---------------------------------------------
So " SALAFIYYA" na madakl a diniyan aya kasasabotan o Antonai mapipikir saya!
Adn a phnggiraw a aya " SALAFIYYA " na Groupo anan a pd ko mga groupo o mga MUSLIM.
Adn pman a tigiyan a aya " SALAFIYYA " na giyanan so WAHHABIYYA .
Sa English a tigiran na ( SALAFISM ago WAHHABISM ).
> Giyanan a Dowa a katharo na dadn a basan bnar!
Aya phiyor a mapipikir sii ko " SALAFIYYA " igira a bitho skaniyan na ( MANHAJ - METHOD odi na SYSTEM - a mararangkomiyan angkai a tlo ka classi :
A- So Panarima ( AQEEDA or I'TIQA'D ).
B- So Simba ( IBA'DAH ).
C- So Kapakindolona - Paparangayan ( MUA'MALA'T wa SOLO'K ).
Antonai i mapipikir sangkanan a ( PANARIMA ) go ( SIMBA ) go (KAPAKINDOLONA - PAPARANGAYAN ) ?
- Aya Mapipikir san na so kapaka ayaon angkanan a tlo a miya aloy ko kiyanggola olaawn o mga SALAF AL SA'LIH!
A siran oto so Mga SAHA'BA go mga TA'BIEEN go mga TABIO AL TA'BIEEN go tlo a MASA a matitindos (القرون الثلاثة المفضلة ).
A giyanan so Inaloy o Rasulollah s.a.w. a tigyan a :
(( Aya Tindos a Masa na so Masa akn- a masa oto o mga SAHABA- Oriyaniyan na so phakatalondogon - a Masa oto o mga TA'BIEEN-, Oriyaniyan na so phakatondogon - a Masa oto o mga Ta'bio Al Ta'bieen )) Sahih Bokhari go Muslim.
>> Sabap san na ayabot san na giyangkai a khaaloy :
1- So " SALAFIYYA " na kna oba Groupo ka MANHAJ " SYSTEM" a mararangkomiyan so kapagintaw.
2- Aya Mapapadalm ko ( MANHAJ a SALAFIYYA na so tlo : PANARIMA, SIMBA, KAPAKINDOLONA ).
3-Aya Mapipikir ko ( SALAF AL SA'LIH ) na so ( MGA SAHA'BA go so mga TA'BIEEN goso mga TA'BIE AL TA'BIEEN ).
4- Sa taw a aya kdgniyan angkanan a tlo a miya aloy a mapapadalm ko maana o MANHAJ a " SALAFIYYA" ko kiya okitiron o mga SALAF AL SALIH na khapakay a bthowan skaniyan sa ( SALAFIY ). bapiya antonaa i katatago anon a ingd go bapiya antonaa i classi niyan a taw.
5- Sa taw a ayabo kdgiyan sangkanan a tlo a mararangkom a maana o ( SALAFIYYA ) na satiman, odi na dowa timan, na ibagakiyan so pdiyan na knaba skaniyan phiyor a maka kkdg ko okit o mga SALAF AL SA'LIH.
6- Sopman so WAHHA'BI na igira inaloy sangkai a masa na aya phagosar san a WORD na so mga Groupo a Phkhararangit ki SHAIKH MUHAMMAD BIN ABDIL WAHHAB r.t. a miyoyag sii ko linang a AQEEDA o mga SALAF ko oriyan o kiyalalamngiron o phithibarang a mga PANARIMA miyambago sii ko ISLAM.
Na aya katanto niyan na daa ba Groupo a miyathaong angkanan a SHAIKH a ba bago a groupo sii ko islam ka ayadn a inoyagiyan na so MANHAJ o mga SALAF AL SA'LIH.
Aya Dalil san na so mga Kitabiyan a inipanoratiyan na dadn a bawn khatoon a baniyan masosopak so MANHAJ o mga SALAF balabawron sii ko ( AQEEDA ).
7- Pd pn a khasabot san na Basta a Muslim a Ribat i Aqeeda na knaba phiyor a SALAFIY, go basta a Muslim a di mapiya i Simba na knaba phiyor a SALAFIY, go Basta a Marata i kapakindodolona na knaba phiyor a SALAFIY, go Bastaa a marata I olawla odi na parangay na knaba phiyor a SALAFIY.
8- So SALAFIY go so SUNNIY odi na AHLU SUNNAH na dowa a katharo na isa a mapipikiron ! ka aya phiyor a AHLU SUNNAH WAL JAMAA na so mga ( SAHA'BA go so mga TA'BIEEN goso mga TA'BIE AL TA'BIEEN go PHZONGKAD O MANHAJ IRAN ).
وصلى الله على سيدنا محمد وآله وصحبه وسلّم
