaat.
  
  
  dii zambayang sa pat sa dingkadn pagizaan i kapyanyan go so katasyan, oryanyan na zambayang pman sa pat na dingkadn pagizaan i kapyaniyan go katasyan, oryanyan na dii zambayang sa tlo a weter.
  
  
  Gyangkanan a mya aloy sa a kanggapat na kanaba aya mapipikir san a tigi shaikh ibn ba'z na ba isa isa i salam so pat rakaat.
  
  
  ka so rasolollah s.a.w. na kanggadwa a diinyan kazambayang na dii zalam.
  
  
  pitharo o A'ishah go so ibn abbas go so salakaw kiran r.a. : 
  
  
  ( كان رسول الله صلى الله عليه وسلم يصلي من الليل عشر ركعات يسلم من كل اثنتين ثم يوتر بواحدة عليه الصلاة والسلام ) .
  
  
  Maana : aya btad o rasolollah s.a.w. na dii zambayang sii ko kagagawii sa sapolo rakaat na dii zalam ko oman i dowa rakaat, oryaniyan na phnggasrnyan sa isa rakaat.
  
  
  so hadiths o ibno Omar r.a. a pitharo o rasolollah s.a,w, :
  
  
  ( صلاة الليل مثنى مثنى ) bokhari and muslim.
  
  
  Maana : so sambayang a mga sunna sii ko kagagawii na kanggadwa rakaat.
  
  
  -----
  
  
  gyangkanan paman a aya kadaklyan na sapolo a tlo 13 na myapanothol a banda myanggola olapn ana o rasolollah s.a.w. 
  
  
  dabadn aloya o shaikh angkanan a hadiths a myaaloyron anan.
  
  
  -----
  
  
  sopman dwapolo a tlo 23 pdon so weter a 3 rakaat na myapanothol a inisogo anan o Omar r.a. ko mga sahaba.
  
  
  Go myapanothol mambo so kinisogoonyan ko sapolo ago isa 11 a pdon so 3 rakaat a weter.
  
  
  ------
  
  
  Sabap san na oryan o kyapakarayaganyan sangkanan a mga tindg ko kyanggola ola awn o rasolollah s.a.w. a go so mga sahaba na tigyanan a :
  
  
  Aya mabagr a tindg a thathakna so bagryan ko kyanggola olaawn o rasolollah s.w.a. ko oryan o kya ilaya ko mga hadiths na so SAPOLO AGO ISA RAKAAT A PDON SO WETER A TLO RAKAAT. "11 RAKAAT". 
  
  
  ka mas khalbodanon so Ima'm go so mga ma'mon, go mas phakaronggon sa phyapya so ginawa.
  
  
  Gyanan i ifta i SHAIKH ABDULLLAH IBN BA'Z R.T.
  
  
  Na san mambo aayon so pagarinyo.
  
  
  ----
  
  
  Note : 
  
  
  - daa basan di bnar go daa basan si khapakay ka palaya anan pinggola ola o mga saha'ba, palayadn anan mapya.
  
  
  Ayabo a phithindgan tano na so mas mabagr ko kaiilayaon o mga Ulamatano a mga Ala, ko oryan o kya aloy o mga dalil.
  
  
  http://www.islamgold.com/view.php?gid=10&rid=150

' SO SAPOLO 10 A MGA ALA A TOOS KO BANGKIT '

Lamina Hadjirakim: 

Saalam!salamat sa accept?adun a pakaiza akun?mipantag ko mga ala bangkit?babnar a sapolo kon a zagad a bangkit a mala?tunaa hadith anan?balsangka nu ron o allah.pyor anan

Like ·  · Unfollow Post · Yesterday at 12:27pm via mobile

•  
• 
  
  ‎شعاع منشي‎ likes this.
• 
  
  
  
  Muhd Rayyan Hakem Alykom slm w w.
  
  
  knaba anan bnar.
  
  
  Aya bnar na so mga toos sa bangkit na tanto a madakl.
  
  
  Ogaid na aya Mga ala a toos sa bangkit na 10 sapolo na oman i isa san na madakl so mga dalil sa hadiths ogaid na satimambo a hadiths a correct a pagaloyntano a mararangkomyan a gyangkanan a 10 a mga toos a mga ala sa bangkit :
  
  
  kataya siran :
  
  
  1- so kapaka gmaw o DAJJA'L idazal a tigo mga luks.
  
  
  2- so kaphatoron o nabi a ISA a.s. A iphndato iyan so qur'an a kapd sikanyan ko mga Ummat o rasolollah s.a.w.
  
  
  3- so kaphakaliyo o ya'jo'j wa ma'jo'j.
  
  
  4- so kazbang o Alongan sa sdpan.
  
  
  5- so kanggmaw o pangangayamn a iphizoratyan ko bnng o taw o kafir antawaa ka muslim.
  
  
  6- so kaphakagmaw o bl a tantoa pyakawan wan.
  
  
  7- satiman a island a khigald sa ragat sii sa sdpan.
  
  
  8- sitaman a Island a khigald sa ragat sii sa sbangan.
  
  
  9- satiman a Island a khigald sa ingd aya a mga arab.
  
  
  10- phakagmaw a Apoy a inddgyan so mga taw sii ko khatimoankiran sii sa ingd a SHA'M.
  
  
  Kataya so dalil angakan a mya aloytano a sapolo :
  
  
  ( عن حذيفة بن أسيد الغفاري - رضي الله عنه - قال : اطلع النبي - صلى الله عليه وسلم - علينا ونحن نتذاكر . فقال : " ما تذكرون ؟ " . قالوا : نذكر الساعة . قال : " إنها لن تقوم حتى تروا قبلها عشر آيات ، فذكر الدخان ، والدجال ، والدابة ، وطلوع الشمس من مغربها ، ونزول عيسى بن مريم ، ويأجوج ومأجوج ، وثلاثة خسوف : خسف بالمشرق ، وخسف بالمغرب ، وخسف بجزيرة العرب ، وآخر ذلك نار تخرج من اليمن تطرد الناس إلى محشرهم ، وفي رواية : " نار تخرج من قعر عدن تسوق الناس إلى المحشر " . وفي رواية في العاشرة : " وريح تلقي الناس في البحر " رواه مسلم . )
  
  
  Maana : myapanothol o Hozaifa bni Osayd al'giffa'ry r' a lominyo rkami a tgyan so rasolollah s.a.w. a dii kami mananadm, na phitharoiyan :
  
  
  Antonaa i diinyo pananadman ?
  
  
  - na tigiran a phphananadman ami so bangkit ! 
  
  
  Na tgyan a : mataan a didn makatindg so bangkit taman sa dinyo mailay a somagad so sapolo a mga mga tandaon .
  
  
  Na inaloynyan so BL , go so Dajja'l, go so pangangayamn, go so kazbang o alongan sa sdpanyan, go so kaphakatoron o Isa' a.s. go so Ya'jo'j wa ma'jo'j, go so tlotiman a khalna ; ingd a khalna sii sa sbangan , go isa sii sa sdpan, go isa sii sa ingad aya a mga arab, na aya last na phkhagmaw a apoy a inddgiyan so mga taw sii ko khatimoan kiran.
  
  
  so isa a myapanothol na Ndo a pagalawnyan so mga taw sii sa ragat.---
  
  
  Pyanothol inan i Ima'm muslim.
  
  
  ------
  
  
  GYANAN I KAARANGE O MGA TOOS A MGA ALA O BANGKIT.
  
  
  banda gyanan i phag meann o kyan-gankawn sa so bangkit a mga Ala na 10.
  
  

SO BILANGAN O KHAPAKAY A ZAMBAYANG SA JAMAAT

Geisller Bin Man

Salam kaka aleem?so dikon khapakay sokasambayang sa masjed opama na jamaat sikodarpa a da mapatpolo so tao ron?babnar a dikonkapakay?liwanagingka rakun anan?bslsngka o allah

Bgingka rakun sa daleel?manto na madakul a ingud a ipytindig iran anan

Like ·  · Unfollow Post · Yesterday at 5:50pm via mobile

•  
• 
  
  Aslam Yassin and 2 others like this.
• 
  
  
  
  Muhd Rayyan Hakem wa alaykom slm w w.
  
  
  Gyangkanan a pantag sa kadakl a khapakay a zambayang sa JAMAAT na daa NAS odi na dalil a marayag sa banyan anan myatndo a phoon sa Qur'an odi na phoon sa Hadiths.
  
  
  Sabap roo na myaka zozopaka san so tindg o mga Ima'm tano!!
  
  
  Paganay a tindg na :
  
  
  1- ayabo a khapakay a ZAMBAYANG SA JUMAAT NA so 40 a KADAKLIYAN A MGA JAMA.
  
  
  Gyanan i tindg o Ima'm Ma'lik r. ago so Ima'm Al-sha'fie r., go lomalangkap a tindg o Ima'm Ahmad r.
  
  
  Aya dalil iran na : ayakon a pagampaganay a itindg a JUMAAT saya sa MADINAH na aya kadakl o mga JAMA na 40.
  
  
  1- aya khapakay a ZAMBAYANG SA JUMAAT NA so 12 a kadaklyan a mga JAMA.
  
  
  Gyanan i tindg o Rabi'at bin Abdil rahma'n a Ustadh i Ima'm malik r..
  
  
  3- aya khapakay a ZAMBAYANG SA JUMAAT NA so 4 patkataw a kadaklyan a mga JAMA.
  
  
  Gyanan i tindg o Ima'm Abo Hanifa r.
  
  
  4- aya khapakay a ZAMBAYANG SA JUMAAT NA so 3 tlokataw a kadaklyan a mga JAMA.
  
  
  Gyanan i tindg o Ima'm Al-awza'ee r' a Ima'm o mga taw sa SHA'M. go isapn a anan a katharo o Ima'm Ahmad r'. go gyanan pn i pinili i Shaikhol Islam ibn taymiyya r'.
  
  
  Adnpn a salakaw san a mga katharo ogaid na gyanan i mas mabagr ko myanga aaloy a mga katharo pantag san.
  
  
  --------
  
  
  Na so oryan o kya ilaya ko tindg o Oman i isa san na kailangan na mapakaryag o Antonaa i mas maraniron so bnar.
  
  
  Si shaikh ibn ba'z na aya ifta iyan na sii mas marani sa so 3 kataw a jama na kailangan na makazambayang siran sa JUMAAT.
  
  
  gyanan so tindig i : Ima'm Al-awza'ee r' a Ima'm o mga taw sa SHA'M. go isapn a anan a katharo o Ima'm Ahmad r'. go gyanan pn i pinili i Shaikhol Islam ibn taymiyya r'.
  
  
  Aya sabapyan na :
  
  
  - so jamaat na wajib a kitindgnon o mga taw sii ko Ingd, na basta a matimo so aya bilangan nyan na 3 kataw a mga JAMA na kailangan na mitindg iran so JUMAAT.
  
  
  - Sii sa basa Arab na aya pinaka minos a phmbthowan sa JAMAA ko kaaopakatiron ko mga Ulama sa Fiqhi a go Usolol Fiqh na 3 kataw.
  
  
  So gyanan i mas marani a tindg.
  
  
  ------>>
  
  
  KAILANGAN NA BASTA A MISAMPAY SO BILANGAN O JAMA SA MASGIT SA 3 KATAW NA KAILANGAN A ZAMBAYANG SIRAN SA JAMAAT.
  
  
  -------

" KOKOMAN O KASAPNG SA AWRAT O BABAY A MUSLIM "

• So muslim a babay na obligationyan so kasyapanyan ko kasapngi sii ko Awratyan.

  
  

  na basta a Obligation o manosya na ipagiza on o Allah sii sa Alongan a mawri.

  
  

  so Allah s.w. na pitharo iyan : ( وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلاَّ لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْأَيْمَانُهُنَّ أَوِ التَّابِعِينَ غَيْرِ أُوْلِي الإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ ) soraton no'r 31.

  
  

  Maana : ya Muhammad tharoang sii ko myamaratiyaya a mga bae a babaan iran so mga mata iran, go siyapa iran so pyamalongan iran, go diiran prinayaga so mga parahiyasan iran " awrat iran " inontabo so kalalayaman a phkailay ron, na go sapngn iran so mga kombong iran siiko lig iran ago rarb iran, go diiran phaki ilain so mga AWRAT go parahiyasan iran inontabo siiko mga karoma iran, odi na so mga luks iran, odi na so mga luks o mga karoma iran, odi na sii ko mga wata iran, odi na sii ko mga wata o karoma iran, odi na sii ko mga laki iran, odi na sii ko mga wata o mga laki iran, odi na sii ko mga wata o mga pagariiran a mga babay, odi na sii ko datar iran a babay, odi na sii ko kamimilikaniran "oripn iran", odi na sii ko tomataalok kiran a mga mama a dikiran khafitna, odi na sii ko mga wata a di iran katawan i kaphakafitna o bae, go diiran phphakadalpka so mga palo o mga tinilas iran odi na talompa odi na sandal iran a khapayag iyan so mga manis iran, na thawbat kano sii ko Allah hay myamaratiyaya ka angkano makaapas.

  
  

  Sii sangkanan a ayat na myatimblon so mga taw a khapakay maka ilay ko awarat o bae a mayto " mayto a awrat kna oba so mala a awrat".

  
  

  Go myasabotompn so kipapaliyogatn ko bae ko kasapnginyan ko awratyan ko salakaw san a mga taw.

  
  

  Maana : HARAM so kasayai o bae ko awratyan sa salakaw sa mya aloy anan.

  
  

  so rasolollah s.a.w. na pitharo iyan : ( "صنفان من أهل النار لم أرهما قوم معهم سياط كأذناب البقر يضربون بها الناس ونساء كاسيات عاريات مميلات مائلات رؤسهن كأسنمة البخت المائلة لا يدخلن الجنة ولا يجدن ريحها وإن ريحها ليوجد من مسيرة كذا وكذا". ) pyanotol i muslim.

  
  

  Maana : Dwa ka classi ko mga taw ko naraka a " phamaka suldon" a daaknpn mailay samanya !

  
  

  mga taw a khiya awid sa lambit a datar o mga ikog a sapi na dii iran oto ipamntol ko mga taw.

  
  

  go mga babay a khikatatalndyan , kindiditar sanditarn a phagalong, odi na mitotoladyan so isosolniran ko mga lawas iran.

  
  

  aya phagosarn iran mga kasangkapan ko bokiran na so phagosarn o mga darwaka mga babay " mga cristian, mga artista ", na diiranpn ipamandao ko salakaw kiran.

  
  

  na adn oto a phphornn iran so mga bok iran sa datrdn o bato bato a sapi.

  
  

  na disirandn phakasold ko SURGA na go diirandn khabaw so kanayo na go kamot o bawnyan, inangin o di so kanayo o kamotyan na khabaw sii ko aya kawatanyan na. 50000 year ko kya aloy nyan ko pd a hadiths.

  
  

  Gyanan i balas iran o mawafat siran a dasiran makathawbat sii ko Allah, opman o myaka thawbat siran, na mya aloy o rasolollah s.a.w. ( التَّائِبُ مِنَ الذَّنْبِ ، كَمَنْ لاَ ذَنْبَ لَهُ ).. dorrect a tigi ima'm Alba'ni.

  
  

  Maana : so myakatawbat phoon ko dusanyan na datar bo o daa dusanyan.

  
  

  So mga babayami a mga tataid a khipagaadatan, kalknyo so Allah a kadnanyo, na thawbat kano ko danyopn kaadapa ko kadnanyo a phagizaankanonyan ko sarig a inisarigyan rkano.

  
  

  Dadn a lagid a mataid o bae a phakasold sii ko sorga.

  
  

  So kataid sii ko donyan na phkhada na go phkhaloks na so kataid ko along a mawri na tatap sa dayon sa dayon.

  
  

  So mapya ko donya, go injoyment sii ko dnya na di khatatap, na aya panamarinyo na so injoyment kapakapipiya a ginawa sa dayon sa pakataman sii ko Surga o Allah.

  
  

  wassala'm alykm w w.

_" SO KOKOMAN O DII KANGGALBKANA O PALAYA BABAY ( Lesbianism ) "_

So Islam na agama a Tantonyan a inator so dii kapagintaw o mga taw, na andadn i kalawani iran sii ko limiti a inibgay kiran o Allah a ayairan pagokitan na sigoradodn a aya resoltanyan na so marata a ondas na go bobolos sii kiran sii ko dunya na aya mala na kapakadapanas sii ko Alongan a mawri.

apyapn aya kaiilayaon o manosya na mapya oto sii rkanyan na sabnar a mariribat skanyan kagya so manosya na tanto a maninit so phkharampayan ko diinyan kapamimikiran na aya thitho a matao sii ko mapya ko manosya sa ginawanyan sii sa dunya na go sa alongan a mwri na so Allah a skanyan i myadnon.

Sabap san na isa imanto a awida akal a mababaak o mga kangodaan a mga bagowataw na gyangkai a phmbhthowan sa " السحاق".

_ aya maana a " السحاق" na skanyan so dii kanggalbkana o dwakataw a palaya mga babay ko datar o diing golaolaan o kharomai, a mama na go babay.

_ sabap san na antonaa i kokoman o Islam ko lagidanan a diinggolaolaan o dwakataw khapakay anan antawaa ka di ????

Answer : Gyanan a Datar anan na pyaka Haram anan Islam a galbk, a pd anan ko myamakalala a Dusa, a kailangan na so Diron diinggolaola na thawbat sii ko Allah sa thitho a kathaobat..

pitharo o Allah sii sa so'ratol mu'menoon : ( وَالَّذِينَ هُمْ لِفُرُوجِهِمْ حَافِظُونَ إِلَّا عَلَى أَزْوَاجِهِمْ أوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ فَمَنِ ابْتَغَى وَرَاءَ ذَلِكَ فَأُولَئِكَ هُمُ الْعَادُونَ ) a'yat 5-7.

Maana : ( go so siran oto a mga taw a sisiyapn iran so pyamalongan iran " sa baadn a phphakaosaron " inontabo so mga karoma iran, a go so kamimilikan iran "bisaya iran" ka disiran roo khadaway. 

na sadn sa taw mbabanog odi na mloloba sa salakaw sa dowaanan " a myahalalon so pyamalonganyan a kaosaranyanon san " na siran man oto so mga taw a myamanobra " ko mga pyakaharam o Allah, na go riminido sii rkanyan. 

Gyangkai a ayat na marayag a kiyapaka harama on o Allah o ba so bae na dii makinggalbk ko dataryan a babay, ka gyanan na malaanan a dusa sii ko Allah.

note:

- gyangakai a datar aya a dii kanggalbkana o palaya mga babay na mala a khirarad iyan a marata sii ko dowakataw a diiron galbk.

- sii ko lawas iran a dwakataw na adn a raradyanon a marata sa datar o kattpngiron.

- sii ko kagdam iran a dwa na adn a raradyanon a marata, ka khapakay a sanaan oto o dwakataw sa disirandn makipangaroma ka pakikababayaangkiran oto o shaitan sa dadn a magdamiran a babaya sa kapaki pangaroma, a gyanan i thitho a khatoonan ko kapipiya ginawa pantag ko datar anan a kotika.

- tanto a anan a paawing o babay. so skamiron a mga mama na o manug ami so babay a dinyan anan diinggolaolaan na apya i kaphakhababayai amiron na khizambion na ikharzik ami.

Na so mga babay ami a tanto a myamangibolog sangkai a galbk na thawbat kano sii ko Allah ka mataan sii ko Allah ka malaanan a dusa a dinyo anan dii manggalbk, na kapdiinyo so mga ginawanyo ka skano a mga bae na tanto kano a phiphorongan o Islam na dinyo phphakarondana a ginawanyo sa mga datar anan a mga galbk a pyamaka sisingay.

Thawbat kano sii ko Allah ka aya katharo o Allah na : ( يا ابن آدم إنك ما دعوتني ورجوتني غفرت لك على ما كان فيك ولا أبالي يا ابن آدم لو بلغت ذنوبك عنان السماء ثم استغفرتني غفرت لك ولا أبالي يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيك بقرابها مغفرة ) correct a hadiths a tig i ima'm al'alba'ni.

Means : Hay moriyataw o A'dam! na mataan a taman sa diikaraknpn dii mamangni sa rila na go dika rakn dii mangangarapan sa karilai akn rka na prilaangko skan sa diyakndn plilingain i myandusangka.

Hay moriyataw o A'dam! na apyapn misampay so dosangka sii ko antar o langit na oryanyan na mamangnika rakn sa rila na rilaan akn ska sa diakndn plilingain so myandusangka.

Hay moriyataw o A'dam! mataan a o magapaska rakn sa aya mandodosangka na bangkabo da mapno so lopa sa kadakl iyan a dusa na mayagapas ka rakn a daakongka panakoton sa maytobo na ibalak akn rka mambo so babo da mapno so lopa a rila.

Allaho Akbar. Allaho Akbar.

Dadn a lawan o Allah a malai gagaw na go mala i limo ko mga Oripnyan.

ya Allah na relai kamingka na go siingka pakathikhnaa so mga puso ami sii ko babaya sii ko simbaami siirka na go kagwad ko kasopaka rka na go kaongkirarka.

Allahomma A'meen.

" SO DU'A KO KASUJOD KO KAPHBATIYA SA QUR'AN "

- So du'a igira a sujod ta sa sujod al-tila'wa :

( سجد وجهي للذي خلقه وصوره وشق سمعه وبصره بحوله وقوته )

SAJJADTO WAJHIYA LILLAZI KHALAQAHO, WA SAWWARAHO, WA SHAQQA SAM-AHO, WA BASHARAHO, BI HAWLIHI WA QOWWATIHI.

Maana : inisujod akn so paras akn sii ko myadnon a skanyan i miphyapyaon, na pyakambknyanon so pamamakin-gan ko kapakailay sa minggolalan ko gaasyan nago bagryan.----Go Mapya a isompatkawn aya :

( اللهم اكتب لي بها عندك أجراً، واجعلها لي عندك ذخراً ، وضع عني بها وزراً، واقبلها مني كما قبلتها من عبدك داود عليه السلام )

ALLAHOMMAKTOB LI INDAKA AJRA, WAJ-AL LI INDAKA ZAKHRA, WADA' ANNIY BIHA WIZRA, WAQBILHA MINNI KAMA' QABALTAHO MIN ABDIKA DAWD ALAYHISSLA'M.

Maanna : Ya Allah na soratn ka rakn sabap rkanyan so balaska, go baloyangkarakn skanyan a tyakap, go pakadaangka rakn sapap rkanyan so dusa, go tarimaanka rakn skanyan sa datar o kyatarimaankaown ko oripn ka a da'wd alayhessala'm.

----

--" BANDINGAN KO PANARIMA "--

_ " SO PHITHAMANAN A ANTAP KO DONYA ( الغاية الغايات ) "_

Repost :

Antonaa i phithamanan a antap a sogoan o Allah ko mga muslem a kailangandn so katantowa iranon ? ?? 

_ Sii sangkanan a pakaiza na so mga pd ko mga lantasan i pamimikiran ko mga muslim na myarebat ko kyasabotanyanon, aya oto a ini smbagiran sangkanan a pakaiza na tigiran a so kapakatindga ko kadatu o mga muslim maana shari'a islamiya (إقامة الخلافة الإسامية ) sa sadn sa okit a kagagaawn!!!

Ankainoto anan rebat a tindg? antonaabs i thitho a smbaganan ??

_ Aya smbag anan na aya "phithamanan a antap a sogoan o Allah ko mga muslem a katantowa iranon" na so phmbthowan sa tawheed (التوحيد), so katantowa ko kapakaisaisaa ko Allah sii ko SIMBA go sii ko KABABALOYNYAN A KADNAN go so KATANTWAON KO MGA INGARANYAN NA GO SO MGA SIFATYAN a tyantonyan sa ginawanyan na go so tiyantoron o Rasolollah s.a.w. 

Gyanan i sabap a kya adn ko mga taw, na go gyanan i sabap a kyasogoa ko mga rasol, na go so mga nabi, na go gyanan i sabap a kinitoronn ko mga kitab.

phitharo o Allah sii sa qur'an : ( وَلَقَدْ بَعَثْنَا فِي كُلِّ أُمَّةٍ رَّسُولاً أَنِ اعْبُدُواْ اللَّهَ وَاجْتَنِبُواْ الطَّاغُوتَ ) soratol nahl 36.

Maana : Sabnar a siyogoan ami so oman i pagtaw sa RASO'L ka an masimba o mga taw so Allah " sa skanyambo " na go an mipilak nago kapaka watani so mga TAGOOT a mga phzimbaan a salakaw ko Allah.

Go pitharo o Allah : ( وماخلقت الجن ولانس الا ليعبدون ).... 

Maana : Daa ini adn akn sii ko mga jinn ago so mga manosya, inonta so kasimbaairan rakn.. so kapaka isa isaaran rakn ko simba.

--------------->>>

So katantowa ko tawheen " kapakaisa isaa ko Allah " na saya madadag so kadaklan ko mga mga muslim ipoondn ko oryan o tlo a masa a bithowan tindo o rasolollah s.a.w. a bithowanyan sa mapya a masa.

gyanan so katharo o Rasolollah s.a.w. : ( خير القرون قرني ثم الذين يلونهم ثم الذين يلونهم )....

Maana : aya mapya a masa na so masa akn na oryan na so talodogon oryanyan na so talondogon. 

gyangkanan a 3 a masa i phmbthowan sa " القرون المفضّلة " mga masa a lomalawan.

Oryan anan na mya adn o phimbarang a mga PANARIMA a khadadagan, na oman i isaon na adn a OLAWANON ayaon dii manolon, na myabisa so phmbthowan sa TAWHEED sa mbida bida a kyadadagan sangkai a mga groupo.

Sabp san na myapatot ko phithang gisa an ko mga muslem a masigorado iran a so PANARIMA IRAN na maka oontol na go knaba maapd sangkai a mga groupo a madadag so PANARIMA iran. 

Tatanodinyo mga pagariya a so paratiyaya tano sii ko Allah na aya onayanyan na so : KABABALOY O PANARIMA A LINANG daa sanin saningyan, na ophoon ayadn a mabinasa na so PANARIMA tano na dadn a okit oba maka apas so langowan a mga panagontaman tano a mga pipiya.

So inngka kano na go panamarinyo i katokawinyo ko CORRECT A PANARIMA ka gyanan i inam sa matarima rkitano so mga panagontaman tano na go makaapas tano ko mga galbk tano a mga pipiya.

-------------------

sopman so makapantag ko kapipiligro o mga groupo a myakasilay so mga panarima iran a aya kaiilaya iranon na siran i matatago sii ko bnar odi na aya katao iranon na siran i thitho a diinggolalan ko Islam na gyangkai a Hadiths o rasolollah s.a.w. : ( وإن بني إسرائيل تفرقت على ثنتين وسبعين ملة ، وتفترق أمتي على ثلاث وسبعين ملة ، كلهم في النار إلا واحدة . قالوا : من هي يا رسول الله ؟ قال : ما أنا عليه وأصحابي )...

Maana : Mataan so mga mbawataan o izraeel " mga yahodi " na myagroup siran sa 72 group, na go khagroupo mambo so mga Ummat akn sa 73 na langondn phakasold sii ko naraka, inotabo so sasatamanon!

tigiran a antona oto a gyoto a satiman hay rasolollah, na tigyan a : so aya okitiran na datardn o okit akn ago so mga sahaba akn..

_ samawto na so mga groupo a mabibinintay sangkai a masa a iphthompok iran a ginawa iran sii ko Islam na o aya okitiran na kanaba so okit a thitho o rasolollah s.a.w. ago so mga saha'ba na pdsiran sangkanan a phakasold sii ko naraka.

ilidas tanoron o Allah langon. A'meen.

wassala'm w w.