PANANAROON SA KAPHAGINTAO 

AYA LADO DONIYA NA BATAWMBO SIYOGO, NA MALOGI SA MALABA NA MANDOD BO SANG GANATAN. KANOGONO KAADENA BA MATAG 
SOMIYAGAD KO BAYAMBAYANO ALAM NA MAWLAY BO SO GADONG NA MENDOD BO SANG GANATAN, SAWANG SO MANOSIYA A MATAG SOMIYARIGID KO SENDILO KABASARAN NA MARONOT SO RAMBAYONG NA MENDOD SA THARIKODAN, KA TANANTANODEN SHAGAD KO WARA ANO KADALONG SA DADALIYNG KARGAN. AYA KARGENIYAN NA AMAY DEN KA MINAYON SA MIYAPASAD INGED KA PHANGOKOM SO KADNAN NA DEKNA O BANDORAT NA KABANTAYANDENO TAW A PHEMBOGABONG SE BADAN NA PHAGAWLAN SE BAGO, KA DAA SOROTA IMAN NA DAA PAROWA REMBAR KA MARATA O BENGKELA NA KORANGO ANGKOLASI, KA GIYOTO SO MIYONGKER KO PANDOANO KADANAN, SALBO DANGARIMBANG NA KENA O BA PHAKANDOD SA DONIYA INISAYAN NA OMBESO DEMARGEN SO KASENDIT SA ORIYAN A PAKAMBOKOR SA DAREMA DADENA MATAORON A ROWAR BO KO KADNAN A TOHANA ISA-ISA. INA O MANOSIYA NA PHORONGKA NA PHYAKA KO DONIYA PAKABIMBAN KA INO BANGKA DISABOT A AYA LADO DONIYA NA INGEDA KAMBOKOAN KA AANDAYAN SA TEPENG O KADNAN A DAPHAYAG SO MGA ORIPNIYAN. AYA TIGO MADAMAN A MALA-ON SO DONIYA A INDADARIMBANGIYAN KA BOLAWANON SO MASA NA.
PAGONAYAN SO ALAM A SAPOLO RASAY TAON A DETA KHARAO GANATAN, KA KIYALAYAMAN A DAR, DALSAN SO DONIYA SIYAO SANSARA TAON NA DEMARAO TARIKODAN KA PHITHAGAMANA SERI, KA AYA TANGKA PIYANON NA ALAMATA DIMENDOD KO MIYAPASADA INGED

PANANAROON KO BTAD O DUNYA

NA O SA EMANTO AYA NA TIYURONAN SO INGUD SA GALAKAL A MUNTIYA

A IPKHAGILAGILA O MALAON SO DUNYA

NA PHORONGAN A KUNALUN A KARAYAGA KO AMAL

KA PAMIKIRUN TANO MAN NA DA KO BARANGKA ROPA I MATAG BARAYA MATA

KA DITA BO MIPMANIS SO LANGAS IYAN SA DALUM

NA AYA SIKAW RON SA DAR NA ANDAY NAMBARO TAO NA AYA DN KALABOWAN

RUK TA SO KAMBUKO A OKIT A KAUTANTANG A ROPA KAMBAOMANAN SA HADAPAN O KADNAN...!

MAKAMPUT A USAYAN KO SANGAN O MGA KANGODAAN A MGA MUSLEM:

alhamdulillahe rabbel a'lameen wabehe nastaeen wa alayhe natawwakal, wa baad  

so mga kangodaan i mababaloy a panginam o kaphagingd sa kindalomabeen ko ontol na kibansolat o rebat. skano i posu o pagtaw a o mabinasa na khasabapan mambo sa kakhaantyor o pagtaw ko masanyo.

sabap ko katatago o bagr ko mga kangodaan a mg...a muslem na makallbe siran ko allah adiso salakawkiran, pitharo o rasolollah saw : الْمُؤْمِنُ الْقَوِيُّ، خَيْرٌ وَأَحَبُّ إِلَى اللهِ مِنَ الْمُؤْمِنِ الضَّعِيف...ِ،

maana so ( mu'men a mabagr na masmapya nago phkhababayaan o allah adiso mu'men a malobay). saheh muslem.  

sabapsan na kailangan a makainunkakano a mga pagariami a mga kangodaan a mga datu nago mga bae, ka so ingdtano na matatago sa darainon na kalilipatan o kadaklan a adn a kabnaron o ingdiyan nagoso pagtawnyan na aya mala naso agamanyan.

so kangongodairka pagarikolay, so kababagowatawirka babayami na ipagizarkaanan o allah sa alongan a mawri, pitharo o rasol saw: لَا تَزُولُ قَدْمَا عَبْدٍ يَوْمَ الْقِيَامَةِ حَتَّى يُسْأَلَ: عَنْ شَبَابِهِ فِيمَا أَبْلَاهُ، وَعَنْ عُمْرِهِ فِيمَا أَفْنَاه

maana: (didn malkat so palo o orepn "manosya" sa alongan a mawri odiron miiza so kangodanyan o andanyan inosar, goso kaoyagoyagyan o andanyan pyakazanaw).  

sabproo pagarikolay na sii sangkanan a hadits na marayag a ipagizarka o allah so kangongodairka na antonaadn i indaawangka ko allah a inadnkanyan sa arta a mbebeabeatan, LAILAHA ILLALLAH.  

mga pagari ami tanodantano ka so ingd tano agoso pagtaw tano na makarorondan ko mga redoaytano na tamandn imanto na dadn makaapas so panagontaman o mga pagaritano a makaiinungka ko btad a makapanganganay sa kiplabemombow o agamatano sa mikokom ko pagltltan o mga muslem sa philippinas so kitab o allah, kagiya aya sabap na so kandadarainon o kadklan ko mga taw na aya mala na so mga kangodaan, maphmbasa imanto so katharo o mga lukstano a tegeran a:

(INUNGKAKA MADAMAN KA USA IMANTOAYA NA MYAPRAWA SO TAW SA KIYASABAYAN KAMI KA MINDARAINON KANO NA KANOGON O SADAON A PHAGORAON SA TILA NA BADN KANOGON O LO' A PHZAOD SA PATOLA A IKHAYA NA IKHADA A IKHANANAM O BANSA ) na mga pagariami na PLILIMOGAWKANO ka baamay ko zalgan a daa paro a rembar na daa sorot a iman.  

mga pagariami mamagopatano sa kaalin o batadtano ka odi sketano a mga kangodaan i magonay sa kabangon o maratabat o ingdtano nagoso pagtawtano na aya mala naso agamatano na daa ba tano nanayawa a pagalin ko btad tano, pitharo o allah sa qur'an :( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ) maana: mataan aso allah na dinyan pagalinun so mambbtad o pagtaw taman sa diiran alenun a ginawairan.  

aya marayagsan na misasankot ko mga taw so kakhaalin o btadiran sii ko mapya phoon ko marata, na pananggilaan tano i basiirketano misangkot so di kaphthagompya o btad tano,odi na ba sii rkitano misndit so ditano kaphakaapas.  

na aya step tano sa katabangitano ko ingdtano nagoso pagtawtano na kataya:

1) paganadn tano so agamatano, ka izan a maratai paras oba dii matharo a skitano na mga kangodaan a mga muslem na  maiignoratetanobo ko agamatano a thatharoon tano a skatano i pagtawnyan, sarta a maarptano so kapakamangoawnyan.

aya bnar na sadn sa kalaakaon i sabot na kalaakaon i awidaakal nago panagontaman sa magoradoradtano sii ko antai malai masagabyan a ilmo sangkai mga wasyat o mga pagaritano.

batadilabawron mga ariyami so pantag ko "AQEEDA" odi na "PANARIMA" kagiya gyanan i capital o manosya a ophoonon madadag na makaphamagonota so langon o mga galbkayan mga panagontamanyan a mga pipiya.  ibarat o phakaibarat sa kayo na aya bkaw o paratiyaya naso AQEEDA na ophoon so bkaw o kayo na aya mabinasa na apyapn i kharimpoong ko kayo na gophoon sambr sa mabagr na khilamps angkoto a kayo ka ayanyan foudation na so bkawnyan na mandn anan so kiphapantagn o AQEEDA KO PARATIYAYA. sii sangkai myadadag so kadaklan ko mga pagtaw a mga muslem a myanga oona na tamampn imanto.  

2) indaldalmtano so btad o pgtawtano nagoso ingdtano nagoso agamatano ko kapakambbtadyan ko mga ingdtano ka antanonyan masogo ko kapanagontaman.  

3) nggalbktano sa sadn sa batanoron khagaga, sa nggolalan sa ginawa odi na tamok odi na katharo odi na pamikeran, sa ogopantano so mananamar a makaoontol ka kalokalo na isabapon o allah so kapaapas tano na opman o batano di phakaapas na aya pinakaminos na diraktano khisomarya sa alongan a maori.  

wassalam.  

matag aya makampt a osayan na phkhasomptambo o mga pagarinyo inshaall

SO BAE A PAGAMPAGANAY A MYASHAHEED KO ISLAM:

Skanya so SOMAYYAH BENT KHAYYA'T ommu amma'r.

so SOMAYYAH na aya btadyan na kamimilikan skanyan o abu jahl, na gowani a makaoma so islam na myagislam skanyan agoso darodopaiyan a" YA'SSER' agoso wataiyan a si AMMAR.

nasodn so kyatokawiron o abujahl sa myagislamsiran na pimarataanyansirandn nago phsiksaanyan siran.

na aya iphkhidianyan kiran na phphatongnyansiran sa aagagnyan siran sa alongan s ataman sa makapagataat sirandn ko kitataralo o kayao o alongan nago so katataralo o kawaw. 

so nabi saw" na phzagadnyan siran sangkoto a ikikidiakiran angkoto a mama a redoay o allah sa kitataralonyan ko kaphziksaanyan kiran na s a taman sa mamadogayasdn so mga rogoiran siiko mga lawasiran na mga oopakdn so mga mudoliran ko kitataralo o kawawiran, na mga kikisidn so mga kobaliran ko kaphphakatanaon angkoto a bontol a diikiran ipranug, naso alongan na lomalangga ko kaporoaniran.

na lagid o phkharonggos a bago o rasolollah saw' sangkoto a mambbtadiran na diinyan kiran matharo a: { aynaw zabarkanodn hay familiya o ya'sser , zabarkanodn hay familya o ya'sser ka mataan a ayadn a iphphasadrkano naso sorga!! 

na mapakagdam angkoto a mga katharo so mga pamamakinuganiran, na sad ii maka phapakorot so mga pusoiran sa babaya nago kasosonor sangkoto a mga katharo o rasolollah saw' a giyoto so kipagaadiln kiran ko sorga.

na andadn I kailaya roo o abu jahl a fir'aon angkai a ummat o rasolollah saw' na tkawanisiranpman sa magomanoman angkoto a ganinyan kiran sa pakithaktapyan so kaphziksaa kiran, na diinya tharoon a: PAMANINTAANYO SO MUHAMMAD AGO SO KADNANYAN na dadn a bairan phnggolaolaa inonta na so kathithiknairan nagoso kazasabariran sa diirandn oto phamamakinugn, na aya diinggolaolaan o abujahl na songowanyan so SUMAYYAH na gagalbkananyan sa ropaan a pakarorondanun n ataman sa bayangkawanyanbadn a pyamalongan o SUMAYYAH na mintayakdn so rogo o ankoto a bae a malai paratiyaya ko allah na minikhayambradn so sapoiyan na dii makaplalisa a phphamangni sa tabang. Nasi karomanyan agoso wataiyan na mapapatongsiran sa bairandn kathatawdi angkoto a maoolaola o rintangi o pusoiran.. 

na so abu jahl na diinyan siran ipamaninta na go diinyan siran pamakakapirn aso SUMAYYAH na dii sarakal mawt na sarta a phnggiraw a { ALLAHO AKBAR, ALLAHO AKBAR}. Sa maiilaynyandn a kaphphangapopotol a gusokyan s ataman sa myawafatdn skanyan sangkoto a kinitaralo o kyasiksaaon .

lailaha illallah.:'(   Gyanan so kyzinagadan o isa ko mga bae a mithikna ko pusoiyan so babaya sii ko allah sa danyandn solindern so paratiyayanya apyapn aya sambeiyan naso daa lagidiyan a kapakarondan sii sa dunya…

oway mayawafat skanyan..na apyapn myarasay na sayana a mapya so kyawafatyan ka masosoaton so kadnanyan na go thihtikna sii ko paratiyayan ko agamanyan.

note:

BATYAANYO AYA MGA BABAYAMI NA NGGDAGDAANYO SO KYARASAY ANGKAI A BAI SA PARABO O KO BABAYAIYAN KO ISLAM NAGOKANO PROGOROD KO MGA GINAWANYO O ANDATAMAN I PANAGONTAMANYO NAGO BABAYAIYO KO ALLAH NAGO SO AGAMANYAN... allaho akbar.

SO KIPOROON KO MBALA A LIMA SII KO ORIYAN O SAMBAYANG A PARALO NA BID'AH

Adn a sabaad ko mga pagariya a miyamaganad sa Ilmo a aya kabasa iran na adn kon a mga Ulama a Salaf sa masa imanto a paka rarata-aniran so kanodowa-a sii ko Oriyan o Paralo a Sambayang.

i say:

[ Paganay ron na aya mga Salaf na so mga Ahlussunnah Waljama'ah ]

Angkanan a katharo na maka liliyo sa goris, dad'n a Ulama a Salaf a ba niyan pitharo a Marata odi na Bid'ah so kandowa-a sii ko oriyan o Paralo na ka piyagayonayonan so kababaloy o kandowa-a sii ko oriyan o Paralo a Sunnah.

na so katharoa sangkanan a katharo na makasisilay, na di kailangan sa s'mbag ka tanto a marayag so kariribat yan, opama ka b'nar na toro-on yan i Kitab a kiyabatiya-aniyanon a Bid'ah so kandowa-a sii ko Oriyan o Sambayang.

pakambida-an tano so Kipuroon ko lima a go so kandowa-a.

Aya piyakarata na so kipuro-on ko dowambala a Lima sii ko oriyan o Paralo a Sambayang sa kandowa-a, ka giyanan na Bid'ah.

http://www.binbaz.org.sa/mat/10191

na Pitharo iran:

[ So kapakararataa o saba-ad a mga tao ko kiporoon ko mbala a lima sii ko kandowaa ko oriyan o sambayang na DADUN a bayranon Dalil a phoon sa Qur-an ago sa Hadith odi na sa IJMA a ba inisapar o Nabi so kiporoon ko Lima sii ko kandowaa ko oriyan o sambayang... dadun a dalil aba pitharo o nabi a diniyo phoroon a mbala a lima niyo ko oriyan o paralo a sambayang ]

i say:

langon a Bid'ah mga oripn o Allah na da maaloy o Nabi "saw" oba Bid'ah, lagid o ka Celebrate sa Araw ng mga Puso na Bid'ah na ba miya aloy o Nabi "saw" a [ so Araw ng mga Puso na Bid'ah ] ???

so kiyapaka rata o Bid'ah na rangkom a Dalil yan...

pitharo o Nabi "saw" [ إياكم و المحدثات فإن كل محدثة بدعة و كل بدعة ضلالة و كل ضلالة في النار ]

maana: pananggila-i niyo so langon a phangibago, ka mataan a so langon a phangibago "ko agama" na Bid'ah, na so langon o Bid'ah na kadadagan, na so langon o kadadagan na sii ko Naraka ] hadith

go pitharo iyan pn : [ من عمل عملا ليس عليه أمرنا فهو رد ]

maana: sa tao a nggalbk sa galbk a da ko sugo-an ami "da ami manggalbk" na di thari-maan "da a bali niyan" ] hadith

na aya Dalil sa Bid'ah a angkanan a kiporoon ko dowambala a Lima sii ko Oriyan a Paralo a Sambayang na da nggalbka o Nabi "saw" go da nggalb'ka o mga Sahaba "ra"

so kiporo-on ko dowambala a Lima sii ko kapangni na sabap a kalbod a katarima-a ko pangni, na sii ko mga pd a kandowa-a na Sunnah a mipuro o taw a dowambala a Lima niyan ka an malbod a katarima o pangni niyan, knaba aya maana o Lalag na so kapangni na kailangan na mipupuro oka a Limangka.

Aya kiphoro-on sa Lima na sii ko mga pd a Masa.

miya aloy sa Hadith

كان النبي -صلى الله عليه وسلم- إذا حدث حادث رفع يديه ودعا، وهكذا إذا طلب منه بعض أصحابه يدعو رفع يديه ودعا عليه الصلاة والسلام، ودعا في الاستسقاء ورفع يديه عليه الصلاة والسلام

so Nabi "saw" na igira a adn a miya olawla na ip'phuro iyan a dowambala a Lima niyan na dii ndowa-a, go igira a piyangni ron o mga Sahaba "ra" a kapamangni niyan ko Allah na ip'phuro iyan a Lima niyan, go sii ko Salatol-istisqa "kapamangni sa oran"

Na so sii ko Oriyan o Paralo a Sambayang na dad'n a miya aloya a Hadith oba so Nabi "saw" na ini puro iyanon a dowambala a Lima niyan, taman sa kiyapatay niyan na da niyan dn mi puro a Lima niyan ko Oriyan o Sambayang a Paralo.

na knaba aya maana niyan na dika ph'ndowa-a, ph'nodwa-a ka ko oriyan o Paralo na dingka phoro-on a limangka ka gyoto i Sunnah a inokitan o Nabi "saw"

na so p'tharo sa so kipuro-on sa Lima ko oriyan o sambayang a Paralo na knaba Bid'ah na b'gay sa Dalil a phoon sa Hadith a so Nabi "saw" na ini puro iyan a Lima niyan ko oriyan o Paralo!!!

ka giyanan na Simba, na sii sa Islamic Ruling na so mga Simba na aya paka asal yan na Haram taman sa da a maaloy a Dalil sa kiya baloy niyan a pd ko Agama.

الأصل في العبادات التحريم حتى يرد دليل

So p'man so miya aloy iran a Qa'idah a kataya skaniyan:

إن العام يبقى على عمومه حتى يرد دليل بالتخصيص

Maana: "So Dalil a Romarangkom na didun maririntas a kababaloy niyan a rangkom sa taman sa daa makagumao a dalil a KHAS a mbatalun iyan so kapakararangkom o Dalil a AAM."

i say:

Bnar anan, na adn man a Dalil ka giya angkanan a piyagosay tano sa Puro na maliwanag anan a Dalil.

aya Dalil a Khas "Map'p'nto" na giya angkanan a so Nabi "saw" na da niyan puro-on a Lima niyan ko oriyan o Paralo.

So kababaloy o kipuro-on ko Lima a sabap a katarima-a ko Pangnin na 'Aam, "rangkom" na miya p'nto "khas" so oriyan o Paralo a Sambayang sa angkanan a Rangkom "Aam"

NOTE: Aya lagid anan sa Kokoman na so Khotba sa Jum'ah, Bid'ah mambo so kipuro-on sa Lima ko kandowa-a sii ko Khotbah sa Jum'ah.

----------------------------------------------------------------------------------

KATAYA SO DALIL O SABA-AD A SOKON SO NABI "SAW" NA IP'PHORO IYAN A LIMA NIYAN KO ORIYAN O SAMBAYANG, NA DI AYA KHAPAKAYAN A DALIL, SA KATAYA SO RAYAGAN YAN:

Pitharo iran:

[ Miyakathitayan ko Mohammad Bin Yahya Al-Aslami a pitharo iyan a miyailay akun so Abdullah Bin Az-Zubayr a adun a miyailay niyan a mama a ipoporo iyan a mbala a lima niyan (sa gii niyan di kandowa'a) sii ko da niyan pun kapasada ko sambayang iyan. na sii ko kiyapakapasad iyan (zambayang) na piharo iyan (so Abdullah Bin Az-Zubayr): "mata-an a so Rasolollah (s.a.w.) na diniyan dun iphoro a mbala a lima (sii ko kandowa'a) sa taman sa gii niyan mapasad so sambayang iyan." ]

قال السيوطي في رسالته فض الوعاء: رجاله ثقات

I say:

Aya pitharo iyan na [ mata-an a so Rasulullah(saws) na di niyan dn iphoro a mbala a lima (sii ko kandowa'a) sa taman sa gii niyan mapasad so sambayang iyan ]

ino ba aya maana anan na makapasad shambayang na iphuro iyan sa direct a Lima niyan?

ika dowa: gya Hadith anan na da Maka tana, Paralo o Sunat.

ikatlo: gya angkanan a Hadith na Dha'if a Haith, di khapakay a i Dalil ka Dha'if.

Bnar a Pitharo i Haythamie a go si Soyotue a gyanan a Hadith na so miyamanotholon na mga tao a Phanga sasarigan.

na pitharo i Albanie ko kitab yan a [ سلسلة الأحاديث الضعيفة ]

gya angkanan a kiyatharo a san i Haythamie a go si Soyotie na Marayag a Karibatan.

ka giya Hadith anan na knaba Pure oba Hadith, di anan bnara Hadith [ لا يثبت ] Dha'if a Hadith.

sa dowa a Sabap yan:

1. so Sanad a Hadith anan na ndodon si Al-Fodhayl ibn Salman a Malobay i Hadith, Dha'if i Hadith

pitharo i Dhahabie ko Al-Moghnie [ si aki anan na malobay i Hadith ]

pitharo i Al-Hafidh sii ko Attaqreeb [ si aki anan na miyakadakdakl i karibatan ]

2. si Tabranie i miyanothol sa Hadith anan na so Shaikh yan a inaloy niyan a si Solaiman Al-'Attar na [ Majhool ] maana : di katawan o antaa!!!

na so Majhool na di khatarima so Hadith yan.

so Hadith a p'phaka po-onon na Dha'if a Hadith na basta a Dha'if na di khapakay a iph'ndalil ka knaba pure a Hadith.

Sabap san na miyaka rayag a daa ba Hadith a miya aloy oba so Nabi "saw" na ip'phoro iyan a Lima niyan ko Oriyan o Paralo a Sambayang na so kiporo-onon na Bid'ah.

o p'tharo-a o tao i bgay ka mambo sa Dalil sa Qur-an a go Hadith sa giyanan na Bid'ah, na tigakan:

Langon a bid'ah na aya Dalil yan sa kababaloy niyan a Bid'ah na "da nggalbka o Nabi "saw" na di khapakay a gomiraw so tao i bgay ka sa Dalil a giyaya na Bid'ah, skiyan i b'gay sa Dalil a gyoto a galbk na pinggalbk o Nabi "saw" ka o maka bgay sa Dalil sa miyanggalbk oto Nabi "saw" na osto a knaba Bid'ah.

Na langon pimbago ko Agama, go sii ko mga Okit a kasimbaa ko Allah a da nggalb'ka o Nabi "saw" na Bid'ah.

Pitharo o Nabi "saw" [ so langon a pimbago na Bid'ah na go so langon a Bid'ah na Kadadagan na go so langon a Kadadagan na sii ko Naraka ] hadith

he said: langon a pimbago = maana: so galbk a daniyan nggalb'k

ANTONAI WAJIB KO MANOSYA SII KO KISAMPAYRON O SOGOAN O ALLAH !!!

ANSWER: 

__ Adn a pito a lakadan a kailangan o muslem sii ko kiraoton odi sii ko katokawinyan ko sogoan o allah :

1) so katokawi na go kaknala sangkoto a isosogo o allah: so allah sw" na pitharo iyan: { kanalangka a mataan a daa kadnan a inonta so allah }. suratol muhammad (19). sii sangkai a ayat na inisogo o allah sw" sii ko nabi saw" so kapangnalyan nagobo so simba ko allah sw. aya sabap anan mga pagari akn ko islam na kagiya mataan aso kaignorantii sii ko pantag ko AQEEDA na dii imbagay a logar sii ko mga tao, madakl a mga ayat sa qur'an a iniropanyan a mataan a madakl sii ko mga taw a myanga oona aya sabap a kyadadag iran na sabap ko dairan kapangnal ka sadn sa olaola o mga luks iran na ayairandn itataros na dairandn oto pangnala o ino rebat oto antawaa ka korek!!

2) so kababayai o muslem sangkoto a sogoan o allah a kyatokawanyan: aya sabap aya na so shay a di khababayaan o manosya na mawatan sa di patot obaron miramig so managontamanyan, so rasolollah saw" na pitharo iyan: { da makomplito so paratiyaya o isarkano taman sa di maskababayaan akonyan adiso wataiyan ago so mga luksyan agoso kalawangowan o mga taw } al-hadits. so babaya ko rasolollah na aya katantonyan naso kababayai ko nganin a minitalingomanyan a mga sogoan na go so kikagowadn ko nganin a inisaparyan!!

3) so kitangkdnyanon sa ipnggolalanyan angkoto a sogoan o allah a kyatokawanyan: kaso kitangdn ka ko shay sa ipnggolalan ka na siidn ramig ko miphnggolalan ka oto, na aya kapya anan na ibarat o dingka minggolalan sa kyaalangangka a bapya antonaadn a pangalang na sabap sangko to a AZM ka kitatangkdn kawn nambalasangkaowdn o allah sa datar obangka mininggolalan..

4) sii ko oryan angkanan a kinitangkdn kawn sa panggalbknka angkoto a sogoan o allah sw" na ipnggolalan ka sa sadn sa diyangka a bangkaon khagaga: na siiko kinggolalanunun kasan na mayatangkdn a mininggolalan ka so sogaan o allah.

5) so kabaloy angkoto a kanggalbangka ko sogoan o allah a makaokit sa ikhlas ago makaayon ko kininggolalanunon o rasolollah saw" ago mga sahaba: pitharo o allah sa qur'an: { daa inisogo kiran inonta so kasimbaa iran ko allah sa magi ikhlas siran a tomithithosiraon..} al-bayna (5). go pitharo o rasolollah saw" :{ sa taw anggalbk sa galbk a knabaami oto isosogo na pag-ndod oto rkanyan " maana di khatarima apyapn oto mapya ko kaiilayanyanon }.

6) so kapananggilai ko mga galbk a mga rarata a phakaantiyor sangkoto a pinggalbkyan a mapya a sogoan o allah aw": na madakl anan i barangan, datar o kapakasiig, pitharo o rasolollah saw" : { pananggilainyo so kapakasiig ka mataan a so kapakasiig na phkhnyan so amal a mapya sa datar o kaphraraba o apoy ko makadg a itagon} al-hadits. isapn a pinaka marataon naso kapanakoto, pitharo o allah siiko rasolollah saw" : { opama ka panakotoka ya muhammad na mailangdn man so pinggalbk ka a mapya na go mabaloy kadn a pd ko myangalologi }. soratol zomar (65).

7) siiko oriyan angkanan mga lakadan a pinggolaolangka ko sogoan rka o allah na, aya pina last a step ka na kailangan na matatap ka sangkoto a mapya a galbk a ininggolalanka a soasoat ko allah sw", na aya kasangkapan san o muslem naso lalayon a diinyan kapangnya ko allah sa matatap skanyan ko simba ko allah nago so babaya ko onot rkanyan a allah..

wslm alykm w w... ^_^

SO MGA PUNTONTOSAN KO PANARIMA O MGA MUSLEM A AHLUSSUNNA WAL JAMAA.

title: so panarima a ontol , pakaiza nago sumbag!

lalan ko pinakamaporo a pangkatan ko surga!

1) so wata na miniza!

ama anda matatago so allah?

so ama: siiko langon o darpa na ron so allah ( wrong ).

sii sa langit ko poro o arshiyan ( correct )

pitharo o allah sa qur'an: Ba kano somiarig a so matatago ko langit agiyoto so Allah na diniyan rkano itambon so lopa na mitkaw skaniyan a tatagthrn a mabagr a linog? suratol mulk. (17)

2) antonaa i okit a kasimbaatano ko allah?

smbag: zimbaantano so allah sa datardn o kinisogooniyanon a kasimbaaon agoso kinisogoonon o rasolollah saw. a makararangko ko 1- kapagikhlas. 2- kisongkadn ko galbk ko kiniokitnon o nabi saw.

pitharo o allah sa qur'an: (Go da a inisogo kiran a rowar sa kasimbaa iran ko Allāh 2051 sa bonayonn iran on so pangni, odi na simba) surato bayyna (5)

go pitharo o rasol saw:(sadn sanggalbk sa galbk a ( mapya odi na simba) a knaba pd ko sogoanami a ( wajib odi na sunna ) na dion khatarima so galbkyan) al-hadits.

3) antonaa i mga bed'a ko agama ( myambago )?

smbag: aya BED'A myambago ko agama na so langon o kaabanyan dalil sa qur'an ago hadits.

pitharo o allah sa qur'an: ( Antaa ka ba adn a rk iran a manga sakotowa a inibtad iran a rk iran so pd ko agama a da sogoon o Allāh, oda so 1420 katharo a gintas na disomala a gtasn so lt iran, mataan so manga pananakoto na adn a bagian iran a siksa a masakit ) suratossura (21)

go pitharo o rasol saw:(sadn sanggalbk sa galbk a ( mapya odi na simba) a knaba pd ko sogoanami a ( wajib odi na sunna ) na dion khatarima so galbkyan) al-hadits.

4)antaa i pinaka makalulubi a mga taw ko oriyan o rasolollah saw?

smbag: so mga sahaba o rasolollah saw!

pitharo o allah sa qur'an: ( Go so miangaoona a paganay a pd ko manga Muhajirīn 433 ago so manga Ansār ago so siran oto a mionot kiran sa mapiya na miasoat so Allāh sii kiran ago miasoat siran On, ago piagtadan Iyan siran sa manga kasorgaan a pphama-noga ko kababaan iyan so manga lawas a ig, sa tatap siran on sa dayon sa dayon, gioto so kapagontong a mala ) suratoltawba (100)

go pitharo o rasol saw: ( aya pinaka mpya ko mga taw na so mga taw ko masa akn oryan nayan so phkatondogon oryanyan naso phakatondogon ) bukhari wa muslem.

mga pagariami tanto aya mapya a makampt a katharo ka madadalmon so mga pontos a paratiyaya o ahlo sunna wal jamaa ( salafol sa'lih ).

KAPHIYAPIYA-I KO MBALA A LOKS

BANDINGAN KO SALAF

SO KISONGKADN KO MGA GALBK

 so mga simba ko allah na aya isosogo a kipnggolalanunon na sa okit a kininggolalanun o rasolollah saw" nago so mga sahabanyan! na o makaliyo kasan na mimbaloy so simbangka a bid'a sa datar a kyatharo aon anan a pagariakn!!!

- antonai kapakarayag a bed'a ini ?

aya karayagyan na gyanan so mga galabk a mitotompok sii ko mga simba ko allah a minggolalan sa rapaan a daokiti o nabi saw" nago dapn okiti o mga sagabanyan! na ayapman a pagilain roo na inoso dairanon kaokiti odi kinggolalanun, baadn a makaarn kiranon sa diiran oto inggolalan, odi na bairan oto da masoba a pamandapat? gyanan na margn a tharoon sii ko mga sahaba o rasolollah saw" ka aya kabasa o SALMA'N AL-FA'RISI gowani a iizaon a ino a inindao rkanokon o nabinyo so langowantaman..? na tigyan a oway!!

go so ABO ZAR AL-GIFFA'RI na pitharoiyan a inindao rkami o rasolollah saw" so langowantaman, na daa papanok a dii mlayolayog sii ko kawang inonta na minipangdao rakami o rasolollah saw" so matatagoon a ilmo!

sabap san na pitharo o allah sw" pantag ko kawawajib a aya onotan naso okit o mga sahaba : { Go sa taw a sankaan iyan so Rasūl ko oriyan o kiapayag on o toroan, ago onotan iyan so salakaw ko lalan o miamaratiaya " mga sahaba " na isompl Ami ron so pianarigan iyan, na iyawn Ami skaniyan ko Jahannam a marata a khandodan} al-nisa (115).

go pitharo o ibn mas-o'd "r" : sa taw khabaya mangilay sa okit a songkadn na ayanyan songkada " pananayani" so mayatay dn ka so oyagoyagpn na khapakay a mafitnabo! aya songkadn na so mga sahaba o rasolollah saw" a siran i pnaka mapya i poso sangkai a pagtan, nago pinaka madalm i ilmo " ko donya na aya mala naso islam" nago siran i maito i patoray!, pagtawsiran a pinili o allah a khabaloy a bolayoka o muhammad saw' nago go tabangaiyan ko kyapakatindga ko agama! na bganyo kiran so kabnariran a munang nago batogan nago kapakalalawan, ka siranman na siiko lalan a makaoontol!!

SO MGA PUNTONTOSAN KO PANARIMA O MGA MUSLEM A ( AHLUSSUNNA WAL JAMAA).

SO MGA PUNTONTOSAN KO PANARIMA O MGA MUSLEM A ( AHLUSSUNNA WAL JAMAA)...

 

title: so panarima a ontol , pakaiza nago sumbag!

lalan ko pinakamaporo a pangkatan ko surga!

1) so wata na miniza!

ama anda matatago so allah?

so ama: siiko langon o darpa na ron so allah ( wrong ).

sii sa langit ko poro o arshiyan ( correct )

pitharo o allah sa qur'an: Ba kano somiarig a so matatago ko langit agiyoto so Allah na diniyan rkano itambon so lopa na mitkaw skaniyan a tatagthrn a mabagr a linog? suratol mulk. (17)

2) antonaa i okit a kasimbaatano ko allah?

smbag: zimbaantano so allah sa datardn o kinisogooniyanon a kasimbaaon agoso kinisogoonon o rasolollah saw. a makararangko ko 1- kapagikhlas. 2- kisongkadn ko galbk ko kiniokitnon o nabi saw.

pitharo o allah sa qur'an: (Go da a inisogo kiran a rowar sa kasimbaa iran ko Allāh 2051 sa bonayonn iran on so pangni, odi na simba) surato bayyna (5)

go pitharo o rasol saw:(sadn sanggalbk sa galbk a ( mapya odi na simba) a knaba pd ko sogoanami a ( wajib odi na sunna ) na dion khatarima so galbkyan) al-hadits.

3) antonaa i mga bed'a ko agama ( myambago )?

smbag: aya BED'A myambago ko agama na so langon o kaabanyan dalil sa qur'an ago hadits.

pitharo o allah sa qur'an: ( Antaa ka ba adn a rk iran a manga sakotowa a inibtad iran a rk iran so pd ko agama a da sogoon o Allāh, oda so 1420 katharo a gintas na disomala a gtasn so lt iran, mataan so manga pananakoto na adn a bagian iran a siksa a masakit ) suratossura (21)

go pitharo o rasol saw:(sadn sanggalbk sa galbk a ( mapya odi na simba) a knaba pd ko sogoanami a ( wajib odi na sunna ) na dion khatarima so galbkyan) al-hadits.

4)antaa i pinaka makalulubi a mga taw ko oriyan o rasolollah saw?

smbag: so mga sahaba o rasolollah saw!

pitharo o allah sa qur'an: ( Go so miangaoona a paganay a pd ko manga Muhajirīn 433 ago so manga Ansār ago so siran oto a mionot kiran sa mapiya na miasoat so Allāh sii kiran ago miasoat siran On, ago piagtadan Iyan siran sa manga kasorgaan a pphama-noga ko kababaan iyan so manga lawas a ig, sa tatap siran on sa dayon sa dayon, gioto so kapagontong a mala ) suratoltawba (100)

go pitharo o rasol saw: ( aya pinaka mpya ko mga taw na so mga taw ko masa akn oryan nayan so phkatondogon oryanyan naso phakatondogon ) bukhari wa muslem.

mga pagariami tanto aya mapya a makampt a katharo ka madadalmon so mga pontos a paratiyaya o ahlo sunna wal jamaa ( salafol sa'lih ).